Ўзбекистон Республикасининг жиноят тўғрисидаги қонунчилиги Конституция ва халқаро ҳуқуқнинг умум эътироф этган нормаларига асосланган бўлиб, ушбу Кодексдан иборатдир. (ЎзР 21.04.2021 й. ЎРҚ-683-сон Қонуни таҳриридаги модда матни)

2-модда. Кодекснинг вазифалари

Жиноят кодексининг вазифалари шахсни, унинг ҳуқуқ ва эркинликларини, жамият ва давлат манфаатларини, мулкни, табиий муҳитни, тинчликни, инсоният хавфсизлигини жиноий тажовузлардан қўриқлаш, шунингдек жиноятларнинг олдини олиш, фуқароларни республика Конституцияси ва қонунларига риоя қилиш руҳида тарбиялашдан иборатдир.

Ана шу вазифаларни амалга ошириш учун Кодекс жавобгарликнинг асослари ва принципларини, қандай ижтимоий хавфли қилмишлар жиноят эканлигини аниқлайди, ижтимоий хавфли қилмишлар содир этган шахсларга нисбатан қўлланилиши мумкин бўлган жазо ва бошқа ҳуқуқий таъсир чораларини белгилайди.

Қаранг: ЖК*нинг 3-10-моддалари, Умумий қисмининг III-X, XV, XVII боблари, Махсус қисмининг I-XXIV боблари

3-модда. Кодекснинг принциплари

Жиноят кодекси қонунийлик, фуқароларнинг қонун олдида тенглиги, демократизм, инсонпарварлик, одиллик, айб учун жавобгарлик, жавобгарликнинг муқаррарлиги принципларига асосланади.

Қаранг: ЖКнинг 4-10-моддалари

Шунингдек қаранг: ОС Пленумининг 2006 йил 3 февралдаги "Судлар томонидан жиноят учун жазо тайинлаш амалиёти тўғрисида"ги 1-сон Қарорининг 1-банди

4-модда. Қонунийлик принципи

Содир этилган қилмишнинг жиноийлиги, жазога сазоворлиги ва бошқа ҳуқуқий оқибатлари фақат Жиноят кодекси билан белгиланади.

Ҳеч ким суднинг ҳукми бўлмай туриб жиноят содир қилишда айбли деб топилиши ва қонунга хилоф равишда жазога тортилиши мумкин эмас. Жиноят содир этишда айбдор деб топилган шахс қонунда белгиланган ҳуқуқлардан фойдаланади ва мажбуриятларни бажаради.

Қаранг: Конституция 26-моддасининг биринчи қисми; ЖПКнинг 23-моддаси; ЖИКнинг 2-боби

5-модда. Фуқароларнинг қонун олдида тенглиги принципи

(ЎзР 20.09.2024 й. ЎРҚ-963-сон Қонуни таҳриридаги модда матни)

Жиноят содир этган шахслар жинси, ирқи, миллати, тили, дини, эътиқоди, ижтимоий келиб чиқиши, ижтимоий мавқеидан қатъи назар, бир хил ҳуқуқ ва мажбуриятларга эга бўлиб, қонун олдида тенгдирлар.

Қаранг: Конституция 18-моддасининг биринчи қисми

6-модда. Демократизм принципи

Жамоат бирлашмалари, фуқароларнинг ўзини ўзи бошқариш органлари ёки жамоалар жиноят содир этган шахслар ахлоқини тузатиш ишига қонунда назарда тутилган ҳолларда жалб қилинишлари мумкин.

Қаранг: "Фуқароларнинг ўзини ўзи бошқариш органлари тўғрисида"ги Қонун (Янги таҳрири) 13-моддаси учинчи қисмининг йигирма бешинчи хатбоши

7-модда. Инсонпарварлик принципи

Жазо ва бошқа ҳуқуқий таъсир чоралари жисмоний азоб бериш ёки инсон қадр-қимматини камситиш мақсадини кўзламайди.

Қаранг: Конституция 26-моддасининг иккинчи қисми; ЖПКнинг 17-моддаси

Жиноят содир этган шахсга нисбатан у ахлоқан тузалиши ва янги жиноят содир этишининг олдини олиш учун зарур ҳамда етарли бўладиган жазо тайинланиши ёки бошқа ҳуқуқий таъсир чораси қўлланилиши керак.

Қаранг: ЖКнинг 16, 54-моддалари

Жазолашдан кўзланган мақсадга ушбу Кодекс Махсус қисмининг тегишли моддаларида назарда тутилган енгилроқ чораларни қўллаш орқали эришиб бўлмайдиган тақдирдагина оғирроқ жазо чоралари тайинланиши мумкин.

Қаранг: ЖК Умумий қисмининг XI боби

8-модда. Одиллик принципи

Жиноят содир этишда айбдор бўлган шахсга нисбатан қўлланиладиган жазо ёки бошқа ҳуқуқий таъсир чораси одилона бўлиши, яъни жиноятнинг оғир-енгиллигига, айбнинг ва шахснинг ижтимоий хавфлилик даражасига мувофиқ бўлиши керак.

Қаранг: ЖКнинг 15, 20-моддалари

Шунингдек қаранг: ОС Пленумининг 2011 йил 11 февралдаги "Жиноий фаолиятдан олинган даромадларни легаллаштиришга оид ишлар бўйича суд амалиётининг айрим масалалари тўғрисида"ги 1-сон қарори 8-бандининг иккинчи хатбоши; ОС Пленумининг 2006 йил 3 февралдаги "Судлар томонидан жиноят учун жазо тайинлаш амалиёти тўғрисида"ги 1-сон Қарорининг 1, 3, 5-бандлари

Ҳеч ким айнан битта жиноят учун икки марта жавобгарликка тортилиши мумкин эмас.

9-модда. Айб учун жавобгарлик принципи

Шахс қонунда белгиланган тартибда айби исботланган ижтимоий хавфли қилмишлари учунгина жавобгар бўлади.

Қаранг: Конституция 26-моддасининг биринчи қисми; ЖПКнинг 8, 9-боблари

10-модда. Жавобгарликнинг муқаррарлиги принципи

Қилмишида жиноят таркибининг мавжудлиги аниқланган ҳар бир шахс жавобгарликка тортилиши шарт.

Шунингдек қаранг: ОС Пленумининг 2006 йил 3 февралдаги "Судлар томонидан жиноят учун жазо тайинлаш амалиёти тўғрисида"ги 1-сон Қарорининг 2-банди

II БОБ. КОДЕКСНИНГ АМАЛ ҚИЛИШ ДОИРАСИ

11-модда. Кодекснинг Ўзбекистон ҳудудида жиноят содир

этган шахсларга нисбатан амал қилиши

12-модда. Кодекснинг Ўзбекистон ҳудудидан ташқарида

жиноят содир этган шахсларга нисбатан амал қилиши

13-модда. Қонуннинг вақт бўйича амал қилиши

11-модда. Кодекснинг Ўзбекистон ҳудудида жиноят

содир этган шахсларга нисбатан амал қилиши

Ўзбекистон ҳудудида жиноят содир этган шахс ушбу Кодекс бўйича жавобгарликка тортилади.

Қилмиш:

а) Ўзбекистон ҳудудида бошланган, тамомланган ёки тўхтатилган бўлса;

б) Ўзбекистон ҳудудидан ташқарида содир этилиб, жиноий оқибати эса, Ўзбекистон ҳудудида юз берган бўлса;

в) Ўзбекистон ҳудудида содир этилиб, жиноий оқибати эса, Ўзбекистон ҳудудидан ташқарида юз берган бўлса;

г) бир неча қилмишлардан иборат ёки бошқа қилмишлар билан биргаликда содир этилган бўлиб, унинг бир қисми Ўзбекистон ҳудудида юз берган бўлса, Ўзбекистон ҳудудида содир этилган жиноят деб топилади.

Ўзбекистон байроғи остидаги ёки Ўзбекистон портида рўйхатга олинган ҳаво, денгиз ёки дарё кемасида Ўзбекистон ҳудудидан ташқарида бўлиб, чет эл давлати ҳудуди ҳисобланмаган жойда жиноят содир этилса, бундай жиноят учун ушбу Кодекс бўйича жавобгарликка тортилади.

Амалдаги қонунлар, халқаро шартномалар ёки битимларга мувофиқ чет эл фуқароларининг жавобгарлиги тўғрисидаги масала Ўзбекистон Республикаси судларига тегишли бўлмаса, улар Ўзбекистон Республикаси ҳудудида жиноят содир этган ҳолда, халқаро ҳуқуқ нормаларига мувофиқ ҳал қилинади.

12-модда. Кодекснинг Ўзбекистон ҳудудидан ташқарида

жиноят содир этган шахсларга нисбатан амал қилиши

Ўзбекистон Республикаси фуқаролари, шунингдек Ўзбекистонда доимий яшовчи фуқаролиги бўлмаган шахслар, башарти бошқа давлат ҳудудида содир этган жиноят учун ўша давлат судининг ҳукми билан жазоланган бўлмасалар, ушбу Кодекс бўйича жавобгарликка тортиладилар.

Ўзбекистон фуқароси чет эл давлати ҳудудида содир этган жинояти учун, агар халқаро шартномалар ёки битимларда бошқача ҳол назарда тутилмаган бўлса, ушлаб берилиши мумкин эмас.

Қаранг: 1993 йил 22 январда Минск шаҳрида имзоланган "Фуқаролик, оилавий ва жиноий ишлар бўйича ҳуқуқий ёрдам ва ҳуқуқий муносабатлар тўғрисида"ги Конвенциянинг 56, 57-моддалари (ҳужжат рус тилида келтирилган); ЖПК 603-моддаси биринчи қисмининг иккинчи хатбоши; "Ўзбекистон Республикасининг фуқаролиги тўғрисида"ги Қонуннинг 1, 9-моддалари

Чет эл фуқаролари, шунингдек Ўзбекистон ҳудудида доимий яшамайдиган фуқаролиги бўлмаган шахслар Ўзбекистон ҳудудидан ташқарида содир этган жиноятлари учун фақат халқаро шартномалар ёки битимларда назарда тутилган ҳоллардагина ушбу Кодекс бўйича жавобгарликка тортиладилар.

13-модда. Қонуннинг вақт бўйича амал қилиши

Қилмишнинг жиноийлиги ва жазога сазоворлиги ана шу қилмиш содир этилган вақтда амалда бўлган қонун билан белгиланади. Агар ушбу Кодекс моддасида ҳаракат ёки ҳаракатсизлик содир қилиш пайти жиноят тамомланган пайт деб ҳисобланган бўлса, ижтимоий хавфли қилмиш бажарилган пайт жиноят содир қилинган вақт деб топилади. Агарда ушбу Кодекс моддасида жиноий оқибат юз бериши билан жиноят тамом бўлган деб ҳисобланган бўлса, жиноий оқибат юз берган пайт жиноят содир этиш вақти деб топилади.

Қилмишнинг жиноийлигини бекор қиладиган, жазони енгиллаштирадиган ёки шахснинг аҳволини бошқача тарзда яхшилайдиган қонун орқага қайтиш кучига эга, яъни ушбу қонун кучга киргунга қадар тегишли жиноий қилмиш содир этган шахсларга, шу жумладан, жазони ўтаётган ёки ўтаб бўлган шахсларга нисбатан, агар улар ҳали судланган ҳисоблансалар, татбиқ этилади.

Шунингдек қаранг: ОС Пленумининг 2006 йил 22 декабрдаги "Судлар томонидан амнистия актларини қўллашнинг айрим масалалари тўғрисида"ги 16-сон Қарори 7-бандининг иккинчи хатбоши; ОС Пленумининг 2013 йил 11 декабрдаги "Тадбиркорлик фаолияти билан боғлиқ ишлар бўйича суд амалиётининг айрим масалалари тўғрисида"ги 20-сон Қарорининг 13-3-банди; ОС Пленумининг 2015 йил 18 сентябрдаги "Судланганлик ҳолати тугалланиши ва олиб ташланишига оид қонунчиликни қўллаш бўйича суд амалиёти тўғрисида"ги 13-сон Қарорининг 6-банди

Қилмишни жиноят деб ҳисоблайдиган, жазони кучайтирадиган ёки шахснинг ҳолатини бошқача тарзда ёмонлаштирадиган қонун орқага қайтиш кучига эга эмас.

Қаранг: "Норматив-ҳуқуқий ҳужжатлар тўғрисида"ги Қонуннинг (Янги таҳрири) 31-моддаси

ИККИНЧИ БЎЛИМ. ЖАВОБГАРЛИК АСОСЛАРИ

III боб. Жиноят (14-16-моддалар)

IV боб. Жавобгарликка тортилиши лозим бўлган

шахслар (17-19-моддалар)

V боб. Айб (20-24-моддалар)

VI боб. Тамом бўлмаган жиноят (25-26-моддалар)

VII боб. Жиноятда иштирокчилик (27-31-моддалар)

VIII боб. Бир қанча жиноят содир этиш (32-34-моддалар)

III БОБ. ЖИНОЯТ

14-модда. Жиноят тушунчаси

15-модда. Жиноятларни таснифлаш

16-модда. Жиноят учун жавобгарлик ва унинг асослари

14-модда. Жиноят тушунчаси

Ушбу Кодекс билан тақиқланган, айбли ижтимоий хавфли қилмиш (ҳаракат ёки ҳаракатсизлик) жазо қўллаш таҳдиди билан жиноят деб топилади.

Қаранг: ЖК Умумий қисмининг V боби

Ушбу Кодекс билан қўриқланадиган объектларга зарар етказадиган ёки шундай зарар етказиш реал хавфини келтириб чиқарадиган қилмиш ижтимоий хавфли қилмиш деб топилади.

Қаранг: ЖК 2-моддасининг биринчи қисми

15-модда. Жиноятларни таснифлаш

Жиноятлар ўз хусусияти ва ижтимоий хавфлилик даражасига кўра: ижтимоий хавфи катта бўлмаган; унча оғир бўлмаган; оғир; ўта оғир жиноятларга бўлинади.

Ижтимоий хавфи катта бўлмаган жиноятларга қасддан содир этилиб, қонунда уч йилдан кўп бўлмаган муддатга озодликдан маҳрум қилиш тарзидаги жазо назарда тутилган жиноятлар, шунингдек эҳтиётсизлик оқибатида содир этилиб, қонунда беш йилдан кўп бўлмаган муддатга озодликдан маҳрум қилиш тарзидаги жазо назарда тутилган жиноятлар киради. (ЎзР 29.08.2001 й. 254-II-сон Қонуни таҳриридаги қисм)

Унча оғир бўлмаган жиноятларга қасддан содир этилиб, қонунда уч йилдан ортиқ, лекин беш йилдан кўп бўлмаган муддатга озодликдан маҳрум қилиш тарзидаги жазо назарда тутилган жиноятлар, шунингдек эҳтиётсизлик оқибатида содир этилиб, қонунда беш йилдан ортиқ муддатга озодликдан маҳрум қилиш тарзидаги жазо назарда тутилган жиноятлар киради. (ЎзР 29.08.2001 й. 254-II-сон Қонуни таҳриридаги қисм)

Оғир жиноятларга қасддан содир этилиб, қонунда оғир жазо сифатида беш йилдан ортиқ, лекин ўн йилдан кўп бўлмаган муддатга озодликдан маҳрум қилиш назарда тутилган жиноятлар киради.

Ўта оғир жиноятларга қасддан содир этилиб, қонунда ўн йилдан ортиқ муддатга озодликдан маҳрум қилиш ёхуд умрбод озодликдан маҳрум қилиш жазоси назарда тутилган жиноятлар киради. (ЎзР 11.07.2007 й. ЎРҚ-99-сон Қонуни таҳриридаги қисм)

Шунингдек қаранг: ОС Пленумининг 2006 йил 3 февралдаги "Судлар томонидан жиноят учун жазо тайинлаш амалиёти тўғрисида"ги 1-сон Қарори 3-бандининг иккинчи, учинчи хатбошилари

16-модда. Жиноят учун жавобгарлик ва унинг асослари

Жиноят учун жавобгарлик - жиноят содир этишда айбдор бўлган шахсга нисбатан суд томонидан ҳукм қилиш, жазо ёки бошқа ҳуқуқий таъсир чораси қўлланилишида ифодаланадиган жиноят содир этишнинг ҳуқуқий оқибатидир.

Ушбу Кодексда назарда тутилган жиноят таркибининг барча аломатлари мавжуд бўлган қилмишни содир этиш жавобгарликка тортиш учун асос бўлади.

Қаранг: ЖКнинг 14-моддаси

IV БОБ. ЖАВОБГАРЛИККА ТОРТИЛИШИ

ЛОЗИМ БЎЛГАН ШАХСЛАР

17-модда. Жисмоний шахсларнинг жавобгарлиги

18-модда. Ақли расолик

18-1-модда. Ақли расоликни истисно этмайдиган тарзда

руҳий ҳолати бузилган шахснинг жавобгарлиги

19-модда. Мастлик ҳолатида содир этилган

жиноят учун жавобгарлик

17-модда. Жисмоний шахсларнинг жавобгарлиги

Жиноят содир этгунга қадар ўн олти ёшга тўлган, ақли расо жисмоний шахслар жавобгарликка тортиладилар.

Қаранг: ЖКнинг 18-моддаси

ЎзР 07.12.2021 й. ЎРҚ-735-сон Қонунига мувофиқ иккинчи қисм чиқариб ташланган

Жиноят содир этгунга қадар ўн уч ёшга тўлган шахслар жавобгарликни оғирлаштирадиган ҳолатларда қасддан одам ўлдирганликлари (97-модданинг иккинчи қисми) учунгина жавобгарликка тортиладилар.

ЎзР 07.12.2021 й. ЎРҚ-735-сон Қонунига мувофиқ учинчи, тўртинчи ва бешинчи қисмлари иккинчи, учинчи ва тўртинчи қисмлар деб ҳисоблансин

Жиноят содир этгунга қадар ўн тўрт ёшга тўлган шахслар ушбу Кодекс 97, 98, 104-106, 118, 119-моддалари, 126-1-моддасининг тўртинчи - саккизинчи қисмларида, 137, 164-166, 169-моддалари, 173-моддасининг иккинчи ва учинчи қисмлари, 220, 222, 247, 252, 263, 267, 271-моддалари, 277-моддасининг иккинчи ва учинчи қисмларида назарда тутилган жиноятлар учун жавобгарликка тортиладилар. (ЎзР 11.04.2023 й. ЎРҚ-829-сон Қонуни таҳриридаги қисм) (Олдинги таҳририга қаранг)

Ушбу Кодекснинг 122, 123, 125-1-моддаларида, 126-1-моддасининг биринчи ва иккинчи қисмларида, 127, 127-1, 128-1, 144, 146, 193-195, 205-210, 225, 226, 230-232, 234, 235, 279-302-моддаларида назарда тутилган жиноятлар учун жиноят содир этгунга қадар ўн саккиз ёшга тўлган шахслар жавобгарликка тортиладилар. (ЎзР 11.04.2023 й. ЎРҚ-829-сон Қонуни таҳриридаги қисм) (Олдинги таҳририга қаранг)

Ўн саккиз ёшга тўлгунга қадар жиноят содир этган шахслар умумий қоидаларга мувофиқ ва ушбу Кодекснинг Умумий қисми олтинчи бўлимида назарда тутилган хусусиятлар ҳисобга олинган ҳолда жавобгарликка тортиладилар.

18-модда. Ақли расолик

(ЎзР 12.09.2019 й. ЎРҚ-567-сон Қонуни таҳриридаги модда матни)

(Олдинги таҳририга қаранг)

Жиноят содир этиш вақтида ўз ҳаракатларининг (ҳаракатсизлигининг) ижтимоий хавфли хусусиятини англаган ва уларни бошқара олган шахс ақли расо шахсдир.

Ижтимоий хавфли қилмишни содир этиш вақтида ақли норасо ҳолатда бўлган, яъни руҳий ҳолати сурункали ёки вақтинча бузилганлиги, ақли заифлиги ёхуд руҳий ҳолати бошқача тарзда бузилганлиги сабабли ўз ҳаракатларининг (ҳаракатсизлигининг) аҳамиятини англай олмаган ёки уларни бошқара олмаган шахс жавобгарликка тортилмайди.

Ақли норасолик ҳолатида ижтимоий хавфли қилмиш содир этган шахсга нисбатан суд томонидан тиббий йўсиндаги мажбурлов чоралари тайинланиши мумкин.

Қаранг: ЖК Умумий қисмининг XVII боби

Шунингдек қаранг: ОС Пленумининг 2010 йил 29 октябрдаги "Номусга тегиш ва жинсий эҳтиёжни ғайритабиий усулда қондиришга доир ишлар бўйича суд амалиёти тўғрисида"ги 13-сон Қарори 12-бандининг биринчи хатбоши; ОС Пленумининг 2008 йил 12 декабрдаги "Руҳий касалликка чалинган шахсларга нисбатан тиббий йўсиндаги мажбурлов чораларини қўллаш бўйича суд амалиёти тўғрисида"ги 23-сон Қарори

18-1-модда. Ақли расоликни истисно этмайдиган тарзда

руҳий ҳолати бузилган шахснинг жавобгарлиги

(ЎзР 12.09.2019 й. ЎРҚ-567-сон Қонунига мувофиқ киритилган модда)

Жиноят содир этиш вақтида руҳий ҳолати бузилганлиги туфайли ўз ҳаракатларининг (ҳаракатсизлигининг) аҳамиятини тўлиқ даражада англай олмаган ёки уларни бошқара олмаган ақли расо шахс жавобгарликка тортилади.

Ақли расоликни истисно этмайдиган тарзда руҳий ҳолати бузилган шахсга нисбатан суд томонидан жазо билан бирга тиббий йўсиндаги мажбурлов чоралари тайинланиши мумкин.

Қаранг: ЖК Умумий қисмининг XVII боби

19-модда. Мастлик ҳолатида содир этилган

жиноят учун жавобгарлик

Мастлик ҳолатида ёки гиёҳвандлик воситалари, уларнинг аналоглари, психотроп ёки одамнинг ақл-иродасига таъсир этувчи бошқа моддалар таъсири остида жиноят содир этган шахс жавобгарликдан озод қилинмайди. Бундай ҳолат шахсни ақли норасо деб топиш учун асос бўлмайди. (ЎзР 22.10.2018 й. ЎРҚ-503-сон Қонуни таҳриридаги модда матни)

V БОБ. АЙБ

20-модда. Айбнинг шакллари

21-модда. Қасддан содир этилган жиноят

22-модда. Эҳтиётсизлик орқасида содир этилган жиноят

23-модда. Мураккаб айбли жиноят

24-модда. Айбсиз ҳолда зарар етказиш

20-модда. Айбнинг шакллари

Ушбу Кодексда назарда тутилган ижтимоий хавфли қилмишни қасддан ёки эҳтиётсизлик орқасида содир этган шахс жиноят содир этилишида айбдор деб топилиши мумкин.

Қаранг: ЖКнинг 9-моддаси, 14-моддасининг иккинчи қисми

21-модда. Қасддан содир этилган жиноят

Ушбу Кодекс моддасида жиноят тамом бўлган пайт ижтимоий хавфли қилмиш бажарилган вақт деб ҳисобланган бўлиб, уни содир этган шахс ўз қилмишининг ижтимоий хавфлилик хусусиятини англаган ва шундай қилмишни содир этишни истаган бўлса, бундай жиноят қасддан содир этилган деб топилади.

Ушбу Кодекс моддасида жиноят тамом бўлган пайт ижтимоий хавфли оқибат юз берган вақт деб топилган қилмишлар тўғри ёки эгри қасддан содир этилган бўлиши мумкин.

Агар шахс ўз қилмишининг ижтимоий хавфли хусусиятини англаган, унинг ижтимоий хавфли оқибатларига кўзи етган ва уларнинг юз беришини истаган бўлса, бундай жиноят тўғри қасддан содир этилган деб топилади.

Агар шахс ўз қилмишининг ижтимоий хавфли хусусиятини англаган, унинг ижтимоий хавфли оқибатларига кўзи етган ва уларнинг юз беришига онгли равишда йўл қўйган бўлса, бундай жиноят эгри қасддан содир этилган деб топилади.

Шунингдек қаранг: ОС Пленумининг 2013 йил 31 майдаги "Солиқлар ва бошқа мажбурий тўловларни тўлашдан бўйин товлаганлик учун жавобгарликка оид қонунчиликнинг судлар томонидан қўлланилиши тўғрисида"ги 8-сон Қарорининг 6-банди; ОС Пленумининг 2004 йил 24 сентябрдаги "Қасддан одам ўлдиришга оид ишлар бўйича суд амалиёти тўғрисида"ги 13-сон Қарорининг 2-банди; ОС Пленумининг 1996 йил 20 декабрдаги "Транспорт воситаларини олиб қочиш ишлари бўйича суд амалиёти"ги 37-сон Қарори 3-бандининг биринчи хатбоши

22-модда. Эҳтиётсизлик орқасида содир этилган жиноят

Ўз-ўзига ишониш ёки бепарволик орқасида содир этилган ижтимоий хавфли қилмиш эҳтиётсизлик орқасида содир этилган жиноят деб топилади.

Агар жиноятни содир этган шахс ўз хулқ-атвори қонунда назарда тутилган ижтимоий хавфли оқибатлар келтириб чиқариши мумкинлигига кўзи ета туриб, эҳтиёткорлик чора-тадбирларига онгли равишда риоя этмаган ҳолда бундай оқибатлар келиб чиқмаслигига асоссиз равишда умид қилган бўлса, бундай жиноят ўз-ўзига ишониш оқибатида содир этилган деб топилади.

Агар жиноят содир этган шахс ўз хулқ-атвори қонунда назарда тутилган ижтимоий хавфли оқибатлар келтириб чиқариши мумкинлигига кўзи етмаса-да, лекин кўзи етиши лозим ва мумкин бўлса, бундай жиноят бепарволик орқасида содир этилган деб топилади.

23-модда. Мураккаб айбли жиноят

Агар шахснинг қасддан жиноят содир этиши натижасида эҳтиётсизлик орқасида бошқа ижтимоий хавфли оқибатлар юз берган ва шундай қилмишни қонун қаттиқроқ жавобгарлик билан боғлаган бўлса, бундай жиноят қасддан содир этилган деб топилади.

24-модда. Айбсиз ҳолда зарар етказиш

Агар шахс ўз қилмишининг ижтимоий хавфлилик хусусиятини англамаган, англаши мумкин ва лозим ҳам бўлмаган ёки унинг ижтимоий хавфли оқибатларига кўзи етмаган ва ишнинг ҳолатларига кўра кўзи етиши мумкин ва лозим ҳам бўлмаган бўлса, бундай қилмиш айбсиз ҳолда содир этилган деб топилади.

VI БОБ. ТАМОМ БЎЛМАГАН ЖИНОЯТ

25-модда. Жиноятга тайёргарлик кўриш ва жиноят

содир этишга суиқасд қилиш

26-модда. Жиноят содир этишдан ихтиёрий қайтиш

25-модда. Жиноятга тайёргарлик кўриш ва

жиноят содир этишга суиқасд қилиш

Шахснинг қасддан қилинадиган жиноятни содир этиш ёки яшириш учун шарт-шароит яратувчи қилмиши ўзига боғлиқ бўлмаган ҳолатларга кўра содир этилиши бошлангунга қадар тўхтатилган бўлса, бундай қилмиш жиноятга тайёргарлик кўриш деб топилади.

Қасддан содир этиладиган жиноят бошланиб, шахсга боғлиқ бўлмаган ҳолатларга кўра охирига етказилмаган бўлса, жиноят содир этишга суиқасд деб топилади.

Жиноятга тайёргарлик кўрганлик ва жиноят содир этишга суиқасд қилганлик учун жавобгарлик ҳам ушбу Кодекс Махсус қисмининг тамом бўлган жиноят учун жавобгарликни белгиловчи моддасига мувофиқ ҳал қилинади.

Шунингдек қаранг: ОС Пленумининг 2008 йил 15 майдаги "Бир неча жиноят содир этилганда қилмишни квалификация қилишга доир масалалар тўғрисида"ги 13-сон Қарорининг 13-банди; ОС Пленумининг 2004 йил 24 сентябрдаги "Қасддан одам ўлдиришга оид ишлар бўйича суд амалиёти тўғрисида"ги 13-сон Қарорининг 3-банди; ОС Пленумининг 1999 йил 24 сентябрдаги "Порахўрлик ишлари бўйича суд амалиёти тўғрисида"ги 19-сон Қарорининг 5-банди; ОС Пленумининг 1998 йил 11 сентябрдаги "Ўзини ўзи ўлдириш даражасига етказиш жиноят ишлари бўйича суд амалиёти тўғрисида"ги 20-сон Қарорининг 7-банди; ОС Пленумининг 2017 йил 28 апрелдаги "Гиёхвандлик воситалари ва психотроп моддалар билан конунга хилоф равишда муомала килишга оид жиноят ишлари бўйича суд амалиёти тўгрисида"ги 12-сон Карори 20-бандининг учинчи хатбоши, 25-банди

26-модда. Жиноят содир этишдан ихтиёрий қайтиш

Шахс жиноятга тайёргарлик кўриш ҳаракатларини ёки жиноят содир этишга бевосита қаратилган ҳаракатларни охирига етказиш мумкинлигини англаган ҳолда тўхтатса, шунингдек жиноий оқибат келиб чиқиши мумкинлигини англаган ҳолда, шундай оқибат келиб чиқишининг олдини олса, жиноят содир этишдан ихтиёрий қайтиш деб топилади.

Жиноят содир этишдан ихтиёрий қайтиш жавобгарликни истисно қилади.

Қаранг: "Терроризмга қарши кураш тўғрисида"ги Қонун 28-моддасининг иккинчи қисми

Жиноятни охирига етказишдан ихтиёрий қайтган шахс, агар амалда содир этган қилмишида бошқа жиноят таркибининг барча аломатлари бўлса, ушбу Кодекс бўйича жавобгарликка тортилади.

Қаранг: ЖК 58-моддасининг биринчи қисми

VII БОБ. ЖИНОЯТДА ИШТИРОКЧИЛИК

27-модда. Жиноятда иштирокчилик тушунчаси

28-модда. Жиноят иштирокчиларининг турлари

29-модда. Иштирокчиликнинг шакллари

30-модда. Жиноятда иштирок этгани учун жавобгарлик доираси

31-модда. Жиноятга дахлдорлик

27-модда. Жиноятда иштирокчилик тушунчаси

Икки ёки ундан ортиқ шахснинг қасддан жиноят содир этишда биргалашиб қатнашиши иштирокчилик деб топилади.

28-модда. Жиноят иштирокчиларининг турлари

Жиноятни бажарувчи билан бир қаторда ташкилотчи, далолатчи ва ёрдамчилар ҳам жиноят иштирокчилари деб топилади.

Жиноятни бевосита тўла ёки қисман содир этган ёхуд ушбу Кодексга мувофиқ жавобгарликка тортилиши мумкин бўлмаган шахслардан ёки бошқа воситалардан фойдаланиб, жиноят содир этган шахс бажарувчи деб топилади.

Жиноятга тайёргарлик кўрилишига ёки жиноят содир этилишига раҳбарлик қилган шахс ташкилотчи деб топилади.

Жиноят содир этилишига қизиқтирувчи шахс далолатчи деб топилади.

Жиноят содир этилишига ўз маслаҳатлари, кўрсатмалари билан, воситалар бериш ёки тўсиқларни йўқотиш билан кўмаклашган, шунингдек жиноятчини, жиноят содир этиш қуроли, излари ва воситаларини ёхуд жиноий йўл билан қўлга киритилган нарсаларни яширишга, шунингдек бундай нарсаларни олиш ва ўтказиш тўғрисида олдиндан ваъда берган шахс ёрдамчи деб топилади.

Шунингдек қаранг: ОС Пленумининг 2013 йил 6 сентябрдаги "Божхона тўғрисидаги қонунчиликни бузиш ва контрабандага оид ишлар бўйича суд амалиёти ҳақида"ги 18-сон Қарори 15-бандининг учинчи хатбоши; ОС Пленумининг 2013 йил 31 майдаги "Солиқлар ва бошқа мажбурий тўловларни тўлашдан бўйин товлаганлик учун жавобгарликка оид қонунчиликнинг судлар томонидан қўлланилиши тўғрисида"ги 8-сон Қарорининг 11-банди; ОС Пленумининг 2011 йил 11 февралдаги "Жиноий фаолиятдан олинган даромадларни легаллаштиришга оид ишлар бўйича суд амалиётининг айрим масалалари тўғрисида"ги 1-сон Қарорининг 6-банди; ОС Пленумининг 2010 йил 29 октябрдаги "Номусга тегиш ва жинсий эҳтиёжни ғайритабиий усулда қондиришга доир ишлар бўйича суд амалиёти тўғрисида"ги 13-сон Қарори 12-бандининг иккинчи, учинчи хатбошилари; ОС Пленумининг 2008 йил 15 майдаги "Бир неча жиноят содир этилганда қилмишни квалификация қилишга доир масалалар тўғрисида"ги 13-сон Қарори 12-бандининг иккинчи, учинчи хатбошилари; ОС Пленумининг 2004 йил 24 сентябрдаги "Қасддан одам ўлдиришга оид ишлар бўйича суд амалиёти тўғрисида"ги 13-сон Қарори 14-бандининг иккинчи, учинчи хатбошилари; ОС Пленумининг 2004 йил 21 майдаги "Жазоларни либераллаштириш тўғрисидаги қонунни иқтисодиёт соҳасидаги жиноятларга нисбатан қўллашнинг айрим масалалари ҳақида"ги 4-сон Қарори 8-бандининг иккинчи хатбоши; ОС Пленумининг 2000 йил 15 сентябрдаги "Ҳарбий хизматни ўташ тартибига қарши жиноятларга оид ишларни кўриш бўйича суд амалиёти тўғрисида"ги 23-сон Қарори 3.1-бандининг тўртинчи, бешинчи хатбошилари; ОС Пленумининг 1999 йил 24 сентябрдаги "Порахўрлик ишлари бўйича суд амалиёти тўғрисида"ги 19-сон Қарорининг 6-банди

29-модда. Иштирокчиликнинг шакллари

Жиноятда иштирокчилик: оддий иштирокчилик, мураккаб иштирокчилик, уюшган гуруҳ, жиноий уюшма шаклида бўлади.

Икки ёки ундан ортиқ шахснинг олдиндан тил бириктирмай жиноят содир этишда қатнашиши оддий иштирокчилик деб топилади.

Икки ёки ундан ортиқ шахснинг олдиндан тил бириктириб жиноят содир этилишида иштирок қилиши мураккаб иштирокчилик деб топилади.

Икки ёки ундан ортиқ шахснинг биргаликда жиноий фаолият олиб бориш учун олдиндан бир гуруҳга бирлашиши уюшган гуруҳ деб топилади.

Шунингдек қаранг: ОС Пленумининг 2011 йил 11 февралдаги "Жиноий фаолиятдан олинган даромадларни легаллаштиришга оид ишлар бўйича суд амалиётининг айрим масалалари тўғрисида"ги 1-сон Қарори 2-бандининг биринчи хатбоши; ОС Пленумининг 1996 йил 20 декабрдаги "Транспорт воситаларини олиб қочиш ишлари бўйича суд амалиёти"ги 37-сон Қарорининг 5-банди

Икки ёки ундан ортиқ уюшган гуруҳнинг жиноий фаолият билан шуғулланиш учун олдиндан бирлашиши жиноий уюшма деб топилади.

Қаранг: ЖКнинг 242-моддаси

30-модда. Жиноятда иштирок этганлик

учун жавобгарлик доираси

Ташкилотчи, далолатчи ва ёрдамчилар ҳам ушбу Кодекс Махсус қисмининг бажарувчини жавобгарликка тортиш белгиланган моддаси бўйича жавобгарликка тортиладилар.

Олдиндан тил бириктирган гуруҳ, жиноий гуруҳ ва жиноий уюшманинг ташкилотчилари ҳамда аъзолари тайёргарлик кўрилиши ёки содир этилишида ўзлари қатнашган барча жиноятлар учун жавобгарликка тортиладилар.

Уюшган гуруҳ ёки жиноий уюшма ташкил этган ёки уларга раҳбарлик қилган шахслар шу гуруҳ ёки уюшма содир этган барча жиноятлар учун, башарти, бу жиноятлар уларнинг жиноий нияти билан қамраб олинган бўлса, жавобгарликка тортиладилар.

Бошқа иштирокчиларнинг жиноий нияти билан қамраб олинмаган қилмиш учун уни содир этган шахс жавобгар бўлади.

Ташкилотчи, далолатчи ёки ёрдамчи жиноятдан ихтиёрий равишда қайтиб, жиноятнинг олдини олиш учун ўзига боғлиқ бўлган барча чораларни ўз вақтида кўрганлиги, жиноятда иштирокчилик учун жавобгарликни истисно қилади.

Қаранг: "Терроризмга қарши кураш тўғрисида"ги Қонун 28-моддасининг иккинчи қисми

Шунингдек қаранг: ОС Пленумининг 2006 йил 3 февралдаги "Судлар томонидан жиноят учун жазо тайинлаш амалиёти тўғрисида"ги 1-сон Қарори 11-бандининг иккинчи хатбоши

31-модда. Жиноятга дахлдорлик

Жиноятга тайёргарлик кўрилаётганлиги, жиноят содир этилаётганлиги ёки жиноят содир этилганлиги ҳақида аниқ била туриб, олдиндан ваъда бермаган ҳолда, ҳокимият органларига хабар қилмаслик, ушбу Кодекснинг 155-1 ва 241-моддаларида назарда тутилган ҳоллардагина жавобгарликка сабаб бўлади. (ЎзР 25.04.2016 й. ЎРҚ-405-сон Қонуни таҳриридаги қисм)

Жиноятчини, жиноят содир этиш қуроли ва воситаларини, жиноят изларини ёки жиноий йўл билан қўлга киритилган нарсаларни олдиндан ваъда бермаган ҳолда яширганлик ушбу Кодекснинг 241-моддасида назарда тутилган ҳоллардагина жавобгарликка сабаб бўлади.

Олдиндан ваъда бермаган ҳолда жиноят ҳақида хабар бермаганлик ёки жиноятни яширганлик учун гумон қилинувчи, айбланувчи ёки судланувчининг яқин қариндошлари жавобгарликка тортилмайди.

Шунингдек қаранг: ОС Пленумининг 2014 йил 23 майдаги "Суд ҳукми тўғрисида"ги 7-сон Қарорининг 17-банди

VIII БОБ. БИР ҚАНЧА ЖИНОЯТ СОДИР ЭТИШ

32-модда. Такроран жиноят содир этиш

33-модда. Жиноятлар мажмуи

34-модда. Рецидив жиноят

32-модда. Такроран жиноят содир этиш

Ушбу Кодекс Махсус қисмининг айнан бир моддасида, қисмида, Кодексда алоҳида кўрсатилган ҳолларда эса, турли моддаларида назарда тутилган икки ёки бир неча жиноятни шахс турли вақтларда содир этган, аммо уларнинг бирортаси учун ҳам судланган бўлмаса, такроран жиноят содир этиш деб топилади. Тамом бўлган жиноят ҳам, жазога сазовор бўлган жиноятга тайёргарлик кўриш ёки жиноят содир этишга суиқасд қилиш ҳам, шунингдек иштирокчиликда жиноят содир этиш ҳам такроран жиноят содир этиш деб топилади.

Шунингдек қаранг: ОС Пленумининг 2008 йил 15 майдаги "Бир неча жиноят содир этилганда қилмишни квалификация қилишга доир масалалар тўғрисида"ги 13-сон Қарори 2-бандининг биринчи, учинчи-олтинчи хатбошилари, 14-банди, 15-бандининг иккинчи хатбоши; ОС Пленумининг 2004 йил 21 майдаги "Жазоларни либераллаштириш тўғрисидаги қонунни иқтисодиёт соҳасидаги жиноятларга нисбатан қўллашнинг айрим масалалари ҳақида"ги 4-сон Қарори 6-бандининг биринчи, учинчи хатбошилари

Агар шахс илгари содир этган қилмиши учун жавобгарликдан ёки жазодан озод қилинган бўлса, жиноят такроран содир этилган деб топилмайди.

Шунингдек қаранг: ОС Пленумининг 2008 йил 15 майдаги "Бир неча жиноят содир этилганда қилмишни квалификация қилишга доир масалалар тўғрисида"ги 13-сон Қарорининг 3-банди

Умумий қасд билан қамраб олинган ва ягона мақсадга йўналтирилган бир жиноят таркибини ташкил қилувчи бир-бирига ўхшаш бир неча жиноий қилмишлардан иборат бўлган (давомли) жиноят такроран содир этилган деб топилмайди.

Шунингдек қаранг: ОС Пленумининг 2023 йил 23 июндаги "Фирибгарликка оид ишлар бўйича суд амалиёти тўгрисида"ги 17-сон Қарори 20-бандининг иккинчи хатбоши; ОС Пленумининг 2008 йил 15 майдаги "Бир неча жиноят содир этилганда қилмишни квалификация қилишга доир масалалар тўғрисида"ги 13-сон Қарорининг 4-банди; ОС Пленумининг 2004 йил 21 майдаги "Жазоларни либераллаштириш тўғрисидаги қонунни иқтисодиёт соҳасидаги жиноятларга нисбатан қўллашнинг айрим масалалари ҳақида"ги 4-сон Қарори 6-бандининг тўртинчи, бешинчи хатбошилари; ОС Пленумининг 1999 йил 30 апрелдаги "Ўзгалар мулкини ўғрилик, талончилик ва босқинчилик билан талон-торож қилиш жиноят ишлари бўйича суд амалиёти тўғрисида"ги 6-сон Қарори 8-бандининг учинчи хатбоши

Вазифаларини узоқ вақт мобайнида бажармасликдан иборат бўлиб, бир жиноятнинг узлуксиз таркибини ташкил қилган (узоққа чўзилган) жиноят такроран содир этилган деб топилмайди.

Шунингдек қаранг: ОС Пленумининг 2013 йил 31 майдаги "Солиқлар ва бошқа мажбурий тўловларни тўлашдан бўйин товлаганлик учун жавобгарликка оид қонунчиликнинг судлар томонидан қўлланилиши тўғрисида"ги 8-сон Қарори 12-бандининг иккинчи хатбоши; ОС Пленумининг 2010 йил 29 октябрдаги "Номусга тегиш ва жинсий эҳтиёжни ғайритабиий усулда қондиришга доир ишлар бўйича суд амалиёти тўғрисида"ги 13-сон Қарори 10-бандининг биринчи хатбоши; ОС Пленумининг 2006 йил 3 февралдаги "Судлар томонидан жиноят учун жазо тайинлаш амалиёти тўғрисида"ги 1-сон Қарорининг 9, 10-бандлари, 12-бандининг еттинчи хатбоши, 46-банди

33-модда. Жиноятлар мажмуи

Ушбу Кодекс Махсус қисмининг турли моддаларида ёки битта моддасининг турли қисмларида назарда тутилган, жавобгарликка тортиладиган икки ёки бир неча жиноий қилмишни содир этиш, агарда улардан бирортаси учун ҳам шахс судланган бўлмаса, жиноятлар мажмуи деб топилади.

Агар шахс содир этган қилмишда ушбу Кодекс Махсус қисми айни бир моддасининг турли қисмларида назарда тутилган жиноятларнинг аломатлари мавжуд бўлса, у модданинг оғирроқ жазо белгиланган қисми бўйича жавобгарликка тортилади.

Шунингдек қаранг: ОС Пленумининг 1999 йил 24 сентябрдаги "Порахўрлик ишлари бўйича суд амалиёти тўғрисида"ги 19-сон Қарорининг 13-банди; ОС Пленумининг 2006 йил 3 февралдаги "Судлар томонидан жиноят учун жазо тайинлаш амалиёти тўғрисида"ги 1-сон Қарори 49-бандининг олтинчи хатбоши; ОС Пленумининг 2008 йил 15 майдаги "Бир неча жиноят содир этилганда қилмишни квалификация қилишга доир масалалар тўғрисида"ги 13-сон Қарорининг 7-банди; ОС Пленумининг 2014 йил 23 майдаги "Суд ҳукми тўғрисида"ги 07-сон Қарорининг 27-банди; ОС Пленумининг 2015 йил 26 июнлаги "Транспорт ҳаракати ва ундан фойдаланиш хавфсизлигига қарши жиноятлар билан боғлиқ ишлар юзасидан суд амалиётининг айрим масалалари тўғрисида"ги 10-сон Қарорнинг 12-банди

34-модда. Рецидив жиноят

Шахснинг илгари қасддан содир этган жинояти учун судланганидан кейин қасддан янги жиноят содир этиши рецидив жиноят деб топилади.

Шунингдек қаранг: ОС Пленумининг 2008 йил 15 майдаги "Бир неча жиноят содир этилганда қилмишни квалификация қилишга доир масалалар тўғрисида"ги 13-сон Қарорининг 16-19-бандлари

Илгари ҳукм қилинган жиноятига ўхшаш жиноят содир этган, ушбу Кодексда алоҳида кўрсатилган ҳолларда эса, Махсус қисмнинг бошқа моддалари билан ҳам ҳукм қилинган шахснинг қасддан янги жиноят содир этиши хавфли рецидив жиноят деб топилади.

Шунингдек қаранг: ОС Пленумининг 2008 йил 15 майдаги "Бир неча жиноят содир этилганда қилмишни квалификация қилишга доир масалалар тўғрисида"ги 13-сон Қарорининг 20, 23-бандлари

Беш йилдан кам бўлмаган муддатга озодликдан маҳрум қилиш жазоси тайинланиши мумкин бўлган қасддан янги жиноят содир этиш, яъни:

а) илгари ўта оғир жинояти учун ёки икки марта оғир жинояти учун ҳукм қилиниб, уларнинг ҳар бири учун беш йилдан кам бўлмаган муддатга озодликдан маҳрум қилиш жазоси тайинланган шахс томонидан ўта оғир жиноят содир этилиши;

б) илгари оғир жинояти учун икки марта ҳукм қилинган ёки олдин-кейинлигидан қатъи назар, оғир ёки ўта оғир жиноятлар учун уларнинг ҳар бирига беш йилдан кам бўлмаган муддатга озодликдан маҳрум қилиш жазоси тайинланган шахснинг оғир жиноят содир этиши ўта хавфли рецидив жиноят деб топилади.

Шунингдек қаранг: ОС Пленумининг 2008 йил 15 майдаги "Бир неча жиноят содир этилганда қилмишни квалификация қилишга доир масалалар тўғрисида"ги 13-сон Қарорининг 21-23, 26-28-бандлари

Суднинг ҳукми билан шахс ўта хавфли рецидивист деб топилиши мумкин.

Шунингдек қаранг: ОС Пленумининг 2008 йил 15 майдаги "Бир неча жиноят содир этилганда қилмишни квалификация қилишга доир масалалар тўғрисида"ги 13-сон Қарорининг 29-банди

Шахсни ўта хавфли рецидивист деб топиш тўғрисидаги масала ҳал қилинаётган вақтда унинг бошқа давлатлар судларининг ҳукмлари бўйича судланганлиги ҳам ҳисобга олиниши мумкин.

Шахсни ўта хавфли рецидивист деб топиш тўғрисидаги масала ҳал қилинаётган вақтда унинг ўн саккиз ёшга тўлгунга қадар содир этган жинояти учун судланганлиги, шунингдек қонунда белгиланган тартибда судланганлик муҳлатларининг ўтиб кетганлиги ёки олиб ташланган судланганлиги инобатга олинмайди.

Шунингдек қаранг: ОС Пленумининг 2008 йил 15 майдаги "Бир неча жиноят содир этилганда қилмишни квалификация қилишга доир масалалар тўғрисида"ги 13-сон Қарорининг 24-банди

Ушбу Кодекс Махсус қисмининг ўта хавфли рецидивист томонидан содир этилган жиноятлар учун жавобгарликни белгиловчи моддалари шахс ушбу жиноятни содир этгунга қадар қонунда белгиланган тартибда ўта хавфли рецидивист деб топилган бўлсагина қўлланилади.

Шунингдек қаранг: ОС Пленумининг 2006 йил 3 февралдаги "Судлар томонидан жиноят учун жазо тайинлаш амалиёти тўғрисида"ги 1-сон Қарорининг 9-банди

УЧИНЧИ БЎЛИМ. ҚИЛМИШНИНГ ЖИНОИЙЛИГИНИ

ИСТИСНО ҚИЛАДИГАН ҲОЛАТЛАР

IХ БОБ. ҚИЛМИШНИНГ ЖИНОИЙЛИГИНИ ИСТИСНО

ҚИЛАДИГАН ҲОЛАТЛАР ТУШУНЧАСИ ВА ТУРЛАРИ

35-модда. Қилмишнинг жиноийлигини истисно

қиладиган ҳолатлар тушунчаси

36-модда. Кам аҳамиятли қилмишлар

37-модда. Зарурий мудофаа

38-модда. Охирги зарурат

39-модда. Ижтимоий хавфли қилмиш содир этган

шахсни ушлаш вақтида зарар етказиш

40-модда. Буйруқ ёки бошқа вазифани ижро этиш

41-модда. Касб ёки хўжалик фаолиятига

боғлиқ асосли таваккалчилик

41-1-модда. Жисмоний ёки руҳий мажбурлаш ёхуд қўрқитиш

35-модда. Қилмишнинг жиноийлигини истисно

қиладиган ҳолатлар тушунчаси

Қилмишда ушбу Кодексда назарда тутилган аломатлар расмий жиҳатдан мавжуд бўлса-да, лекин у ижтимоий хавфли, ғайриқонуний ёки айбли бўлмаса, қилмишнинг жиноийлигини истисно қиладиган ҳолатлар деб топилади.

Қаранг: ЖКнинг 14-моддаси

Қуйидаги ҳолатлар, яъни кам аҳамиятли қилмишлар; зарурий мудофаа; охирги зарурат; ижтимоий хавфли қилмиш содир этган шахсни ушлаш чоғида зарар етказиш; буйруқни ёки бошқача тарздаги вазифани бажариш; касб ёки хўжалик фаолияти билан боғлиқ бўлган асосли таваккалчилик; жисмоний ёки руҳий мажбурлаш ёхуд қўрқитиш натижасида қилмиш содир этиш жиноятни истисно қилувчи ҳолатлар деб топилади. (ЎзР 09.01.2018 й. ЎРҚ-459-сон Қонуни таҳриридаги қисм) (Олдинги таҳририга қаранг)

Қаранг: ЖКнинг 36-41-1-моддалари

36-модда. Кам аҳамиятли қилмишлар

Гарчи ушбу Кодексда жиноят сифатида назарда тутилган қилмишнинг аломатлари мавжуд бўлса-да, ўзининг кам аҳамиятлилиги туфайли ижтимоий хавфли бўлмаган ҳаракат ёки ҳаракатсизлик жиноят деб топилмайди.

37-модда. Зарурий мудофаа

Зарурий мудофаа ҳолатида содир этилган, яъни мудофааланувчи ёхуд бошқа кишининг шахси ёки ҳуқуқларини, жамият ёки давлат манфаатларини қонунга хилоф тажовузлардан тажовузчига зарар етказган ҳолда ҳимоя қилиш чоғида қилинган ҳаракат, агар зарурий мудофаа чегарасидан четга чиқилмаган бўлса, жиноят деб топилмайди.

Тажовузнинг хусусияти ва хавфлилиги даражасига бутунлай мувофиқ келмайдиган мудофаа, зарурий мудофаа чегарасидан четга чиқиш деб топилади.

Бошқа шахсларга ёки ҳокимият органларига ёрдам сўраб мурожаат қилиш ёхуд тажовуздан ўзга йўсинда қутулиш имконияти бор-йўқлигидан қатъи назар, зарурий мудофаа ҳуқуқи шахсга тегишлидир.

Зарар етказиш мақсадида қасддан ҳужум қилиш истагини қўзғатиш зарурий мудофаа деб топилмайди.

38-модда. Охирги зарурат

Охирги зарурат ҳолатида, яъни шахснинг ёки бошқа фуқароларнинг шахсига ёхуд ҳуқуқларига, жамият ёки давлат манфаатларига таҳдид солувчи хавфни қайтариш учун қонун билан қўриқланадиган ҳуқуқ ва манфаатларга зарар етказган ҳолда содир этилган қилмиш, башарти, шу хавфни ўша ҳолатда бошқа чоралар билан қайтаришнинг иложи бўлмаса ҳамда келтирилган зарар олди олинган зарарга қараганда камроқ бўлса, жиноят деб топилмайди.

Шахснинг охирги зарурат ҳолатида содир этган қилмиши, башарти, охирги зарурат чегарасидан четга чиқилмаган бўлса, қонуний деб топилади.

Агар бошқа воситалар орқали хавфнинг олдини олиш мумкин бўлса ёки келтирилган зарар олди олинган зарардан ошиб кетса, қонун билан қўриқланадиган ҳуқуқ ва манфаатларга бундай зарар етказиш охирги зарурат чегарасидан четга чиқиш деб топилади.

Охирги зарурат ҳолатида содир этилган қилмишнинг қонунийлигини баҳолашда олди олиниши лозим бўлган хавфнинг хусусияти ва хавфлилик даражаси, шундай хавфнинг ҳақиқатан мавжуд ёки мавжуд эмаслиги ва юз бериш вақтининг яқинлиги, хавфни қайтарувчи шахснинг мавжуд имкониятлари, вужудга келган вазиятдаги руҳий ҳолати ва ишнинг бошқа ҳолатлари ҳисобга олинади.

ЎзР 09.01.2018 й. ЎРҚ-459-сон Қонунига мувофиқ бешинчи қисм чиқариб ташланган

Жисмоний ёки руҳий мажбурлаш натижасида ҳуқуқлар ва қонун билан қўриқланадиган манфаатларга зарар етказганлик учун жавобгарлик масаласи ушбу модда қоидаларини ҳисобга олган ҳолда ҳал қилинади.

39-модда. Ижтимоий хавфли қилмиш содир этган

шахсни ушлаш вақтида зарар етказиш

Ижтимоий хавфли қилмиш содир этган шахсни ҳокимият органларига топшириш мақсадида ушлаш вақтида унга зарар етказиш, агар уни ушлаш учун зарур бўлган чораларнинг чегарасидан четга чиқилмаган бўлса, жиноят деб топилмайди.

Ушлаш воситалари ва усулларига, қилмишнинг ҳамда уни содир этган шахснинг хавфлилик даражасига, шунингдек ушлаш шароитига бутунлай мос келмайдиган, ушлаш зарурати тақозо этмаган ҳолда ушланаётган шахсга қасддан зарар етказиш ушлаш чоралари чегарасидан четга чиқиш деб топилади.

Ижтимоий хавфли қилмишни содир этган шахсни ушлаш вақтида унга етказилган зарарнинг қонунийлигини баҳолашда, қилмишни содир этган шахснинг ушланишдан қочиш мақсадида қилган ҳаракатлари, ушловчининг кучи ва имкониятлари, руҳий ҳолати ва ушлаш билан боғлиқ бўлган бошқа ҳолатлар ҳисобга олинади.

Махсус ваколатли шахслар билан бир қаторда жабрланувчи ва бошқа фуқаролар ҳам ижтимоий хавфли қилмишни содир этган шахсни ушлаш ҳуқуқига эгадирлар.

40-модда. Буйруқ ёки бошқа вазифани ижро этиш

Шахснинг буйруқ ёки бошқа фармойишни, шунингдек мансаб вазифаларини қонунан бажариши туфайли зарар етказилган бўлса, жиноят деб топилмайди.

Жиноийлиги олдиндан аён бўлган буйруқ ёки бошқа фармойишни бажариб, жиноят содир этган шахс, умумий асосларда жавобгарликка тортилади.

Ғайриқонуний равишда берилган буйруқ ёки фармойишни ёхуд мансаб вазифасини бажармаган ёки бузган шахс жавобгарликка тортилмайди. Шахснинг амалда содир этган қилмишида бошқа бир жиноят таркибининг барча аломатлари мавжуд бўлсагина, у жавобгарликка тортилади.

41-модда. Касб ёки хўжалик фаолиятига

боғлиқ асосли таваккалчилик

Ижтимоий фойдали мақсадга эришиш учун касб ёки хўжалик фаолиятига боғлиқ асосли таваккалчилик қилиб, ҳуқуқлар ва қонун билан қўриқланадиган манфаатларга зарар етказиш жиноят деб топилмайди.

Агар содир этилган ҳаракат замонавий илмий-техника билимлари ва тажрибаларига мувофиқ келган, қўйилган мақсадга эса, таваккал қилмай эришишнинг иложи бўлмаган ҳамда шахс ҳуқуқлар ва қонун билан қўриқланадиган манфаатларга зарар етказилишининг олдини олиш учун тегишли чораларни кўрган бўлса, бундай таваккалчилик асосли деб топилади.

Касб ёки хўжалик фаолиятига боғлиқ асосли таваккалчилик қилишда кўзланган ижтимоий фойдали натижага эришилмаган ва келтирилган зарар ижтимоий фойдали мақсадга эришиш натижасида олиниши мумкин бўлган фойдали натижадан кўпроқ бўлган тақдирда ҳам етказилган зарар жавобгарликка сабаб бўлмайди.

Таваккалчилик одамларнинг ҳалок бўлиш хавфи, экология ҳалокати ёхуд бошқача оғир оқибатларнинг келиб чиқиши мумкинлигини била туриб қилинган бўлса, асосли деб топилмайди.

Тадбиркорлик субъектларининг ўзларига кўрсатилган хизматлар, шу жумладан, берилган кредитлар юзасидан банклар ва бошқа молия ташкилотлари олдидаги шартнома мажбуриятларини тадбиркорлик таваккалчиликлари ҳамда бошқа тижорат таваккалчиликлари билан боғлиқ ҳолда бажармаганлиги банклар ва бошқа молия ташкилотлари ходимларини жиноий жавобгарликка тортиш учун асос бўлмайди. (ЎзР 29.12.2012 й. ЎРҚ-345-сон Қонунига мувофиқ киритилган қисм)

41-1-модда. Жисмоний ёки руҳий мажбурлаш ёхуд қўрқитиш

(ЎзР 09.01.2018 й. ЎРҚ-459-сон Қонунига мувофиқ киритилган модда)

Жисмоний ёки руҳий мажбурлаш ёхуд шундай мажбурлашни қўллаш билан қўрқитиш натижасида ушбу Кодекс билан қўриқланадиган ҳуқуқ ва манфаатларга зарар етказилиши, агар бундай мажбурлаш ёхуд қўрқитиш оқибатида шахс ўз ҳаракатларини (ҳаракатсизлигини) бошқара олмаган бўлса, жиноят ҳисобланмайди.

Ушбу Кодекс билан қўриқланадиган ҳуқуқ ва манфаатларга жисмоний ёки руҳий мажбурлаш ёхуд шундай мажбурлашни қўллаш билан қўрқитиш натижасида зарар етказганлик учун жиноий жавобгарлик тўғрисидаги масала, агар бундай мажбурлаш ёки қўрқитиш оқибатида шахс ўз ҳаракатларини (ҳаракатсизлигини) бошқариш имкониятини сақлаб қолган бўлса, ушбу Кодекс 38-моддасининг қоидалари инобатга олинган ҳолда ҳал этилади

ТЎРТИНЧИ БЎЛИМ. ЖАЗО ВА УНИ ТАЙИНЛАШ

Шунингдек қаранг: ОС Пленумининг 2006 йил 3 февралдаги "Судлар томонидан жиноят учун жазо тайинлаш амалиёти тўғрисида"ги 1-сон Қарори

X боб. Жазо тушунчаси, мақсадлари ва турлари (42-53-моддалар)

XI боб. Жазо тайинлаш (54-63-моддалар)

Х БОБ. ЖАЗО ТУШУНЧАСИ,

МАҚСАДЛАРИ ВА ТУРЛАРИ

42-модда. Жазо тушунчаси ва мақсадлари

43-модда. Жазо тизими

44-модда. Жарима

45-модда. Муайян ҳуқуқдан маҳрум қилиш

45-1-модда. Мажбурий жамоат ишлари

46-модда. Ахлоқ тузатиш ишлари

47-модда. Хизмат бўйича чеклаш

48-модда. Қамоқ

48-1-модда. Озодликни чеклаш

49-модда. Интизомий қисмга жўнатиш

50-модда. Озодликдан маҳрум этиш

51-модда. Умрбод озодликдан маҳрум қилиш

52-модда. Ҳарбий ёки махсус унвондан маҳрум қилиш

53-модда. Мол-мулкни мусодара қилиш

42-модда. Жазо тушунчаси ва мақсадлари

Жазо жиноят содир этишда айбли деб топилган шахсга нисбатан давлат номидан суд ҳукми билан қўлланадиган ва маҳкумни қонунда назарда тутилган муайян ҳуқуқ ва эркинликлардан маҳрум қилиш ёки уларни чеклашдан иборат мажбурлов чорасидир.

Жазо маҳкумни ахлоқан тузатиш, унинг жиноий фаолиятни давом эттиришига тўсқинлик қилиш ҳамда маҳкум, шунингдек бошқа шахслар янги жиноят содир этишининг олдини олиш мақсадида қўлланилади.

43-модда. Жазо тизими

Жиноят содир этишда айбли деб топилган шахсларга нисбатан қуйидаги асосий жазолар қўлланилиши мумкин:

а) жарима;

Қаранг: ЖКнинг 44-моддаси

б) муайян ҳуқуқдан маҳрум қилиш;

Қаранг: ЖКнинг 45-моддаси

б-1) мажбурий жамоат ишлари; (ЎзР 29.03.2017 й. ЎРҚ-421-сон Қонунига мувофиқ киритилган банд)

Қаранг: ЖКнинг 45-1-моддаси

в) ахлоқ тузатиш ишлари;

Қаранг: ЖКнинг 46-моддаси

г) хизмат бўйича чеклаш;

Қаранг: ЖКнинг 47-моддаси

ЎзР 29.03.2017 й. ЎРҚ-421-сон Қонунига мувофиқ д) банд чиқариб ташланган

д) қамоқ;

д-1) озодликни чеклаш; (ЎзР 10.08.2015 й. ЎРҚ-389-сон Қонунига мувофиқ киритилган банд)

Қаранг: ЖКнинг 48-1-моддаси

е) интизомий қисмга жўнатиш;

Қаранг: ЖКнинг 49-моддаси

ж) озодликдан маҳрум қилиш;

Қаранг: ЖКнинг 50-моддаси

з) умрбод озодликдан маҳрум қилиш. (ЎзР 11.07.2007 й. ЎРҚ-99-сон Қонуни таҳриридаги банд)

Қаранг: ЖКнинг 51-моддаси

Маҳкумларга асосий жазолардан ташқари ҳарбий ёки махсус унвондан маҳрум қилиш тарзидаги қўшимча жазо ҳам қўлланилиши мумкин. (ЎзР 29.08.2001 й. 254-II-сон Қонуни таҳриридаги қисм)

Қаранг: ЖКнинг 52-моддаси

Хизмат бўйича чеклаш ёки интизомий қисмга жўнатиш тариқасидаги жазолар фақат ҳарбий хизматчиларга нисбатан қўлланилади.

Муайян ҳуқуқдан маҳрум қилиш фақат асосий жазо сифатидагина эмас, балки қўшимча жазо тариқасида ҳам қўлланилиши мумкин.

Шунингдек қаранг: ОС Пленумининг 2006 йил 3 февралдаги "Судлар томонидан жиноят учун жазо тайинлаш амалиёти тўғрисида"ги 1-сон Қарори 41-бандининг биринчи хатбоши

44-модда. Жарима

Жарима айбдордан давлат даромадига ушбу Кодексда белгиланган миқдорда пул ундиришдир.

Жарима базавий ҳисоблаш миқдорининг беш бараваридан олти юз бараваригача миқдорда белгиланади. (ЎзР 03.12.2019 й. ЎРҚ-586-сон Қонуни таҳриридаги қисм) (Олдинги таҳририга қаранг)

Агар ҳукм қилинган шахс жазо тариқасида тайинланган жаримани мажбурий ижро этиш учун белгиланган муддатларда тўлашдан бўйин товласа ёхуд қарздорда ундирув қаратилиши мумкин бўлган мол-мулк мавжуд эмаслиги туфайли мажбурий ижро этиш учун белгиланган муддатлар мобайнида жаримани ундиришнинг имкони бўлмаса, худди шунингдек кечиктириш муддати тугаганидан кейин жарима тўланмаган ёки жаримани бўлиб-бўлиб тўлаш шартлари бузилган тақдирда, суд жариманинг тўланмаган миқдорини мажбурий жамоат ишлари, ахлоқ тузатиш ишлари, хизмат бўйича чеклаш, озодликни чеклаш ёки озодликдан маҳрум қилиш тариқасидаги жазо билан алмаштиради. Бундай ҳолда мажбурий жамоат ишларининг икки ярим соати базавий ҳисоблаш миқдорининг бир баравари миқдоридаги жаримага тенглаштирилиб, тўрт юз саксон соатдан кўп бўлмаган муддатга, ахлоқ тузатиш ишларининг, хизмат бўйича чеклашнинг, озодликни чеклашнинг ёки озодликдан маҳрум қилишнинг ҳар бир ойи базавий ҳисоблаш миқдорининг ўн олти баравари миқдоридаги жаримага тенглаштирилиб, уч йилдан кўп бўлмаган муддатга тайинланади. (ЎзР 03.12.2019 й. ЎРҚ-586-сон Қонуни таҳриридаги қисм) (Олдинги таҳририга қаранг)

Қаранг: ЖПКнинг 539-моддаси, 542-моддасининг учинчи қисми; ЖИКнинг 19, 20-моддалари; "Суд ҳужжатлари ва бошқа органлар ҳужжатларини ижро этиш тўғрисида"ги Қонуннинг 32-1-моддаси

Шунингдек қаранг: ОС Пленумининг 2006 йил 3 февралдаги "Судлар томонидан жиноят учун жазо тайинлаш амалиёти тўғрисида"ги 1-сон Қарорининг 15-17, 38-бандлари

45-модда. Муайян ҳуқуқдан маҳрум қилиш

Шахсни муайян ҳуқуқдан маҳрум қилиш суд тайинлаган муддат давомида айбдорнинг корхоналар, муассасалар ёки ташкилотларда у ёки бу мансабни эгаллашини ёхуд у ёки бу фаолият билан шуғулланишини тақиқлашдан иборатдир. Ана шундай мансаб ёки фаолиятнинг тури суд томонидан айблов ҳукмида кўрсатилади.

Муайян ҳуқуқдан маҳрум қилиш айбдорнинг мансаби ёки иш фаолияти билан бевосита боғлиқ бўлган жиноятни содир этганлиги учун асосий жазо тариқасида тайинланганда - бир йилдан беш йилгача муддатга, қўшимча жазо тариқасида тайинланганда - бир йилдан уч йилгача муддатга белгиланади.

Агар муайян ҳуқуқдан маҳрум қилиш айбдорга асосий жазо тариқасида тайинланмаган бўлса, бундай жазо суд томонидан ушбу Кодекс Махсус қисмининг тегишли моддасида назарда тутилган ҳар қандай турдаги жазога қўшимча жазо тариқасида тайинланиши мумкин.

Муайян ҳуқуқдан маҳрум қилиш жазоси озодликдан маҳрум қилиш, интизомий қисмга жўнатиш жазосига қўшимча жазо тариқасида тайинланган бўлса, асосий жазонинг бутун муддатига, бундан ташқари суд ҳукми билан тайинланган муддатга жорий этилади. Бу жазо бошқа асосий жазоларга қўшимча жазо тариқасида тайинланганда ва маҳкум шартли ҳукм қилинганда унинг муддати ҳукм қонуний кучга кирган вақтдан бошлаб ҳисобланади. (ЎзР 29.03.2017 й. ЎРҚ-421-сон Қонуни таҳриридаги қисм) (Олдинги таҳририга қаранг)

Тадбиркорлик фаолияти билан шуғулланаётган шахсларга нисбатан тадбиркорлик фаолияти билан шуғулланиш ҳуқуқидан маҳрум қилиш тарзидаги жазо тайинланмайди, бундан одам ўлишига ёки бошқа оғир оқибатларга сабаб бўлган ҳоллар мустасно. (ЎзР 29.12.2016 й. ЎРҚ-418-сон Қонунига мувофиқ киритилган қисм)

Қаранг: ЖИКнинг 6-боби; АВ томонидан 2017 йил 28 августда 2922-сон билан рўйхатга олинган ИИВ Буйруғи билан тасдиқланган "Муайян ҳуқуқдан маҳрум қилиш, ахлоқ тузатиш ишлари ва озодликни чеклаш тариқасидаги жазоларнинг ижросини ташкил этиш ҳамда шартли ҳукм қилинган шахслар устидан назоратни амалга ошириш тартиби тўғрисида"ги Йўриқноманинг 1-боби

Шунингдек қаранг: ОС Пленумининг 2006 йил 3 февралдаги "Судлар томонидан жиноят учун жазо тайинлаш амалиёти тўғрисида"ги 1-сон Қарорининг 45-48-бандлари; ОС Пленумининг 2015 йил 26 июнлаги "Транспорт ҳаракати ва ундан фойдаланиш хавфсизлигига қарши жиноятлар билан боғлиқ ишлар юзасидан суд амалиётининг айрим масалалари тўғрисида"ги 10-сон Қарорнинг 26-банди

45-1-модда. Мажбурий жамоат ишлари

(ЎзР 29.03.2017 й. ЎРҚ-421-сон Қонунига мувофиқ киритилган модда)

Мажбурий жамоат ишлари маҳкумни ҳақ тўланмайдиган фойдали жамоат ишларини бажаришга мажбурий тарзда жалб қилишдан иборатдир. Маҳкум ишлаётган ёки ўқиётган бўлса, мажбурий жамоат ишлари ишдан ёки ўқишдан бўш вақтда ўталади.

Маҳкумлар мажбурий жамоат ишларини ўташи мумкин бўлган жойлар (объектлар) ва мажбурий жамоат ишларининг тури мазкур жазонинг ижросини назорат қилувчи органлар томонидан белгиланади.

Мажбурий жамоат ишлари бир юз йигирма соатдан тўрт юз саксон соатгача бўлган муддатга тайинланади ва олти ой давомида кунига тўрт соатдан кўп бўлмаган вақтда, маҳкумга боғлиқ бўлмаган ҳолатлар юзага келган тақдирда эса, бир йилгача бўлган муҳлатда кунига тўрт соатдан кўп бўлмаган вақтда ўталади.

Мажбурий жамоат ишлари пенсия ёшига етган шахсларга, ўн олти ёшга тўлмаган шахсларга, ҳомиладор аёлларга, уч ёшга тўлмаган болалари бор аёлларга, биринчи ва иккинчи гуруҳ ногиронлиги бўлган шахсларга, ҳарбий хизматчиларга, чет эл фуқароларига ва Ўзбекистон Республикасида доимий яшамайдиган шахсларга нисбатан қўлланилмайди. (ЎзР 17.05.2022 й. ЎРҚ-770-сон Қонуни таҳриридаги қисм)

Маҳкум жазони ўташдан бўйин товлаган тақдирда, суд мажбурий жамоат ишларининг ўталмаган муддатини мажбурий жамоат ишларининг тўрт соатини озодликни чеклашнинг ёки озодликдан маҳрум қилишнинг бир кунига тенглаштирган ҳолда ҳисоблаб, озодликни чеклаш ёки озодликдан маҳрум қилиш тариқасидаги жазо билан алмаштиради. Жазони ўташдан бўйин товланилган вақт жазонинг ўталган муддатига қўшиб ҳисобланмайди.

Қаранг: ЖИКнинг 6-1-боби

Шунингдек қаранг: ОС Пленумининг 2006 йил 3 февралдаги "Судлар томонидан жиноят учун жазо тайинлаш амалиёти тўғрисида"ги 1-сон Қарорининг 17-1-17-6, 38-бандлари

46-модда. Ахлоқ тузатиш ишлари

Ахлоқ тузатиш ишлари шахс иш ҳақининг ўн фоизидан ўттиз фоизигача миқдорини давлат даромади ҳисобига ушлаб қолган ҳолда уни меҳнатга мажбуран жалб қилишдан иборат бўлиб, жазо суднинг ҳукмига мувофиқ маҳкумнинг ўз иш жойи ёки мазкур жазо ижросини назорат қилувчи органлар белгилаб берадиган бошқа жойларда ўталади.

Ахлоқ тузатиш ишлари олти ойдан уч йилгача муддатга тайинланади.

Ахлоқ тузатиш ишлари пенсия ёшига етганларга, меҳнатга қобилиятсизларга, ҳомиладор аёлларга, уч ёшга тўлмаган болалари бор аёлларга ва ҳарбий хизматчиларга нисбатан қўлланилмайди. (ЎзР 23.09.2016 й. ЎРҚ-411-сон Қонуни таҳриридаги қисм)

Агар шахс суд томонидан тайинланган ахлоқ тузатиш ишлари муддатининг жами ўттиз кундан кўпроғини ўташдан узрли сабабларсиз бўйин товласа ёки Ўзбекистон Республикасидан ташқарига чиқиб кетса, суд ахлоқ тузатиш ишларининг ўталмаган муддатини худди шу муддатга озодликни чеклаш ёки озодликдан маҳрум қилиш тариқасидаги жазо билан алмаштиради. Жазони ўташдан бўйин товланган вақт жазонинг ўталган муддатига қўшиб ҳисобланмайди. (ЎзР 07.08.2024 й. ЎРҚ-938-сон Қонуни таҳриридаги қисм) (Олдинги таҳририга қаранг)

Қаранг: ЖИКнинг 7-боби; АВ томонидан 2017 йил 28 августда 2922-сон билан рўйхатга олинган ИИВ Буйруғи билан тасдиқланган "Муайян ҳуқуқдан маҳрум қилиш, ахлоқ тузатиш ишлари ва озодликни чеклаш тариқасидаги жазоларнинг ижросини ташкил этиш ҳамда шартли ҳукм қилинган шахслар устидан назоратни амалга ошириш тартиби тўғрисида"ги Йўриқноманинг 2-боби

Шунингдек қаранг: ОС Пленумининг 2000 йил 15 сентябрдаги "Ҳарбий хизматни ўташ тартибига қарши жиноятларга оид ишларни кўриш бўйича суд амалиёти тўғрисида"ги 23-сон Қарори 6-бандининг иккинчи хатбоши; ОС Пленумининг 2006 йил 3 февралдаги "Судлар томонидан жиноят учун жазо тайинлаш амалиёти тўғрисида"ги 1-сон Қарорининг 18-23, 38-бандлари; ОС Пленумининг 2009 йил 10 апрелдаги "Суд ҳужжатларини бажаришдан бўйин товлаш ва уларнинг ижро этилишига тўсқинлик қилиш учун жиноий жавобгарликка доир қонунларни қўллашнинг айрим масалалари тўғрисида"ги 7-сон Қарори 3-бандининг бешинчи хатбоши

47-модда. Хизмат бўйича чеклаш

Хизмат бўйича чеклаш - ҳарбий хизматни контракт бўйича ўтаётган ҳарбий хизматчини суд ҳукмида кўрсатилган муддат давомида муайян ҳуқуқ ва имтиёзлардан маҳрум қилиб, пул таъминотининг ўн фоизидан ўттиз фоизигача бўлган миқдорини давлат даромади ҳисобига ушлаб қолишдан иборатдир. (ЎзР 22.12.2009 й. ЎРҚ-238-сон Қонуни таҳриридаги қисм) (Олдинги таҳририга қаранг)

Хизмат бўйича чеклаш жазо чораси ушбу Кодекс Махсус қисмининг моддасида назарда тутилган ҳолларда икки ойдан уч йилгача муддатга қўлланилади. Ижтимоий хавфи катта бўлмаган жиноят ёки оғир оқибатларни келтириб чиқармаган эҳтиётсизлик орқасида содир этилган жиноят учун суд иш ҳолатлари ва маҳкумнинг шахсини ҳисобга олган ҳолда уч йилдан кўп бўлмаган муддатга озодликдан маҳрум қилиш, ёки ахлоқ тузатиш ишлари жазоси ўрнига шу муддатга хизмат бўйича чеклаш жазосини қўллаши мумкин. (ЎзР 29.03.2017 й. ЎРҚ-421-сон Қонуни таҳриридаги қисм) (Олдинги таҳририга қаранг)

Хизмат бўйича чеклаш тариқасидаги жазони ўташ муддати давомида маҳкумнинг мансабини, ҳарбий ёки махсус унвонини ошириш мумкин эмас, жазони ўтаган вақт эса, унинг кўп йил ишлаганлик, навбатдаги ҳарбий ёки махсус унвон ҳамда пенсия олиш учун асос бўладиган хизмат муддатига қўшилмайди.

Қаранг: ЖИКнинг 141-147-моддалари

ЎзР 29.03.2017 й. ЎРҚ-421-сон Қонунига мувофиқ 48-модда чиқариб ташланган

48-модда. Қамоқ

Қамоқ - шахсни батамом ажратган шароит остида сақлашдан иборат бўлиб, бир ойдан олти ойгача муддатга белгиланади.

ЎзР 27.12.1996 й. 357-I-сон Қонунига мувофиқ иккинчи қисм ўз кучини йўқотган

Илгари қасддан содир этган жинояти учун қамоқ ёки озодликдан маҳрум этиш жазосини ўтаб чиққан шахсларга нисбатан қамоқ жазоси қўлланилмайди.

48-1-модда. Озодликни чеклаш

(ЎзР 10.08.2015 й. ЎРҚ-389-сон Қонунига мувофиқ киритилган модда)

Озодликни чеклаш суд томонидан маҳкумга нисбатан уй-жойини у ёки бу сабаб билан тарк этишни бутунлай тақиқлашдан ёхуд ишлаш ёки ўқиш вақтидан, шунингдек иш ёки ўқиш жойигача бориши ва уй-жойига қайтиб келиши учун зарур бўлган вақтдан ташқари қолган вақтда уй-жойидан чиқишни чеклашдан иборат. (ЎзР 07.08.2024 й. ЎРҚ-938-сон Қонуни таҳриридаги қисм) (Олдинги таҳририга қаранг)

Озодликни чеклаш бир ойдан беш йилгача муддатга тайинланади ҳамда суд томонидан белгиланадиган органлар назорати остида ўталади. Озодликни чеклаш, уни маҳкумнинг яшаш жойида ўташ шартлари содир этилган қилмишнинг хусусияти ва суд чиқарган қарорни ижро этишдан бўйин товлашнинг олдини олиш ҳисобга олинган ҳолда суд томонидан белгиланади. (ЎзР 29.03.2017 й. ЎРҚ-421-сон Қонуни таҳриридаги қисм)

Қўлланилаётган тақиқнинг (чеклашнинг) хусусиятларини ҳисобга олган ҳолда, суд маҳкумнинг зиммасига қуйидаги қўшимча тақиқларни (чеклашларни) юклаши мумкин:

муайян жойларга бормаслик;

оммавий ва бошқа тадбирлар ўтказишда иштирок этмаслик;

муайян фаолият билан шуғулланмаслик;

муайян буюмларга эга бўлмаслик ёки уларни ўзида сақламаслик;

транспорт воситасини бошқармаслик;

маҳкумларни назорат қилувчи органнинг розилигисиз яшаш жойини, иш ва (ёки) ўқиш жойини ўзгартирмаслик, тегишли маъмурий ҳудуддан ташқарига чиқмаслик;

муайян шахслар билан алоқа ўрнатмаслик;

алоқа воситаларидан, шу жумладан Интернетдан фойдаланмаслик;

алкоголли ичимликлар истеъмол қилмаслик.

Суд озодликни чеклашга ҳукм қилинган шахснинг зиммасига ўзи етказган моддий ва маънавий зарарнинг ўрнини қоплаш, ишга ёки ўқишга жойлашиш мажбуриятларини, шунингдек унинг тузалишига кўмаклашувчи бошқа мажбуриятларни юклаши мумкин.

Агар озодликни чеклашга ҳукм қилинган шахс жазони ўташ даврида ўзининг жиноий қилмишларини англаб етган, тузалиш йўлига қатъий ўтган, етказилган моддий ва маънавий зарарнинг ўрнини қоплаган бўлса, суд маҳкумга нисбатан илгари тайинланган тақиқларни (чеклашларни) тўлиқ ёки қисман бекор қилиши мумкин.

Маҳкум озодликни чеклаш тариқасидаги жазони ўташдан қасддан бўйин товлаган, шунингдек суд томонидан ўз зиммасига юкланган мажбуриятларни бажармаган тақдирда, суд озодликни чеклаш жазосининг ўталмай қолган муддатини бошқа турдаги жазо билан алмаштириши мумкин. Жазони ўташдан бўйин товлаш вақти ўталган жазо муддатига қўшиб ҳисобланмайди.

Озодликни чеклаш ҳарбий хизматчилар, чет эл фуқаролари, шунингдек Ўзбекистон Республикасида доимий яшаш жойига эга бўлмаган шахсларга нисбатан тайинланмайди.

Қаранг: ЖИКнинг 8-1-боби

Шунингдек қаранг: ОС Пленумининг 2006 йил 3 февралдаги "Судлар томонидан жиноят учун жазо тайинлаш амалиёти тўғрисида"ги 1-сон Қарорининг 25-1-25-6-бандлари

49-модда. Интизомий қисмга жўнатиш

Интизомий қисмга жўнатиш - муддатли ҳарбий хизмат ҳарбий хизматчисини суд томонидан белгиланган муддат мобайнида ички тартиби анча қаттиқ бўлган махсус ҳарбий қисмга жойлаштириш орқали, муайян ҳуқуқ ва имтиёзлардан маҳрум этишдир. (ЎзР 22.12.2009 й. ЎРҚ-238-сон Қонуни таҳриридаги қисм)

Интизомий қисмга жўнатиш жазоси ушбу Кодекс Махсус қисмининг моддасида назарда тутилган ҳолларда уч ойдан бир йилгача муддатга қўлланилади. Суд иш ҳолатлари ва маҳкумнинг шахсини ҳисобга олган ҳолда уч йилдан кўп бўлмаган муддатга озодликдан маҳрум қилиш жазоси ўрнига шу муддатга интизомий қисмга жўнатиш жазосини қўллаши мумкин.

Қаранг: ЖИКнинг 26-боби

50-модда. Озодликдан маҳрум қилиш

Озодликдан маҳрум қилиш маҳкумни жамиятдан ажратиб жазони ижро этиш колонияси ёки турмага жойлаштиришдан иборатдир.

Озодликдан маҳрум қилиш бир ойдан йигирма йилгача муддатга белгиланади, ушбу модданинг учинчи қисмида назарда тутилган ҳоллар бундан мустасно. (ЎзР 29.03.2017 й. ЎРҚ-421-сон Қонуни таҳриридаги қисм) (Олдинги таҳририга қаранг)

Узоқ муддатли озодликдан маҳрум қилиш йигирма йилдан ортиқ, лекин йигирма беш йилдан кўп бўлмаган муддатга белгиланади ва фақат жавобгарликни оғирлаштирадиган ҳолатларда қасддан одам ўлдириш (97-модданинг иккинчи қисми) ва терроризм (155-модданинг учинчи қисми) учун тайинланиши мумкин. (ЎзР 11.07.2007 й. ЎРҚ-99-сон Қонунига мувофиқ киритилган қисм)

Шунингдек қаранг: ОС Пленумининг 2007 йил 14 ноябрдаги "Умрбод озодликдан маҳрум қилиш тариқасидаги жазони қўллашнинг айрим масалалари тўғрисида"ги 15-сон Қарорининг 2-банди

Узоқ муддатга озодликдан маҳрум қилиш жазоси аёлга, ўн саккиз ёшга тўлмасдан жиноят содир этган шахсга ва олтмиш ёшдан ошган эркакка нисбатан тайинланиши мумкин эмас. (ЎзР 11.07.2007 й. ЎРҚ-99-сон Қонунига мувофиқ киритилган қисм)

ЎзР 11.07.2007 й. ЎРҚ-99-сон Қонунига мувофиқ учинчи-тўққизинчи қисмлар бешинчи-ўн биринчи қисмлар деб ҳисоблансин

Озодликдан маҳрум қилиш ушбу Кодекснинг 60-моддасида назарда тутилган бир неча жазоларни қўшиш тартибида тайинланганда, унинг муддати йигирма беш йилгача белгиланиши мумкин.

Озодликдан маҳрум этишга ҳукм қилинаётган аёлларга ҳамда олтмиш ёшдан ошган эркакларга нисбатан тайинланаётган жазо муддати ушбу Кодекс Махсус қисмининг тегишли моддасида назарда тутилган озодликдан маҳрум этиш энг кўп муддатининг учдан икки қисмидан ортиқ бўлиши мумкин эмас. (ЎзР 10.08.2015 й. ЎРҚ-389-сон Қонуни таҳриридаги қисм) (Олдинги таҳририга қаранг)

Озодликдан маҳрум этишга ҳукм қилинаётган эркакларга нисбатан:

а) ижтимоий хавфи катта бўлмаган жинояти, эҳтиётсизлик оқибатида содир этилган жинояти учун ва қасддан унча оғир бўлмаган жиноят содир этганлик учун озодликдан маҳрум этишга ҳукм қилинаётганларга нисбатан жазони манзил-колонияларда; (ЎзР 12.12.2003 й. 568-II-сон Қонуни таҳриридаги банд) (Олдинги таҳририга қаранг)

б) қасддан оғир жиноят содир этганлик ва ўта оғир жинояти учун биринчи марта озодликдан маҳрум этишга ҳукм қилинаётганларга нисбатан жазони умумий тартибли колонияларда; (ЎзР 12.12.2003 й. 568-II-сон Қонуни таҳриридаги банд) (Олдинги таҳририга қаранг)

в) илгари қасддан содир этган жинояти учун озодликдан маҳрум қилиш тариқасидаги жазони ўтаб чиқиб ёки ўтаётган чоғида, қасддан янги содир этган жинояти учун ҳукм қилинаётганларга нисбатан жазони қаттиқ тартибли колонияларда; (ЎзР 23.09.2016 й. ЎРҚ-411-сон Қонуни таҳриридаги банд) (Олдинги таҳририга қаранг)

г) ўта хавфли рецидивистларга нисбатан жазони махсус тартибли колонияларда ўташ тайинланади. Умрбод озодликдан маҳрум қилишга ҳукм этилганлар, шунингдек афв этиш тартибида умрбод озодликдан маҳрум қилиш жазоси озодликдан маҳрум қилиш билан алмаштирилган шахслар ҳам жазони махсус тартибли колонияларда ўтайдилар. (ЎзР 11.07.2007 й. ЎРҚ-99-сон Қонуни таҳриридаги банд) (Олдинги таҳририга қаранг)

Озодликдан маҳрум этишга ҳукм қилинаётган аёлларга нисбатан:

а) ижтимоий хавфи катта бўлмаган жиноят, эҳтиётсизлик оқибатида жиноят содир этганларга ҳамда қасддан унча оғир бўлмаган жиноят содир этганларга нисбатан жазони манзил-колонияларда;

б) оғир ва ўта оғир жиноят учун жазони умумий тартибли колонияларда;

в) илгари озодликдан маҳрум қилиш тариқасидаги жазони ўтаб чиқиб, янги содир этган ўта оғир жинояти учун ҳукм қилинаётганларга, шунингдек ўта хавфли рецидивист деб топилганларга нисбатан жазони қаттиқ тартибли колонияларда ўташ тайинланади.

(ЎзР 12.12.2003 й. 568-II-сон Қонуни таҳриридаги қисм) (Олдинги таҳририга қаранг)

Турмага қамаш тариқасидаги озодликдан маҳрум қилиш, жазонинг муайян қисмига, лекин беш йилдан кўп бўлмаган муддатга:

а) ўта хавфли рецидивистларга;

б) оғир ёки ўта оғир жинояти учун беш йилдан ортиқ муддатга озодликдан маҳрум этишга ҳукм қилинган шахсларга нисбатан тайинланиши мумкин.

Ижтимоий хавфи катта бўлмаган жиноят содир этганлик, эҳтиётсизлик оқибатида жиноят содир этганлик ва қасддан унча оғир бўлмаган жиноят содир этганлик учун озодликдан маҳрум этиш тариқасидаги жазо ҳомиладор аёлларга ва уч ёшга тўлмаган болалари бор аёлларга нисбатан, шунингдек қонунчиликка мувофиқ ёшга доир пенсияга чиқиш ҳуқуқига эга бўлган шахсларга нисбатан тайинланмайди. (ЎзР 21.04.2021 й. ЎРҚ-683-сон Қонуни таҳриридаги қисм) (Олдинги таҳририга қаранг)

Суд томонидан жазони манзил-колонияда ўташи тайинланган маҳкум сақлаш режимини ашаддий бузувчи деб топилган тақдирда, суд уни жазонинг ўталмаган қисми муддатига умумий тартибли колонияга ўтказади. (ЎзР 12.12.2003 й. 568-II-сон Қонунига мувофиқ киритилган қисм)

Қаранг: ЖИКнинг IV бўлими

Шунингдек қаранг: ОС Пленумининг 2006 йил 3 февралдаги "Судлар томонидан жиноят учун жазо тайинлаш амалиёти тўғрисида"ги 1-сон Қарорининг 26-30-бандлари

51-модда. Умрбод озодликдан маҳрум қилиш

(ЎзР 11.07.2007 й. ЎРҚ-99-сон Қонуни таҳриридаги модда)

(Олдинги таҳририга қаранг)

Умрбод озодликдан маҳрум қилиш фавқулодда жазо чораси бўлиб, маҳкумни махсус тартибли жазони ижро этиш колониясига жойлаштириш орқали жамиятдан муддатсиз ажратиб қўйишдан иборатдир.

Умрбод озодликдан маҳрум қилиш жазоси фақат жавобгарликни оғирлаштирадиган ҳолатларда қасддан одам ўлдириш (97-модданинг иккинчи қисми) ва терроризм (155-модданинг учинчи қисми) учун белгиланади.

Умрбод озодликдан маҳрум қилиш жазоси аёлга, ўн саккиз ёшга тўлмасдан жиноят содир этган шахсга ва олтмиш ёшдан ошган эркакка нисбатан тайинланиши мумкин эмас.

Қаранг: ЖИКнинг V бўлими

Шунингдек қаранг: ОС Пленумининг 2007 йил 14 ноябрдаги "Умрбод озодликдан маҳрум қилиш тариқасидаги жазони қўллашнинг айрим масалалари тўғрисида"ги 15-сон Қарори; ОС Пленумининг 2006 йил 3 февралдаги "Судлар томонидан жиноят учун жазо тайинлаш амалиёти тўғрисида"ги 1-сон Қарорининг 30-1, 30-2-бандлари

52-модда. Ҳарбий ёки махсус унвондан маҳрум қилиш

Ҳарбий ёки махсус унвонга эга бўлган шахс оғир ёки ўта оғир жиноят учун ҳукм қилинганида суд ҳукми билан мазкур унвондан маҳрум қилиниши мумкин.

Олий ҳарбий ёки махсус унвонга ёхуд Ўзбекистон Республикасининг давлат мукофотига эга бўлган шахс оғир ёки ўта оғир жинояти учун ҳукм қилинганида суднинг ҳукм асосида киритадиган тақдимномасига биноан мазкур унвон ёки мукофотдан маҳрум қилиниши мумкин.

Қаранг: ЖИКнинг 161-моддаси; "Умумий ҳарбий мажбурият ва ҳарбий хизмат тўғрисида"ги Қонун 9-моддасининг саккизинчи-ўнинчи қисмлари; "Давлат мукофотлари тўғрисида"ги Қонуннинг (Янги таҳрири) 21-моддаси

ЎзР 29.08.2001 й. 254-II-сон Қонунига мувофиқ 53-модда ўз кучини йўқотган

53-модда. Мол-мулкни мусодара қилиш

Мол-мулкни мусодара қилиш маҳкумнинг мулки бўлган мол-мулкнинг ҳаммасини ёки муайян қисмини ҳақ тўламасдан мажбурий равишда давлат мулкига ўтказишдан иборатдир.

Мол-мулкни мусодара қилиш суд томонидан фақат ушбу Кодекс Махсус қисмининг моддасида назарда тутилган бўлсагина тайинланиши мумкин.

Маҳкумнинг оиласи нормал турмуш кечириши учун зарур бўлган уй-жой, квартира, уй анжомлари ҳамда жиҳозлари, кийимлар ва бошқа буюмлар мусодара қилинмайди.

Турар жойлар ёки яшаш учун мўлжалланмаган жойлар, мулк шаклидан қатъи назар, давлатга хоинлик қилиш, конституциявий тузумга, Ўзбекистон Республикаси Президентига тажовуз қилиш, терроризм, қўпорувчилик жиноятлари содир этиш учун фойдаланилган ёхуд бу жиноятлар қасддан одам ўлдириш, босқинчилик, талончилик ёки бошқа оғир, ўта оғир жиноятлар билан боғлиқ бўлган ҳолларда - бу жойлар давлат фойдасига мусодара қилинади. (ЎзР 15.04.1999 й. 772-I-сон Қонунига мувофиқ киритилган қисм)

ХI БОБ. ЖАЗО ТАЙИНЛАШ

54-модда. Жазо тайинлашнинг умумий асослари

55-модда. Жазони енгиллаштирувчи ҳолатлар

56-модда. Жазони оғирлаштирувчи ҳолатлар

57-модда. Енгилроқ жазони тайинлаш

57-1-модда. Айбдор ўз қилмишига амалда

пушаймон бўлганида жазо тайинлаш

57-2-модда. Айбга иқрорлик тўғрисида келишув

тузилган жиноятлар бўйича жазо тайинлаш

58-модда. Тамом бўлмаган ва иштирокчиликда

содир этилган жиноятлар учун жазо тайинлаш

59-модда. Бир неча жиноят содир этганлик учун жазо тайинлаш

60-модда. Бир неча ҳукм юзасидан жазо тайинлаш

61-модда. Жазоларни қўшишни ҳисоблаш қоидалари

62-модда. Ушлаб туриш, қамоққа олиш ёки уй

қамоғи вақтини ҳисобга олиш қоидалари

63-модда. Жазо муддатларини ҳисоблаш

54-модда. Жазо тайинлашнинг умумий асослари

Жиноят содир этишда қонунда белгиланган тартибда айбли деб топилган шахс жазога тортилади. Суд ушбу Кодекс Махсус қисмининг жиноят содир этганлик учун жавобгарлик назарда тутилган моддасида белгиланган доирада Умумий қисмининг қоидаларига мувофиқ жазо тайинлайди.

Суд жазо тайинлашда содир этилган жиноятнинг хусусияти ва ижтимоий хавфлилик даражасини, қилмишнинг сабабини, етказилган зарарнинг хусусияти ва миқдорини, айбдорнинг шахсини ҳамда жазони енгиллаштирувчи ва оғирлаштирувчи ҳолатларни ҳисобга олади.

Шунингдек қаранг: ОС Пленумининг 1996 йил 27 февралдаги "Қонунга хилоф равишда қуролга эгалик қилиш тўғрисидаги ишлар бўйича суд амалиёти ҳақида"ги 3-сон Қарори 13-бандининг биринчи хатбоши; ОС Пленумининг 1996 йил 20 декабрдаги "Атроф муҳитни муҳофаза килиш ва табиатдан фойдаланиш соҳасидаги жиноятлар ва бошқа ҳуқуқбузарликлар тўғрисидаги ишлар бўйича суд амалиёти ҳақида"ги 36-сон Қарорининг 15-банди; ОС Пленумининг 1996 йил 20 декабрдаги "Транспорт воситаларини олиб қочиш ишлари бўйича суд амалиёти ҳақида"ги 37-сон Қарорининг 6-банди; ОС Пленумининг 1998 йил 17 апрелдаги "Иқтисодиёт соҳасидаги жиноий ишлар бўйича суд амалиётида юзага келган айрим масалалар тўғрисида"ги 11-сон Қарорининг 29-банди; ОС Пленумининг 1999 йил 24 сентябрдаги "Порахўрлик ишлари бўйича суд амалиёти тўғрисида"ги 19-сон Қарорининг 18-банди; ОС Пленумининг 2000 йил 15 сентябрдаги "Вояга етмаганларнинг жиноятлари ҳақидаги ишлар бўйича суд амалиёти тўғрисида"ги 21-сон Қарорининг 9-банди; ОС Пленумининг 2000 йил 15 сентябрдаги "Ҳарбий хизматни ўташ тартибига қарши жиноятларга оид ишларни кўриш бўйича суд амалиёти тўғрисида"ги 23-сон Қарори 6-бандининг биринчи хатбоши; ОС Пленумининг 2002 йил 14 июндаги "Безориликка оид ишлар бўйича суд амалиёти ҳақида"ги 9-сон Қарорининг 14-банди; ОС Пленумининг 2004 йил 21 майдаги "Жазоларни либераллаштириш тўғрисидаги қонунни иқтисодиёт соҳасидаги жиноятларга нисбатан қўллашнинг айрим масалалари ҳақида"ги 4-сон Қарори 13-бандининг иккинчи хатбоши; ОС Пленумининг 2004 йил 24 сентябрдаги "Қасддан одам ўлдиришга оид ишлар бўйича суд амалиёти тўғрисида"ги 13-сон Қарори 27-бандининг биринчи хатбоши; ОС Пленумининг 2006 йил 3 февралдаги "Судлар томонидан жиноят учун жазо тайинлаш амалиёти тўғрисида"ги 1-сон Қарорининг 3-6-бандлари, 12-бандининг иккинчи хатбоши; ОС Пленумининг 2015 йил 26 июнлаги "Транспорт ҳаракати ва ундан фойдаланиш хавфсизлигига қарши жиноятлар билан боғлиқ ишлар юзасидан суд амалиётининг айрим масалалари тўғрисида"ги 10-сон Қарорнинг 25-банди; ОС Пленумининг 2014 йил 23 майдаги "Суд ҳукми тўғрисида"ги 7-сон Қарори 28-бандининг биринчи-учинчи хатбошлари; ОС Пленумининг 2017 йил 28 апрелдаги "Гиёхвандлик воситалари ва психотроп моддалар билан конунга хилоф равишда муомала килишга оид жиноят ишлари бўйича суд амалиёти тўгрисида"ги 12-сон Карори 34-бандининг иккинчи, учинчи хатбошлари

55-модда. Жазони енгиллаштирувчи ҳолатлар

Қуйидаги ҳолатлар жазони енгиллаштирувчи ҳолатлар деб топилади:

а) айбни бўйнига олиш тўғрисида арз қилиш, чин кўнгилдан пушаймон бўлиш ёки жиноятни очиш учун фаол ёрдам бериш;

б) етказилган зарарни ихтиёрий равишда бартараф қилиш;

в) оғир шахсий, оилавий шароитлар оқибатида ёки бошқа мушкул аҳволда жиноят содир этиш;

г) мажбурлаш ёки моддий томондан, хизмат жиҳатидан ёхуд бошқа жиҳатдан қарамлик сабабли жиноят содир этиш;

Шунингдек қаранг: ОС Пленумининг 2000 йил 15 сентябрдаги "Вояга етмаганларнинг жиноятлари ҳақидаги ишлар бўйича суд амалиёти тўғрисида"ги 21-сон Қарорининг 8-банди

д) жабрланувчининг зўрлик, оғир ҳақорат ёки бошқача ғайриқонуний ҳаракатлари туфайли вужудга келган кучли руҳий ҳаяжонланиши ҳолатида жиноят содир этиш;

е) зарурий мудофаанинг, охирги заруратнинг асосли чегарасидан четга чиқиб жиноят содир этиш, ижтимоий хавфли қилмишни содир этган шахсни ушлашда, касб ёки хўжалик фаолиятига боғлиқ бўлган асосли таваккалчиликда зарар етказиш;

ж) вояга етмаганнинг жиноят содир этиши;

з) ҳомиладор аёлнинг жиноят содир этиши;

и) жабрланувчининг ғайриқонуний ёки ахлоққа зид хулқ-атвори таъсири остида жиноят содир этиш.

Жазо тайинлашда суд ушбу моддада назарда тутилмаган бошқа ҳолатларни ҳам енгиллаштирувчи ҳолат деб топиши мумкин.

Шунингдек қаранг: ОС Пленумининг 2006 йил 3 февралдаги "Судлар томонидан жиноят учун жазо тайинлаш амалиёти тўғрисида"ги 1-сон Қарорининг 7-банди; ОС Пленумининг 2014 йил 23 майдаги "Суд хукми тўгрисида"ги 07-сон Қарори 28-бандининг тўртинчи хатбоши

Енгиллаштирувчи ҳолат ушбу Кодекс Махсус қисмининг моддасида жиноят таркибининг зарурий белгиси сифатида назарда тутилган бўлса, жазо тайинлашда ҳисобга олинмайди.

56-модда. Жазони оғирлаштирувчи ҳолатлар

Қуйидаги ҳолатларда жиноят содир этиш жазони оғирлаштирувчи ҳолатлар деб топилади:

а) ҳомиладорлиги айбдорга аён бўлган аёлга нисбатан;

б) ёш бола, қария ёки ожиз аҳволдаги шахсга нисбатан;

в) хизмат вазифаси ёки фуқаролик бурчини бажарганлиги муносабати билан шахсга ёки унинг яқин қариндошларига нисбатан;

г) айбдорга моддий томондан, хизмат жиҳатидан ёки бошқа жиҳатдан қарам шахсга нисбатан;

д) ўта шафқатсизлик билан;

е) кўпчилик учун хавфли бўлган усулда;

ж) ёш бола ёки руҳий ҳолатининг бузилганлиги айбдорга аён бўлган шахсдан фойдаланган ҳолда; (ЎзР 12.09.2019 й. ЎРҚ-567-сон Қонуни таҳриридаги банд)

з) жиноят натижасида оғир оқибатларнинг келиб чиққанлиги;

и) умумий офат шароитидан фойдаланган ҳолда ёки фавқулодда ҳолат вақтида ёхуд оммавий тартибсизликлар жараёнида;

к) ғаразли ёки бошқача паст ниятларда;

л) ирқий ёки миллий душманлик ёхуд адоват замирида;

м) бир гуруҳ шахслар томонидан олдиндан тил бириктирган ҳолда ёки уюшган гуруҳ ёхуд жиноий уюшма томонидан;

н) илгари ҳам қасддан жиноят содир этган шахснинг такроран ёки қасддан янги жиноят содир этиши;

Шунингдек қаранг: ОС Пленумининг 2008 йил 15 майдаги "Бир неча жиноят содир этилганда қилмишни квалификация қилишга доир масалалар тўғрисида"ги 13-сон Қарорининг 19-банди

о) мастлик ҳолатида ёки гиёҳвандлик воситалари, уларнинг аналоглари, психотроп ёхуд кишининг ақл-идрокига таъсир қилувчи бошқа моддалар таъсири остида жиноят содир этиш. (ЎзР 22.10.2018 й. ЎРҚ-503-сон Қонуни таҳриридаги банд)

Суд содир этилган жиноятнинг хусусиятини эътиборга олиб, ушбу модданинг биринчи қисмида назарда тутилган ҳолатларни оғирлаштирувчи ҳолат деб топмаслиги ҳам мумкин.

Суд жазо тайинлашда ушбу моддада назарда тутилмаган ҳолатларни оғирлаштирувчи ҳолат деб топиши мумкин эмас.

Ушбу ҳолатлар Кодекс Махсус қисмининг моддасида жиноят таркибининг зарурий белгиси сифатида назарда тутилган бўлса, жазо тайинлашда ҳисобга олинмайди.

Шунингдек қаранг: ОС Пленумининг 2006 йил 3 февралдаги "Судлар томонидан жиноят учун жазо тайинлаш амалиёти тўғрисида"ги 1-сон Қарорининг 8-банди; ОС Пленумининг 2014 йил 23 майдаги "Суд ҳукми тўғрисида"ги 7-сон Қарори 28-бандининг тўртинчи хатбоши

57-модда. Енгилроқ жазо тайинлаш

Суд содир этилган жиноятнинг ижтимоий хавфлилик даражасини жиддий камайтирувчи ҳолатларни эътиборга олиб, алоҳида ҳолларда ушбу Кодекс Махсус қисмининг моддасида назарда тутилган мазкур жиноят учун белгиланган жазонинг энг кам қисмидан ҳам камроқ ёки шу моддада назарда тутилмаган бошқа енгилроқ турдаги жазони тайинлаши мумкин.

Суд шу асосларни эътиборга олиб, ушбу Кодекс Махсус қисмининг моддасида қўлланилиши шарт деб кўрсатилган қўшимча жазони тайинламаслиги ҳам мумкин.

Содир этилган қилмиш хусусиятларини ифодаловчи ҳолатлар, яъни айбдорнинг шахси, айбининг шакли ва даражаси, жиноят қилиш шароити ва сабаблари, шахснинг жиноятни содир қилгунча ва ундан кейинги хулқ-атвори жиноятнинг ижтимоий хавфлилик даражасини жиддий камайтирувчи ҳолатлар деб топилиши мумкин.

Шунингдек қаранг: ОС Пленумининг 2018 йил 24 августдаги "Судлар томонидан жиноят ишларини апелляция ва кассация тартибида кўриш амалиёти тўғрисида"ги 25-сон Қарори 25-бандининг еттинчи хатбоши, 26-банди; ОС Пленумининг 2019 йил 24 майдаги "Жиноят ишларини назорат тартибида кўриш бўйича суд амалиёти тўғрисида"ги 11-сон Қарори 24-бандининг олтинчи хатбоши, 26-банди; ОС Пленумининг 2000 йил 15 сентябрдаги "Вояга етмаганларнинг жиноятлари ҳақидаги ишлар бўйича суд амалиёти тўғрисида"ги 21-сон Қарори 10-бандининг учинчи хатбоши; ОС Пленумининг 2004 йил 21 майдаги "Жазоларни либераллаштириш тўғрисидаги қонунни иқтисодиёт соҳасидаги жиноятларга нисбатан қўллашнинг айрим масалалари ҳақида"ги 4-сон Қарорининг 12-банди; ОС Пленумининг 2006 йил 3 февралдаги "Судлар томонидан жиноят учун жазо тайинлаш амалиёти тўғрисида"ги 1-сон Қарорининг 37-39, 42-бандлари; ОС Пленумининг 2014 йил 23 майдаги "Суд ҳукми тўғрисида"ги 7-сон Қарори 29-бандининг иккинчи, учинчи хатбошлари, 30-бандининг учинчи хатбоши; ОС Пленумининг 2015 йил 26 июнлаги "Транспорт ҳаракати ва ундан фойдаланиш хавфсизлигига қарши жиноятлар билан боғлиқ ишлар юзасидан суд амалиётининг айрим масалалари тўғрисида"ги 10-сон Қарор 26-бандининг иккинчи хатбоши

57-1-модда. Айбдор ўз қилмишига амалда

пушаймон бўлганида жазо тайинлаш

(ЎзР 27.12.2010 й. ЎРҚ-277-сон Қонуни таҳриридаги модда номи)

(Олдинги таҳририга қаранг)

Ушбу Кодекс 55-моддаси биринчи қисмининг "а" ва "б" бандларида назарда тутилган жазони енгиллаштирувчи ҳолатлар мавжуд бўлган ва ушбу Кодекс 56-моддасининг биринчи қисмида назарда тутилган жазони оғирлаштирувчи ҳолатлар мавжуд бўлмаган тақдирда жазо муддати ёки миқдори ушбу Кодекс Махсус қисмининг тегишли моддасида назарда тутилган энг кўп жазонинг учдан икки қисмидан ошмаслиги керак. Мазкур қоида жавобгарликни оғирлаштирадиган ҳолатларда қасддан одам ўлдириш (97-модданинг иккинчи қисми) ва терроризм (155-модданинг учинчи қисми) билан боғлиқ жиноятларни содир этган шахсларга татбиқ этилмайди. (ЎзР 18.05.2010 й. ЎРҚ-245-сон Қонунига мувофиқ киритилган модда)

57-2-модда. Айбга иқрорлик тўғрисида келишув

тузилган жиноятлар бўйича жазо тайинлаш

(ЎзР 18.02.2021 й. ЎРҚ-675-сон Қонунига мувофиқ киритилган модда)

Айбга иқрорлик тўғрисида келишув тузилган жиноятлар бўйича тайинланадиган жазонинг муддати ёки миқдори ушбу Кодекс Махсус қисмининг тегишли моддасида (қисмида) назарда тутилган энг кўп жазонинг ярмидан ошмаслиги керак.

58-модда. Тамом бўлмаган ва иштирокчиликда

содир этилган жиноятлар учун жазо тайинлаш

Суд тамом бўлмаган жиноят учун жазо тайинлашда жазо тайинлашнинг умумий асосларига амал қилган ҳолда жиноятнинг оғир-енгиллигини, жиноий ният амалга оширилишининг даражасини ва жиноятни охирига етказа олмаганлик сабабларини ҳам ҳисобга олади.

Жиноятга тайёргарлик кўрганлик ҳамда жиноят содир этишга суиқасд қилганлик учун жазонинг муддати ёки миқдори ушбу Кодекс Махсус қисмининг тегишли моддасида назарда тутилган энг кўп жазонинг тўртдан уч қисмидан ошмаслиги керак. Мазкур қоида:

а) ўта хавфли рецидивистларга, уюшган гуруҳ ёки жиноий уюшма аъзоларига нисбатан;

б) тинчлик ва хавфсизликка қарши тамом бўлмаган жиноятлар учун, шунингдек қуйидагилар билан:

жавобгарликни оғирлаштирадиган ҳолатларда қасддан одам ўлдириш билан;

ўн саккиз ёшга тўлмаган жабрланувчининг номусига тегиш ёки унга нисбатан зўрлик ишлатиб, жинсий эҳтиёжни ғайритабиий усулда қондириш билан;

ўн олти ёшга тўлмаган шахс билан жинсий алоқа қилиш ёки жинсий эҳтиёжни ғайритабиий усулда қондириш билан;

вояга етмаган шахс тавсифланган ёки тасвирланган порнографик маҳсулотни тарқатиш, реклама қилиш, намойиш этиш мақсадида Ўзбекистон Республикаси ҳудудига олиб кириш, худди шунингдек уни тайёрлаш, тарқатиш, реклама қилиш, намойиш этиш ёхуд вояга етмаган шахсни порнографик хусусиятга эга ҳаракатларнинг ижрочиси сифатида жалб этиш билан;

вояга етмаган шахсни жалб этган ҳолда қўшмачилик қилиш, фоҳишахоналарни ташкил этиш ёки сақлаш билан;

ядровий, кимёвий, биологик ва бошқа турдаги оммавий қирғин қуролини, бундай қурол яратишда фойдаланиш мумкинлиги аён бўлган материалларни ҳамда ускуналарни, радиоактив материалларни контрабанда қилиш билан боғлиқ бўлган жиноятлар учун жазолар тайинлашда қўлланилмайди.

(ЎзР 11.04.2023 й. ЎРҚ-829-сон Қонуни таҳриридаги банд) (Олдинги таҳририга қаранг)

(ЎзР 11.04.2008 й. ЎРҚ-152-сон Қонунига мувофиқ киритилган қисм)

Қаранг: ЖК 246-моддасининг иккинчи қисми

ЎзР 11.04.2008 й. ЎРҚ-152-сон Қонунига мувофиқ иккинчи ва учинчи қисмлар учинчи ва тўртинчи қисмлар деб ҳисоблансин

Тамом бўлмаган жиноятлар учун умрбод озодликдан маҳрум қилиш тариқасидаги жазо тайинланиши мумкин эмас. (ЎзР 11.07.2007 й. ЎРҚ-99-сон Қонуни таҳриридаги қисм)

Қаранг: ЖКнинг 51-моддаси

Иштирокчиликда содир этилган жиноят учун жазо тайинлашда суд ҳар қайси айбдорнинг жиноятда иштирок этганлик хусусияти ва даражасини ҳисобга олади. Ҳар қайси иштирокчининг шахсига тегишли бўлган енгиллаштирувчи ва оғирлаштирувчи ҳолатлар суд томонидан фақат шу иштирокчининг ўзига жазо тайинлашда ҳисобга олинади.

Қаранг: ЖК Умумий қисмининг VII боби, 55, 56-моддалари

59-модда. Бир неча жиноят содир этганлик учун жазо тайинлаш

(ЎзР 27.08.2004 й. 671-II-сон Қонуни таҳриридаги модда)

(Олдинги таҳририга қаранг)

Шахс Махсус қисмнинг турли моддаларида назарда тутилган икки ёки ундан ортиқ жиноятни содир этган бўлиб, улардан бирортаси учун ҳам судланган бўлмаса, суд ушбу Кодекснинг 54-моддасида назарда тутилган қоидаларга мувофиқ ҳар қайси қилмиш учун жазо тайинлаб, сўнгра тайинланган енгилроқ жазони оғирроғи билан қоплаш ёхуд тайинланган жазоларни тўла ёки қисман қўшиш йўли билан жиноятлар мажмуи бўйича жазо тайинлайди.

Шунингдек қаранг: ОС Пленумининг 2006 йил 3 февралдаги "Судлар томонидан жиноят учун жазо тайинлаш амалиёти тўғрисида"ги 1-сон Қарорининг 51-банди

Агар жиноятлар мажмуини фақат ижтимоий хавфи катта бўлмаган жиноятлар ва унча оғир бўлмаган жиноятлар ташкил этса, унда тайинланган енгилроқ жазони оғирроғи билан қоплаш ёхуд тайинланган жазоларни тўла ёки қисман қўшиш йўли билан жазо узил-кесил тайинланади. Бунда узил-кесил тайинланган жазо содир этилган жиноятлардан энг оғири учун назарда тутилган энг кўп жазо муддатидан ёки меъёридан ортиқ бўлмаслиги лозим.

Агар жиноятлар мажмуини ташкил этувчи жиноятлардан лоақал биттаси оғир ёки ўта оғир жиноят бўлса, ушбу Кодекснинг Умумий қисмида шу жазо тури учун белгиланган доирада тайинланган жазоларни тўла ёки қисман қўшиш йўли билан жазо узил-кесил тайинланади.

Содир этилган жиноятлардан биттаси учун умрбод озодликдан маҳрум қилиш тариқасидаги жазо тайинланганда енгилроқ турдаги жазони умрбод озодликдан маҳрум қилиш билан қоплаш орқали жазо узил-кесил тайинланади. (ЎзР 11.07.2007 й. ЎРҚ-99-сон Қонунига мувофиқ киритилган қисм)

Қаранг: ЖКнинг 51-моддаси

Шунингдек қаранг: ОС Пленумининг 2007 йил 14 ноябрдаги "Умрбод озодликдан маҳрум қилиш тариқасидаги жазони қўллашнинг айрим масалалари тўғрисида"ги 15-сон Қарори 5-бандининг иккинчи хатбоши, 6-банди

Содир этилган жиноятлардан биттаси учун узоқ муддатли озодликдан маҳрум қилиш жазоси тайинланганда жазоларни тўла ёки қисман қўшиш ёхуд енгилроқ жазони оғирроғи билан қоплаш орқали жазо узил-кесил тайинланади. (ЎзР 11.07.2007 й. ЎРҚ-99-сон Қонунига мувофиқ киритилган қисм)

Қаранг: ЖК 50-моддасининг учинчи қисми

ЎзР 11.07.2007 й. ЎРҚ-99-сон Қонунига мувофиқ тўртинчи, бешинчи ва олтинчи қисмлари олтинчи, еттинчи ва саккизинчи қисмлар деб ҳисоблансин

Жиноятлар мажмуи бўйича ҳар хил турдаги жазоларни қўшиш йўли билан жазо тайинлашда ушбу Кодекснинг 61-моддасида назарда тутилган қоидаларга амал қилиниб, жазонинг оғирроқ тури узил-кесил тайинланади.

Шунингдек қаранг: ОС Пленумининг 2006 йил 3 февралдаги "Судлар томонидан жиноят учун жазо тайинлаш амалиёти тўғрисида"ги 1-сон Қарорининг 53-банди, 58-бандининг биринчи, учинчи хатбошилари

Жиноятлар мажмуи бўйича тайинланган асосий жазога суд айрим жиноятлар учун тайинланган қўшимча жазоларни ҳам қўшиши мумкин. Бунда муайян ҳуқуқдан маҳрум қилиш тариқасидаги қўшимча жазонинг узил-кесил тайинланган муддати ушбу Кодекснинг 45-моддасида назарда тутилган энг кўп муддатдан ортиқ бўлмаслиги лозим.

Агар иш бўйича ҳукм чиқарилганидан кейин маҳкумнинг ана шу иш бўйича чиқарилган ҳукмга қадар содир этилган яна бошқа жиноятда айбли эканлиги аниқланса ҳам жазо ўша тартибда тайинланади. Бундай ҳолда жиноятлар мажмуи бўйича суд томонидан тайинланган жазо муддатига биринчи ҳукм юзасидан жазонинг ўталган қисми қўшиб ҳисобланади. (ЎзР 18.04.2018 й. ЎРҚ-476-сон Қонуни таҳриридаги қисм)

Шунингдек қаранг: ОС Пленумининг 2018 йил 24 августдаги "Судлар томонидан жиноят ишларини апелляция ва кассация тартибида кўриш амалиёти тўғрисида"ги 25-сон Қарорининг 27, 28-бандлари; ОС Пленумининг 2019 йил 24 майдаги "Жиноят ишларини назорат тартибида кўриш бўйича суд амалиёти тўғрисида"ги 11-сон Қарори 27-бандининг биринчи хатбоши, 28-бандининг биринчи хатбоши; ОС Пленумининг 2006 йил 3 февралдаги "Судлар томонидан жиноят учун жазо тайинлаш амалиёти тўғрисида"ги 1-сон Қарори 12-бандининг еттинчи хатбоши, 20-бандининг тўртинчи хатбоши, 36-1-бандининг учинчи-бешинчи хатбошлари, 49-53, 58-бандлари; ОС Пленумининг 2008 йил 15 майдаги "Бир неча жиноят содир этилганда қилмишни квалификация қилишга доир масалалар тўғрисида"ги 13-сон Қарори

60-модда. Бир неча ҳукм юзасидан жазо тайинлаш

Агар маҳкум ҳукм чиқарилганидан кейин жазони тўла ўтамай туриб, янги жиноят содир этса, суд янги ҳукм бўйича тайинланган жазо муддатига илгариги ҳукм юзасидан ўталмай қолган жазо муддатини тўла ёки қисман қўшади.

Бир неча ҳукм юзасидан ҳар хил турдаги жазоларни қўшиш йўли билан жазо тайинлашда ушбу Кодекснинг 61-моддасида назарда тутилган қоидаларга амал қилиниб, жазонинг оғирроқ тури узил-кесил тайинланади.

Агар ҳукмлардан бири билан умрбод озодликдан маҳрум қилиш тариқасидаги жазо тайинланган бўлса, бир неча ҳукмлар юзасидан жазоларни қўшишда енгилроқ жазо турини умрбод озодликдан маҳрум қилиш билан қоплаш орқали жазо узил-кесил тайинланади. (ЎзР 11.07.2007 й. ЎРҚ-99-сон Қонунига мувофиқ киритилган қисм)

Қаранг: ЖКнинг 51-моддаси

Шунингдек қаранг: ОС Пленумининг 2007 йил 14 ноябрдаги "Умрбод озодликдан маҳрум қилиш тариқасидаги жазони қўллашнинг айрим масалалари тўғрисида"ги 15-сон Қарори 7-бандининг иккинчи хатбоши

Агар ҳукмлардан бири билан узоқ муддатга озодликдан маҳрум қилиш жазоси тайинланган бўлса, бир неча ҳукмлар юзасидан жазоларни қўшишда енгилроқ жазони оғирроғи билан қоплаш ёхуд жазоларни тўла ёки қисман қўшиш йўли билан жазо узил-кесил тайинланади. (ЎзР 11.07.2007 й. ЎРҚ-99-сон Қонунига мувофиқ киритилган қисм)

Қаранг: ЖК 50-моддасининг учинчи қисми

ЎзР 11.07.2007 й. ЎРҚ-99-сон Қонунига мувофиқ учинчи ва тўртинчи қисмлар тегишинча бешинчи ва олтинчи қисмлар деб ҳисоблансин

Бир неча ҳукмлар юзасидан ахлоқ тузатиш ишларига ёки хизмат бўйича чеклашга ҳукм қилиниб, иш ҳақи ёки пул таъминотидан ушлаб қолишнинг ҳар хил миқдори белгиланган ҳолларда бу жазоларнинг фақат муддатлари қўшилади.

Қаранг: ЖКнинг 46, 47-моддалари

Шунингдек қаранг: ОС Пленумининг 2006 йил 3 февралдаги "Судлар томонидан жиноят учун жазо тайинлаш амалиёти тўғрисида"ги 1-сон Қарори 20-бандининг тўртинчи хатбоши

Илгариги ҳукм юзасидан ижро этилмай қолган қўшимча жазолар ҳукмлар жами тариқасида тайинланган асосий жазога қўшиб тайинланади.

Шунингдек қаранг: ОС Пленумининг 2006 йил 3 февралдаги "Судлар томонидан жиноят учун жазо тайинлаш амалиёти тўғрисида"ги 1-сон Қарори 27-бандининг биринчи, иккинчи хатбошлари, 36-бандининг биринчи хатбоши, 54-59-бандлари

61-модда. Жазоларни қўшишнинг ҳисоблаш қоидалари

(ЎзР 29.03.2017 й. ЎРҚ-421-сон Қонуни таҳриридаги модда матни)

(Олдинги таҳририга қаранг)

Ҳар хил турдаги асосий жазоларни қўшганда озодликдан маҳрум қилишнинг бир куни:

а) озодликни чеклашнинг ёки интизомий қисмга жўнатишнинг бир кунига;

Қаранг: ЖКнинг 48-1, 49-моддалари

б) ахлоқ тузатиш ишларининг ёки хизмат бўйича чеклашнинг уч кунига;

Қаранг: ЖКнинг 46, 47-моддалари

в) мажбурий жамоат ишларининг тўрт соатига тўғри келади.

Қаранг: ЖКнинг 45-1-моддаси

Жарима ёки муайян ҳуқуқдан маҳрум қилиш тариқасидаги жазо озодликдан маҳрум қилиш, интизомий қисмга жўнатиш, озодликни чеклаш, хизмат бўйича чеклаш, ахлоқ тузатиш ишлари, мажбурий жамоат ишлари жазоси билан қўшилганда ҳар қайсиси алоҳида ижро этилади.

Қаранг: ЖКнинг 44-50-моддалари

Шунингдек қаранг: ОС Пленумининг 2019 йил 24 майдаги "Жиноят ишларини назорат тартибида кўриш бўйича суд амалиёти тўғрисида"ги 11-сон Қарорининг 26-банди; ОС Пленумининг 2006 йил 3 февралдаги "Судлар томонидан жиноят учун жазо тайинлаш амалиёти тўғрисида"ги 1-сон Қарори 51-бандининг тўртинчи, бешинчи хатбошлари; ОС Пленумининг 2004 йил 21 майдаги "Жазоларни либераллаштириш тўғрисидаги қонунни иқтисодиёт соҳасидаги жиноятларга нисбатан қўллашнинг айрим масалалари ҳақида"ги 4-сон Қарорининг 17-банди

62-модда. Ушлаб туриш, қамоққа олиш ёки уй

қамоғи вақтини ҳисобга олиш қоидалари

(ЎзР 18.04.2018 й. ЎРҚ-476-сон Қонуни таҳриридаги модда)

(Олдинги таҳририга қаранг)

Суд жазо тайинлаш чоғида ушлаб туришнинг, қамоққа олишнинг ёки уй қамоғининг ҳар бир кунини:

а) озодликни чеклашнинг, интизомий қисмга жўнатишнинг, озодликдан маҳрум қилишнинг бир кунига;

Қаранг: ЖКнинг 48-1, 50-моддалари

б) ахлоқ тузатиш ишларининг ёки хизмат бўйича чеклашнинг уч кунига;

Қаранг: ЖКнинг 46, 47-моддалари

в) мажбурий жамоат ишларининг тўрт соатига тенглаштириб ҳисоблайди.

Қаранг: ЖКнинг 45-1-моддаси

Суд ушлаб турилган, қамоқда ёки уй қамоғида сақланган шахсга жарима тайинлашда ушлаб туришнинг, қамоқда ёки уй қамоғида сақлашнинг бир кунини базавий ҳисоблаш миқдорининг иккидан бир қисмига тенглаштириб ҳисобга олади. (ЎзР 03.12.2019 й. ЎРҚ-586-сон Қонуни таҳриридаги қисм)

63-модда. Жазо муддатларини ҳисоблаш

(ЎзР 10.08.2015 й. ЎРҚ-389-сон Қонуни таҳриридаги модда матни)

Муайян ҳуқуқдан маҳрум қилиш, ахлоқ тузатиш ишлари, хизмат бўйича чеклаш, қамоқ, озодликни чеклаш, интизомий қисмга жўнатиш, озодликдан маҳрум қилиш тарзидаги жазоларнинг муддатлари ойлар ва йиллар билан ҳисобланади. Жазоларни алмаштириш, ҳисоблаш, қўшиш вақтида уларнинг муддатлари кунлар билан ҳисобланиши мумкин.

Мажбурий жамоат ишлари тариқасидаги жазонинг муддатлари соатлар билан ҳисобланади. (ЎзР 29.03.2017 й. ЎРҚ-421-сон Қонунига мувофиқ киритилган қисм)

БЕШИНЧИ БЎЛИМ. ЖАВОБГАРЛИКДАН ВА

ЖАЗОДАН ОЗОД ҚИЛИШ

XII боб. Жавобгарликдан озод қилишнинг турлари (64-68-моддалар)

XIII боб. Жазодан озод қилишнинг турлари (69-76-моддалар)

XIV боб. Судланганлик (77-80-моддалар)

ХII БОБ. ЖАВОБГАРЛИКДАН ОЗОД

ҚИЛИШНИНГ ТУРЛАРИ

Шунингдек қаранг: ОС Пленумининг 2008 йил 15 майдаги "Бир неча жиноят содир этилганда қилмишни квалификация қилишга доир масалалар тўғрисида"ги 13-сон Қарорининг 3-банди; ОС Пленумининг 2015 йил 18 сентябрдаги "Судланганлик ҳолати тугалланиши ва олиб ташланишига оид қонунчиликни қўллаш бўйича суд амалиёти тўғрисида"ги 13-сон Қарори 2-бандининг тўртинчи-ўнинчи хатбошлари

64-модда. Жавобгарликка тортиш муддатининг

ўтиб кетганлиги муносабати билан жиноят учун

жавобгарликдан озод қилиш

65-модда. Қилмиш ёки шахс ижтимоий хавфлилигини

йўқотганлиги муносабати билан жавобгарликдан озод қилиш

66-модда. Айбдор ўз қилмишига амалда пушаймон

бўлганлиги муносабати билан жавобгарликдан озод қилиш

66-1-модда. Ярашилганлиги муносабати билан

жиноий жавобгарликдан озод қилиш

67-модда. Касаллик туфайли жавобгарликдан озод этиш

68-модда. Амнистия акти асосида жавобгарликдан озод этиш

64-модда. Жавобгарликка тортиш муддатининг

ўтиб кетганлиги муносабати билан жиноят

учун жавобгарликдан озод қилиш

Агар жиноят содир этилган кундан бошлаб қуйидаги муддатлар:

а) ижтимоий хавфи катта бўлмаган жиноят содир этилган кундан бошлаб - икки йил;

б) унча оғир бўлмаган жиноят содир этилган кундан бошлаб - тўрт йил;

в) оғир жиноят содир этилган кундан бошлаб - саккиз йил;

г) ўта оғир жиноят содир этилган кундан бошлаб - ўн тўрт йил ўтган бўлса, шахс жавобгарликдан озод қилинади.

(ЎзР 20.07.2018 й. ЎРҚ-485-сон Қонуни таҳриридаги қисм) (Олдинги таҳририга қаранг)

Жавобгарликка тортиш муддати жиноят содир этилган кундан бошлаб ҳукм қонуний кучга кирган кунгача ҳисобланади.

Агар жиноят содир этган ва жиноий жавобгарликка тортилган шахс тергов ёки суддан яширинса, муддатнинг ўтиши тўхтатилади. Айбдор ушланган ёки айбини бўйнига олиб арз қилган кундан бошлаб муддатнинг ўтиши қайтадан тикланади.

Агар оғир ёки ўта оғир жиноят содир этган шахс ушбу моддада назарда тутилган муддатлар ўтмасдан қасддан янги жиноят содир этса, муддатнинг ўтиши узилади. Бундай ҳолда жавобгарликка тортиш муддатлари янги жиноят содир этилган кундан бошлаб ҳисобланади. Қолган ҳолларда, агар шахс жавобгарликка тортиш муддатлари ўтмасдан янги жиноят содир этса, бу муддатлар ҳар бир жиноят учун алоҳида ҳисобланади.

Агар ижтимоий хавфи катта бўлмаган ёки унча оғир бўлмаган жиноят содир этилган кундан бошлаб ўн йил, оғир ёки ўта оғир жиноят содир этилган кундан бошлаб йигирма беш йил ўтган бўлса, шахс жавобгарликка тортилиши мумкин эмас. (ЎзР 20.07.2018 й. ЎРҚ-485-сон Қонуни таҳриридаги қисм) (Олдинги таҳририга қаранг)

Ушбу Кодекс Махсус қисмининг моддасида умрбод озодликдан маҳрум қилиш жазосини тайинлаш назарда тутилган жиноятни содир этган шахсга нисбатан, жавобгарликка тортиш муддатларини қўллаш масаласи суд томонидан ҳал қилинади. Агар суд жавобгарликка тортиш муддатини қўллашни лозим топмаса, умрбод озодликдан маҳрум қилиш жазоси ўрнига озодликдан маҳрум қилиш тайинланади. (ЎзР 11.07.2007 й. ЎРҚ-99-сон Қонуни таҳриридаги қисм) (Олдинги таҳририга қаранг)

Ушбу моддада назарда тутилган муддатлар ушбу Кодекснинг 150-157-моддаларида, 158-моддасининг биринчи қисмида, 159-моддасининг учинчи ва тўртинчи қисмларида, 160, 161 ва 244-2-моддаларида назарда тутилган жиноятларни содир этган шахсларга нисбатан қўлланилмайди. (ЎзР 20.07.2018 й. ЎРҚ-485-сон Қонуни таҳриридаги қисм) (Олдинги таҳририга қаранг)

Шунингдек қаранг: ОС Пленумининг 2007 йил 14 ноябрдаги "Умрбод озодликдан маҳрум қилиш тариқасидаги жазони қўллашнинг айрим масалалари тўғрисида"ги 15-сон Қарори 8-бандининг биринчи, учинчи хатбошилари; ОС Пленумининг 2008 йил 12 декабрдаги "Рухий касалликка чалинган шахсларга нисбатан тиббий йўсиндаги мажбурлов чораларини қўллаш бўйича суд амалиёти тўғрисида"ги 23-сон Қарори 7-бандининг иккинчи хатбоши

65-модда. Қилмиш ёки шахс ижтимоий

хавфлилигини йўқотганлиги муносабати

билан жавобгарликдан озод қилиш

Ишни тергов қилиш ёки судда кўриш вақтида шароит ўзгарганлиги туфайли содир этилган қилмиш ўзининг ижтимоий хавфлилигини йўқотган деб топилса, жиноят содир этган шахс жавобгарликдан озод қилиниши мумкин.

Ишни тергов қилиш ёки судда кўриш вақтида шароит ўзгарганлиги туфайли жиноят содир этган шахс ижтимоий хавфлилик хусусиятини йўқотган деб топилса, жавобгарликдан озод қилиниши мумкин.

66-модда. Айбдор ўз қилмишига амалда пушаймон

бўлганлиги муносабати билан жавобгарликдан озод қилиш

(ЎзР 27.12.2010 й. ЎРҚ-277-сон Қонуни таҳриридаги модда)

(Олдинги таҳририга қаранг)

Ижтимоий хавфи катта бўлмаган ёки унча оғир бўлмаган жиноятни биринчи марта содир этган шахс, агар у айбини бўйнига олиш тўғрисида арз қилган, чин кўнгилдан пушаймон бўлган, жиноятнинг очилишига фаол ёрдам берган ва келтирилган зарарни бартараф қилган бўлса, жавобгарликдан озод қилиниши мумкин.

Ушбу Кодекс Махсус қисмининг тегишли моддасида алоҳида кўрсатилган ҳолларда, жиноят содир этган шахс ўз қилмишига амалда пушаймон бўлган тақдирда жавобгарликдан озод қилиниши лозим.

66-1-модда. Ярашилганлиги муносабати

билан жиноий жавобгарликдан озод қилиш

(ЎзР 27.08.2004 й. 671-II-сон Қонуни таҳриридаги модда матни)

(Олдинги таҳририга қаранг)

Ушбу Кодекс 105-моддасининг биринчи қисмида (қасддан баданга ўртача оғир шикаст етказиш), 106-моддасида (кучли руҳий ҳаяжонланиш ҳолатида қасддан баданга оғир ёки ўртача оғир шикаст етказиш), 107-моддасида (зарурий мудофаа чегарасидан четга чиқиб, қасддан баданга оғир шикаст етказиш), 108-моддасида (ижтимоий хавфли қилмиш содир этган шахсни ушлашнинг зарур чоралари чегарасидан четга чиқиб, баданга қасддан оғир шикаст етказиш), 109-моддасида (қасддан баданга енгил шикаст етказиш), 110-моддасининг биринчи қисмида (қийнаш), 111-моддасида (эҳтиётсизлик орқасида баданга ўртача оғир ёки оғир шикаст етказиш), 113-моддасининг биринчи ва иккинчи қисмларида (таносил ёки ОИВ касаллиги/ОИТСни тарқатиш), 115-моддасида (аёлни ўз ҳомиласини сунъий равишда туширишга мажбурлаш), 116-моддасининг биринчи ва иккинчи қисмларида (касб юзасидан ўз вазифаларини лозим даражада бажармаслик), 117-моддасининг биринчи қисмида (хавф остида қолдириш), 121-моддасининг биринчи қисмида (шахсни жинсий алоқа қилишга мажбур этиш), 122-моддасида (вояга етмаган ёки меҳнатга лаёқатсиз шахсларни моддий таъминлашдан бўйин товлаш), 123-моддасида (ота-онани моддий таъминлашдан бўйин товлаш), 125-моддасининг биринчи қисмида (фарзандликка олиш сирини ошкор қилиш), 126-1-моддасининг биринчи, иккинчи, учинчи ва тўртинчи қисмларида (оилавий (маиший) зўравонлик), 136-моддасида (аёлни эрга тегишга мажбур қилиш ёки унинг эрга тегишига тўсқинлик қилиш), 138-моддасининг биринчи қисмида (зўрлик ишлатиб ғайриқонуний равишда озодликдан маҳрум қилиш), 139-моддасининг биринчи ва иккинчи қисмларида (туҳмат), 140-моддасининг биринчи ва иккинчи қисмларида (ҳақорат қилиш), 141-1-моддасининг биринчи қисмида (шахсий ҳаёт дахлсизлигини бузиш), 141-2-моддасининг биринчи қисмида (шахсга доир маълумотлар тўғрисидаги қонунчиликни бузиш), 143-моддасида (хат-ёзишмалар, телефонда сўзлашув, телеграф хабарлари ёки бошқа хабарларнинг сир сақланиши тартибини бузиш), 148-моддасида (меҳнат қилиш ҳуқуқини бузиш), 149-моддасида (муаллифлик ёки ихтирочилик ҳуқуқларини бузиш), 167-моддасининг биринчи қисмида (ўзлаштириш ёки растрата йўли билан талон-торож қилиш), 168-моддасининг биринчи қисмида (фирибгарлик), 169-моддасининг биринчи қисмида (ўғрилик), 170-моддасининг биринчи қисмида ҳамда иккинчи қисмининг "б"ва "в" бандларида (алдаш ёки ишончни суиистеъмол қилиш йўли билан мулкий зарар етказиш), 172-моддасида (мулкни қўриқлашга виждонсиз муносабатда бўлиш), 173-моддасининг биринчи қисмида (мулкни қасддан нобуд қилиш ёки унга зарар етказиш), 180-моддасида (сохта тўловга қобилиятсизлик), 181-моддасида (тўловга қобилиятсизликни яшириш), 185-2-моддасида (электр, иссиқлик энергияси, газ, водопроводдан фойдаланиш қоидаларини бузиш), 189-моддасида (савдо ёки хизмат кўрсатиш қоидаларини бузиш), 191-моддасида (қонунга хилоф равишда ахборот тўплаш, уни ошкор қилиш ёки ундан фойдаланиш), 192-моддасида (рақобатчини обрўсизлантириш), 229-моддасида (ўзбошимчалик), 256-моддасининг биринчи ва иккинчи қисмларида (тадқиқот фаолиятини амалга оширишда хавфсизлик қоидаларини бузиш), 257-моддасининг биринчи қисмида (меҳнатни муҳофаза қилиш қоидаларини бузиш), 258-моддасининг биринчи қисмида (тоғ-кон, қурилиш ёки портлатиш ишлари хавфсизлиги қоидаларини бузиш), 259-моддасининг биринчи қисмида (ёнғин хавфсизлиги қоидаларини бузиш), 260-моддасининг биринчи қисмида (темир йўл, денгиз, дарё ёки ҳаво транспортининг ҳаракати ёки улардан фойдаланиш хавфсизлиги қоидаларини бузиш), 266-моддасининг биринчи қисмида (транспорт воситалари ҳаракати ёки улардан фойдаланиш хавфсизлиги қоидаларини бузиш), 268-моддасининг биринчи қисмида (транспортнинг хавфсиз ишлашини таъминлашга доир қоидаларни бузиш), 277-моддасининг биринчи қисмида (безорилик), 298-моддасининг биринчи қисмида (машиналарни бошқариш ёки улардан фойдаланиш қоидаларини бузиш) назарда тутилган жиноятларни содир этган шахс, агар у ўз айбига иқрор бўлса, жабрланувчи билан ярашса ва етказилган зарарни бартараф этса, жиноий жавобгарликдан озод этилиши мумкин. (ЎзР 21.02.2024 й. ЎРҚ-911-сон Қонуни таҳриридаги қисм) (Олдинги таҳририга қаранг)

Оғир ёки ўта оғир жиноятларни содир этганлик учун судланганлик ҳолати тугалланмаган ёки судланганлиги олиб ташланмаган шахслар ярашилганлиги муносабати билан жиноий жавобгарликдан озод қилинмайди.

Қаранг: ЖПКнинг 62-боби

Шунингдек қаранг: ОС Пленумининг 2002 йил 25 октябрдаги "Ярашув тўғрисидаги ишлар бўйича суд амалиёти ҳақида"ги 27-сон Қарори; ОС Пленумининг 2006 йил 3 февралдаги "Судлар томонидан жиноят учун жазо тайинлаш амалиёти тўғрисида"ги 1-сон Қарорининг 10-банди

67-модда. Касаллик туфайли жавобгарликдан озод қилиш

Агар жиноят содир этган шахсда ҳукм чиқарилгунига қадар ўз ҳаракатларининг аҳамиятини англай олмайдиган ёки уларни бошқара олмайдиган тарзда руҳий ҳолатнинг бузилиши юзага келган бўлса, у жавобгарликдан озод қилинади. (ЎзР 12.09.2019 й. ЎРҚ-567-сон Қонуни таҳриридаги қисм) (Олдинги таҳририга қаранг)

Қаранг: ЖКнинг 91-96-моддалари; ЖПКнинг 61-боби

Бундай шахсга нисбатан суд томонидан тиббий йўсиндаги мажбурлов чоралари қўлланилиши мумкин.

Бундай шахс ушбу Кодекснинг 64-моддасида назарда тутилган муддатлар ўтмасдан тузалса, жавобгарликка тортилади. Бундай ҳолда жавобгарликка тортиш муддатлари суд томонидан тиббий йўсиндаги мажбурлов чораси қўлланилган кундан ҳисобланади.

68-модда. Амнистия акти асосида жавобгарликдан озод қилиш

Жиноят содир этган шахс амнистия акти асосида жавобгарликдан озод қилиниши мумкин.

Қаранг: ЖПКнинг 63-боби

Шунингдек қаранг: ОС Пленумининг 2018 йил 24 августдаги "Судлар томонидан жиноят ишларини апелляция ва кассация тартибида кўриш амалиёти тўғрисида"ги 25-сон Қарори 6-бандининг учинчи хатбоши, 31, 32-бандлари; ОС Пленумининг 2019 йил 24 майдаги "Жиноят ишларини назорат тартибида кўриш бўйича суд амалиёти тўғрисида"ги 11-сон Қарори 7-бандининг иккинчи хатбоши, 22, 33, 34-бандлари; ОС Пленумининг 2006 йил 3 февралдаги "Судлар томонидан жиноят учун жазо тайинлаш амалиёти тўғрисида"ги 1-сон Қарорининг 10-банди; ОС Пленумининг 2006 йил 22 декабрдаги "Судлар томонидан амнистия актларини қўллашнинг айрим масалалари тўғрисида"ги 16-сон Қарори

ХIII БОБ. ЖАЗОДАН ОЗОД ҚИЛИШНИНГ ТУРЛАРИ

69-модда. Жазони ижро этиш муддати ўтиб кетганлиги

муносабати билан жазодан озод қилиш

70-модда. Шахснинг ижтимоий хавфлилик хусусиятини

йўқотиши муносабати билан уни жазодан озод этиш

71-модда. Айбдор ўз қилмишига амалда пушаймон

бўлганлиги муносабати билан жазодан озод қилиш

72-модда. Шартли ҳукм қилиш

73-модда. Жазони ўташдан муддатидан илгари шартли озод этиш

74-модда. Жазони енгилроғи билан алмаштириш

75-модда. Касаллик ёки меҳнат қобилиятини

йўқотиш оқибатида жазодан озод этиш

76-модда. Амнистия акти ёки авф этиш асосида жазодан озод қилиш

69-модда. Жазони ижро этиш муддати ўтиб кетганлиги

муносабати билан жазодан озод қилиш

Агар ҳукм қонуний кучга кирган кундан бошлаб:

а) уч йилдан ортиқ бўлмаган муддатга озодликдан маҳрум қилинган ёки озодликдан маҳрум қилиш билан боғлиқ бўлмаган жазога ҳукм қилинганда - уч йил;

б) беш йилдан ортиқ бўлмаган муддатга озодликдан маҳрум этишга ҳукм қилинганда - беш йил;

в) ўн йилдан ортиқ бўлмаган муддатга озодликдан маҳрум этишга ҳукм қилинганда - ўн йил;

г) ўн йилдан ортиқ муддатга озодликдан маҳрум этишга ҳукм қилинганда - ўн беш йил ичида ижро этилмаган бўлса, маҳкум асосий ва қўшимча жазолардан озод қилинади.

Агар маҳкум ушбу моддада назарда тутилган жазони ўташдан бўйин товласа, жазони ижро этиш муддати икки баравар кўпаяди ва жазони ўташдан бўйин товлаган кундан бошлаб ҳисобланади, лекин йигирма беш йилдан ошмаслиги керак.

Агар шахс ушбу моддада кўрсатилган муддатлар ўтмасдан қасддан янги жиноят содир этса, муддатларнинг ўтиши узилади. Бундай ҳолда муддатларнинг ўтишини ҳисоблаш янги жиноят содир этилган пайтдан қайтадан бошланади.

Агар жазо тайинланган кундан бошлаб йигирма беш йил ўтган бўлса, жазони ижро этиш мумкин эмас.

Умрбод озодликдан маҳрум қилиш жазосига ҳукм этилган шахсга нисбатан муддатлар ўтишини қўллаш масаласи суд томонидан ҳал қилинади. Агар суд муддатлар ўтишини қўллашни лозим топмаса, умрбод озодликдан маҳрум қилиш жазоси озодликдан маҳрум қилиш билан алмаштирилади. (ЎзР 11.07.2007 й. ЎРҚ-99-сон Қонуни таҳриридаги қисм) (Олдинги таҳририга қаранг)

Қаранг: ЖКнинг 51-моддаси

Шунингдек қаранг: ОС Пленумининг 2006 йил 3 февралдаги "Судлар томонидан жиноят учун жазо тайинлаш амалиёти тўғрисида"ги 1-сон Қарорининг 10-банди; ОС Пленумининг 2006 йил 22 декабрдаги "Судлар томонидан амнистия актларини қўллашнинг айрим масалалари тўғрисида"ги 16-сон Қарори 6-бандининг иккинчи хатбоши; ОС Пленумининг 2007 йил 14 ноябрдаги "Умрбод озодликдан маҳрум қилиш тариқасидаги жазони қўллашнинг айрим масалалари тўғрисида"ги 15-сон Қарори 8-бандининг иккинчи, учинчи хатбошилари

Ушбу моддада назарда тутилган муддатлар ушбу Кодекснинг 150-157-моддаларида, 158-моддасининг биринчи қисмида, 159-моддасининг учинчи ва тўртинчи қисмларида, 160, 161 ва 244-2-моддаларида назарда тутилган жиноятлар учун ҳукм қилинган шахсларга нисбатан қўлланилмайди. (ЎзР 20.07.2018 й. ЎРҚ-485-сон Қонуни таҳриридаги қисм) (Олдинги таҳририга қаранг)

Қаранг: ЖК Махсус қисмининг VIII боби

Шунингдек қаранг: ОС Пленумининг 2008 йил 15 майдаги "Бир неча жиноят содир этилганда қилмишни квалификация қилишга доир масалалар тўғрисида"ги 13-сон Қарорининг 27-банди

70-модда. Шахснинг ижтимоий хавфлилик хусусиятини

йўқотиши муносабати билан уни жазодан озод қилиш

Жиноят содир этган шахс агар иш судда кўрилаётган вақтгача шароит ўзгарди ёки шахс намунали хулқи, меҳнатга ёки ўқишга ҳалол муносабати билан ўзини кўрсатиб, ижтимоий хавфлилигини йўқотди деб эътироф этилса, суд уни жазодан озод қилиши мумкин.

71-модда. Айбдор ўз қилмишига амалда пушаймон

бўлганлиги муносабати билан жазодан озод қилиш

(ЎзР 27.12.2010 й. ЎРҚ-277-сон Қонуни таҳриридаги модда)

(Олдинги таҳририга қаранг)

Ижтимоий хавфи катта бўлмаган ёки унча оғир бўлмаган жиноятни биринчи марта содир этган шахс, агар у айбини бўйнига олиш тўғрисида арз қилган, жиноятнинг очилишига фаол ёрдам берган ва келтирилган зарарни бартараф қилган бўлса, суд томонидан жазодан озод қилиниши мумкин.

Бошқа шахслар билан биргаликда жиноят содир этишда иштирок қилган ёки уюшган гуруҳ ёхуд жиноий уюшма аъзоси бўлган шахс, агар у айбини бўйнига олиш тўғрисида арз қилган, чин кўнгилдан пушаймон бўлган, жиноятнинг олдини олиш, жиноятни очиш ёки унинг ташкилотчиларини ёхуд бошқа иштирокчиларини аниқлаш ва фош қилишга ёрдам берган бўлса, башарти у оғир ёки ўта оғир жиноят содир этишда бевосита иштирок этмаган бўлса, суд томонидан жазодан озод қилиниши мумкин.

Қаранг: "Терроризмга қарши кураш тўғрисида"ги Қонун 28-моддасининг иккинчи қисми

Ушбу Кодекс Махсус қисмининг тегишли моддасида алоҳида кўрсатилган ҳолларда, жиноят содир этган шахс ўз қилмишига амалда пушаймон бўлган тақдирда суд томонидан жазодан озод қилиниши лозим.

Шунингдек қаранг: ОС Пленумининг 2014 йил 23 майдаги "Суд хукми тўгрисида"ги 07-сон Қарори 32-бандининг иккинчи хатбоши

72-модда. Шартли ҳукм қилиш

Агар суд озодликдан маҳрум қилиш, интизомий қисмга жўнатиш, хизмат бўйича чеклаш ёки ахлоқ тузатиш ишлари жазоларини тайинлаш вақтида содир этилган жиноятнинг хусусияти ва ижтимоий хавфлилик даражаси, айбдорнинг шахси ва ишдаги бошқа ҳолатларни эътиборга олиб, айбдор тайинланган жазони ўтамасдан туриб ҳам унинг хулқини назорат қилиш орқали тузатиш мумкин, деган қатъий фикрга келса, шартли ҳукм қўллаши мумкин. Бундай ҳолда суд, башарти, белгиланган синов муддати давомида жазонинг шартлилигини бекор қилиш асослари келиб чиқмаса, тайинланган жазони ижро этмаслик тўғрисида қарор чиқаради.

Қаранг: ЖКнинг 46, 47, 49, 50-моддалари

Синов муддати бир йилдан уч йилгача белгиланиб, ҳукм чиқарилган кундан бошлаб ҳисобланади. Башарти, шартли ҳукм қилиш тўғрисидаги қарор юқори суд томонидан чиқарилган тақдирда ҳам, синов муддатини ҳисоблаш шу кундан бошланади.

Шартли ҳукм қилинганда, башарти, бунга асослар мавжуд бўлса, суд маҳкумга муайян вақт мобайнида етказилган зарарни бартараф қилиш, ишга ёки ўқишга кириш, яшаш жойи, иш ёки ўқиш жойи ўзгариб қолса, бу ҳақда шартли ҳукм қилинган шахснинг хулқи устидан назорат олиб борувчи органга хабар бериб туриш, вақти-вақти билан келиб бу органларда рўйхатдан ўтиб туриш, муайян жойларда бўлмаслик, муайян вақтда яшаш жойида бўлиши, алкоголизм, гиёҳвандлик, заҳарвандлик ёки таносил касаллигидан даволаниш курсини ўташи каби мажбуриятларни юклаши мумкин.

Шартли ҳукм қилинган шахсларнинг хулқи устидан ички ишлар органлари, ҳарбий хизматчилар хулқи устидан эса, ҳарбий қисм ёки муассасанинг қўмондонлиги назорат олиб боради.

Қаранг: АВ томонидан 2017 йил 28 августда 2922-сон билан рўйхатга олинган ИИВ Буйруғи билан тасдиқланган "Муайян ҳуқуқдан маҳрум қилиш, ахлоқ тузатиш ишлари ва озодликни чеклаш тариқасидаги жазоларнинг ижросини ташкил этиш ҳамда шартли ҳукм қилинган шахслар устидан назоратни амалга ошириш тартиби тўғрисида"ги Йўриқноманинг 4-боби

Ҳукм қилинган шахснинг хулқи устидан назорат олиб борувчи органнинг тақдими билан суд синов муддати давомида унга юклатилган мажбуриятларнинг ҳаммасини ёки бир қисмини олиб ташлаши ёки унинг зиммасига янги мажбуриятлар юклаши ҳам мумкин.

Агар шартли ҳукм қилинган шахс синов муддати давомида суд унга юклаган мажбуриятларни бажармаса ёхуд жамоат тартиби ёки меҳнат интизомини бузганлиги учун унга маъмурий ёки интизомий таъсир чораси қўлланилган бўлса суд унинг хулқи устидан назорат олиб борувчи орган тақдимномасига биноан жазонинг шартлилигини бекор қилиб, ҳукмда тайинланган жазони ижро этиш тўғрисида ажрим чиқариши мумкин.

Қаранг: ЖПКнинг 535-моддаси

Шартли жазо белгилаш тартиби ўта оғир жинояти учун ҳукм қилинганларга, шунингдек илгари қасддан содир этган жинояти учун озодликдан маҳрум қилиш жазосига ҳукм қилинган шахсларга нисбатан қўлланилмайди, ўн саккиз ёшга тўлмаган шахслар, биринчи ва иккинчи гуруҳ ногиронлиги бўлган шахслар, аёллар, шунингдек олтмиш ёшдан ошган шахслар бундан мустасно. (ЎзР 17.05.2022 й. ЎРҚ-770-сон Қонуни таҳриридаги қисм) (Олдинги таҳририга қаранг)

Шартли ҳукм қилинган шахс синов муддати давомида янги жиноят содир этса, суд унга нисбатан ушбу Кодекснинг 60-моддасида назарда тутилган қоидалар бўйича жазо тайинлайди.

Шунингдек қаранг: ОС Пленумининг 2018 йил 24 августдаги "Судлар томонидан жиноят ишларини апелляция ва кассация тартибида кўриш амалиёти тўғрисида"ги 25-сон Қарори 25-бандининг олтинчи хатбоши; ОС Пленумининг 2019 йил 24 майдаги "Жиноят ишларини назорат тартибида кўриш бўйича суд амалиёти тўғрисида"ги 11-сон Қарори 24-бандининг бешинчи хатбоши; ОС Пленумининг 2000 йил 15 сентябрдаги "Вояга етмаганларнинг жиноятлари ҳақидаги ишлар бўйича суд амалиёти тўғрисида"ги 21-сон Қарори 10-бандининг биринчи, иккинчи хатбошилари; ОС Пленумининг 2006 йил 3 февралдаги "Судлар томонидан жиноят учун жазо тайинлаш амалиёти тўғрисида"ги 1-сон Қарорининг 31-36-1-бандлари; ОС Пленумининг 2006 йил 22 декабрдаги "Судлар томонидан амнистия актларини қўллашнинг айрим масалалари тўғрисида"ги 16-сон Қарори 23-бандининг иккинчи хатбоши; ОС Пленумининг 2008 йил 15 майдаги "Бир неча жиноят содир этилганда қилмишни квалификация қилишга доир масалалар тўғрисида"ги 13-сон Қарори 21-бандининг иккинчи хатбоши

73-модда. Жазони ўташдан муддатидан

илгари шартли озод қилиш

Озодликдан маҳрум қилиш, интизомий қисмга жўнатиш, хизмат бўйича чеклаш, озодликни чеклаш ёки ахлоқ тузатиш ишларига ҳукм қилинган шахсларга нисбатан жазони ўташдан муддатидан илгари шартли озод қилиш қўлланилиши мумкин. Шахс ижро этилмаган қўшимча жазодан ҳам озод қилиниши мумкин. (ЎзР 10.08.2015 й. ЎРҚ-389-сон Қонуни таҳриридаги қисм)

Қаранг: ЖКнинг 46, 47, 48-1, 49, 50-моддалари

Жазони ўташдан муддатидан илгари шартли равишда озод қилиш ушбу модданинг биринчи қисмида кўрсатилган жазо турлари учун ўрнатилган тартиб-қоида талабларини бажарган ва меҳнатга ҳалол муносабатда бўлган маҳкумга нисбатан қўлланилади.

Жазони ўташдан муддатидан илгари шартли равишда озод қилиш маҳкум:

а) ижтимоий хавфи катта бўлмаган ёки унча оғир бўлмаган жинояти учун суд тайинлаган жазо муддатининг камида учдан бир қисмини;

б) оғир жинояти учун, шунингдек қасддан содир этган жинояти учун, агар шахс илгари қасддан содир этган жинояти учун озодликдан маҳрум этишга ҳукм қилинган бўлса, суд тайинлаган жазо муддатининг камида учдан икки қисмини; (ЎзР 23.03.2023 й. ЎРҚ-825-сон Қонуни таҳриридаги банд)

в) ўта оғир жинояти учун, суд тайинлаган жазо муддатининг камида тўртдан уч қисмини ҳақиқатда ўтаб бўлганидан кейин қўлланилиши мумкин. (ЎзР 07.08.2024 й. ЎРҚ-938-сон Қонуни таҳриридаги банд) (Олдинги таҳририга қаранг)

(ЎзР 29.08.2001 й. 254-II-сон Қонуни таҳриридаги қисм)

Жазодан муддатидан илгари шартли равишда озод қилиш:

а) умрбод ёки узоқ муддатга озодликдан маҳрум қилишга ҳукм этилган шахсга; (ЎзР 11.07.2007 й. ЎРҚ-99-сон Қонуни таҳриридаги банд) (Олдинги таҳририга қаранг)

б) ўта хавфли рецидивистга;

в) уюшган гуруҳ ёки жиноий уюшманинг ташкилотчи ва қатнашувчиларига;

г) жавобгарликни оғирлаштирадиган ҳолатларда қасддан одам ўлдирганлик, ўн саккиз ёшга тўлмаган жабрланувчининг номусига текканлик ёки унга нисбатан зўрлик ишлатиб, жинсий эҳтиёжни ғайритабиий усулда қондирганлик, ўн саккиз ёшга тўлмаган шахсни жинсий алоқада бўлиш ёки жинсий эҳтиёжни ғайритабиий усулда қондириш билан боғлиқ ҳолда жинсий алоқа қилишга мажбур этганлик, ўн олти ёшга тўлмаган шахс билан жинсий алоқа қилганлик ёки жинсий эҳтиёжни ғайритабиий усулда қондирганлик ёки унга нисбатан уятсиз-бузуқ ҳаракатлар қилганлик, вояга етмаган шахс тавсифланган ёки тасвирланган порнографик маҳсулотни тарқатиш, реклама қилиш, намойиш этиш мақсадида Ўзбекистон Республикаси ҳудудига олиб кирганлик, худди шунингдек уни тайёрлаганлик, тарқатганлик, реклама қилганлик, намойиш этганлик ёхуд вояга етмаган шахсни порнографик хусусиятга эга ҳаракатларнинг ижрочиси сифатида жалб этганлик, вояга етмаган шахсни жалб этган ҳолда қўшмачилик қилганлик, фоҳишахоналарни ташкил этганлик ёки сақлаганлик, Ўзбекистон Республикасига, тинчликка ва инсоният хавфсизлигига қарши жиноят содир этганлик, ядровий, кимёвий, биологик ва бошқа хилдаги оммавий қирғин қуролларини, шундай қуролларни ишлаб чиқариш учун фойдаланиш мумкинлиги аён бўлган материал ва ускуналарни, контрабанда қилганлик учун ҳукм қилинган шахсларга; (ЎзР 07.08.2024 й. ЎРҚ-938-сон Қонуни таҳриридаги банд) (Олдинги таҳририга қаранг)

д) жазодан муддатидан илгари шартли озод қилинган ёки жазоси енгилроғи билан алмаштирилган ва жазонинг ўталмаган қисми мобайнида қасддан янги жиноят содир этган шахсга нисбатан қўлланилмайди. (ЎзР 07.08.2024 й. ЎРҚ-938-сон Қонунига мувофиқ киритилган банд)

Қаранг: ЖК 97-моддасининг иккинчи қисми, 118-моддасининг тўртинчи қисми, 119-моддасининг тўртинчи қисми, 150-163-моддалари, 246-моддасининг иккинчи қисми

Жазони ўташдан муддатидан илгари шартли озод қилиш чоғида суд асослар мавжуд бўлган тақдирда, маҳкумнинг зиммасига қуйидаги мажбуриятларни юклатиши мумкин:

а) ишга ёки ўқишга жойлашиш;

б) муддатидан илгари шартли озод қилинган шахснинг яшаш жойи, иш ёки ўқиш жойи ўзгарганлиги ҳақида унинг хулқ-атвори устидан назоратни амалга оширувчи органга хабар бериш;

в) муайян жойларга бормаслик;

г) алкоголизм, гиёҳвандлик, заҳарвандлик ёки таносил касаллигидан даволаниш курсини ўташ;

д) Ўзбекистон Республикасидан ташқарига чиқмаслик.

(ЎзР 07.08.2024 й. ЎРҚ-938-сон Қонунига мувофиқ киритилган қисм)

Жазони ўташдан муддатидан илгари шартли озод қилинган шахсларнинг хулқ-атвори устидан назоратни ички ишлар органлари, жазони ўташдан муддатидан илгари шартли озод қилинган ҳарбий хизматчиларнинг хулқ-атвори устидан назоратни эса - ҳарбий қисмлар ёки муассасаларнинг қўмондонлиги амалга оширади. (ЎзР 07.08.2024 й. ЎРҚ-938-сон Қонунига мувофиқ киритилган қисм)

Жазони ўташдан муддатидан илгари шартли озод қилинган шахснинг хулқ-атвори устидан назоратни амалга оширувчи органнинг тақдимномасига биноан суд илгари ушбу шахснинг зиммасига юклатилган мажбуриятларни тўлиқ ёки қисман бекор қилиши ёхуд унинг зиммасига қўшимча мажбуриятлар юклатиши мумкин. (ЎзР 07.08.2024 й. ЎРҚ-938-сон Қонунига мувофиқ киритилган қисм)

Прокурорнинг тақдимномасига ёки адвокатнинг илтимосномасига биноан суд жазони ўташдан муддатидан илгари шартли озод қилинган шахснинг зиммасига юклатилган мажбуриятларни тўлиқ ёки қисман бекор қилиши мумкин. (ЎзР 07.08.2024 й. ЎРҚ-938-сон Қонунига мувофиқ киритилган қисм)

Агар жазони ўташдан муддатидан илгари шартли озод қилинган шахс суд томонидан ўз зиммасига юклатилган мажбуриятларни ўталмаган жазо муддати давомида бажармаса, суд унинг хулқ-атвори устидан назоратни амалга оширувчи органнинг тақдимномасига биноан уни жазони ўташдан муддатидан илгари шартли озод қилишни бекор қилиш ва ўталмаган жазо муддатини ўташи ҳақидаги масалани кўриб чиқади. (ЎзР 07.08.2024 й. ЎРҚ-938-сон Қонунига мувофиқ киритилган қисм)

ЎзР 07.08.2024 й. ЎРҚ-938-сон Қонунига мувофиқ бешинчи қисми ўнинчи қисм деб ҳисоблансин

Жазони ўташдан муддатидан илгари шартли равишда озод қилиниб, жазонинг ўталмаган қисми мобайнида қасддан янги жиноят содир этган шахсга нисбатан суд ушбу Кодекснинг 60-моддасида назарда тутилган қоидаларга мувофиқ жазо тайинлайди.

Қаранг: ЖПКнинг 536-моддаси

Шунингдек қаранг: ОС Пленумининг 2008 йил 15 майдаги "Бир неча жиноят содир этилганда қилмишни квалификация қилишга доир масалалар тўғрисида"ги 13-сон Қарори 21-бандининг иккинчи хатбоши

74-модда. Жазони енгилроғи билан алмаштириш

Озодликдан маҳрум этилган, озодлиги чекланган ёки ахлоқ тузатиш ишларига ҳукм қилинган шахсларга нисбатан суд жазонинг ўталмаган қисмини енгилроқ жазо билан алмаштириши мумкин. (ЎзР 10.08.2015 й. ЎРҚ-389-сон Қонуни таҳриридаги қисм)

Қаранг: ЖКнинг 46, 48-1, 50-моддалари

Жазони енгилроғи билан алмаштириш ушбу модданинг биринчи қисмида кўрсатилган жазо турлари учун ўрнатилган тартиб-қоида талабларини бажарган ва меҳнатга ҳалол муносабатда бўлган маҳкумга нисбатан қўлланилиши мумкин.

Жазони енгилроғи билан алмаштириш маҳкум:

а) ижтимоий хавфи катта бўлмаган ёки унча оғир бўлмаган жинояти учун суд тайинлаган жазо муддатининг камида тўртдан бир қисмини;

б) оғир жинояти учун, шунингдек қасддан содир этган жинояти учун, агар у илгари қасддан содир этган жинояти учун озодликдан маҳрум этишга ҳукм қилинган бўлса, суд тайинлаган жазо муддатининг камида ярмини; (ЎзР 23.03.2023 й. ЎРҚ-825-сон Қонуни таҳриридаги банд)

в) ўта оғир жинояти учун, суд тайинлаган жазо муддатининг камида учдан икки қисмини ҳақиқатда ўтаб бўлганидан кейин қўлланилиши мумкин. (ЎзР 07.08.2024 й. ЎРҚ-938-сон Қонуни таҳриридаги банд) (Олдинги таҳририга қаранг)

(ЎзР 29.08.2001 й. 254-II-сон Қонуни таҳриридаги қисм)

Озодликдан маҳрум қилиш ёки озодликни чеклаш тариқасидаги жазонинг ўталмаган қисми ахлоқ тузатиш ишлари билан алмаштирилганда ахлоқ тузатиш ишлари озодликдан маҳрум қилиш ёки озодликни чеклаш жазосининг ўталмаган қисми муддатига тайинланади. (ЎзР 10.08.2015 й. ЎРҚ-389-сон Қонуни таҳриридаги қисм) (Олдинги таҳририга қаранг)

Жазонинг ўталмаган қисмини енгилроғи билан алмаштириш ушбу Кодекснинг 73-моддаси тўртинчи қисмида кўрсатилган шахсларга нисбатан қўлланилмайди.

Жазоси енгилроқ жазо билан алмаштирилган шахслар енгилроқ жазонинг тегишли қисмини ўтаб бўлганларидан кейин ушбу Кодекснинг 73-моддасида назарда тутилган қоидаларга биноан жазодан муддатидан илгари шартли озод қилинишлари мумкин.

Жазоси енгилроқ жазо билан алмаштирилган шахс жазонинг ўталмаган қисми мобайнида янги жиноят содир этса, суд унга ушбу Кодекснинг 60-моддасида назарда тутилган қоидаларга мувофиқ жазо тайинлайди. (ЎзР 18.04.2018 й. ЎРҚ-476-сон Қонуни таҳриридаги қисм) (Олдинги таҳририга қаранг)

Қаранг: ЖПКнинг 536-моддаси

Шунингдек қаранг: ОС Пленумининг 2006 йил 3 февралдаги "Судлар томонидан жиноят учун жазо тайинлаш амалиёти тўғрисида"ги 1-сон Қарори 57-бандининг иккинчи хатбоши; ОС Пленумининг 2008 йил 15 майдаги "Бир неча жиноят содир этилганда қилмишни квалификация қилишга доир масалалар тўғрисида"ги 13-сон Қарори 21-бандининг иккинчи хатбоши

75-модда. Касаллик ёки меҳнат қобилиятини

йўқотиш оқибатида жазодан озод қилиш

Ҳукм чиқарилганидан кейин ўз ҳаракатларининг аҳамиятини англай олмайдиган ёки уларни бошқара олмайдиган тарзда руҳий ҳолатининг бузилиши юзага келган шахс, шунингдек жазони ўташга тўсқинлик қиладиган бошқа оғир касалликка чалинган шахс жазони ўташдан озод қилиниши лозим. (ЎзР 12.09.2019 й. ЎРҚ-567-сон Қонуни таҳриридаги қисм) (Олдинги таҳририга қаранг)

Ушбу модданинг биринчи қисмида кўрсатилган шахсларга нисбатан суд тиббий йўсиндаги мажбурлов чоралари қўллаши мумкин.

Бундай шахслар тузалганидан кейин, ушбу Кодекснинг 69-моддасида назарда тутилган ва суд томонидан тиббий йўсиндаги мажбурлов чоралари қўлланилган кундан бошлаб ҳисобланадиган муддатлар ўтиб кетмаган бўлса, жазо ижро этилади.

Интизомий қисмга жўнатиш ёхуд хизмат бўйича чеклаш жазосига ҳукм қилинган ҳарбий хизматчилар, уларнинг соғлиғи ҳарбий хизмат учун яроқсиз деб топилган бўлса, жазони ўташдан озод қилинадилар. Хизмат бўйича чеклаш жазосига ҳукм қилинган ҳарбий хизматчи аёллар уларга ҳомиладорлик ва туғиш таътили берилиши муносабати билан ҳам жазони ўташдан озод қилинадилар.

Мажбурий жамоат ишларига ёки ахлоқ тузатиш ишларига ҳукм қилинган шахслар жазони ўташ вақтида меҳнатга яроқсиз бўлиб қолсалар ёхуд пенсия ёшига етган бўлсалар, шунингдек аёллар бу турдаги жазони ўтаётган вақтда ҳомиладорлик ва туғиш таътилига чиқсалар, жазони ўташдан озод қилинадилар. (ЎзР 29.03.2017 й. ЎРҚ-421-сон Қонуни таҳриридаги қисм)

Қаранг: ЖПКнинг 534-моддаси

76-модда. Амнистия акти ёки афв этиш

асосида жазодан озод қилиш

Ҳукм этилган шахс амнистия акти ёки афв этиш асосида асосий ва ижро этилмаган қўшимча жазолардан озод қилиниши ёхуд жазодан муддатидан илгари шартли равишда озод қилиниши ёки унга тайинланган жазонинг ўталмай қолган қисми енгилроқ жазо билан алмаштирилиши мумкин.

Агар амнистия акти ёки афв этиш асосида жазодан муддатидан илгари шартли равишда озод қилиш ёхуд жазони енгилроғи билан алмаштириш қўлланилган шахс жазонинг ўталмай қолган қисми мобайнида қасддан янги жиноят содир этса, суд унга ушбу Кодекснинг 60-моддасида назарда тутилган қоидалар бўйича жазо тайинлайди.

Афв этиш тўғрисидаги илтимоснома умрбод озодликдан маҳрум қилишга ҳукм этилган шахс томонидан у тайинланган жазонинг йигирма беш йилини ҳақиқатда ўтаб бўлганидан кейин, агар жазони ўташ даврида маҳкум қатъий тузалиш йўлига ўтган, белгиланган тартибни бузганлик учун интизомий жазо олмаган, меҳнат ва ўқишга нисбатан виждонан муносабатда бўлаётган, тарбиявий тадбирлар ўтказишда фаол иштирок этаётган тақдирда эса, тайинланган жазонинг йигирма йилини ҳақиқатда ўтаб бўлганидан кейин берилиши мумкин. (ЎзР 11.07.2007 й. ЎРҚ-99-сон Қонуни таҳриридаги қисм)

Қаранг: ЖКнинг 51-моддаси

Афв этиш тўғрисидаги илтимоснома узоқ муддатга озодликдан маҳрум қилишга ҳукм этилган шахс томонидан у тайинланган жазо муддатининг йигирма йилини ҳақиқатда ўтаб бўлганидан кейин, агар жазони ўташ даврида маҳкум қатъий тузалиш йўлига ўтган, белгиланган тартибни бузганлик учун интизомий жазо олмаган, меҳнат ва ўқишга нисбатан виждонан муносабатда бўлаётган, тарбиявий тадбирлар ўтказишда фаол иштирок этаётган тақдирда эса, тайинланган жазонинг ўн беш йилини ҳақиқатда ўтаб бўлганидан кейин берилиши мумкин. (ЎзР 11.07.2007 й. ЎРҚ-99-сон Қонуни таҳриридаги қисм)

Қаранг: ЖПКнинг 536-1-моддаси; Президентнинг 2018 йил 8 майдаги ПФ-5439-сон Фармони билан тасдиқланган "Ўзбекистон Республикасида афв этишни амалга ошириш тартиби тўғрисида"ги Низом

Шунингдек қаранг: ОС Пленумининг 2006 йил 3 февралдаги "Судлар томонидан жиноят учун жазо тайинлаш амалиёти тўғрисида"ги 1-сон Қарорининг 10-банди; ОС Пленумининг 2006 йил 22 декабрдаги "Судлар томонидан амнистия актларини қўллашнинг айрим масалалари тўғрисида"ги 16-сон Қарори; ОС Пленумининг 2007 йил 14 ноябрдаги "Умрбод озодликдан маҳрум қилиш тариқасидаги жазони қўллашнинг айрим масалалари тўғрисида"ги 15-сон Қарорининг 10-банди; ОС Пленумининг 2008 йил 15 майдаги "Бир неча жиноят содир этилганда қилмишни квалификация қилишга доир масалалар тўғрисида"ги 13-сон Қарори 21-бандининг иккинчи хатбоши

Шунингдек қаранг: "NORMA" АҚТ қонунчилик Классификатори "Ҳуқуқни муҳофаза қилувчи ва ҳуқуқни қўлловчи органлар" папкасининг "Авф этиш, амнистия , жавобгарликдан озод этиш" кичик папкаси

ХIV БОБ. СУДЛАНГАНЛИК

77-модда. Судланганликнинг ҳуқуқий аҳамияти

78-модда. Судланганлик ҳолатининг тугалланиши

79-модда. Судланганликнинг олиб ташланиши

80-модда. Судланганлик ҳолатининг тугалланиш ёки

судланганликни олиб ташлаш муддатларини ҳисоблаш

77-модда. Судланганликнинг ҳуқуқий аҳамияти

Судланганлик шахснинг содир этган жинояти учун ҳукм этилганлигидан келиб чиқадиган ҳуқуқий ҳолатдир.

Жазо тайинланган айблов ҳукми қонуний кучга кирган кундан бошлаб шахс судланган деб ҳисобланади. Суд томонидан жазодан озод қилинган шахс судланмаган деб ҳисобланади.

Судланганлик ушбу Кодексда назарда тутилган ҳолларда ва шахс янги жиноят содир этгандагина ҳуқуқий аҳамиятга эга бўлади.

Судланганлик муддатининг ўтиб кетганлиги ёки судланганликнинг олиб ташланиши муносабати билан унинг барча ҳуқуқий оқибатлари бекор бўлади.

Қаранг: ЖКнинг 78-79-моддалари

Шунингдек қаранг: ОС Пленумининг 2015 йил 18 сентябрдаги "Судланганлик ҳолати тугалланиши ва олиб ташланишига оид қонунчиликни қўллаш бўйича суд амалиёти тўғрисида"ги 13-сон Қарорининг 1, 4, 5-бандлари

Жазони ўтаган, аммо қонуннинг ўзгариши билан бундай қилмиш жиноят деб ҳисобланмайдиган тақдирда, шунингдек содир қилинган жиноят учун тайинланган жазонинг ўтаб бўлиниши билан судланганлик ҳолатининг тугалланиши белгиланган бўлса, шахс судланмаган деб ҳисобланади.

78-модда. Судланганлик ҳолатининг тугалланиши

Шахснинг судланганлик ҳолати қуйидаги пайтларда тугалланади:

а) шартли ҳукм қилинганларга нисбатан - синов муддати тугаган кундан бошлаб;

Қаранг: ЖКнинг 72-моддаси

б) мажбурий жамоат ишлари, хизмат бўйича чеклаш ёки интизомий қисмга жўнатиш тарзидаги жазоларини ўтаб чиққач; (ЎзР 29.03.2017 й. ЎРҚ-421-сон Қонуни таҳриридаги банд)

Қаранг: ЖКнинг 45-1, 47, 49-моддалари

в) жарима жазоси ижро этилган кундан кейин, шунингдек муайян ҳуқуқдан маҳрум қилиш ёки ахлоқ тузатиш ишлари жазолари ўталганидан кейин бир йил ўтгач;

Қаранг: ЖКнинг 44, 45, 46-моддалари

г) озодликни чеклаш жазоси ўталганидан кейин - икки йил ўтгач; (ЎзР 29.03.2017 й. ЎРҚ-421-сон Қонуни таҳриридаги банд) (Олдинги таҳририга қаранг)

Қаранг: ЖКнинг 48-1-моддаси

д) беш йилдан кўп бўлмаган муддатга озодликдан маҳрум қилиш жазоси ўталганидан кейин - тўрт йил ўтгач;

Қаранг: ЖКнинг 50-моддаси

е) беш йилдан ортиқ, лекин ўн йилдан кўп бўлмаган муддатга озодликдан маҳрум қилиш жазоси ўталганидан кейин - етти йил ўтгач;

Қаранг: ЖКнинг 50-моддаси

ж) ўн йилдан ортиқ, лекин ўн беш йилдан кўп бўлмаган муддатга озодликдан маҳрум қилиш жазоси ўталганидан кейин - ўн йил ўтгач.

Қаранг: ЖКнинг 50-моддаси

Шунингдек қаранг: ОС Пленумининг 2006 йил 3 февралдаги "Судлар томонидан жиноят учун жазо тайинлаш амалиёти тўғрисида"ги 1-сон Қарори 9-бандининг биринчи хатбоши; ОС Пленумининг 2015 йил 18 сентябрдаги "Судланганлик ҳолати тугалланиши ва олиб ташланишига оид қонунчиликни қўллаш бўйича суд амалиёти тўғрисида"ги 13-сон Қарори 4-бандининг иккинчи, тўртинчи хатбошлари, 7, 8-бандлари

79-модда. Судланганликнинг олиб ташланиши

Агар шахс озодликдан маҳрум қилиш жазосини ўтаб бўлганидан кейин унга нисбатан маъмурий жазо ёки интизомий таъсир чоралари қўлланилмаган бўлса, жамоат бирлашмаси, фуқароларнинг ўзини-ўзи бошқариш органи, жамоа ёки жазони ўтаб чиққан шахснинг ўзи берган илтимосномасига кўра суд ушбу Кодекснинг 78-моддасида назарда тутилган муддатларнинг камида ярми ўтганидан кейин унинг судланганлигини олиб ташлаши мумкин.

Ушбу Кодекснинг 178 - 184, 185 - 185-2, 189 - 192-моддаларида назарда тутилган жиноятларни содир этганлик учун ҳукм қилинган шахсларнинг судланганлиги улар давлатга жуда кўп зарар етказмаганда, ушбу Кодекснинг 78-моддасида назарда тутилган муддатларнинг камида тўртдан бир қисми ўтганидан кейин суд томонидан олиб ташланиши мумкин. (ЎзР 29.12.2012 й. ЎРҚ-345-сон Қонунига мувофиқ киритилган қисм)

ЎзР 29.12.2012 й. ЎРҚ-345-сон Қонунига мувофиқ иккинчи, учинчи ва тўртинчи қисмлари учинчи, тўртинчи ва бешинчи қисмлар деб ҳисоблансин

Ўн беш йил ва ундан ортиқ муддатга озодликдан маҳрум қилиш жазосини ўтаб чиққан шахслар ҳамда ўта хавфли рецидивистлар, агар улар жазони ўтаб чиққанидан кейин ўн беш йил мобайнида янги жиноят содир этмасалар, суд уларнинг судланганлигини олиб ташлаши мумкин.

Ушбу Кодекснинг 13-моддаси иккинчи қисмида назарда тутилган асослар мавжуд бўлган тақдирда ҳам судланганлик олиб ташланиши мумкин.

Судланганлик афв этиш ёки амнистия акти асосида ҳам олиб ташланиши мумкин.

Қаранг: Президентнинг 2018 йил 8 майдаги ПФ-5439-сон Фармони билан тасдиқланган "Ўзбекистон Республикасида афв этишни амалга ошириш тартиби тўғрисида"ги Низом 5-бандининг биринчи, бешинчи хатбошлари

Шунингдек қаранг: ОС Пленумининг 2006 йил 3 февралдаги "Судлар томонидан жиноят учун жазо тайинлаш амалиёти тўғрисида"ги 1-сон Қарори 9-бандининг биринчи хатбоши; ОС Пленумининг 2006 йил 22 декабрдаги "Судлар томонидан амнистия актларини қўллашнинг айрим масалалари тўғрисида"ги 16-сон Қарорининг 3-банди; ОС Пленумининг 2008 йил 15 майдаги "Бир неча жиноят содир этилганда қилмишни квалификация қилишга доир масалалар тўғрисида"ги 13-сон Қарори 28-бандининг иккинчи хатбоши; ОС Пленумининг 2015 йил 18 сентябрдаги "Судланганлик ҳолати тугалланиши ва олиб ташланишига оид қонунчиликни қўллаш бўйича суд амалиёти тўғрисида"ги 13-сон Қарори 4-бандининг учинчи, тўртинчи хатбошлари, 5-банди

80-модда. Судланганлик ҳолатининг тугалланиш

ёки судланганликни олиб ташлаш

муддатларини ҳисоблаш

Судланганлик ҳолатининг тугалланиш ёки судланганликни олиб ташлаш муддатлари асосий ва қўшимча жазолар ўтаб бўлинган ёки ижро этилган кундан бошлаб ҳисобланади.

Агар шахс тайинланган жазодан қонунда белгиланган тартибда муддатидан илгари озод қилинган ёхуд жазо енгилроғи билан алмаштирилган бўлса, судланганлик муддати муддатидан илгари озод қилинган ёки енгилроғи билан алмаштирилган жазонинг амалда ўтаб бўлинган қисмидан ҳисобланади.

Агар ушбу Кодекснинг 44, 46-моддалари асосида ҳукм бўйича тайинланган жазони суд бошқа жазо билан алмаштирган бўлса, судланганлик муддати жазонинг амалда ўтаб бўлинган ёки ижро этилган қисмидан ҳисобланади.

Агар жазони ўтаб чиққан шахс судланганлик ҳолатининг муддати тугамай яна жиноят содир этса, судланганлик ҳолатини тугатувчи муддатнинг ўтиши тўхтатилади. Илгари содир этилган жиноят учун судланганлик ҳолатининг тугаш муддати охирги содир этилган жиноят учун (асосий ва қўшимча) жазони амалда ўтаб бўлганидан ҳисобланади. (ЎзР 27.12.1996 й. 357-I-сон Қонунига мувофиқ киритилган қисм)

Шунингдек қаранг: ОС Пленумининг 2006 йил 3 февралдаги "Судлар томонидан жиноят учун жазо тайинлаш амалиёти тўғрисида"ги 1-сон Қарори 9-бандининг биринчи хатбоши; ОС Пленумининг 2015 йил 18 сентябрдаги "Судланганлик ҳолати тугалланиши ва олиб ташланишига оид қонунчиликни қўллаш бўйича суд амалиёти тўғрисида"ги 13-сон Қарорининг 7-11, 13-бандлари

ОЛТИНЧИ БЎЛИМ. ВОЯГА ЕТМАГАНЛАР

ЖАВОБГАРЛИГИНИНГ ХУСУСИЯТЛАРИ

Шунингдек қаранг: ОС Пленумининг 2000 йил 15 сентябрдаги "Вояга етмаганларнинг жиноятлари ҳақидаги ишлар бўйича суд амалиёти тўғрисида"ги 21-сон Қарори

XV боб. Жазо ва уни тайинлаш (81-86-моддалар)

XVI боб. Жавобгарликдан ёки жазодан

озод қилиш (87-90-моддалар)

ХV БОБ. ЖАЗО ВА УНИ ТАЙИНЛАШ

81-модда. Жазо тизими

82-модда. Жарима

82-1-модда. Мажбурий жамоат ишлари

83-модда. Ахлоқ тузатиш ишлари

84-модда. Қамоқ

84-1-модда. Озодликни чеклаш

85-модда. Озодликдан маҳрум қилиш

86-модда. Жазо тайинлаш

81-модда. Жазо тизими

Ўн саккиз ёшга тўлмасдан жиноят содир этган шахсларга қуйидаги асосий жазолар қўлланилиши мумкин:

а) жарима;

Қаранг: ЖКнинг 82-моддаси

а-1) мажбурий жамоат ишлари; (ЎзР 29.03.2017 й. ЎРҚ-421-сон Қонунига мувофиқ киритилган банд)

Қаранг: ЖКнинг 82-1-моддаси

б) ахлоқ тузатиш ишлари;

Қаранг: ЖКнинг 83-моддаси

ЎзР 29.03.2017 й. ЎРҚ-421-сон Қонунига мувофиқ в) банд чиқариб ташланган

в) қамоқ;

в-1) озодликни чеклаш; (ЎзР 10.08.2015 й. ЎРҚ-389-сон Қонунига мувофиқ киритилган банд)

Қаранг: ЖКнинг 84-1-моддаси

г) озодликдан маҳрум қилиш.

Қаранг: ЖКнинг 85-моддаси

Ўн саккиз ёшга тўлмасдан жиноят содир этган шахсларга нисбатан қўшимча жазолар тайинланиши мумкин эмас.

Шунингдек қаранг: ОС Пленумининг 2006 йил 3 февралдаги "Судлар томонидан жиноят учун жазо тайинлаш амалиёти тўғрисида"ги 1-сон Қарорининг 12-банди

82-модда. Жарима

Жарима базавий ҳисоблаш миқдорининг икки бараваридан йигирма бараваригача миқдорда тайинланади. (ЎзР 03.12.2019 й. ЎРҚ-586-сон Қонуни таҳриридаги қисм) (Олдинги таҳририга қаранг)

Шунингдек қаранг: ОС Пленумининг 2006 йил 3 февралдаги "Судлар томонидан жиноят учун жазо тайинлаш амалиёти тўғрисида"ги 1-сон Қарори 12, 15-17-бандлари

Маҳкум жарима тўлашдан олти ой муддат мобайнида бўйин товласа, суд тўланмаган жарима миқдорини базавий ҳисоблаш миқдорининг бир баравари миқдоридаги жаримани мажбурий жамоат ишларининг икки соатига тенглаштирган ҳолда ҳисоблаб, мажбурий жамоат ишлари тариқасидаги жазо билан алмаштиради ёки базавий ҳисоблаш миқдорининг икки баравари миқдоридаги жаримани ахлоқ тузатиш ишларининг бир ойига тенглаштирган ҳолда ҳисоблаб, ахлоқ тузатиш ишлари тариқасидаги жазо билан алмаштиради. (ЎзР 03.12.2019 й. ЎРҚ-586-сон Қонуни таҳриридаги қисм) (Олдинги таҳририга қаранг)

Шунингдек қаранг: ОС Пленумининг 2006 йил 3 февралдаги "Судлар томонидан жиноят учун жазо тайинлаш амалиёти тўғрисида"ги 1-сон Қарори 18-бандининг иккинчи хатбоши

82-1-модда. Мажбурий жамоат ишлари

(ЎзР 29.03.2017 й. ЎРҚ-421-сон Қонунига мувофиқ киритилган модда)

Мажбурий жамоат ишлари фақат меҳнатга лаёқатли вояга етмаганларга нисбатан олтмиш соатдан икки юз қирқ соатгача бўлган муддатга тайинланади. Мажбурий жамоат ишлари вояга етмаганларнинг соғлиғига ва маънавий жиҳатдан ривожланишига зарар етказмаслиги, ўқиш жараёнини бузмаслиги лозим.

Ўн олти ёшдан ўн саккиз ёшгача бўлган шахслар томонидан мажбурий жамоат ишларини бажариш муддати, агар қонунда бошқача қоида белгиланмаган бўлса, олти ой давомида кунига икки соатдан ошмаслиги, маҳкумга боғлиқ бўлмаган ҳолатлар юзага келган тақдирда эса, бир йилгача бўлган муҳлатда кунига икки соатдан ошмаслиги керак.

Шунингдек қаранг: ОС Пленумининг 2006 йил 3 февралдаги "Судлар томонидан жиноят учун жазо тайинлаш амалиёти тўғрисида"ги 1-сон Қарори 12, 17-1-17-6-бандлари

83-модда. Ахлоқ тузатиш ишлари

Ахлоқ тузатиш ишлари фақат меҳнатга лаёқатли вояга етмаганларга нисбатан ўз иш жойида ўташ, айбдор ҳеч қаерда ишламаса, ушбу жазо ижросини назорат қилувчи органлар белгилаб берадиган ўзи яшайдиган ҳудуддаги бошқа жойларда ўташ тариқасида бир ойдан бир йилгача муддатга тайинланади. (ЎзР 27.12.1996 й. 357-I-сон Қонуни таҳриридаги қисм)

Шунингдек қаранг: ОС Пленумининг 2006 йил 3 февралдаги "Судлар томонидан жиноят учун жазо тайинлаш амалиёти тўғрисида"ги 1-сон Қарори 12, 18-23-бандлари

Вояга етмаган шахс тайинланган ахлоқ тузатиш ишларининг ўндан бир қисмидан кўпроғини ўташдан бўйин товлаган тақдирда, суд бу жазонинг ўталмаган қисмини ахлоқ тузатиш ишларининг ҳар уч кунини озодликни чеклашнинг ёки озодликдан маҳрум қилишнинг бир кунига тенглаштирган ҳолда ҳисоблаб, озодликни чеклаш ёки озодликдан маҳрум қилиш тариқасидаги жазо билан алмаштиради. (ЎзР 29.03.2017 й. ЎРҚ-421-сон Қонуни таҳриридаги қисм) (Олдинги таҳририга қаранг)

Шунингдек қаранг: ОС Пленумининг 2006 йил 3 февралдаги "Судлар томонидан жиноят учун жазо тайинлаш амалиёти тўғрисида"ги 1-сон Қарори 21-бандининг иккинчи хатбоши

ЎзР 29.03.2017 й. ЎРҚ-421-сон Қонунига мувофиқ 84-модда чиқариб ташланган

84-модда. Қамоқ

(ЎзР 27.12.1996 й. 357-I-сон Қонуни таҳриридаги модда)

Қамоқ бир ойдан уч ойгача муддатга тайинланади.

84-1-модда. Озодликни чеклаш

(ЎзР 10.08.2015 й. ЎРҚ-389-сон Қонунига мувофиқ киритилган модда)

Озодликни чеклаш вояга етмаган маҳкумларга нисбатан асосий жазо чораси сифатида олти ойдан икки йилгача муддатга тайинланади.

Шунингдек қаранг: ОС Пленумининг 2006 йил 3 февралдаги "Судлар томонидан жиноят учун жазо тайинлаш амалиёти тўғрисида"ги 1-сон Қарорининг 12, 25-1-25-6-бандлари

85-модда. Озодликдан маҳрум қилиш

Вояга етмаганларга нисбатан озодликдан маҳрум қилиш жазоси олти ойдан ўн йилгача муддатга тайинланади, ушбу Кодекс 86-моддасининг иккинчи, учинчи ва тўртинчи қисмларида назарда тутилган ҳоллар бундан мустасно.

Озодликдан маҳрум қилиш жиноят содир этиш пайтида ўн тўрт ёшдан ўн олти ёшгача бўлган шахсларга нисбатан: (ЎзР 07.12.2021 й. ЎРҚ-735-сон Қонуни таҳриридаги хатбоши)

ЎзР 24.09.2008 й. ЎРҚ-182-сон Қонунига мувофиқ а) банд чиқариб ташланган

а) унча оғир бўлмаган жиноят учун - уч йилгача;

б) оғир жиноят учун - олти йилгача;

в) ўта оғир жиноят учун - ўн йилгача муддатга тайинланади.

Озодликдан маҳрум қилиш жиноят содир этиш пайтида ўн олти ёшдан ўн саккиз ёшгача бўлган шахсларга нисбатан:

ЎзР 24.09.2008 й. ЎРҚ-182-сон Қонунига мувофиқ а) банд чиқариб ташланган

а) унча оғир бўлмаган жиноят учун - тўрт йилгача;

б) оғир жиноят учун - етти йилгача;

в) ўта оғир жиноят учун - ўн йилгача муддатга тайинланади.

Вояга етмай туриб ижтимоий хавфи катта бўлмаган жиноят содир этган, эҳтиётсизлик оқибатида жиноят содир этган ёхуд қасддан унча оғир бўлмаган жиноят содир этган шахсларга нисбатан озодликдан маҳрум қилиш тариқасидаги жазо тайинланмайди. (ЎзР 12.12.2003 й. 568-II-сон Қонуни таҳриридаги қисм) (Олдинги таҳририга қаранг)

ЎзР 29.08.2001 й. 254-II-сон Қонунига мувофиқ тўртинчи, бешинчи ва олтинчи қисмлар бешинчи, олтинчи ва еттинчи қисмлар деб ҳисоблансин

Ҳукм чиқариш пайтида ўн саккиз ёшга тўлмаган шахсларга нисбатан озодликдан маҳрум қилиш жазосини тарбия колонияларида ўташ тайинланади. (ЎзР 12.12.2003 й. 568-II-сон Қонуни таҳриридаги қисм)

Шунингдек қаранг: ОС Пленумининг 2006 йил 3 февралдаги "Судлар томонидан жиноят учун жазо тайинлаш амалиёти тўғрисида"ги 1-сон Қарорининг 12, 26-30-бандлари; ОС Пленумининг 2000 йил 15 сентябрдаги "Вояга етмаганларнинг жиноятлари ҳақидаги ишлар бўйича суд амалиёти тўғрисида"ги 21-сон Қарорининг 9-банди, 10-бандининг учинчи хатбоши

ЎзР 12.12.2003 й. 568-II-сон Қонунига мувофиқ олтинчи қисм чиқариб ташланган

Озодликдан маҳрум қилишга ҳукм этилган вояга етмаган эркакларга нисбатан:

а) озодликдан маҳрум қилишга биринчи марта ҳукм қилинган бўлса, жазони умумий тартибли колонияларда;

б) илгари озодликдан маҳрум қилиш жазосини ўтаб чиққан бўлса, жазони кучайтирилган тартибли колонияларда ўташ тайинланади.

ЎзР 12.12.2003 й. 568-II-сон Қонунига мувофиқ еттинчи қисм чиқариб ташланган

Озодликдан маҳрум қилишга ҳукм этилган вояга етмаган аёлларга нисбатан жазони умумий тартибли тарбия колонияларида ўташ тайинланади.

86-модда. Жазо тайинлаш

Суд вояга етмаганларга жазо тайинлашда жазо тайинлашнинг умумий асосларига амал қилади, вояга етмаганнинг ривожланганлик даражаси, турмуш шароити ва тарбиясини, соғлиғини, содир этган жиноятининг сабабларини, катта ёшдагиларнинг ва бошқа ҳолатларнинг унинг шахсига таъсирини ҳисобга олади.

Қаранг: ЖКнинг 54-моддаси

Ўн тўрт ёшдан ўн олти ёшгача бўлган вақтда жиноят содир этган шахсларга нисбатан жиноятлар мажмуи тариқасида жазо тайинланганда озодликдан маҳрум қилишнинг энг кўп муддати ўн йилгача, агар содир этган жиноятларининг биттаси ўта оғир жиноят бўлса, ўн икки йилгача тайинланади. (ЎзР 07.12.2021 й. ЎРҚ-735-сон Қонуни таҳриридаги қисм)

Ўн олти ёшдан ўн саккиз ёшгача бўлган вақтда жиноят содир этган шахсларга нисбатан жиноятлар мажмуи тариқасида озодликдан маҳрум қилиш жазоси - ўн икки йилгача муддатга, агар содир этган жиноятларининг биттаси ўта оғир жиноят бўлса, ўн беш йилгача муддатга тайинланиши мумкин.

Жиноят содир этиш пайтида ўн тўрт ёшдан ўн саккиз ёшгача бўлган шахсларга нисбатан бир неча ҳукм юзасидан тайинланадиган озодликдан маҳрум қилиш жазосининг муддати ўн беш йилдан ошмаслиги керак. (ЎзР 07.12.2021 й. ЎРҚ-735-сон Қонуни таҳриридаги қисм)

Вояга етмаган шахсга нисбатан озодликдан маҳрум қилиш ёки ахлоқ тузатиш ишлари жазоси тайинланганда суд ушбу Кодекснинг 72-моддасида назарда тутилган асос ва шартлар мавжуд бўлса, шартли жазо белгилаши мумкин.

Шунингдек қаранг: ОС Пленумининг 2000 йил 15 сентябрдаги "Вояга етмаганларнинг жиноятлари ҳақидаги ишлар бўйича суд амалиёти тўғрисида"ги 21-сон Қарорининг 10-банди; ОС Пленумининг 2006 йил 3 февралдаги "Судлар томонидан жиноят учун жазо тайинлаш амалиёти тўғрисида"ги 1-сон Қарорининг 12-банди

ХVI БОБ. ЖАВОБГАРЛИКДАН

ЁКИ ЖАЗОДАН ОЗОД ҚИЛИШ

87-модда. Мажбурлов чораларини қўллаган ҳолда

жавобгарликдан ёки жазодан озод этиш

88-модда. Мажбурлов чоралари

89-модда. Жазони ўташдан муддатидан илгари

шартли равишда озод қилиш

90-модда. Жазони енгилроғи билан алмаштириш

87-модда. Мажбурлов чораларини қўллаган

ҳолда жавобгарликдан ёки жазодан озод қилиш

Ижтимоий хавфи катта бўлмаган жиноятни биринчи марта содир этган вояга етмаган шахс, агар содир этган қилмишининг хусусиятлари, айбдорнинг шахси ва ишнинг бошқа ҳолатларини эътиборга олиб, уни жазо қўлламасдан туриб ҳам тузатиш мумкин деган хулосага келинса, жавобгарликдан озод қилиниб, иш болалар масалалари бўйича комиссияда кўришга топширилиши мумкин. (ЎзР 11.04.2023 й. ЎРҚ-829-сон Қонуни таҳриридаги қисм) (Олдинги таҳририга қаранг)

Қаранг: Президентнинг 2017 йил 14 мартдаги ПҚ-2833-сонли Қарори билан тасдиқланган "Вояга етмаганлар ишлари бўйича идоралараро комиссиялар тўғрисида"ги Низомнинг 8-боби

Беш йилдан кўп бўлмаган муддатга озодликдан маҳрум қилиш жазоси тайинлаш назарда тутилган унча оғир бўлмаган жиноятни биринчи марта содир этган ёки ижтимоий хавфи катта бўлмаган жиноятни такроран содир этган вояга етмаган шахсни, мазкур модданинг биринчи қисмида назарда тутилган асослар мавжуд бўлса, суд жазодан озод қилиш ва унга нисбатан мажбурлов чораларини қўллаш тўғрисидаги масалани кўриб чиқиши шарт. (ЎзР 30.09.2005 й. ЎРҚ-10-сон Қонуни таҳриридаги қисм)

Вояга етмаган шахс ривожланишда ўз ёшига нисбатан анча орқада қолган бўлса ва содир этган қилмишининг аҳамиятини тўла равишда англаб етмаса, суд жазо ўрнига мажбурлов чораси қўллаш мақсадга мувофиқлиги масаласини кўриб чиқиши шарт.

Қаранг: ЖКнинг 88-моддаси

Шунингдек қаранг: ОС Пленумининг 2019 йил 24 майдаги "Жиноят ишларини назорат тартибида кўриш бўйича суд амалиёти тўғрисида"ги 11-сон Қарорининг 30-банди; ОС Пленумининг 2000 йил 25 сентябрдаги "Вояга етмаганларнинг жиноятлари ҳақидаги ишлар бўйича суд амалиёти тўғрисида"ги 21-сон Қарорининг 6, 10-бандлари; ОС Пленумининг 2006 йил 3 февралдаги "Судлар томонидан жиноят учун жазо тайинлаш амалиёти тўғрисида"ги 1-сон Қарори 12-бандининг биринчи хатбоши

88-модда. Мажбурлов чоралари

Вояга етмаган шахсларга нисбатан қуйидаги мажбурлов чоралари қўлланилади:

а) суд белгилайдиган шаклда жабрланувчидан узр сўраш мажбуриятини юклаш;

Қаранг: ЖИКнинг 195-моддаси

б) ўн олти ёшга тўлган шахс зиммасига етказилган зарарни ўз маблағи ҳисобидан ёки меҳнати билан тўлаш ёки бартараф қилиш мажбуриятини юклаш. Ушбу чора агар етказилган зарар белгиланган базавий ҳисоблаш миқдорининг ўн бараваридан ошиб кетмаган бўлса қўлланилади. Бошқа ҳолларда етказилган зарар фуқаровий суд ишларини юритиш тартибида ундирилади; (ЎзР 03.12.2019 й. ЎРҚ-586-сон Қонуни таҳриридаги банд)

Қаранг: ЖИКнинг 196-моддаси

в) вояга етмаганни махсус ўқув-тарбия муассасасига жойлаштириш.

Қаранг: ЖИКнинг 197-моддаси

Вояга етмаган шахсларни махсус ўқув-тарбия муассасаларида бўлиш муддати ва шартлари Ўзбекистон Республикасининг қонунчилиги билан белгиланади. (ЎзР 21.04.2021 й. ЎРҚ-683-сон Қонуни таҳриридаги қисм)

Шунингдек қаранг: ОС Пленумининг 2000 йил 25 сентябрдаги "Вояга етмаганларнинг жиноятлари ҳақидаги ишлар бўйича суд амалиёти тўғрисида"ги 21-сон Қарорининг 6-банди; ОС Пленумининг 2006 йил 3 февралдаги "Судлар томонидан жиноят учун жазо тайинлаш амалиёти тўғрисида"ги 1-сон Қарори 12-бандининг биринчи хатбоши

89-модда. Жазони ўташдан муддатидан

илгари шартли равишда озод қилиш

Ўн саккиз ёшга тўлмасдан содир этган жинояти учун озодликдан маҳрум қилишга, озодликни чеклашга ёки ахлоқ тузатиш ишларига ҳукм қилинган шахсга нисбатан жазони ўташдан муддатидан илгари шартли равишда озод қилиш тартиби қўлланилиши мумкин. (ЎзР 10.08.2015 й. ЎРҚ-389-сон Қонуни таҳриридаги қисм)

Жазони ўташдан муддатидан илгари шартли равишда озод қилиш ушбу модданинг биринчи қисмида кўрсатилган жазо турлари учун белгиланган тартиб-қоида талабларини бажарган меҳнат ва ўқишга ҳалол муносабатда бўлган маҳкумга нисбатан қўлланилиши мумкин.

Жазони ўташдан муддатидан илгари шартли равишда озод қилиш:

а) ижтимоий хавфи катта бўлмаган ёки унча оғир бўлмаган жиноят учун тайинланган жазо муддатининг камида тўртдан бир қисми;

б) оғир жиноят учун тайинланган жазо муддатининг камида учдан бир қисми;

в) ўта оғир жиноят учун, шунингдек қасддан содир этган жинояти учун, агар шахс илгари қасддан содир этилган жиноят учун озодликдан маҳрум этишга ҳукм қилинган бўлса, тайинланган жазо муддатининг камида ярмини ҳақиқатда ўтаб бўлганидан кейин қўлланилади. (ЎзР 29.08.2001 й. 254-II-сон Қонуни таҳриридаги қисм)

Жазодан муддатидан илгари шартли равишда озод қилиш қўлланилган шахс жазонинг ўталмаган қисми мобайнида қасддан янги жиноят содир этса, суд унга нисбатан ушбу Кодекснинг 60 ва 86-моддаларида назарда тутилган қоидаларга мувофиқ жазо тайинлайди.

Шунингдек қаранг: ОС Пленумининг 2006 йил 3 февралдаги "Судлар томонидан жиноят учун жазо тайинлаш амалиёти тўғрисида"ги 1-сон Қарори 12-бандининг биринчи хатбоши

90-модда. Жазони енгилроғи билан алмаштириш

Ўн саккиз ёшга тўлгунча содир этган жинояти учун озодликдан маҳрум қилиш, озодликни чеклаш ёки ахлоқ тузатиш ишига ҳукм қилинган шахсга нисбатан жазонинг ўталмаган қисми енгилроқ жазо билан алмаштирилиши мумкин. (ЎзР 10.08.2015 й. ЎРҚ-389-сон Қонуни таҳриридаги қисм)

Жазони енгилроғи билан алмаштириш ушбу модданинг биринчи қисмида кўрсатилган жазо турлари учун белгиланган тартиб-қоида талабларини бажарган ва меҳнат ёки ўқишга ҳалол муносабатда бўлиб келаётган маҳкумга нисбатан қўлланилиши мумкин.

Жазонинг ўталмаган қисмини енгилроғи билан алмаштириш:

а) ижтимоий хавфи катта бўлмаган ёки унча оғир бўлмаган жиноят учун тайинланган жазо муддатининг камида бешдан бир қисми;

б) оғир жиноят учун тайинланган жазо муддатининг камида тўртдан бир қисми;

в) ўта оғир жиноят учун, шунингдек қасддан содир этган жинояти учун, агар шахс илгари қасддан содир этилган жиноят учун озодликдан маҳрум этишга ҳукм қилинган бўлса, тайинланган жазо муддатининг камида учдан бир қисмини ўтаб бўлинганидан кейин қўлланилиши мумкин. (ЎзР 29.08.2001 й. 254-II-сон Қонуни таҳриридаги қисм)

Жазо енгилроғи билан алмаштирилган шахсларга нисбатан енгилроқ жазонинг тегишли қисми ўтаб бўлинганидан кейин ушбу Кодекснинг 89-моддасида назарда тутилган қоидаларга мувофиқ, жазодан муддатидан илгари шартли равишда озод қилиш қўлланилиши мумкин.

Жазо енгилроғи билан алмаштирилган шахс жазонинг ўталмаган қисми мобайнида янги жиноят содир этса, суд унга нисбатан ушбу Кодекснинг 60 ва 86-моддаларида назарда тутилган қоидаларга мувофиқ жазо тайинлайди. (ЎзР 18.04.2018 й. ЎРҚ-476-сон Қонуни таҳриридаги қисм) (Олдинги таҳририга қаранг)

ЕТТИНЧИ БЎЛИМ. ТИББИЙ ЙЎСИНДАГИ

МАЖБУРЛОВ ЧОРАЛАРИ

ХVII БОБ. ТИББИЙ ЙЎСИНДАГИ МАЖБУРЛОВ

ЧОРАЛАРИНИНГ АСОСЛАРИ ВА УЛАРНИ ТАЙИНЛАШ

91-модда. Мажбурлов чораларининг мақсадлари

92-модда. Тиббий йўсиндаги мажбурлов чоралари

қўллашнинг умумий асослари

93-модда. Тиббий йўсиндаги мажбурлов чораларининг турлари

94-модда. Тиббий йўсиндаги мажбурлов чораларини тайинлаш

95-модда. Тиббий йўсиндаги мажбурлов чораларини

қўллашни узайтириш, ўзгартириш ва тугатиш

96-модда. Жазо билан бирга тайинланадиган тиббий

йўсиндаги мажбурлов чораларини қўллаш

91-модда. Мажбурлов чораларининг мақсадлари

(ЎзР 12.09.2019 й. ЎРҚ-567-сон Қонуни таҳриридаги модда матни)

(Олдинги таҳририга қаранг)

Тиббий йўсиндаги мажбурлов чоралари руҳий ҳолати бузилган, ижтимоий хавфли қилмиш содир этган шахсларга нисбатан ушбу шахсларни даволаш ва уларнингянги ижтимоий хавфли қилмишлар содир этишининг олдини олиш мақсадида тайинланиши мумкин.

Тиббий йўсиндаги мажбурлов чоралари алкоголизмга, гиёҳвандликка ёки заҳарвандликка йўлиққан ёхуд ақли расоликни истисно этмайдиган тарзда руҳий ҳолати бузилган шахсларга нисбатан жазолаш билан бир қаторда, даволаш учун ва жазолаш мақсадига эришишга кўмаклашувчи шароитлар яратиш учун суд томонидан тайинланиши мумкин.

Қаранг: "Фуқаролар соғлиғини сақлаш тўғрисида"ги Қонуннинг 28-моддаси; "Психиатрия ёрдами тўғрисида"ги Қонуннинг 15-моддаси; "Гиёҳвандлик воситалари ва психотроп моддалар тўғрисида"ги Қонун 44-моддасининг тўртинчи қисми; "Сурункали алкоголизм, гиёҳвандлик ёки заҳарвандликка мубтало бўлган беморларни мажбурий даволаш тўғрисида"ги Қонун

92-модда. Тиббий йўсиндаги мажбурлов

чоралари қўллашнинг умумий асослари

(ЎзР 12.09.2019 й. ЎРҚ-567-сон Қонуни таҳриридаги модда матни)

(Олдинги таҳририга қаранг)

Ижтимоий хавфли қилмишни ақли норасолик ҳолатида содир этган ёки ҳукм чиқарилгунига қадар ёхуд жазони ўташ вақтида ўз ҳаракатларининг аҳамиятини англай олмайдиган ёки уларни бошқара олмайдиган тарзда руҳий ҳолатининг бузилиши юзага келган шахсга нисбатан, агар у ўзининг руҳий ҳолати ва содир этган қилмишининг хусусиятига кўра жамият учун хавф туғдирса, суд томонидан тиббий йўсиндаги мажбурлов чоралари тайинланиши мумкин.

93-модда. Тиббий йўсиндаги мажбурлов

чораларининг турлари

(ЎзР 12.09.2019 й. ЎРҚ-567-сон Қонуни таҳриридаги модда матни)

(Олдинги таҳририга қаранг)

Тиббий йўсиндаги мажбурлов чоралари жумласига қуйидагилар киради:

а) яшаш жойи бўйича руҳий-асаб касалликлари диспансерида (туман (шаҳар) психиатрининг хонасида) мажбурий амбулатория кузатувида бўлиш ва даволаниш;

Қаранг: ЖК 94-моддасининг биринчи қисми

б) яшаш жойи бўйича умумий тартибли психиатрия муассасасининг умумий кузатиладиган бўлимида мажбурий даволаниш;

Қаранг: ЖК 94-моддасининг иккинчи қисми

в) умумий тартибли психиатрия муассасасининг махсус реабилитация бўлимида мажбурий даволаниш;

Қаранг: ЖК 94-моддасининг учинчи қисми

г) кузатув кучайтирилган руҳий касалликлар шифохонасида мажбурий даволаниш;

Қаранг: ЖК 94-моддасининг тўртинчи қисми

д) жазони ижро этиш муассасаларининг даволаш-профилактика ёрдами кўрсатиш бўлимларида ҳамда маҳкумларга мўлжалланган ихтисослашган шифохонада мажбурий амбулатория кузатувида бўлиш ва даволаниш.

Қаранг: ЖК 94-моддасининг бешинчи қисми

94-модда. Тиббий йўсиндаги мажбурлов

чораларини тайинлаш

(ЎзР 12.09.2019 й. ЎРҚ-567-сон Қонуни таҳриридаги модда матни)

(Олдинги таҳририга қаранг)

Руҳий ҳолати бузилган, касаллигининг зўрайиши аломатлари бўлмаган шахсларга, шунингдек руҳий ҳолати вақтинча бузилган шахсларга нисбатан касаллик қайтарилишининг ва улар томонидан янги ижтимоий хавфли қилмишлар содир этилишининг олдини олиш учун яшаш жойи бўйича руҳий-асаб касалликлари диспансерида (туман (шаҳар) психиатрининг хонасида) мажбурий амбулатория кузатувида бўлиш ва даволаниш тайинланиши мумкин.

Яшаш жойи бўйича умумий тартибли психиатрия муассасасининг умумий кузатиладиган бўлимида мажбурий даволаниш ижтимоий хавфлилиги умумий асосларда амалга оширилиши мумкин бўлган даволашни талаб этадиган ҳолат билан боғлиқ бўлган, руҳий ҳолати бузилган шахсларга нисбатан тайинланиши мумкин.

Умумий тартибли психиатрия муассасасининг махсус реабилитация бўлимида мажбурий даволаниш ижтимоий хавфлилиги кўпроқ ихтиёрий тартибда амалга оширилиши мумкин бўлмаган реабилитация чоралари кўрилишини талаб этадиган ҳолат билан боғлиқ бўлган, руҳий ҳолати бузилган шахсларга нисбатан тайинланиши мумкин.

Кузатув кучайтирилган руҳий касалликлар шифохонасида мажбурий даволаниш ўта ижтимоий хавфли бўлган ёки ўз хулқ-атворида умумий тартибли психиатрия шифохонаси шароитларида зарур даволаш ва реабилитация чораларини амалга ошириш имконини бермайдиган қоидабузарликларга йўл қўядиган, руҳий ҳолати бузилган шахсларга нисбатан тайинланиши мумкин. Руҳий ҳолати бузилган шахслар кузатув кучайтирилган руҳий касалликлар шифохонасида батамом ажратилган ҳолда сақланади ва қўриқланади.

Жазони ижро этиш муассасаларининг даволаш-профилактика ёрдами кўрсатиш бўлимларида ҳамда маҳкумларга мўлжалланган ихтисослашган шифохонада мажбурий амбулатория кузатувида бўлиш ва даволаниш ақли расоликни истисно этмайдиган тарзда руҳий ҳолати бузилган, жиноят содир этиш вақтида руҳий ҳолати бузилганлиги туфайли ўз ҳаракатларининг (ҳаракатсизлигининг) аҳамиятини тўлиқ даражада англай олмаган ёки уларни бошқара олмаган шахсларга нисбатан тайинланиши мумкин.

Шунингдек қаранг: ОС Пленумининг 2008 йил 12 декабрдаги "Руҳий касалликка чалинган шахсларга нисбатан тиббий йўсиндаги мажбурлов чораларини қўллаш бўйича суд амалиёти тўғрисида"ги 23-сон Қарорининг 5-банди; ОС Пленумининг 2015 йил 18 сентябрдаги "Судланганлик ҳолати тугалланиши ва олиб ташланишига оид қонунчиликни қўллаш бўйича суд амалиёти тўғрисида"ги 13-сон Қарори 2-бандининг биринчи, учинчи хатбоши

95-модда. Тиббий йўсиндаги мажбурлов чораларини

қўллашни узайтириш, ўзгартириш ва тугатиш

(ЎзР 12.09.2019 й. ЎРҚ-567-сон Қонуни таҳриридаги модда)

(Олдинги таҳририга қаранг)

Руҳий ҳолати бузилган шахсларга нисбатан тиббий йўсиндаги мажбурлов чораларини қўллашни узайтириш, ўзгартириш ва тугатиш шифокор психиатрлар комиссиясининг хулосаси асосида, жазони ижро этиш муассасаларининг даволаш-профилактика ёрдами кўрсатиш бўлимларида ва маҳкумларга мўлжалланган ихтисослашган шифохонада эса, тиббий-маслаҳат комиссиясининг хулосаси асосида суд томонидан амалга оширилади.

Руҳий ҳолати бузилган шахс тиббий йўсиндаги мажбурлов чораларини қўллашга муҳтож бўлмаган ҳолларда, шунингдек бу чораларни қўллаш тугатилганда суд бундай шахсни умумий асосларда даволаш ёки ижтимоий таъминот муассасасига юбориш тўғрисидаги масалани ҳал этиш учун соғлиқни сақлаш органларига топшириши мумкин.

Алкоголизмга, гиёҳвандликка ёки заҳарвандликка йўлиққан шахсларга нисбатан жазо билан бир қаторда тайинланган тиббий йўсиндаги мажбурлов чораларини қўллашни тугатиш тиббий-маслаҳат комиссиясининг хулосаси асосида суд томонидан амалга оширилади.

96-модда. Жазо билан бирга тайинланадиган тиббий

йўсиндаги мажбурлов чораларини қўллаш

(ЎзР 12.09.2019 й. ЎРҚ-567-сон Қонуни таҳриридаги модда номи)

(Олдинги таҳририга қаранг)

Алкоголизмга, гиёҳвандликка ёки заҳарвандликка йўлиққан ёхуд ақли расоликни истисно этмайдиган тарзда руҳий ҳолати бузилган шахслар томонидан жиноят содир этилган тақдирда, агар тиббий хулоса мавжуд бўлса, суд жазо тайинлаш билан бирга уларга нисбатан тиббий йўсиндаги мажбурлов чораларини тайинлаши мумкин. (ЎзР 12.09.2019 й. ЎРҚ-567-сон Қонуни таҳриридаги қисм) (Олдинги таҳририга қаранг)

Ушбу модданинг биринчи қисмида кўрсатилган шахслар, озодликдан маҳрум қилиш билан боғлиқ бўлмаган жазога ҳукм қилинган бўлса, тиббий муассасаларда мажбурий даволаниши лозим.

Ушбу модданинг биринчи қисмида кўрсатилган шахслар озодликдан маҳрум қилиш жазосига ҳукм қилинган бўлса, уларни даволаш жазони ўтаётган жойда амалга оширилади, жазони ўтаб бўлганидан кейин агарда даволашни давом эттиришга зарурат бўлса, умумий асосда тиббий муассасаларда даволанади. (ЎзР 29.03.2017 й. ЎРҚ-421-сон Қонуни таҳриридаги қисм) (Олдинги таҳририга қаранг)

Шунингдек қаранг: ОС Пленумининг 2017 йил 28 апрелдаги "Гиёхвандлик воситалари ва психотроп моддалар билан конунга хилоф равишда муомала килишга оид жиноят ишлари бўйича суд амалиёти тўгрисида"ги 12-сон Карорининг 32-банди; ОС Пленумининг 2006 йил 22 декабрдаги "Судлар томонидан амнистия актларини қўллашнинг айрим масалалари тўғрисида"ги 16-сон Қарори 27-бандининг биринчи хатбоши

МАХСУС ҚИСМ

Биринчи бўлим. Шахсга қарши жиноятлар

(1-7-боблар. 97-149-моддалар)

Иккинчи бўлим. Тинчлик ва хавфсизликка қарши

жиноятлар (8-9-боблар. 150-163-моддалар)

Учинчи бўлим. Иқтисодиёт соҳасидаги жиноятлар

(10-13-1-боблар. 164-192-12-моддалар)

Тўртинчи бўлим. Экология соҳасидаги жиноятлар

(14-боб. 193-204-моддалар.)

Бешинчи бўлим. Ҳокимият, бошқарув ва

жамоат бирлашмалари органларининг

фаолият тартибига қарши жиноятлар

(15-16-боблар. 205-241-моддалар)

Олтинчи бўлим. Жамоат хавфсизлиги ва

жамоат тартибига қарши жиноятлар

(17-20-1-боблар. 242-278-моддалар)

Еттинчи бўлим. Ҳарбий хизматни ўташ

тартибига қарши жиноятлар

(21-24-боблар. 279-302-моддалар)

Саккизинчи бўлим. Атамаларнинг ҳуқуқий маъноси

БИРИНЧИ БЎЛИМ. ШАХСГА ҚАРШИ ЖИНОЯТЛАР

I боб. Ҳаётга қарши жиноятлар (97-103-моддалар)

II боб. Соғлиққа қарши жиноятлар (104-111-моддалар)

III боб. Ҳаёт ёки соғлиқ учун хавфли жиноятлар (112-117-моддалар)

IV боб. Жинсий эркинликка қарши жиноятлар (118-121-моддалар)

V боб. Оилага, ёшларга ва ахлоққа қарши

жиноятлар (122-134-моддалар)

VI боб. Шахснинг озодлиги, шаъни ва қадр-қимматига

қарши жиноятлар (135-140-моддалар)

VII боб. Фуқароларнинг конституциявий ҳуқуқ ва

эркинликларига қарши жиноятлар (141-149-моддалар)

I БОБ. ҲАЁТГА ҚАРШИ ЖИНОЯТЛАР

Қаранг: Конституциянинг 24-моддаси

97-модда. Қасддан одам ўлдириш

98-модда. Кучли руҳий ҳаяжонланиш ҳолатида

қасддан одам ўлдириш

99-модда. Онанинг ўз чақалоғини қасддан ўлдириши

100-модда. Зарурий мудофаа чегарасидан четга

чиқиб, қасддан одам ўлдириш

101-модда. Ижтимоий хавфли қилмиш содир

этган шахсни ушлашнинг зарур чоралари

чегарасидан четга чиқиб, қасддан одам ўлдириш

102-модда. Эҳтиётсизлик орқасида одам ўлдириш

103-модда. Ўзини-ўзи ўлдириш даражасига етказиш

103-1-модда. Ўзини ўзи ўлдиришга ундаш

97-модда. Қасддан одам ўлдириш

Қасддан одам ўлдириш -

ўн йилдан ўн беш йилгача озодликдан маҳрум қилиш билан жазоланади.

Шунингдек қаранг: ОС Пленумининг 2004 йил 24 сентябрдаги "Қасддан одам ўлдиришга оид ишлар бўйича суд амалиёти тўғрисида"ги 13-сон Қарорининг 1-5, 25-27, 29-бандлари

Жавобгарликни оғирлаштирадиган ҳолатларда қасддан одам ўлдириш, яъни:

а) икки ёки ундан ортиқ шахсни;

Шунингдек қаранг: ОС Пленумининг 2004 йил 24 сентябрдаги "Қасддан одам ўлдиришга оид ишлар бўйича суд амалиёти тўғрисида"ги 13-сон Қарорининг 6-банди

б) ҳомиладорлиги айбдорга аён бўлган аёлни;

Шунингдек қаранг: ОС Пленумининг 2004 йил 24 сентябрдаги "Қасддан одам ўлдиришга оид ишлар бўйича суд амалиёти тўғрисида"ги 13-сон Қарорининг 7-банди

в) айбдорга аён бўлган ожиз аҳволдаги шахсни;

Шунингдек қаранг: ОС Пленумининг 2004 йил 24 сентябрдаги "Қасддан одам ўлдиришга оид ишлар бўйича суд амалиёти тўғрисида"ги 13-сон Қарорининг 8-банди

г) ўз хизмат ёки фуқаролик бурчини бажариши муносабати билан шахсни ёки унинг яқин қариндошларини;

Шунингдек қаранг: ОС Пленумининг 2004 йил 24 сентябрдаги "Қасддан одам ўлдиришга оид ишлар бўйича суд амалиёти тўғрисида"ги 13-сон Қарорининг 9-банди

д) бошқа шахсларнинг ҳаёти учун хавфли бўлган усулда;

Шунингдек қаранг: ОС Пленумининг 2004 йил 24 сентябрдаги "Қасддан одам ўлдиришга оид ишлар бўйича суд амалиёти тўғрисида"ги 13-сон Қарорининг 10-банди

е) оммавий тартибсизликлар жараёнида;

Шунингдек қаранг: ОС Пленумининг 2004 йил 24 сентябрдаги "Қасддан одам ўлдиришга оид ишлар бўйича суд амалиёти тўғрисида"ги 13-сон Қарорининг 11-банди

ж) ўта шафқатсизлик билан;

Шунингдек қаранг: ОС Пленумининг 2004 йил 24 сентябрдаги "Қасддан одам ўлдиришга оид ишлар бўйича суд амалиёти тўғрисида"ги 13-сон Қарорининг 12-банди

з) номусга тегиш ёки жинсий эҳтиёжни зўрлик ишлатиб ғайритабиий усулда қондириш билан боғлиқ ҳолда;

Шунингдек қаранг: ОС Пленумининг 2004 йил 24 сентябрдаги "Қасддан одам ўлдиришга оид ишлар бўйича суд амалиёти тўғрисида"ги 13-сон Қарорининг 13-банди

и) тамагирлик ниятида;

Шунингдек қаранг: ОС Пленумининг 2004 йил 24 сентябрдаги "Қасддан одам ўлдиришга оид ишлар бўйича суд амалиёти тўғрисида"ги 13-сон Қарорининг 14-банди

к) миллий ёки ирқий адоват замирида;

Шунингдек қаранг: ОС Пленумининг 2004 йил 24 сентябрдаги "Қасддан одам ўлдиришга оид ишлар бўйича суд амалиёти тўғрисида"ги 13-сон Қарорининг 15-банди

л) безорилик оқибатида;

Шунингдек қаранг: ОС Пленумининг 2002 йил 14 июндаги "Безориликка оид ишлар бўйича суд амалиёти ҳақида"ги 9-сон Қарорининг 12-банди; ОС Пленумининг 2004 йил 24 сентябрдаги "Қасддан одам ўлдиришга оид ишлар бўйича суд амалиёти тўғрисида"ги 13-сон Қарорининг 16-банди

м) диний таассублар замирида;

Шунингдек қаранг: ОС Пленумининг 2004 йил 24 сентябрдаги "Қасддан одам ўлдиришга оид ишлар бўйича суд амалиёти тўғрисида"ги 13-сон Қарорининг 17-банди

н) инсон аъзоларини ва (ёки) тўқималарини олиш ёки мурданинг қисмларидан фойдаланиш мақсадида; (ЎзР 23.06.2022 й. ЎРҚ-780-сон Қонуни таҳриридаги банд) (Олдинги таҳририга қаранг)

Шунингдек қаранг: ОС Пленумининг 2004 йил 24 сентябрдаги "Қасддан одам ўлдиришга оид ишлар бўйича суд амалиёти тўғрисида"ги 13-сон Қарорининг 18-банди

о) бошқа бирор жиноятни яшириш ёки унинг содир этилишини осонлаштириш мақсадида;

Шунингдек қаранг: ОС Пленумининг 2004 йил 24 сентябрдаги "Қасддан одам ўлдиришга оид ишлар бўйича суд амалиёти тўғрисида"ги 13-сон Қарорининг 19-банди

п) бир гуруҳ шахслар ёки уюшган гуруҳ аъзоси томонидан ёхуд ўша гуруҳ манфаатларини кўзлаган ҳолда;

Шунингдек қаранг: ОС Пленумининг 2004 йил 24 сентябрдаги "Қасддан одам ўлдиришга оид ишлар бўйича суд амалиёти тўғрисида"ги 13-сон Қарорининг 20-банди

р) такроран ёки хавфли рецидивист томонидан;

Шунингдек қаранг: ОС Пленумининг 2004 йил 24 сентябрдаги "Қасддан одам ўлдиришга оид ишлар бўйича суд амалиёти тўғрисида"ги 13-сон Қарорининг 21-банди

с) ўта хавфли рецидивист томонидан қасддан одам ўлдирилиши -

Шунингдек қаранг: ОС Пленумининг 2004 йил 24 сентябрдаги "Қасддан одам ўлдиришга оид ишлар бўйича суд амалиёти тўғрисида"ги 13-сон Қарорининг 22-банди

ўн беш йилдан йигирма беш йилгача озодликдан маҳрум қилиш ёки умрбод озодликдан маҳрум қилиш жазоси билан жазоланади. (ЎзР 11.07.2007 й. ЎРҚ-99-сон Қонуни таҳриридаги санкция)

Шунингдек қаранг: ОС Пленумининг 1996 йил 20 декабрдаги "Ижтимоий хавфли тажовузлардан зарурий мудофаа ҳуқуқини таъминловчи қонунларни судлар томонидан қўлланиши ҳақида"ги 39-сон Қарорининг 9-банди; ОС Пленумининг 2000 йил 15 сентябрдаги "Ҳарбий хизматни ўташ тартибига қарши жиноятларга оид ишларни кўриш бўйича суд амалиёти тўғрисида"ги 23-сон Қарори 4.5-бандининг бешинчи хатбоши; ОС Пленумининг 2004 йил 24 сентябрдаги "Қасддан одам ўлдиришга оид ишлар бўйича суд амалиёти тўғрисида"ги 13-сон Қарорининг 1-4, 23-27, 29-бандлари; ОС Пленумининг 2007 йил 14 ноябрдаги "Умрбод озодликдан маҳрум қилиш тариқасидаги жазони қўллашнинг айрим масалалари тўғрисида"ги 15-сон Қарори 1-бандининг иккинчи хатбоши, 5-бандининг тўртинчи хатбоши; ОС Пленумининг 2008 йил 15 майдаги "Бир неча жиноят содир этилганда қилмишни квалификация қилишга доир масалалар тўғрисида"ги 13-сон Қарорининг 11-банди; ОС Пленумининг 2011 йил 25 ноябрдаги "Ўзбекистон Республикасининг Давлат чегарасини кесиб ўтиш тартибини бузишга оид ишлар бўйича суд амалиёти тўғрисида"ги 9-сон қарори 9-бандининг иккинчи хатбоши; ОС Пленумининг 2013 йил 6 сентябрдаги "Божхона тўғрисидаги қонунчиликни бузиш ва контрабандага оид ишлар бўйича суд амалиёти ҳақида"ги 18-сон Қарори 13-бандининг иккинчи хатбоши

98-модда. Кучли руҳий ҳаяжонланиш

ҳолатида қасддан одам ўлдириш

Жабрланувчи томонидан қилинган ғайриқонуний зўрлик ёки оғир ҳақорат, шунингдек унинг бошқа ғайриқонуний ҳаракатлари туфайли тўсатдан юз берган кучли руҳий ҳаяжонланиш ҳолатида қасддан одам ўлдириш -

икки йилдан беш йилгача озодликни чеклаш ёхуд беш йилгача озодликдан маҳрум қилиш билан жазоланади. (ЎзР 10.08.2015 й. ЎРҚ-389-сон Қонуни таҳриридаги санкция)

Шунингдек қаранг: ОС Пленумининг 1996 йил 20 декабрдаги "Ижтимоий хавфли тажовузлардан зарурий мудофаа ҳуқуқини таъминловчи қонунларни судлар томонидан қўлланиши ҳақида"ги 39-сон Қарори 8-бандининг биринчи хатбоши, 14-бандининг биринчи хатбоши; ОС Пленумининг 2004 йил 24 сентябрдаги "Қасддан одам ўлдиришга оид ишлар бўйича суд амалиёти тўғрисида"ги 13-сон Қарорининг 5, 24-бандлари; ОС Пленумининг 2008 йил 15 майдаги "Бир неча жиноят содир этилганда қилмишни квалификация қилишга доир масалалар тўғрисида"ги 13-сон Қарори 9-бандининг биринчи хатбоши

99-модда. Онанинг ўз чақалоғини қасддан ўлдириши

Онанинг ўз чақалоғини туғиш вақтида ёки туғилиши ҳамон қасддан ўлдириши -

бир йилдан уч йилгача озодликни чеклаш ёхуд уч йилгача озодликдан маҳрум қилиш билан жазоланади. (ЎзР 10.08.2015 й. ЎРҚ-389-сон Қонуни таҳриридаги санкция)

Шунингдек қаранг: ОС Пленумининг 2004 йил 24 сентябрдаги "Қасддан одам ўлдиришга оид ишлар бўйича суд амалиёти тўғрисида"ги 13-сон Қарорининг 5-банди

100-модда. Зарурий мудофаа чегарасидан

четга чиқиб, қасддан одам ўлдириш

Зарурий мудофаа чегарасидан четга чиқиб, қасддан одам ўлдириш -

уч йилгача ахлоқ тузатиш ишлари ёки бир йилдан уч йилгача озодликни чеклаш ёхуд уч йилгача озодликдан маҳрум қилиш билан жазоланади. (ЎзР 10.08.2015 й. ЎРҚ-389-сон Қонуни таҳриридаги санкция)

101-модда. Ижтимоий хавфли қилмиш содир этган шахсни

ушлашнинг зарур чоралари чегарасидан четга чиқиб,

қасддан одам ўлдириш

Ижтимоий хавфли қилмиш содир этган шахсни ушлашнинг зарур чоралари чегарасидан четга чиқиб, қасддан одам ўлдириш -

Шунингдек қаранг: ОС Пленумининг 2004 йил 24 сентябрдаги "Қасддан одам ўлдиришга оид ишлар бўйича суд амалиёти тўғрисида"ги 13-сон Қарорининг 5, 24-бандлари

102-модда. Эҳтиётсизлик орқасида одам ўлдириш

Эҳтиётсизлик орқасида одам ўлдириш -

икки йилгача ахлоқ тузатиш ишлари ёки бир йилдан уч йилгача озодликни чеклаш ёхуд уч йилгача озодликдан маҳрум қилиш билан жазоланади. (ЎзР 10.08.2015 й. ЎРҚ-389-сон Қонуни таҳриридаги санкция)

Шунингдек қаранг: ОС Пленумининг 2004 йил 24 сентябрдаги "Қасддан одам ўлдиришга оид ишлар бўйича суд амалиёти тўғрисида"ги 13-сон Қарорининг 4-банди; ОС Пленумининг 2007 йил 27 июндаги "Баданга қасддан шикаст етказишга оид ишлар бўйича суд амалиёти тўғрисида"ги 6-сон Қарорининг 20, 22-бандлари

Эҳтиётсизлик орқасида икки ва ундан ортиқ одам ўлдириш -

икки йилдан уч йилгача ахлоқ тузатиш ишлари ёки уч йилдан беш йилгача озодликни чеклаш ёки уч йилдан беш йилгача озодликдан маҳрум қилиш билан жазоланади. (ЎзР 10.08.2015 й. ЎРҚ-389-сон Қонуни таҳриридаги санкция)

Шунингдек қаранг: ОС Пленумининг 2008 йил 15 майдаги "Бир неча жиноят содир этилганда қилмишни квалификация қилишга доир масалалар тўғрисида"ги 13-сон Қарорининг 11-банди

103-модда. Ўзини ўзи ўлдириш даражасига етказиш

(ЎзР 13.06.2017 й. ЎРҚ-436-сон Қонуни таҳриридаги модда матни)

(Олдинги таҳрирга қаранг)

Шахсни қўрқитиш, унга раҳмсиз муомала қилиш ёки унинг шаъни ва қадр-қимматини муттасил равишда камситиш натижасида уни ўзини ўзи ўлдириш даражасига ёки ўзини ўзи ўлдиришига суиқасд қилиш даражасига етказиш, -

уч йилдан етти йилгача озодликдан маҳрум қилиш билан жазоланади.

Ўша ҳаракатлар:

а) моддий томондан ёки бошқа жиҳатлардан айбдорга қарам бўлган шахсга нисбатан;

б) вояга етмаган шахсга ёки ҳомиладорлиги айбдорга аён бўлган аёлга нисбатан;

в) бир гуруҳ шахслар томонидан олдиндан тил бириктириб;

г) телекоммуникация тармоқларидан, шунингдек Интернет бутунжаҳон ахборот тармоғидан фойдаланиб содир этилган бўлса, -

етти йилдан ўн йилгача озодликдан маҳрум қилиш билан жазоланади.

Шунингдек қаранг: ОС Пленумининг 1998 йил 11 сентябрдаги "Ўзини ўзи ўлдириш даражасига етказиш жиноят ишлари бўйича суд амалиёти тўғрисида"ги 20-сон Қарори

103-1-модда. Ўзини ўзи ўлдиришга ундаш

(ЎзР 13.06.2017 й. ЎРҚ-436-сон Қонунига мувофиқ киритилган модда)

Ўзини ўзи ўлдиришга ундаш, яъни кўндириш, алдаш ёки бошқа йўл билан ўзга шахсда ўзини ўзи ўлдириш ҳиссини уйғотиш, агар шахс ўзини ўзи ўлдирган ёки ўзини ўзи ўлдиришга суиқасд қилган бўлса, -

икки йилдан беш йилгача озодликни чеклаш ёхуд беш йилгача озодликдан маҳрум қилиш билан жазоланади.

Ўша ҳаракатлар:

а) вояга етмаган шахсга ёки ҳомиладорлиги айбдорга аён бўлган аёлга нисбатан;

б) бир гуруҳ шахслар томонидан олдиндан тил бириктириб;

в) телекоммуникация тармоқларидан, шунингдек Интернет бутунжаҳон ахборот тармоғидан фойдаланиб содир этилган бўлса, -

беш йилдан етти йилгача озодликдан маҳрум қилиш билан жазоланади.

Шунингдек қаранг: ОС Пленумининг 1998 йил 11 сентябрдаги "Ўзини ўзи ўлдириш даражасига етказиш жиноят ишлари бўйича суд амалиёти тўғрисида"ги 20-сон Қарорининг 4-1, 6-бандлари, 7-бандининг иккинчи хатбоши

II БОБ. СОҒЛИҚҚА ҚАРШИ ЖИНОЯТЛАР

104-модда. Қасддан баданга оғир шикаст етказиш

105-модда. Қасддан баданга ўртача оғир шикаст етказиш

106-модда. Кучли руҳий ҳаяжонланиш ҳолатида

қасддан баданга ёки ўртача оғир шикаст етказиш

107-модда. Зарурий мудофаа чегарасидан четга

чиқиб, қасддан баданга оғир шикаст етказиш

108-модда. Ижтимоий хавфли қилмиш содир этган

шахсни ушлашнинг зарур чоралари чегарасидан

четга чиқиб, баданга қасддан оғир шикаст етказиш

109-модда. Қасддан баданга енгил шикаст етказиш

110-модда. Қийнаш

111-модда. Эҳтиётсизлик орқасида баданга ўртача

оғир ёки оғир шикаст етказиш

104-модда. Қасддан баданга оғир шикаст етказиш

Содир этилаётган пайтда ҳаёт учун хавфли бўлган қасддан баданга оғир шикаст етказиш натижасида кўриш, сўзлаш, эшитиш қобилиятини йўқотиш ёхуд бирон аъзонинг ишдан чиқиши ёки унинг фаолияти тамоман йўқолишига, руҳий ҳолатининг бузилишига ёки соғлиғининг бошқача тарзда бузилишига, умумий меҳнат қобилиятининг ўттиз уч фоизидан кам бўлмаган қисмининг доимий йўқолишига ёки ҳомиланинг тушиши ёхуд баданнинг тузалмайдиган даражада хунуклашишига сабаб бўлса ва ушбу Кодекснинг 126-1-моддасида назарда тутилган жиноят аломатлари мавжуд бўлмаса, - (ЎзР 11.04.2023 й. ЎРҚ-829-сон Қонуни таҳриридаги диспозиция) (Олдинги таҳририга қаранг)

уч йилдан беш йилгача озодликни чеклаш ёхуд уч йилдан беш йилгача озодликдан маҳрум қилиш билан жазоланади. (ЎзР 10.08.2015 й. ЎРҚ-389-сон Қонуни таҳриридаги санкция) (Олдинги таҳририга қаранг)

Шунингдек қаранг: ОС Пленумининг 2007 йил 27 июндаги "Баданга қасддан шикаст етказишга оид ишлар бўйича суд амалиёти тўғрисида"ги 6-сон Қарорининг 1-6-бандлари, 7-бандининг иккинчи хатбоши, 25-бандининг учинчи хатбоши

Қасддан баданга оғир шикаст етказиш:

а) ҳомиладорлиги айбдорга аён бўлган аёлга нисбатан;

Шунингдек қаранг: ОС Пленумининг 2007 йил 27 июндаги "Баданга қасддан шикаст етказишга оид ишлар бўйича суд амалиёти тўғрисида"ги 6-сон Қарорининг 7-банди

б) ўз хизмат ёки фуқаролик бурчини бажариши муносабати билан шахсга ёки унинг яқин қариндошларига нисбатан;

Шунингдек қаранг: ОС Пленумининг 2007 йил 27 июндаги "Баданга қасддан шикаст етказишга оид ишлар бўйича суд амалиёти тўғрисида"ги 6-сон Қарорининг 8-банди

в) ўта шафқатсизлик билан;

Шунингдек қаранг: ОС Пленумининг 2007 йил 27 июндаги "Баданга қасддан шикаст етказишга оид ишлар бўйича суд амалиёти тўғрисида"ги 6-сон Қарорининг 9-банди

г) оммавий тартибсизликлар жараёнида;

Шунингдек қаранг: ОС Пленумининг 2007 йил 27 июндаги "Баданга қасддан шикаст етказишга оид ишлар бўйича суд амалиёти тўғрисида"ги 6-сон Қарорининг 10-банди

д) тамагирлик ниятида;

Шунингдек қаранг: ОС Пленумининг 2007 йил 27 июндаги "Баданга қасддан шикаст етказишга оид ишлар бўйича суд амалиёти тўғрисида"ги 6-сон Қарорининг 11-банди

е) безорилик оқибатида;

Шунингдек қаранг: ОС Пленумининг 2002 йил 14 июндаги "Безориликка оид ишлар бўйича суд амалиёти ҳақида"ги 9-сон Қарорининг 12-банди; ОС Пленумининг 2007 йил 27 июндаги "Баданга қасддан шикаст етказишга оид ишлар бўйича суд амалиёти тўғрисида"ги 6-сон Қарорининг 12-банди

ж) миллатлараро ёки ирқий адоват замирида;

Шунингдек қаранг: ОС Пленумининг 2007 йил 27 июндаги "Баданга қасддан шикаст етказишга оид ишлар бўйича суд амалиёти тўғрисида"ги 6-сон Қарорининг 13-банди

з) диний таассублар замирида;

Шунингдек қаранг: ОС Пленумининг 2007 йил 27 июндаги "Баданга қасддан шикаст етказишга оид ишлар бўйича суд амалиёти тўғрисида"ги 6-сон Қарорининг 14-банди

и) инсон аъзоларини ва (ёки) тўқималарини олиш мақсадида; (ЎзР 23.06.2022 й. ЎРҚ-780-сон Қонуни таҳриридаги банд) (Олдинги таҳририга қаранг)

Шунингдек қаранг: ОС Пленумининг 2007 йил 27 июндаги "Баданга қасддан шикаст етказишга оид ишлар бўйича суд амалиёти тўғрисида"ги 6-сон Қарорининг 15-банди

ЎзР 05.11.2020 й. ЎРҚ-645-сон Қонунига мувофиқ "к" банди "к" ва "л" бандлар билан алмаштирилган (Олдинги таҳририга қаранг)

к) бир гуруҳ шахслар томонидан;

л) қуролни ёки совуқ қурол сифатида фойдаланилиши мумкин бўлган ашёларни ишлатиб содир этилган бўлса, -

беш йилдан саккиз йилгача озодликдан маҳрум қилиш билан жазоланади. (ЎзР 29.08.2001 й. 254-II-сон Қонуни таҳриридаги санкция)

Шунингдек қаранг: ОС Пленумининг 2007 йил 27 июндаги "Баданга қасддан шикаст етказишга оид ишлар бўйича суд амалиёти тўғрисида"ги 6-сон Қарорининг 1-5, 21, 23-бандлари, 25-бандининг учинчи хатбоши

Қасддан баданга оғир шикаст етказиш:

а) икки ёки ундан ортиқ шахсга нисбатан;

Шунингдек қаранг: ОС Пленумининг 2007 йил 27 июндаги "Баданга қасддан шикаст етказишга оид ишлар бўйича суд амалиёти тўғрисида"ги 6-сон Қарорининг 17-банди

б) такроран, хавфли рецидивист ёки илгари ушбу Кодекснинг 97-моддасида назарда тутилган тарзда қасддан одам ўлдирган шахс томонидан;

Шунингдек қаранг: ОС Пленумининг 2007 йил 27 июндаги "Баданга қасддан шикаст етказишга оид ишлар бўйича суд амалиёти тўғрисида"ги 6-сон Қарорининг 18-банди

в) ўта хавфли рецидивист томонидан;

г) уюшган гуруҳ аъзоси томонидан ёки шу гуруҳ манфаатларини кўзлаб содир этилган бўлса;

д) жабрланувчининг ўлишига сабаб бўлса, -

саккиз йилдан ўн йилгача озодликдан маҳрум қилиш билан жазоланади. (ЎзР 29.08.2001 й. 254-II-сон Қонуни таҳриридаги санкция)

ОС Пленумининг 2000 йил 15 сентябрдаги "Ҳарбий хизматни ўташ тартибига қарши жиноятларга оид ишларни кўриш бўйича суд амалиёти тўғрисида"ги 23-сон Қарори 4.5-бандининг бешинчи хатбоши; ОС Пленумининг 2007 йил 27 июндаги "Баданга қасддан шикаст етказишга оид ишлар бўйича суд амалиёти тўғрисида"ги 6-сон Қарорининг 1-5, 21, 23-бандлари, 25-бандининг учинчи хатбоши; ОС Пленумининг 2009 йил 24 ноябрдаги "Одам савдосига оид ишлар бўйича суд амалиёти тўғрисида"ги 12-сон Қарори 14-бандининг иккинчи хатбоши; ОС Пленумининг 2011 йил 25 ноябрдаги "Ўзбекистон Республикасининг Давлат чегарасини кесиб ўтиш тартибини бузишга оид ишлар бўйича суд амалиёти тўғрисида"ги 9-сон Қарори 9-бандининг иккинчи хатбоши; ОС Пленумининг 2013 йил 6 сентябрдаги "Божхона тўғрисидаги қонунчиликни бузиш ва контрабандага оид ишлар бўйича суд амалиёти ҳақида"ги 18-сон Қарори 13-бандининг иккинчи хатбоши

105-модда. Қасддан баданга ўртача оғир шикаст етказиш

Содир этилаётган пайтда ҳаёт учун хавфли бўлмаган ва ушбу Кодекснинг 104-моддасида назарда тутилган оқибатларга олиб келмаган, лекин соғлиқнинг узоқ вақт, яъни камида йигирма бир кун, аммо тўрт ойдан кўп бўлмаган даврда ёмонлашувига ёки умумий меҳнат қобилиятининг ўн фоизидан ўттиз уч фоизигача йўқолишига сабаб бўлган қасддан баданга ўртача оғир шикаст етказиш, ушбу Кодекснинг 126-1-моддасида назарда тутилган жиноят аломатлари мавжуд бўлмаса - (ЎзР 11.04.2023 й. ЎРҚ-829-сон Қонуни таҳриридаги диспозиция)

уч юз олтмиш соатгача мажбурий жамоат ишлари ёки уч йилгача ахлоқ тузатиш ишлари ёхуд бир йилдан уч йилгача озодликни чеклаш ёки уч йилгача озодликдан маҳрум қилиш билан жазоланади. (ЎзР 29.03.2017 й. ЎРҚ-421-сон Қонуни таҳриридаги санкция) (Олдинги таҳририга қаранг)

Шунингдек қаранг: ОС Пленумининг 2002 йил 14 июндаги "Безориликка оид ишлар бўйича суд амалиёти ҳақида"ги 9-сон Қарорининг 13-банди; ОС Пленумининг 2007 йил 27 июндаги "Баданга қасддан шикаст етказишга оид ишлар бўйича суд амалиёти тўғрисида"ги 6-сон Қарорининг 1-5-бандлари, 25-бандининг учинчи хатбоши

Қасддан баданга ўртача оғир шикаст етказиш:

а) икки ёки ундан ортиқ шахсга нисбатан;

б) ҳомиладорлиги айбдорга аён бўлган аёлга нисбатан;

в) ўз хизмат ёки фуқаролик бурчини бажариши муносабати билан шахсга ёки унинг яқин қариндошларига нисбатан;

г) ўта шафқатсизлик билан;

д) оммавий тартибсизликлар жараёнида;

е) тамагирлик ниятида;

ж) миллатлараро ёки ирқий адоват замирида;

з) диний таассублар замирида;

и) бир гуруҳ шахслар ёки уюшган гуруҳ аъзоси томонидан ёхуд шу гуруҳ манфаатларини кўзлаб;

Шунингдек қаранг: ОС Пленумининг 2007 йил 27 июндаги "Баданга қасддан шикаст етказишга оид ишлар бўйича суд амалиёти тўғрисида"ги 6-сон Қарорининг 16-банди

к) такроран, хавфли рецидивист ёки илгари ушбу Кодекснинг 104-моддасида назарда тутилган қасддан баданга оғир шикаст етказиш жиноятини содир этган ёхуд ушбу Кодекснинг 97-моддасида назарда тутилган қасддан одам ўлдириш жиноятини содир этган шахс томонидан;

ЎзР 05.11.2020 й. ЎРҚ-645-сон Қонунига мувофиқ "л" банди "л" ва "м" бандлар билан алмаштирилган (Олдинги таҳририга қаранг)

л) ўта хавфли рецидивист томонидан;

м) қуролни ёки совуқ қурол сифатида фойдаланилиши мумкин бўлган ашёларни ишлатиб содир этилган бўлса, -

уч йилдан беш йилгача озодликни чеклаш ёхуд уч йилдан беш йилгача озодликдан маҳрум қилиш билан жазоланади. (ЎзР 10.08.2015 й. ЎРҚ-389-сон Қонуни таҳриридаги санкция)

Шунингдек қаранг: ОС Пленумининг 2000 йил 15 сентябрдаги "Ҳарбий хизматни ўташ тартибига қарши жиноятларга оид ишларни кўриш бўйича суд амалиёти тўғрисида"ги 23-сон Қарорининг 3.2-банди; ОС Пленумининг 2007 йил 27 июндаги "Баданга қасддан шикаст етказишга оид ишлар бўйича суд амалиёти тўғрисида"ги 6-сон Қарорининг 1-5, 21, 23-бандлари, 25-бандининг учинчи хатбоши; ОС Пленумининг 2011 йил 25 ноябрдаги "Ўзбекистон Республикасининг Давлат чегарасини кесиб ўтиш тартибини бузишга оид ишлар бўйича суд амалиёти тўғрисида"ги 9-сон Қарори 9-бандининг иккинчи хатбоши; ОС Пленумининг 2013 йил 6 сентябрдаги "Божхона тўғрисидаги қонунчиликни бузиш ва контрабандага оид ишлар бўйича суд амалиёти ҳақида"ги 18-сон Қарори 13-бандининг иккинчи хатбоши

106-модда. Кучли руҳий ҳаяжонланиш ҳолатида

қасддан баданга оғир ёки ўртача оғир шикаст етказиш

Жабрланувчи томонидан қилинган ғайриқонуний зўрлик ёки оғир ҳақорат, шунингдек айбдорнинг ёки унинг яқин кишисининг ўлимига ёки соғлиғига зиён етказилишига сабаб бўлган ёхуд сабаб бўлиши мумкин бўлган бошқа ғайриқонуний ҳаракатлар туфайли тўсатдан юз берган кучли руҳий ҳаяжонланиш ҳолатида қасддан баданга оғир ёки ўртача оғир шикаст етказиш -

базавий ҳисоблаш миқдорининг эллик бараваридан юз бараваригача миқдорда жарима ёки уч юз олтмиш соатгача мажбурий жамоат ишлари ёки икки йилгача ахлоқ тузатиш ишлари ёхуд бир йилдан уч йилгача озодликни чеклаш ёки уч йилгача озодликдан маҳрум қилиш билан жазоланади. (ЎзР 03.12.2019 й. ЎРҚ-586-сон Қонуни таҳриридаги санкция) (Олдинги таҳририга қаранг)

Шунингдек қаранг: ОС Пленумининг 1996 йил 20 декабрдаги "Ижтимоий хавфли тажовузлардан зарурий мудофаа ҳуқуқини таъминловчи қонунларни судлар томонидан қўлланиши ҳақида"ги 39-сон Қарори 8-бандининг биринчи хатбоши; ОС Пленумининг 2002 йил 14 июндаги "Безориликка оид ишлар бўйича суд амалиёти ҳақида"ги 9-сон Қарорининг 13-банди; ОС Пленумининг 2007 йил 27 июндаги "Баданга қасддан шикаст етказишга оид ишлар бўйича суд амалиёти тўғрисида"ги 6-сон Қарорининг 1-4, 23-бандлари

107-модда. Зарурий мудофаа чегарасидан четга чиқиб,

қасддан баданга оғир шикаст етказиш

Зарурий мудофаа чегарасидан четга чиқиб, қасддан баданга оғир шикаст етказиш -

базавий ҳисоблаш миқдорининг эллик бараваридан юз бараваригача миқдорда жарима ёки уч юз соатгача мажбурий жамоат ишлари ёхуд икки йилгача ахлоқ тузатиш ишлари билан жазоланади. (ЎзР 03.12.2019 й. ЎРҚ-586-сон Қонуни таҳриридаги санкция) (Олдинги таҳририга қаранг)

Шунингдек қаранг: ОС Пленумининг 1996 йил 20 декабрдаги "Ижтимоий хавфли тажовузлардан зарурий мудофаа ҳуқуқини таъминловчи қонунларни судлар томонидан қўлланиши ҳақида"ги 39-сон Қарорининг 4, 7-бандлари, 8-бандининг иккинчи хатбоши, 14-бандининг иккинчи хатбоши; ОС Пленумининг 2007 йил 27 июндаги "Баданга қасддан шикаст етказишга оид ишлар бўйича суд амалиёти тўғрисида"ги 6-сон Қарорининг 1-4, 23-бандлари

108-модда. Ижтимоий хавфли қилмиш содир этган шахсни

ушлашнинг зарур чоралари чегарасидан четга чиқиб,

баданга қасддан оғир шикаст етказиш

Ижтимоий хавфли қилмиш содир этган шахсни ушлашнинг зарур чоралари чегарасидан четга чиқиб, баданга қасддан оғир шикаст етказиш -

базавий ҳисоблаш миқдорининг йигирма беш бараваридан эллик бараваригача миқдорда жарима ёки уч юз соатгача мажбурий жамоат ишлари ёхуд икки йилгача ахлоқ тузатиш ишлари билан жазоланади. (ЎзР 03.12.2019 й. ЎРҚ-586-сон Қонуни таҳриридаги санкция) (Олдинги таҳририга қаранг)

Шунингдек қаранг: ОС Пленумининг 2007 йил 27 июндаги "Баданга қасддан шикаст етказишга оид ишлар бўйича суд амалиёти тўғрисида"ги 6-сон Қарорининг 1-4, 23-бандлари

109-модда. Қасддан баданга енгил шикаст етказиш

ЎзР 07.10.2024 й. ЎРҚ-972-сон Қонунига мувофиқ биринчи қисм чиқариб ташланган

Соғлиқнинг қисқа муддатга ёмонлашувига ёки меҳнат қобилиятининг унча узоқ бўлмаган муддатга йўқолишига олиб келмаган қасддан баданга енгил шикаст етказиш ўша ҳаракатлар учун маъмурий жазо қўлланилганидан кейин содир этилган бўлса, -

базавий ҳисоблаш миқдорининг йигирма беш бараваригача миқдорда жарима ёки икки юз қирқ соатгача мажбурий жамоат ишлари ёхуд бир йилгача ахлоқ тузатиш ишлари билан жазоланади. (ЎзР 03.12.2019 й. ЎРҚ-586-сон Қонуни таҳриридаги санкция) (Олдинги таҳририга қаранг)

ЎзР 07.10.2024 й. ЎРҚ-972-сон Қонунига мувофиқ иккинчи қисм биринчи қисм деб ҳисоблансин

Соғлиқнинг қисқа вақт, яъни олти кундан ортиқ, аммо йигирма бир кундан кўп бўлмаган муддатга ёмонлашувига ёки умумий меҳнат қобилиятининг унча узоқ бўлмаган муддатга йўқотилишига сабаб бўлган қасддан баданга енгил шикаст етказиш, ушбу Кодекснинг 126-1-моддасида назарда тутилган жиноят аломатлари мавжуд бўлмаса - (ЎзР 11.04.2023 й. ЎРҚ-829-сон Қонуни таҳриридаги диспозиция)

базавий ҳисоблаш миқдорининг йигирма беш бараваридан эллик бараваригача миқдорда жарима ёки икки йилгача ахлоқ тузатиш ишлари ёхуд бир йилгача озодликни чеклаш ёки бир йилгача озодликдан маҳрум қилиш билан жазоланади. (ЎзР 03.12.2019 й. ЎРҚ-586-сон Қонуни таҳриридаги санкция) (Олдинги таҳририга қаранг)

Ушбу модданинг биринчи қисмида назарда тутилган ҳаракатлар:

а) диний таассублар замирида;

б) бир гуруҳ шахслар ёки уюшган гуруҳ аъзоси томонидан ёхуд шу гуруҳ манфаатларини кўзлаб;

в) қуролни ёки совуқ қурол сифатида фойдаланилиши мумкин бўлган ашёларни ишлатиб содир этилган бўлса, -

бир йилдан икки йилгача озодликни чеклаш ёки бир йилдан икки йилгача озодликдан маҳрум қилиш билан жазоланади.

(ЎзР 07.10.2024 й. ЎРҚ-972-сон Қонунига мувофиқ киритилган қисм)

Шунингдек қаранг: ОС Пленумининг 2000 йил 15 сентябрдаги "Ҳарбий хизматни ўташ тартибига қарши жиноятларга оид ишларни кўриш бўйича суд амалиёти тўғрисида"ги 23-сон Қарорининг 3.2-банди; ОС Пленумининг 2002 йил 14 июндаги "Безориликка оид ишлар бўйича суд амалиёти ҳақида"ги 9-сон Қарорининг 13-банди; ОС Пленумининг 2007 йил 27 июндаги "Баданга қасддан шикаст етказишга оид ишлар бўйича суд амалиёти тўғрисида"ги 6-сон Қарори 1-5, 24-бандлари, 25-бандининг иккинчи хатбоши; ОС Пленумининг 2011 йил 25 ноябрдаги "Ўзбекистон Республикасининг Давлат чегарасини кесиб ўтиш тартибини бузишга оид ишлар бўйича суд амалиёти тўғрисида"ги 9-сон Қарори 9-бандининг иккинчи хатбоши; ОС Пленумининг 2013 йил 6 сентябрдаги "Божхона тўғрисидаги қонунчиликни бузиш ва контрабандага оид ишлар бўйича суд амалиёти ҳақида"ги 18-сон Қарори 13-бандининг иккинчи хатбоши

110-модда. Қийнаш

Муттасил равишда дўппослаш ёки бошқача ҳаракатлар билан қийнаш, агар ушбу Кодекснинг 104, 105-моддаларида, 126-1-моддасининг тўртинчи - саккизинчи қисмларида назарда тутилган оқибатларни келтириб чиқармаган бўлса, - (ЎзР 11.04.2023 й. ЎРҚ-829-сон Қонуни таҳриридаги диспозиция)

Ўша ҳаракатлар:

а) вояга етмаган шахсга нисбатан;

б) ҳомиладорлиги айбдорга аён бўлган аёлга нисбатан;

в) ожиз аҳволдалиги айбдорга аён бўлган шахсга нисбатан содир этилган бўлса, -

уч юз олтмиш соатдан тўрт юз саксон соатгача мажбурий жамоат ишлари ёки икки йилдан уч йилгача ахлоқ тузатиш ишлари ёхуд икки йилдан беш йилгача озодликни чеклаш ёки беш йилгача озодликдан маҳрум қилиш билан жазоланади. (ЎзР 29.03.2017 й. ЎРҚ-421-сон Қонуни таҳриридаги санкция) (Олдинги таҳририга қаранг)

Шунингдек қаранг: ОС Пленумининг 2007 йил 27 июндаги "Баданга қасддан шикаст етказишга оид ишлар бўйича суд амалиёти тўғрисида"ги 6-сон Қарори 1-4, 24-25-бандлари; ОС Пленумининг 2002 йил 14 июндаги "Безориликка оид ишлар бўйича суд амалиёти ҳақида"ги 9-сон Қарорининг 13-банди

111-модда. Эҳтиётсизлик орқасида баданга

ўртача оғир ёки оғир шикаст етказиш

Эҳтиётсизлик орқасида баданга ўртача оғир шикаст етказиш -

базавий ҳисоблаш миқдорининг йигирма беш бараваригача миқдорда жарима ёки уч юз соатгача мажбурий жамоат ишлари ёхуд икки йилгача ахлоқ тузатиш ишлари билан жазоланади. (ЎзР 03.12.2019 й. ЎРҚ-586-сон Қонуни таҳриридаги санкция) (Олдинги таҳририга қаранг)

Эҳтиётсизлик орқасида баданга оғир шикаст етказиш -

базавий ҳисоблаш миқдорининг йигирма беш бараваридан эллик бараваригача миқдорда жарима ёки уч юз соатдан уч юз олтмиш соатгача мажбурий жамоат ишлари ёхуд икки йилдан уч йилгача ахлоқ тузатиш ишлари билан жазоланади. (ЎзР 03.12.2019 й. ЎРҚ-586-сон Қонуни таҳриридаги санкция) (Олдинги таҳририга қаранг)

Эҳтиётсизлик орқасида икки ёки ундан ортиқ шахс баданига ўртача оғир ёки баданга оғир шикаст етказиш -

базавий ҳисоблаш миқдорининг эллик бараваридан етмиш беш бараваригача миқдорда жарима ёки уч юз олтмиш соатдан тўрт юз саксон соатгача мажбурий жамоат ишлари билан жазоланади. (ЎзР 03.12.2019 й. ЎРҚ-586-сон Қонуни таҳриридаги санкция) (Олдинги таҳририга қаранг)

Шунингдек қаранг: ОС Пленумининг 2007 йил 27 июндаги "Баданга қасддан шикаст етказишга оид ишлар бўйича суд амалиёти тўғрисида"ги 6-сон Қарори 1-4-бандлари, 7-бандининг иккинчи хатбоши, 22-банди

III БОБ. ҲАЁТ ЁКИ СОҒЛИҚ УЧУН

ХАВФЛИ ЖИНОЯТЛАР

112-модда. Ўлдириш ёки зўрлик ишлатиш билан қўрқитиш

113-модда. Таносил ёки ОИТС касаллигини тарқатиш

114-модда. Жиноий равишда ҳомила тушириш (аборт)

115-модда. Аёлни ўз ҳомиласини сунъий

равишда туширишга мажбурлаш

115-1-модда. Инсонни ундан аъзоларини ва (ёки)

тўқималарини трансплантация учун олишга розилик

беришга мажбурлаш

116-модда. Касб юзасидан ўз вазифаларини

лозим даражада бажармаслик

117-модда. Хавф остида қолдириш

112-модда. Ўлдириш ёки зўрлик

ишлатиш билан қўрқитиш

Ўлдириш ёки зўрлик ишлатиш билан қўрқитиш, агар бу ҳаракат амалга оширилишидан хавфсираш учун етарли асослар мавжуд бўлса, -

Ўша ҳаракатлар:

а) ўта хавфли рецидивист томонидан;

б) уюшган гуруҳ аъзоси томонидан ёки шу гуруҳ манфаатларини кўзлаб содир этилган бўлса, -

базавий ҳисоблаш миқдорининг йигирма беш бараваридан эллик бараваригача миқдорда жарима ёки икки юз қирқ соатдан уч юз соатгача мажбурий жамоат ишлари ёки бир йилдан икки йилгача ахлоқ тузатиш ишлари ёхуд бир йилгача озодликни чеклаш ёки бир йилгача озодликдан маҳрум қилиш билан жазоланади. (ЎзР 03.12.2019 й. ЎРҚ-586-сон Қонуни таҳриридаги санкция) (Олдинги таҳририга қаранг)

Ўша ҳаракатлар ўз хизмат ёки фуқаролик бурчини бажариши муносабати билан шахсга ёки унинг яқин қариндошларига нисбатан содир этилган бўлса, -

уч юз соатдан уч юз олтмиш соатгача мажбурий жамоат ишлари ёки икки йилдан уч йилгача ахлоқ тузатиш ишлари ёхуд бир йилдан уч йилгача озодликни чеклаш ёки бир йилдан уч йилгача озодликдан маҳрум қилиш билан жазоланади. (ЎзР 29.03.2017 й. ЎРҚ-421-сон Қонуни таҳриридаги санкция) (Олдинги таҳририга қаранг)

113-модда. Таносил ёки ОИВ касаллиги/ОИТСни тарқатиш

(ЎзР 24.05.2010 й. ЎРҚ-248-сон Қонуни таҳриридаги модда номи)

Била туриб, бошқа шахсни таносил касаллигини юқтириш хавфи остида қолдириш -

Ўзида таносил касаллиги борлигини била туриб, бу касални бошқа шахсга юқтириш -

базавий ҳисоблаш миқдорининг эллик бараваридан юз бараваригача миқдорда жарима ёки икки юз қирқ соатдан уч юз олтмиш соатгача мажбурий жамоат ишлари ёки икки йилгача ахлоқ тузатиш ишлари ёхуд бир йилдан уч йилгача озодликни чеклаш ёки уч йилгача озодликдан маҳрум қилиш билан жазоланади. (ЎзР 03.12.2019 й. ЎРҚ-586-сон Қонуни таҳриридаги санкция) (Олдинги таҳририга қаранг)

Ушбу модданинг биринчи ёки иккинчи қисмида назарда тутилган ҳаракатлар:

а) икки ёки ундан ортиқ шахсга нисбатан;

б) вояга етмаган шахсга нисбатан содир этилган бўлса, -

уч юз олтмиш соатдан тўрт юз саксон соатгача мажбурий жамоат ишлари ёки уч йилдан беш йилгача озодликни чеклаш ёхуд уч йилдан беш йилгача озодликдан маҳрум қилиш билан жазоланади. (ЎзР 29.03.2017 й. ЎРҚ-421-сон Қонуни таҳриридаги санкция) (Олдинги таҳририга қаранг)

Била туриб, бошқа шахсни ОИВ касаллиги/ОИТСни юқтириш хавфи остида қолдириш ёки унга ОИВ касаллиги/ОИТСни юқтириш - (ЎзР 24.05.2010 й. ЎРҚ-248-сон Қонуни таҳриридаги диспозиция)

Шахснинг касб юзасидан ўз вазифаларини бажармаганлиги ёки лозим даражада бажармаганлиги оқибатида бошқа шахсга ОИВ касаллиги/ОИТСни юқтириши -

базавий ҳисоблаш миқдорининг юз бараваридан икки юз бараваригача миқдорда жарима ёки уч юз олтмиш соатдан тўрт юз саксон соатгача мажбурий жамоат ишлари ёки икки йилгача ахлоқ тузатиш ишлари ёхуд икки йилдан беш йилгача озодликни чеклаш ёки беш йилгача озодликдан маҳрум қилиш билан жазоланади. (ЎзР 03.12.2019 й. ЎРҚ-586-сон Қонуни таҳриридаги санкция) (Олдинги таҳририга қаранг)

(ЎзР 24.05.2010 й. ЎРҚ-248-сон Қонунига мувофиқ киритилган қисм)

114-модда. Жиноий равишда ҳомила тушириш (аборт)

Шифокор акушер ёки гинеколог томонидан даволаш муассасаларидан ташқари жойларда ёки тиббий нуқтаи назардан мумкин бўлмаган ҳолда сунъий равишда ҳомила тушириш -

базавий ҳисоблаш миқдорининг йигирма беш бараваригача миқдорда жарима солиш ёки уч йилгача муайян ҳуқуқдан маҳрум қилиш ёхуд икки юз қирқ соатгача мажбурий жамоат ишлари ёки бир йилгача ахлоқ тузатиш ишлари билан жазоланади. (ЎзР 03.12.2019 й. ЎРҚ-586-сон Қонуни таҳриридаги санкция) (Олдинги таҳририга қаранг)

Сунъий равишда ҳомила туширишга ҳуқуқи бўлмаган шахснинг бундай ишни амалга ошириши -

базавий ҳисоблаш миқдорининг йигирма беш бараваридан эллик бараваригача миқдорда жарима ёки икки юз қирқ соатдан уч юз соатгача мажбурий жамоат ишлари ёхуд бир йилдан икки йилгача ахлоқ тузатиш ишлари билан жазоланади. (ЎзР 03.12.2019 й. ЎРҚ-586-сон Қонуни таҳриридаги санкция) (Олдинги таҳририга қаранг)

Ушбу модданинг биринчи ёки иккинчи қисмида назарда тутилган ҳаракатлар эҳтиётсизлик орқасида:

а) жабрланувчининг ўлишига;

б) бошқача оғир оқибатларга сабаб бўлса, -

икки йилдан уч йилгача ахлоқ тузатиш ишлари ёки икки йилдан беш йилгача озодликни чеклаш ёхуд беш йилгача озодликдан маҳрум қилиш билан жазоланади. (ЎзР 10.08.2015 й. ЎРҚ-389-сон Қонуни таҳриридаги санкция)

115-модда. Аёлни ўз ҳомиласини сунъий

равишда туширишга мажбурлаш

Аёлни ўз ҳомиласини сунъий равишда туширишга мажбурлаш, агар ҳомила сунъий туширилган бўлса, -

базавий ҳисоблаш миқдорининг юз бараваридан икки юз бараваригача миқдорда жарима ёки уч йилдан беш йилгача муайян ҳуқуқдан маҳрум қилиш ёхуд уч юз соатдан уч юз олтмиш соатгача мажбурий жамоат ишлари ёки икки йилдан уч йилгача ахлоқ тузатиш ишлари билан жазоланади. (ЎзР 11.04.2023 й. ЎРҚ-829-сон Қонуни таҳриридаги санкция) (Олдинги таҳририга қаранг)

115-1-модда. Инсонни ундан аъзоларини ва (ёки)

тўқималарини трансплантация учун олишга розилик

беришга мажбурлаш

(ЎзР 23.06.2022 й. ЎРҚ-780-сон Қонунига мувофиқ киритилган модда)

Инсонни ундан аъзоларини ва (ёки) тўқималарини трансплантация учун олишга розилик беришга мажбурлаш, зўрлик ишлатиб ёки зўрлик ишлатиш билан қўрқитиб содир этилган бўлса, -

уч йилдан беш йилгача озодликни чеклаш ёхуд бир йилдан уч йилгача муайян ҳуқуқдан маҳрум этиб, уч йилдан беш йилгача озодликдан маҳрум қилиш билан жазоланади.

Ўша ҳаракатлар ожиз аҳволда эканлиги айбдорга аён бўлган шахсга нисбатан ёхуд моддий томондан, хизмат жиҳатидан ёки бошқа жиҳатдан айбдорга қарам бўлган шахсга нисбатан содир этилган бўлса,

беш йилдан саккиз йилгача озодликдан маҳрум қилиш билан жазоланади.

116-модда. Касб юзасидан ўз вазифаларини

лозим даражада бажармаслик

Шахснинг ўз касбига нисбатан бепарволиги ёки инсофсизлик билан муносабатда бўлиши туфайли касб юзасидан ўз вазифаларини бажармаганлиги ёки лозим даражада бажармаганлиги баданга ўртача оғир ёки оғир шикаст етказилишига сабаб бўлса, -

уч йилгача муайян ҳуқуқдан маҳрум қилиш ёки уч юз соатгача мажбурий жамоат ишлари ёхуд икки йилгача ахлоқ тузатиш ишлари билан жазоланади. (ЎзР 29.03.2017 й. ЎРҚ-421-сон Қонуни таҳриридаги санкция)

Қонун ёки махсус қоидаларга мувофиқ касалга ёрдам кўрсатиши шарт бўлган шахснинг узрли сабабсиз шундай ёрдам кўрсатмаганлиги баданга ўртача оғир ёки оғир шикаст етказилишига сабаб бўлса, -

базавий ҳисоблаш миқдорининг юз бараваридан икки юз бараваригача миқдорда жарима ёки уч йилдан беш йилгача муайян ҳуқуқдан маҳрум қилиш ёхуд уч юз соатдан уч юз олтмиш соатгача мажбурий жамоат ишлари ёки икки йилдан уч йилгача ахлоқ тузатиш ишлари билан жазоланади. (ЎзР 03.12.2019 й. ЎРҚ-586-сон Қонуни таҳриридаги санкция) (Олдинги таҳририга қаранг)

Ушбу модданинг биринчи ёки иккинчи қисмида назарда тутилган қилмишлар эҳтиётсизлик орқасида одам ўлишига сабаб бўлса, -

икки йилдан беш йилгача озодликни чеклаш ёки беш йилгача озодликдан маҳрум қилиш билан жазоланади. (ЎзР 29.03.2017 й. ЎРҚ-421-сон Қонуни таҳриридаги санкция) (Олдинги таҳририга қаранг)

Ушбу модданинг биринчи ёки иккинчи қисмида назарда тутилган қилмишлар эҳтиётсизлик орқасида:

а) одамлар ўлимига;

б) бошқача оғир оқибатларга сабаб бўлса, -

беш йилдан саккиз йилгача озодликдан маҳрум қилиш билан жазоланади.

Қаранг: "Фуқаролар соғлиғини сақлаш тўғрисида"ги Қонун 30-моддасининг иккинчи, бешинчи қисмлари

117-модда. Хавф остида қолдириш

Ҳаёти ёки соғлиғи хавф остида қолган ва ўзини ўзи ҳимоя қилиш имкониятидан маҳрум бўлган шахсга ёрдам кўрсатмаслик, башарти, айбдор бундай аҳволдаги шахсга ёрдам бериши шарт ва бундай имкониятга эга бўлса ёхуд айбдорнинг ўзи жабрланувчини хавфли аҳволга солиб қўйган ва бу ҳол баданга ўртача оғир ёки оғир шикаст етказилишига олиб келса, -

уч юз соатгача мажбурий жамоат ишлари ёки икки йилгача ахлоқ тузатиш ишлари билан жазоланади. (ЎзР 29.03.2017 й. ЎРҚ-421-сон Қонуни таҳриридаги санкция) (Олдинги таҳририга қаранг)

Ўша қилмиш одам ўлишига сабаб бўлса, -

икки йилгача ахлоқ тузатиш ишлари ёки бир йилдан уч йилгача озодликни чеклаш ёки уч йилгача озодликдан маҳрум қилиш билан жазоланади. (ЎзР 29.03.2017 й. ЎРҚ-421-сон Қонуни таҳриридаги санкция) (Олдинги таҳририга қаранг)

Ўша қилмишлар:

а) одамлар ўлимига;

б) бошқача оғир оқибатларга сабаб бўлса, -

Қаранг: ВМнинг 2015 йил 24 декабрдаги 370-сон Қарори билан тасдиқланган "Йўл ҳаракати Қоидалари" 13-бандининг биринчи, учинчи хатбошлари

Шунингдек қаранг: ОС Пленумининг 2000 йил 15 сентябрдаги "Ҳарбий хизматни ўташ тартибига қарши жиноятларга оид ишларни кўриш бўйича суд амалиёти тўғрисида"ги 23-сон Қарори 5.2.2-бандининг бешинчи хатбоши; ОС Пленумининг 2015 йил 26 июнлаги "Транспорт ҳаракати ва ундан фойдаланиш хавфсизлигига қарши жиноятлар билан боғлиқ ишлар юзасидан суд амалиётининг айрим масалалари тўғрисида"ги 10-сон Қарорнинг 17, 18-бандлари

IV БОБ. ЖИНСИЙ ЭРКИНЛИККА ҚАРШИ ЖИНОЯТЛАР

118-модда. Номусга тегиш

119-модда. Жинсий эҳтиёжни зўрлик ишлатиб

ғайритабиий усулда қондириш

120-модда. Бесоқолбозлик

121-модда. Шахсни жинсий алоқа қилишга мажбур этиш

118-модда. Номусга тегиш

(ЎзР 11.04.2023 й. ЎРҚ-829-сон Қонуни таҳриридаги модда матни)

(Олдинги таҳририга қаранг)

Номусга тегиш, яъни зўрлик ишлатиб, қўрқитиб ёки жабрланувчининг ожизлигидан фойдаланиб, жинсий алоқа қилиш, -

беш йилдан саккиз йилгача озодликдан маҳрум қилиш билан жазоланади.

Номусга тегиш:

а) икки ёки бир неча шахсга нисбатан;

б) такроран, хавфли рецидивист томонидан ёки илгари ушбу Кодекснинг 119, 121, 128 ва (ёки) 129-моддаларида назарда тутилган жиноятларни содир этган шахс томонидан;

в) бир гуруҳ шахслар томонидан;

г) ўлдириш билан қўрқитиб;

д) ногиронлик белгисига эга эканлиги айбдорга аён бўлган шахсга нисбатан содир этилган бўлса, -

саккиз йилдан ўн йилгача озодликдан маҳрум қилиш билан жазоланади.

Номусга тегиш:

а) ўн саккиз ёшга тўлмаган шахсга нисбатан;

б) яқин қариндошга, собиқ хотинига (собиқ эрига), бир рўзғор асосида биргаликда яшаётган шахсга ёхуд умумий фарзандга эга бўлган шахсга нисбатан;

в) жабрланувчини тарбиялаш, ўқитиш ва (ёки) унга ғамхўрлик қилиш мажбуриятларини бажараётган шахс томонидан, шунингдек жабрланувчига қараб туриш мажбуриятлари қонун билан зиммасига юклатилган таълим, тарбия, даволаш ёки бошқа муассасанинг ходими томонидан;

г) оммавий тартибсизликлар иштирокчиси томонидан;

д) ўта хавфли рецидивист томонидан содир этилган бўлса;

е) оғир оқибатларга олиб келган бўлса, -

ўн йилдан ўн беш йилгача озодликдан маҳрум қилиш билан жазоланади.

Ўн тўрт ёшга тўлмаган шахснинг номусига тегиш, -

ўн беш йилдан йигирма йилгача озодликдан маҳрум қилиш билан жазоланади.

119-модда. Жинсий эҳтиёжни зўрлик ишлатиб

ғайритабиий усулда қондириш

(ЎзР 11.04.2023 й. ЎРҚ-829-сон Қонуни таҳриридаги модда матни)

(Олдинги таҳририга қаранг)

Зўрлик ишлатиб, қўрқитиб ёки жабрланувчининг ожизлигидан фойдаланиб, жинсий эҳтиёжни ғайритабиий усулда қондириш, -

беш йилдан саккиз йилгача озодликдан маҳрум қилиш билан жазоланади.

Ўша ҳаракатлар:

а) икки ёки ундан ортиқ шахсга нисбатан;

б) такроран, хавфли рецидивист томонидан ёки илгари ушбу Кодекснинг 118, 121, 128 ва (ёки) 129-моддаларида назарда тутилган жиноятларни содир этган шахс томонидан;

в) бир гуруҳ шахслар томонидан;

г) ўлдириш билан қўрқитиб;

д) ногиронлик белгисига эга эканлиги айбдорга аён бўлган шахсга нисбатан содир этилган бўлса, -

саккиз йилдан ўн йилгача озодликдан маҳрум қилиш билан жазоланади.

Ушбу модданинг биринчи ёки иккинчи қисмида назарда тутилган ҳаракатлар:

а) ўн саккиз ёшга тўлмаган шахсга нисбатан;

б) яқин қариндошига, собиқ хотинига (собиқ эрига), бир рўзғор асосида биргаликда яшаётган шахсга ёхуд умумий фарзандга эга бўлган шахсга нисбатан;

г) оммавий тартибсизликлар иштирокчиси томонидан;

д) ўта хавфли рецидивист томонидан содир этилган бўлса;

е) оғир оқибатларга олиб келган бўлса, -

ўн йилдан ўн беш йилгача озодликдан маҳрум қилиш билан жазоланади.

Ушбу моддада назарда тутилган ҳаракатлар ўн тўрт ёшга тўлмаган шахсга нисбатан содир этилган бўлса, -

ўн беш йилдан йигирма йилгача озодликдан маҳрум қилиш билан жазоланади.

120-модда. Бесоқолбозлик

Бесоқолбозлик, яъни эркакнинг эркак билан зўрлик ишлатмасдан жинсий эҳтиёжини қондириши -

121-модда. Шахсни жинсий алоқа қилишга мажбур этиш

(ЎзР 11.04.2023 й. ЎРҚ-829-сон Қонуни таҳриридаги модда)

(Олдинги таҳририга қаранг)

Хизмат, моддий ёки бошқа жиҳатдан айбдорга қарам бўлган шахсни жинсий алоқа қилишга ёки жинсий эҳтиёжни ғайритабиий усулда қондиришга мажбур этиш, -

уч юз соатдан тўрт юз саксон соатгача мажбурий жамоат ишлари ёки икки йилдан уч йилгача ахлоқ тузатиш ишлари ёхуд бир йилдан уч йилгача озодликни чеклаш ёки бир йилдан уч йилгача озодликдан маҳрум қилиш билан жазоланади.

Ўша ҳаракат оғир оқибатларга олиб келса, -

уч йилдан беш йилгача озодликни чеклаш ёки уч йилдан беш йилгача озодликдан маҳрум қилиш билан жазоланади.

Ўша ҳаракат жинсий алоқада бўлиш ёки жинсий эҳтиёжни ғайритабиий усулда қондириш билан боғлиқ ҳолда содир этилган бўлса, -

уч йилдан беш йилгача озодликни чеклаш ёки уч йилдан беш йилгача озодликдан маҳрум қилиш билан жазоланади.

Ушбу модданинг учинчи қисмида назарда тутилган ҳаракат:

а) ўн саккиз ёшга тўлмаган шахсга нисбатан;

в) такроран, хавфли рецидивист томонидан ёки илгари ушбу Кодекснинг 118, 119, 128 ва (ёки) 129-моддаларида назарда тутилган жиноятларни содир этган шахс томонидан;

г) оғир оқибатларга олиб келса, -

беш йилдан саккиз йилгача озодликдан маҳрум қилиш билан жазоланади.

V БОБ. ОИЛАГА, ЁШЛАРГА ВА

АХЛОҚҚА ҚАРШИ ЖИНОЯТЛАР

122-модда. Вояга етмаган ёки меҳнатга лаёқатсиз

шахсларни моддий таъминлашдан бўйин товлаш

122-1-модда. Болани чет давлат ҳудудида назоратсиз қолдириш

123-модда. Ота-онани моддий таъминлашдан бўйин товлаш

124-модда. Болани алмаштириб қўйиш

125-модда. Фарзандликка олиш сирини ошкор қилиш

125-1-модда. Никоҳ ёши тўғрисидаги қонунчиликни

ёки никоҳ тузиш тартибини бузиш

126-модда. Кўп хотинлик бўлиш

126-1-модда. Оилавий (маиший) зўравонлик

127-модда. Вояга етмаган шахсни ғайриижтимоий

хатти-ҳаракатларга жалб қилиш

127-1-модда. Тиланчилик қилиш

128-модда. Ўн олти ёшга тўлмаган шахс

билан жинсий алоқа қилиш

128-1-модда. Ўн олти ёшдан ўн саккиз ёшгача бўлган

шахс билан моддий қимматликлар бериш ёки

мулкий ёхуд бошқача тарзда манфаатдор

этиш орқали жинсий алоқа қилиш

129-модда. Ўн олти ёшга тўлмаган шахсга

нисбатан уятсиз бузуқ ҳаракатлар қилиш

130-модда. Порнографик маҳсулотни тайёрлаш, олиб

кириш, тарқатиш, реклама қилиш, намойиш этиш

130-1-модда. Тазйиқни, зўравонликни ёки шафқатсизликни тарғиб

қилувчи маҳсулотни тайёрлаш, олиб кириш, тарқатиш,

реклама қилиш, намойиш этиш

131-модда. Қўшмачилик қилиш ёки фоҳишахона сақлаш

132-модда. Моддий маданий мерос объектларини

нобуд қилиш, бузиш ёки уларга шикаст етказиш

133-модда. Инсон аъзоларини ва (ёки) тўқималарини

олиш ҳамда трансплантация қилиш шартларини

ва (ёки) тартибини бузиш

133-1-модда. Инсон аъзоларининг ва (ёки)

тўқималарининг олди-сотдиси

133-2-модда. Инсоннинг трансплантация қилинадиган

аъзоларини ва (ёки) тўқималарини Ўзбекистон

Республикасидан ташқарига олиб чиқиш

134-модда. Қабрни таҳқирлаш

122-модда. Вояга етмаган ёки меҳнатга лаёқатсиз

шахсларни моддий таъминлашдан бўйин товлаш

(ЎзР 09.01.2018 й. ЎРҚ-459-сон Қонуни таҳриридаги модда)

(Олдинги таҳририга қаранг)

Моддий ёрдамга муҳтож бўлган вояга етмаган ёки меҳнатга лаёқатсиз шахсни моддий таъминлашдан бўйин товлаш, яъни уларни моддий жиҳатдан таъминлаш учун суднинг ҳал қилув қарорига ёки суд буйруғига биноан ундирилиши лозим бўлган маблағни жами бўлиб икки ойдан ортиқ муддат мобайнида тўламаслик, шундай қилмиш учун маъмурий жазо қўлланилганидан кейин содир этилган бўлса, -

икки йилгача ахлоқ тузатиш ишлари ёки бир йилгача озодликдан маҳрум қилиш билан жазоланади.

Қаранг: МЖтКнинг 47-4-моддаси

Ўша қилмиш хавфли рецидивист томонидан содир этилган бўлса, -

икки йилдан уч йилгача ахлоқ тузатиш ишлари ёки уч йилгача озодликдан маҳрум қилиш билан жазоланади.

Агар шахс алимент мажбуриятлари бўйича қарздорликни тўлиқ тўлаган бўлса, у жавобгарликдан озод қилинади.

122-1-модда. Болани чет давлат ҳудудида назоратсиз қолдириш

(ЎзР 15.03.2023 й. ЎРҚ-823-сон Қонунига мувофиқ киритилган модда)

Ўзбекистон Республикаси фуқаролигига эга бўлган болани ота, она ёки уларнинг ўрнини босувчи шахс ёхуд ҳамроҳлик қилувчи шахс томонидан чет давлат ҳудудида назоратсиз қолдириш, худди шундай хатти-ҳаракат учун маъмурий жазо қўлланилганидан кейин содир этилган бўлса ёхуд Ўзбекистон Республикаси фуқаролигига эга бўлган ва чет давлат ҳудудида турган боланинг суд томонидан белгиланган муддатда Ўзбекистон Республикаси ҳудудига қайтарилишини таъминламаслик, -

базавий ҳисоблаш миқдорининг эллик бараваридан юз бараваригача миқдорда жарима ёки уч йилгача ахлоқ тузатиш ишлари ёки бир йилдан уч йилгача озодликни чеклаш ёхуд уч йилгача озодликдан маҳрум қилиш билан жазоланади.

Ўша қилмиш:

а) такроран ёки хавфли рецидивист томонидан содир этилган бўлса;

б) баданга ўртача оғир ёки оғир шикаст етказилишига сабаб бўлса, -

Ўша қилмиш:

а) ўта хавфли рецидивист томонидан содир этилган бўлса;

б) жабрланувчининг ўлимига сабаб бўлса;

в) бошқа оғир оқибатларга сабаб бўлса, -

беш йилдан саккиз йилгача озодликдан маҳрум қилиш билан жазоланади.

Агар шахс Ўзбекистон Республикаси фуқаролигига эга бўлган боланинг Ўзбекистон Республикасига қайтарилишини жиноят аниқланган кундан эътиборан ўттиз кун ичида таъминлаган бўлса, жавобгарликдан озод қилинади, бундан ушбу модданинг иккинчи ва учинчи қисмларида назарда тутилган ҳоллар, шунингдек илгари ушбу модда бўйича жавобгарликдан озод қилинган шахслар мустасно.

123-модда. Ота-онани моддий таъминлашдан бўйин товлаш

(ЎзР 09.01.2018 й. ЎРҚ-459-сон Қонуни таҳриридаги модда)

(Олдинги таҳририга қаранг)

Вояга етган шахсларнинг меҳнатга лаёқатсиз ва моддий ёрдамга муҳтож бўлган ота-онани ёки уларнинг ўрнини босувчи шахсларни моддий таъминлашдан бўйин товлаши, яъни уларни моддий жиҳатдан таъминлаш учун суднинг ҳал қилув қарорига биноан ундирилиши лозим бўлган маблағни жами бўлиб икки ойдан ортиқ муддат мобайнида тўламаслиги, шундай қилмиш учун маъмурий жазо қўлланилганидан кейин содир этилган бўлса, -

уч йилгача ахлоқ тузатиш ишлари ёки бир йилгача озодликдан маҳрум қилиш билан жазоланади.

Қаранг: МЖтКнинг 47-5-моддаси

Агар шахс алимент мажбуриятлари бўйича қарздорликни тўлиқ тўлаган бўлса, у жавобгарликдан озод қилинади.

124-модда. Болани алмаштириб қўйиш

Тамагирлик ёки бошқа паст ниятларда қасддан болани алмаштириб қўйиш -

базавий ҳисоблаш миқдорининг йигирма беш бараваридан эллик бараваригача миқдорда жарима ёки уч юз олтмиш соатдан тўрт юз саксон соатгача мажбурий жамоат ишлари ёхуд уч йилдан беш йилгача озодликни чеклаш ёки уч йилдан беш йилгача озодликдан маҳрум қилиш билан жазоланади. (ЎзР 03.12.2019 й. ЎРҚ-586-сон Қонуни таҳриридаги санкция) (Олдинги таҳририга қаранг)

125-модда. Фарзандликка олиш сирини ошкор қилиш

Фарзандликка бола олувчиларнинг ёки васийлик ва ҳомийлик органининг эркига қарши, етим ёки ота-она ғамхўрлигидан маҳрум бўлган болаларни фарзандликка олишнинг қонун билан қўриқланадиган сирини ошкор қилиш -

Қаранг: ОКнинг 153-моддаси

Ўша қилмиш:

а) касб фаолияти ёки хизмат мавқеига кўра фарзандликка олишни сир сақлаши шарт бўлган шахс томонидан содир этилган бўлса;

б) ғаразгўйлик ёки бошқа паст ниятларда содир этилган бўлса;

в) оғир оқибатларга сабаб бўлса, -

базавий ҳисоблаш миқдорининг юз бараваридан икки юз бараваригача миқдорда жарима ёки уч юз соатдан уч юз олтмиш соатгача мажбурий жамоат ишлари ёхуд икки йилдан уч йилгача ахлоқ тузатиш ишлари билан жазоланади. (ЎзР 03.12.2019 й. ЎРҚ-586-сон Қонуни таҳриридаги санкция) (Олдинги таҳририга қаранг)

125-1-модда. Никоҳ ёши тўғрисидаги қонунчиликни

ёки никоҳ тузиш тартибини бузиш

(ЎзР 31.10.2023 й. ЎРҚ-874-сон Қонуни таҳриридаги модда номи)

(Олдинги таҳририга қаранг)

(ЎзР 30.04.2013 й. ЎРҚ-352-сон Қонунига мувофиқ киритилган модда)

Никоҳ ёшига етмаган шахс билан ҳақиқатда никоҳ муносабатларига киришиш, шундай қилмиш учун маъмурий жазо қўлланилганидан кейин содир этилган бўлса, -

базавий ҳисоблаш миқдорининг йигирма бараваридан ўттиз бараваригача миқдорда жарима ёки икки юз қирқ соатгача мажбурий жамоат ишлари ёхуд бир йилгача ахлоқ тузатиш ишлари билан жазоланади. (ЎзР 03.12.2019 й. ЎРҚ-586-сон Қонуни таҳриридаги санкция) (Олдинги таҳририга қаранг)

Қаранг: МЖтК 47-3-моддасининг биринчи қисми

Ота-она ёки уларнинг ўрнини босувчи шахслар томонидан никоҳ ёшига етмаган шахсни эрга бериш ёхуд уйлантириш, шундай қилмиш учун маъмурий жазо қўлланилганидан кейин содир этилган бўлса, -

базавий ҳисоблаш миқдорининг ўттиз бараваридан эллик бараваригача миқдорда жарима ёки икки юз қирқ соатдан уч юз соатгача мажбурий жамоат ишлари ёхуд икки йилгача ахлоқ тузатиш ишлари билан жазоланади. (ЎзР 03.12.2019 й. ЎРҚ-586-сон Қонуни таҳриридаги санкция) (Олдинги таҳририга қаранг)

Қаранг: МЖтК 47-3-моддасининг иккинчи қисми

Никоҳи қонунда белгиланган тартибда қайд этилмаган шахслар ўртасида, шу жумладан никоҳ ёшига етмаган шахс билан никоҳ тузишга доир диний маросимни амалга ошириш, шундай қилмиш учун маъмурий жазо қўлланилганидан кейин содир этилган бўлса, -

базавий ҳисоблаш миқдорининг етмиш беш бараваридан бир юз эллик бараваригача миқдорда жарима ёки уч юз олтмиш соатдан тўрт юз соатгача мажбурий жамоат ишлари ёхуд икки йилдан уч йилгача ахлоқ тузатиш ишлари билан жазоланади.

(ЎзР 31.10.2023 й. ЎРҚ-874-сон Қонуни таҳриридаги қисм) (Олдинги таҳририга қаранг)

Қаранг: МЖтК 47-3-моддасининг учинчи қисми; ОКнинг 15-моддаси

126-модда. Кўп хотинли бўлиш

Кўп хотинли бўлиш, яъни умумий рўзғор асосида икки ёки ундан ортиқ хотин билан эр-хотин бўлиб яшаш -

126-1-модда. Оилавий (маиший) зўравонлик

(ЎзР 11.04.2023 й. ЎРҚ-829-сон Қонунига мувофиқ киритилган модда)

Хотинига (эрига), собиқ хотинига (собиқ эрига), бир рўзғор асосида биргаликда яшаётган шахсга ёки умумий фарзандга эга бўлган шахсга нисбатан содир этилган мулк, таълим олиш, соғлиқни сақлаш ва (ёки) меҳнатга оид ҳуқуқини амалга оширишга тўсқинлик қилиш, мол-мулкига ва шахсий ашёларига қасддан шикаст етказиш, худди шунингдек ушбу шахслар соғлиғининг ёмонлашувига олиб келган тарзда уларнинг шаъни ва қадр-қимматини таҳқирлаш, уларни қўрқитиш, яқин қариндошларидан ажратиб қўйиш, шундай ҳаракатлар учун маъмурий жазо қўлланилганидан кейин содир этилган бўлса, шунингдек башарти бошқа жиноят аломатлари мавжуд бўлмаса, -

базавий ҳисоблаш миқдорининг йигирма бараваридан ўттиз бараваригача миқдорда жарима ёки бир юз олтмиш соатдан уч юз соатгача мажбурий жамоат ишлари ёхуд икки йилгача ахлоқ тузатиш ишлари билан жазоланади.

Хотинини (эрини), собиқ хотинини (собиқ эрини), бир рўзғор асосида биргаликда яшаётган шахсни ёки болани, шунингдек умумий фарзандга эга бўлган шахсни дўппослаш, ушбу шахсларга соғлиқнинг қисқа муддат ёмонлашувига ёки меҳнат қобилиятининг унча узоқ бўлмаган муддатга йўқолишига олиб келмаган қасддан баданга енгил шикаст етказиш, ўша ҳаракатлар учун маъмурий жазо қўлланилганидан кейин содир этилган бўлса, - (ЎзР 21.10.2024 й. ЎРҚ-978-сон Қонуни таҳриридаги диспозиция)

Хотинига (эрига), собиқ хотинига (собиқ эрига), бир рўзғор асосида биргаликда яшаётган шахсга ёки болага, шунингдек умумий фарзандга эга бўлган шахсга соғлиқнинг қисқа вақт, яъни олти кундан ортиқ, аммо йигирма бир кундан кўп бўлмаган муддатга ёмонлашувига ёки умумий меҳнат қобилиятининг унча узоқ бўлмаган муддатга йўқолишига сабаб бўлган қасддан баданга енгил шикаст етказиш, - (ЎзР 21.10.2024 й. ЎРҚ-978-сон Қонуни таҳриридаги диспозиция)

базавий ҳисоблаш миқдорининг ўттиз бараваридан етмиш бараваригача миқдорда жарима ёки уч юз соатдан уч юз олтмиш соатгача мажбурий жамоат ишлари ёхуд бир йилдан икки йилгача ахлоқ тузатиш ишлари ёки бир йилдан икки йилгача озодликни чеклаш ёки бир йилдан икки йилгача озодликдан маҳрум қилиш билан жазоланади.

Хотинига (эрига), собиқ хотинига (собиқ эрига), бир рўзғор асосида биргаликда яшаётган шахсга ёки болага, шунингдек умумий фарзандга эга бўлган шахсга содир этилаётган пайтда ҳаёт учун хавфли бўлмаган ва ушбу модданинг олтинчи қисмида назарда тутилган оқибатларга олиб келмаган, лекин соғлиқнинг узоқ вақт, яъни камида йигирма бир кун, аммо тўрт ойдан кўп бўлмаган даврда ёмонлашувига ёки умумий меҳнат қобилиятининг ўн фоизидан ўттиз уч фоизигача йўқолишига сабаб бўлган қасддан баданга ўртача оғир шикаст етказиш, - (ЎзР 21.10.2024 й. ЎРҚ-978-сон Қонуни таҳриридаги диспозиция)

уч юз олтмиш соатдан тўрт юз саксон соатгача мажбурий жамоат ишлари ёки икки йилдан уч йилгача ахлоқ тузатиш ишлари ёхуд икки йилдан уч йилгача озодликни чеклаш ёки икки йилдан уч йилгача озодликдан маҳрум қилиш билан жазоланади.

Ушбу модданинг тўртинчи қисмида назарда тутилган ҳаракатлар:

а) икки ёки ундан ортиқ шахсга нисбатан;

б) ҳомиладорлиги айбдорга аён бўлган аёлга нисбатан;

в) ўта шафқатсизлик билан;

г) ғаразли ниятларда;

д) диний таассублар замирида;

е) бир гуруҳ шахслар томонидан;

ж) такроран, хавфли рецидивист томонидан ёки илгари ушбу Кодекснинг 97, 104 ва (ёки) 105-моддаларида назарда тутилган жиноятларни содир этган шахс томонидан;

з) ўта хавфли рецидивист томонидан;

и) қуролни ёки совуқ қурол сифатида фойдаланилиши мумкин бўлган ашёларни ишлатиб содир этилган бўлса, -

уч йилдан беш йилгача озодликни чеклаш ёхуд уч йилдан беш йилгача озодликдан маҳрум қилиш билан жазоланади.

Хотинига (эрига), собиқ хотинига (собиқ эрига), бир рўзғор асосида биргаликда яшаётган шахсга ёки умумий фарзандга эга бўлган шахсга содир этилаётган пайтда ҳаёт учун хавфли бўлган қасддан баданга оғир шикаст етказиш натижасида кўриш, сўзлаш, эшитиш қобилиятини йўқотишга ёхуд бирон аъзонинг ишдан чиқишига ёки унинг функциялари тамоман йўқолишига, руҳий ҳолатнинг бузилишига ёки соғлиқнинг бошқача тарзда ёмонлашувига, умумий меҳнат қобилиятининг ўттиз уч фоизидан кам бўлмаган қисмининг йўқолишига ёки ҳомиланинг тушишига ёхуд баданнинг тузалмайдиган даражада хунуклашишига сабаб бўлса, -

беш йилдан етти йилгача озодликдан маҳрум қилиш билан жазоланади.

Ушбу модданинг олтинчи қисмида назарда тутилган ҳаракатлар:

а) ҳомиладорлиги айбдорга аён бўлган аёлга нисбатан;

б) вояга етмаган шахсга нисбатан;

в) ўта шафқатсизлик билан;

г) ғаразли ниятларда;

д) диний таассублар замирида;

е) бир гуруҳ шахслар томонидан;

ж) қуролни ёки совуқ қурол сифатида фойдаланилиши мумкин бўлган ашёларни ишлатиб содир этилган бўлса, -

етти йилдан ўн йилгача озодликдан маҳрум қилиш билан жазоланади.

Ушбу модданинг олтинчи қисмида назарда тутилган ҳаракатлар:

а) икки ёки ундан ортиқ шахсга нисбатан;

б) такроран, хавфли рецидивист томонидан ёки илгари ушбу Кодекснинг 97 ва (ёки) 104-моддаларида назарда тутилган жиноятларни содир этган шахс томонидан;

в) ўта хавфли рецидивист томонидан содир этилган бўлса;

г) жабрланувчининг ўлимига сабаб бўлса, -

ўн йилдан ўн икки йилгача озодликдан маҳрум қилиш билан жазоланади.

127-модда. Вояга етмаган шахсни ғайриижтимоий

хатти-ҳаракатларга жалб қилиш

Вояга етмаган шахсни, спиртли ичимликлар истеъмол қилишга, гиёҳвандлик воситалари ва уларнинг аналоглари ёки психотроп ҳисобланмаган, лекин кишининг ақл-идрокига таъсир қиладиган восита ва моддаларни истеъмол этишга жалб қилиш, шундай ҳаракатлар учун маъмурий жазо қўлланилганидан кейин содир этилган бўлса, - (ЎзР 09.01.2019 й. ЎРҚ-514-сон Қонуни таҳриридаги диспозиция) (Олдинги таҳририга қаранг)

базавий ҳисоблаш миқдорининг юз бараваридан икки юз бараваригача миқдорда жарима ёки икки уч юз олтмиш соатгача мажбурий жамоат ишлари ёхуд икки йилгача ахлоқ тузатиш ишлари ёки бир йилдан уч йилгача озодликни чеклаш ёки уч йилгача озодликдан маҳрум қилиш билан жазоланади. (ЎзР 03.12.2019 й. ЎРҚ-586-сон Қонуни таҳриридаги санкция) (Олдинги таҳририга қаранг)

Қаранг: МЖтКнинг 188-моддаси, ОК 73-моддасининг иккинчи қисми, 75-моддасининг учинчи қисми

Вояга етмаган шахсни гиёҳвандлик воситалари, уларнинг аналоглари ёки психотроп моддалар истеъмол этишга жалб қилиш - (ЎзР 22.10.2018 й. ЎРҚ-503-сон Қонуни таҳриридаги диспозиция)

уч юз олтмиш соатдан тўрт юз саксон соатгача мажбурий жамоат ишлари ёки уч йилдан беш йилгача озодликни чеклаш ёки уч йилдан беш йилгача озодликдан маҳрум қилиш билан жазоланади. (ЎзР 29.03.2017 й. ЎРҚ-421-сон Қонуни таҳриридаги санкция) (Олдинги таҳририга қаранг)

Вояга етмаган шахсни жиноят қилишга жалб этиш, шунингдек ушбу модданинг иккинчи қисмида назарда тутилган ҳаракатлар:

а) илгари гиёҳвандлик воситалари ёки психотроп моддаларни ғайриқонуний равишда муомалага чиқариш билан боғлиқ ҳар қандай жиноятни содир этган шахс томонидан;

Қаранг: ЖК Махсус қисмининг XIX боби

б) икки ёки ундан ортиқ вояга етмаган шахсга нисбатан;

в) ўқув юртларида ёки ўқувчилар, студентлар ўқув-тарбия, спорт ёки жамоат тадбирлари ўтказадиган бошқа жойларда содир этилиши -

беш йилдан ўн йилгача озодликдан маҳрум қилиш билан жазоланади.

Шунингдек қаранг: ОС Пленумининг 2000 йил 25 сентябрдаги "Вояга етмаганларнинг жиноятлари ҳақидаги ишлар бўйича суд амалиёти тўғрисида"ги 21-сон Қарорининг 7-банди

127-1-модда. Тиланчилик қилиш

(ЎзР 09.01.2019 й. ЎРҚ-514-сон Қонунига мувофиқ киритилган модда)

Аэропортларда, вокзалларда, хиёбонларда, истироҳат боғларида, бозорларда ва савдо мажмуалари ҳудудларида, шунингдек уларга туташ ҳудудларда, автомототранспорт воситаларини вақтинча сақлаш жойларида, кўчаларда, стадионларда, бекатларда, йўлларнинг қатнов қисмида, моддий маданий мерос объектлари жойлашган ҳудудларда, жамоат транспортининг барча турларида ва бошқа жамоат жойларида пул, озиқ-овқат маҳсулотлари ва бошқа моддий қимматликлар беришни фаол тарзда сўраб, тиланчилик билан шуғулланиш, шундай қилмиш учун маъмурий жазо қўлланилганидан кейин содир этилган бўлса, -

икки юз қирқ соатгача мажбурий жамоат ишлари ёки икки йилгача ахлоқ тузатиш ишлари ёхуд бир йилгача озодликни чеклаш ёки бир йилгача озодликдан маҳрум қилиш билан жазоланади.

Қаранг: МЖтК 188-3-моддасининг биринчи қисми

Вояга етмаган шахсларни, кекса ёшдаги шахсларни, руҳий ҳолати бузилган, ногиронлиги бўлган шахсларни ва бошқа шахсларни тиланчилик қилишга жалб этиш, шунингдек шахсларга алкоголли ичимликларни ёхуд гиёҳвандлик моддалари ёки психотроп моддалар бўлмаган, лекин шахснинг ақл-идрокига таъсир кўрсатувчи моддаларни мажбуран истеъмол қилдирган ҳолда уларни тиланчилик қилишга жалб этиш, шундай ҳаракатлар учун маъмурий жазо қўлланилганидан кейин содир этилган бўлса, - (ЎзР 12.09.2019 й. ЎРҚ-567-сон Қонуни таҳриридаги диспозиция)

базавий ҳисоблаш миқдоринингг юз бараваридан икки юз бараваригача миқдорда жарима ёки уч юз олтмиш соатгача мажбурий жамоат ишлари ёхуд икки йилгача ахлоқ тузатиш ишлари ёки бир йилдан уч йилгача озодликни чеклаш ёки уч йилгача озодликдан маҳрум қилиш билан жазоланади. (ЎзР 03.12.2019 й. ЎРҚ-586-сон Қонуни таҳриридаги санкция)

Қаранг: МЖтК 188-3-моддасининг иккинчи қисми

Ушбу модданинг иккинчи қисмида назарда тутилган ҳаракатлар:

а) такроран ёки хавфли рецидивист томонидан;

б) уюшган гуруҳ томонидан ёки унинг манфаатларини кўзлаб;

в) бошқа шахсни гиёҳвандлик воситаларини, уларнинг аналогларини ёки психотроп моддаларни истеъмол қилишга мажбурлаган ҳолда содир этилган бўлса, -

уч йилдан беш йилгача озодликдан маҳрум қилиш билан жазоланади.

128-модда. Ўн олти ёшга тўлмаган

шахс билан жинсий алоқа қилиш

(ЎзР 11.04.2023 й. ЎРҚ-829-сон Қонуни таҳриридаги модда матни)

(Олдинги таҳририга қаранг)

Ўн олти ёшга тўлмаган шахс билан жинсий алоқа қилиш ёки жинсий эҳтиёжни ғайритабиий усулда қондириш, -

уч йилдан беш йилгача озодликни чеклаш ёхуд уч йилдан беш йилгача озодликдан маҳрум қилиш билан жазоланади.

Ўша ҳаракатлар моддий қимматликлар бериш ёки мулкий ёхуд бошқача тарзда манфаатдор этиш орқали содир этилган бўлса, -

беш йилдан саккиз йилгача озодликдан маҳрум қилиш билан жазоланади.

Ўша ҳаракатлар:

а) такроран, хавфли рецидивист томонидан ёки илгари ушбу Кодекснинг 118, 119, 121 ва (ёки) 129-моддаларида назарда тутилган жиноятларни содир этган шахс томонидан;

б) яқин қариндошига ёки бир рўзғор асосида биргаликда яшаётган шахсга нисбатан;

саккиз йилдан ўн йилгача озодликдан маҳрум қилиш билан жазоланади.

128-1-модда. Ўн олти ёшдан ўн саккиз ёшгача бўлган

шахс билан моддий қимматликлар бериш ёки

мулкий ёхуд бошқача тарзда манфаатдор

этиш орқали жинсий алоқа қилиш

(ЎзР 11.04.2023 й. ЎРҚ-829-сон Қонуни таҳриридаги модда)

(Олдинги таҳририга қаранг)

Ўн олти ёшдан ўн саккиз ёшгача бўлган шахс билан моддий қимматликлар бериш ёки мулкий ёхуд бошқача тарзда манфаатдор этиш орқали жинсий алоқа қилиш ёки жинсий эҳтиёжни ғайритабиий усулда қондириш, -

уч юз олтмиш соатдан тўрт юз саксон соатгача мажбурий жамоат ишлари ёки икки йилгача ахлоқ тузатиш ишлари ёки икки йилдан тўрт йилгача озодликни чеклаш ёхуд икки йилдан тўрт йилгача озодликдан маҳрум қилиш билан жазоланади.

129-модда. Ўн олти ёшга тўлмаган шахсга

нисбатан уятсиз-бузуқ ҳаракатлар қилиш

(ЎзР 11.04.2023 й. ЎРҚ-829-сон Қонуни таҳриридаги модда матни)

(Олдинги таҳририга қаранг)

Ўн олти ёшга тўлмаган шахсга нисбатан зўрлик ишлатмай уятсиз-бузуқ ҳаракатлар содир этиш, -

икки йилдан уч йилгача озодликни чеклаш ёхуд икки йилдан уч йилгача озодликдан маҳрум қилиш билан жазоланади.

Ўша ҳаракатлар:

а) алдаш ёки ишончни суиистеъмол қилиш йўли билан;

б) икки ёки ундан ортиқ шахсга нисбатан;

в) ўн тўрт ёшга тўлмаган шахсга нисбатан;

г) ногиронлик белгисига эга эканлиги айбдорга аён бўлган шахсга нисбатан;

д) такроран, хавфли рецидивист томонидан ёки илгари ушбу Кодекснинг 118, 119, 121 ва (ёки) 128-моддаларида назарда тутилган жиноятларни содир этган шахс томонидан;

е) яқин қариндошига ёки бир рўзғор асосида биргаликда яшаётган шахсга нисбатан;

ж) жабрланувчини тарбиялаш, ўқитиш ва (ёки) унга ғамхўрлик қилиш мажбуриятларини бажараётган шахс томонидан, шунингдек жабрланувчига қараб туриш мажбуриятлари қонун билан зиммасига юклатилган таълим, тарбия, даволаш ёки бошқа муассасанинг ходими томонидан содир этилган бўлса, -

уч йилдан беш йилгача озодликни чеклаш ёхуд уч йилдан беш йилгача озодликдан маҳрум қилиш билан жазоланади.

Ўша ҳаракатлар зўрлик ишлатиб ёки қўрқитиб содир этилган бўлса, -

беш йилдан саккиз йилгача озодликдан маҳрум қилиш билан жазоланади.

130-модда. Порнографик маҳсулотни тайёрлаш, олиб

кириш, тарқатиш, реклама қилиш, намойиш этиш

(ЎзР 12.04.2012 й. ЎРҚ-324-сон Қонуни таҳриридаги модда)

(Олдинги таҳририга қаранг)

Порнографик маҳсулотни тарқатиш, реклама қилиш, намойиш этиш мақсадида тайёрлаш ёки Ўзбекистон Республикаси ҳудудига олиб кириш, худди шунингдек порнографик маҳсулотни реклама қилиш, намойиш этиш, тарқатиш, шу жумладан оммавий ахборот воситаларида, телекоммуникация тармоқларида ёки Интернет жаҳон ахборот тармоғида реклама қилиш, намойиш этиш, тарқатиш, шундай ҳаракатлар учун маъмурий жазо қўлланилганидан кейин содир этилган бўлса, - (ЎзР 25.12.2020 й. ЎРҚ-658-сон Қонуни таҳриридаги диспозиция) (Олдинги таҳририга қаранг)

базавий ҳисоблаш миқдорининг тўрт юз бараваридан олти юз бараваригача миқдорда жарима ёки уч юз олтмиш соатгача мажбурий жамоат ишлари ёхуд уч йилгача ахлоқ тузатиш ишлари билан жазоланади. (ЎзР 03.12.2019 й. ЎРҚ-586-сон Қонуни таҳриридаги санкция) (Олдинги таҳририга қаранг)

Қаранг: МЖтКнинг 189-моддаси

Ўша ҳаракатлар:

а) такроран ёки хавфли рецидивист томонидан;

б) бир гуруҳ шахслар томонидан олдиндан тил бириктириб содир этилган бўлса, -

уч юз олтмиш соатдан тўрт юз саксон соатгача мажбурий жамоат ишлари ёки бир йилдан уч йилгача озодликни чеклаш ёхуд уч йилгача озодликдан маҳрум қилиш билан жазоланади. (ЎзР 29.03.2017 й. ЎРҚ-421-сон Қонуни таҳриридаги санкция) (Олдинги таҳририга қаранг)

Вояга етмаган шахс тавсифланган ёки тасвирланган порнографик маҳсулотни тарқатиш, реклама қилиш, намойиш этиш мақсадида Ўзбекистон Республикаси ҳудудига олиб кириш, худди шунингдек уни тайёрлаш, тарқатиш, реклама қилиш, намойиш этиш ёхуд вояга етмаган шахсни порнографик хусусиятга эга ҳаракатларнинг ижрочиси сифатида жалб этиш, -

беш йилдан етти йилгача озодликдан маҳрум қилиш билан жазоланади.

(ЎзР 11.04.2023 й. ЎРҚ-829-сон Қонуни таҳриридаги қисм) (Олдинги таҳририга қаранг)

130-1-модда. Тазйиқни, зўравонликни ёки шафқатсизликни тарғиб

қилувчи маҳсулотни тайёрлаш, олиб кириш, тарқатиш,

реклама қилиш, намойиш этиш

(ЎзР 11.04.2023 й. ЎРҚ-829-сон Қонуни таҳриридаги модда номи)

(ЎзР 12.04.2012 й. ЎРҚ-324-сон Қонунига мувофиқ киритилган модда)

Тазйиқни, зўравонликни ёки шафқатсизликни тарғиб қилувчи маҳсулотни тарқатиш, реклама қилиш, намойиш этиш мақсадида тайёрлаш ёки Ўзбекистон Республикаси ҳудудига олиб кириш, худди шунингдек уни реклама қилиш, намойиш этиш, тарқатиш, шу жумладан оммавий ахборот воситаларида, телекоммуникация тармоқларида ёки Интернет жаҳон ахборот тармоғида реклама қилиш, намойиш этиш, тарқатиш, шундай ҳаракатлар учун маъмурий жазо қўлланилганидан кейин содир этилган бўлса, - (ЎзР 11.04.2023 й. ЎРҚ-829-сон Қонуни таҳриридаги диспозиция) (Олдинги таҳририга қаранг)

Қаранг: МЖтКнинг 189-1-моддаси

Ўша ҳаракатлар:

а) такроран ёки хавфли рецидивист томонидан;

б) бир гуруҳ шахслар томонидан олдиндан тил бириктириб содир этилган бўлса, -

131-модда. Қўшмачилик қилиш ёки фоҳишахона сақлаш

(ЎзР 25.04.2016 й. ЎРҚ-405-сон Қонуни таҳриридаги модда)

(Олдинги таҳририга қаранг)

Ғаразли ёки бошқа паст ниятларда қўшмачилик қилиш -

базавий ҳисоблаш миқдорининг йигирма беш бараваридан эллик бараваригача миқдорда жарима ёки уч юз олтмиш соатгача мажбурий жамоат ишлари ёхуд уч йилгача ахлоқ тузатиш ишлари билан жазоланади. (ЎзР 03.12.2019 й. ЎРҚ-586-сон Қонуни таҳриридаги санкция) (Олдинги таҳририга қаранг)

Фоҳишахона ташкил этиш ёки сақлаш -

базавий ҳисоблаш миқдорининг эллик бараваридан етмиш беш бараваригача миқдорда жарима ёки уч юз олтмиш соатдан тўрт юз саксон соатгача мажбурий жамоат ишлари ёхуд бир йилдан уч йилгача озодликни чеклаш ёки уч йилгача озодликдан маҳрум қилиш билан жазоланади. (ЎзР 03.12.2019 й. ЎРҚ-586-сон Қонуни таҳриридаги санкция) (Олдинги таҳририга қаранг)

Ушбу модданинг биринчи ёки иккинчи қисмида назарда тутилган ҳаракатлар бир гуруҳ шахслар томонидан олдиндан тил бириктириб содир этилган бўлса, -

базавий ҳисоблаш миқдорининг етмиш беш бараваридан юз бараваригача миқдорда жарима ёхуд уч йилдан беш йилгача озодликни чеклаш ёки уч йилдан беш йилгача озодликдан маҳрум қилиш билан жазоланади. (ЎзР 03.12.2019 й. ЎРҚ-586-сон Қонуни таҳриридаги санкция)

Ушбу модданинг биринчи ёки иккинчи қисмида назарда тутилган ҳаракатлар:

а) вояга етмаган шахсни жалб қилган ҳолда;

б) такроран, хавфли рецидивист ёки ушбу Кодекснинг 135 ёки 137-моддаларида назарда тутилган жиноятларни илгари содир этган шахс томонидан;

в) уюшган гуруҳ томонидан ёки унинг манфаатларини кўзлаб содир этилган бўлса, -

беш йилдан саккиз йилгача озодликдан маҳрум қилиш билан жазоланади.

132-модда. Моддий маданий мерос объектларини

нобуд қилиш, бузиш ёки уларга шикаст етказиш

(ЎзР 18.04.2018 й. ЎРҚ-476-сон Қонуни таҳриридаги модда номи)

Давлат муҳофазасига олинган моддий маданий мерос объектларини нобуд қилиш, бузиш ёки уларга шикаст етказиш анча миқдорда зарар етказилишига сабаб бўлса, -

базавий ҳисоблаш миқдорининг юз бараваридан уч юз бараваригача миқдорда жарима ёки уч юз олтмиш соатгача мажбурий жамоат ишлари ёхуд уч йилгача ахлоқ тузатиш ишлари билан жазоланади. (ЎзР 03.12.2019 й. ЎРҚ-586-сон Қонуни таҳриридаги санкция)

(ЎзР 30.08.2019 й. ЎРҚ-560-сон Қонуни таҳриридаги қисм) (Олдинги таҳририга қаранг)

Ўша ҳаракатлар:

а) такроран ёки хавфли рецидивист томонидан;

б) кўп миқдордазарар етказган ҳолда;

в) бир гуруҳ шахслар томонидан олдиндан тил бириктириб содир этилган бўлса, -

базавий ҳисоблаш миқдорининг уч юз бараваридан беш юз бараваригача миқдорда жарима ёки уч йилдан беш йилгача озодликни чеклаш ёхуд уч йилдан беш йилгача озодликдан маҳрум қилиш билан жазоланади.

(ЎзР 15.02.2022 й. ЎРҚ-754-сон Қонуни таҳриридаги қисм) (Олдинги таҳририга қаранг)

Ўша ҳаракатлар жуда кўп миқдорда зарар етказган ҳолда содир этилган бўлса, -

беш йилдан етти йилгача озодликдан маҳрум қилиш билан жазоланади.

(ЎзР 15.02.2022 й. ЎРҚ-754-сон Қонунига мувофиқ киритилган қисм)

ЎзР 15.02.2022 й. ЎРҚ-754-сон Қонунига мувофиқ учинчи қисм тўртинчи қисм деб ҳисоблансин

Етказилган моддий зарар уч карра миқдорида қопланган тақдирда, озодликни чеклаш ва озодликдан маҳрум қилиш тариқасидаги жазо қўлланилмайди. (ЎзР 10.08.2015 й. ЎРҚ-389-сон Қонуни таҳриридаги қисм) (Олдинги таҳририга қаранг)

133-модда. Инсон аъзоларини ва (ёки) тўқималарини

олиш ҳамда трансплантация қилиш шартларини

ва (ёки) тартибини бузиш

(ЎзР 23.06.2022 й. ЎРҚ-780-сон Қонуни таҳриридаги модда номи)

(Олдинги таҳририга қаранг)

Инсон аъзоларини ва (ёки) тўқималарини олиш ҳамда трансплантация қилишнинг белгиланган шартларини ва (ёки) тартибини бузиш, бундан ушбу Кодекснинг 115-1, 133-1, 133-2-моддаларида назарда тутилган ҳоллар мустасно, худди шунингдек вафот этган одамнинг аъзоларини ёки тўқималарини у тириклигида унинг розилигини олмай туриб, илмий ёки таълим мақсадларида бузилмайдиган ҳолда сақлаш (консервация) учун олиш - (ЎзР 23.06.2022 й. ЎРҚ-780-сон Қонуни таҳриридаги диспозиция) (Олдинги таҳририга қаранг)

базавий ҳисоблаш миқдорининг йигирма беш бараваридан эллик бараваригача миқдорда жарима ёки беш йилгача муайян ҳуқуқдан маҳрум қилиш ёхуд уч юз олтмиш соатгача мажбурий жамоат ишлари ёки уч йилгача ахлоқ тузатиш ишлари билан жазоланади. (ЎзР 03.12.2019 й. ЎРҚ-586-сон Қонуни таҳриридаги санкция) (Олдинги таҳририга қаранг)

Қаранг: "Дафн этиш ва дафн иши тўғрисида"ги Қонуннинг 5-моддаси

Ўша ҳаракатлар:

а) ғаразли ёки бошқача паст ниятларда;

б) такроран ёки хавфли рецидивист томонидан;

в) бир гуруҳ шахслар томонидан олдиндан тил бириктириб;

г) шахс томонидан ўз хизмат мавқеидан фойдаланган ҳолда содир этилган бўлса, -

(ЎзР 23.06.2022 й. ЎРҚ-780-сон Қонуни таҳриридаги диспозиция) (Олдинги таҳририга қаранг)

уч йилдан беш йилгача озодликни чеклаш ёки уч йилдан беш йилгача озодликдан маҳрум қилиш билан жазоланади. (ЎзР 29.03.2017 й. ЎРҚ-421-сон Қонуни таҳриридаги санкция) (Олдинги таҳририга қаранг)

133-1-модда. Инсон аъзоларининг ва (ёки)

тўқималарининг олди-сотдиси

(ЎзР 23.06.2022 й. ЎРҚ-780-сон Қонунига мувофиқ киритилган модда)

Инсон аъзоларининг ва (ёки) тўқималарининг олди-сотдиси, -

уч йилдан беш йилгача озодликни чеклаш ёки бир йилдан уч йилгача муайян ҳуқуқдан маҳрум этиб, уч йилдан беш йилгача озодликдан маҳрум қилиш билан жазоланади.

Ўша ҳаракатлар:

а) такроран ёки хавфли рецидивист томонидан;

б) бир гуруҳ шахслар томонидан олдиндан тил бириктириб содир этилган бўлса, -

беш йилдан ўн йилгача озодликдан маҳрум қилиш билан жазоланади.

133-2-модда. Инсоннинг трансплантация қилинадиган

аъзоларини ва (ёки) тўқималарини Ўзбекистон

Республикасидан ташқарига олиб чиқиш

(ЎзР 23.06.2022 й. ЎРҚ-780-сон Қонунига мувофиқ киритилган модда)

Инсоннинг трансплантация қилинадиган аъзоларини ва (ёки) тўқималарини Ўзбекистон Республикасидан ташқарига олиб чиқиш, -

134-модда. Қабрни таҳқирлаш

Қабрни ёки мурдани таҳқирлаш, шунингдек мурдадаги, қабр устидаги ёки ичидаги нарсаларни олиш -

базавий ҳисоблаш миқдорининг эллик бараваридан юз бараваригача миқдорда жарима ёки уч йилгача ахлоқ тузатиш ишлари ёки уч йилдан беш йилгача озодликни чеклаш ёхуд уч йилдан беш йилгача озодликдан маҳрум қилиш билан жазоланади. (ЎзР 03.12.2019 й. ЎРҚ-586-сон Қонуни таҳриридаги санкция) (Олдинги таҳририга қаранг)

Шунингдек қаранг: ОС Пленумининг 2004 йил 24 сентябрдаги "Қасддан одам ўлдиришга оид ишлар бўйича суд амалиёти тўғрисида"ги 13-сон Қарори 12-бандининг бешинчи хатбоши

VI БОБ. ШАХСНИНГ ОЗОДЛИГИ, ШАЪНИ ВА

ҚАДР-ҚИММАТИГА ҚАРШИ ЖИНОЯТЛАР

135-модда. Одам савдоси

136-модда. Аёлни эрга тегишга мажбур

қилиш ёки унинг эрга тегишига тўсқинлик қилиш

137-модда. Одам ўғирлаш

138-модда. Зўрлик ишлатиб ғайриқонуний

равишда озодликдан маҳрум қилиш

139-модда. Туҳмат

140-модда. Ҳақорат қилиш

135-модда. Одам савдоси

(ЎзР 16.09.2008 й. ЎРҚ-179-сон Қонуни таҳриридаги модда)

(Олдинги таҳририга қаранг)

Одам савдоси, яъни одамни олиш-сотиш ёхуд одамни ундан фойдаланиш мақсадида ёллаш, ташиш, топшириш, яшириш ёки қабул қилиш -

Қаранг: "Одам савдосига қарши курашиш тўғрисида"ги Қонун

Шунингдек қаранг: ОС Пленумининг 2009 йил 24 ноябрдаги "Одам савдосига оид ишлар бўйича суд амалиёти тўғрисида"ги 12-сон Қарорининг 2-7, 13-бандлари

Ўша ҳаракатлар:

а) ўғирлаш, зўрлик ишлатиш ёки зўрлик ишлатиш билан қўрқитиш ёхуд мажбурлашнинг бошқа шаклларини қўллаш орқали;

Шунингдек қаранг: ОС Пленумининг 2009 йил 24 ноябрдаги "Одам савдосига оид ишлар бўйича суд амалиёти тўғрисида"ги 12-сон Қарорининг 8-банди, 14-бандининг иккинчи хатбоши

б) икки ёки ундан ортиқ шахсга нисбатан;

в) ожиз аҳволдалиги айбдорга аён бўлган шахсга нисбатан;

г) айбдорга моддий жиҳатдан ёки бошқа жиҳатдан қарам бўлган шахсга нисбатан;

Шунингдек қаранг: ОС Пленумининг 2009 йил 24 ноябрдаги "Одам савдосига оид ишлар бўйича суд амалиёти тўғрисида"ги 12-сон Қарорининг 9-банди

д) такроран ёки хавфли рецидивист томонидан;

е) бир гуруҳ шахслар томонидан олдиндан тил бириктириб;

ж) хизмат мавқеидан фойдаланган ҳолда;

Шунингдек қаранг: ОС Пленумининг 2009 йил 24 ноябрдаги "Одам савдосига оид ишлар бўйича суд амалиёти тўғрисида"ги 12-сон Қарорининг 10-банди, 14-бандининг биринчи хатбоши

з) жабрланувчини Ўзбекистон Республикасининг Давлат чегарасидан олиб ўтган ҳолда ёки уни чет элда қонунга хилоф равишда ушлаб турган ҳолда;

Шунингдек қаранг: ОС Пленумининг 2009 йил 24 ноябрдаги "Одам савдосига оид ишлар бўйича суд амалиёти тўғрисида"ги 12-сон Қарорининг 11-банди, 14-бандининг биринчи хатбоши

и) қалбаки ҳужжатлардан фойдаланган ҳолда, худди шунингдек жабрланувчининг шахсини тасдиқловчи ҳужжатларни олиб қўйган, яширган ёхуд йўқ қилиб юборган ҳолда;

Шунингдек қаранг: ОС Пленумининг 2009 йил 24 ноябрдаги "Одам савдосига оид ишлар бўйича суд амалиёти тўғрисида"ги 12-сон Қарорининг 14-бандининг биринчи хатбоши

к) инсон аъзоларини ва (ёки) тўқималарини олиш мақсадида содир этилган бўлса, - (ЎзР 23.06.2022 й. ЎРҚ-780-сон Қонуни таҳриридаги банд) (Олдинги таҳририга қаранг)

беш йилдан саккиз йилгача озодликдан маҳрум қилиш билан жазоланади.

Ўша ҳаракатлар:

а) ўн саккиз ёшга тўлмаганлиги айбдорга аён бўлган шахсга нисбатан содир этилган бўлса;

б) жабрланувчининг ўлимига ёки бошқа оғир оқибатларга сабаб бўлса;

Шунингдек қаранг: ОС Пленумининг 2009 йил 24 ноябрдаги "Одам савдосига оид ишлар бўйича суд амалиёти тўғрисида"ги 12-сон Қарорининг 12-банди, 14-бандининг биринчи хатбоши

в) ўта хавфли рецидивист томонидан содир этилган бўлса;

г) уюшган гуруҳ томонидан ёки унинг манфаатларини кўзлаб содир этилган бўлса, -

саккиз йилдан ўн икки йилгача озодликдан маҳрум қилиш билан жазоланади.

136-модда. Аёлни эрга тегишга мажбур қилиш

ёки унинг эрга тегишига тўсқинлик қилиш

Аёлни эрга тегишга ёки никоҳда яшашни давом эттиришга мажбур қилиш ёхуд аёлнинг эркига хилоф равишда у билан никоҳда бўлиш учун ўғрилаш, шунингдек аёлнинг эрга тегишига тўсқинлик қилиш -

базавий ҳисоблаш миқдорининг йигирма беш бараваригача миқдорда жарима ёки уч юз олтмиш соатгача мажбурий жамоат ишлари ёки уч йилгача ахлоқ тузатиш ишлари ёхуд бир йилдан уч йилгача озодликни чеклаш ёки уч йилгача озодликдан маҳрум қилиш билан жазоланади. (ЎзР 03.12.2019 й. ЎРҚ-586-сон Қонуни таҳриридаги санкция) (Олдинги таҳририга қаранг)

Қаранг: ОКнинг 14-моддаси

137-модда. Одам ўғрилаш

Ушбу Кодекснинг 245-моддасида назарда тутилган аломатлар мавжуд бўлмаган ҳолда одам ўғрилаш -

Ўша ҳаракат:

а) вояга етмаган шахсга нисбатан;

б) ғаразгўйлик ёки бошқа паст ниятларда;

в) бир гуруҳ шахслар томонидан олдиндан тил бириктириб;

г) такроран ёки хавфли рецидивист томонидан содир этилган бўлса, -

беш йилдан ўн йилгача озодликдан маҳрум қилиш билан жазоланади. (ЎзР 29.08.2001 й. 254-II-сон Қонуни таҳриридаги санкция)

Ўша ҳаракат:

а) ўта хавфли рецидивист томонидан содир этилган бўлса;

б) оғир оқибатларга сабаб бўлса;

в) инсон аъзоларини ва (ёки) тўқималарини олиш мақсадида содир этилган бўлса, - (ЎзР 23.06.2022 й. ЎРҚ-780-сон Қонунига мувофиқ киритилган банд)

ўн йилдан ўн беш йилгача озодликдан маҳрум қилиш билан жазоланади. (ЎзР 29.08.2001 й. 254-II-сон Қонуни таҳриридаги санкция)

138-модда. Зўрлик ишлатиб ғайриқонуний

равишда озодликдан маҳрум қилиш

Бировни зўрлик ишлатиб ғайриқонуний равишда озодликдан маҳрум қилиш -

базавий ҳисоблаш миқдорининг эллик бараваригача миқдорда жарима ёки уч юз олтмиш соатгача мажбурий жамоат ишлари ёки уч йилгача ахлоқ тузатиш ишлари ёки бир йилдан уч йилгача озодликни чеклаш ёхуд уч йилгача озодликдан маҳрум қилиш билан жазоланади. (ЎзР 03.12.2019 й. ЎРҚ-586-сон Қонуни таҳриридаги санкция) (Олдинги таҳририга қаранг)

Ўша ҳаракат:

а) жисмоний азоб бериб;

б) ҳаёт ёки соғлиқ учун хавфли шароитда сақлаган ҳолда содир этилган бўлса, -

139-модда. Туҳмат

Туҳмат қилиш, яъни била туриб бошқа шахсни шарманда қиладиган уйдирмалар тарқатиш, шундай ҳаракатлар учун маъмурий жазо қўлланилганидан кейин содир этилган бўлса, -

базавий ҳисоблаш миқдорининг икки юз бараваригача миқдорда жарима ёки уч юз соатгача мажбурий жамоат ишлари ёхуд икки йилгача ахлоқ тузатиш ишлари билан жазоланади. (ЎзР 03.12.2019 й. ЎРҚ-586-сон Қонуни таҳриридаги санкция) (Олдинги таҳририга қаранг)

Қаранг: Конституция 27-моддасининг биринчи қисми; МЖтКнинг 40-моддаси; "Жисмоний ва юридик шахсларнинг мурожаатлари тўғрисида"ги Қонуннинг (Янги таҳрири) 38-моддаси

Шунингдек қаранг: ОС Пленумининг 1992 йил 19 июндаги "Суд амалиётида фуқаро ва ташкилотларнинг шаъни, қадр-қиммати ва ишчанлик обрўсини ҳимоя қилиш ҳақидаги қонунларни қўллаш тўғрисида"ги 5-ПЛ-92-сон Қарорининг 8-банди

Нашр қилиш ёки бошқача усулда кўпайтирилган тарзда, шу жумладан оммавий ахборот воситаларида, телекоммуникация тармоқларида ёки Интернет жаҳон ахборот тармоғида жойлаштириш орқали туҳмат қилиш, -

базавий ҳисоблаш миқдорининг икки юз бараваридан тўрт юз бараваригача миқдорда жарима ёки уч юз соатдан уч юз олтмиш соатгача мажбурий жамоат ишлари ёхуд икки йилдан уч йилгача ахлоқ тузатиш ишлари ёки бир йилгача озодликни чеклаш билан жазоланади.

(ЎзР 25.12.2020 й. ЎРҚ-658-сон Қонуни таҳриридаги қисм) (Олдинги таҳририга қаранг)

Қаранг: "Ноширлик фаолияти тўғрисида"ги Қонун 4-моддасининг биринчи қисми; "Оммавий ахборот воситалари тўғрисида"ги Қонун (Янги таҳрири) 6-моддасининг иккинчи қисми

Туҳмат:

а) оғир ёки ўта оғир жиноят содир этишда айблаб;

б) оғир оқибатлар келиб чиқишига сабаб бўлган ҳолда;

в) хавфли рецидивист томонидан;

г) ғаразгўйлик ёки бошқа паст ниятларда қилинса, -

базавий ҳисоблаш миқдорининг уч юз бараваридан беш юз бараваригача миқдорда жарима ёки уч юз олтмиш соатдан тўрт юз соатгача мажбурий жамоат ишлари ёхуд бир йилдан уч йилгача озодликни чеклаш билан жазоланади. (ЎзР 25.12.2020 й. ЎРҚ-658-сон Қонуни таҳриридаги санкция) (Олдинги таҳририга қаранг)

140-модда. Ҳақорат қилиш

Ҳақорат қилиш, яъни шахснинг шаъни ва қадр-қимматини беодоблик билан қасддан таҳқирлаш, башарти, шундай ҳаракатлар учун маъмурий жазо қўлланилгандан кейин содир этилган бўлса, -

базавий ҳисоблаш миқдорининг икки юз бараваригача миқдорда жарима ёки икки юз қирқ соатгача мажбурий жамоат ишлари ёхуд бир йилгача ахлоқ тузатиш ишлари билан жазоланади. (ЎзР 03.12.2019 й. ЎРҚ-586-сон Қонуни таҳриридаги санкция) (Олдинги таҳририга қаранг)

Қаранг: Конституция 27-моддасининг биринчи қисми; МЖтКнинг 41-моддаси; "Жисмоний ва юридик шахсларнинг мурожаатлари тўғрисида"ги Қонуннинг (Янги таҳрири) 38-моддаси

Шунингдек қаранг: ОС Пленумининг 1992 йил 19 июндаги "Суд амалиётида фуқаро ва ташкилотларнинг шаъни, қадр-қиммати ва ишчанлик обрўсини ҳимоя қилиш ҳақидаги қонунларни қўллаш тўғрисида" 5-ПЛ-92-сон Қарорининг 8-банди

базавий ҳисоблаш миқдорининг икки юз бараваридан тўрт юз бараваригача миқдорда жарима ёки икки юз қирқ соатдан уч юз соатгача мажбурий жамоат ишлари ёхуд бир йилдан икки йилгача ахлоқ тузатиш ишлари билан жазоланади. (ЎзР 03.12.2019 й. ЎРҚ-586-сон Қонуни таҳриридаги санкция) (Олдинги таҳририга қаранг)

Ҳақорат қилиш:

а) жабрланувчини ўз хизмат ёки фуқаролик бурчини бажариши муносабати билан боғлиқ ҳолда;

б) хавфли рецидивист томонидан ёки туҳмат қилганлиги учун илгари судланган шахс томонидан қилинган бўлса, -

базавий ҳисоблаш миқдорининг тўрт юз бараваридан олти юз бараваригача миқдорда жарима ёки икки йилдан уч йилгача ахлоқ тузатиш ишлари ёхуд бир йилгача озодликни чеклаш билан жазоланади. (ЎзР 25.12.2020 й. ЎРҚ-658-сон Қонуни таҳриридаги санкция) (Олдинги таҳририга қаранг)

VII БОБ. ФУҚАРОЛАРНИНГ КОНСТИТУЦИЯВИЙ

ҲУҚУҚ ВА ЭРКИНЛИКЛАРИГА ҚАРШИ ЖИНОЯТЛАР

141-модда. Фуқароларнинг тенг ҳуқуқлигини бузиш

141-1-модда. Шахсий ҳаёт дахлсизлигини бузиш

141-2-модда. Шахсга доир маълумотлар тўғрисидаги

қонунчиликни бузиш

141-3-модда. Шахснинг шаънини ва қадр-қимматини

камситувчи ҳамда инсон ҳаётининг сир тутиладиган

томонларини акс эттирувчи маълумотларни ошкор қилиш

142-модда. Фуқароларнинг турар жойи дахлсизлиги бузиш

143-модда. Хат-ёзишмалар, телефонда сўзлашув,

телеграф хабарлари ёки бошқа хабарларнинг

сир сақланиши тартибини бузиш

144-модда. Жисмоний ва юридик шахсларнинг мурожаатлари

тўғрисидаги қонунчиликни бузиш

145-модда. Виждон эркинлигини бузиш

146-модда. Сайлов ёки референдум ташкил қилиш

уларни ўтказиш тўғрисидаги қонунчиликни бузиш

147-модда. Сайлов ҳуқуқининг ёки ишончли вакил

ваколатларининг амалга оширилишига тўсқинлик қилиш

148-модда. Меҳнат қилиш ҳуқуқини бузиш

148-1-модда. Вояга етмаган шахсларнинг меҳнатидан

фойдаланишга йўл қўйилмаслиги тўғрисидаги

талабларни бузиш

148-2-модда. Меҳнатга маъмурий тарзда мажбурлаш

149-модда. Муаллифлик ёки ихтирочилик ҳуқуқларини бузиш

141-модда. Фуқароларнинг тенг ҳуқуқлилигини бузиш

Жинси, ирқи, миллати, тили, дини, эътиқоди, ижтимоий келиб чиқиши, ижтимоий мавқеидан қатъи назар, фуқароларнинг ҳуқуқларини бевосита ёки билвосита бузиш ёки чеклаш ёхуд фуқароларга бевосита ёки билвосита афзалликлар бериш - (ЎзР 20.09.2024 й. ЎРҚ-963-сон Қонуни таҳриридаги диспозиция)

базавий ҳисоблаш миқдорининг эллик бараваригача миқдорда жарима ёки уч йилгача муайян ҳуқуқдан маҳрум қилиш ёхуд уч юз соатгача мажбурий жамоат ишлари ёки икки йилгача ахлоқ тузатиш ишлари билан жазоланади. (ЎзР 03.12.2019 й. ЎРҚ-586-сон Қонуни таҳриридаги санкция) (Олдинги таҳририга қаранг)

Қаранг: Конституциянинг 18-моддаси; "Жисмоний ва юридик шахсларнинг мурожаатлари тўғрисида"ги Қонуннинг (Янги таҳрири) 16-моддаси; "Фуқаролар соғлиғини сақлаш тўғрисида"ги Қонуннинг 13-моддаси; "Таълим тўғрисида"ги Қонуннинг 4-моддаси; "Ахборот эркинлиги принциплари ва кафолатлари тўғрисида"ги Қонуннинг 8-моддаси

Ўша ҳаракатлар зўрлик ишлатиб содир этилган бўлса, -

уч юз соатдан уч юз олтмиш соатгача мажбурий жамоат ишлари ёки икки йилдан уч йилгача ахлоқ тузатиш ишлари ёхуд бир йилдан уч йилгача озодликни чеклаш ёки уч йилгача озодликдан маҳрум қилиш билан жазоланади. (ЎзР 29.03.2017 й. ЎРҚ-421-сон Қонуни таҳриридаги санкция) (Олдинги таҳририга қаранг)

141-1-модда. Шахсий ҳаёт дахлсизлигини бузиш

(ЎзР 23.09.2016 й. ЎРҚ-411-сон Қонунига мувофиқ киритилган модда)

Шахснинг шахсий ёки оилавий сирини ташкил этувчи шахсий ҳаёти тўғрисидаги маълумотларни унинг розилигисиз қонунга хилоф равишда йиғиш ёки тарқатиш, шундай ҳаракатлар учун маъмурий жазо қўлланилганидан кейин содир этилган бўлса, -

Қаранг: Конституция 27-моддасининг 1-қисми; МЖтКнинг 46-1-моддаси

Ўша ҳаракатлар:

а) оғир оқибатларга олиб келган бўлса;

б) ғаразли ниятларда содир этилган бўлса;

в) хавфли рецидивист томонидан содир этилган бўлса, -

базавий ҳисоблаш миқдорининг юз бараваридан икки юз бараваригача миқдорда жарима ёки уч юз соатдан уч юз олтмиш соатгача мажбурий жамоат ишлари ёки бир йилдан уч йилгача озодликни чеклаш ёхуд уч йилгача озодликдан маҳрум қилиш билан жазоланади. (ЎзР 03.12.2019 й. ЎРҚ-586-сон Қонуни таҳриридаги санкция) (Олдинги таҳририга қаранг)

141-2-модда. Шахсга доир маълумотлар

тўғрисидаги қонунчиликни бузиш

(ЎзР 29.10.2021 й. ЎРҚ-726-сон Қонуни таҳриридаги модда)

(Олдинги таҳририга қаранг)

Шахсга доир маълумотларни қонунга хилоф равишда йиғиш, тизимлаштириш, сақлаш, ўзгартириш, тўлдириш, улардан фойдаланиш, уларни бериш, тарқатиш, узатиш, эгасизлантириш ва йўқ қилиш, худди шунингдек ахборот технологияларидан фойдаланган ҳолда, шу жумладан Интернет жаҳон ахборот тармоғида Ўзбекистон Республикаси фуқароларининг шахсга доир маълумотларига ишлов берилаётганда жисман Ўзбекистон Республикаси ҳудудида жойлашган техник воситаларда ҳамда Шахсга доир маълумотлар базаларининг давлат реестрида белгиланган тартибда рўйхатдан ўтказилган шахсга доир маълумотлар базаларида шахсга доир маълумотларни йиғишга, тизимлаштиришга ва сақлашга оид талабларга риоя этмаслик, ўша ҳаракатлар учун маъмурий жазо қўлланилганидан кейин содир этилган бўлса, -

базавий ҳисоблаш миқдорининг юз бараваридан бир юз эллик бараваригача миқдорда жарима ёки уч йилгача муайян ҳуқуқдан маҳрум қилиш ёхуд икки йилгача ахлоқ тузатиш ишлари билан жазоланади.

Ўша ҳаракатлар:

а) бир гуруҳ шахслар томонидан олдиндан тил бириктириб;

б) такроран ёки хавфли рецидивист томонидан;

в) ғаразли ёки бошқа паст ниятларда;

г) хизмат мавқеидан фойдаланган ҳолда содир этилган бўлса;

д) оғир оқибатларга сабаб бўлса, -

базавий ҳисоблаш миқдорининг бир юз эллик бараваридан икки юз бараваригача миқдорда жарима ёки икки йилдан уч йилгача ахлоқ тузатиш ишлари ёки бир йилдан уч йилгача озодликни чеклаш ёхуд уч йилгача озодликдан маҳрум қилиш билан жазоланади.

141-3-модда. Шахснинг шаънини ва қадр-қимматини

камситувчи ҳамда инсон ҳаётининг сир тутиладиган

томонларини акс эттирувчи маълумотларни ошкор қилиш

(ЎзР 11.04.2023 й. ЎРҚ-829-сон Қонунига мувофиқ киритилган модда)

Шахс танасининг ва (ёки) жинсий аъзоларининг яланғоч ҳолдаги фото- ва (ёки) видеотасвирини ўз ичига олган ахборотни унинг розилигисиз тарқатиш, шу жумладан оммавий ахборот воситаларида, телекоммуникация тармоқларида ёки Интернет жаҳон ахборот тармоғида тарқатиш ёхуд бундай ахборотни тарқатиш билан қўрқитиш, -

Ўша ҳаракатлар:

а) такроран ёки хавфли рецидивист томонидан;

б) бир гуруҳ шахслар томонидан олдиндан тил бириктириб;

в) ўн саккиз ёшга тўлмаганлиги айбдорга аён бўлган шахсга нисбатан содир этилган бўлса, -

уч юз олтмиш соатдан тўрт юз саксон соатгача мажбурий жамоат ишлари ёки бир йилдан уч йилгача озодликни чеклаш ёхуд уч йилгача озодликдан маҳрум қилиш билан жазоланади.

142-модда. Фуқароларнинг турар

жойи дахлсизлигини бузиш

Турар жойга унда яшовчиларнинг эркига хилоф равишда зўрлик ишлатиб ғайриқонуний бостириб кириш -

уч йилгача ахлоқ тузатиш ишлари ёки икки йилдан беш йилгача озодликни чеклаш ёки беш йилгача озодликдан маҳрум қилиш билан жазоланади. (ЎзР 10.08.2015 й. ЎРҚ-389-сон Қонуни таҳриридаги санкция)

Қаранг: Конституция 27-моддасининг иккинчи қисми; МЖтКнинг 45-моддаси; ЖПК 18-моддасининг тўртинчи, бешинчи қисмлари, 139-моддасининг иккинчи қисми, 158-161-моддалари

143-модда. Хат-ёзишмалар, телефонда сўзлашув,

телеграф хабарлари ёки бошқа хабарларнинг

сир сақланиши тартибини бузиш

Хат-ёзишмалар, телефонда сўзлашув, телеграф хабарлари ёки бошқа хабарларнинг сир сақланиши тартибини қасддан бузиш, шундай ҳаракатлар учун маъмурий жазо қўлланилгандан кейин содир этилган бўлса, -

базавий ҳисоблаш миқдорининг йигирма беш бараваригача миқдорда жарима ёки уч йилгача муайян ҳуқуқдан маҳрум қилиш ёки уч юз олтмиш соатгача мажбурий жамоат ишлари ёхуд уч йилгача ахлоқ тузатиш ишлари билан жазоланади. (ЎзР 03.12.2019 й. ЎРҚ-586-сон Қонуни таҳриридаги санкция) (Олдинги таҳририга қаранг)

Қаранг: Конституция 27-моддасининг иккинчи қисми; МЖТКнинг 46-моддаси; "Алоқа тўғрисида"ги Қонуннинг 10-моддаси; "Телекоммуникациялар тўғрисида"ги Қонуннинг 15-моддаси; "Почта алоқаси тўғрисида"ги Қонуннинг (Янги таҳрири) 16-моддаси

144-модда. Жисмоний ва юридик шахсларнинг мурожаатлари

тўғрисидаги қонунчиликни бузиш

(ЎзР 21.04.2021 й. ЎРҚ-683-сон Қонуни таҳриридаги модда номи)

(ЎзР 11.12.2014 й. ЎРҚ-381-сон Қонуни таҳриридаги модда)

(Олдинги таҳририга қаранг)

Жисмоний ва юридик шахсларнинг мурожаатларини қабул қилиш ва кўриб чиқишни қонунга хилоф равишда рад этиш, уларни кўриб чиқиш муддатларини узрли сабабларсиз бузиш, ёзма ёхуд электрон шаклда жавоб юбормаслик, жисмоний ва юридик шахсларнинг мурожаатлари тўғрисидаги қонунчиликка зид қарор қабул қилиш, жисмоний ва юридик шахсларнинг бузилган ҳуқуқлари тикланишини, мурожаат муносабати билан қабул қилинган қарорнинг бажарилишини таъминламаганлик ёки мурожаат муносабати билан маълум бўлиб қолган жисмоний шахсларнинг шахсий ҳаёти тўғрисидаги ёхуд юридик шахсларнинг фаолияти тўғрисидаги маълумотларни уларнинг розилигисиз ошкор этиш, худди шунингдек жисмоний ва юридик шахсларнинг мурожаатлари тўғрисидаги қонунчиликни бошқача тарзда бузиш жисмоний ва юридик шахсларнинг ҳуқуқларига, эркинликларига ёки қонун билан қўриқланадиган манфаатларига ёхуд жамият ва давлат манфаатларига жиддий зиён етказилишига сабаб бўлса, - (ЎзР 21.04.2021 й. ЎРҚ-683-сон Қонуни таҳриридаги диспозиция) (Олдинги таҳририга қаранг)

Қаранг: Конституциянинг 35-моддаси; "Жисмоний ва юридик шахсларнинг мурожаатлари тўғрисида"ги Қонуннинг (Янги таҳрири) 17-19, 28, 33, 38-моддалари

Шунингдек қаранг: ОС Пленумининг 1998 йил 28 декабрдаги "Фуқароларнинг суд ишларига доир мурожаатларини кўриб чиқиш амалиёти ҳақида"ги 31-сон Қарори

Жисмоний шахсни, унинг вакилини, уларнинг оила аъзоларини, юридик шахсни, унинг вакилини ва юридик шахс вакилининг оила аъзоларини улар давлат органига, давлат муассасасига ёки фуқароларнинг ўзини ўзи бошқариш органларига мурожаат қилганлиги муносабати билан ёхуд билдирилган фикри ва мурожаатидаги танқид учун, худди шунингдек бошқача шаклда танқид қилганлиги учун мансабдор шахс томонидан таъқиб этиш, -

базавий ҳисоблаш миқдорининг йигирма беш бараваридан эллик бараваригача миқдорда жарима ёки уч юз соатдан уч юз олтмиш соатгача мажбурий жамоат ишлари ёки икки йилдан уч йилгача ахлоқ тузатиш ишлари ёхуд бир йилдан уч йилгача озодликни чеклаш ёки уч йилгача озодликдан маҳрум қилиш билан жазоланади. (ЎзР 03.12.2019 й. ЎРҚ-586-сон Қонуни таҳриридаги санкция) (Олдинги таҳририга қаранг)

Қаранг: "Жисмоний ва юридик шахсларнинг мурожаатлари тўғрисида"ги Қонуннинг (Янги таҳрири) 20-моддаси

145-модда. Виждон эркинлигини бузиш

Диний ташкилотнинг қонуний фаолиятига ёки диний маросимларни ўтказишга тўсқинлик қилиш -

базавий ҳисоблаш миқдорининг эллик бараваригача миқдорда жарима ёки беш йилгача муайян ҳуқуқдан маҳрум қилиш ёхуд уч юз соатгача мажбурий жамоат ишлари ёки икки йилгача ахлоқ тузатиш ишлари билан жазоланади. (ЎзР 03.12.2019 й. ЎРҚ-586-сон Қонуни таҳриридаги санкция) (Олдинги таҳририга қаранг)

ЎзР 01.05.1998 й. 621-I-сон Қонунига мувофиқ иккинчи қисм иккинчи ва учинчи қисмлар билан алмаштирилган

Вояга етмаган болаларни диний ташкилотларга жалб этиш, худди шунингдек уларнинг ихтиёрига, ота-оналари ёки уларнинг ўрнини босувчи шахслар ихтиёрига зид тарзда динга ўқитиш -

базавий ҳисоблаш миқдорининг эллик бараваридан етмиш беш бараваригача миқдорда жарима ёки уч юз соатдан уч юз олтмиш соатгача мажбурий жамоат ишлари ёки икки йилдан уч йилгача ахлоқ тузатиш ишлари ёхуд бир йилдан уч йилгача озодликни чеклаш ёки уч йилгача озодликдан маҳрум қилиш билан жазоланади. (ЎзР 03.12.2019 й. ЎРҚ-586-сон Қонуни таҳриридаги санкция) (Олдинги таҳририга қаранг)

Фуқароларнинг ўз фуқаролик ҳуқуқларини амалга оширишларига ёки фуқаролик бурчларини бажаришларига тўсқинлик қилиш билан, диндорлардан мажбурий йиғим ундириш ва солиқ олиш билан ёхуд шахснинг шаъни ва обрўсини камситувчи чора-тадбирлар қўллаш билан ёки диний таълим олишда ҳамда фуқаро динга нисбатан, динга эътиқод қилиш ёки эътиқод қилмасликка нисбатан, ибодат қилишда, диний расм-русумлар ва маросимларда қатнашиш ёки қатнашмасликка нисбатан ўз муносабатини белгилаётган пайтда мажбурлаш билан боғлиқ диний фаолият юритиш, шунингдек диний маросимлар ўтказишни ташкил этиш шахс баданига енгил ёки ўртача оғир шикаст етказилишига сабаб бўлса, -

базавий ҳисоблаш миқдорининг етмиш беш бараваридан юз бараваригача миқдорда жарима ёки уч юз олтмиш соатдан тўрт юз саксон соатгача мажбурий жамоат ишлари ёки уч йилдан беш йилгача озодликни чеклаш ёхуд уч йилдан беш йилгача озодликдан маҳрум қилиш билан жазоланади. (ЎзР 03.12.2019 й. ЎРҚ-586-сон Қонуни таҳриридаги санкция) (Олдинги таҳририга қаранг)

Қаранг: Конституциянинг 31-моддаси; "Виждон эркинлиги ва диний ташкилотлар тўғрисида"ги Қонун (Янги таҳрири)

146-модда. Сайлов ёки референдум ташкил қилиш, уларни

ўтказиш тўғрисидаги қонунчиликни бузиш

(ЎзР 21.04.2021 й. ЎРҚ-683-сон Қонуни таҳриридаги модда номи)

Сайлов ёки референдум ташкил қилиш, уларни ўтказиш вақтида мансабдор шахслар, сиёсий партияларнинг ёки фуқаролар ўзини ўзи бошқариш органларининг вакиллари, ташаббускор гуруҳларнинг ёки сайлов комиссияларининг ёхуд референдум ўтказувчи комиссияларнинг аъзолари томонидан овоз беришнинг яширинлигини бузиш, сайлов ёки референдум ҳужжатларини қалбакилаштириш, сайлов (овоз бериш) бюллетенларига ёки имзо варақаларига сохта ёзувлар киритиш, берилган овозларни била туриб нотўғри санаш - (ЎзР 04.09.2024 й. ЎРҚ-953-сон Қонуни таҳриридаги диспозиция) (Олдинги таҳририга қаранг)

базавий ҳисоблаш миқдорининг йигирма беш бараваригача миқдорда жарима ёки уч юз олтмиш соатгача мажбурий жамоат ишлари ёки уч йилгача ахлоқ тузатиш ишлари ёки бир йилдан уч йилгача озодликни чеклаш ёхуд уч йилгача озодликдан маҳрум қилиш билан жазоланади. (ЎзР 03.12.2019 й. ЎРҚ-586-сон Қонуни таҳриридаги санкция) (Олдинги таҳририга қаранг)

Қаранг: СвКнинг 7, 31, 94, 103-моддалари; "Ўзбекистон Республикасининг референдуми тўғрисида"ги Қонуннинг (Янги таҳрири) 43-моддаси

147-модда. Сайлов ҳуқуқининг ёки ишончли вакил

ваколатларининг амалга оширилишига

тўсқинлик қилиш

Фуқароларнинг депутат ёки Ўзбекистон Республикаси Президентини сайлаш ёки сайланиш, сайловолди тарғиботи олиб бориш ҳуқуқларини, депутатликка ёки Ўзбекистон Республикаси Президентлигига номзод шахснинг ишончли вакиллари ўз ваколатларини эркин амалга оширишларига, шунингдек фуқароларнинг референдумда эркин иштирок этишларига зўрлик ишлатиш, қўрқитиш, алдаш ёки оғдириб олиш йўли билан тўсқинлик қилиш -

тўрт юз саксон соатгача мажбурий жамоат ишлари ёки уч йилгача ахлоқ тузатиш ишлари ёки икки йилдан беш йилгача озодликни чеклаш ёхуд беш йилгача озодликдан маҳрум қилиш билан жазоланади. (ЎзР 29.03.2017 й. ЎРҚ-421-сон Қонуни таҳриридаги санкция) (Олдинги таҳририга қаранг)

Қаранг: Конституциянинг 117-моддаси; СвКнинг 4, 43-моддалари, 9-боби, 103-моддаси; "Ўзбекистон Республикасининг референдуми тўғрисида"ги Қонуннинг (Янги таҳрири) 43-моддаси; "Фуқаролар йиғини раиси (оқсоқоли) сайлови тўғрисида"ги Қонуннинг (Янги таҳрири) 3-моддаси

148-модда. Меҳнат қилиш ҳуқуқини бузиш

Била туриб, ғайриқонуний равишда ишдан бўшатиш, шундай қилмишлар учун маъмурий жазо қўлланилганидан кейин содир этилса, - (ЎзР 06.09.2017 й. ЎРҚ-442-сон Қонуни таҳриридаги диспозиция) (Олдинги таҳририга қаранг)

базавий ҳисоблаш миқдорининг йигирма беш бараваригача миқдорда жарима ёки уч йилгача муайян ҳуқуқдан маҳрум қилиш ёки уч йилгача ахлоқ тузатиш ишлари билан жазоланади. (ЎзР 03.12.2019 й. ЎРҚ-586-сон Қонуни таҳриридаги санкция)

Қаранг: Конституциянинг 37-моддаси; МЖтКнинг 49, 198-1-моддалари; МК 111-моддасининг биринчи қисми

Шунингдек қаранг: ОС Пленумининг 2009 йил 10 апрелдаги "Суд ҳужжатларини бажаришдан бўйин товлаш ва уларнинг ижро этилишига тўсқинлик қилиш учун жиноий жавобгарликка доир қонунларни қўллашнинг айрим масалалари тўғрисида"ги 7-сон Қарори 1-бандининг учинчи хатбоши, 7-банди

Аёлни ҳомиладорлиги ёки шахсни ёш болани парвариш қилаётганлигини била туриб, уни ишга олишдан ғайриқонуний равишда бош тортиш ёки ишдан бўшатиш - (ЎзР 05.10.2020 й. ЎРҚ-640-сон Қонуни таҳриридаги диспозиция)

базавий ҳисоблаш миқдорининг йигирма беш бараваригача миқдорда жарима ёки уч йилгача муайян ҳуқуқдан маҳрум қилиш ёхуд уч йилгача ахлоқ тузатиш ишлари билан жазоланади. (ЎзР 03.12.2019 й. ЎРҚ-586-сон Қонуни таҳриридаги санкция)

Қаранг: МКнинг 78, 224, 237-моддалари

148-1-модда. Вояга етмаган шахсларнинг меҳнатидан

фойдаланишга йўл қўйилмаслиги тўғрисидаги

талабларни бузиш

(ЎзР 22.01.2020 й. ЎРҚ-603-сон Қонунига мувофиқ киритилган модда)

Вояга етмаган шахс меҳнатидан унинг соғлиғига, хавфсизлигига ёки ахлоқ-одобига зиён етказиши мумкин бўлган ишларда фойдаланиш, худди шундай қилмиш учун маъмурий жазо қўлланилганидан кейин содир этилган бўлса, -

базавий ҳисоблаш миқдорининг йигирма беш бараваригача миқдорда жарима ёки уч йилгача муайян ҳуқуқдан маҳрум қилиш ёхуд уч йилгача ахлоқ тузатиш ишлари билан жазоланади.

148-2-модда. Меҳнатга маъмурий тарзда мажбурлаш

(ЎзР 22.01.2020 й. ЎРҚ-603-сон Қонунига мувофиқ киритилган модда)

Меҳнатга бирон-бир шаклда маъмурий тарзда мажбурлаш, бундан қонунда назарда тутилган ҳоллар мустасно, худди шундай қилмиш учун маъмурий жазо қўлланилганидан кейин содир этилган бўлса, -

базавий ҳисоблаш миқдорининг юз бараваридан бир юз эллик бараваригача миқдорда жарима ёки икки йилгача муайян ҳуқуқдан маҳрум қилиш ёхуд икки йилгача ахлоқ тузатиш ишлари билан жазоланади.

Худди шундай ҳаракат вояга етмаган шахсга нисбатан содир этилган бўлса, - (ЎзР 12.02.2021 й. ЎРҚ-673-сон Қонуни таҳриридаги диспозиция) (Олдинги таҳририга қаранг)

базавий ҳисоблаш миқдорининг бир юз эллик бараваридан икки юз бараваригача миқдорда жарима ёки уч йилгача муайян ҳуқуқдан маҳрум қилиш ёки уч йилгача ахлоқ тузатиш ишлари билан жазоланади.

Меҳнатга бирон-бир шаклда маъмурий тарзда мажбурлаш, бундан қонунда назарда тутилган ҳоллар мустасно, таълим ташкилотининг педагог ходимига нисбатан худди шундай қилмиш учун маъмурий жазо қўлланилганидан кейин содир этилган бўлса, -

базавий ҳисоблаш миқдорининг бир юз эллик бараваридан икки юз бараваригача миқдорда жарима ёки уч йилгача муайян ҳуқуқдан маҳрум қилиш ёхуд уч йилгача ахлоқ тузатиш ишлари билан жазоланади.

(ЎзР 27.03.2023 й. ЎРҚ-826-сон Қонунига мувофиқ киритилган қисм)

149-модда. Муаллифлик ёки ихтирочилик ҳуқуқларини бузиш

Тафаккур мулки объектига нисбатан муаллифлик ҳуқуқини ўзлаштириб олиш, ҳаммуаллифликка мажбурлаш, шунингдек тафаккур мулк объектлари тўғрисидаги маълумотларни улар расман рўйхатдан ўтказилгунга ёки эълон қилингунга қадар муаллифнинг розилигисиз ошкор қилиш -

базавий ҳисоблаш миқдорининг йигирма беш бараваридан етмиш беш бараваригача миқдорда жарима ёки беш йилгача муайян ҳуқуқдан маҳрум қилиш ёхуд уч юз олтмиш соатгача мажбурий жамоат ишлари ёки уч йилгача ахлоқ тузатиш ишлари билан жазоланади. (ЎзР 03.12.2019 й. ЎРҚ-586-сон Қонуни таҳриридаги санкция) (Олдинги таҳририга қаранг)

Қаранг: "Муаллифлик ҳуқуқи ва турдош ҳуқуқлар тўғрисида"ги Қонуннинг 61-моддаси; "Ихтиролар, фойдали моделлар ва саноат намуналари тўғрисида"ги Қонуннинг (Янги таҳрири) 39-моддаси

ИККИНЧИ БЎЛИМ. ТИНЧЛИК ВА

ХАВФСИЗЛИККА ҚАРШИ ЖИНОЯТЛАР

VIII боб. Тинчлик ва инсониятнинг хавфсизлигига

қарши жиноятлар (150-156-моддалар)

IX боб. Ўзбекистон Республикасига қарши

жиноятлар (157-163-моддалар)

VШ БОБ. ТИНЧЛИК ВА ИНСОНИЯТНИНГ

ХАВФСИЗЛИГИГА ҚАРШИ ЖИНОЯТЛАР

150-модда. Урушни тарғиб қилиш

151-модда. Агрессия

152-модда. Урушнинг қонун ва удумларини бузиш

153-модда. Геноцид

154-модда. Ёлланиш

154-1-модда. Чет давлатларнинг ҳарбий хизматига,

хавфсизлик, полиция, ҳарбий адлия органлари ёки шунга

ўхшаш бошқа органларига хизматга кириш, ёлланиш

155-модда. Терроризм

155-1-модда. Тайёрланаётган ёки содир этилган

террорчилик ҳаракатлари тўғрисидаги маълумотлар

ва фактларни хабар қилмаслик

155-2-модда. Террорчилик фаолиятини амалга ошириш

мақсадида ўқувдан ўтиш, чиқиш ёки ҳаракатланиш

155-3-модда. Терроризмни молиялаштириш

156-модда. Миллий, ирқий, этник ёки диний адоват қўзғатиш

150-модда. Урушни тарғиб қилиш

Урушни тарғиб қилиш, яъни бир мамлакатни иккинчи мамлакатга нисбатан қўзғатиш учун турли шаклдаги қарашлар, ғоялар ёки чақириқлар тарқатиш -

Қаранг: "Ноширлик фаолияти тўғрисида"ги Қонун 4-моддасининг биринчи қисми; "Оммавий ахборот воситалари тўғрисида"ги Қонун (Янги таҳрири) 6-моддаси биринчи қисмининг учинчи хатбоши; ВМ 2006 йил 24 февралдаги 33-сон Қарори билан тасдиқланган "Ўзбекистон Республикаси ҳудудида хорижий давлатлар оммавий ахборот воситалари мухбирларининг касб фаолиятини тартибга солувчи Асосий қоидалар" 21-бандининг иккинчи хатбоши

151-модда. Агрессия

Босқинчилик урушини режалаштириш ёки унга тайёргарлик кўриш, шунингдек шу ҳаракатларни амалга оширишга қаратилган фитнада қатнашиш -

Босқинчилик урушини бошлаш ва уни олиб бориш -

ўн беш йилдан йигирма йилгача озодликдан маҳрум қилиш билан жазоланади. (ЎзР 12.12.2003 й. 568-II-сон Қонуни таҳриридаги санкция) (Олдинги таҳририга қаранг)

152-модда. Урушнинг қонун ва удумларини бузиш

Тинч аҳолини ёки ҳарбий асирларни қийнаш, жисмонан қириб юбориш, тинч аҳолини мажбурий ишларга ёки бошқа мақсадларда ҳайдаб кетиш, халқаро ҳуқуқ билан таъқиқланган уруш олиб бориш воситаларини қўллаш, шаҳарлар ва аҳоли яшаш жойларини беҳуда вайрон қилиш, мулкни талон-торож қилиш, шунингдек бундай ҳаракатларни қилишга буйруқ беришда ифодаланган уруш қонун ва удумларини бузиш -

ўн йилдан йигирма йилгача озодликдан маҳрум қилиш билан жазоланади. (ЎзР 29.08.1998 й. 681-I-сон Қонуни таҳриридаги санкция) (ЎзР 29.08.2001 й. 254-II-сон Қонуни таҳриридаги санкция)

Қаранг: "NORMA" АҚТ қонунчилик Классификаторининг "Халқаро алоқалар" папкаси "Универсал характердаги халқаро ҳужжатлар" папакаси "Гуманитар ҳуқуқ" кичик папкаси

153-модда. Геноцид

Геноцид, яъни миллий, этник, ирқий ёки диний мансублигига қараб, бир гуруҳ шахснинг жисмонан тўла ёки қисман қирилиб кетишига олиб келадиган турмуш шароитини қасддан яратиш, бундай шахсларни жисмонан тўла ёки қисман қириб юбориш, бола туғилишини зўрлик билан камайтириш ёхуд болаларни ана шу одамлар гуруҳидан олиб, бошқасига топшириш, шунингдек бундай ҳаракатлар содир этиш тўғрисида буйруқ бериш -

ўн йилдан йигирма йилгача озодликдан маҳрум қилиш билан жазоланади. (ЎзР 12.12.2003 й. 568-II-сон Қонуни таҳриридаги санкция) (Олдинги таҳририга қаранг)

Қаранг: "Геноцид жиноятининг олдини олиш ва бундай жиноят учун жазо тўғрисида"ги Конвенция (09.12.1948 й., Нью-Йорк) (ҳужжат рус тилида келтирилган)

154-модда. Ёлланиш

Ёлланиш, яъни низолашаётган давлатнинг фуқароси ёки ҳарбий хизматчиси ҳисобланмаган ёхуд назорат қилиниб турган низолашаётган давлат ҳудудида доимий яшамайдиган ёки ҳеч қандай давлат томонидан қуролли кучлар таркибида расмий топшириқни бажариш ваколати берилмаган шахснинг моддий манфаатдорлик ёки бошқа бирон шахсий манфаатни кўзлаб, ўзга давлат ҳудудида ёки унинг тарафини олиб қуролли тўқнашувда ёхуд ҳарбий ҳаракатларда қатнашиш учун ёлланиши -

Қаранг: Халқаро қуролли можаролар қурбонларини ҳимоя қилишга тааллуқли, 1949 йил 12 августда қабул қилинган Женева конвенциясига доир 1977 йил 26 сентябрдаги қўшимча протокол (I протокол)нинг 47-моддаси (ҳужжат рус тилида келтирилган)

Ёлланма шахсни ёллаш, ўқитиш, молиялаштириш ёки унга бошқа моддий таъминот бериш, худди шунингдек ундан ҳарбий тўқнашув ёки ҳарбий ҳаракатларда фойдаланиш -

етти йилдан ўн икки йилгача озодликдан маҳрум қилиш билан жазоланади. (ЎзР 30.08.2003 й. 535-II-сон Қонунига мувофиқ киритилган қисм)

Қаранг: "Ёлланма жиноятчиларни ёллаш, улардан фойдаланиш, молиявий таъминлаш ва ўқитишга қарши кураш тўғрисида"ги Халқаро Конвенция (04.12.1989 й., Нью-Йорк) (ҳужжат рус тилида келтирилган)

154-1-модда. Чет давлатларнинг ҳарбий хизматига,

хавфсизлик, полиция, ҳарбий адлия органлари

ёки шунга ўхшаш бошқа органларига

хизматга кириш, ёлланиш

(ЎзР 30.08.2003 й. 535-II-сон Қонунига мувофиқ киритилган модда)

Ўзбекистон Республикаси фуқаросининг чет давлатларнинг ҳарбий хизматига, хавфсизлик, полиция, ҳарбий адлия органлари ёки шунга ўхшаш бошқа органларига хизматга кириши -

базавий ҳисоблаш миқдорининг уч юз бараваригача миқдорда жарима ёки уч йилгача ахлоқ тузатиш ишлари билан жазоланади. (ЎзР 03.12.2019 й. ЎРҚ-586-сон Қонуни таҳриридаги санкция)

Қаранг: "Умумий ҳарбий мажбурият ва ҳарбий хизмат тўғрисида"ги Қонун 3-моддасининг тўккизинчи қисми

Ўзбекистон Республикаси фуқаросининг чет давлатларнинг ҳарбий хизматига, хавфсизлик, полиция, ҳарбий адлия органлари ёки шунга ўхшаш бошқа органларига хизматга ёлланиши -

155-модда. Терроризм

Терроризм - халқаро муносабатларни мураккаблаштириш, давлатнинг суверенитетини, ҳудудий яхлитлигини бузиш, хавфсизлигига путур етказиш, уруш ва қуролли можаролар чиқариш, ижтимоий-сиёсий вазиятни беқарорлаштириш, аҳолини қўрқитиш мақсадида давлат органини, халқаро ташкилотни, уларнинг мансабдор шахсларини, жисмоний ёки юридик шахсни бирон бир фаолиятни амалга оширишга ёки амалга оширишдан тийилишга мажбур қилиш учун зўрлик, куч ишлатиш, шахс ёки мол-мулкка хавф туғдирувчи бошқа қилмишлар ёхуд уларни амалга ошириш таҳдиди - (ЎзР 25.04.2016 й. ЎРҚ-405-сон Қонуни таҳриридаги диспозиция) (Олдинги таҳририга қаранг)

саккиз йилдан ўн йилгача озодликдан маҳрум қилиш билан жазоланади. (ЎзР 29.08.2001 й. 254-II-сон Қонуни таҳриридаги қисм)

Қаранг: "Терроризмга қарши кураш тўғрисида"ги Қонун 2-моддасининг учинчи хатбоши, 28-моддасининг биринчи қисми

Вазиятни беқарорлаштириш ёки давлат органлари томонидан қарор қабул қилинишига таъсир кўрсатиш ёхуд сиёсий ёки бошқа ижтимоий фаолиятга тўсқинлик қилиш мақсадида давлат ёки жамоат арбоби ёхуд ҳокимият вакилининг давлат ёки жамоатчилик фаолияти муносабати билан унинг ҳаётига суиқасд қилиш ёки унинг баданига шикаст етказиш -

ўн йилдан ўн беш йилгача озодликдан маҳрум қилиш билан жазоланади. (ЎзР 29.08.2001 й. 254-II-сон Қонуни таҳриридаги қисм)

Ушбу модданинг биринчи ёки иккинчи қисмида назарда тутилган ҳаракатлар:

а) одам ўлишига;

б) бошқа оғир оқибатларнинг келиб чиқишига сабаб бўлса, -

Шунингдек қаранг: ОС Пленумининг 2007 йил 14 ноябрдаги "Умрбод озодликдан маҳрум қилиш тариқасидаги жазони қўллашнинг айрим масалалари тўғрисида"ги 15-сон Қарори 1-бандининг иккинчи хатбоши, 5-бандининг тўртинчи хатбоши

Терроризмни тайёрлашда иштирок этган шахс, агар у ҳокимият органларига ўз вақтида хабар бериш ёки бошқа усул билан оғир оқибатлар юзага келишининг ҳамда террорчилар мақсадлари амалга оширилишининг олдини олишга фаол кўмаклашган бўлса, башарти бу шахснинг ҳаракатларида жиноятнинг бошқа таркиби бўлмаса, жиноий жавобгарликдан озод этилади. (ЎзР 29.08.2001 й. 254-II-сон Қонунига мувофиқ киритилган қисм)

Қаранг: "Терроризмга қарши кураш тўғрисида"ги Қонун 28-моддасининг иккинчи қисми

155-1-модда. Тайёрланаётган ёки содир этилган

террорчилик ҳаракатлари тўғрисидаги маълумотлар

ва фактларни хабар қилмаслик

(ЎзР 20.01.2014 й. ЎРҚ-365-сон Қонунига мувофиқ киритилган модда)

Ушбу Кодекснинг 155, 155-2, 155-3, 158, 159, 161, 242, 245, 254, 255-1 ва (ёки) 264-моддаларида назарда тутилган, дастлабки тергов ҳамда суд муҳокамаси материаллари билан исботланган, аниқ маълум бўлган тайёрланаётган ёки содир этилган террорчилик хусусиятига эга жиноят тўғрисида хабар қилмаслик, - (ЎзР 25.04.2016 й. ЎРҚ-405-сон Қонуни таҳриридаги диспозиция)

базавий ҳисоблаш миқдорининг юз бараваридан уч юз бараваригача миқдорда жарима ёки уч йилгача ахлоқ тузатиш ишлари ёки уч йилдан беш йилгача озодликни чеклаш ёхуд уч йилдан беш йилгача озодликдан маҳрум қилиш билан жазоланади. (ЎзР 03.12.2019 й. ЎРҚ-586-сон Қонуни таҳриридаги санкция) (Олдинги таҳририга қаранг)

Террорчилик хусусиятига эга жиноятларга нисбатан ўша қилмиш:

а) одам ўлишига;

б) бошқа оғир оқибатларнинг келиб чиқишига сабаб бўлса, -

базавий ҳисоблаш миқдорининг уч юз бараваридан олти юз бараваригача миқдорда жарима ёки беш йилдан етти йилгача озодликдан маҳрум қилиш билан жазоланади. (ЎзР 03.12.2019 й. ЎРҚ-586-сон Қонуни таҳриридаги санкция)

Қаранг: ЖКнинг 31-моддаси

155-2-модда. Террорчилик фаолиятини амалга ошириш

мақсадида ўқувдан ўтиш, чиқиш ёки ҳаракатланиш

(ЎзР 25.04.2016 й. ЎРҚ-405-сон Қонуни таҳриридаги модда номи)

Шахснинг террорчилик фаолиятини амалга ошириш ёхуд ушбу Кодекснинг 155, 158, 159, 161, 242, 245, 254, 255-1 ва (ёки) 264-моддаларида назарда тутилган жиноятлардан бирини содир этиш мақсадида ўтказилаётганлиги ўзи учун аён бўлган ўқувдан ўтиши, шу жумладан мазкур жиноятларни содир этиш билимини, амалий маҳоратини ва кўникмаларини эгаллаши, ўқув чоғида қурол-яроғ, портлатиш қурилмалари, портловчи, заҳарловчи, атрофдагилар учун хавф туғдирадиган бошқа моддалар ва буюмлар билан муомала қилиш усулларини ўрганиши, шунингдек террорчилик фаолиятида иштирок этиш учун хорижга чиқиб кетиши ёхуд Ўзбекистон Республикаси ҳудуди орқали ҳаракатланиши, - (ЎзР 25.04.2016 й. ЎРҚ-405-сон Қонуни таҳриридаги диспозиция)

базавий ҳисоблаш миқдорининг уч юз бараваридан олти юз бараваригача миқдорда жарима ёки уч йилгача ахлоқ тузатиш ишлари ёхуд беш йилдан етти йилгача озодликдан маҳрум қилиш билан жазоланади. (ЎзР 03.12.2019 й. ЎРҚ-586-сон Қонуни таҳриридаги санкция)

Террорчилик фаолиятини амалга ошириш учун ўқувдан ўтиш ёки террорчилик фаолиятида иштирок этиш учун хорижга чиқиб кетиш ёхуд Ўзбекистон Республикаси ҳудуди орқали ҳаракатланиш мақсадида шахсларни ёллаш -

саккиз йилдан ўн йилгача озодликдан маҳрум қилиш билан жазоланади.

(ЎзР 25.04.2016 й. ЎРҚ-405-сон Қонунига мувофиқ киритилган қисм)

ЎзР 25.04.2016 й. ЎРҚ-405-сон Қонунига мувофиқ иккинчи қисми учинчи қисм деб ҳисоблансин

Ушбу моддада назарда тутилган жиноятни содир этган шахс, агар у террорчилик фаолиятини амалга ошириш ёхуд ушбу Кодекснинг 155, 158, 159, 161, 242, 245, 254, 255-1 ва (ёки) 264-моддаларида назарда тутилган жиноятлардан бирини содир этиш мақсадида ўтказилаётганлиги ўзи учун аён бўлган ўқувдан ўтганлиги, чиқиб кетишга ёки ҳаракатланишга уринганлиги тўғрисида ҳокимият органларига ихтиёрий равишда хабар қилса, содир этилган жиноятни фош қилишга ёки бундай ўқувдан ўтган, чиқиб кетишни, ҳаракатланишни ёки ўқувни амалга оширган, ташкил этган ёхуд молиялаштирган бошқа шахсларни, шунингдек ўқув ўтказилган жойни аниқлашга фаол кўмаклашса ва агар унинг ҳаракатларида жиноятнинг бошқа таркиби мавжуд бўлмаса, жиноий жавобгарликдан озод қилинади. (ЎзР 25.04.2016 й. ЎРҚ-405-сон Қонуни таҳриридаги қисм)

(ЎзР 20.01.2014 й. ЎРҚ-365-сон Қонунига мувофиқ киритилган модда)

155-3-модда. Терроризмни молиялаштириш

(ЎзР 25.04.2016 й. ЎРҚ-405-сон Қонунига мувофиқ киритилган модда)

Терроризмни молиялаштириш, яъни террорчилик ташкилотининг мавжуд бўлишини, фаолият кўрсатишини, молиялаштирилишини, террорчилик фаолиятида иштирок этиш учун хорижга чиқиб кетишни ёки Ўзбекистон Республикаси ҳудуди орқали ҳаракатланишни таъминлашга, террорчилик ҳаракатини тайёрлаш ва содир этишга, террорчилик ташкилотларига ёхуд террорчилик фаолиятига кўмаклашаётган ёки бундай фаолиятда иштирок этаётган шахсларга бевосита ёки билвосита ҳар қандай маблағ-воситаларни, ресурсларни беришга ёки йиғишга, бошқа хизматлар кўрсатишга қаратилган фаолият -

саккиз йилдан ўн йилгача озодликдан маҳрум қилиш билан жазоланади.

Ўша ҳаракатлар:

а) такроран ёки хавфли рецидивист томонидан;

б) мансабдор шахс томонидан;

в) уюшган гуруҳ томонидан содир этилган бўлса, -

ўн йилдан ўн беш йилгача озодликдан маҳрум қилиш билан жазоланади.

Терроризмни молиялаштиришда иштирок этган шахс, агар у ҳокимият органларига ўз вақтида хабар бериш ёки бошқа усул билан оғир оқибатлар юзага келишининг ҳамда террорчилар мақсадлари амалга оширилишининг олдини олишга фаол кўмаклашган бўлса, башарти бу шахснинг ҳаракатларида жиноятнинг бошқа таркиби бўлмаса, жиноий жавобгарликдан озод этилади.

Қаранг: "Терроризмга қарши кураш тўғрисида"ги Қонун 2-моддасининг тўртинчи хатбоши; "Жиноий фаолиятдан олинган даромадларни легаллаштиришга, терроризмни молиялаштиришга ва оммавий қирғин қуролини тарқатишни молиялаштиришга қарши курашиш тўғрисида"ги Қонун 3-моддасининг олтинчи хатбоши

156-модда. Миллий, ирқий, этник ёки диний адоват қўзғатиш

(ЎзР 22.06.2006 й. ЎРҚ-37-сон Қонуни таҳриридаги модда)

(Олдинги таҳририга қаранг)

Миллий, ирқий, этник ёки диний адоватни тарғиб қилувчи материалларни тарқатиш мақсадида тайёрлаш, сақлаш ёки тарқатиш, шундай қилмишлар учун маъмурий жазо қўлланилганидан кейин содир этилган бўлса, -

базавий ҳисоблаш миқдорининг уч юз бараваридан олти юз бараваригача миқдорда жарима ёки икки йилдан уч йилгача ахлоқ тузатиш ишлари ёки бир йилдан уч йилгача озодликни чеклаш ёхуд бир йилдан уч йилгача озодликдан маҳрум қилиш билан жазоланади. (ЎзР 31.10.2023 й. ЎРҚ-874-сон Қонуни таҳриридаги санкция) (Олдинги таҳририга қаранг)

Қаранг: МЖТКнинг 184-3-моддаси; "Ноширлик фаолияти тўғрисида"ги Қонун 4-моддасининг биринчи қисми; "Оммавий ахборот воситалари тўғрисида"ги Қонун (Янги таҳрири) 6-моддаси биринчи қисмининг бешинчи хатбоши; "Виждон эркинлиги ва диний ташкилотлар тўғрисида"ги Қонуннинг (Янги таҳрири) 19-моддаси

Миллий, ирқий, этник ёки диний мансублигига қараб, аҳоли гуруҳларига нисбатан адоват, муросасизлик ёки нифоқ келтириб чиқариш мақсадида миллий шаън-шараф ва қадр-қимматни камситишга, диний эътиқодига ёки дахрийлигига қараб, фуқароларнинг ҳис-туйғуларини ҳақоратлашга қаратилган қасддан қилинган ҳаракатлар, шунингдек миллий, ирқий, этник ёки диний мансублигига қараб, фуқароларнинг устунлигини ёки нуқсонли эканлигини тарғиб қилиш, худди шунингдек миллий, ирқий, этник мансублигига ёки динга муносабатига қараб, фуқароларнинг ҳуқуқларини бевосита ёки билвосита чеклаш ёхуд уларга бевосита ёки билвосита афзалликлар бериш, -

уч йилдан беш йилгача озодликни чеклаш ёхуд уч йилдан беш йилгача озодликдан маҳрум қилиш билан жазоланади.

(ЎзР 31.10.2023 й. ЎРҚ-874-сон Қонуни таҳриридаги қисм) (Олдинги таҳририга қаранг)

Ушбу модданинг биринчи ёки иккинчи қисмида назарда тутилган ҳаракатлар:

а) бошқа шахсларнинг ҳаёти учун хавфли усулда;

б) баданга оғир шикаст етказган ҳолда;

в) фуқароларни доимий яшаш жойидан зўрлик ишлатиб кўчирган ҳолда;

г) мансабдор шахс томонидан; (ЎзР 20.08.2015 й. ЎРҚ-391-сон Қонуни таҳриридаги банд) (Олдинги таҳририга қаранг)

д) бир гуруҳ шахслар томонидан олдиндан тил бириктириб содир этилган бўлса, -

беш йилдан ўн йилгача озодликдан маҳрум қилиш билан жазоланади.

IХ БОБ. ЎЗБЕКИСТОН РЕСПУБЛИКАСИГА

ҚАРШИ ЖИНОЯТЛАР

157-модда. Давлатга хоинлик қилиш

158-модда. Ўзбекистон Республикаси

Президентига тажовуз қилиш

159-модда. Ўзбекистон Республикасининг

конституциявий тизимига тажовуз қилиш

160-модда. Жосуслик

161-модда. Қўпорувчилик

162-модда. Давлат сирларини ошкор қилиш

163-модда. Давлат сири ёки ҳарбий сир

ҳисобланган ҳужжатларини йўқотиш

157-модда. Давлатга хоинлик қилиш

Давлатга хоинлик қилиш, яъни Ўзбекистон Республикасининг фуқароси томонидан жосуслик, чет эл давлатига, чет эл ташкилотига ёки уларнинг вакилларига давлат сирларини етказиш ёхуд Ўзбекистон Республикасига қарши душманлик фаолияти олиб боришда бошқача ёрдам кўрсатиш йўли билан Ўзбекистон Республикасининг суверенитетига, ҳудудий дахлсизлигига, хавфсизлигига, мудофаа салоҳиятига, иқтисодиётига зарар етказишга қаратилган қасддан содир этилган қилмиш - (ЎзР 23.09.2016 й. ЎРҚ-411-сон Қонуни таҳриридаги диспозиция) (Олдинги таҳририга қаранг)

ўн йилдан йигирма йилгача озодликдан маҳрум қилиш билан жазоланади. (ЎзР 29.08.2001 й. 254-II-сон Қонуни таҳриридаги санкция)

Қаранг: "Давлат сирларини сақлаш тўғрисида"ги Қонун 6-моддасининг иккинчи қисми, 10-моддаси

Чет эл давлат ёки ташкилоти томонидан Ўзбекистон Республикасига қарши қаратилган давлатга зарар етказувчи фаолиятни амалга оширишда ҳамкорлик қилиш учун жалб қилинган Ўзбекистон Республикасининг фуқароси ўзининг бундай ҳамкорлиги тўғрисида ҳокимият органларига ихтиёрий равишда арз қилса, унинг фаолияти эса республика манфаатларига зарар етказмаган бўлса, жавобгарликдан озод қилинади.

Башарти, Ўзбекистон Республикасининг фуқароси, ўз қилмиши тўғрисида ҳокимият органларига ихтиёрий равишда хабар қилиб, жиноятни очишга фаол ёрдам берган ва бунинг натижасида давлат учун келиб чиқиши мумкин бўлган оғир оқибатларнинг олди олинган бўлса, жазодан озод қилинади.

158-модда. Ўзбекистон Республикаси

Президентига тажовуз қилиш

Ўзбекистон Республикаси Президентининг ҳаётига тажовуз қилиш -

Ўзбекистон Республикаси Президенти баданига қасддан шикаст етказиш -

Ўзбекистон Республикаси Президентини омма олдида ҳақоратлаш ёки унга туҳмат қилиш, шунингдек матбуот ёки бошқа оммавий ахборот воситаларидан телекоммуникация тармоқларидан ёки Интернет бутунжаҳон ахборот тармоғидан фойдаланган ҳолда уни ҳақоратлаш ёки унга туҳмат қилиш - (ЎзР 30.03.2021 й. ЎРҚ-679-сон Қонуни таҳриридаги диспозиция)

уч йилгача ахлоқ тузатиш ишлари ёки икки йилдан беш йилгача озодликни чеклаш ёхуд беш йилгача озодликдан маҳрум қилиш билан жазоланади. (ЎзР 29.03.2017 й. ЎРҚ-421-сон Қонуни таҳриридаги санкция) (Олдинги таҳририга қаранг)

Қаранг: Конституция 91-моддасининг иккинчи қисми; "Ўзбекистон Республикаси Президенти фаолиятининг асосий кафолатлари тўғрисида"ги Қонуннинг 2-моддаси

159-модда. Ўзбекистон Республикасининг

конституциявий тузумига тажовуз қилиш

Ўзбекистон Республикасининг амалдаги давлат тузумини Конституцияга хилоф тарзда ўзгартиришга, ҳокимиятни босиб олишга ёхуд қонуний равишда сайлаб қўйилган ёки тайинланган ҳокимият вакилларини ҳокимиятдан четлатишга ёхуд Ўзбекистон Республикаси ҳудудий яхлитлигини Конституцияга хилоф тарзда бузишга очиқдан-очиқ даъват қилиш, шунингдек бундай мазмундаги материалларни тарқатиш мақсадида тайёрлаш, сақлаш ёки тарқатиш -

базавий ҳисоблаш миқдорининг олти юз бараваригача миқдорда жарима ёки икки йилдан беш йилгача озодликни чеклаш ёхуд беш йилгача озодликдан маҳрум қилиш билан жазоланади. (ЎзР 03.12.2019 й. ЎРҚ-586-сон Қонуни таҳриридаги санкция) (Олдинги таҳририга қаранг)

(ЎзР 22.06.2006 й. ЎРҚ-37-сон Қонуни таҳриридаги қисм) (Олдинги таҳририга қаранг)

Ҳокимият конституциявий органларининг қонуний фаолиятига тўсқинлик қилиш ёки уларни Конституцияда назарда тутилмаган параллел ҳокимият тузилмалари билан алмаштиришга қаратилган зўравонлик ҳаракатлари, шунингдек давлат ҳокимияти ваколатли органларининг Ўзбекистон Конституциясида назарда тутилмаган тартибда тузилган ҳокимият тузилмаларини тарқатиб юбориш тўғрисидаги қарорларини белгиланган муддатда бажармаслик -

базавий ҳисоблаш миқдорининг икки юз бараваридан олти юз бараваригача миқдорда жарима ёки уч йилдан беш йилгача озодликни чеклаш ёхуд уч йилдан беш йилгача озодликдан маҳрум қилиш билан жазоланади. (ЎзР 03.12.2019 й. ЎРҚ-586-сон Қонуни таҳриридаги санкция) (Олдинги таҳририга қаранг)

Қаранг: Конституция 7-моддасининг учинчи қисми; "Ҳокимиятнинг конституциявий идораларини қўриқлаш тўғрисида"ги Қонун

Ушбу модданинг биринчи ёки иккинчи қисмида назарда тутилган қилмишлар:

а) такроран ёки хавфли рецидивист томонидан;

б) уюшган гуруҳ томонидан ёки унинг манфаатларини кўзлаган ҳолда содир этилган бўлса, -

беш йилдан ўн йилгача озодликдан маҳрум қилиш билан жазоланади.

Ҳокимиятни босиб олиш ёки Ўзбекистон Республикаси конституциявий тузумини ағдариб ташлаш мақсадида фитна уюштириш -

Фитна тўғрисида ҳокимият органларига ихтиёрий равишда хабар берган шахс, башарти, кўрилган чоралар натижасида фитнанинг олди олинган бўлса, жазодан озод қилинади.

Шунингдек қаранг: ОС Пленумининг 1996 йил 20 декабрдаги "Республика судлари томонидан оммавий тартибсизликлар учун жавобгарлик тўғрисидаги қонунларни қўллаш амалиёти билан боғлиқ айрим масалалар тўғрисида"ги 38-сон Қарорининг 2-банди

160-модда. Жосуслик

Чет эл фуқароси ёки фуқаролиги бўлмаган шахснинг давлат сири ҳисобланган маълумотларни чет эл давлати, чет эл ташкилоти ёки уларнинг агентурасига етказиши, худди шунингдек етказиш мақсадида қўлга киритиши, йиғиши ёки сақлаши, шунингдек чет эл разведкасининг топшириғи бўйича Ўзбекистон Республикасига зарар етказишда фойдаланиш учун бошқа маълумотларни етказиши ёки йиғиши - (ЎзР 12.12.2003 й. 568-II-сон Қонуни таҳриридаги диспозиция) (Олдинги таҳририга қаранг)

Чет эл разведкаси билан ҳамкорлик қилишга жалб қилинган шахс, башарти, ўзига юклатилган топшириқни бажариш юзасидан ҳеч қандай ҳаракат содир этмасдан, бу ҳақда ўз ихтиёри билан ҳокимият органларига хабар берса, жавобгарликдан озод қилинади.

Ўзининг жиноий фаолиятини ихтиёрий равишда тўхтатган ва қилмиши тўғрисида ҳокимият органларига маълум қилиб, жиноятнинг очилишига фаол ёрдам берган шахс, башарти, давлат учун келиб чиқиши мумкин бўлган оғир оқибатларнинг олди олинган бўлса, жазодан озод қилинади.

Қаранг: "Уруш вақтида фуқаро аҳолини ҳимоя қилиш тўғрисида" 1949 йил 12 августда қабул қилинган Женева конвенцияси 68-моддасининг иккинчи қисми (ҳужжат рус тилида келтирилган); Халқаро қуролли можаролар қурбонларини ҳимоя қилишга тааллуқли, 1949 йил 12 августда қабул қилинган Женева конвенциясига доир 1977 йил 26 сентябрдаги қўшимча протокол (I протокол)нинг 46-моддаси (ҳужжат рус тилида келтирилган)

161-модда. Қўпорувчилик

Қўпорувчилик, яъни Ўзбекистон Республикасининг давлат органлари фаолияти ёки ижтимоий-сиёсий вазиятнинг барқарорлигига ёки иқтисодиётига путур етказиш мақсадида одамларни қириб юбориш, уларнинг соғлиғига зиён, мулкка шикаст етказиш ёки уни нобуд қилишга қаратилган ҳаракатлар -

162-модда. Давлат сирларини ошкор қилиш

Давлат сирларини ошкор қилиш ёки ўзгага бериш, яъни давлат сири, ҳарбий сир ёки хизмат сири ҳисобланган маълумотларнинг, бу маълумотлар ишониб топширилган ёки хизмати ёхуд касб фаолияти юзасидан улардан хабардор бўлган шахс томонидан ошкор қилиниши, башарти, бу қилмишда давлатга хоинлик аломатлари бўлмаса, -

Қаранг: "Давлат сирларини сақлаш тўғрисида"ги Қонуннинг 10-моддаси

Ўша ҳаракатлар оғир оқибатлар келиб чиқишига сабаб бўлса, -

беш йилдан саккиз йилгача озодликдан маҳрум қилиш билан жазоланади.

163-модда. Давлат сири ёки ҳарбий сир

ҳисобланган ҳужжатларни йўқотиш

Ҳужжатларнинг, шунингдек ашё ёки моддаларнинг, агар улар ҳақидаги маълумот давлат сири ёки ҳарбий сирни ифодаласа, хизмат ёки касб фаолияти юзасидан ишониб топширилган шахс томонидан йўқотилиши, башарти, бу йўқотиш ана шу ҳужжатлар, ашё ёки моддалар билан муомалада бўлиш қоидаларини бузиш натижасида рўй берган бўлса, -

Қаранг: "Давлат сирларини сақлаш тўғрисида"ги Қонуннинг 10-моддаси

Ўша ҳаракатлар оғир оқибатлар келиб чиқишига сабаб бўлса, -

УЧИНЧИ БЎЛИМ. ИҚТИСОДИЁТ

СОҲАСИДАГИ ЖИНОЯТЛАР

X боб. Ўзгалар мулкини талон-торож қилиш (164-169-моддалар)

XI боб. Ўзгалар мулкини талон-торож қилиш билан

боғлиқ бўлмаган жиноятлар (170-174-моддалар)

XII боб. Иқтисодиёт асосларига қарши

жиноятлар (175-185-2-моддалар)

XIII боб. Хўжалик фаолияти соҳасидаги

жиноятлар (186-192-моддалар)

XIII-1 боб. Тадбиркорлик фаолиятига тўсқинлик қилиш,

қонунга хилоф равишда аралашиш билан боғлиқ жиноятлар

ҳамда хўжалик юритувчи субъектларнинг ҳуқуқлари

ва қонуний манфаатларига тажовуз қиладиган

бошқа жиноятлар (192-1-192-12-моддалар)

Х БОБ. ЎЗГАЛАР МУЛКИНИ

ТАЛОН-ТОРОЖ ҚИЛИШ

164-модда. Босқинчилик

165-модда. Товламачилик

166-модда. Талончилик

167-модда. Ўзлаштириш ёки растрата

йўли билан талон-торож қилиш

168-модда. Фирибгарлик

169-модда. Ўғрилик

164-модда. Босқинчилик

Босқинчилик, яъни ўзганинг мол-мулкини талон-торож қилиш мақсадида ҳужум қилиб, ҳаёт ёки соғлиқ учун хавфли бўлган зўрлик ишлатиб ёхуд шундай зўрлик ишлатиш билан қўрқитиб содир этилган бўлса, - (ЎзР 30.08.1997 й. 485-I-сон Қонуни таҳриридаги диспозиция)

Шунингдек қаранг: ОС Пленумининг 1999 йил 30 апрелдаги "Ўзгалар мулкини ўғрилик, талончилик ва босқинчилик билан талон-торож қилиш жиноят ишлари бўйича суд амалиёти тўғрисида"ги 6-сон Қарори 2-бандининг биринчи, иккинчи хатбошилари, 4-6-бандлари; ОС Пленумининг 2004 йил 21 майдаги "Жазоларни либераллаштириш тўғрисидаги қонунни иқтисодиёт соҳасидаги жиноятларга нисбатан қўллашнинг айрим масалалари ҳақида"ги 4-сон Қарорининг 4-банди

Босқинчилик:

а) қурол ёки қурол сифатида фойдаланиш мумкин бўлган бошқа нарсаларни ишлатиб;

б) бир гуруҳ шахслар томонидан олдиндан тил бириктириб;

в) анча миқдордаги мулкни талон-торож қилиш билан боғлиқ ҳолда содир этилган бўлса, -

саккиз йилдан ўн йилгача озодликдан маҳрум қилиш билан жазоланади.

Босқинчилик:

а) такроран, хавфли рецидивист ёки илгари ушбу Кодекснинг 242-моддасида назарда тутилган жиноятни содир этган шахс томонидан;

б) кўп миқдорда;

в) уй-жойга, омборхона ёки бошқа биноларга ғайриқонуний равишда кирган ҳолда;

г) баданга оғир шикаст етказган ҳолда содир этилган бўлса, -

ўн йилдан ўн беш йилгача озодликдан маҳрум қилиш билан жазоланади.

Босқинчилик:

а) жуда кўп миқдорда;

б) ўта хавфли рецидивист томонидан;

в) уюшган гуруҳ томонидан ёки унинг манфаатларини кўзлаб содир этилган бўлса, -

ўн беш йилдан йигирма йилгача озодликдан маҳрум қилиш билан жазоланади. (ЎзР 29.08.2001 й. 254-II-сон Қонуни таҳриридаги санкция)

Шунингдек қаранг: ОС Пленумининг 1999 йил 30 апрелдаги "Ўзгалар мулкини ўғрилик, талончилик ва босқинчилик билан талон-торож қилиш жиноят ишлари бўйича суд амалиёти тўғрисида"ги 6-сон Қарорининг 8-банди; ОС Пленумининг 2000 йил 28 апрелдаги "Валюта қимматликларини қонунга хилоф равишда олиш ёки ўтказишга доир ишлар юзасидан суд амалиёти тўғрисида"ги 8-сон Қарорининг 10-банди

165-модда. Товламачилик

Товламачилик, яъни жабрланувчига ёки унинг яқин кишиларига зўрлик ишлатиш, мулкига шикаст етказиш ёки уни нобуд қилиш ёхуд жабрланувчининг ахборот ресурсини йўқ қилиш, ўзгартириш, эгаллаб олиш ёки тўсиб қўйиш ёки жабрланувчи учун сир сақланиши лозим бўлган маълумотларни ошкор қилиш, уни шарманда қиладиган уйдирмалар тарқатиш билан қўрқитиб ўзгадан мулкни ёки мулкий ҳуқуқни топширишни, мулкий манфаатлар беришни ёхуд мулкий йўсиндаги ҳаракатлар содир этишни талаб қилиш ёхуд жабрланувчини ўзининг мулкини ёки мулкка бўлган ҳуқуқини беришга мажбур қиладиган шароитга солиб қўйиш - (ЎзР 19.01.2024 й. ЎРҚ-899-сон Қонуни таҳриридаги диспозиция) (Олдинги таҳририга қаранг)

Шунингдек қаранг: ОС Пленумининг 1996 йил 15 мартдаги "Савдо соҳасидаги жиноятлар ва бошқа ҳуқуқбузарликлар тўғрисидаги ишлар бўйича суд амалиёти ҳақида"ги 9-сон Қарорининг 3-банди; ОС Пленумининг 1998 йил 17 апрелдаги "Иқтисодиёт соҳасидаги жиноий ишлар бўйича суд амалиётида юзага келган айрим масалалар тўғрисида"ги 11-сон Қарорининг 12-банди; ОС Пленумининг 1999 йил 30 апрелдаги "Ўзгалар мулкини ўғрилик, талончилик ва босқинчилик билан талон-торож қилиш жиноят ишлари бўйича суд амалиёти тўғрисида"ги 6-сон Қарорининг 4-банди; ОС Пленумининг 2004 йил 21 майдаги "Жазоларни либераллаштириш тўғрисидаги қонунни иқтисодиёт соҳасидаги жиноятларга нисбатан қўллашнинг айрим масалалари ҳақида"ги 4-сон Қарорининг 4-банди

Товламачилик:

а) такроран ёки хавфли рецидивист томонидан;

б) кўп миқдорда;

в) бир гуруҳ шахслар томонидан олдиндан тил бириктириб содир этилган бўлса, -

Товламачилик:

а) жуда кўп миқдорда;

б) ўта хавфли рецидивист томонидан:

в) уюшган гуруҳ томонидан ёки унинг манфаатларини кўзлаб содир этилган бўлса, -

Шунингдек қаранг: ОС Пленумининг 1996 йил 27 февралдаги "Қонунга хилоф равишда қуролга эгалик қилиш тўғрисидаги ишлар бўйича суд амалиёти ҳақида"ги 3-сон Қарори 7-бандининг иккинчи хатбоши; ОС Пленумининг 2000 йил 28 апрелдаги "Валюта қимматликларини қонунга хилоф равишда олиш ёки ўтказишга доир ишлар юзасидан суд амалиёти тўғрисида"ги 8-сон Қарорининг 10-банди; ОС Пленумининг 2023 йил 23 июндаги "Фирибгарликка оид ишлар бўйича суд амалиёти тўгрисида"ги 17-сон Қарори 26-бандининг учинчи хатбоши

166-модда. Талончилик

Талончилик, яъни ўзганинг мулкини очиқдан-очиқ талон-торож қилиш -

Талончилик:

а) ҳаёт ва соғлиқ учун хавфли бўлмаган зўрлик ишлатиб ёхуд шундай зўрлик ишлатиш билан қўрқитиб;

б) анча миқдорда;

в) бир гуруҳ шахслар томонидан олдиндан тил бириктириб содир этилган бўлса, - (ЎзР 30.08.1997 й. 485-I-сон Қонуни таҳриридаги диспозиция)

Талончилик:

а) такроран ёки хавфли рецидивист томонидан;

б) уй-жойга, омборхона ёки бошқа хонага ғайриқонуний равишда кириб;

в) кўп миқдорда содир этилган бўлса - (ЎзР 30.08.1997 й. 485-I-сон Қонуни таҳриридаги диспозиция)

Талончилик:

а) жуда кўп миқдорда;

б) ўта хавфли рецидивист томонидан;

в) уюшган гуруҳ томонидан ёки унинг манфаатларини кўзлаб содир этилган бўлса, -

Шунингдек қаранг: ОС Пленумининг 1996 йил 27 февралдаги "Қонунга хилоф равишда қуролга эгалик қилиш тўғрисидаги ишлар бўйича суд амалиёти ҳақида"ги 3-сон Қарори 7-бандининг иккинчи хатбоши; ОС Пленумининг 1999 йил 30 апрелдаги "Ўзгалар мулкини ўғрилик, талончилик ва босқинчилик билан талон-торож қилиш жиноят ишлари бўйича суд амалиёти тўғрисида"ги 6-сон Қарорининг 8-банди; ОС Пленумининг 2000 йил 28 апрелдаги "Валюта қимматликларини қонунга хилоф равишда олиш ёки ўтказишга доир ишлар юзасидан суд амалиёти тўғрисида"ги 8-сон Қарорининг 10-банди; ОС Пленумининг 2017 йил 11 октябрдаги "Фирибгарликка оид ишлар бўйича суд амалиёти тўгрисида"ги 35-сон Қарорининг 14-банди

167-модда. Ўзлаштириш ёки растрата

йўли билан талон-торож қилиш

(ЎзР 29.08.2001 й. 254-II-сон Қонуни таҳриридаги модда)

Айбдорга ишониб топширилган ёки унинг ихтиёрида бўлган ўзганинг мулкини ўзлаштириш ёки растрата қилиш йўли билан талон-торож қилиш, -

базавий ҳисоблаш миқдорининг юз бараваригача миқдорда жарима ёки икки юз қирқ соатгача мажбурий жамоат ишлари ёхуд бир йилгача ахлоқ тузатиш ишлари билан жазоланади. (ЎзР 03.12.2019 й. ЎРҚ-586-сон Қонуни таҳриридаги санкция) (Олдинги таҳририга қаранг)

Шунингдек қаранг: ОС Пленумининг 1998 йил 17 апрелдаги "Иқтисодиёт соҳасидаги жиноий ишлар бўйича суд амалиётида юзага келган айрим масалалар тўғрисида"ги 11-сон Қарорининг 3-банди; ОС Пленумининг 2004 йил 21 майдаги "Жазоларни либераллаштириш тўғрисидаги қонунни иқтисодиёт соҳасидаги жиноятларга нисбатан қўллашнинг айрим масалалари ҳақида"ги 4-сон Қарорининг 3-5, 7-9-бандлари

Ўша ҳаракат:

а) кўп миқдорда;

б) такроран ёки хавфли рецидивист томонидан;

в) бир гуруҳ шахслар томонидан олдиндан тил бириктириб;

г) мансаб мавқеини суиистеъмол қилиш йўли билан содир этилган бўлса, -

Шунингдек қаранг: ОС Пленумининг 1998 йил 17 апрелдаги "Иқтисодиёт соҳасидаги жиноий ишлар бўйича суд амалиётида юзага келган айрим масалалар тўғрисида"ги 11-сон Қарорининг 4, 5-бандлари; ОС Пленумининг 2004 йил 21 майдаги "Жазоларни либераллаштириш тўғрисидаги қонунни иқтисодиёт соҳасидаги жиноятларга нисбатан қўллашнинг айрим масалалари ҳақида"ги 4-сон Қарорининг 6-банди, 7-бандининг биринчи хатбоши

базавий ҳисоблаш миқдорининг юз бараваридан уч юз бараваригача миқдорда жарима ёки тўрт юз саксон соатгача мажбурий жамоат ишлари ёки икки йилгача ахлоқ тузатиш ишлари ёхуд икки йилдан беш йилгача озодликни чеклаш ёки беш йилгача озодликдан маҳрум қилиш билан жазоланади. (ЎзР 03.12.2019 й. ЎРҚ-586-сон Қонуни таҳриридаги санкция) (Олдинги таҳририга қаранг)

Ўша ҳаракат:

а) жуда кўп миқдорда;

б) ўта хавфли рецидивист томонидан;

в) уюшган гуруҳ томонидан ёки унинг манфаатларини кўзлаб;

г) компьютер техникаси воситаларидан фойдаланиб содир этилган бўлса, -

базавий ҳисоблаш миқдорининг уч юз бараваридан олти юз бараваригача миқдорда жарима ёки уч йилгача ахлоқ тузатиш ишлари ёхуд беш йилдан ўн йилгача озодликдан маҳрум қилиш билан жазоланади. (ЎзР 03.12.2019 й. ЎРҚ-586-сон Қонуни таҳриридаги санкция)

Етказилган моддий зарарнинг ўрни қопланган тақдирда озодликни чеклаш ва озодликдан маҳрум қилиш тариқасидаги жазо қўлланилмайди. (ЎзР 10.08.2015 й. ЎРҚ-389-сон Қонуни таҳриридаги қисм)

Шунингдек қаранг: ОС Пленумининг 1996 йил 27 февралдаги "Қонунга хилоф равишда қуролга эгалик қилиш тўғрисидаги ишлар бўйича суд амалиёти ҳақида"ги 3-сон Қарори 7-бандининг иккинчи хатбоши; ОС Пленумининг 1999 йил 24 сентябрдаги "Порахўрлик ишлари бўйича суд амалиёти тўғрисида"ги 19-сон Қарорининг 4-банди; ОС Пленумининг 2000 йил 28 апрелдаги "Валюта қимматликларини қонунга хилоф равишда олиш ёки ўтказишга доир ишлар юзасидан суд амалиёти тўғрисида"ги 8-сон Қарорининг 10-банди; ОС Пленумининг 2000 йил 15 сентябрдаги "Ҳарбий хизматни ўташ тартибига қарши жиноятларга оид ишларни кўриш бўйича суд амалиёти тўғрисида"ги 23-сон Қарори 5.4.1-бандининг учинчи хатбоши, 5.4.3-бандининг иккинчи хатбоши; ОС Пленумининг 2004 йил 21 майдаги "Жазоларни либераллаштириш тўғрисидаги қонунни иқтисодиёт соҳасидаги жиноятларга нисбатан қўллашнинг айрим масалалари ҳақида"ги 4-сон Қарорининг 9-12-бандлари; ОС Пленумининг 2023 йил 23 июндаги "Фирибгарликка оид ишлар бўйича суд амалиёти тўгрисида"ги 17-сон Қарори 28-бандининг иккинчи хатбоши

168-модда. Фирибгарлик

(ЎзР 26.12.2016 й. ЎРҚ-416-сон Қонуни таҳриридаги модда матни)

(Олдинги таҳририга қаранг)

Фирибгарлик, яъни алдаш ёки ишончни суиистеъмол қилиш йўли билан ўзганинг мулкини ёки ўзганинг мулкига бўлган ҳуқуқни қўлга киритиш -

базавий ҳисоблаш миқдорининг эллик бараваридан юз бараваригача миқдорда жарима ёки икки йилгача ахлоқ тузатиш ишлари ёки бир йилдан уч йилгача озодликни чеклаш ёхуд уч йилгача озодликдан маҳрум қилиш билан жазоланади. (ЎзР 03.12.2019 й. ЎРҚ-586-сон Қонуни таҳриридаги санкция)

Шунингдек қаранг: ОС Пленумининг 2023 йил 23 июндаги "Фирибгарликка оид ишлар бўйича суд амалиёти тўгрисида"ги 17-сон Қарорининг 3-банди; ОС Пленумининг 2004 йил 21 майдаги "Жазоларни либераллаштириш тўғрисидаги қонунни иқтисодиёт соҳасидаги жиноятларга нисбатан қўллашнинг айрим масалалари ҳақида"ги 4-сон Қарорининг 3, 4-бандлари

Фирибгарлик:

а) анча миқдорда;

б) бир гуруҳ шахслар томонидан олдиндан тил бириктириб содир этилган бўлса, -

(ЎзР 19.10.2022 й. ЎРҚ-794-сон Қонуни таҳриридаги диспозиция) (Олдинги таҳририга қаранг)

Шунингдек қаранг: ОС Пленумининг 2017 йил 11 октябрдаги "Фирибгарликка оид ишлар бўйича суд амалиёти тўгрисида"ги 35-сон Карорининг 20-банди

Фирибгарлик:

а) кўп миқдорда;

б) такроран ёки хавфли рецидивист томонидан;

в) хизмат мавқеидан фойдаланган ҳолда;

г) ахборот тизимидан, шу жумладан ахборот технологияларидан фойдаланиб содир этилган бўлса, -

(ЎзР 19.10.2022 й. ЎРҚ-794-сон Қонуни таҳриридаги диспозиция) (Олдинги таҳририга қаранг)

Шунингдек қаранг: ОС Пленумининг 2017 йил 11 октябрдаги "Фирибгарликка оид ишлар бўйича суд амалиёти тўгрисида"ги 35-сон Карорининг 21-банди

базавий ҳисоблаш миқдорининг уч юз бараваридан тўрт юз бараваригача миқдорда жарима ёки икки йилдан уч йилгача ахлоқ тузатиш ишлари ёхуд муайян ҳуқуқдан маҳрум этилган ҳолда беш йилдан саккиз йилгача озодликдан маҳрум қилиш билан жазоланади. (ЎзР 03.12.2019 й. ЎРҚ-586-сон Қонуни таҳриридаги санкция)

Фирибгарлик:

а) жуда кўп миқдорда;

б) ўта хавфли рецидивист томонидан;

в) уюшган гуруҳ томонидан ёки унинг манфаатларини кўзлаб содир этилган бўлса, -

базавий ҳисоблаш миқдорининг тўрт юз бараваридан олти юз бараваригача миқдорда жарима ёки саккиз йилдан ўн йилгача озодликдан маҳрум қилиш билан жазоланади. (ЎзР 03.12.2019 й. ЎРҚ-586-сон Қонуни таҳриридаги санкция)

Етказилган моддий зарарнинг ўрни қопланган тақдирда озодликни чеклаш ва озодликдан маҳрум қилиш тариқасидаги жазо қўлланилмайди.

Шунингдек қаранг: ОС Пленумининг 1996 йил 27 февралдаги "Қонунга хилоф равишда қуролга эгалик қилиш тўғрисидаги ишлар бўйича суд амалиёти ҳақида"ги 3-сон Қарори 7-бандининг иккинчи хатбоши; ОС Пленумининг 2000 йил 28 апрелдаги "Валюта қимматликларини қонунга хилоф равишда олиш ёки ўтказишга доир ишлар юзасидан суд амалиёти тўғрисида"ги 8-сон Қарорининг 10, 12-бандлари; ОС Пленумининг 2004 йил 21 майдаги "Жазоларни либераллаштириш тўғрисидаги қонунни иқтисодиёт соҳасидаги жиноятларга нисбатан қўллашнинг айрим масалалари ҳақида"ги 4-сон Қарорининг 9-12-бандлари; ОС Пленумининг 2023 йил 23 июндаги "Фирибгарликка оид ишлар бўйича суд амалиёти тўгрисида"ги 17-сон Қарори

169-модда. Ўғрилик

Ўғрилик, яъни ўзганинг мол-мулкини яширин равишда талон-торож қилиш -

базавий ҳисоблаш миқдорининг эллик бараваригача миқдорда жарима ёки уч юз олтмиш соатгача мажбурий жамоат ишлари ёки икки йилгача ахлоқ тузатиш ишлари ёки бир йилдан уч йилгача озодликни чеклаш ёхуд уч йилгача озодликдан маҳрум қилиш билан жазоланади. (ЎзР 03.12.2019 й. ЎРҚ-586-сон Қонуни таҳриридаги санкция) (Олдинги таҳририга қаранг)

Шунингдек қаранг: ОС Пленумининг 1996 йил 20 декабрдаги "Транспорт воситаларини олиб қочиш ишлари бўйича суд амалиёти ҳақида"ги 37-сон Қарори 3-бандининг иккинчи хатбоши; ОС Пленумининг 1999 йил 30 апрелдаги "Ўзгалар мулкини ўғрилик, талончилик ва босқинчилик билан талон-торож қилиш жиноят ишлари бўйича суд амалиёти тўғрисида"ги 6-сон Қарорининг 1-банди, 2-бандининг биринчи-учинчи хатбошилари, 5-банди; ОС Пленумининг 2004 йил 21 майдаги "Жазоларни либераллаштириш тўғрисидаги қонунни иқтисодиёт соҳасидаги жиноятларга нисбатан қўллашнинг айрим масалалари ҳақида"ги 4-сон Қарорининг 3, 4-бандлари; ОС Пленумининг 2023 йил 23 июндаги "Фирибгарликка оид ишлар бўйича суд амалиёти тўгрисида"ги 17-сон Қарорининг 6-банди, 26-бандининг иккинчи хатбоши

Ўғрилик:

а) жабрланувчининг кийими, сумкаси ёки бошқа қўл юкидаги ашёга нисбатан (киссавурлик);

б) анча миқдорда;

в) бир гуруҳ шахслар томонидан олдиндан тил бириктириб;

г) уй-жой, омборхона ёки бошқа хонага ғайриқонуний равишда кириб, - (ЎзР 13.03.2023 й. ЎРҚ-822-сон Қонуни таҳриридаги банд) (Олдинги таҳририга қаранг)

д) умумий фойдаланишдаги электр, иссиқлик, газ ёки водопровод тармоқларига тижорат мақсадларида ўзбошимчалик билан уланиш ёхуд электр энергиясини, табиий газни, совуқ ёки иссиқ сувни ҳисобга олиш асбобларига, шу жумладан уларнинг пломбаларига қасддан шикаст етказиш ёхуд ҳисобга олиш асбобларининг кўрсаткичларини ўзгартириш мақсадида уларга ташқаридан аралашиш йўли билан; (ЎзР 13.03.2023 й. ЎРҚ-822-сон Қонунига мувофиқ киритилган банд)

е) умумий фойдаланишдаги электр, иссиқлик, газ ёки водопровод тармоқларига электр энергияси, газ ёки сув таъминоти ташкилотларининг мансабдор шахслари ёки ходимлари томонидан олдиндан тил бириктириб, тижорат мақсадларида ўзбошимчалик билан уланиш ёхуд электр энергиясини, табиий газни, совуқ ёки иссиқ сувни ҳисобга олиш асбобларига, шу жумладан уларнинг пломбаларига қасддан шикаст етказиш ёхуд ҳисобга олиш асбобларининг кўрсаткичларини ўзгартириш мақсадида уларга ташқаридан аралашиш йўли билан содир этилган бўлса; (ЎзР 13.03.2023 й. ЎРҚ-822-сон Қонунига мувофиқ киритилган банд)

базавий ҳисоблаш миқдорининг уч юз бараваригача миқдорда жарима ёки икки йилдан уч йилгача ахлоқ тузатиш ишлари ёки уч йилдан беш йилгача озодликни чеклаш ёхуд уч йилдан беш йилгача озодликдан маҳрум қилиш билан жазоланади. (ЎзР 03.12.2019 й. ЎРҚ-586-сон Қонуни таҳриридаги санкция) (Олдинги таҳририга қаранг)

(ЎзР 29.08.2001 й. 254-II-сон Қонуни таҳриридаги қисм)

Ўғрилик:

а) такроран ёки хавфли рецидивист томонидан;

Шунингдек қаранг: ОС Пленумининг 2008 йил 15 майдаги "Бир неча жиноят содир этилганда қилмишни квалификация қилишга доир масалалар тўғрисида"ги 13-сон қарорининг 14-банди; ОС Пленумининг 2004 йил 21 майдаги "Жазоларни либераллаштириш тўғрисидаги қонунни иқтисодиёт соҳасидаги жиноятларга нисбатан қўллашнинг айрим масалалари ҳақида"ги 4-сон Қарорининг 6-банди

б) қонунга хилоф равишда (рухсатсиз) ахборот тизимига кириб ёки ундан фойдаланиб; (ЎзР 19.10.2022 й. ЎРҚ-794-сон Қонуни таҳриридаги банд) (Олдинги таҳририга қаранг)

ЎзР 07.10.2013 й. ЎРҚ-355-сон Қонунига мувофиқ "в" банди "в" ва "г" бандлар билан алмаштирилган (Олдинги таҳририга қаранг)

в) кўп миқдорда;

г) нефть қувурларида, газ қувурларида, нефть ва газ маҳсулотлари қувурларида содир этилган бўлса, -

беш йилдан саккиз йилгача озодликдан маҳрум қилиш билан жазоланади.

(ЎзР 29.08.2001 й. 254-II-сон Қонуни таҳриридаги қисм)

Ўғрилик:

а) жуда кўп миқдорда;

б) ўта хавфли рецидивист томонидан;

в) уюшган гуруҳ томонидан ёки унинг манфаатларини кўзлаб содир этилган бўлса, -

саккиз йилдан ўн беш йилгача озодликдан маҳрум қилиш билан жазоланади. (ЎзР 29.08.2001 й. 254-II-сон Қонуни таҳриридаги санкция)

Шунингдек қаранг: ОС Пленумининг 1996 йил 27 февралдаги "Қонунга хилоф равишда қуролга эгалик қилиш тўғрисидаги ишлар бўйича суд амалиёти ҳақида"ги 3-сон Қарори 7-бандининг иккинчи хатбоши; ОС Пленумининг 1999 йил 30 апрелдаги "Ўзгалар мулкини ўғрилик, талончилик ва босқинчилик билан талон-торож қилиш жиноят ишлари бўйича суд амалиёти тўғрисида"ги 6-сон Қарорининг 8-банди; ОС Пленумининг 1999 йил 24 сентябрдаги "Порахўрлик ишлари бўйича суд амалиёти тўғрисида"ги 19-сон Қарорининг 4-банди; ОС Пленумининг 2000 йил 28 апрелдаги "Валюта қимматликларини қонунга хилоф равишда олиш ёки ўтказишга доир ишлар юзасидан суд амалиёти тўғрисида"ги 8-сон Қарорининг 10-банди; ОС Пленумининг 2000 йил 15 сентябрдаги "Ҳарбий хизматни ўташ тартибига қарши жиноятларга оид ишларни кўриш бўйича суд амалиёти тўғрисида"ги 23-сон Қарори 5.4.1-бандининг учинчи хатбоши, 5.4.3-бандининг иккинчи хатбоши; ОС Пленумининг 2008 йил 15 майдаги "Бир неча жиноят содир этилганда қилмишни квалификация қилишга доир масалалар тўғрисида"ги 13-сон Қарорининг 14-банди

XI БОБ. ЎЗГАЛАР МУЛКИНИ ТАЛОН-ТОРОЖ

ҚИЛИШ БИЛАН БОҒЛИҚ БЎЛМАГАН ЖИНОЯТЛАР

170-модда. Алдаш ёки ишончни суиистеъмол

қилиш йўли билан мулкий зарар етказиш

171-модда. Жиноий йўл билан топилган

мулкни олиш ёки ўтказиш

172-модда. Мулкни қўриқлашга

виждонсиз муносабатда бўлиш

173-модда. Мулкни қасддан нобуд

қилиш ёки унга зарар етказиш

174-модда. Ахборотлаштириш қоидаларини бузиш

170-модда. Алдаш ёки ишончни суиистеъмол

қилиш йўли билан мулкий зарар етказиш

Алдаш ёки ишончни суиистеъмол қилиш йўли билан мулкдорга анча миқдорда зарар етказиш, башарти, бу қилмишда талон-торож қилишнинг аломатлари бўлмаса -

Ўша ҳаракат:

а) такроран ёки хавфли рецидивист томонидан;

б) моддий жавобгар шахс томонидан;

в) кўп миқдорда зарар етказган ҳолда содир этилган бўлса, -

Шунингдек қаранг: ОС Пленумининг 2023 йил 23 июндаги "Фирибгарликка оид ишлар бўйича суд амалиёти тўгрисида"ги 17-сон Қарорининг 15-банди

ЎзР 29.03.2017 й. ЎРҚ-421-сон Қонунига мувофиқ учинчи қисм чиқариб ташланган

Етказилган моддий зарарнинг ўрни қопланган тақдирда қамоқ тариқасидаги жазо қўлланилмайди. (ЎзР 29.08.2001 й. 254-II-сон Қонунига мувофиқ киритилган қисм)

171-модда. Жиноий йўл билан топилган

мулкни олиш ёки ўтказиш

Мулкнинг жиноий йўл билан топилганини била туриб, уни олдиндан ваъда қилмаган ҳолда олиш ёки ўтказиш -

Шунингдек қаранг: ОС Пленумининг 1996 йил 20 декабрдаги "Атроф муҳитни муҳофаза килиш ва табиатдан фойдаланиш соҳасидаги жиноятлар ва бошқа ҳуқуқбузарликлар тўғрисидаги ишлар бўйича суд амалиёти ҳақида"ги 36-сон қарорининг 10-банди; ОС Пленумининг 2011 йил 11 февралдаги "Жиноий фаолиятдан олинган даромадларни легаллаштиришга оид ишлар бўйича суд амалиётининг айрим масалалари тўғрисида"ги 1-сон Қарори 5-бандининг иккинчи хатбоши

Ўша ҳаракатлар:

а) такроран ёки хавфли рецидивист томонидан;

б) кўп миқдорда содир этилган бўлса, -

базавий ҳисоблаш миқдорининг йигирма беш бараваридан эллик бараваригача миқдорда жарима ёки уч юз соатдан уч юз олтмиш соатгача мажбурий жамоат ишлари ёки икки йилдан уч йилгача ахлоқ тузатиш ишлари ёки бир йилдан уч йилгача озодликни чеклаш ёхуд уч йилгача озодликдан маҳрум қилиш билан жазоланади. (ЎзР 03.12.2019 й. ЎРҚ-586-сон Қонуни таҳриридаги санкция) (Олдинги таҳририга қаранг)

Ўша ҳаракатлар:

а) жуда кўп миқдорда;

б) ўта хавфли рецидивист томонидан;

в) уюшган гуруҳ томонидан ёки унинг манфаатларини кўзлаб содир этилган бўлса, -

базавий ҳисоблаш миқдорининг эллик бараваридан юз бараваригача миқдорда жарима ёки уч йилдан беш йилгача озодликни чеклаш ёхуд уч йилдан беш йилгача озодликдан маҳрум қилиш билан жазоланади. (ЎзР 03.12.2019 й. ЎРҚ-586-сон Қонуни таҳриридаги санкция) (Олдинги таҳририга қаранг)

172-модда. Мулкни қўриқлашга

виждонсиз муносабатда бўлиш

Шахснинг мулкни қўриқлаш юзасидан ўз вазифаларини виждонсиз бажариши натижасида мол-мулк талон-торож қилиниши, унга шикаст етказилиши ёки унинг нобуд қилиниши кўп миқдорда зарар етказилишига сабаб бўлса, башарти, бу қилмишда мансабдорлик жинояти аломатлари бўлмаса, -

базавий ҳисоблаш миқдорининг эллик бараваригача миқдорда жарима ёки уч юз соатгача мажбурий жамоат ишлари ёхуд икки йилгача ахлоқ тузатиш ишлари билан жазоланади. (ЎзР 03.12.2019 й. ЎРҚ-586-сон Қонуни таҳриридаги санкция) (Олдинги таҳририга қаранг)

173-модда. Мулкни қасддан нобуд

қилиш ёки унга зарар етказиш

Ўзганинг мулкини қасддан нобуд қилиш ёки унга зарар етказиш анча миқдорни ташкил этса, -

базавий ҳисоблаш миқдорининг эллик бараваридан етмиш беш бараваригача миқдорда жарима ёки уч юз соатгача мажбурий жамоат ишлари ёхуд икки йилгача ахлоқ тузатиш ишлари билан жазоланади. (ЎзР 03.12.2019 й. ЎРҚ-586-сон Қонуни таҳриридаги санкция) (Олдинги таҳририга қаранг)

Шунингдек қаранг: ОС Пленумининг 2000 йил 15 сентябрдаги "Ҳарбий хизматни ўташ тартибига қарши жиноятларга оид ишларни кўриш бўйича суд амалиёти тўғрисида"ги 23-сон Қарори 5.4.3-бандининг биринчи хатбоши; ОС Пленумининг 2002 йил 14 июндаги "Безориликка оид ишлар бўйича суд амалиёти ҳақида"ги 9-сон Қарорининг 7-банди

Ўша ҳаракатлар:

а) миллатлараро ёки ирқий адоват ёхуд диний таассублар замирида;

б) атрофдагилар учун хавфли усулда;

в) кўп миқдорда зарар етказган ҳолда содир этилган бўлса, -

базавий ҳисоблаш миқдорининг етмиш беш бараваридан юз бараваригача миқдорда жарима ёки уч юз соатдан уч юз олтмиш соатгача мажбурий жамоат ишлари ёки икки йилдан уч йилгача ахлоқ тузатиш ишлари ёхуд бир йилдан уч йилгача озодликни чеклаш ёки уч йилгача озодликдан маҳрум қилиш билан жазоланади. (ЎзР 03.12.2019 й. ЎРҚ-586-сон Қонуни таҳриридаги санкция) (Олдинги таҳририга қаранг)

Ўша ҳаракатлар:

а) хизмат ёки фуқаролик бурчини бажариши муносабати билан шахснинг ёки унинг яқин қариндошларининг мулкига нисбатан;

б) уюшган гуруҳ ва унинг манфаатларини кўзлаб содир этилган бўлса, -

Шунингдек қаранг: ОС Пленумининг 2004 йил 21 майдаги "Жазоларни либераллаштириш тўғрисидаги қонунни иқтисодиёт соҳасидаги жиноятларга нисбатан қўллашнинг айрим масалалари ҳақида"ги 4-сон Қарорининг 9-12-бандлари; ОС Пленумининг 2011 йил 25 ноябрдаги "Ўзбекистон Республикасининг Давлат чегарасини кесиб ўтиш тартибини бузишга оид ишлар бўйича суд амалиёти тўғрисида"ги 9-сон Қарори 9-бандининг иккинчи хатбоши; ОС Пленумининг 2013 йил 6 сентябрдаги "Божхона тўғрисидаги қонунчиликни бузиш ва контрабандага оид ишлар бўйича суд амалиёти ҳақида"ги 18-сон Қарори 13-бандининг иккинчи хатбоши

ЎзР 25.12.2007 й. ЎРҚ-137-сон Қонунига мувофиқ 174-модда ўз кучини йўқотган

174-модда. Ахборотлаштириш қоидаларини бузиш

Ахборотлаштириш қоидаларини бузиш, яъни ахборот тармоғидан рухсатсиз фойдаланиш ёки фойдаланишга рухсати бўлгани ҳолда тегишли ҳимоя чораларини кўрмаслик ёки ахборотлар тармоғидан қонунга хилоф равишда ахборотлар олиш, шунингдек, ахборотлаштириш тизимидан фойдаланишга рухсати бўлган ҳолда ундаги маълумотларни қасддан ўзгартириш, йўқотиш, олиб ташлаш ёки йўқ қилиб юбориш анча миқдорда зарар етказилишига сабаб бўлса, -

энг кам ойлик иш ҳақининг етмиш беш бараваригача миқдорда жарима ёки уч йилгача ахлоқ тузатиш ишлари билан жазоланади. (ЎзР 29.08.2001 й. 254-II-сон Қонуни таҳриридаги санкция)

Компьютер тизимларида сақланаётган маълумотлар ёки дастурларни ўзгартириш мақсадида тегишли рухсатсиз компьютер вируслари ёки дастурларини ишлаб чиқиш ва тарқатиш, шунингдек, рухсати бўлмагани ҳолда ахборот тизимидан фойдаланиш маълумотларнинг бузилиши, олиб ташланиши, йўқ қилиб юборилиши ёки бу тизимнинг ишдан чиқишига сабаб бўлса, -

энг кам ойлик иш ҳақининг етмиш беш бараваридан икки юз бараваригача миқдорда жарима ёки муайян ҳуқуқдан маҳрум қилиб, уч ойдан олти ойгача қамоқ билан жазоланади. (ЎзР 29.08.2001 й. 254-II-сон Қонуни таҳриридаги санкция)

XII БОБ. ИҚТИСОДИЁТ АСОСЛАРИГА

ҚАРШИ ЖИНОЯТЛАР

175-модда. Ўзбекистон Республикасининг манфаатларига

хилоф равишда битимлар тузиш

176-модда. Қалбаки пул, акциз маркаси ёки

қимматли қоғозлар ясаш ва уларни ўтказиш

177-модда. Валюта қимматликларини қонунга

хилоф равишда олиш ёки ўтказиш

178-модда. Чет эл валютасини яшириш

179-модда. Сохта тадбиркорлик

180-модда. Сохта тўловга қобилиятсизлик

181-модда. Тўловга қобилиятсизликни яшириш

181-1-модда. Қасддан тўловга қобилиятсизликка олиб келиш

182-модда. Божхона тўғрисидаги қонунчиликни бузиш

183-модда. Рақобат тўғрисидаги қонунчиликни ва табиий

монополиялар тўғрисидаги қонунчиликни бузиш

184-модда. Солиқлар ёки йиғимларни

тўлашдан бўйин товлаш

184-1-модда. Бюджет ва смета-штат интизомини бузиш

185-модда. Қимматбаҳо металлар ёки тошларни

топшириш қоидаларини бузиш

185-1-модда. Рангли металлар, уларнинг парча

ва резги чиқитларини тайёрлаш, олиш ва улардан

фойдаланиш ҳамда уларни ўтказиш қоидаларини бузиш

185-2-модда. Электр, иссиқлик энергияси,

газ, водопроводдан фойдаланиш қоидаларини бузиш

175-модда. Ўзбекистон Республикасининг манфаатларига

хилоф равишда битимлар тузиш

(ЎзР 25.04.2016 й. ЎРҚ-405-сон Қонуни таҳриридаги модда матни)

(Олдинги таҳририга қаранг)

Наф келтирмаслиги аён бўлган битимни тузиш, шу жумладан, Ўзбекистон Республикаси ҳудудига илгари фойдаланилган, жисман ишлатиб бўлинган, маънавий эскирган ёки замон талабларига жавоб бермайдиган асбоб-ускунани ёхуд технологияларни олиб киришга, шунингдек уларни ўрнатиш ва жорий этишга олиб келган битимни тузиш, республика манфаатларига кўп миқдорда зарар етказган бўлса, худди шунингдек бундай битим тузилишига сабаб бўлган эксперт хулосасини ёки бошқа ҳужжатни ваколатли давлат органининг ёки бошқа ташкилотнинг мансабдор шахси томонидан бериш -

базавий ҳисоблаш миқдорининг уч юз бараваридан беш юз бараваригача миқдорда жарима ёки муайян ҳуқуқдан маҳрум этилган ҳолда уч йилдан беш йилгача озодликни чеклаш ёхуд уч йилдан беш йилгача озодликдан маҳрум қилиш билан жазоланади. (ЎзР 03.12.2019 й. ЎРҚ-586-сон Қонуни таҳриридаги санкция)

Ўша ҳаракат:

а) такроран;

б) бир гуруҳ шахслар томонидан олдиндан тил бириктириб содир этилган бўлса, -

беш йилдан саккиз йилгача озодликдан маҳрум қилиш билан жазоланади.

Ўша ҳаракат:

а) жуда кўп миқдорда зарар етказган ҳолда;

б) уюшган гуруҳ томонидан ёки унинг манфаатларини кўзлаб содир этилган бўлса, -

саккиз йилдан ўн икки йилгача озодликдан маҳрум қилиш билан жазоланади.

Етказилган моддий зарар уч карра миқдорида қопланган тақдирда шахс жазодан озод этилади.

176-модда. Қалбаки пул, акциз маркаси ёки

қимматли қоғозлар ясаш, уларни ўтказиш

(ЎзР 29.08.1998 й. 681-I-сон Қонуни таҳриридаги модда номи)

Ўтказиш мақсадида қалбаки банк билетлари (банкнотлар), металл тангалар, акциз маркалари, шунингдек қимматли қоғозлар ёхуд чет эл валютаси ёки чет эл валютасидаги қимматли қоғозлар ясаш ёки уларни ўтказиш - (ЎзР 29.08.1998 й. 681-I-сон Қонуни таҳриридаги диспозиция)

икки йилдан беш йилгача озодликни чеклаш ёхуд беш йилгача озодликдан маҳрум қилиш билан жазоланади. (ЎзР 10.08.2015 й. ЎРҚ-389-сон Қонуни таҳриридаги санкция) (Олдинги таҳририга қаранг)

Қаранг: "Ўзбекистон Республикасининг Марказий банки тўғрисида"ги Қонуннинг (Янги таҳрири) 40-моддаси

Шунингдек қаранг: ОС Пленумининг 1998 йил 17 апрелдаги "Иқтисодиёт соҳасидаги жиноий ишлар бўйича суд амалиётида юзага келган айрим масалалар тўғрисида"ги 11-сон Қарорининг 10-банди; ОС Пленумининг 2000 йил 28 апрелдаги "Валюта қимматликларини қонунга хилоф равишда олиш ёки ўтказишга доир ишлар юзасидан суд амалиёти тўғрисида"ги 8-сон Қарорининг 12-банди; ОС Пленумининг 2023 йил 23 июндаги "Фирибгарликка оид ишлар бўйича суд амалиёти тўгрисида"ги 17-сон Қарори 26-бандининг тўртинчи, бешинчи хатбошилари

Ўша ҳаракатлар:

а) такроран ёки хавфли рецидивист томонидан;

б) кўп миқдорда;

в) бир гуруҳ шахслар томонидан олдиндан тил бириктириб содир этилган бўлса, -

Ўша ҳаракатлар:

а) жуда кўп миқдорда;

б) уюшган гуруҳ томонидан ёки унинг манфаатларини кўзлаб содир этилган бўлса, -

177-модда. Валюта қимматликларини қонунга

хилоф равишда олиш ёки ўтказиш

(ЎзР 15.01.2019 й. ЎРҚ-516-сон Қонуни таҳриридаги модда матни)

(Олдинги таҳририга қаранг)

Фуқароларнинг қонунга хилоф равишда валюта қимматликларини олиши ёки ўтказиши шундай ҳаракатлар учун маъмурий жазо қўлланилганидан кейин содир этилган бўлса, -

базавий ҳисоблаш миқдорининг етмиш беш бараваридан юз бараваригача миқдорда жарима ёки икки йилдан уч йилгача ахлоқ тузатиш ишлари ёхуд бир йилгача озодликни чеклаш ёки бир йилгача озодликдан маҳрум қилиш билан жазоланади. (ЎзР 03.12.2019 й. ЎРҚ-586-сон Қонуни таҳриридаги санкция)

Қаранг: МЖТКнинг 170-моддаси; "Валютани тартибга солиш тўғрисида"ги Қонун (Янги таҳрири) 4-моддасининг олтинчи хатбоши; 19-моддаси

Ўша ҳаракатлар анча миқдорда содир этилган бўлса, -

базавий ҳисоблаш миқдорининг юз бараваридан уч юз бараваригача миқдорда жарима ёки бир йилдан уч йилгача озодликни чеклаш ёки бир йилдан уч йилгача озодликдан маҳрум қилиш билан жазоланади. (ЎзР 03.12.2019 й. ЎРҚ-586-сон Қонуни таҳриридаги санкция)

Ўша ҳаракатлар:

а) такроран ёки хавфли рецидивист томонидан;

б) кўп миқдорда;

в) бир гуруҳ шахслар томонидан олдиндан тил бириктириб содир этилган бўлса, -

Ўша ҳаракатлар:

а) жуда кўп миқдорда;

б) уюшган гуруҳ томонидан ёки унинг манфаатларини кўзлаб содир этилган бўлса, -

беш йилдан етти йилгача озодликдан маҳрум қилиш билан жазоланади.

Тайёргарлик кўрилаётган ёки содир этилаётган жиноят ҳақида ўз ихтиёри билан арз қилган ва уни очишга фаол ёрдам берган шахс жавобгарликка тортилмайди.

Шунингдек қаранг: ОС Пленумининг 2000 йил 28 апрелдаги "Валюта қимматликларини қонунга хилоф равишда олиш ёки ўтказишга доир ишлар юзасидан суд амалиёти тўғрисида"ги 8-сон Қарори

178-модда. Чет эл валютасини яшириш

Корхоналар, муассасалар ёки ташкилотларда валюта операцияларини амалга оширувчи ходимлар томонидан Ўзбекистон Республикасининг ваколат берилган банклари ҳисобига ўтказилиши лозим бўлган чет эл валютасининг қасддан яшириб қолиниши -

базавий ҳисоблаш миқдорининг етмиш беш бараваридан юз бараваригача миқдорда жарима ёки уч йилдан беш йилгача муайян ҳуқуқдан маҳрум қилиш ёки икки йилдан беш йилгача озодликни чеклаш ёхуд беш йилгача озодликдан маҳрум қилиш билан жазоланади. (ЎзР 03.12.2019 й. ЎРҚ-586-сон Қонуни таҳриридаги санкция) (Олдинги таҳририга қаранг)

Қаранг: "Валютани тартибга солиш тўғрисида"ги Қонуннинг (Янги таҳрири) 12-моддаси

Ўша қилмиш:

а) ғаразгўйлик билан;

б) такроран;

в) бир гуруҳ шахслар томонидан олдиндан тил бириктириб содир этилган бўлса, -

беш йилдан саккиз йилгача озодликдан маҳрум қилиш билан жазоланади. (ЎзР 15.04.1999 й. 772-I-сон Қонуни таҳриридаги санкция) (ЎзР 29.08.2001 й. 254-II-сон Қонуни таҳриридаги санкция)

Ўша қилмиш уюшган гуруҳ ёки унинг манфаатларини кўзлаб содир этилган бўлса, -

саккиз йилдан ўн икки йилгача озодликдан маҳрум қилиш билан жазоланади. (ЎзР 15.04.1999 й. 772-I-сон Қонуни таҳриридаги санкция) (ЎзР 29.08.2001 й. 254-II-сон Қонуни таҳриридаги санкция)

Ушбу модданинг биринчи қисмида, иккинчи қисмининг "а" ва "в" бандларида назарда тутилган жиноятни биринчи марта содир этган шахс, агар у жиноят аниқланган кундан эътиборан ўттиз кунлик муддатда яширилган чет эл валютасини Ўзбекистон Республикасининг ваколат берилган банклари ҳисобига ихтиёрий равишда ўтказилишини таъминлаган бўлса, жавобгарликдан озод этилади. (ЎзР 29.12.2016 й. ЎРҚ-418-сон Қонунига мувофиқ киритилган қисм)

179-модда. Сохта тадбиркорлик

Сохта тадбиркорлик, яъни уставида кўрсатилган фаолиятни амалга ошириш мақсадини кўзламасдан ссудалар, кредитлар олиш, фойдани (даромадни) солиқлардан озод қилиш (солиқларни камайтириш) ёки бошқача мулкий манфаат кўриш мақсадида корхоналар ва бошқа тадбиркорлик ташкилотлари тузиш -

базавий ҳисоблаш миқдорининг юз бараваридан икки юз бараваригача миқдорда жарима ёки беш йилгача муайян ҳуқуқдан маҳрум қилиш ёхуд уч йилгача ахлоқ тузатиш ишлари ёки бир йилдан уч йилгача озодликни чеклаш ёки уч йилгача озодликдан маҳрум қилиш билан жазоланади. (ЎзР 03.12.2019 й. ЎРҚ-586-сон Қонуни таҳриридаги санкция) (Олдинги таҳририга қаранг)

Қаранг: "Тадбиркорлик фаолияти эркинлигининг кафолатлари тўғрисида"ги Қонуннинг (Янги таҳрири) 3-моддаси

180-модда. Сохта тўловга қобилиятсизлик

(ЎзР 21.02.2024 й. ЎРҚ-911-сон Қонуни таҳриридаги модда номи)

(Олдинги таҳририга қаранг)

Сохта тўловга қобилиятсизлик, яъни юридик ёки жисмоний шахснинг ёхуд якка тартибдаги тадбиркорнинг кредиторлар олдидаги пул мажбуриятларини ва (ёки) солиқлар ҳамда йиғимлар бўйича мажбуриятларини иқтисодий жиҳатдан бажара олиши ҳақида била туриб, уларни тўлиқ ҳажмда бажара олмаслиги тўғрисида эълон бериши кредиторларга кўп миқдорда зарар етказилишига сабаб бўлса, - (ЎзР 21.02.2024 й. ЎРҚ-911-сон Қонуни таҳриридаги диспозиция) (Олдинги таҳририга қаранг)

базавий ҳисоблаш миқдорининг бир юз эллик бараваридан икки юз эллик бараваригача миқдорда жарима ёки уч юз соатдан уч юз олтмиш соатгача мажбурий жамоат ишлари ёхуд икки йилдан уч йилгача ахлоқ тузатиш ишлари ёки икки йилдан уч йилгача озодликни чеклаш ёки икки йилдан уч йилгача озодликдан маҳрум қилиш билан жазоланади. (ЎзР 03.12.2019 й. ЎРҚ-586-сон Қонуни таҳриридаги санкция) (Олдинги таҳририга қаранг)

Қаранг: "Банкротлик тўғрисида"ги Қонун (Янги таҳрири)

Етказилган моддий зарарнинг ўрни қопланган тақдирда озодликни чеклаш ва озодликдан маҳрум қилиш тариқасидаги жазо қўлланилмайди. (ЎзР 20.08.2015 й. ЎРҚ-391-сон Қонуни таҳриридаги қисм) (Олдинги таҳририга қаранг)

Биринчи марта жиноят содир этган шахс, агар у жиноят аниқланган кундан эътиборан ўттиз кунлик муддатда етказилган моддий зарарнинг ўрнини қоплаган бўлса, жавобгарликдан озод этилади. (ЎзР 29.12.2016 й. ЎРҚ-418-сон Қонунига мувофиқ киритилган қисм)

181-модда. Тўловга қобилиятсизликни яшириш

(ЎзР 21.02.2024 й. ЎРҚ-911-сон Қонуни таҳриридаги модда номи)

(Олдинги таҳририга қаранг)

Юридик ёки жисмоний шахснинг ёхуд якка тартибдаги тадбиркорнинг ҳақиқатга тўғри келмайдиган маълумотлар ва ҳужжатларни тақдим этиш, бухгалтерлик ҳисоботларини бузиб кўрсатиш ёки бошқача тарзда ўзининг тўловга қобилиятсизлигини қасддан яшириш йўли билан кредиторларга кўп миқдорда зарар етказилишига сабаб бўлса, - (ЎзР 21.02.2024 й. ЎРҚ-911-сон Қонуни таҳриридаги диспозиция) (Олдинги таҳририга қаранг)

Қаранг: "Банкротлик тўғрисида"ги Қонун (Янги таҳрири)

181-1-модда. Қасддан тўловга қобилиятсизликка олиб келиш

(ЎзР 21.02.2024 й. ЎРҚ-911-сон Қонуни таҳриридаги модда номи)

(Олдинги таҳририга қаранг)

(ЎзР 04.09.2014 й. ЎРҚ-373-сон Қонунига мувофиқ киритилган модда)

Юридик шахснинг мансабдор шахси, муассиси (иштирокчиси) ёхуд мол-мулкининг мулкдори ёки жисмоний шахс ёхуд якка тартибдаги тадбиркор томонидан шахсий манфаатларини ёки бошқа шахсларнинг манфаатларини кўзлаб содир этилган қасддан тўловга қобилиятсизликка олиб келиш, яъни тўловга қобилиятсизликни қасддан юзага келтириш ёки кўпайтириш, ушбу юридик шахснинг ёки жисмоний шахснинг ёхуд якка тартибдаги тадбиркорнинг тўловга қобилиятсизлигига олиб келса, кредиторларга кўп миқдорда зарар етказилишига сабаб бўлса, - (ЎзР 21.02.2024 й. ЎРҚ-911-сон Қонуни таҳриридаги диспозиция) (Олдинги таҳририга қаранг)

Қаранг: "Банкротлик тўғрисида"ги Қонун (Янги таҳрири) 190-моддасининг биринчи қисми, иккинчи қисмининг биринчи, тўққизинчи хатбошлари

Етказилган моддий зарарнинг ўрни қопланган тақдирда, озодликни чеклаш ва озодликдан маҳрум қилиш тариқасидаги жазо қўлланилмайди. (ЎзР 10.08.2015 й. ЎРҚ-389-сон Қонуни таҳриридаги қисм)

182-модда. Божхона тўғрисидаги қонунчиликни бузиш

(ЎзР 21.04.2021 й. ЎРҚ-683-сон Қонуни таҳриридаги модда номи)

(ЎзР 29.08.2001 й. 254-II-сон Қонуни таҳриридаги модда)

Божхона назоратини четлаб ёки божхона назоратидан яшириб ёхуд божхона ҳужжатлари ёки воситаларига ўхшатиб ясалган ҳужжатлардан алдаш йўли билан фойдаланган ҳолда ёки декларациясиз ёхуд бошқа номга ёзилган декларациядан фойдаланиб, товар ёки бошқа қимматликларни кўп миқдорда Ўзбекистон Республикасининг божхона чегарасидан ўтказиш, шундай ҳаракат учун маъмурий жазо қўлланилганидан кейин содир этилган бўлса, - (ЎзР 12.12.2003 й. 568-II-сон Қонуни таҳриридаги диспозиция) (Олдинги таҳририга қаранг)

базавий ҳисоблаш миқдорининг уч юз бараваригача миқдорда жарима ёки тўрт юз саксон соатгача мажбурий жамоат ишлари ёки икки йилгача ахлоқ тузатиш ишлари ёки икки йилдан беш йилгача озодликни чеклаш ёхуд беш йилгача озодликдан маҳрум қилиш билан жазоланади. (ЎзР 03.12.2019 й. ЎРҚ-586-сон Қонуни таҳриридаги санкция) (Олдинги таҳририга қаранг)

Қаранг: МЖТКнинг 227-21, 227-22-моддалари; БКнинг 3, 21-боблари, IV-VI бўлимлари

Шунингдек қаранг: ОС Пленумининг 2013 йил 31 майдаги "Солиқлар ва бошқа мажбурий тўловларни тўлашдан бўйин товлаганлик учун жавобгарликка оид қонунчиликнинг судлар томонидан қўлланилиши тўғрисида"ги 8-сон қарори 7-бандининг иккинчи хатбоши; ОС Пленумининг 2013 йил 6 сентябрдаги "Божхона тўғрисидаги қонунчиликни бузиш ва контрабандага оид ишлар бўйича суд амалиёти тўғрисида"ги 18-сон Қарори 3-бандининг учинчи хатбоши, 5-9-бандлари

Божхона тўғрисидаги қонунчиликни бузиш: (ЎзР 21.04.2021 й. ЎРҚ-683-сон Қонуни таҳриридаги хатбоши)

а) жуда кўп миқдорда;

б) чегарани бузиб ўтиш, яъни божхона хизматининг розилигини олмасдан туриб, товар ёки бошқа қимматликларни Ўзбекистон Республикасининг божхона чегарасидан очиқдан-очиқ ўтказиш йўли билан;

Шунингдек қаранг: ОС Пленумининг 2013 йил 6 сентябрдаги "Божхона тўғрисидаги қонунчиликни бузиш ва контрабандага оид ишлар бўйича суд амалиёти ҳақида"ги 18-сон Қарорининг 13-банди

в) уюшган гуруҳ томонидан ёки унинг манфаатларини кўзлаб;

Шунингдек қаранг: ОС Пленумининг 2013 йил 6 сентябрдаги "Божхона тўғрисидаги қонунчиликни бузиш ва контрабандага оид ишлар бўйича суд амалиёти ҳақида"ги 18-сон Қарори 3-бандининг тўртинчи хатбоши, 14-банди

г) хизмат лавозимидан фойдаланган ҳолда содир этилган бўлса, -

Шунингдек қаранг: ОС Пленумининг 2008 йил 15 майдаги "Бир неча жиноят содир этилганда қилмишни квалификация қилишга доир масалалар тўғрисида"ги 13-сон Қарорининг 10-банди; ОС Пленумининг 2013 йил 6 сентябрдаги "Божхона тўғрисидаги қонунчиликни бузиш ва контрабандага оид ишлар бўйича суд амалиёти ҳақида"ги 18-сон Қарори 3-бандининг тўртинчи хатбоши, 15-банди

базавий ҳисоблаш миқдорининг уч юз бараваридан олти юз бараваригача миқдорда жарима ёки уч йилгача ахлоқ тузатиш ишлари ёхуд беш йилдан саккиз йилгача озодликдан маҳрум қилиш билан жазоланади. (ЎзР 03.12.2019 й. ЎРҚ-586-сон Қонуни таҳриридаги санкция)

Шунингдек қаранг: ОС Пленумининг 2013 йил 6 сентябрдаги "Божхона тўғрисидаги қонунчиликни бузиш ва контрабандага оид ишлар бўйича суд амалиёти ҳақида"ги 18-сон Қарори

183-модда. Рақобат тўғрисидаги қонунчиликни ва табиий

монополиялар тўғрисидаги қонунчиликни бузиш

(ЎзР 21.04.2021 й. ЎРҚ-683-сон Қонуни таҳриридаги модда номи)

(Олдинги таҳририга қаранг)

(ЎзР 29.12.2012 й. ЎРҚ-345-сон Қонуни таҳриридаги модда)

(Олдинги таҳририга қаранг)

Монополияга қарши органга ахборот тақдим этмаслик ёки била туриб ҳақиқатга тўғри келмайдиган маълумотларни тақдим этиш, шундай қилмиш учун маъмурий жазо қўлланилганидан кейин содир этилган бўлса, -

базавий ҳисоблаш миқдорининг йигирма беш бараваригача миқдорда жарима ёки уч йилгача муайян ҳуқуқдан маҳрум қилиш билан жазоланади. (ЎзР 03.12.2019 й. ЎРҚ-586-сон Қонуни таҳриридаги санкция)

Қаранг: МЖтК 178-моддасининг биринчи қисми

Монополияга қарши органнинг қоидабузарликни тугатиш тўғрисидаги, дастлабки ҳолатни тиклаш ҳақидаги кўрсатмаларини бажаришдан бўйин товлаш ёки ўз вақтида бажармаслик, шундай қилмиш учун маъмурий жазо қўлланилганидан кейин содир этилган бўлса, -

базавий ҳисоблаш миқдорининг йигирма беш бараваридан эллик бараваригача миқдорда жарима ёки уч йилдан беш йилгача муайян ҳуқуқдан маҳрум қилиш ёхуд уч юз олтмиш соатгача мажбурий жамоат ишлари ёки уч йилгача ахлоқ тузатиш ишлари билан жазоланади. (ЎзР 03.12.2019 й. ЎРҚ-586-сон Қонуни таҳриридаги санкция) (Олдинги таҳририга қаранг)

Қаранг: МЖтК 178-моддасининг учинчи қисми

184-модда. Солиқлар ёки йиғимларни тўлашдан бўйин товлаш

(ЎзР 11.03.2022 й. ЎРҚ-758-сон Қонуни таҳриридаги модда номи)

(ЎзР 31.12.2008 й. ЎРҚ-197-сон Қонуни таҳриридаги модда)

(Олдинги таҳририга қаранг)

Фойда (даромад) ёки солиқ солинадиган бошқа объектларни қасддан яширишни, камайтириб кўрсатишни, шунингдек давлат томонидан белгиланган солиқларни ёки йиғимларни тўлашдан қасддан бўйин товлашни анча миқдорда содир этиш, шундай қилмиш учун маъмурий жазо қўлланилганидан кейин рўй берган бўлса, - (ЎзР 11.03.2022 й. ЎРҚ-758-сон Қонуни таҳриридаги диспозиция) (Олдинги таҳририга қаранг)

базавий ҳисоблаш миқдорининг бир юз эллик бараваригача миқдорда жарима ёки икки йилгача ахлоқ тузатиш ишлари билан жазоланади. (ЎзР 03.12.2019 й. ЎРҚ-586-сон Қонуни таҳриридаги санкция) (Олдинги таҳририга қаранг)

Қаранг: СКнинг 70, 89-моддалари; МЖТК 174-моддасининг биринчи, иккинчи қисмлари

Шунингдек қаранг: ОС Пленумининг 1996 йил 15 мартдаги "Савдо соҳасидаги жиноятлар ва бошқа ҳуқуқбузарликлар тўғрисидаги ишлар бўйича суд амалиёти ҳақида"ги 9-сон Қарорининг 7-банди; ОС Пленумининг 1998 йил 17 апрелдаги "Иқтисодиёт соҳасидаги жиноий ишлар бўйича суд амалиётида юзага келган айрим масалалар тўғрисида"ги 11-сон Қарорининг 16, 18-25-бандлари; ОС Пленумининг 2013 йил 31 майдаги "Солиқлар ва бошқа мажбурий тўловларни тўлашдан бўйин товлаганлик учун жавобгарликка оид қонунчиликнинг судлар томонидан қўлланилиши тўғрисида"ги 8-сон Қарорининг 2, 3-бандлари, 4-бандининг иккинчи хатбоши; ОС Пленумининг 2013 йил 11 декабрдаги "Тадбиркорлик фаолияти билан боғлиқ ишлар бўйича суд амалиётининг айрим масалалари тўғрисида"ги 20-сон Қарори 13-бандининг иккинчи хатбоши

Солиқлар ёки йиғимларни тўлашдан бўйин товлаш: (ЎзР 11.03.2022 й. ЎРҚ-758-сон Қонуни таҳриридаги хатбоши)

а) такроран;

б) кўп миқдорда содир этилган бўлса, - (ЎзР 31.12.2008 й. ЎРҚ-197-сон Қонуни таҳриридаги диспозиция)

базавий ҳисоблаш миқдорининг бир юз эллик бараваридан уч юз бараваригача миқдорда жарима ёки икки йилдан уч йилгача ахлоқ тузатиш ишлари ёки бир йилдан уч йилгача озодликни чеклаш ёхуд уч йилгача озодликдан маҳрум қилиш билан жазоланади. (ЎзР 03.12.2019 й. ЎРҚ-586-сон Қонуни таҳриридаги санкция) (Олдинги таҳририга қаранг)

Солиқлар ёки йиғимларни тўлашдан бўйин товлаш жуда кўп миқдорда содир этилган бўлса, - (ЎзР 11.03.2022 й. ЎРҚ-758-сон Қонуни таҳриридаги диспозиция) (Олдинги таҳририга қаранг)

базавий ҳисоблаш миқдорининг уч юз бараваридан олти юз бараваригача миқдорда жарима ёки уч йилдан беш йилгача озодликни чеклаш ёхуд уч йилдан беш йилгача озодликдан маҳрум қилиш билан жазоланади. (ЎзР 03.12.2019 й. ЎРҚ-586-сон Қонуни таҳриридаги санкция) (Олдинги таҳририга қаранг)

Қасддан яширилган, камайтириб кўрсатилган фойда (даромад) бўйича солиқлар ва йиғимлар тўлиқ тўланган тақдирда, озодликни чеклаш ва озодликдан маҳрум қилиш тариқасидаги жазо қўлланилмайди. (ЎзР 11.03.2022 й. ЎРҚ-758-сон Қонуни таҳриридаги қисм) (Олдинги таҳририга қаранг)

Шунингдек қаранг: Президентнинг 2015 йил 15 майдаги "Хусусий мулк, кичик бизнес ва хусусий тадбиркорликни ишончли ҳимоя қилишни таъминлаш, уларни жадал ривожлантириш йўлидаги тўсиқларни бартараф этиш чора-тадбирлари тўғрисида"ги ПФ-4725-сон Фармони 2-бандининг биринчи, учинчи хатбошлари; ОС Пленумининг 2004 йил 21 майдаги "Жазоларни либераллаштириш тўғрисидаги қонунни иқтисодиёт соҳасидаги жиноятларга нисбатан қўллашнинг айрим масалалари ҳақида"ги 4-сон Қарорининг 9-12-бандлари

Биринчи марта жиноят содир этган шахс, агар у солиқ текшируви материалларини кўриб чиқиш натижалари бўйича давлат солиқ хизмати органининг қарорини ёки Ўзбекистон Республикаси Бош прокуратураси ҳузуридаги Иқтисодий жиноятларга қарши курашиш департаментининг содир этилган жиноят ҳақидаги хабарини олган кундан эътиборан ўттиз кун ичида солиқлар ва йиғимлар, шу жумладан, пенялар ва бошқа молиявий санкциялар тарзида давлатга етказилган зарарнинг ўрнини тўлиқ қопласа, жавобгарликдан озод қилинади. (ЎзР 11.03.2022 й. ЎРҚ-758-сон Қонуни таҳриридаги қисм) (Олдинги таҳририга қаранг)

184-1-модда. Бюджет ва смета-штат интизомини бузиш

(ЎзР 26.12.2016 й. ЎРҚ-416-сон Қонуни таҳриридаги модда)

(Олдинги таҳририга қаранг)

Молия йилида бюджет ва смета-штат интизомини бузиш кўп миқдорда содир этилган бўлса, -

базавий ҳисоблаш миқдорининг эллик бараваригача миқдорда жарима ёки икки юз қирқ соатгача мажбурий жамоат ишлари ёхуд бир йилгача ахлоқ тузатиш ишлари билан жазоланади. (ЎзР 03.12.2019 й. ЎРҚ-586-сон Қонуни таҳриридаги санкция) (Олдинги таҳририга қаранг)

Ўша қилмиш жуда кўп миқдорда содир этилган бўлса, -

базавий ҳисоблаш миқдорининг эллик бараваридан етмиш беш бараваригача миқдорда жарима ёки икки юз қирқ соатдан уч юз соатгача мажбурий жамоат ишлари ёки икки йилгача ахлоқ тузатиш ишлари ёки бир йилгача озодликни чеклаш ёхуд бир йилгача озодликдан маҳрум қилиш билан жазоланади. (ЎзР 03.12.2019 й. ЎРҚ-586-сон Қонуни таҳриридаги санкция) (Олдинги таҳририга қаранг)

Қаранг: МЖтКнинг 175-2-моддаси; ВМ 1999 йил 3 сентябрдаги 414-сон Қарори билан тасдиқланган "Бюджет ташкилотларини харажатларини молиялаштириш (тўлаш) тартиби"нинг 38-банди; АВ томонидан 2014 йил 15 декабрда 2634-сон билан рўйхатга олинган МВ Буйруғи билан тасдиыланган "Бюджет ташкилотлари ва бюджет маблағлари олувчиларнинг харажатлар сметаси ва штат жадвалларини тузиш, тасдиқлаш ва рўйхатдан ўтказиш тартиби тўғрисида"ги Низомнинг 90-банди

185-модда. Қимматбаҳо металлар ёки тошларни

топшириш қоидаларини бузиш

Ер остидан қазиб олинган қимматбаҳо металлар ёки тошларни давлатга топшириш қоидаларини бузиш, давлатга кўп миқдорда зарар етказилишига сабаб бўлса, -

базавий ҳисоблаш миқдорининг эллик бараваригача миқдорда жарима ёки уч йилгача муайян ҳуқуқдан маҳрум қилиш ёки уч юз олтмиш соатгача мажбурий жамоат ишлари ёхуд уч йилгача ахлоқ тузатиш ишлари билан жазоланади. (ЎзР 03.12.2019 й. ЎРҚ-586-сон Қонуни таҳриридаги санкция) (Олдинги таҳририга қаранг)

185-1-модда. Рангли металлар, уларнинг парча ва резги

чиқитларини тайёрлаш, олиш, улардан фойдаланиш

ҳамда уларни ўтказиш қоидаларини бузиш

(ЎзР 06.04.2007 й. ЎРҚ-85-сон Қонуни таҳриридаги модда)

(Олдинги таҳририга қаранг)

Қимматбаҳо металлар сирасига кирмайдиган рангли металлар, уларнинг парча ва резги-чиқитларини тайёрлаш, олиш, улардан фойдаланиш ҳамда уларни ўтказиш қоидаларини бузиш, шундай қилмиш учун маъмурий жазо қўлланилганидан кейин содир этилган бўлса, -

базавий ҳисоблаш миқдорининг юз бараваридан бир юз эллик бараваригача миқдорда жарима ёки беш йилгача муайян ҳуқуқдан маҳрум қилиш ёхуд уч юз соатгача мажбурий жамоат ишлари ёки икки йилгача ахлоқ тузатиш ишлари билан жазоланади. (ЎзР 03.12.2019 й. ЎРҚ-586-сон Қонуни таҳриридаги санкция) (Олдинги таҳририга қаранг)

Қаранг: МЖтКнинг 219-1-моддаси; ВМнинг 2018 йил 6 июндаги 425-сон Қарори билан тасдиқланган "Рангли ва қора металлар парчалари, чиқиндилари билан ишлаш тартиби тўғрисида"ги Низом

Ўша қилмишлар:

а) такроран ёки хавфли рецидивист томонидан;

б) кўп миқдорда;

в) бир гуруҳ шахслар томонидан олдиндан тил бириктириб содир этилган бўлса, -

базавий ҳисоблаш миқдорининг бир юз эллик бараваридан уч юз бараваригача миқдорда жарима ёки уч юз соатдан уч юз олтмиш соатгача мажбурий жамоат ишлари ёхуд икки йилдан уч йилгача ахлоқ тузатиш ишлари билан жазоланади. (ЎзР 03.12.2019 й. ЎРҚ-586-сон Қонуни таҳриридаги санкция) (Олдинги таҳририга қаранг)

Ўша қилмишлар:

а) жуда кўп миқдорда;

б) уюшган гуруҳ томонидан ёки унинг манфаатларини кўзлаб содир этилган бўлса, -

базавий ҳисоблаш миқдорининг уч юз бараваридан олти юз бараваригача миқдорда жарима ёки уч юз олтмиш соатдан тўрт юз саксон соатгача мажбурий жамоат ишлари ёки бир йилдан уч йилгача озодликни чеклаш ёхуд уч йилгача озодликдан маҳрум қилиш билан жазоланади. (ЎзР 03.12.2019 й. ЎРҚ-586-сон Қонуни таҳриридаги санкция) (Олдинги таҳририга қаранг)

185-2-модда. Электр, иссиқлик энергияси, газ,

водопроводдан фойдаланиш қоидаларини бузиш

(ЎзР 13.06.2017 й. ЎРҚ-436-сон Қонуни таҳриридаги модда матни)

(Олдинги таҳририга қаранг)

Умумий фойдаланишдаги электр, иссиқлик, газ ёки водопровод тармоқларига ўзбошимчалик билан уланиш ёхуд электр, иссиқлик энергияси, табиий газ, совуқ ёки иссиқ сувни ҳисобга олиш асбобларига, шу жумладан уларнинг пломбаларига қасддан шикаст етказиш ёхуд бундай ҳисобга олиш асбобларининг кўрсаткичларини ўзгартириш мақсадида уларга ташқаридан аралашиш, шундай ҳаракатлар учун маъмурий жазо қўлланилганидан кейин содир этилган бўлса, -

базавий ҳисоблаш миқдорининг йигирма беш бараваридан етмиш беш бараваригача миқдорда жарима ёки икки юз қирқ соатгача мажбурий жамоат ишлари ёки бир йилгача ахлоқ тузатиш ишлари билан жазоланади. (ЎзР 03.12.2019 й. ЎРҚ-586-сон Қонуни таҳриридаги санкция)

Умумий фойдаланишдаги электр, иссиқлик, газ ёки водопровод тармоқларига ўзбошимчалик билан уланиш ёхуд электр, иссиқлик энергияси, табиий газ, совуқ ёки иссиқ сувни ҳисобга олиш асбобларига, шу жумладан уларнинг пломбаларига қасддан шикаст етказиш ёхуд бундай ҳисобга олиш асбобларининг кўрсаткичларини ўзгартириш мақсадида уларга ташқаридан аралашиш анча миқдорда зарар етказган ҳолда содир этилган бўлса, -

базавий ҳисоблаш миқдорининг етмиш беш бараваридан бир юз эллик бараваригача миқдорда жарима ёки икки юз қирқ соатдан уч юз соатгача мажбурий жамоат ишлари ёки икки йилгача ахлоқ тузатиш ишлари ёхуд бир йилгача озодликни чеклаш ёки бир йилгача озодликдан маҳрум қилиш билан жазоланади. (ЎзР 03.12.2019 й. ЎРҚ-586-сон Қонуни таҳриридаги санкция)

Умумий фойдаланишдаги электр, иссиқлик, газ ёки водопровод тармоқларига ўзбошимчалик билан уланиш ёхуд электр, иссиқлик энергияси, табиий газ, совуқ ёки иссиқ сувни ҳисобга олиш асбобларига, шу жумладан уларнинг пломбаларига қасддан шикаст етказиш ёхуд бундай ҳисобга олиш асбобларининг кўрсаткичларини ўзгартириш мақсадида уларга ташқаридан аралашиш кўп миқдорда зарар етказган ҳолда содир этилган бўлса, -

базавий ҳисоблаш миқдорининг бир юз эллик бараваридан уч юз бараваригача миқдорда жарима ёки уч юз соатдан уч юз олтмиш соатгача мажбурий жамоат ишлари ёки икки йилдан уч йилгача ахлоқ тузатиш ишлари ёхуд бир йилдан икки йилгача озодликни чеклаш ёки бир йилдан икки йилгача озодликдан маҳрум қилиш билан жазоланади. (ЎзР 03.12.2019 й. ЎРҚ-586-сон Қонуни таҳриридаги санкция)

Умумий фойдаланишдаги электр, иссиқлик, газ ёки водопровод тармоқларига ўзбошимчалик билан уланиш ёхуд электр, иссиқлик энергияси, табиий газ, совуқ ёки иссиқ сувни ҳисобга олиш асбобларига, шу жумладан уларнинг пломбаларига қасддан шикаст етказиш ёхуд бундай ҳисобга олиш асбобларининг кўрсаткичларини ўзгартириш мақсадида уларга ташқаридан аралашиш жуда кўп миқдорда зарар етказган ҳолда содир этилган бўлса, -

базавий ҳисоблаш миқдорининг уч юз бараваридан беш юз бараваригача миқдорда жарима ёки икки йилдан уч йилгача озодликни чеклаш ёхуд икки йилдан уч йилгача озодликдан маҳрум қилиш билан жазоланади. (ЎзР 03.12.2019 й. ЎРҚ-586-сон Қонуни таҳриридаги санкция)

Ушбу модда умумий фойдаланишдаги электр, иссиқлик, газ ёки водопровод тармоқларига тижорат мақсадларида ўзбошимчалик билан уланиш ёхуд электр энергиясини, табиий газни, совуқ ёки иссиқ сувни ҳисобга олиш асбобларига, шу жумладан уларнинг пломбаларига қасддан шикаст етказиш ёхуд ҳисобга олиш асбобларининг кўрсаткичларини ўзгартириш мақсадида уларга ташқаридан аралашиш орқали талон-торож қилиш билан боғлиқ ҳаракатлар содир этилганда қўлланилмайди. (ЎзР 13.03.2023 й. ЎРҚ-822-сон Қонунига мувофиқ киритилган қисм)

Қаранг: МЖтКнинг 101, 163-моддалари; ВМнинг 2000 йил 10 январдаги 8-сон Қарори билан тасдиқланган "Ўзбекистон Республикаси истеъмолчиларига газ етказиб бериш Қоидалари"; ВМнинг 2009 йил 22 августдаги 245-сон Қарори билан тасдиқланган "Электр энергиясидан фойдаланиш Қоидалари"; ВМнинг 2018 йил 12 январдаги 22-сон Қарори билан тасдиқланган "Электр энергиясидан фойдаланиш Қоидалари" ва "Табиий газдан фойдаланиш Қоидалари"

XIII БОБ. ХЎЖАЛИК ФАОЛИЯТИ

СОҲАСИДАГИ ЖИНОЯТЛАР

186-модда. Хавфсизлик талабларига жавоб бермайдиган товарларни

ўтказиш мақсадини кўзлаб ишлаб чиқариш, сақлаш, ташиш ёхуд

ўтказиш, ишлар бажариш ёки хизматлар кўрсатиш

186-1-модда. Этил спирти, алкоголли маҳсулот

ва тамаки маҳсулотини қонунга хилоф равишда

муомалага киритиш ёки ишлаб чиқариш

186-2-модда. Чигитдан олинадиган маҳсулотни қонунга

хилоф равишда ишлаб чиқариш ёки муомалага киритиш

186-3-модда. Сифатсиз ёки қалбакилаштирилган дори

воситаларини ёхуд тиббий буюмларни ўтказиш мақсадида

ишлаб чиқариш, тайёрлаш, олиш, сақлаш, ташиш ёки ўтказиш,

дори воситаларини ёки тиббий буюмларни дорихоналардан

ва уларнинг филиалларидан ташқарида реализация қилиш,

шунингдек таркибида кучли таъсир қилувчи моддалар

мавжуд бўлган дори воситаларини рецепт бўйича

чакана реализация қилиш тартибини бузиш

187-модда. Харидор ёки буюртмачиларни алдаш

188-модда. Ноқонуний тадбиркорлик фаолияти

188-1-модда. Пул маблағларини ва (ёки) бошқа

мол-мулкни жалб этишга доир ноқонуний фаолият

189-модда. Савдо ёки хизмат кўрсатиш қоидаларини бузиш

190-модда. Фаолият билан лицензиясиз ёки рухсат

этиш хусусиятига эга ҳужжатсиз ёхуд хабарнома

юбормасдан шуғулланиш

191-модда. Қонунга хилоф равишда ахборот тўплаш,

уни ошкор қилиш ёки ундан фойдаланиш

192-модда. Рақобатчини обрўсизлантириш

186-модда. Хавфсизлик талабларига жавоб

бермайдиган товарларни ўтказиш мақсадини

кўзлаб ишлаб чиқариш, сақлаш, ташиш ёхуд

ўтказиш, ишлар бажариш ёки хизматлар кўрсатиш

(ЎзР 25.04.2007 й. ЎРҚ-93-сон Қонуни таҳриридаги модда номи)

(Олдинги таҳририга қаранг)

(ЎзР 15.11.2023 й. ЎРҚ-878-сон Қонуни таҳриридаги модда матни)

(Олдинги таҳририга қаранг)

Истеъмолчиларнинг ҳаёти ёки соғлиғи хавфсизлиги талабларига жавоб бермайдиган товарларни ўтказиш мақсадини кўзлаб ишлаб чиқариш, сақлаш, ташиш ёхуд ўтказиш, ишлар бажариш ёки хизматлар кўрсатиш, -

базавий ҳисоблаш миқдорининг юз бараваридан икки юз бараваригача миқдорда жарима ёки уч юз соатгача мажбурий жамоат ишлари ёхуд бир йилдан икки йилгача ахлоқ тузатиш ишлари ёки бир йилдан уч йилгача озодликни чеклаш ёхуд уч йилгача озодликдан маҳрум қилиш билан жазоланади.

Ўша ҳаракатлар:

а) жуда кўп миқдорда;

б) бир гуруҳ шахслар томонидан олдиндан тил бириктириб;

в) такроран ёки хавфли рецидивист томонидан содир этилган бўлса;

г) баданга ўртача оғир ёхуд оғир шикаст етказилишига сабаб бўлса, -

базавий ҳисоблаш миқдорининг икки юз бараваридан тўрт юз бараваригача миқдорда жарима ёки уч йилдан беш йилгача озодликни чеклаш ёхуд уч йилдан беш йилгача озодликдан маҳрум қилиш билан жазоланади.

Ўша ҳаракатлар одам ўлишига сабаб бўлса, -

беш йилдан етти йилгача озодликдан маҳрум қилиш билан жазоланади.

Ўша ҳаракатлар:

а) одамлар ўлимига;

б) бошқача оғир оқибатларнинг келиб чиқишига сабаб бўлса, -

етти йилдан ўн икки йилгача озодликдан маҳрум қилиш билан жазоланади.

186-1-модда. Этил спирти, алкоголли маҳсулот

ва тамаки маҳсулотини қонунга хилоф равишда

муомалага киритиш ёки ишлаб чиқариш

(ЎзР 15.11.2023 й. ЎРҚ-878-сон Қонуни таҳриридаги модда)

(Олдинги таҳририга қаранг)

Этил спирти, алкоголли ва тамаки маҳсулотларини қонунга хилоф равишда муомалага киритиш анча миқдорда ёхуд шундай ҳаракатлар учун маъмурий жазо қўлланилганидан кейин содир этилган бўлса, -

базавий ҳисоблаш миқдорининг икки юз бараваридан тўрт юз бараваригача миқдорда жарима ёки уч йилгача ахлоқ тузатиш ишлари ёки икки йилдан беш йилгача озодликни чеклаш ёхуд беш йилгача озодликдан маҳрум қилиш билан жазоланади.

Этил спирти, алкоголли ва тамаки маҳсулотларини қонунга хилоф равишда ишлаб чиқариш, -

базавий ҳисоблаш миқдорининг икки юз бараваридан тўрт юз бараваригача миқдорда жарима ёки уч йилгача ахлоқ тузатиш ишлари ёки уч йилдан беш йилгача озодликни чеклаш ёхуд беш йилгача озодликдан маҳрум қилиш билан жазоланади.

Ушбу модданинг биринчи ва иккинчи қисмларида назарда тутилган ҳаракатлар:

а) кўп миқдорда;

б) бир гуруҳ шахслар томонидан олдиндан тил бириктириб;

в) такроран ёки хавфли рецидивист томонидан;

г) хизмат лавозимини суиистеъмол қилиш йўли билан содир этилган бўлса, -

базавий ҳисоблаш миқдорининг тўрт юз бараваридан олти юз бараваригача миқдорда жарима ёки беш йилдан етти йилгача озодликдан маҳрум қилиш билан жазоланади.

Ушбу модданинг биринчи ва иккинчи қисмларида назарда тутилган ҳаракатлар:

а) жуда кўп миқдорда;

б) уюшган гуруҳ томонидан ёки унинг манфаатларини кўзлаб содир этилган бўлса, -

етти йилдан ўн икки йилгача озодликдан маҳрум қилиш билан жазоланади.

Этил спирти, алкоголли маҳсулот ва тамаки маҳсулотини кўп миқдорда ёки жуда кўп миқдорда қонунга хилоф равишда муомалага киритиш ёхуд ишлаб чиқаришга ҳокимият ёки мансаб ваколатларини суиистеъмол қилиш йўли билан ҳомийлик қилиш, -

етти йилдан ўн икки йилгача озодликдан маҳрум қилиш билан жазоланади.

186-2-модда. Чигитдан олинадиган маҳсулотни қонунга

хилоф равишда ишлаб чиқариш ёки муомалага киритиш

(ЎзР 25.04.2007 й. ЎРҚ-93-сон Қонуни таҳриридаги модда)

Чигитдан олинадиган маҳсулотни қонунга хилоф равишда ишлаб чиқариш ёки муомалага киритиш, -

базавий ҳисоблаш миқдорининг юз бараваридан уч юз бараваригача миқдорда жарима ёки уч юз олтмиш соатгача мажбурий жамоат ишлари ёки уч йилгача ахлоқ тузатиш ишлари ёки бир йилдан уч йилгача озодликни чеклаш ёхуд уч йилгача озодликдан маҳрум қилиш билан жазоланади. (ЎзР 03.12.2019 й. ЎРҚ-586-сон Қонуни таҳриридаги санкция) (Олдинги таҳририга қаранг)

Ўша ҳаракатлар:

а) кўп миқдорда;

б) бир гуруҳ шахслар томонидан олдиндан тил бириктириб;

в) такроран ёки хавфли рецидивист томонидан;

г) мансаб мавқеини суиистеъмол қилиш йўли билан содир этилган бўлса, -

базавий ҳисоблаш миқдорининг уч юз бараваридан олти юз бараваригача миқдорда жарима ёки уч йилдан етти йилгача озодликдан маҳрум қилиш билан жазоланади. (ЎзР 03.12.2019 й. ЎРҚ-586-сон Қонуни таҳриридаги санкция)

Ўша ҳаракатлар:

а) жуда кўп миқдорда;

б) уюшган гуруҳ томонидан ёки унинг манфаатларини кўзлаб содир этилган бўлса, -

етти йилдан ўн йилгача озодликдан маҳрум қилиш билан жазоланади.

186-3-модда. Сифатсиз ёки қалбакилаштирилган дори

воситаларини ёхуд тиббий буюмларни ўтказиш мақсадида

ишлаб чиқариш, тайёрлаш, олиш, сақлаш, ташиш ёки ўтказиш,

дори воситаларини ёки тиббий буюмларни дорихоналардан

ва уларнинг филиалларидан ташқарида реализация қилиш,

шунингдек таркибида кучли таъсир қилувчи моддалар

мавжуд бўлган дори воситаларини рецепт бўйича

чакана реализация қилиш тартибини бузиш

(ЎзР 21.07.2020 й. ЎРҚ-629-сон Қонуни таҳриридаги модда номи)

(Олдинги таҳририга қаранг)

(ЎзР 22.10.2018 й. ЎРҚ-503-сон Қонуни таҳриридаги модда)

(Олдинги таҳририга қаранг)

Сифатсиз ёки қалбакилаштирилган дори воситаларини ёхуд тиббий буюмларни ўтказиш мақсадида ишлаб чиқариш, тайёрлаш, олиш, сақлаш, ташиш ёки ўтказиш, шунингдек дори воситаларини ёки тиббий буюмларни дорихоналардан ва уларнинг филиалларидан ташқарида реализация қилиш, шундай ҳаракатлар учун маъмурий жазо қўлланилганидан кейин содир этилган бўлса, - (ЎзР 21.07.2020 й. ЎРҚ-629-сон Қонуни таҳриридаги диспозиция) (Олдинги таҳририга қаранг)

базавий ҳисоблаш миқдорининг юз бараваридан уч юз бараваригача миқдорда жарима ёки уч йилгача ахлоқ тузатиш ишлари ёки икки йилдан беш йилгача озодликни чеклаш ёхуд беш йилгача озодликдан маҳрум қилиш билан жазоланади. (ЎзР 03.12.2019 й. ЎРҚ-586-сон Қонуни таҳриридаги санкция)

Қаранг: МЖтКнинг 165-1-моддаси; "Дори воситалари ва фармацевтика фаолияти тўғрисида"ги Қонун (Янги таҳрири) 18-моддасининг иккинчи қисми, 19-моддасининг олтинчи қисми, 20-моддасининг тўртинчи қисми, 23-моддасининг учинчи қисми

Ўша ҳаракатлар:

а) кўп миқдорда;

б) бир гуруҳ шахслар томонидан олдиндан тил бириктириб;

в) такроран ёки хавфли рецидивист томонидан;

г) мансаб мавқеини суиистеъмол қилиш йўли билан содир этилган бўлса;

д) баданга ўртача оғир ёхуд оғир шикаст етказилишига сабаб бўлса;

е) дори воситалари ёки тиббий буюмларнинг сифати ва давлат рўйхатидан ўтганлигини тасдиқловчи ҳужжатларни қалбакилаштириш йўли билан содир этилган бўлса, -

беш йилдан саккиз йилгача озодликдан маҳрум қилиш билан жазоланади.

Ўша ҳаракатлар:

а) жуда кўп миқдорда;

б) уюшган гуруҳ томонидан ёки унинг манфаатларини кўзлаб содир этилган бўлса;

в) одам ўлишига сабаб бўлса, -

саккиз йилдан ўн йилгача озодликдан маҳрум қилиш билан жазоланади.

Ўша ҳаракатлар:

а) одамлар ўлимига сабаб бўлса;

б) бошқача оғир оқибатларнинг келиб чиқишига сабаб бўлса, -

ўн йилдан ўн беш йилгача озодликдан маҳрум қилиш билан жазоланади.

Таркибида кучли таъсир қилувчи моддалар мавжуд бўлган дори воситаларини рецепт бўйича чакана реализация қилиш тартибини бузиш, шундай ҳаракат учун маъмурий жазо қўлланилганидан кейин ёки кўп миқдорда содир этилган бўлса, -

(ЎзР 21.07.2020 й. ЎРҚ-629-сон Қонунига мувофиқ киритилган қисм)

Ушбу модданинг биринчи - тўртинчи қисмлари таркибида кучли таъсир қилувчи моддалар мавжуд бўлган дори воситалари билан боғлиқ ҳаракатларни амалга оширишда қўлланилмайди. (ЎзР 25.08.2021 й. ЎРҚ-711-сон Қонунига мувофиқ киритилган қисм)

ЎзР 15.12.2000 й. 175-II-сон Қонунига мувофиқ 187-модда ўз кучини йўқотган

187-модда. Харидор ёки буюртмачиларни алдаш

Мулкчилик шаклидан қатъи назар, аҳолига товар сотиш ёки хизмат кўрсатиш корхоналарида, шунингдек савдо ёки аҳолига хизмат кўрсатиш соҳасида якка тартибдаги меҳнат фаолияти билан шуғулланадиган шахслар томонидан кам ўлчаш, кам тортиш, ҳақдан уриб қолиш ёхуд харидор ва буюртмачиларни бошқача тарзда алдаш, унча кўп бўлмаган миқдорда содир этилган бўлса, -

энг кам ойлик иш ҳақининг эллик бараваригача миқдорда жарима ёки беш йилгача муайян ҳуқуқдан маҳрум қилиш, ёхуд мол-мулк мусодара қилиниб ёки мусодара қилинмай икки йилгача ахлоқ тузатиш ишлари билан жазоланади.

Ўша ҳаракатлар:

а) такроран ёки хавфли рецидивист томонидан;

б) анча миқдорда;

в) бир гуруҳ шахслар томонидан олдиндан тил бириктириб содир этилган бўлса, -

энг кам ойлик иш ҳақининг эллик бараваридан етмиш беш бараваригача миқдорда жарима ёки икки йилдан уч йилгача ахлоқ тузатиш ишлари ёхуд мол-мулк мусодара қилиниб ёки мусодара қилинмай олти ойгача қамоқ билан жазоланади. (ЎзР 20.08.1999 й. 832-I-сон Қонун таҳриридаги қисм)

Ўша ҳаракатлар кўп миқдорда содир этилган бўлса, -

энг кам ойлик иш ҳақининг етмиш беш бараваридан юз бараваригача миқдорда жарима ёки олти ойгача қамоқ ёхуд мол-мулк мусодара қилиниб, уч йилгача озодликдан маҳрум қилиш билан жазоланади. (ЎзР 20.08.1999 й. 832-I-сон Қонун таҳриридаги қисм)

188-модда. Ноқонуний тадбиркорлик фаолияти

(ЎзР 20.08.2015 й. ЎРҚ-391-сон Қонуни таҳриридаги модда)

(Олдинги таҳририга қаранг)

Тадбиркорлик фаолиятини давлат рўйхатидан ўтмасдан жуда кўп миқдордаги назорат қилинмайдиган даромад олган ҳолда амалга ошириш, -

уч йилгача муайян ҳуқуқдан маҳрум қилиб, базавий ҳисоблаш миқдорининг уч юз бараваридан олти юз бараваригача миқдорда жарима ёки тўрт юз саксон соатгача мажбурий жамоат ишлари ёки икки йилдан беш йилгача озодликни чеклаш ёхуд беш йилгача озодликдан маҳрум қилиш билан жазоланади. (ЎзР 03.12.2019 й. ЎРҚ-586-сон Қонуни таҳриридаги санкция) (Олдинги таҳририга қаранг)

Биринчи марта жиноят содир этган шахс, агар у жиноят аниқланган кундан эътиборан ўттиз кунлик муддатда солиқлар ва йиғимлар тарзида давлатга етказилган зарарнинг ўрнини ихтиёрий равишда қоплаган, тадбиркорлик субъектининг рўйхатдан ўтказилишини таъминлаган ва зарур бўлган рухсат берувчи ҳужжатларни расмийлаштирган бўлса, жавобгарликдан озод этилади. (ЎзР 11.03.2022 й. ЎРҚ-758-сон Қонуни таҳриридаги қисм) (Олдинги таҳририга қаранг)

Қаранг: "Тадбиркорлик фаолияти эркинлигининг кафолатлари тўғрисида"ги Қонуннинг (Янги таҳрири) 13-моддаси

Шунингдек қаранг: ОС Пленумининг 2013 йил 11 декабрдаги "Тадбиркорлик фаолияти билан боғлиқ ишлар бўйича суд амалиётининг айрим масалалари тўғрисида"ги 20-сон Қарорининг 7, 8, 13-4, 13-5-бандлари; ОС Пленумининг 1998 йил 17 апрелдаги "Иқтисодиёт соҳасидаги жиноий ишлар бўйича суд амалиётида юзага келган айрим масалалар тўғрисида"ги 11-сон Қарорининг 17-банди; ОС Пленумининг 1996 йил 15 мартдаги "Савдо соҳасидаги жиноятлар ва бошқа ҳуқуқбузарликлар тўғрисидаги ишлар бўйича суд амалиёти ҳақида"ги 9-сон Қарорининг 4, 5, 13-1-13-3-бандлари

188-1-модда. Пул маблағларини ва (ёки) бошқа

мол-мулкни жалб этишга доир ноқонуний фаолият

(ЎзР 23.09.2016 й. ЎРҚ-411-сон Қонунига мувофиқ киритилган модда)

Мулкий манфаат бериш бўйича зиммага мажбурият олиш йўли билан жисмоний ва юридик шахсларнинг пул маблағларини ва (ёки) бошқа мол-мулкини жалб этишга доир ноқонуний фаолиятни амалга ошириш ва бунда илгари олинган мажбуриятни жисмоний ва юридик шахсларнинг янги жалб этилган пул маблағлари ва (ёки) бошқа мол-мулки ҳисобидан бажариш, шунингдек бундай фаолиятга раҳбарлик қилиш ҳамда шундай фаолият кўрсатилишини таъминлаш, худди шунингдек мазкур фаолиятда иштирок этишга жалб қилиш мақсадида ушбу фаолиятни реклама қилиш, шу жумладан оммавий ахборот воситаларидан ёхуд телекоммуникация тармоқларидан, шунингдек Интернет жаҳон ахборот тармоғидан фойдаланган ҳолда реклама қилиш -

базавий ҳисоблаш миқдорининг юз бараваридан уч юз бараваригача миқдорда жарима ёки икки йилгача ахлоқ тузатиш ишлари ёки уч йилдан беш йилгача озодликни чеклаш ёхуд уч йилдан беш йилгача озодликдан маҳрум қилиш билан жазоланади. (ЎзР 03.12.2019 й. ЎРҚ-586-сон Қонуни таҳриридаги санкция)

а) кўп миқдорда;

б) такроран ёки хавфли рецидивист томонидан;

в) бир гуруҳ шахслар томонидан олдиндан тил бириктириб;

г) оммавий ахборот воситаларидан ёхуд телекоммуникация тармоқларидан, шунингдек Интернет жаҳон ахборот тармоғидан фойдаланиб содир этилган бўлса, -

базавий ҳисоблаш миқдорининг уч юз бараваридан беш юз бараваригача миқдорда жарима ёки икки йилдан уч йилгача ахлоқ тузатиш ишлари ёхуд беш йилдан етти йилгача озодликдан маҳрум қилиш билан жазоланади. (ЎзР 03.12.2019 й. ЎРҚ-586-сон Қонуни таҳриридаги санкция)

Ушбу модданинг иккинчи қисмида назарда тутилган қилмишлар:

а) жуда кўп миқдорда;

б) ўта хавфли рецидивист томонидан;

в) уюшган гуруҳ томонидан ёки унинг манфаатларини кўзлаб содир этилган бўлса, -

етти йилдан ўн йилгача озодликдан маҳрум қилиш билан жазоланади.

189-модда. Савдо ёки хизмат кўрсатиш қоидаларини бузиш

(ЎзР 29.08.2001 й. 254-II-сон Қонуни таҳриридаги модда)

ЎзР 20.08.2015 й. ЎРҚ-391-сон Қонунига мувофиқ биринчи қисм чиқариб ташланган

Савдо ёки хизмат кўрсатиш қоидаларини анча миқдордаги қийматда бузиш, шундай қилмишлар учун маъмурий жазо қўлланилганидан кейин содир этилган бўлса, -

энг кам ойлик иш ҳақининг бир юз эллик бараваригача миқдорда жарима ёки беш йилгача муайян ҳуқуқдан маҳрум қилиш ёхуд бир йилгача ахлоқ тузатиш ишлари билан жазоланади.

ЎзР 20.08.2015 й. ЎРҚ-391-сон Қонунига мувофиқ иккинчи қисм чиқариб ташланган

Товарлар савдоси ёки хизмат кўрсатиш қоидаларини кўп миқдордаги қийматда бузиш, шунингдек савдо ёки хизмат кўрсатиш қоидаларини бузиш:

а) хавфли рецидивист ёки илгари ушбу Кодекснинг 188 ёки 190-моддаларида назарда тутилган жиноятларни содир этган шахс томонидан;

б) бир гуруҳ шахслар томонидан олдиндан тил бириктириб содир этилган бўлса, -

энг кам ойлик иш ҳақининг бир юз эллик бараваридан уч юз бараваригача миқдорда жарима ёки икки йилгача ахлоқ тузатиш ишлари билан жазоланади.

Товарлар савдоси ёки хизмат кўрсатиш қоидаларини жуда кўп миқдордаги қийматда бузиш -

базавий ҳисоблаш миқдорининг уч юз бараваридан олти юз бараваригача миқдорда жарима ёки икки йилгача ахлоқ тузатиш ишлари билан жазоланади. (ЎзР 03.12.2019 й. ЎРҚ-586-сон Қонуни таҳриридаги санкция) (Олдинги таҳририга қаранг)

Биринчи марта жиноят содир этган шахс, агар у жиноят аниқланган кундан эътиборан ўттиз кунлик муддатда савдо ёки хизмат кўрсатиш қоидалари бузилишининг оқибатларини бартараф этган ва етказилган моддий зарарнинг ўрнини қоплаган бўлса, жавобгарликдан озод этилади. (ЎзР 29.12.2016 й. ЎРҚ-418-сон Қонунига мувофиқ киритилган қисм)

Шунингдек қаранг: ОС Пленумининг 2013 йил 11 декабрдаги "Тадбиркорлик фаолияти билан боғлиқ ишлар бўйича суд амалиётининг айрим масалалари тўғрисида"ги 20-сон Қарорининг 13-2, 13-4, 13-5-бандлари; ОС Пленумининг 1996 йил 15 мартдаги "Савдо соҳасидаги жиноятлар ва бошқа ҳуқуқбузарликлар тўғрисидаги ишлар бўйича суд амалиёти ҳақида"ги 9-сон Қарорининг 6, 13-1-13-3-бандлари

190-модда. Фаолият билан лицензиясиз ёки рухсат

этиш хусусиятига эга ҳужжатсиз ёхуд хабарнома

юбормасдан шуғулланиш

(ЎзР 12.10.2021 й. ЎРҚ-721-сон Қонуни таҳриридаги модда)

(Олдинги таҳририга қаранг)

Хабардор қилиш тартибида амалга оширилиши лозим бўлган фаолият (ҳаракатлар) билан хабарнома юбормасдан шуғулланиш жуда кўп миқдорда даромад олиш билан боғлиқ бўлса, -

базавий ҳисоблаш миқдорининг йигирма беш баравари миқдорида жарима ёки бир йилгача муайян ҳуқуқлардан маҳрум қилиш ёхуд бир юз олтмиш соатгача мажбурий жамоат ишлари билан жазоланади.

Ушбу модданинг биринчи қисмида назарда тутилган ҳаракатлар:

а) хавфли рецидивист томонидан;

б) бир гуруҳ шахслар томонидан олдиндан тил бириктириб содир этилган бўлса, -

базавий ҳисоблаш миқдорининг етмиш баравари миқдорда жарима ёки икки юз соатдан уч юз соатгача мажбурий жамоат ишлари билан жазоланади.

Амалга оширилиши учун рухсат этиш хусусиятига эга ҳужжатни олиш талаб этиладиган фаолият (ҳаракатлар) билан рухсат этиш хусусиятига эга ҳужжатсиз шуғулланиш жуда кўп миқдорда даромад олиш билан боғлиқ бўлса, -

базавий ҳисоблаш миқдорининг қирқ баравари миқдорида жарима ёки икки йилгача муайян ҳуқуқлардан маҳрум қилиш ёхуд икки юз ўттиз соатгача мажбурий жамоат ишлари ёки ўн ойгача ахлоқ тузатиш ишлари билан жазоланади.

Ушбу модданинг учинчи қисмида назарда тутилган ҳаракатлар:

а) хавфли рецидивист томонидан;

б) бир гуруҳ шахслар томонидан олдиндан тил бириктириб содир этилган бўлса, -

базавий ҳисоблаш миқдорининг тўқсон баравари миқдорида жарима ёки икки юз эллик соатдан тўрт юз соатгача мажбурий жамоат ишлари билан жазоланади.

Лицензияланиши лозим бўлган фаолият билан лицензиясиз шуғулланиш жуда кўп миқдорда даромад олиш билан боғлиқ бўлса, -

базавий ҳисоблаш миқдорининг эллик беш баравари миқдорида жарима ёки беш йилгача муайян ҳуқуқдан маҳрум қилиш ёхуд уч юз соатгача мажбурий жамоат ишлари ёки уч йилгача муддатга ахлоқ тузатиш ишлари билан жазоланади.

Ушбу модданинг бешинчи қисмида назарда тутилган ҳаракатлар:

а) хавфли рецидивист томонидан;

б) бир гуруҳ шахслар томонидан олдиндан тил бириктириб содир этилган бўлса, -

базавий ҳисоблаш миқдорининг юз баравари миқдорида жарима ёки уч юз соатдан тўрт юз саксон соатгача мажбурий жамоат ишлари билан жазоланади.

Биринчи марта жиноят содир этган шахс, агар у жиноят аниқланган кундан эътиборан ўттиз кунлик муддатда фаолиятбилан лицензиясиз, шунингдек фаолият (ҳаракатлар) билан рухсат этиш хусусиятига эга ҳужжатсиз ёки хабарнома юбормасдан шуғулланиш оқибатларини бартараф этган ва етказилган моддий зарарнинг ўрнини қоплаган бўлса, жавобгарликдан озод этилади.

191-модда. Қонунга хилоф равишда ахборот тўплаш,

уни ошкор қилиш ёки ундан фойдаланиш

Сир тутиладиган фан-техника, ишлаб чиқариш, иқтисодиёт, савдога оид ёки бошқа шу каби ахборотни эгасининг розилигисиз ошкор қилиш ёки ундан фойдаланиш мақсадида ҳар қандай усулда тўплаш -

базавий ҳисоблаш миқдорининг юз бараваригача миқдорда жарима ёки уч юз соатгача мажбурий жамоат ишлари ёхуд икки йилгача ахлоқ тузатиш ишлари билан жазоланади. (ЎзР 03.12.2019 й. ЎРҚ-586-сон Қонуни таҳриридаги санкция) (Олдинги таҳририга қаранг)

Қаранг: "Тадбиркорлик фаолияти эркинлигининг кафолатлари тўғрисида"ги Қонуннинг (Янги таҳрири) 37-моддаси

Сир тутиладиган фан-техникага, ишлаб чиқариш, иқтисодиёт, савдога оид ва бошқа шу каби ахборотни эгасининг розилигисиз қасддан ошкор қилиш ёки ундан фойдаланиш хўжалик юритувчи субъектга кўп миқдорда зарар етказган бўлса, -

базавий ҳисоблаш миқдорининг юз бараваридан икки юз бараваригача миқдорда жарима ёки уч юз соатдан тўрт юз саксон соатгача мажбурий жамоат ишлари ёхуд икки йилдан уч йилгача ахлоқ тузатиш ишлари билан жазоланади. (ЎзР 03.12.2019 й. ЎРҚ-586-сон Қонуни таҳриридаги санкция) (Олдинги таҳририга қаранг)

192-модда. Рақобатчини обрўсизлантириш

Рақобатчини обрўсизлантириш, яъни босма ёки бошқача усулда кўпайтирилган матнларда ёки оммавий ахборот воситалари орқали хўжалик юритувчи субъектнинг ишбилармонлик нуфузига путур етказиш мақсадида била туриб ёлғон, ноаниқ ёки бузиб кўрсатилган маълумотларни тарқатиш -

базавий ҳисоблаш миқдорининг эллик бараваридан юз бараваригача миқдорда жарима ёки уч юз олтмиш соатгача мажбурий жамоат ишлари ёхуд уч йилгача ахлоқ тузатиш ишлари билан жазоланади. (ЎзР 03.12.2019 й. ЎРҚ-586-сон Қонуни таҳриридаги санкция) (Олдинги таҳририга қаранг)

XIII-1 БОБ. ТАДБИРКОРЛИК ФАОЛИЯТИГА

ТЎСҚИНЛИК ҚИЛИШ, ҚОНУНГА ХИЛОФ РАВИШДА

АРАЛАШИШ БИЛАН БОҒЛИҚ ЖИНОЯТЛАР ҲАМДА

ХЎЖАЛИК ЮРИТУВЧИ СУБЪЕКТЛАРНИНГ ҲУҚУҚЛАРИ

ВА ҚОНУНИЙ МАНФААТЛАРИГА ТАЖОВУЗ

ҚИЛАДИГАН БОШҚА ЖИНОЯТЛАР

(ЎзР 20.08.2015 й. ЎРҚ-391-сон Қонунига мувофиқ киритилган боб)

Шунингдек қаранг: ОС Пленумининг 2013 йил 11 декабрдаги "Тадбиркорлик фаолияти билан боғлиқ ишлар бўйича суд амалиётининг айрим масалалари тўғрисида"ги 20-сон Қарори 5-бандининг ўн учинчи хатбоши; ОС Пленумининг 1998 йил 17 апрелдаги "Иқтисодиёт соҳасидаги жиноий ишлар бўйича суд амалиётида юзага келган айрим масалалар тўғрисида"ги 11-сон Қарорининг 7, 8-бандлари

192-1-модда. Хусусий мулк ҳуқуқини бузиш

192-2-модда. Тадбиркорлик субъектларининг фаолиятини

текшириш ва молия-хўжалик фаолиятини тафтиш

қилиш тартибини бузиш

192-3-модда. Тадбиркорлик субъектларининг фаолиятини

ва (ёки) уларнинг банклардаги ҳисобварақлари бўйича

операцияларни қонунга хилоф равишда тўхтатиб туриш

192-4-модда. Тадбиркорлик субъектларини ҳомийликка

ва бошқа тадбирларга мажбурий жалб этиш

192-5-модда. Лицензиялаш тўғрисидаги қонунчиликни ва рухсат

бериш тартиб-таомиллари тўғрисидаги қонунчиликни бузиш

192-6-модда. Имтиёзлар ва преференцияларни қўллашни

ғайриқонуний равишда рад этиш, қўлламаслик

ёки қўллашга тўсқинлик қилиш

192-7-модда. Хўжалик юритувчи субъектларга ва бошқа

ташкилотларга пул маблағлари беришни асоссиз

равишда кечиктириш

192-8-модда. Тадбиркорлик субъектларининг

ҳисобварақларида пул маблағлари мавжудлиги

тўғрисидаги ахборотни қонунга хилоф

равишда талаб қилиб олиш

192-9-модда. Тижоратда пора эвазига оғдириб олиш

192-10-модда. Нодавлат тижорат ташкилотининг

ёки бошқа нодавлат ташкилотининг хизматчисини

пора эвазига оғдириб олиш

192-11-модда. Нодавлат тижорат ташкилотида ёки бошқа

нодавлат ташкилотида мансабдор шахслар томонидан

ўз ваколатларини суиистеъмол қилиш

192-12-модда. Пул маблағларини қонунга

хилоф равишда ўтказиш ёки олиб қўйиш ёхуд

уларни ўз вақтида қайтармаслик

192-1-модда. Хусусий мулк ҳуқуқини бузиш

Назорат қилувчи, ҳуқуқни муҳофаза қилувчи ҳамда бошқа давлат органининг ва давлат ташкилотининг мансабдор шахси ёки хизматчиси томонидан хусусий мулкдорларнинг ҳуқуқларини бузиш йўли билан уларга зарар етказиш, яъни мулк ҳуқуқини қонунга хилоф равишда чеклаш ва (ёки) ундан маҳрум этиш, хусусий мулкка тажовуз қилиш, номақбуллиги олдиндан аён бўлган шартларни мулкдорга мажбуран қабул қилдириш, шу жумладан, мол-мулкни ёки мулкий ҳуқуқларни топширишни асоссиз равишда талаб қилиш, шунингдек мулкдорнинг мулкини олиб қўйиш ёхуд уни ўз мол-мулкига бўлган ҳуқуқидан воз кечишга мажбурлаш, талон-торож аломатлари мавжуд бўлмаган тақдирда, шундай ҳаракатлар учун маъмурий жазо қўлланилганидан кейин содир этилган бўлса, -

базавий ҳисоблаш миқдорининг икки юз бараваридан уч юз бараваригача миқдорда жарима ёки уч йилгача муайян ҳуқуқдан маҳрум қилиш ёхуд уч юз соатдан уч юз олтмиш соатгача мажбурий жамоат ишлари ёки уч йилгача ахлоқ тузатиш ишлари ёхуд уч йилгача озодликдан маҳрум қилиш билан жазоланади. (ЎзР 03.12.2019 й. ЎРҚ-586-сон Қонуни таҳриридаги санкция) (Олдинги таҳририга қаранг)

Қаранг: МЖТКнинг 241-1-моддаси; ФКнинг 16-боби; "Тадбиркорлик фаолияти эркинлигининг кафолатлари тўғрисида"ги Қонуннинг (Янги таҳрири) 23-моддаси; "Хусусий мулкни ҳимоя қилиш ва мулкдорлар ҳуқуқларининг кафолатлари тўғрисида"ги Қонун

Ўша ҳаракатлар:

а) кўп миқдорда зарар етказган ҳолда;

б) бир гуруҳ шахслар томонидан олдиндан тил бириктириб содир этилган бўлса, -

базавий ҳисоблаш миқдорининг уч юз бараваридан беш юз бараваригача миқдорда жарима ёки муайян ҳуқуқдан маҳрум қилиб, уч йилдан беш йилгача озодликни чеклаш ёхуд уч йилдан беш йилгача озодликдан маҳрум қилиш билан жазоланади. (ЎзР 03.12.2019 й. ЎРҚ-586-сон Қонуни таҳриридаги санкция) (Олдинги таҳририга қаранг)

Ўша ҳаракатлар:

а) жуда кўп миқдорда зарар етказган ҳолда;

б) уюшган гуруҳ манфаатларини кўзлаб содир этилган бўлса, -

базавий ҳисоблаш миқдорининг беш юз бараваридан олти юз бараваригача миқдорда жарима ёки муайян ҳуқуқдан маҳрум қилиб, беш йилдан етти йилгача озодликдан маҳрум қилиш билан жазоланади. (ЎзР 03.12.2019 й. ЎРҚ-586-сон Қонуни таҳриридаги санкция) (Олдинги таҳририга қаранг)

192-2-модда. Тадбиркорлик субъектларининг фаолиятини

текшириш ва молия-хўжалик фаолиятини тафтиш

қилиш тартибини бузиш

Тадбиркорлик субъектларининг фаолиятини текширишнинг ва молия-хўжалик фаолиятини тафтиш қилишнинг белгиланган тартибини бузиш, худди шунингдек тадбиркорлик субъектлари фаолиятини қонунга хилоф равишда текшириш ташаббуси билан чиқиш ва (ёки) ўтказиш, шундай ҳаракатлар учун маъмурий жазо қўлланилганидан кейин содир этилган бўлса, -

Қаранг: МЖТКнинг 241-2-моддаси; "Тадбиркорлик фаолияти эркинлигининг кафолатлари тўғрисида"ги Қонуннинг (Янги таҳрири) 39, 41-моддалари; "Хўжалик юритувчи субъектлар фаолиятини давлат томонидан назорат қилиш тўғрисида"ги Қонун

Ўша ҳаракатлар:

а) кўп миқдорда зарар етказган ҳолда;

б) бир гуруҳ шахслар томонидан олдиндан тил бириктириб содир этилган бўлса, -

Ўша ҳаракатлар:

а) жуда кўп миқдорда зарар етказган ҳолда;

б) уюшган гуруҳ манфаатларини кўзлаб содир этилган бўлса, -

192-3-модда. Тадбиркорлик субъектларининг фаолиятини

ва (ёки) уларнинг банклардаги ҳисобварақлари бўйича

операцияларни қонунга хилоф равишда тўхтатиб туриш

Тадбиркорлик субъектларининг фаолиятини ва (ёки) уларнинг банклардаги ҳисобварақлари бўйича операцияларни қонунга хилоф равишда тўхтатиб туриш, шундай ҳаракатлар учун маъмурий жазо қўлланилганидан кейин содир этилган бўлса, -

Қаранг: МЖТКнинг 241-3-моддаси

Ўша ҳаракатлар:

а) кўп миқдорда зарар етказган ҳолда;

б) бир гуруҳ шахслар томонидан олдиндан тил бириктириб содир этилган бўлса, -

Ўша ҳаракатлар:

а) жуда кўп миқдорда зарар етказган ҳолда;

б) уюшган гуруҳ манфаатларини кўзлаб содир этилган бўлса, -

192-4-модда. Тадбиркорлик субъектларини ҳомийликка

ва бошқа тадбирларга мажбурий жалб этиш

Назорат қилувчи, ҳуқуқни муҳофаза қилувчи ҳамда бошқа давлат органининг ва давлат ташкилотининг мансабдор шахси ёки хизматчиси томонидан тадбиркорлик субъектларини пул маблағларини ҳамда бошқа моддий қимматликларни ажратиш билан боғлиқ ҳомийликка ва бошқа тадбирларга мажбурий жалб этиш, шундай ҳаракатлар учун маъмурий жазо қўлланилганидан кейин содир этилган бўлса, -

базавий ҳисоблаш миқдорининг икки юз бараваридан тўрт юз бараваригача миқдорда жарима ёки уч йилгача муайян ҳуқуқдан маҳрум қилиш ёхуд уч юз олтмиш соатдан тўрт юз саксон соатгача мажбурий жамоат ишлари ёки уч йилдан беш йилгача озодликни чеклаш ёхуд уч йилдан беш йилгача озодликдан маҳрум қилиш билан жазоланади. (ЎзР 03.12.2019 й. ЎРҚ-586-сон Қонуни таҳриридаги санкция) (Олдинги таҳририга қаранг)

Қаранг: МЖТКнинг 241-4-моддаси; "Ҳомийлик тўғрисида"ги Қонун 3-моддасининг тўртинчи хатбоши, 5-моддаси

Етказилган моддий зарарнинг ўрниқопланган тақдирда озодликни чеклаш ва озодликдан маҳрум қилиш тариқасидаги жазо қўлланилмайди.

192-5-модда. Лицензиялаш тўғрисидаги қонунчиликни ва рухсат

бериш тартиб-таомиллари тўғрисидаги қонунчиликни бузиш

(ЎзР 21.04.2021 й. ЎРҚ-683-сон Қонуни таҳриридаги модда номи)

(Олдинги таҳририга қаранг)

Лицензия ва рухсат этиш хусусиятига эга бошқа ҳужжатларни беришнинг белгиланган тартиби ҳамда муддатларини бузиш, шу жумладан, лицензияларнинг ва рухсат бериш тартиб-таомилларининг янги турларини қонунга хилоф равишда жорий этиш, шундай ҳаракатлар учун маъмурий жазо қўлланилганидан кейин содир этилган бўлса, -

муайян ҳуқуқдан маҳрум қилиб, базавий ҳисоблаш миқдорининг юз бараваридан уч юз бараваригача миқдорда жарима ёки уч юз олтмиш соатгача мажбурий жамоат ишлари ёхуд икки йилгача ахлоқ тузатиш ишлари билан жазоланади. (ЎзР 03.12.2019 й. ЎРҚ-586-сон Қонуни таҳриридаги санкция) (Олдинги таҳририга қаранг)

Қаранг: МЖтКнинг 241-5-моддаси; "Тадбиркорлик фаолияти соҳасидаги рухсат бериш тартиб-таомиллари тўғрисида"ги Қонун; "Фаолиятнинг айрим турларини лицензиялаш тўғрисида"ги Қонун; ОМ 2001 йил 12 майдаги 222-II-сон Қарори билан тасдиқланган "Амалга оширилиши учун лицензиялар талаб қилинадиган фаолият турларининг Рўйхати"

Ўша ҳаракатлар:

а) жуда кўп миқдорда зарар етказган ҳолда;

б) уюшган гуруҳ манфаатларини кўзлаб содир этилган бўлса, -

базавий ҳисоблаш миқдорининг уч юз бараваридан олти юз бараваригача миқдорда жарима ёки муайян ҳуқуқдан маҳрум қилиб, уч йилдан беш йилгача озодликни чеклаш ёхуд уч йилдан беш йилгача озодликдан маҳрум қилиш билан жазоланади. (ЎзР 03.12.2019 й. ЎРҚ-586-сон Қонуни таҳриридаги санкция) (Олдинги таҳририга қаранг)

192-6-модда. Имтиёзлар ва преференцияларни қўллашни

ғайриқонуний равишда рад этиш, қўлламаслик

ёки қўллашга тўсқинлик қилиш

Тадбиркорлик субъектларига берилган имтиёзлар ва преференцияларни қўллашни ғайриқонуний равишда рад этиш, қўлламаслик ёки қўллашга тўсқинлик қилиш, шундай ҳаракатлар учун маъмурий жазо қўлланилганидан кейин содир этилган бўлса, -

базавий ҳисоблаш миқдорининг юз бараваридан уч юз бараваригача миқдорда жарима ёки икки йилгача муайян ҳуқуқдан маҳрум қилиш ёхуд уч юз соатдан уч юз олтмиш соатгача мажбурий жамоат ишлари ёки икки йилгача ахлоқ тузатиш ишлари билан жазоланади. (ЎзР 03.12.2019 й. ЎРҚ-586-сон Қонуни таҳриридаги санкция) (Олдинги таҳририга қаранг)

Қаранг: МЖТКнинг 241-6-моддаси; "Тадбиркорлик фаолияти эркинлигининг кафолатлари тўғрисида"ги Қонуннинг (Янги таҳрири) 30-1-моддаси

Ўша ҳаракатлар:

а) жуда кўп миқдорда зарар етказган ҳолда;

б) уюшган гуруҳ манфаатларини кўзлаб содир этилган бўлса, -

базавий ҳисоблаш миқдорининг уч юз бараваридан олти юз бараваригача миқдорда жарима ёки уч юз олтмиш соатдан тўрт юз саксон соатгача мажбурий жамоат ишлари ёки муайян ҳуқуқдан маҳрум қилиб, бир йилдан уч йилгача озодликни чеклаш ёхуд уч йилгача озодликдан маҳрум қилиш билан жазоланади. (ЎзР 03.12.2019 й. ЎРҚ-586-сон Қонуни таҳриридаги санкция) (Олдинги таҳририга қаранг)

192-7-модда. Хўжалик юритувчи субъектларга ва бошқа

ташкилотларга пул маблағлари беришни асоссиз

равишда кечиктириш

Хўжалик юритувчи субъектларга ва бошқа ташкилотларга иш ҳақи, пенсиялар, нафақалар, стипендиялар ва уларга тенглаштирилган ўзга тўловларни тўлаш учун пул маблағлари беришни банкнинг мансабдор шахси ёки хизматчиси томонидан асоссиз равишда кечиктириш, шундай ҳаракатлар учун маъмурий жазо қўлланилганидан кейин содир этилган бўлса, - (ЎзР 26.12.2016 й. ЎРҚ-416-сон Қонуни таҳриридаги диспозиция)

базавий ҳисоблаш миқдорининг эллик бараваридан юз бараваригача миқдорда жарима ёки уч йилгача муайян ҳуқуқдан маҳрум қилиш ёхуд уч юз олтмиш соатгача мажбурий жамоат ишлари ёки бир йилгача озодликни чеклаш ёхуд бир йилгача озодликдан маҳрум қилиш билан жазоланади. (ЎзР 03.12.2019 й. ЎРҚ-586-сон Қонуни таҳриридаги санкция) (Олдинги таҳририга қаранг)

Қаранг: МЖТКнинг 241-7-моддаси; АВ томонидан 2018 йил 1 майда 3003-сон билан рўйхатга олинган МБ Қарори билан тасдиқланган "Ўзбекистон Республикасида банклар томонидан нақд пул муомаласига доир ишларни ташкил этиш тўғрисида"ги Йўриқнома 30 бандининг учинчи, тўртинчи хатбошлари

192-8-модда. Тадбиркорлик субъектларининг

ҳисобварақларида пул маблағлари мавжудлиги

тўғрисидаги ахборотни қонунга хилоф

равишда талаб қилиб олиш

Қонунчиликда назарда тутилмаган ҳолларда тадбиркорлик субъектларининг ҳисобварақларида пул маблағлари мавжудлиги тўғрисидаги ахборотни талаб қилиб олиш, шундай ҳаракатлар учун маъмурий жазо қўлланилганидан кейин содир этилган бўлса, - (ЎзР 21.04.2021 й. ЎРҚ-683-сон Қонуни таҳриридаги диспозиция)

базавий ҳисоблаш миқдорининг икки юз бараваридан тўрт юз бараваригача миқдорда жарима ёки уч йилгача муайян ҳуқуқдан маҳрум қилиш ёхуд уч юз олтмиш соатдан тўрт юз саксон соатгача мажбурий жамоат ишлари ёки уч йилгача ахлоқ тузатиш ишлари билан жазоланади. (ЎзР 03.12.2019 й. ЎРҚ-586-сон Қонуни таҳриридаги санкция) (Олдинги таҳририга қаранг)

Қаранг: МЖТКнинг 241-8-моддаси; "Тадбиркорлик фаолияти эркинлигининг кафолатлари тўғрисида"ги Қонун (Янги таҳрири) 21-моддасининг еттинчи қисми

192-9-модда. Тижоратда пора эвазига оғдириб олиш

Нодавлат тижорат ташкилотининг ёки бошқа нодавлат ташкилотининг мансабдор шахсига мазкур мансабдор шахснинг ўз ваколатларидан фойдаланган ҳолда содир этиши лозим ёки мумкин бўлган муайян ҳаракатни уни пора эвазига ўзига оғдириб олаётган шахс манфаатларини кўзлаб бажариши ёки бажармаслиги эвазига қонунга хилоф эканлигини била туриб, моддий қимматликлар бериш ёки уни мулкий манфаатдор этиш, -

базавий ҳисоблаш миқдорининг эллик бараваридан юз бараваригача миқдорда жарима ёки уч юз соатгача мажбурий жамоат ишлари ёки бир йилдан икки йилгача ахлоқ тузатиш ишлари ёхуд бир йилдан уч йилгача озодликни чеклаш ёки уч йилгача озодликдан маҳрум қилиш билан жазоланади. (ЎзР 03.12.2019 й. ЎРҚ-586-сон Қонуни таҳриридаги санкция) (Олдинги таҳририга қаранг)

Нодавлат тижорат ташкилоти ёки бошқа нодавлат ташкилоти мансабдор шахсининг ўз ваколатларидан фойдаланган ҳолда содир этиши лозим ёки мумкин бўлган муайян ҳаракатни уни пора эвазига ўзига оғдириб олаётган шахс манфаатларини кўзлаб бажариши ёки бажармаслиги эвазига қонунга хилоф эканлигини била туриб, моддий қимматликлар олиши ёки мулкий манфаатдор бўлиши, -

базавий ҳисоблаш миқдорининг эллик бараваридан юз бараваригача миқдорда жарима ёки уч юз соатдан уч юз олтмиш соатгача мажбурий жамоат ишлари ёки бир йилдан икки йилгача ахлоқ тузатиш ишлари ёхуд бир йилдан уч йилгача озодликни чеклаш ёки уч йилгача озодликдан маҳрум қилиш билан жазоланади. (ЎзР 03.12.2019 й. ЎРҚ-586-сон Қонуни таҳриридаги санкция) (Олдинги таҳририга қаранг)

Ушбу модданинг биринчи қисмида назарда тутилган ҳаракатлар:

а) такроран;

б) кўп миқдорда;

в) бир гуруҳ шахслар томонидан олдиндан тил бириктириб содир этилган бўлса, -

базавий ҳисоблаш миқдорининг юз бараваридан уч юз бараваригача миқдорда жарима ёки икки йилдан уч йилгача ахлоқ тузатиш ишлари ёхуд уч йилдан беш йилгача озодликни чеклаш ёки уч йилдан беш йилгача озодликдан маҳрум қилиш билан жазоланади. (ЎзР 03.12.2019 й. ЎРҚ-586-сон Қонуни таҳриридаги санкция)

Ушбу модданинг иккинчи қисмида назарда тутилган ҳаракатлар:

а) такроран;

б) кўп миқдорда;

в) тамагирлик йўли билан;

г) бир гуруҳ шахслар томонидан олдиндан тил бириктириб содир этилган бўлса, -

Ушбу модданинг биринчи ёки иккинчи қисмида назарда тутилган ҳаракатлар:

а) жуда кўп миқдорда;

б) уюшган гуруҳ томонидан ёки унинг манфаатларини кўзлаб содир этилган бўлса, -

базавий ҳисоблаш миқдорининг уч юз бараваридан олти юз бараваригача миқдорда жарима ёки беш йилдан саккиз йилгача озодликдан маҳрум қилиш билан жазоланади. (ЎзР 03.12.2019 й. ЎРҚ-586-сон Қонуни таҳриридаги санкция)

Башарти пора эвазига оғдириб олишни амалга оширган шахсга нисбатан моддий қимматликлар ёки мулкий манфаат сўраб товламачилик қилинган бўлса ва ушбу шахс жиноий ҳаракатлар содир этилганидан кейин бу ҳақда ўттиз сутка ичида ўз ихтиёри билан арз қилса, чин кўнгилдан пушаймон бўлиб, жиноятни очишда фаол ёрдам берган бўлса, у жавобгарликдан озод этилади.

Шунингдек қаранг: ОС Пленумининг 1996 йил 15 мартдаги "Савдо соҳасидаги жиноятлар ва бошқа ҳуқуқбузарликлар тўғрисидаги ишлар бўйича суд амалиёти ҳақида"ги 9-сон Қарори 8-бандининг биринчи, иккинчи хатбошлари; ОС Пленумининг 2013 йил 31 майдаги "Солиқлар ва бошқа мажбурий тўловларни тўлашдан бўйин товлаганлик учун жавобгарликка оид қонунчиликнинг судлар томонидан қўлланилиши тўғрисида"ги 8-сон Қарори 11-бандининг тўртинчи хатбоши

192-10-модда. Нодавлат тижорат ташкилотининг

ёки бошқа нодавлат ташкилотининг хизматчисини

пора эвазига оғдириб олиш

Нодавлат тижорат ташкилотининг ёки бошқа нодавлат ташкилотининг хизматчисига мазкур хизматчининг ўз ваколатларидан фойдаланган ҳолда содир этиши лозим ёки мумкин бўлган муайян ҳаракатни уни пора эвазига ўзига оғдириб олаётган шахс манфаатларини кўзлаб бажариши ёки бажармаслиги эвазига қонунга хилоф эканлигини била туриб, моддий қимматликлар бериш ёки уни мулкий манфаатдор этиш, шундай ҳаракатлар учун маъмурий жазо қўлланилганидан кейин содир этилган бўлса, -

Нодавлат тижорат ташкилоти ёки бошқа нодавлат ташкилоти хизматчисининг ўз ваколатларидан фойдаланган ҳолда содир этиши лозим ёки мумкин бўлган муайян ҳаракатни уни пора эвазига ўзига оғдириб олаётган шахс манфаатларини кўзлаб бажариши ёки бажармаслиги эвазига қонунга хилоф эканлигини била туриб, моддий қимматликлар олиши ёки мулкий манфаатдор бўлиши, шундай ҳаракатлар учун маъмурий жазо қўлланилганидан кейин содир этилган бўлса, -

Қаранг: МЖТКнинг 61-1-моддаси

192-11-модда. Нодавлат тижорат ташкилотида ёки бошқа

нодавлат ташкилотида мансабдор шахслар томонидан

ўз ваколатларини суиистеъмол қилиш

Мансаб ваколатларини суиистеъмол қилиш, яъни нодавлат тижорат ташкилоти ёки бошқа нодавлат ташкилоти мансабдор шахсининг ўз мансаб ваколатларидан қасддан фойдаланиши фуқароларнинг ҳуқуқларига ёки қонун билан қўриқланадиган манфаатларига ёхуд давлат ёки жамоат манфаатларига кўп миқдорда зарар ёхуд жиддий зиён етказилишига сабаб бўлса, -

базавий ҳисоблаш миқдорининг юз бараваридан бир юз эллик бараваригача миқдорда жарима ёки уч юз соатгача мажбурий жамоат ишлари ёки икки йилгача озодликни чеклаш ёхуд икки йилгача озодликдан маҳрум қилиш билан жазоланади. (ЎзР 03.12.2019 й. ЎРҚ-586-сон Қонуни таҳриридаги санкция) (Олдинги таҳририга қаранг)

Ўша ҳаракат:

а) жуда кўп миқдорда зарар етказган ҳолда;

б) уюшган гуруҳ томонидан ёки унинг манфаатларини кўзлаб содир этилган бўлса, -

базавий ҳисоблаш миқдорининг бир юз эллик бараваридан уч юз бараваригача миқдорда жарима ёки уч юз соатдан уч юз олтмиш соатгача мажбурий жамоат ишлари ёки бир йилдан уч йилгача озодликни чеклаш ёхуд уч йилгача озодликдан маҳрум қилиш билан жазоланади. (ЎзР 03.12.2019 й. ЎРҚ-586-сон Қонуни таҳриридаги санкция) (Олдинги таҳририга қаранг)

192-12-модда. Пул маблағларини қонунга

хилоф равишда ўтказиш ёки олиб қўйиш

ёхуд уларни ўз вақтида қайтармаслик

(ЎзР 10.05.2023 й. ЎРҚ-841-сон Қонунига мувофиқ киритилган модда)

Тадбиркорлик субъектларининг банк ҳисобварақларидан пул маблағларини уларнинг розилигисиз қонунга хилоф равишда ўтказиш ёки олиб қўйиш ёхуд ортиқча ундирилган пул маблағларини ўз вақтида қайтармаслик, талон-торож қилиш аломатлари мавжуд бўлмаган тақдирда, шундай ҳаракатлар учун маъмурий жазо қўлланилганидан кейин содир этилган бўлса, -

Ўша ҳаракатлар:

а) кўп миқдорда зарар етказган ҳолда;

б) бир гуруҳ шахслар томонидан олдиндан тил бириктириб содир этилган бўлса, -

базавий ҳисоблаш миқдорининг уч юз бараваридан беш юз бараваригача миқдорда жарима ёки бир йилдан уч йилгача муайян ҳуқуқдан маҳрум қилиб, уч йилдан беш йилгача озодликни чеклаш ёхуд уч йилдан беш йилгача озодликдан маҳрум қилиш билан жазоланади.

Ўша ҳаракатлар:

а) жуда кўп миқдорда зарар етказган ҳолда;

б) уюшган гуруҳ манфаатларини кўзлаб содир этилган бўлса, -

базавий ҳисоблаш миқдорининг беш юз бараваридан олти юз бараваригача миқдорда жарима ёки бир йилдан уч йилгача муайян ҳуқуқдан маҳрум қилиб, беш йилдан етти йилгача озодликдан маҳрум қилиш билан жазоланади.

Етказилган моддий зарарнинг ўрни қопланган тақдирда озодликни чеклаш ва озодликдан маҳрум қилиш тарзидаги жазо қўлланилмайди.

ТЎРТИНЧИ БЎЛИМ.

ЭКОЛОГИЯ СОҲАСИДАГИ ЖИНОЯТЛАР

XIV БОБ. АТРОФ-МУҲИТНИ МУҲОФАЗА ҚИЛИШ ВА

ТАБИАТДАН ФОЙДАЛАНИШ СОҲАСИДАГИ ЖИНОЯТЛАР

193-модда. Экология хавфсизлигига оид нормалар ва талабларни бузиш

194-модда. Атроф табиий муҳитнинг ифлосланганлиги

тўғрисидаги маълумотларни қасддан яшириш ёки бузиб кўрсатиш

195-модда. Атроф табиий муҳитнинг ифлосланиши

оқибатларини бартараф қилиш чораларини кўрмаслик

196-модда. Атроф табиий муҳитни ифлослантириш

196-1-модда. Фойдали қазилмаларни рухсатномасиз қазиб олиш

196-2-модда. Фойдали қазилмаларни олтин изловчилар

усулида рухсатномасиз қазиб олиш

197-модда. Ер, ер ости бойликларидан фойдаланиш

шартларини ёки уларни муҳофаза қилиш талабларини бузиш

197-1-модда. Суғориладиган ерларни ўзбошимчалик

билан эгаллаб олишга йўл қўймаслик бўйича

чоралар кўрмаслик

198-модда. Экинзорларни, ўрмонларни, дарахтларни ёки

бошқа ўсимликларни шикастлантириш ёхуд нобуд қилиш

199-модда. Ўсимликлар касалликлари ёки

зараркунандалари билан кураш талабларини бузиш

200-модда. Ветеринария, ветеринария-санитария

қоидалари ва нормаларини бузиш

201-модда. Зарарли кимёвий моддалар

билан муомалада бўлиш қоидаларини бузиш

202-модда. Ҳайвонот ёки ўсимлик дунёсидан

фойдаланиш тартибини бузиш

202-1-модда. Ҳайвонларга нисбатан шафқатсиз муносабатда бўлиш

203-модда. Сув ёки сув ҳавзаларидан

фойдаланиш шартларини бузиш

204-модда. Муҳофаза этиладиган табиий

ҳудудларнинг режимини бузиш

193-модда. Экология хавфсизлигига

оид нормалар ва талабларни бузиш

Саноат, энергетика, транспорт, коммунал хизмат, агросаноат, илм-фан объектлари ёки бошқа объектларни лойиҳалаш, жойлаштириш, қуриш ва ишга тушириб фойдаланиш нормалари ва қоидаларининг мансабдор шахс томонидан бузилиши, ёхуд давлат комиссиясининг аъзолари томонидан бу объектларни норматив ҳужжатларда белгиланган қоидаларни бузиб қабул қилиниши инсоннинг ўлими, одамларнинг оммавий равишда касалланиши, экологияга салбий таъсир қиладиган даражада атроф-муҳитнинг ўзгариб кетишига ёки бошқача оғир оқибатларнинг келиб чиқишига сабаб бўлса, -

базавий ҳисоблаш миқдорининг юз бараваридан икки юз бараваригача миқдорда жарима ёки уч йилгача муайян ҳуқуқдан маҳрум қилиш ёки уч юз олтмиш соатгача мажбурий жамоат ишлари ёхуд икки йилдан уч йилгача ахлоқ тузатиш ишлари ёки бир йилдан уч йилгача озодликни чеклаш ёки уч йилгача озодликдан маҳрум қилиш билан жазоланади. (ЎзР 03.12.2019 й. ЎРҚ-586-сон Қонуни таҳриридаги санкция) (Олдинги таҳририга қаранг)

Қаранг: "Табиатни муҳофаза қилиш тўғрисида"ги Қонун 41-моддасининг биринчи, тўртинчи қисмлари; "Радиациявий хавфсизлик тўғрисида"ги Қонуннинг 15-моддаси; "Сув ва сувдан фойдаланиш тўғрисида"ги Қонуннинг 11-16-моддалари; "Атмосфера ҳавосини муҳофаза қилиш тўғрисида"ги Қонуннинг 22-моддаси; "Ўрмон тўғрисида"ги Қонуннинг (Янги таҳрири) 50-моддаси; "Ҳайвонот дунёсини муҳофаза қилиш ва ундан фойдаланиш тўғрисида"ги Қонуннинг (Янги таҳрири) 26-моддаси, 27-моддасининг тўртинчи қисми; "Ўсимлик дунёсини муҳофаза қилиш ва ундан фойдаланиш тўғрисида"ги Қонун (Янги таҳрири) 21-моддасининг биринчи-учинчи қисмлари

194-модда. Атроф табиий муҳитнинг ифлосланганлиги

тўғрисидаги маълумотларни қасддан яшириш

ёки бузиб кўрсатиш

Махсус ваколатга эга мансабдор шахслар томонидан зарарли экологик оқибатларни келтириб чиқарган ҳалокатлар ёки атроф табиий муҳитнинг радиациявий, кимёвий, бактериявий ифлосланганлиги ёхуд одам ҳаёти ёки соғлиғи, тирик табиат учун хавфли бўлган бошқача тарзда ифлосланганлиги ҳақидаги ёхуд аҳоли саломатлигининг ҳолатига доир маълумотларнинг қасддан яширилиши ёки бузиб тақдим этилиши аҳолининг оммавий касалланиши, ҳайвонлар, паррандалар ёки балиқларнинг қирилиб кетиши ёки бошқача оғир оқибатларга сабаб бўлса, -

базавий ҳисоблаш миқдорининг юз бараваридан икки юз бараваригача миқдорда жарима ёки беш йилгача муайян ҳуқуқдан маҳрум қилиш ёхуд уч юз олтмиш соатгача мажбурий жамоат ишлари ёхуд уч йилгача ахлоқ тузатиш ишлари билан жазоланади. (ЎзР 03.12.2019 й. ЎРҚ-586-сон Қонуни таҳриридаги санкция) (Олдинги таҳририга қаранг)

Қаранг: "Табиатни муҳофаза қилиш тўғрисида"ги Қонун 12-моддасининг иккинчи қисми; 47-моддасининг ўн иккинчи хатбоши; "Атмосфера ҳавосини муҳофаза қилиш тўғрисида"ги Қонун 4-моддасининг биринчи қисми

Ўша қилмишлар одам ўлишига сабаб бўлса, -

муайян ҳуқуқдан маҳрум қилиб бир йилдан уч йилгача озодликни чеклаш ёки уч йилгача озодликдан маҳрум қилиш билан жазоланади. (ЎзР 29.03.2017 й. ЎРҚ-421-сон Қонуни таҳриридаги санкция) (Олдинги таҳририга қаранг)

195-модда. Атроф табиий муҳитнинг ифлосланиши

оқибатларини бартараф қилиш чораларини кўрмаслик

Мансабдор шахснинг экологияси ифлосланган жойларни дезактивация қилиш ёки бошқача тарзда тиклаш чораларини кўришдан бўйин товлаши ёки бундай ишларни етарли даражада бажармаслиги одамларнинг оммавий равишда касалланиши, ҳайвонлар, паррандалар ёки балиқларнинг қирилиб кетиши ёки бошқача оғир оқибатларга сабаб бўлса, -

Қаранг: "Табиатни муҳофаза қилиш тўғрисида"ги Қонун 47-моддасининг олтинчи хатбоши; "Радиациявий хавфсизлик тўғрисида"ги Қонуннинг 24-моддаси

Ўша қилмишлар одам ўлишига сабаб бўлса, -

196-модда. Атроф табиий муҳитни ифлослантириш

Ерларни ифлослантириш ёки бузиш, сув ёки атмосфера ҳавосини ифлослантириш одамларнинг оммавий равишда касалланиши, ҳайвонлар, паррандалар ёки балиқларнинг қирилиб кетиши ёки бошқача оғир оқибатларга сабаб бўлса, -

базавий ҳисоблаш миқдорининг юз бараваридан икки юз бараваригача миқдорда жарима ёки беш йилгача муайян ҳуқуқдан маҳрум қилиш ёхуд уч юз олтмиш соатгача мажбурий жамоат ишлари ёки уч йилгача ахлоқ тузатиш ишлари билан жазоланади. (ЎзР 03.12.2019 й. ЎРҚ-586-сон Қонуни таҳриридаги санкция) (Олдинги таҳририга қаранг)

Қаранг: ЕК 40-моддаси биринчи қисмининг 3-банди, 48-моддасининг 6-банди; 79-моддаси тўртинчи қисмининг тўртинчи хатбоши, 90-моддаси иккинчи қисмининг тўртинчи хатбоши; "Табиатни муҳофаза қилиш тўғрисида"ги Қонун 2-моддасининг биринчи қисми, 19-моддасининг биринчи қисми, 20-моддасининг биринчи қисми, 45-моддаси; "Сув ва сувдан фойдаланиш тўғрисида"ги Қонун 11-моддасининг биринчи қисми, 15-моддаси биринчи қисмининг иккинчи хатбоши, 35-моддаси биринчи қисмининг ўн иккинчи хатбоши, 74, 97, 99-моддалари; 101-моддасининг учинчи, бешинчи қисмлари; "Атмосфера ҳавосини муҳофаза қилиш тўғрисида"ги Қонуннинг 24-моддаси

Ўша қилмишлар одам ўлишига сабаб бўлса, -

196-1-модда. Фойдали қазилмаларни рухсатномасиз қазиб олиш

(ЎзР 28.10.2024 й. ЎРҚ-984-сон Қонунига мувофиқ киритилган модда)

Фойдали қазилмаларни рухсатномасиз қазиб олиш, бундан ер ости сувлари ва дарёлар ўзанларида жойлашган фойдали қазилмалар мустасно, шундай ҳаракатлар учун маъмурий жазо қўлланилганидан кейин содир этилган бўлса, -

базавий ҳисоблаш миқдорининг юз бараваридан уч юз бараваригача миқдорда жарима ёки уч юз олтмиш соатгача мажбурий жамоат ишлари ёхуд уч йилгача ахлоқ тузатиш ишлари ёки бир йилдан уч йилгача озодликни чеклаш ёки уч йилгача озодликдан маҳрум қилиш билан жазоланади.

Ўша ҳаракатлар:

а) кўп миқдорда зарар етказган ҳолда;

б) бир гуруҳ шахслар томонидан олдиндан тил бириктириб содир этилган бўлса, -

Ўша ҳаракатлар:

а) жуда кўп миқдорда зарар етказган ҳолда;

б) уюшган гуруҳ томонидан ёки унинг манфаатларини кўзлаб содир этилган бўлса, -

беш йилдан саккиз йилгача озодликдан маҳрум қилиш билан жазоланади.

196-2-модда. Фойдали қазилмаларни олтин изловчилар

усулида рухсатномасиз қазиб олиш

(ЎзР 28.10.2024 й. ЎРҚ-984-сон Қонунига мувофиқ киритилган модда)

Фойдали қазилмаларни олтин изловчилар усулида рухсатномасиз қазиб олиш, бундан ер ости сувлари ва дарёлар ўзанларида жойлашган фойдали қазилмалар мустасно, -

Ўша ҳаракатлар:

а) кўп миқдорда зарар етказган ҳолда;

б) бир гуруҳ шахслар томонидан олдиндан тил бириктириб содир этилган бўлса, -

Ўша ҳаракатлар:

а) жуда кўп миқдорда зарар етказган ҳолда;

б) уюшган гуруҳ томонидан ёки унинг манфаатларини кўзлаб содир этилган бўлса, -

беш йилдан саккиз йилгача озодликдан маҳрум қилиш билан жазоланади.

197-модда. Ер, ер ости бойликларидан фойдаланиш

шартларини ёки уларни муҳофаза қилиш

талабларини бузиш

Ер, ер ости бойликларидан фойдаланиш шартларини ёки уларни муҳофаза қилиш талабларини бузиш оғир оқибатларга сабаб бўлса, -

базавий ҳисоблаш миқдорининг эллик бараваридан юз бараваригача миқдорда жарима ёки уч юз олтмиш соатгача мажбурий жамоат ишлари ёки уч йилгача ахлоқ тузатиш ишлари ёхуд бир йилдан уч йилгача озодликни чеклаш ёки уч йилгача озодликдан маҳрум қилиш билан жазоланади. (ЎзР 03.12.2019 й. ЎРҚ-586-сон Қонуни таҳриридаги санкция) (Олдинги таҳририга қаранг)

Қаранг: "Ер ости бойликлари тўғрисида"ги Қонуннинг (Янги таҳрири) IV бўлими; "Табиатни муҳофаза қилиш тўғрисида"ги Қонуннинг 18-моддаси, 45-моддасининг иккинчи қисми

197-1-модда. Суғориладиган ерларни ўзбошимчалик

билан эгаллаб олишга йўл қўймаслик бўйича

чоралар кўрмаслик

(ЎзР 04.03.2019 й. ЎРҚ-526-сон Қонунига мувофиқ киритилган модда)

Суғориладиган ерларни ўзбошимчалик билан эгаллаб олишга йўл қўймаслик бўйича, шу жумладан ер участкаси ўзбошимчалик билан эгаллаб олинганлиги факти тўғрисида ваколатли органларни хабардор этиш бўйича ер эгаси, ердан фойдаланувчи ёки ижарачи томонидан чоралар кўрмаслик, шундай қилмиш учун маъмурий жазо қўлланилганидан кейин содир этилган бўлса, - (ЎзР 16.08.2021 й. ЎРҚ-708-сон Қонуни таҳриридаги диспозиция) (Олдинги таҳририга қаранг)

базавий ҳисоблаш миқдорининг икки юз бараваридан тўрт юз бараваригача миқдорда жарима ёки уч юз олтмиш соатгача мажбурий жамоат ишлари ёки икки йилгача ахлоқ тузатиш ишлари ёхуд бир йилдан уч йилгача озодликни чеклаш ёки уч йилгача озодликдан маҳрум қилиш билан жазоланади. (ЎзР 16.08.2021 й. ЎРҚ-708-сон Қонуни таҳриридаги санкция) (Олдинги таҳририга қаранг)

Ўша қилмиш:

а) такроран;

б) бир гуруҳ шахслар томонидан олдиндан тил бириктириб содир этилган бўлса, -

базавий ҳисоблаш миқдорининг тўрт юз бараваридан олти юз бараваригача миқдорда жарима ёки икки йилдан уч йилгача ахлоқ тузатиш ишлари ёхуд уч йилдан беш йилгача озодликни чеклаш ёки уч йилдан беш йилгача озодликдан маҳрум қилиш билан жазоланади. (ЎзР 16.08.2021 й. ЎРҚ-708-сон Қонуни таҳриридаги санкция) (Олдинги таҳририга қаранг)

Биринчи марта жиноят содир этган шахс, агар у ўзбошимчалик билан эгалланган ер участкасининг қайтарилишини таъминласа ҳамда ўзбошимчалик билан эгаллаб олишнинг оқибатларини бартараф қилса, жавобгарликдан озод этилади.

198-модда. Экинзорларни, ўрмонларни, дарахтларни ёки

бошқа ўсимликларни шикастлантириш ёхуд нобуд қилиш

(ЎзР 03.12.2020 й. ЎРҚ-653-сон Қонуни таҳриридаги модда)

(Олдинги таҳририга қаранг)

Оловга эҳтиётсизлик билан муносабатда бўлиш натижасида экинзорларни, ўрмонларни, дарахтларни ёки бошқа ўсимликларни шикастлантириш ёхуд нобуд қилиш кўп миқдорда зарар етказилишига ёки бошқача оғир оқибатларга сабаб бўлса, -

базавий ҳисоблаш миқдорининг эллик бараваридан юз бараваригача миқдорда жарима ёки икки юз қирқ соатгача мажбурий жамоат ишлари ёхуд бир йилгача ахлоқ тузатиш ишлари билан жазоланади.

Ўрмонларни, дарахтларни ёки бошқа ўсимликларни қонунга хилоф равишда кесиш кўп миқдорда зарар етказилишига сабаб бўлса, -

базавий ҳисоблаш миқдорининг юз бараваридан юз эллик бараваригача миқдорда жарима ёки икки юз қирқ соатдан уч юз соатгача мажбурий жамоат ишлари ёхуд бир йилдан икки йилгача ахлоқ тузатиш ишлари ёки бир йилдан уч йилгача озодликни чеклаш ёхуд уч йилгача озодликдан маҳрум қилиш билан жазоланади.

Экинзорларни, ўрмонларни, дарахтларни ёки бошқа ўсимликларни қасддан шикастлантириш, пайҳон қилиш, нобуд қилиш кўп миқдорда зарар етказилишига сабаб бўлса, -

базавий ҳисоблаш миқдорининг юз эллик бараваридан икки юз бараваригача миқдорда жарима ёки уч юз соатдан уч юз олтмиш соатгача мажбурий жамоат ишлари ёки икки йилдан уч йилгача ахлоқ тузатиш ишлари ёхуд бир йилдан уч йилгача озодликни чеклаш ёки уч йилгача озодликдан маҳрум қилиш билан жазоланади.

Етказилган моддий зарарнинг ўрни уч карра миқдорида қопланган тақдирда, озодликни чеклаш ва озодликдан маҳрум қилиш тариқасидаги жазо қўлланилмайди.

199-модда. Ўсимликлар касалликлари ёки зараркунандалари

билан кураш талабларини бузиш

Ўсимликлар касалликлари ёки зараркунандалари билан кураш талабларини бузиш оғир оқибатларга сабаб бўлса, -

базавий ҳисоблаш миқдорининг эллик бараваридан юз бараваригача миқдорда жарима ёки беш йилгача муайян ҳуқуқдан маҳрум қилиш ёки уч юз олтмиш соатгача мажбурий жамоат ишлари ёхуд уч йилгача ахлоқ тузатиш ишлари ёки бир йилдан уч йилгача озодликни чеклаш ёки уч йилгача озодликдан маҳрум қилиш билан жазоланади. (ЎзР 03.12.2019 й. ЎРҚ-586-сон Қонуни таҳриридаги санкция) (Олдинги таҳририга қаранг)

Қаранг: "Ўрмон тўғрисида"ги Қонуннинг (Янги таҳрири) 24-моддаси; "Ўсимликлар карантини тўғрисида"ги Қонун (Янги таҳрири); "Қишлоқ хўжалик ўсимликларини зараркунандалар, касалликлар ва бегона ўтлардан ҳимоя қилиш тўғрисида"ги Қонун

200-модда. Ветеринария, ветеринария-санитария

қоидалари ва нормаларини бузиш

(ЎзР 26.12.2016 й. ЎРҚ-416-сон Қонуни таҳриридаги модда номи)

(Олдинги таҳририга қаранг)

Ветеринария, ветеринария-санитария қоидалари ва нормаларини бузиш ҳайвонларнинг ёки паррандаларнинг эпидемик касалликлари (эпизоотиялар) тарқалишига, уларнинг ялпи қирилиб кетишига ёки бошқа оғир оқибатлар келиб чиқишига сабаб бўлса, - (ЎзР 26.12.2016 й. ЎРҚ-416-сон Қонуни таҳриридаги диспозиция) (Олдинги таҳририга қаранг)

Қаранг: "Ветеринария тўғрисида"ги Қонун (Янги таҳрири)

201-модда. Зарарли кимёвий моддалар билан

муомалада бўлиш қоидаларини бузиш

Хўжалик фаолиятида ўсимликларни ҳимоя қилишнинг кимёвий воситалари, минерал ўғит, ўсиш биостимулятори ёки бошқа кимёвий дориларни ишлаб чиқариш, сақлаш, ташиш ёки улардан фойдаланиш қоидаларини бузиш одамларнинг оммавий касалланиши, ҳайвонлар, паррандалар ёки балиқларнинг қирилиб кетиши ёхуд бошқача оғир оқибатларнинг келиб чиқишига сабаб бўлса, -

Ўша ҳаракатлар одам ўлишига сабаб бўлса, -

муайян ҳуқуқдан маҳрум қилиб уч йилдан беш йилгача озодликни чеклаш ёки уч йилдан беш йилгача озодликдан маҳрум қилиш билан жазоланади. (ЎзР 29.03.2017 й. ЎРҚ-421-сон Қонуни таҳриридаги санкция) (Олдинги таҳририга қаранг)

Қаранг: "Табиатни муҳофаза қилиш тўғрисида"ги Қонуннинг 42-моддаси; "Атмосфера ҳавосини муҳофаза қилиш тўғрисида"ги Қонуннинг 18-моддаси; "Қишлоқ хўжалик ўсимликларини зараркунандалар, касалликлар ва бегона ўтлардан ҳимоя қилиш тўғрисида"ги Қонуннинг 24-моддаси; "Аҳолининг санитария-эпидемиологик осойишталиги тўғрисида"ги Қонуннинг 21-моддаси

202-модда. Ҳайвонот ёки ўсимлик дунёсидан

фойдаланиш тартибини бузиш

(ЎзР 28.05.2019 й. ЎРҚ-543-сон Қонуни таҳриридаги модда матни)

(Олдинги таҳририга қаранг)

Ов қилиш ва балиқ овлаш ёки ҳайвонот дунёсининг бошқа турларини тутиш қоидаларини бузиш, камёб ва йўқолиб бораётган ҳайвон турларини тутишнинг ёхуд ёввойи ҳолда ўсувчи ўсимликларнинг доривор, озуқавий ва манзарали (декоратив) турларини йиғиш ёки тайёрлашнинг белгиланган тартибини ёки шартларини, худди шунингдек муҳофаза этиладиган табиий ҳудудлардаги ҳайвонот ёки ўсимлик дунёсидан фойдаланиш тартибини бузиш анча миқдорда зарар етказилишига сабаб бўлса, -

базавий ҳисоблаш миқдорининг юз бараваридан икки юз бараваригача миқдорда жарима ёки уч юз соатгача мажбурий жамоат ишлари ёхуд икки йилгача ахлоқ тузатиш ишлари билан жазоланади. (ЎзР 03.12.2019 й. ЎРҚ-586-сон Қонуни таҳриридаги санкция)

Қаранг: "Ҳайвонот дунёсини муҳофаза қилиш ва ундан фойдаланиш тўғрисида"ги Қонуннинг (Янги таҳрири) 32-46-моддалари; "Ўсимлик дунёсини муҳофаза қилиш ва ундан фойдаланиш тўғрисида"ги Қонуннинг (Янги таҳрири) 36-моддаси; "Муҳофаза этиладиган табиий ҳудудлар тўғрисида"ги Қонун

Ўша қилмишлар:

а) кўп миқдорда зарар етказган ҳолда;

б) бир гуруҳ шахслар томонидан олдиндан тил бириктириб содир этилган бўлса, -

базавий ҳисоблаш миқдорининг икки юз бараваридан тўрт юз бараваригача миқдорда жарима ёки уч юз соатдан тўрт юз соатгача мажбурий жамоат ишлари ёки икки йилдан уч йилгача ахлоқ тузатиш ишлари ёхуд муайян ҳуқуқдан маҳрум қилиб бир йилдан уч йилгача озодликни чеклаш ёки уч йилгача озодликдан маҳрум қилиш билан жазоланади. (ЎзР 21.11.2024 й. ЎРҚ-1004-сон Қонуни таҳриридаги санкция) (Олдинги таҳририга қаранг)

Ўша қилмишлар:

а) хавфли рецидивист томонидан;

б) шахснинг ўз хизмат мавқеидан фойдаланиб;

в) ерда, сувда ёки ҳавода ишлатиладиган механизациялаштирилган воситалардан фойдаланиб;

г) тақиқланган қуроллардан ёки усуллардан фойдаланган ҳолда (бундан электр токини, портловчи, кимёвий моддаларни ёки биологик препаратларни қўллаш ҳоллари мустасно); (ЎзР 21.11.2024 й. ЎРҚ-1004-сон Қонуни таҳриридаги банд) (Олдинги таҳририга қаранг)

д) уюшган гуруҳ томонидан;

е) жуда кўп миқдорда зарар етказган ҳолда;

ж) Ўзбекистон Республикасининг Қизил китобига киритилган ҳайвонот ёки ўсимлик дунёси турларини нобуд қилган ҳолда содир этилган бўлса, -

базавий ҳисоблаш миқдорининг тўрт юз бараваридан олти юз бараваригача миқдорда жарима ёки муайян ҳуқуқдан маҳрум қилиб, уч йилдан беш йилгача озодликни чеклаш ёхуд уч йилдан етти йилгача озодликдан маҳрум қилиш билан жазоланади. (ЎзР 21.11.2024 й. ЎРҚ-1004-сон Қонуни таҳриридаги санкция) (Олдинги таҳририга қаранг)

Электр токини, портловчи, кимёвий моддаларни ёки биологик препаратларни қўллаган ҳолда ов қилиш ёхуд балиқ овлаш, -

(ЎзР 21.11.2024 й. ЎРҚ-1004-сон Қонунига мувофиқ киритилган қисм)

ЎзР 21.11.2024 й. ЎРҚ-1004-сон Қонунига мувофиқ тўртинчи қисм бешинчи қисм деб ҳисоблансин

Етказилган моддий зарарнинг ўрни уч карра миқдорда, Ўзбекистон Республикасининг Қизил китобига киритилган камёб ва йўқолиб бораётган ҳайвонот ҳамда ўсимлик дунёси турларига нисбатан етказилган зарарнинг ўрни эса беш карра миқдорда қопланган тақдирда, озодликни чеклаш ва озодликдан маҳрум қилиш тариқасидаги жазо қўлланилмайди, бундан ушбу модданинг тўртинчи қисмида назарда тутилган ҳоллар мустасно. (ЎзР 21.11.2024 й. ЎРҚ-1004-сон Қонуни таҳриридаги қисм)

202-1-модда. Ҳайвонларга нисбатан шафқатсиз муносабатда бўлиш

(ЎзР 25.08.2021 й. ЎРҚ-711-сон Қонунига мувофиқ киритилган модда)

Ҳайвонларга нисбатан шафқатсиз муносабатда бўлиш, яъни ғаразли ёки бошқа паст ниятларда уларни қийноққа солиш ёхуд уларга азоб бериш уларнинг ўлимига ёки майиб бўлишига олиб келса, шундай ҳаракатлар учун маъмурий жазо қўлланилганидан кейин содир этилган бўлса, -

базавий ҳисоблаш миқдорининг йигирма беш бараваридан эллик бараваригача миқдорда жарима ёки икки юз қирқ соатгача мажбурий жамоат ишлари ёки бир йилгача ахлоқ тузатиш ишлари ёхуд олти ойгача озодликни чеклаш ёки олти ойгача озодликдан маҳрум қилиш билан жазоланади.

203-модда. Сув ёки сув ҳавзаларидан

фойдаланиш шартларини бузиш

Сув ёки сув ҳавзаларидан фойдаланиш шартларини бузиш оғир оқибатларга сабаб бўлса, -

Қаранг: "Сув ва сувдан фойдаланиш тўғрисида"ги Қонуннинг 21-82-моддалари; "Табиатни муҳофаза қилиш тўғрисида"ги Қонуннинг 19-моддаси

204-модда. Муҳофаза этиладиган табиий

ҳудудларнинг режимини бузиш

(ЎзР 04.01.2011 й. ЎРҚ-278-сон Қонуни таҳриридаги модда номи)

(Олдинги таҳририга қаранг)

Муҳофаза этиладиган табиий ҳудудларнинг режимини бузиш кўп миқдорда зарар етказилиши ёки бошқача оғир оқибатларга сабаб бўлса, - (ЎзР 04.01.2011 й. ЎРҚ-278-сон Қонуни таҳриридаги диспозиция) (Олдинги таҳририга қаранг)

Қаранг: "Муҳофаза этиладиган табиий ҳудудлар тўғрисида"ги Қонун; "Табиатни муҳофаза қилиш тўғрисида"ги Қонун 47-моддасининг саккизинчи хатбоши

Муҳофаза этиладиган табиий ҳудуд ёки объектларни қасддан нобуд қилиш ёки уларга шикаст етказиш кўп миқдорда зарар етказилиши ёхуд бошқача оғир оқибатларга сабаб бўлса, - (ЎзР 04.01.2011 й. ЎРҚ-278-сон Қонуни таҳриридаги диспозиция) (Олдинги таҳририга қаранг)

базавий ҳисоблаш миқдорининг эллик бараваридан юз бараваригача миқдорда жарима ёки икки йилдан беш йилгача озодликни чеклаш ёхуд беш йилгача озодликдан маҳрум қилиш билан жазоланади. (ЎзР 03.12.2019 й. ЎРҚ-586-сон Қонуни таҳриридаги санкция) (Олдинги таҳририга қаранг)

Қаранг: МЖтКнинг 82-моддаси

БЕШИНЧИ БЎЛИМ. ҲОКИМИЯТ, БОШҚАРУВ ВА

ЖАМОАТ БИРЛАШМАЛАРИ ОРГАНЛАРИНИНГ

ФАОЛИЯТ ТАРТИБИГА ҚАРШИ ЖИНОЯТЛАР

XV боб. Бошқарув тартибига қарши жиноятлар (204-229-6-моддалар)

XVI боб. Одил судловга қарши жиноятлар (230-241-1-моддалар)

XV БОБ. БОШҚАРУВ ТАРТИБИГА

ҚАРШИ ЖИНОЯТЛАР

205-модда. Ҳокимият ёки мансаб ваколатини суиистеъмол қилиш

206-модда. Ҳокимият ёки мансабдор

ваколати доирасидан четга чиқиш

206-1-модда. Хўжалик юритувчи субъектларнинг

фаолиятига қонунга хилоф равишда аралашиш

207-модда. Мансабга совуққонлик билан қараш

208-модда. Ҳокимият ҳаракатсизлиги

209-модда. Мансаб сохтакорлиги

210-модда. Пора олиш

211-модда. Пора бериш

212-модда. Пора олиш-беришда воситачилик қилиш

213-модда. Давлат органининг, давлат иштирокидаги

ташкилотнинг ёки фуқаролар ўзини ўзи бошқариш

органининг хизматчисини пора эвазига оғдириб олиш

214-модда. Давлат органи, давлат иштирокидаги

ташкилот ёки фуқароларнинг ўзини ўзи бошқариш органи

хизматчисининг қонунга хилоф равишда моддий қимматликлар

олиши ёки мулкий манфаатдор бўлиши

214-1-модда. Спорт мусобақалари иштирокчилари

ва ташкилотчиларининг қонунга хилоф равишда моддий

қимматликлар олиши ёки мулкий манфаатдор бўлиши

214-2-модда. Спорт мусобақалари иштирокчилари

ва ташкилотчиларини пора эвазига оғдириб олиш

215-модда. Давлат рамзларига ҳурматсизлик қилиш

216-модда. Жамоат бирлашмалари ёки диний

ташкилотларни қонунга хилоф равишда тузиш

216-1-модда. Ғайриқонуний жамоат бирлашмалари

ва диний ташкилотлар фаолиятида қатнашишга ундаш

216-2-модда. Диний ташкилотлар тўғрисидаги

қонунчиликни бузиш

217-модда. Йиғилишлар, митинглар, кўча юришлари

ёки намойишлар уюштириш, ўтказиш тартибини бузиш

218-модда. Тақиқланган иш ташлашга раҳбарлик

қилиш ёки фавқулодда ҳолат шароитида

корхона, муассаса ёхуд ташкилотлар ишига тўсқинлик қилиш

219-модда. Ҳокимият вакилига ёки фуқаровий

бурчини бажараётган шахсга қаршилик кўрсатиш

220-модда. Озодликдан маҳрум қилиш жазосини

ижро этиш муассасаларининг ишини издан чиқарувчи ҳаракатлар

221-модда. Жазони ижро этиш муассасаси

маъмуриятининг қонуний талабларига бўйсунмаслик

222-модда. Қамоқдан ёки қўриқлов остидаги сақлаш жойидан қочиш

223-модда. Қонунга хилоф равишда чет элга

чиқиш ёки Ўзбекистон Республикасига кириш

224-модда. Ўзбекистон Республикасида бўлиш қоидаларини бузиш

225-модда. Ҳарбий ёки муқобил хизматдан бўйин товлаш

226-модда. Маъмурий назорат қоидаларини бузиш

227-модда. Ҳужжатлар, штамплар, муҳрлар, бланкаларни,

автомототранспорт воситаларининг ва улар тиркамаларининг

(ярим тиркамаларининг) давлат рақам белгиларини эгаллаш,

нобуд қилиш, уларга шикаст етказиш ёки уларни яшириш

228-модда. Ҳужжатлар, штамплар, муҳрлар, бланкалар тайёрлаш,

уларни қалбакилаштириш, сотиш ёки улардан фойдаланиш

228-1-модда. Давлат проба тамғаларини тайёрлаш

ва улардан фойдаланиш қоидаларини бузиш

229-модда. Ўзбошимчалик

229-1-модда. Ер участкаларини ўзбошимчалик билан эгаллаб олиш

229-2-модда. Диний таълимотдан сабоқ бериш тартибини бузиш

229-3-модда. Белгиланган тақиқларни (чекловларни) бузган

ҳолда биноларни, иншоотларни ёки бошқа объектларни

қуриш, реконструкция қилиш ва капитал таъмирлаш

229-4-модда. Ер бериш тартибини бузиш

229-5-модда. Ер участкасини ноқонуний олиб қўйиш

229-6-модда. Суғориладиган ер участкасига ёки унинг

бир қисмига бўлган ҳуқуқни сотиш ёхуд қонунга хилоф

равишда бошқача тарзда ўзга шахсга бериш

205-модда. Ҳокимият ёки мансаб ваколатини

суиистеъмол қилиш

Ҳокимиятни ёки мансаб ваколатини суиистеъмол қилиш, яъни давлат органи, давлат иштирокидаги ташкилот ёки фуқароларнинг ўзини ўзи бошқариш органи мансабдор шахсининг ўз мансаб ваколатларидан қасддан фойдаланиши фуқароларнинг ҳуқуқларига ёки қонун билан қўриқланадиган манфаатларига ёхуд давлат ёки жамоат манфаатларига кўп миқдорда зарар ёхуд жиддий зиён етказилишига сабаб бўлса, - (ЎзР 20.08.2015 й. ЎРҚ-391-сон Қонуни таҳриридаги диспозиция) (Олдинги таҳририга қаранг)

базавий ҳисоблаш миқдорининг бир юз эллик бараваридан уч юз бараваригача миқдорда жарима ёки беш йилгача муайян ҳуқуқдан маҳрум қилиш ёки уч юз олтмиш соатгача мажбурий жамоат ишлари ёхуд уч йилгача ахлоқ тузатиш ишлари ёки бир йилдан икки йилгача озодликни чеклаш ёки уч йилгача озодликдан маҳрум қилиш билан жазоланади. (ЎзР 03.12.2019 й. ЎРҚ-586-сон Қонуни таҳриридаги санкция) (Олдинги таҳририга қаранг)

Ўша ҳаракат:

а) жуда кўп миқдорда зарар етказган ҳолда;

б) уюшган гуруҳ манфаатларини кўзлаб содир этилган бўлса, -

(ЎзР 20.08.2015 й. ЎРҚ-391-сон Қонуни таҳриридаги диспозиция) (Олдинги таҳририга қаранг)

базавий ҳисоблаш миқдорининг уч юз бараваридан олти юз бараваригача миқдорда жарима ёки муайян ҳуқуқдан маҳрум қилиб, икки йилдан беш йилгача озодликни чеклаш ёхуд беш йилгача озодликдан маҳрум қилиш билан жазоланади. (ЎзР 03.12.2019 й. ЎРҚ-586-сон Қонуни таҳриридаги санкция) (Олдинги таҳририга қаранг)

Шунингдек қаранг: ОС Пленумининг 1996 йил 27 февралдаги "Қонунга хилоф равишда қуролга эгалик қилиш тўғрисидаги ишлар бўйича суд амалиёти ҳақида"ги 3-сон Қарори 7-бандининг иккинчи хатбоши; ОС Пленумининг 1996 йил 15 мартдаги "Савдо соҳасидаги жиноятлар ва бошқа ҳуқуқбузарликлар тўғрисидаги ишлар бўйича суд амалиёти ҳақида"ги 9-сон Қарори 8-бандининг иккинчи хатбоши; ОС Пленумининг 1996 йил 20 декабрдаги "Атроф муҳитни муҳофаза килиш ва табиатдан фойдаланиш соҳасидаги жиноятлар ва бошқа ҳуқуқбузарликлар тўғрисидаги ишлар бўйича суд амалиёти ҳақида"ги 36-сон Қарорининг 4-банди; ОС Пленумининг 1998 йил 17 апрелдаги "Иқтисодиёт соҳасидаги жиноий ишлар бўйича суд амалиётида юзага келган айрим масалалар тўғрисида"ги 11-сон Қарорининг 4, 8-бандлари, 10-бандининг иккинчи хатбоши, 26, 27-бандлари; ОС Пленумининг 2004 йил 21 майдаги "Жазоларни либераллаштириш тўғрисидаги қонунни иқтисодиёт соҳасидаги жиноятларга нисбатан қўллашнинг айрим масалалари ҳақида"ги 4-сон Қарорининг 7, 13, 16-бандлари; ОС Пленумининг 2009 йил 10 апрелдаги "Суд ҳужжатларини бажаришдан бўйин товлаш ва уларнинг ижро этилишига тўсқинлик қилиш учун жиноий жавобгарликка доир қонунларни қўллашнинг айрим масалалари тўғрисида"ги 7-сон Қарори 9-бандининг биринчи хатбоши; ОС Пленумининг 2013 йил 6 сентябрдаги "Божхона тўғрисидаги қонунчиликни бузиш ва контрабандага оид ишлар бўйича суд амалиёти ҳақида"ги 18-сон Қарори 15-бандининг иккинчи хатбоши; ОС Пленумининг 2013 йил 31 майдаги "Солиқлар ва бошқа мажбурий тўловларни тўлашдан бўйин товлаганлик учун жавобгарликка оид қонунчиликнинг судлар томонидан қўлланилиши тўғрисида"ги 8-сон Қарори 7-бандининг биринчи хатбоши, 11-бандининг тўртинчи хатбоши

206-модда. Ҳокимият ёки мансаб ваколати

доирасидан четга чиқиш

Ҳокимият ёки мансаб ваколати доирасидан четга чиқиш, яъни давлат органи, давлат иштирокидаги ташкилот ёки фуқароларнинг ўзини ўзи бошқариш органи мансабдор шахсининг ўзига қонун билан берилган ваколатлар доирасидан четга чиқадиган ҳаракатларни қасддан содир этиши, фуқароларнинг ҳуқуқларига ёки қонун билан қўриқланадиган манфаатларига ёхуд давлат ёки жамоат манфаатларига кўп миқдорда зарар ёхуд жиддий зиён етказилишига сабаб бўлса, - (ЎзР 20.08.2015 й. ЎРҚ-391-сон Қонуни таҳриридаги диспозиция) (Олдинги таҳририга қаранг)

Ўша ҳаракат:

а) жуда кўп миқдорда зарар етказган ҳолда;

б) уюшган гуруҳ манфаатларини кўзлаб содир этилган бўлса, -

(ЎзР 20.08.2015 й. ЎРҚ-391-сон Қонуни таҳриридаги диспозиция) (Олдинги таҳририга қаранг)

Шунингдек қаранг: ОС Пленумининг 1996 йил 15 мартдаги "Савдо соҳасидаги жиноятлар ва бошқа ҳуқуқбузарликлар тўғрисидаги ишлар бўйича суд амалиёти ҳақида"ги 9-сон Қарори 8-бандининг иккинчи хатбоши; ОС Пленумининг 1998 йил 17 апрелдаги "Иқтисодиёт соҳасидаги жиноий ишлар бўйича суд амалиётида юзага келган айрим масалалар тўғрисида"ги 11-сон Қарорининг 26-28-бандлари; ОС Пленумининг 2004 йил 21 майдаги "Жазоларни либераллаштириш тўғрисидаги қонунни иқтисодиёт соҳасидаги жиноятларга нисбатан қўллашнинг айрим масалалари ҳақида"ги 4-сон Қарорининг 13-банди; ОС Пленумининг 2004 йил 24 сентябрдаги "Қасддан одам ўлдиришга оид ишлар бўйича суд амалиёти тўғрисида"ги 13-сон Қарорининг 25-банди; ОС Пленумининг 2009 йил 10 апрелдаги "Суд ҳужжатларини бажаришдан бўйин товлаш ва уларнинг ижро этилишига тўсқинлик қилиш учун жиноий жавобгарликка доир қонунларни қўллашнинг айрим масалалари тўғрисида"ги 7-сон Қарори 9-бандининг биринчи хатбоши; ОС Пленумининг 2013 йил 6 сентябрдаги "Божхона тўғрисидаги қонунчиликни бузиш ва контрабандага оид ишлар бўйича суд амалиёти ҳақида"ги 18-сон Қарори 15-бандининг иккинчи хатбоши; ОС Пленумининг 2013 йил 31 майдаги "Солиқлар ва бошқа мажбурий тўловларни тўлашдан бўйин товлаганлик учун жавобгарликка оид қонунчиликнинг судлар томонидан қўлланилиши тўғрисида"ги 8-сон Қарори 7-бандининг биринчи хатбоши

ЎзР 20.08.2015 й. ЎРҚ-391-сон Қонунига мувофиқ 206-1-модда чиқариб ташланган

206-1-модда. Хўжалик юритувчи субъектларнинг

фаолиятига қонунга хилоф равишда аралашиш

(ЎзР 11.09.2012 й. ЎРҚ-333-сон Қонунига мувофиқ киритилган модда)

Хўжалик юритувчи субъектларнинг фаолиятига қонунга хилоф равишда аралашиш, яъни қонун ҳужжатларига мувофиқ ваколатлар берилмаган мансабдор шахс ёхуд бошқа шахс томонидан ўз хизмат мавқеидан фойдаланган ҳолда хўжалик юритувчи субъектлар фаолиятини қасддан текшириш ташаббуси билан чиқиш ва (ёки) текширишлар ўтказиш, ушбу субъектларнинг фаолиятини ва (ёки) банклардаги ҳисобварақлари бўйича операцияларни тўхтатиб туриш, шунингдек қонун ҳужжатларида назарда тутилмаган ҳолларда бундай шахс томонидан хўжалик юритувчи субъектларнинг ҳисобварақларида пул маблағлари бор-йўқлиги ҳақида ахборот талаб қилиб олиш, шундай ҳаракатлар учун маъмурий жазо қўлланилганидан кейин содир этилган бўлса, -

энг кам ойлик иш ҳақининг бир юз эллик бараваридан уч юз бараваригача миқдорда жарима ёки уч йилгача муайян ҳуқуқдан маҳрум қилиш ёхуд уч йилгача ахлоқ тузатиш ишлари билан жазоланади.

Ўша ҳаракатлар:

а) кўп миқдорда зарар етказган ҳолда;

б) такроран ёки хавфли рецидивист томонидан;

в) бир гуруҳ шахслар томонидан олдиндан тил бириктириб содир этилган бўлса, -

энг кам ойлик иш ҳақининг уч юз бараваридан беш юз бараваригача миқдорда жарима ёки муайян ҳуқуқдан маҳрум қилиб, бир йилдан уч йилгача озодликни чеклаш ёхуд уч йилгача озодликдан маҳрум қилиш билан жазоланади. (ЎзР 10.08.2015 й. ЎРҚ-389-сон Қонуни таҳриридаги санкция)

Ўша ҳаракатлар:

а) жуда кўп миқдорда зарар етказган ҳолда;

б) уюшган гуруҳ манфаатларини кўзлаб;

в) масъул мансабдор шахс томонидан содир этилган бўлса, -

энг кам ойлик иш ҳақининг беш юз бараваридан олти юз бараваригача миқдорда жарима ёки муайян ҳуқуқдан маҳрум қилиб, уч йилдан беш йилгача озодликни чеклаш ёхуд уч йилдан беш йилгача озодликдан маҳрум қилиш билан жазоланади. (ЎзР 10.08.2015 й. ЎРҚ-389-сон Қонуни таҳриридаги санкция)

207-модда. Мансабга совуққонлик билан қараш

Мансабга совуққонлик билан қараш, яъни давлат органи, давлат иштирокидаги ташкилот ёки фуқароларнинг ўзини ўзи бошқариш органи мансабдор шахсининг ўз вазифаларига лоқайдлик ёки виждонсизларча муносабатда бўлиши оқибатида уларни бажармаслиги ёки лозим даражада бажармаслиги фуқароларнинг ҳуқуқларига ёки қонун билан қўриқланадиган манфаатларига ёхуд давлат ёки жамоат манфаатларига кўп миқдорда зарар ёхуд жиддий зиён етказилишига сабаб бўлса, - (ЎзР 20.08.2015 й. ЎРҚ-391-сон Қонуни таҳриридаги диспозиция) (Олдинги таҳририга қаранг)

Қаранг: "Хўжалик юритувчи субъектлар фаолиятининг шартномавий-ҳуқуқий базаси тўғрисида"ги Қонуннинг 35-моддаси

Шунингдек қаранг: ОС Пленумининг 1996 йил 27 февралдаги "Қонунга хилоф равишда қуролга эгалик қилиш тўғрисидаги ишлар бўйича суд амалиёти ҳақида"ги 3-сон Қарорининг 3-банди; ОС Пленумининг 1996 йил 20 декабрдаги "Атроф муҳитни муҳофаза килиш ва табиатдан фойдаланиш соҳасидаги жиноятлар ва бошқа ҳуқуқбузарликлар тўғрисидаги ишлар бўйича суд амалиёти ҳақида"ги 36-сон Қарорининг 4-банди; ОС Пленумининг 1998 йил 17 апрелдаги "Иқтисодиёт соҳасидаги жиноий ишлар бўйича суд амалиётида юзага келган айрим масалалар тўғрисида"ги 11-сон Қарорининг 8, 19, 27-бандлари; ОС Пленумининг 2004 йил 21 майдаги "Жазоларни либераллаштириш тўғрисидаги қонунни иқтисодиёт соҳасидаги жиноятларга нисбатан қўллашнинг айрим масалалари ҳақида"ги 4-сон Қарорининг 13, 16-бандлари; ОС Пленумининг 2013 йил 31 майдаги "Солиқлар ва бошқа мажбурий тўловларни тўлашдан бўйин товлаганлик учун жавобгарликка оид қонунчиликнинг судлар томонидан қўлланилиши тўғрисида"ги 8-сон Қарори 7-бандининг биринчи хатбоши

Ўша қилмиш баданга ўртача оғир ёки оғир шикаст етказилишига сабаб бўлса, -

базавий ҳисоблаш миқдорининг юз бараваридан уч юз бараваригача миқдорда жарима ёки уч юз соатдан уч юз олтмиш соатгача мажбурий жамоат ишлари ёхуд икки йилдан уч йилгача ахлоқ тузатиш ишлари билан жазоланади. (ЎзР 03.12.2019 й. ЎРҚ-586-сон Қонуни таҳриридаги санкция) (Олдинги таҳририга қаранг)

Ўша қилмишлар:

а) одам ўлишига;

б) гиёҳвандлик воситалари, уларнинг аналоглари ва психотроп моддаларнинг кўп миқдорда Ўзбекистон Республикаси давлат ёки божхона чегаралари орқали қонунга хилоф равишда олиб ўтилишига сабаб бўлса, - (ЎзР 22.10.2018 й. ЎРҚ-503-сон Қонуни таҳриридаги банд)

муайян ҳуқуқдан маҳрум қилиб, икки йилдан беш йилгача озодликни чеклаш ёхуд беш йилгача озодликдан маҳрум қилиш билан жазоланади. (ЎзР 10.08.2015 й. ЎРҚ-389-сон Қонуни таҳриридаги санкция)

(ЎзР 30.09.2005 й. ЎРҚ-10-сон Қонуни таҳриридаги қисм) (Олдинги таҳририга қаранг)

208-модда. Ҳокимият ҳаракатсизлиги

Ҳокимият ҳаракатсизлиги, яъни давлат органи мансабдор шахсининг ўз хизмат вазифаси юзасидан бажариши лозим ёки мумкин бўлган ҳаракатларни қасддан бажармаслиги фуқароларнинг ҳуқуқларига ёки қонун билан қўриқланадиган манфаатларига ёхуд давлат ёки жамоат манфаатларига кўп миқдорда зарар ёхуд жиддий зиён етказилишига сабаб бўлса, худди шунингдек бундай ҳаракатсизлик жиноятга йўл қўйган ҳолда содир этилган бўлса, - (ЎзР 20.08.2015 й. ЎРҚ-391-сон Қонуни таҳриридаги диспозиция) (Олдинги таҳририга қаранг)

базавий ҳисоблаш миқдорининг юз бараваридан уч юз бараваригача миқдорда жарима ёки уч юз олтмиш соатгача мажбурий жамоат ишлари ёки уч йилгача ахлоқ тузатиш ишлари ёхуд бир йилдан уч йилгача озодликни чеклаш ёки уч йилгача озодликдан маҳрум қилиш билан жазоланади. (ЎзР 03.12.2019 й. ЎРҚ-586-сон Қонуни таҳриридаги санкция) (Олдинги таҳририга қаранг)

Шунингдек қаранг: ОС Пленумининг 1998 йил 17 апрелдаги "Иқтисодиёт соҳасидаги жиноий ишлар бўйича суд амалиётида юзага келган айрим масалалар тўғрисида"ги 11-сон Қарорининг 27-банди; ОС Пленумининг 2009 йил 10 апрелдаги "Суд ҳужжатларини бажаришдан бўйин товлаш ва уларнинг ижро этилишига тўсқинлик қилиш учун жиноий жавобгарликка доир қонунларни қўллашнинг айрим масалалари тўғрисида"ги 7-сон Қарори 11-бандининг тўртинчи хатбоши; ОС Пленумининг 2013 йил 31 майдаги "Солиқлар ва бошқа мажбурий тўловларни тўлашдан бўйин товлаганлик учун жавобгарликка оид қонунчиликнинг судлар томонидан қўлланилиши тўғрисида"ги 8-сон Қарори 7-бандининг биринчи хатбоши

209-модда. Мансаб сохтакорлиги

Мансаб сохтакорлиги, яъни давлат органи, давлат иштирокидаги ташкилот ёки фуқароларнинг ўзини ўзи бошқариш органи мансабдор шахсининг ғаразгўйлик ёки бошқа манфаатларни кўзлаб расмий ҳужжатларга била туриб сохта маълумотлар ва ёзувлар киритиши, ҳужжатларни қалбакилаштириши ёки била туриб сохта ҳужжатлар тузиши ва тақдим этиши фуқароларнинг ҳуқуқларига ёки қонун билан қўриқланадиган манфаатларига ёхуд давлат ёки жамоат манфаатларига жиддий зарар етказилишига сабаб бўлса, - (ЎзР 20.08.2015 й. ЎРҚ-391-сон Қонуни таҳриридаги диспозиция) (Олдинги таҳририга қаранг)

базавий ҳисоблаш миқдорининг юз бараваридан уч юз бараваригача миқдорда жарима ёки беш йилгача муайян ҳуқуқдан маҳрум қилиш ёки уч юз олтмиш соатгача мажбурий жамоат ишлари ёхуд икки йилгача ахлоқ тузатиш ишлари ёки бир йилдан икки йилгача озодликни чеклаш ёки уч йилгача озодликдан маҳрум қилиш билан жазоланади. (ЎзР 03.12.2019 й. ЎРҚ-586-сон Қонуни таҳриридаги санкция) (Олдинги таҳририга қаранг)

Шунингдек қаранг: ОС Пленумининг 1998 йил 17 апрелдаги "Иқтисодиёт соҳасидаги жиноий ишлар бўйича суд амалиётида юзага келган айрим масалалар тўғрисида"ги 11-сон Қарорининг 27-банди; ОС Пленумининг 1999 йил 24 сентябрдаги "Порахўрлик ишлари бўйича суд амалиёти тўғрисида"ги 19-сон Қарорининг 4-банди; ОС Пленумининг 2004 йил 21 майдаги "Жазоларни либераллаштириш тўғрисидаги қонунни иқтисодиёт соҳасидаги жиноятларга нисбатан қўллашнинг айрим масалалари ҳақида"ги 4-сон Қарорининг 8, 13-бандлари; ОС Пленумининг 2013 йил 31 майдаги "Солиқлар ва бошқа мажбурий тўловларни тўлашдан бўйин товлаганлик учун жавобгарликка оид қонунчиликнинг судлар томонидан қўлланилиши тўғрисида"ги 8-сон қарори 7-бандининг биринчи хатбоши, 11-бандининг тўртинчи хатбоши

Ўша ҳаракат:

а) такроран ёки хавфли рецидивист томонидан;

б) уюшган гуруҳ манфаатларини кўзлаб содир этилган бўлса, -

базавий ҳисоблаш миқдорининг уч юз бараваридан олти юз бараваригача миқдорда жарима ёки уч йилгача муайян ҳуқуқдан маҳрум қилиб, икки йилдан беш йилгача озодликни чеклаш ёхуд беш йилгача озодликдан маҳрум қилиш билан жазоланади. (ЎзР 03.12.2019 й. ЎРҚ-586-сон Қонуни таҳриридаги санкция) (Олдинги таҳририга қаранг)

210-модда. Пора олиш

Пора олиш, яъни давлат органи, давлат иштирокидаги ташкилот ёки фуқароларнинг ўзини ўзи бошқариш органи мансабдор шахсининг ўз хизмат мавқеидан фойдаланган ҳолда содир этиши лозим ёки мумкин бўлган муайян ҳаракатни пора бераётган шахснинг манфаатларини кўзлаб бажариши ёки бажармаслиги эвазига шахсан ўзи ёки воситачи орқали қонунга хилоф эканлигини била туриб, моддий қимматликлар олиши ёхуд мулкий манфаатдор бўлиши, - (ЎзР 20.08.2015 й. ЎРҚ-391-сон Қонуни таҳриридаги диспозиция) (Олдинги таҳририга қаранг)

базавий ҳисоблаш миқдорининг эллик бараваридан юз бараваригача миқдорда жарима ёки муайян ҳуқуқдан маҳрум этилган ҳолда икки йилдан беш йилгача озодликни чеклаш ёхуд беш йилгача озодликдан маҳрум қилиш билан жазоланади. (ЎзР 03.12.2019 й. ЎРҚ-586-сон Қонуни таҳриридаги санкция) (Олдинги таҳририга қаранг)

Шунингдек қаранг: ОС Пленумининг 1996 йил 15 мартдаги "Савдо соҳасидаги жиноятлар ва бошқа ҳуқуқбузарликлар тўғрисидаги ишлар бўйича суд амалиёти ҳақида"ги 9-сон Қарорининг 8-банди; ОС Пленумининг 1999 йил 24 сентябрдаги "Порахўрлик ишлари бўйича суд амалиёти тўғрисида"ги 19-сон Қарори; ОС Пленумининг 2013 йил 31 майдаги "Солиқлар ва бошқа мажбурий тўловларни тўлашдан бўйин товлаганлик учун жавобгарликка оид қонунчиликнинг судлар томонидан қўлланилиши тўғрисида"ги 8-сон қарори 11-бандининг тўртинчи хатбоши

Пора олиш:

а) такроран, хавфли рецидивист ёки илгари ушбу Кодекснинг 211 ёки 212-моддаларида назарда тутилган жиноятларни содир этган шахс томонидан;

Шунингдек қаранг: ОС Пленумининг 1999 йил 24 сентябрдаги "Порахўрлик ишлари бўйича суд амалиёти тўғрисида"ги 19-сон Қарорининг 8-банди

б) кўп миқдорда;

Шунингдек қаранг: ОС Пленумининг 1999 йил 24 сентябрдаги "Порахўрлик ишлари бўйича суд амалиёти тўғрисида"ги 19-сон Қарорининг 10, 14-бандлари

в) тамагирлик йўли билан;

Шунингдек қаранг: ОС Пленумининг 1999 йил 24 сентябрдаги "Порахўрлик ишлари бўйича суд амалиёти тўғрисида"ги 19-сон Қарорининг 11, 14-бандлари

г) бир гуруҳ мансабдор шахслар томонидан олдиндан тил бириктириб содир этилган бўлса, -

Шунингдек қаранг: ОС Пленумининг 1999 йил 24 сентябрдаги "Порахўрлик ишлари бўйича суд амалиёти тўғрисида"ги 19-сон Қарорининг 9-банди

Шунингдек қаранг: ОС Пленумининг 1999 йил 24 сентябрдаги "Порахўрлик ишлари бўйича суд амалиёти тўғрисида"ги 19-сон Қарорининг 13, 14-бандлари

Пора олиш:

а) жуда кўп миқдорда;

б) уюшган гуруҳ манфаатларини кўзлаб содир этилган бўлса, -

(ЎзР 20.08.2015 й. ЎРҚ-391-сон Қонуни таҳриридаги диспозиция) (Олдинги таҳририга қаранг)

Шунингдек қаранг: ОС Пленумининг 1999 йил 24 сентябрдаги "Порахўрлик ишлари бўйича суд амалиёти тўғрисида"ги 19-сон Қарорининг 13, 14-бандлари; ОС Пленумининг 2000 йил 28 апрелдаги "Валюта қимматликларини қонунга хилоф равишда олиш ёки ўтказишга доир ишлар юзасидан суд амалиёти тўғрисида"ги 8-сон Қарорининг 10-банди

211-модда. Пора бериш

(ЎзР 14.05.2014 й. ЎРҚ-372-сон Қонуни таҳриридаги модда матни)

(Олдинги таҳририга қаранг)

Пора бериш, яъни давлат органи, давлат иштирокидаги ташкилот ёки фуқароларнинг ўзини ўзи бошқариш органи мансабдор шахсига мазкур мансабдор шахснинг ўз хизмат мавқеидан фойдаланган ҳолда содир этиши лозим ёки мумкин бўлган муайян ҳаракатни пора берган шахснинг манфаатларини кўзлаб бажариши ёки бажармаслиги эвазига қонунга хилоф эканлигини била туриб бевосита ёки воситачи орқали моддий қимматликлар бериш ёки уни мулкий манфаатдор этиш, - (ЎзР 20.08.2015 й. ЎРҚ-391-сон Қонуни таҳриридаги диспозиция) (Олдинги таҳририга қаранг)

Пора бериш:

а) такроран, хавфли рецидивист ёки илгари ушбу Кодекснинг 210 ёки 212-моддаларида назарда тутилган жиноятларни содир этган шахс томонидан;

б) кўп миқдорда содир этилган бўлса, -

беш йилдан ўн йилгача озодликдан маҳрум қилиш билан жазоланади.

Пора бериш:

а) жуда кўп миқдорда;

б) уюшган гуруҳ манфаатларини кўзлаб содир этилган бўлса, -

(ЎзР 20.08.2015 й. ЎРҚ-391-сон Қонуни таҳриридаги диспозиция) (Олдинги таҳририга қаранг)

ўн йилдан ўн беш йилгача озодликдан маҳрум қилиш билан жазоланади.

Башарти, шахсга нисбатан пора сўраб товламачилик қилинган бўлса ва ушбу шахс жиноий ҳаракатлар содир этилганидан кейин бу ҳақда ўттиз сутка мобайнида ўз ихтиёри билан арз қилса, чин кўнгилдан пушаймон бўлиб, жиноятни очишда фаол ёрдам берган бўлса, у жавобгарликдан озод этилади.

212-модда. Пора олиш-беришда воситачилик қилиш

(ЎзР 14.05.2014 й. ЎРҚ-372-сон Қонуни таҳриридаги модда матни)

(Олдинги таҳририга қаранг)

Пора олиш-беришда воситачилик қилиш, яъни пора олиш ёки бериш хусусидаги келишувга эришишга қаратилган фаолият, шунингдек манфаатдор шахсларнинг топшириғи билан порани бевосита бериш, -

Ўша ҳаракат:

а) такроран, хавфли рецидивист ёки илгари ушбу Кодекснинг 210 ёки 211-моддаларида назарда тутилган жиноятларни содир этган шахс томонидан;

б) кўп миқдорда пора олиш ёки бериш вақтида;

в) бир гуруҳ мансабдор шахслар томонидан олдиндан тил бириктириб пора олаётганлиги воситачига аён бўлган ҳолда содир этилган бўлса, -

беш йилдан ўн йилгача озодликдан маҳрум қилиш билан жазоланади.

Пора олиш-беришда воситачилик қилиш:

а) ҳақ эвазига;

б) жуда кўп миқдорда пора олиш ёки бериш вақтида;

в) уюшган гуруҳ манфаатларини кўзлаб содир этилган бўлса, -

(ЎзР 20.08.2015 й. ЎРҚ-391-сон Қонуни таҳриридаги диспозиция) (Олдинги таҳририга қаранг)

ўн йилдан ўн беш йилгача озодликдан маҳрум қилиш билан жазоланади.

Башарти, пора олиш-беришда воситачилик қилган шахс жиноий ҳаракатларни содир этганидан кейин бу ҳақда ўттиз сутка мобайнида ўз ихтиёри билан арз қилса, чин кўнгилдан пушаймон бўлиб, жиноятни очишда фаол ёрдам берган бўлса, жавобгарликдан озод қилинади.

213-модда. Давлат органининг, давлат иштирокидаги

ташкилотнинг ёки фуқаролар ўзини ўзи бошқариш

органининг хизматчисини пора эвазига оғдириб олиш

(ЎзР 20.08.2015 й. ЎРҚ-391-сон Қонуни таҳриридаги модда)

(Олдинги таҳририга қаранг)

Давлат органининг, давлат иштирокидаги ташкилотнинг ёки фуқаролар ўзини ўзи бошқариш органининг хизматчисига мазкур хизматчининг ўз хизмат мавқеидан фойдаланган ҳолда содир этиши лозим ёки мумкин бўлган муайян ҳаракатни уни пора эвазига ўзига оғдириб олаётган шахс манфаатларини кўзлаб бажариши ёки бажармаслиги эвазига қонунга хилоф эканлигини била туриб, моддий қимматликлар бериш ёки уни мулкий манфаатдор этиш, шундай ҳаракатлар учун маъмурий жазо қўлланилганидан кейин содир этилган бўлса, -

Қаранг: МЖтКнинг 193-1-моддаси

Ўша ҳаракатлар анча миқдорда содир этилган бўлса, -

базавий ҳисоблаш миқдорининг эллик бараваридан юз бараваригача миқдорда жарима ёки уч юз соатдан уч юз олтмиш соатгача мажбурий жамоат ишлари ёки икки йилдан уч йилгача ахлоқ тузатиш ишлари ёхуд бир йилдан уч йилгача озодликни чеклаш ёки уч йилгача озодликдан маҳрум қилиш билан жазоланади. (ЎзР 03.12.2019 й. ЎРҚ-586-сон Қонуни таҳриридаги санкция) (Олдинги таҳририга қаранг)

Ўша ҳаракатлар:

а) такроран, хавфли рецидивист ёки илгари ушбу Кодекснинг 210 - 212-моддаларида назарда тутилган жиноятларни содир этган шахс томонидан;

б) кўп миқдорда;

в) бир гуруҳ шахслар томонидан олдиндан тил бириктириб содир этилган бўлса, -

уч йилдан беш йилгача озодликни чеклаш ёхуд уч йилдан беш йилгача озодликдан маҳрум қилиш билан жазоланади.

Ўша ҳаракатлар:

а) жуда кўп миқдорда;

б) уюшган гуруҳ манфаатларини кўзлаб содир этилган бўлса, -

беш йилдан саккиз йилгача озодликдан маҳрум қилиш билан жазоланади.

Башарти моддий қимматликлар берган ёки мулкий манфаатдор этган шахсга нисбатан моддий қимматликлар ёки мулкий манфаат сўраб товламачилик қилинган бўлса ва ушбу шахс жиноий ҳаракатлар содир этилганидан кейин бу ҳақда ўттиз сутка ичида ўз ихтиёри билан арз қилса, чин кўнгилдан пушаймон бўлиб, жиноятни очишда фаол ёрдам берган бўлса, у жавобгарликдан озод этилади.

214-модда. Давлат органи, давлат иштирокидаги

ташкилот ёки фуқароларнинг ўзини ўзи бошқариш органи

хизматчисининг қонунга хилоф равишда моддий қимматликлар

олиши ёки мулкий манфаатдор бўлиши

(ЎзР 20.08.2015 й. ЎРҚ-391-сон Қонуни таҳриридаги модда)

(Олдинги таҳририга қаранг)

Давлат органи, давлат иштирокидаги ташкилот ёки фуқароларнинг ўзини ўзи бошқариш органи хизматчисининг ўз хизмат мавқеидан фойдаланган ҳолда бажариши лозим ёки мумкин бўлган муайян ҳаракатни уни пора эвазига ўзига оғдириб олаётган шахс манфаатларини кўзлаб бажариши ёки бажармаслиги эвазига қонунга хилоф эканлигини била туриб, моддий қимматликлар олиши ёки мулкий манфаатдор бўлиши, шундай ҳаракатлар учун маъмурий жазо қўлланилганидан кейин содир этилган бўлса, -

Қаранг: МЖтКнинг 193-2-моддаси

Ўша ҳаракатлар:

а) анча миқдорда;

б) тамагирлик йўли билан содир этилган бўлса, -

Ўша ҳаракатлар:

б) кўп миқдорда;

в) бир гуруҳ шахслар томонидан олдиндан тил бириктириб;

г) тадбиркорлик фаолиятини амалга ошириши муносабати билан шахсга нисбатан тамагирлик йўли билан содир этилган бўлса, -

уч йилдан беш йилгача озодликни чеклаш ёхуд уч йилдан беш йилгача озодликдан маҳрум қилиш билан жазоланади.

Ўша ҳаракатлар:

а) жуда кўп миқдорда;

б) уюшган гуруҳ манфаатларини кўзлаб содир этилган бўлса, -

беш йилдан саккиз йилгача озодликдан маҳрум қилиш билан жазоланади.

214-1-модда. Спорт мусобақалари иштирокчилари

ва ташкилотчиларининг қонунга хилоф равишда моддий

қимматликлар олиши ёки мулкий манфаатдор бўлиши

(ЎзР 04.11.2024 й. ЎРҚ-988-сон Қонунига мувофиқ киритилган модда)

Спорт мусобақалари натижаларини ёки уларнинг боришини қасддан ўзгартириш мақсадида спортчининг, тренернинг, спорт ҳакамининг ёхуд спорт мусобақалари бошқа иштирокчиларининг ва ташкилотчиларининг улар бажариши лозим ёки мумкин бўлган муайян ҳаракатни пора эвазига оғдириб олаётган шахс манфаатларини кўзлаб бажариши ёхуд бажармаслиги эвазига қонунга хилоф эканлигини била туриб, моддий қимматликлар олиши ёки мулкий манфаатдор бўлиши, ушбу Кодекснинг 210 ва 214-моддаларида назарда тутилган жиноят аломатлари мавжуд бўлмаганда, -

базавий ҳисоблаш миқдорининг эллик бараваридан юз бараваригача миқдорда жарима ёки уч йилгача муайян ҳуқуқдан маҳрум қилиш ёхуд бир йилдан уч йилгача озодликни чеклаш ёки бир йилдан уч йилгача озодликдан маҳрум қилиш билан жазоланади.

Ўша ҳаракатлар:

а) такроран;

б) кўп миқдорда;

в) тамагирлик йўли билан;

г) бир гуруҳ шахслар томонидан олдиндан тил бириктириб содир этилган бўлса, -

базавий ҳисоблаш миқдорининг юз бараваридан уч юз бараваригача миқдорда жарима ёки уч йилдан беш йилгача муайян ҳуқуқдан маҳрум қилиш ёхуд уч йилдан беш йилгача озодликни чеклаш ёки уч йилдан беш йилгача озодликдан маҳрум қилиш билан жазоланади.

Ўша ҳаракатлар:

а) жуда кўп миқдорда;

б) уюшган гуруҳ томонидан ёки унинг манфаатларини кўзлаб содир этилган бўлса, -

базавий ҳисоблаш миқдорининг уч юз бараваридан олти юз бараваригача миқдорда жарима ёки беш йилдан саккиз йилгача озодликдан маҳрум қилиш билан жазоланади.

214-2-модда. Спорт мусобақалари иштирокчилари

ва ташкилотчиларини пора эвазига оғдириб олиш

(ЎзР 04.11.2024 й. ЎРҚ-988-сон Қонунига мувофиқ киритилган модда)

Спорт мусобақалари натижаларини ёки уларнинг боришини қасддан ўзгартириш мақсадида спортчига, тренерга, спорт ҳакамига ёхуд спорт мусобақаларининг бошқа иштирокчилари ва ташкилотчиларига улар бажариши лозим ёки мумкин бўлган муайян ҳаракатни пора эвазига оғдириб олаётган шахс манфаатларини кўзлаб бажариши ёхуд бажармаслиги эвазига қонунга хилоф эканлигини била туриб, моддий қимматликлар бериш ёки уларни мулкий манфаатдор этиш, ушбу Кодекснинг 211 ва 213-моддаларида назарда тутилган жиноят аломатлари мавжуд бўлмаганда, -

Ўша ҳаракатлар:

а) такроран;

б) кўп миқдорда;

в) бир гуруҳ шахслар томонидан олдиндан тил бириктириб содир этилган бўлса, -

Ўша ҳаракатлар:

а) жуда кўп миқдорда;

б) уюшган гуруҳ томонидан ёки унинг манфаатларини кўзлаб содир этилган бўлса, -

Агар моддий қимматликлар берган ёки мулкий манфаатдор этган шахсга нисбатан моддий қимматликлар ёки мулкий манфаат сўраб товламачилик қилинган бўлса ва ушбу шахс жиноий ҳаракатлар содир этилганидан кейин бу ҳақда ўттиз сутка ичида ўз ихтиёри билан арз қилса, чин кўнгилдан пушаймон бўлса ва жиноятни очишда фаол ёрдам берган бўлса, у жавобгарликдан озод этилади.

215-модда. Давлат рамзларига ҳурматсизлик қилиш

Ўзбекистон Республикаси ёки Қорақалпоғистон Республикасининг Давлат байроғи, Давлат герби ёхуд Давлат мадҳиясига ҳурматсизлик қилиш -

базавий ҳисоблаш миқдорининг йигирма беш бараваригача миқдорда жарима ёки уч юз олтмиш соатгача мажбурий жамоат ишлари ёхуд уч йилгача ахлоқ тузатиш ишлари билан жазоланади. (ЎзР 03.12.2019 й. ЎРҚ-586-сон Қонуни таҳриридаги санкция) (Олдинги таҳририга қаранг)

Қаранг: "Ўзбекистон Республикасининг Давлат байроғи тўғрисида"ги Қонуннинг 13-моддаси; "Ўзбекистон Республикасининг Давлат герби тўғрисида"ги Қонуннинг 8-моддаси; "Ўзбекистон Республикасининг Давлат мадҳияси тўғрисида"ги Қонуннинг 2-моддаси

216-модда. Жамоат бирлашмалари ёки диний

ташкилотларни қонунга хилоф равишда тузиш

(ЎзР 15.04.1999 й. 772-I-сон Қонуни таҳриридаги модда номи)

Ғайриқонуний жамоат бирлашмалари ёки диний ташкилотларни қонунга хилоф равишда тузиш ёки уларнинг фаолиятини тиклаш, шунингдек бундай бирлашмалар ёки ташкилотлар фаолиятида фаол қатнашиш - (ЎзР 15.04.1999 й. 772-I-сон Қонуни таҳриридаги диспозиция)

Қаранг: "Ўзбекистон Республикасида жамоат бирлашмалари тўғрисида"ги Қонуннинг 3, 21-моддалари; "Виждон эркинлиги ва диний ташкилотлар тўғрисида"ги Қонун (Янги таҳрири) 5-моддасининг бешинчи-еттинчи қисмлари, 12, 13-моддалари

216-1-модда. Ғайриқонуний жамоат бирлашмалари ва диний

ташкилотлар фаолиятида қатнашишга ундаш

(ЎзР 15.04.1999 й. 772-I-сон Қонуни таҳриридаги модда номи)

Ўзбекистон Республикасида ғайриқонуний жамоат бирлашмалари ва диний ташкилотлар, оқимлар, секталар фаолиятида қатнашишга ундаш, шундай ҳаракатлар учун маъмурий жазо қўлланилганидан кейин содир этилган бўлса, - (ЎзР 15.04.1999 й. 772-I-сон Қонуни таҳриридаги диспозиция)

базавий ҳисоблаш миқдорининг йигирма беш бараваридан эллик бараваригача миқдорда жарима ёки уч юз олтмиш соатгача мажбурий жамоат ишлари ёки уч йилгача ахлоқ тузатиш ишлари ёхуд бир йилдан уч йилгача озодликни чеклаш ёки уч йилгача озодликдан маҳрум қилиш билан жазоланади. (ЎзР 03.12.2019 й. ЎРҚ-586-сон Қонуни таҳриридаги санкция) (Олдинги таҳририга қаранг)

Ўша ҳаракатлар вояга етмаган шахсга нисбатан содир этилган бўлса, -

уч йилдан беш йилгача озодликни чеклаш ёхуд уч йилдан беш йилгача озодликдан маҳрум қилиш билан жазоланади.

(ЎзР 12.02.2021 й. ЎРҚ-673-сон Қонунига мувофиқ киритилган қисм)

Қаранг: МЖТКнинг 202-1-моддаси; "Ўзбекистон Республикасида жамоат бирлашмалари тўғрисида"ги Қонуннинг 3, 21-моддалари; "Виждон эркинлиги ва диний ташкилотлар тўғрисида"ги Қонуннинг (Янги таҳрири) 3-моддаси, 5-моддасининг бешинчи-еттинчи қисмлари, 12, 13-моддалари

216-2-модда. Диний ташкилотлар тўғрисидаги қонунчиликни бузиш

(ЎзР 21.04.2021 й. ЎРҚ-683-сон Қонуни таҳриридаги модда номи)

(ЎзР 01.05.1998 й. 621-I-сон Қонунига мувофиқ киритилган модда)

Нолегал диний фаолият билан шуғулланиш, диний ташкилотлар раҳбарларининг мазкур ташкилотлар уставини рўйхатдан ўтказишдан бош тортиши, руҳонийлар ва диний ташкилотлар аъзолари томонидан болалар ва ўсмирларнинг махсус йиғилишлари, шунингдек диний маросимга алоқаси бўлмаган меҳнат, адабиёт ва бошқа хилдаги тўгараклар ҳамда гуруҳларни ташкил этиш ва ўтказиш, шундай қилмишлар учун маъмурий жазо қўлланилганидан кейин содир этилган бўлса, -

базавий ҳисоблаш миқдорининг эллик бараваридан юз бараваригача миқдорда жарима ёки уч юз олтмиш соатгача мажбурий жамоат ишлари ёки бир йилдан уч йилгача озодликни чеклаш ёхуд уч йилгача озодликдан маҳрум қилиш билан жазоланади. (ЎзР 03.12.2019 й. ЎРҚ-586-сон Қонуни таҳриридаги санкция) (Олдинги таҳририга қаранг)

Қаранг: МЖТК 240-моддасининг биринчи қисми; "Виждон эркинлиги ва диний ташкилотлар тўғрисида"ги Қонун (Янги таҳрири) 3-моддасининг учинчи қисми, 11-моддасининг еттинчи қисми

Бир конфессияга мансуб диндорларни бошқасига киритишга қаратилган хатти-ҳаракатлар (прозелитизм) ва бошқа миссионерлик фаолияти, шундай ҳаракатлар учун маъмурий жазо қўлланилганидан кейин содир этилган бўлса, -

Қаранг: МЖТК 240-моддасининг иккинчи қисми; "Виждон эркинлиги ва диний ташкилотлар тўғрисида"ги Қонун (Янги таҳрири) 5-моддасининг учинчи қисми

217-модда. Йиғилишлар, митинглар, кўча юришлари ёки

намойишлар уюштириш, ўтказиш тартибини бузиш

Йиғилишлар, митинглар, кўча юришлари ёки намойишлар уюштириш ёхуд ўтказиш тартибини уларнинг ташкилотчиси томонидан бузиш шундай ҳаракатлари учун маъмурий жазо қўлланилганидан кейин содир этилган бўлса, -

базавий ҳисоблаш миқдорининг икки юз бараваридан уч юз бараваригача миқдорда жарима ёки уч юз олтмиш соатгача мажбурий жамоат ишлари ёки бир йилдан уч йилгача озодликни чеклаш ёхуд уч йилгача озодликдан маҳрум қилиш билан жазоланади. (ЎзР 03.12.2019 й. ЎРҚ-586-сон Қонуни таҳриридаги санкция) (Олдинги таҳририга қаранг)

Қаранг: МЖтК 201-моддасининг биринчи қисми

Диний йиғилишлар, кўча юришлари ва бошқа диний маросимлар ўтказиш қоидаларини бузиш, шундай ҳаракатлар учун маъмурий жазо қўлланилганидан кейин содир этилган бўлса, -

Қаранг: МЖТК 201-моддасининг иккинчи қисми; "Виждон эркинлиги ва диний ташкилотлар тўғрисида"ги Қонуннинг (Янги таҳрири) 14-моддаси

218-модда. Тақиқланган иш ташлашга раҳбарлик қилиш ёки

фавқулодда ҳолат шароитида корхона, муассаса ёхуд

ташкилотлар ишига тўсқинлик қилиш

Тақиқланган иш ташлашга раҳбарлик қилиш, шунингдек, фавқулодда ҳолат шароитида корхона, муассаса ёхуд ташкилотлар ишига тўсқинлик қилиш -

219-модда. Ҳокимият вакилига ёки фуқаровий бурчини

бажараётган шахсга қаршилик кўрсатиш

Қаршилик кўрсатиш, яъни хизмат вазифасини бажараётган ҳокимият вакилининг қонуний фаолиятига ёки фуқаровий бурчини бажараётган шахсга фаол қаршилик кўрсатиш -

базавий ҳисоблаш миқдорининг эллик бараваридан юз бараваригача миқдорда жарима ёки уч юз олтмиш соатгача мажбурий жамоат ишлари ёхуд уч йилгача ахлоқ тузатиш ишлари ёки бир йилдан уч йилгача озодликни чеклаш ёки бир йилдан уч йилгача озодликдан маҳрум қилиш билан жазоланади. (ЎзР 04.10.2021 й. ЎРҚ-719-сон Қонуни таҳриридаги санкция) (Олдинги таҳририга қаранг)

Ушбу модданинг биринчи қисмида кўрсатилган шахсларни қандай шаклда бўлмасин ўзининг хизмат вазифасини бажариш ёки фуқаровий бурчини бажаришдан воз кечишга, шунингдек қонунга хилоф ҳаракатлар содир этишга мажбур қилиш -

уч йилдан беш йилгача озодликни чеклаш ёки уч йилдан беш йилгача озодликдан маҳрум қилиш билан жазоланади. (ЎзР 04.10.2021 й. ЎРҚ-719-сон Қонуни таҳриридаги санкция) (Олдинги таҳририга қаранг)

Шунингдек қаранг: ОС Пленумининг 2004 йил 24 сентябрдаги "Қасддан одам ўлдиришга оид ишлар бўйича суд амалиёти тўғрисида"ги 13-сон Қарори 9-бандининг тўртинчи хатбоши; ОС Пленумининг 2009 йил 10 апрелдаги "Суд ҳужжатларини бажаришдан бўйин товлаш ва уларнинг ижро этилишига тўсқинлик қилиш учун жиноий жавобгарликка доир қонунларни қўллашнинг айрим масалалари тўғрисида"ги 7-сон Қарори 9-бандининг иккинчи хатбоши

220-модда. Озодликдан маҳрум қилиш жазосини ижро этиш

муассасаларининг ишини издан чиқарувчи ҳаракатлар

Озодликдан маҳрум қилиш жазосини ўтаётган шахснинг маҳкумларни террор қилиш ёки маъмурият вакилларига ҳужум қилишда, шунингдек, бундай мақсадларда жиноий гуруҳлар ташкил қилиш ёки шундай гуруҳлар фаолиятида фаол қатнашишда ифодаланадиган озодликдан маҳрум қилиш жазосини ижро этиш муассасасининг ишини издан чиқарувчи ҳаракатлари -

уч йилдан беш йилгача озодликдан маҳрум қилиш билан жазоланади.

Шунингдек қаранг: ОС Пленумининг 2004 йил 24 сентябрдаги "Қасддан одам ўлдиришга оид ишлар бўйича суд амалиёти тўғрисида"ги 13-сон Қарорининг 26-банди

Ўша ҳаракатлар:

а) ўта хавфли рецидивист;

б) оғир ёки ўта оғир жинояти учун ҳукм этилган шахс;

в) бир гуруҳ шахслар томонидан содир этилган бўлса, -

беш йилдан ўн йилгача озодликдан маҳрум қилиш билан жазоланади.

221-модда. Жазони ижро этиш муассасаси маъмуриятининг

қонуний талабларига бўйсунмаслик

Озодликдан маҳрум қилиш жойида жазони ўтаётган шахснинг жазони ижро этиш муассасаси маъмуриятининг қонуний талабларига бўйсунмаслиги ёхуд маъмуриятнинг ўз фаолиятини амалга оширишига бошқача йўсинда тўсқинлик қилиши, башарти, маҳкумга нисбатан бир йил мобайнида жазони ўташ тартиби талабларини бузганлиги учун жазони ижро этиш колониясининг карцерига ўтказиш тариқасидаги жазо қўлланилганидан ёки турмага ўтказилганидан кейин содир этилса, -

уч йилгача озодликдан маҳрум қилиш билан жазоланади. (ЎзР 12.12.2003 й. 568-II-сон Қонуни таҳриридаги қисм)

Қаранг: ЖИКнинг 13-моддаси

Ўша қилмишлар:

а) ўта хавфли рецидивист;

б) оғир ёки ўта оғир жинояти учун ҳукм этилган шахс томонидан содир этилган бўлса, -

уч йилдан беш йилгача озодликдан маҳрум қилиш билан жазоланади.

222-модда. Қамоқдан ёки қўриқлов

остидаги сақлаш жойидан қочиш

(ЎзР 12.12.2003 й. 568-II-сон Қонуни таҳриридаги модда номи)

(Олдинги таҳририга қаранг)

Қамоқда сақланаётган ёки озодликдан маҳрум қилиш тариқасидаги жазони ўтаётган шахснинг қамоқдан ёки қўриқлов остидаги сақлаш жойидан қочиши -

беш йилгача озодликдан маҳрум қилиш билан жазоланади. (ЎзР 12.12.2003 й. 568-II-сон Қонуни таҳриридаги қисм) (Олдинги таҳририга қаранг)

Қочиш:

а) баданга енгил ёки ўртача оғир шикаст етказган ҳолда;

б) ўта хавфли рецидивист томонидан;

в) бир гуруҳ шахслар томонидан содир этилган бўлса, -

беш йилдан саккиз йилгача озодликдан маҳрум қилиш билан жазоланади.

223-модда. Қонунга хилоф равишда чет элга чиқиш

ёки Ўзбекистон Республикасига кириш

Белгиланган тартибни бузиб чет элга чиқиш ёки Ўзбекистон Республикасига кириш ёхуд Ўзбекистон Республикасининг Давлат чегарасидан ўтиш - (ЎзР 10.10.2024 й. ЎРҚ-974-сон Қонуни таҳриридаги диспозиция)

Қаранг: "Ўзбекистон Республикаси Давлат чегараси тўғрисида"ги Қонуннинг 10-12, 15-моддалари; ЎзР Президенти 2018 йил 26 декабрдаги ПҚ-4079-сон Қарори билан тасдиқланган "Ўзбекистон Республикаси фуқароларининг хорижга чиқиш тартиби тўғрисида"ги Низом; ВМ 1996 йил 21 ноябрдаги 408-сон Қарори билан тасдиқланган "Хорижий фуқароларнинг ва фуқаролиги бўлмаган шахсларнинг Ўзбекистон Республикасига келишлари ва Ўзбекистон Республикасидан кетишлари Тартиби"

Ўша ҳаракатлар:

а) Ўзбекистон Республикасининг Давлат чегарасини ёриб ўтиш йўли билан; (ЎзР 10.10.2024 й. ЎРҚ-974-сон Қонуни таҳриридаги банд) (Олдинги таҳририга қаранг)

б) бир гуруҳ шахслар томонидан олдиндан тил бириктириб;

в) такроран ёки хавфли рецидивист томонидан;

г) чет элга чиқиши учун махсус келишув талаб қилинадиган мансабдор шахс томонидан;

Қаранг: Президентининг 2014 йил 5 мартдаги "Мансабдор шахсларнинг хорижий мамлакатларга чиқиш тартибини такомиллаштириш чоралари тўғрисида"ги ПҚ-2142-сон Қарорининг 1, 2-бандлари

д) Ўзбекистон Республикасига кириш ҳуқуқи белгиланган тартибда чекланган шахс томонидан содир этилган бўлса, - (ЎзР 29.12.2012 й. ЎРҚ-345-сон Қонуни таҳриридаги диспозиция) (Олдинги таҳририга қаранг)

беш йилдан ўн йилгача муддатга озодликдан маҳрум қилиш билан жазоланади.

Ўзбекистон Республикасининг Конституциясида назарда тутилган сиёсий бошпана ҳуқуқидан фойдаланиш учун кириш ҳужжатларини тегишли даражада расмийлаштирмасдан Ўзбекистон Республикасига келган чет эл фуқаролари ва фуқаролиги бўлмаган шахслар жавобгарликдан озод қилинадилар.

ЎзР 05.11.2019 й. ЎРҚ-579-сон Қонунига мувофиқ 224-модда чиқариб ташланган

224-модда. Ўзбекистон Республикасида

бўлиш қоидаларини бузиш

Чет эл фуқароси ва фуқаролиги бўлмаган шахснинг Ўзбекистон Республикасида бўлиш қоидаларини бузиши, яъни Ўзбекистонда яшаш ҳуқуқини берадиган ҳужжатларсиз ёки ҳақиқий бўлмаган ҳужжатлар билан яшаши, вақтинча ёки доимий прописка, кўчиш ёки турар жой танлаш юзасидан белгиланган тартибга риоя этмаслиги, бўлиш муддати тугагач чиқиб кетишдан бўйин товлаши, шунингдек Ўзбекистон Республикасининг ҳудуди орқали транзит тарзда ўтиш тартибига риоя қилмаслиги, агар шундай қилмишлар учун маъмурий жазо қўлланилганидан кейин содир этилган бўлса, -

энг кам ойлик иш ҳақининг икки юз бараваридан олти юз бараваригача миқдорда жарима ёки бир йилдан уч йилгача озодликдан маҳрум қилиш билан жазоланади. (ЎзР 08.07.2008 й. ЎРҚ-161-сон Қонуни таҳриридаги санкция) (Олдинги таҳририга қаранг)

Чет эл фуқаролари ва фуқаролиги бўлмаган шахсларнинг Ўзбекистон Республикасида бўлиши қоидаларида назарда тутилган чет эл фуқаролари ва фуқаролиги бўлмаган шахсларни қабул қилиш тартибининг мансабдор шахс томонидан бузилиши, ана шундай қилмишлар учун маъмурий жазо қўлланилганидан кейин содир этилган бўлса, -

энг кам иш ҳақининг уч юз бараваридан тўрт юз бараваригача миқдорда жарима ёки бир йилдан уч йилгача озодликни чеклаш ёхуд уч йилгача озодликдан маҳрум қилиш билан жазоланади. (ЎзР 10.08.2015 й. ЎРҚ-389-сон Қонуни таҳриридаги санкция) (Олдинги таҳририга қаранг)

Чет эл фуқаролари ва фуқаролиги бўлмаган шахсларни хусусий иш билан Ўзбекистон Республикасига таклиф қилган фуқаро томонидан мазкур фуқароларнинг вақтинча пропискадан ўтишларини, шунингдек улар шу ерда бўлишининг белгиланган муддати ўтгач чиқиб кетишларини таъминлашга доир чоралар кўрилмаслиги, шунингдек уй-жой, транспорт воситалари бериб қўйилиши ёхуд бошқа хизматлар кўрсатилиши, агар бу Ўзбекистон Республикасида бўлиш қоидаларининг бузилишига олиб келиши олдиндан аён бўлиб, ана шундай қилмишлар учун маъмурий жазо қўлланилганидан кейин содир этилган бўлса, - (ЎзР 15.04.1999 й. 772-I-сон Қонуни таҳриридаги диспозиция)

энг кам иш ҳақининг икки юз бараваридан тўрт юз бараваригача миқдорда жарима солиш ёки икки йилгача ахлоқ тузатиш ишлари ёки икки йилгача озодликни чеклаш ёхуд икки йилгача озодликдан маҳрум этиш билан жазоланади. (ЎзР 10.08.2015 й. ЎРҚ-389-сон Қонуни таҳриридаги санкция) (Олдинги таҳририга қаранг)

225-модда. Ҳарбий ёки муқобил хизматдан бўйин товлаш

(ЎзР 30.08.2003 й. 535-II-сон Қонуни таҳриридаги модда)

(Олдинги таҳририга қаранг)

Фуқароларнинг муддатли ҳарбий хизмат ёки муқобил хизматга чақирувдан, сафарбарлик чақируви резерви хизмати сафига олиниш ёхуд хизматни Ўзбекистон Республикаси Қуролли Кучлари резервида ўташдан узрли сабабсиз бўйин товлаши, шундай қилмиш учун маъмурий жазо қўлланилганидан кейин содир этилган бўлса, -

Қаранг: МЖтКнинг 237-моддаси; "Умумий ҳарбий мажбурият ва ҳарбий хизмат тўғрисида"ги Қонун 51-моддасининг биринчи қисми

Ўша ҳаракатлар:

а) ўз баданига шикаст етказиш;

б) ҳужжатларни қалбакилаштириш ёки бошқача алдаш йўли билан содир этилган бўлса, -

базавий ҳисоблаш миқдорининг юз бараваригача миқдорда жарима ёки уч юз соатдан уч юз олтмиш соатгача мажбурий жамоат ишлари ёки бир йилдан уч йилгача озодликни чеклаш ёхуд уч йилгача озодликдан маҳрум қилиш билан жазоланади. (ЎзР 03.12.2019 й. ЎРҚ-586-сон Қонуни таҳриридаги санкция) (Олдинги таҳририга қаранг)

Фуқароларнинг Ўзбекистон Республикаси Қуролли Кучларига сафарбарлик бўйича чақирувдан бўйин товлаши -

Қаранг: "Умумий ҳарбий мажбурият ва ҳарбий хизмат тўғрисида"ги Қонуннинг 46-моддаси, 51-моддасининг биринчи қисми

226-модда. Маъмурий назорат қоидаларини бузиш

Устидан маъмурий назорат ўрнатилган шахснинг маъмурий назорат қоидаларини бузиши, мазкур шахсга шундай қилмиш учун маъмурий жазо қўлланилганидан кейин содир этилган бўлса, -

базавий ҳисоблаш миқдорининг эллик бараваригача миқдорда жарима ёки икки йилгача озодликни чеклаш ёхуд икки йилгача озодликдан маҳрум қилиш билан жазоланади. (ЎзР 03.12.2019 й. ЎРҚ-586-сон Қонуни таҳриридаги санкция) (Олдинги таҳририга қаранг)

Қаранг: МЖтКнинг 206-моддаси; "Жазони ижро этиш муассасаларидан озод килинган айрим тоифадаги шахслар устидан маъмурий назорат тўгрисида"ги Қонун

Маъмурий назорат қоидаларини бузиш:

а) маъмурий назоратдан бўйин товлаш мақсадида ўз истиқомат жойини ўзбошимчалик билан ташлаб кетиш;

б) маъмурий назорат озодликдан маҳрум қилиш жойларидан озод қилиш вақтида шахсга нисбатан ўрнатилган бўлиб, у ўзи танлаган яшаш жойига узрли сабабларсиз муайян муддатда етиб келмаслиги туфайли содир этилган бўлса, -

икки йилдан тўрт йилгача озодликни чеклаш ёхуд икки йилдан тўрт йилгача озодликдан маҳрум қилиш билан жазоланади. (ЎзР 10.08.2015 й. ЎРҚ-389-сон Қонуни таҳриридаги санкция)

227-модда. Ҳужжатлар, штамплар, муҳрлар,

бланкаларни, автомототранспорт воситаларининг ва улар

тиркамаларининг (ярим тиркамаларининг) давлат рақам

белгиларини эгаллаш, нобуд қилиш, уларга шикаст

етказиш ёки уларни яшириш

(ЎзР 09.09.2009 й. ЎРҚ-215-сон Қонуни таҳриридаги номи)

(Олдинги таҳририга қаранг)

Корхоналар, муассасалар, ташкилотларнинг қатъий ҳисобидаги ҳужжатлар, штамплар, муҳрлар, бланкаларни, шунингдек автомототранспорт воситаларининг ва улар тиркамаларининг (ярим тиркамаларининг) давлат рақам белгиларини эгаллаш, худди шунингдек уларни нобуд қилиш, уларга шикаст етказиш, уларни яшириш ғаразгўйлик ёки бошқа паст ниятларда содир этилган бўлса, - (ЎзР 09.09.2009 й. ЎРҚ-215-сон Қонуни таҳриридаги диспозиция) (Олдинги таҳририга қаранг)

Ўша ҳаракатлар:

а) паспорт ёки идентификацияловчи ID-карта, ҳарбий билет ёки бошқа муҳим шахсий ҳужжатларга нисбатан ёхуд ўта муҳим аҳамиятга эга бўлган ҳужжатлар, штамплар, муҳрлар, бланкаларга нисбатан содир этилган бўлса; (ЎзР 14.03.2022 й. ЎРҚ-759-сон Қонуни таҳриридаги банд)

б) оғир оқибатларга сабаб бўлса, -

базавий ҳисоблаш миқдорининг эллик бараваридан юз бараваригача миқдорда жарима ёки уч юз соатдан уч юз олтмиш соатгача мажбурий жамоат ишлари ёхуд икки йилдан уч йилгача ахлоқ тузатиш ишлари ёки бир йилдан уч йилгача озодликни чеклаш ёки уч йилгача озодликдан маҳрум қилиш билан жазоланади. (ЎзР 03.12.2019 й. ЎРҚ-586-сон Қонуни таҳриридаги санкция) (Олдинги таҳририга қаранг)

(ЎзР 26.05.2000 й. 82-II-сон Қонуни таҳриридаги қисм)

228-модда. Ҳужжатлар, штамплар, муҳрлар,

бланкалар тайёрлаш, уларни қалбакилаштириш,

сотиш ёки улардан фойдаланиш

Сохталаштирувчининг ўзи ёки бошқа шахс фойдаланиши мақсадида муайян ҳуқуқ берадиган ёки муайян мажбуриятдан озод этадиган расмий ҳужжатлар тайёрлаши ёки расмий ҳужжатларни қалбакилаштириши ёхуд бундай ҳужжатларни сотиши, шундай мақсадларда корхона, муассаса ёки ташкилотнинг қалбаки штамплари, муҳрлари, бланкаларини тайёрлаш ёхуд сотиш -

Қаранг: ОК 202-моддасининг учинчи қисми

Шунингдек қаранг: ОС Пленумининг 2004 йил 21 майдаги "Жазоларни либераллаштириш тўғрисидаги қонунни иқтисодиёт соҳасидаги жиноятларга нисбатан қўллашнинг айрим масалалари ҳақида"ги 4-сон Қарорининг 8-банди; ОС Пленумининг 2006 йил 3 февралдаги "Судлар томонидан жиноят учун жазо тайинлаш амалиёти тўғрисида"ги 1-сон Қарори 49-бандининг биринчи, учинчи хатбошлари; ОС Пленумининг 2011 йил 25 ноябрдаги "Ўзбекистон Республикасининг Давлат чегарасини кесиб ўтиш тартибини бузишга оид ишлар бўйича суд амалиёти тўғрисида"ги 9-сон Қарори 11-бандининг биринчи хатбоши; ОС Пленумининг 2013 йил 31 майдаги "Солиқлар ва бошқа мажбурий тўловларни тўлашдан бўйин товлаганлик учун жавобгарликка оид қонунчиликнинг судлар томонидан қўлланилиши тўғрисида"ги 8-сон Қарори 7-бандининг биринчи хатбоши, 11-бандининг тўртинчи хатбоши; ОС Пленумининг 2023 йил 23 июндаги "Фирибгарликка оид ишлар бўйича суд амалиёти тўгрисида"ги 17-сон Қарори 21-бандининг биринчи хатбоши

Ўша ҳаракатлар:

а) такроран ёки хавфли рецидивист томонидан;

Шунингдек қаранг: ОС Пленумининг 2008 йил 15 майдаги "Бир неча жиноят содир этилганда қилмишни квалификация қилишга доир масалалар тўғрисида"ги 13-сон Қарори 2-бандининг учинчи, бешинчи хатбошилари, 20-бандининг иккинчи, тўртинчи хатбошилари

б) бир гуруҳ шахслар томонидан олдиндан тил бириктириб содир этилган бўлса, -

Шунингдек қаранг: ОС Пленумининг 2023 йил 23 июндаги "Фирибгарликка оид ишлар бўйича суд амалиёти тўгрисида"ги 17-сон Қарори 21-бандининг биринчи хатбоши

Ҳужжатнинг қалбаки эканлигини била туриб, ундан фойдаланиш -

базавий ҳисоблаш миқдорининг йигирма беш бараваридан эллик бараваригача миқдорда жарима ёки уч юз соатгача мажбурий жамоат ишлари ёки икки йилгача ахлоқ тузатиш ишлари ёхуд икки йилгача озодликни чеклаш ёки икки йилгача озодликдан маҳрум қилиш билан жазоланади. (ЎзР 03.12.2019 й. ЎРҚ-586-сон Қонуни таҳриридаги санкция) (Олдинги таҳририга қаранг)

Шунингдек қаранг: ОС Пленумининг 2013 йил 6 сентябрдаги "Божхона тўғрисидаги қонунчиликни бузиш ва контрабандага оид ишлар бўйича суд амалиёти ҳақида"ги 18-сон Қарори 12-бандининг иккинчи хатбоши; ОС Пленумининг 2023 йил 23 июндаги "Фирибгарликка оид ишлар бўйича суд амалиёти тўгрисида"ги 17-сон Қарорининг 21-банди

228-1-модда. Давлат проба тамғаларини тайёрлаш

ва улардан фойдаланиш қоидаларини бузиш

(ЎзР 26.05.2000 й. 82-II-сон Қонунига мувофиқ киритилган модда)

Ғаразгўйлик ёки бошқа шахсий манфаатларни кўзлаб давлат проба тамғасини қонунга хилоф равишда тайёрлаш, ўтказиш ёки ундан фойдаланиш, шунингдек уни қалбакилаштириш -

Қаранг: "Қимматбаҳо металлардан ясалган буюмларнинг асиллик даражаси ва тамғаланиши тўғрисида"ги Қонун

Ўша ҳаракатлар:

а) такроран;

б) бир гуруҳ шахслар томонидан олдиндан тил бириктириб содир этилган бўлса, -

229-модда. Ўзбошимчалик

Ўзбошимчалик, яъни ҳақиқий ёки фараз қилинган ҳуқуқларни ўзбошимчалик билан амалга ошириш фуқароларнинг ҳуқуқлари ёки қонун билан қўриқланадиган манфаатларига ёхуд давлат ёки жамоат манфаатларига кўп миқдорда зарар ёки жиддий зиён етказилишига сабаб бўлса, -

229-1-модда. Ер участкаларини ўзбошимчалик билан эгаллаб олиш

(ЎзР 16.08.2021 й. ЎРҚ-708-сон Қонуни таҳриридаги модда матни)

(Олдинги таҳририга қаранг)

Ер участкаларини ўзбошимчалик билан эгаллаб олиш, шу жумладан ушбу ер участкаларига нисбатан қонуний ҳуқуқлари мавжуд бўлмаган ҳолда улардан фойдаланиш, худди шундай ҳаракатлар учун маъмурий жазо қўлланилганидан кейин содир этилган бўлса, -

базавий ҳисоблаш миқдорининг уч юз бараваридан тўрт юз бараваригача миқдорда жарима ёки уч йилгача ахлоқ тузатиш ишлари ёхуд беш йилгача озодликни чеклаш ёки беш йилгача озодликдан маҳрум қилиш билан жазоланади. (ЎзР 15.11.2024 й. ЎРҚ-997-сон Қонуни таҳриридаги санкция)

Суғориладиган ер участкаларини уларда қурилиш ишларини амалга оширган ҳолда ўзбошимчалик билан эгаллаб олиш, -

базавий ҳисоблаш миқдорининг тўрт юз бараваридан олти юз бараваригача миқдорда жарима ёки беш йилдан етти йилгача озодликдан маҳрум қилиш билан жазоланади. (ЎзР 15.11.2024 й. ЎРҚ-997-сон Қонуни таҳриридаги санкция)

Биринчи марта жиноят содир этган шахсга нисбатан, агар у ўзбошимчалик билан эгалланган ер участкасининг қайтарилишини жиноят аниқланган кундан эътиборан ўттиз кунлик муддатда таъминласа ҳамда ўзбошимчалик билан эгаллаб олишнинг оқибатларини бартараф этса, озодликни чеклаш ва озодликдан маҳрум қилиш тариқасидаги жазо қўлланилмайди.

229-2-модда. Диний таълимотдан сабоқ бериш тартибини бузиш

(ЎзР 01.05.1998 й. 621-I-сон Қонунига мувофиқ киритилган модда)

Махсус диний маълумоти бўлмай туриб ва диний ташкилот бошқаруви марказий органининг рухсатисиз диний таълимотдан сабоқ бериш, худди шунингдек хусусий тартибда диний таълимотдан сабоқ бериш, шундай ҳаракатлар учун маъмурий жазо қўлланилганидан кейин содир этилган бўлса, -

Қаранг: МЖТКнинг 241-моддаси; "Виждон эркинлиги ва диний ташкилотлар тўғрисида"ги Қонун (Янги таҳрири) 9-моддасининг учинчи, тўртинчи қисмлари

229-3-модда. Белгиланган тақиқларни (чекловларни) бузган

ҳолда биноларни, иншоотларни ёки бошқа объектларни

қуриш, реконструкция қилиш ва капитал таъмирлаш

(ЎзР 29.12.2015 й. ЎРҚ-396-сон Қонунига мувофиқ киритилган модда)

Шаҳарсозлик тўғрисидаги қонунчиликка мувофиқ биноларни, иншоотларни ёки бошқа объектларни қуриш, реконструкция қилиш ва капитал таъмирлашга тақиқлар (чекловлар) белгиланган зоналарда ушбу ишларни бажариш, шундай ҳаракатлар учун маъмурий жазо қўлланилганидан кейин содир этилган бўлса, - (ЎзР 21.04.2021 й. ЎРҚ-683-сон Қонуни таҳриридаги диспозиция)

базавий ҳисоблаш миқдорининг ўттиз бараваридан эллик бараваригача миқдорда жарима ёки уч юз олтмиш соатгача мажбурий жамоат ишлари ёхуд уч йилгача ахлоқ тузатиш ишлари билан жазоланади. (ЎзР 03.12.2019 й. ЎРҚ-586-сон Қонуни таҳриридаги санкция) (Олдинги таҳририга қаранг)

Қаранг: МЖТК 99-моддасининг еттинчи қисми

Давлат муҳофазасига олинган моддий маданий мерос кўчмас мулк объектларининг қўриқланадиган теграларида, алоҳида муҳофаза қилинадиган тарихий-маданий ҳудудларда, шу жумладан ўзининг тарихий-маданий қимматига кўра Умумжаҳон мероси рўйхатига киритилган ҳудудларда ва уларнинг қўриқланадиган теграларида моддий маданий мерос объектлари ҳисобланмаган бинолар, иншоотлар ҳамда бошқа объектларни белгиланган тартибда рухсатнома олмасдан қуриш ёки бузиш, шундай ҳаракатлар учун маъмурий жазо қўлланилганидан кейин содир этилган бўлса, -

(ЎзР 30.08.2019 й. ЎРҚ-560-сон Қонунига мувофиқ киритилган қисм)

229-4-модда. Ер бериш тартибини бузиш

(ЎзР 04.03.2019 й. ЎРҚ-526-сон Қонунига мувофиқ киритилган модда)

Ер бериш тартибини бузиш, шундай ҳаракат учун маъмурий жазо қўлланилганидан кейин содир этилган бўлса, -

базавий ҳисоблаш миқдорининг бир юз эллик бараваридан уч юз бараваригача миқдорда жарима ёки икки йилгача ахлоқ тузатиш ишлари ёхуд муайян ҳуқуқдан маҳрум қилиб, бир йилдан беш йилгача озодликни чеклаш ёки беш йилгача озодликдан маҳрум қилиш билан жазоланади. (ЎзР 15.11.2024 й. ЎРҚ-997-сон Қонуни таҳриридаги санкция) (Олдинги таҳририга қаранг)

Ўша ҳаракат:

а) такроран содир этилган бўлса;

б) суғориладиган ерларнинг қишлоқ хўжалиги оборотидан чиқишига сабаб бўлса;

в) бир гуруҳ шахслар томонидан олдиндан тил бириктириб содир этилган бўлса, - (ЎзР 15.11.2024 й. ЎРҚ-997-сон Қонунига мувофиқ киритилган банд)

базавий ҳисоблаш миқдорининг уч юз бараваридан олти юз бараваригача миқдорда жарима ёки икки йилдан уч йилгача ахлоқ тузатиш ишлари ёхуд муайян ҳуқуқдан маҳрум қилиб, беш йилдан етти йилгача озодликдан маҳрум қилиш билан жазоланади. (ЎзР 15.11.2024 й. ЎРҚ-997-сон Қонуни таҳриридаги санкция) (Олдинги таҳририга қаранг)

229-5-модда. Ер участкасини ноқонуний олиб қўйиш

(ЎзР 14.01.2021 й. ЎРҚ-667-сон Қонунига мувофиқ киритилган модда)

Ер участкасини ноқонуний олиб қўйиш шундай ҳаракатлар учун маъмурий жазо қўлланилганидан кейин содир этилган бўлса, -

базавий ҳисоблаш миқдорининг икки юз бараваридан икки юз эллик бараваригача миқдорда жарима ёки уч юз соатдан уч юз олтмиш соатгача мажбурий жамоат ишлари ёхуд икки йилгача ахлоқ тузатиш ишлари билан жазоланади.

Ер участкасининг ноқонуний олиб қўйилиши олиб қўйилаётган ер участкасидаги биноларни, бошқа иморатларни, иншоотларни ёки дов-дарахтларни ёхуд уларнинг қисмларини, мазкур мол-мулкнинг бозор қиймати, шунингдек унинг мулкдорига бундай олиб қўйиш муносабати билан етказилган зарарнинг ўрни олдиндан ва тўлиқ қопланмаган ҳолда бузиб ташлашга сабаб бўлса, шундай ҳаракатлар учун маъмурий жазо қўлланилганидан кейин ёки анча миқдорда зарар етказган ҳолда содир этилган бўлса, -

базавий ҳисоблаш миқдорининг икки юз эллик бараваридан уч юз бараваригача миқдорда жарима ёки уч юз олтмиш соатдан тўрт юз саксон соатгача мажбурий жамоат ишлари ёхуд икки йилдан уч йилгача ахлоқ тузатиш ишлари ёки бир йилдан уч йилгача озодликни чеклаш ёхуд муайян ҳуқуқдан маҳрум этиб уч йилгача озодликдан маҳрум қилиш билан жазоланади.

Худди шундай ҳаракатлар кўп миқдорда зарар етказган ҳолда содир этилган бўлса,-

Худди шундай ҳаракатлар кўпчилик учун хавфли бўлган усулда ёки жуда кўп миқдорда зарар етказган ҳолда содир этилган бўлса, -

муайян ҳуқуқдан маҳрум этиб беш йилдан саккиз йилгача озодликдан маҳрум қилиш билан жазоланади.

229-6-модда. Суғориладиган ер участкасига ёки унинг

бир қисмига бўлган ҳуқуқни сотиш ёхуд қонунга хилоф

равишда бошқача тарзда ўзга шахсга бериш

(ЎзР 16.08.2021 й. ЎРҚ-708-сон Қонунига мувофиқ киритилган модда)

Суғориладиган ер участкасига ёки унинг бир қисмига бўлган ҳуқуқни сотиш ёхуд қонунга хилоф равишда бошқача тарзда ўзга шахсга бериш, -

базавий ҳисоблаш миқдорининг тўрт юз бараваридан беш юз бараваригача миқдорда жарима ёки муайян ҳуқуқдан маҳрум қилиб, икки йилдан беш йилгача озодликни чеклаш ёҳуд беш йилгача озодликдан маҳрум қилиш билан жазоланади.

Ўша қилмиш:

а) ерларга кўп миқдорда зарар етказилишига сабаб бўлса;

б) бир гуруҳ шахслар томонидан олдиндан тил бириктириб;

в) такроран ёки хавфли рецидивист томонидан;

г) хизмат мавқеидан фойдаланиб содир этилган бўлса, -

Ўша қилмиш:

а) ерларга жуда кўп миқдорда зарар етказилишига сабаб бўлса;

б) ўта хавфли рецидивист томонидан;

в) уюшган гуруҳ томонидан ёки унинг манфаатларини кўзлаб содир этилган бўлса, -

муайян ҳуқуқдан маҳрум қилиб, саккиз йилдан ўн йилгача озодликдан маҳрум қилиш билан жазоланади.

Ушбу модданинг биринчи ва иккинчи қисмларида назарда тутилган жиноятни биринчи марта содир этган шахсга нисбатан, агар у ер участкасининг қайтарилишини ҳамда ернинг қишлоқ хўжалиги оборотига киритилишини таъминласа, озодликни чеклаш ва озодликдан маҳрум қилиш тариқасидаги жазо қўлланилмайди.

XVI БОБ. ОДИЛ СУДЛОВГА ҚАРШИ ЖИНОЯТЛАР

230-модда. Айбсиз кишини жавобгарликка тортиш

230-1-модда. Далилларни сохталаштириш (қалбакилаштириш)

230-2-модда. Тезкор-қидирув фаолияти натижаларини

сохталаштириш (қалбакилаштириш)

231-модда. Адолатсиз ҳукм, ҳал қилув қарори, ажрим ёки қарор чиқариш

232-модда. Суд ҳужжатини ижро этмаслик

232-1-модда. Суд ҳужжатларини ва бошқа органлар

ҳужжатларини мажбурий ижро этиш жараёнига аралашиш

233-модда. Банд солинган мулкни қонунга хилоф равишда тасарруф этиш

234-модда. Қонунга хилоф равишда ушлаб туриш ёки ҳибсга олиш

235-модда. Қийноққа солиш ва бошқа шафқатсиз, ғайриинсоний ёки

қадр-қимматни камситувчи муомала ҳамда жазо турларини қўллаш

236-модда. Тергов қилишга ёки суд ишларини ҳал этишга аралашиш

237-модда. Ёлғон хабар бериш

238-модда. Ёлғон гувоҳлик бериш

239-модда. Суриштирув ёки дастлабки тергов

маълумотларини ошкор қилиш

240-модда. Жиноят процессини юритиш

қатнашчиларининг ўз зиммасидаги

вазифани бажаришидан бўйин товлаши

241-модда. Жиноят ҳақида хабар бермаслик ёки уни яшириш

241-1-модда. Жиноятни ҳисобга олишдан қасддан яшириш

230-модда. Айбсиз кишини жавобгарликка тортиш

Суриштирувчи, терговчи ёки прокурор томонидан айбсизлиги аён бўлган шахсни ижтимоий хавфли қилмишни содир этганликда айблаб жавобгарликка тортиш -

Қаранг: ЖПКнинг 22, 23, 45-моддалари

Ўша ҳаракат оғир ёки ўта оғир ижтимоий хавфли қилмиш содир этганликда айблаб содир этилса, -

беш йилдан саккиз йилгача озодликдан маҳрум қилиш билан жазоланади.

Қаранг: ЖК 15-моддасининг тўртинчи, бешинчи қисмлари

230-1-модда. Далилларни сохталаштириш (қалбакилаштириш)

(ЎзР 04.04.2018 й. ЎРҚ-470-сон Қонунига мувофиқ киритилган модда)

Исботлашни амалга ошираётган шахслар ёки исботлашда иштирок этиш учун жалб қилинаётган шахслар томонидан далилларнинг терговга қадар текширув ва жиноят ишлари материаллари бўйича далилларни тўплаш, текшириш ва баҳолаш чоғида ғаразли ёки бошқа паст ниятларда ҳужжатларга ёхуд ашёларга била туриб ёлғон маълумотларни киритишда ва ўзга бузиб кўрсатишларда намоён бўладиган сохталаштирилиши (қалбакилаштирилиши), -

базавий ҳисоблаш миқдорининг уч юз бараваридан тўрт юз бараваригача миқдорда жарима ёки муайян ҳуқуқдан маҳрум этиб, уч йилдан беш йилгача озодликни чеклаш ёхуд уч йилдан беш йилгача озодликдан маҳрум қилиш билан жазоланади. (ЎзР 03.12.2019 й. ЎРҚ-586-сон Қонуни таҳриридаги санкция)

Ўша ҳаракатлар:

а) бир гуруҳ шахслар томонидан олдиндан тил бириктириб содир этилган бўлса;

б) шахсни ушлаб туришга, қамоққа олишга, жиноий жавобгарликка тортишга ёки жиноий жавобгарликдан озод этишга, ҳукм қилишга ёхуд оқлашга сабаб бўлса, -

муайян ҳуқуқдан маҳрум этиб, беш йилдан етти йилгача озодликдан маҳрум қилиш билан жазоланади.

Оғир ёки ўта оғир жиноят тўғрисидаги жиноят иши бўйича далилларни сохталаштириш (қалбакилаштириш), худди шунингдек далилларни сохталаштириш (қалбакилаштириш) оғир оқибатларга олиб келган бўлса, -

муайян ҳуқуқдан маҳрум этиб, етти йилдан ўн йилгача озодликдан маҳрум қилиш билан жазоланади.

230-2-модда. Тезкор-қидирув фаолияти натижаларини

сохталаштириш (қалбакилаштириш)

(ЎзР 04.04.2018 й. ЎРҚ-470-сон Қонунига мувофиқ киритилган модда)

Жиноятни содир этишга алоқаси йўқлиги олдиндан аён бўлган шахсни жиноий таъқиб қилиш мақсадида ёхуд шахснинг шаъни, қадр-қиммати ва ишчанлик обрўсига зарар етказиш мақсадида тезкор-қидирув фаолияти натижаларини тезкор-қидирув тадбирларини амалга оширишга ваколатли шахслар томонидан сохталаштириш (қалбакилаштириш), -

базавий ҳисоблаш миқдорининг бир юз эллик бараваридан уч юз бараваригача миқдорда жарима ёки муайян ҳуқуқдан маҳрум этиб, бир йилдан уч йилгача озодликни чеклаш ёхуд уч йилгача озодликдан маҳрум қилиш билан жазоланади. (ЎзР 03.12.2019 й. ЎРҚ-586-сон Қонуни таҳриридаги санкция)

Ўша қилмишлар ахборотни ноошкора олиш учун мўлжалланган махсус техника воситаларидан фойдаланган ҳолда содир этилган бўлса, -

231-модда. Адолатсиз ҳукм, ҳал қилув

қарори, ажрим ёки қарор чиқариш

Олдиндан била туриб, адолатсиз ҳукм, ҳал қилув қарори, ажрим ёки қарор чиқариш -

Қаранг: ЖПКнинг 11, 22, 23, 455-моддалари; ФПКнинг 14, 251-моддалари; ИПКнинг 13, 177-моддалари;"Судлар тўғрисида"ги Қонун (Янги таҳрири) 66-моддасининг биринчи қисми

Ўша ҳаракат одам ўлишига ёки бошқа оғир оқибатларга сабаб бўлса, -

беш йилдан ўн йилгача озодликдан маҳрум қилиш билан жазоланади.

232-модда. Суд ҳужжатини ижро этмаслик

(ЎзР 14.01.2009 й. ЎРҚ-199-сон Қонуни таҳриридаги модда),

(Олдинги таҳририга қаранг)

Муайян ҳаракатларни содир этиш ёхуд уларни содир этишдан ўзини тийиш мажбуриятини юкловчи суд ҳужжатини бажаришдан бўйин товлашни маъмурий жазо қўлланилганидан кейин давом эттириш, - (ЎзР 11.04.2022 й. ЎРҚ-762-сон Қонуни таҳриридаги диспозиция) (Олдинги таҳририга қаранг)

базавий ҳисоблаш миқдорининг юз бараваригача миқдорда жарима ёки уч юз олтмиш соатгача мажбурий жамоат ишлари ёхуд уч йилгача ахлоқ тузатиш ишлари ёки бир йилгача озодликни чеклаш ёки бир йилгача озодликдан маҳрум қилиш билан жазоланади. (ЎзР 03.12.2019 й. ЎРҚ-586-сон Қонуни таҳриридаги санкция) (Олдинги таҳририга қаранг)

Қаранг: Конституциянинг 114-моддаси; МЖТКнинг 198-1, 198-2-моддалари; ФПКнинг 16-моддаси; ИПКнинг 15-моддаси; "Суд ҳужжатлари ва бошқа органлар ҳужжатларини ижро этиш тўғрисида"ги Қонуннинг 81, 82-моддалари; "Судлар тўғрисида"ги Қонуннинг (Янги таҳрири) 5-моддаси

Ўша қилмишлар мансабдор шахс томонидан содир этилган бўлса, -

базавий ҳисоблаш миқдорининг юз бараваридан икки юз бараваригача миқдорда жарима ёки беш йилгача муайян ҳуқуқдан маҳрум қилиш ёки икки йилдан беш йилгача озодликни чеклаш ёхуд беш йилгача озодликдан маҳрум қилиш билан жазоланади. (ЎзР 03.12.2019 й. ЎРҚ-586-сон Қонуни таҳриридаги санкция) (Олдинги таҳририга қаранг)

232-1-модда. Суд ҳужжатларини ва бошқа органлар

ҳужжатларини мажбурий ижро этиш жараёнига аралашиш

(ЎзР 11.04.2022 й. ЎРҚ-762-сон Қонунига мувофиқ киритилган модда)

Суд ҳужжатларини ва бошқа органлар ҳужжатларини мажбурий ижро этиш жараёнига аралашиш, яъни ижро ҳужжатининг ижро этилишига тўсқинлик қилишни ёки давлат ижрочисига турли шаклда қонунга хилоф равишда таъсир ўтказишни маъмурий жазо қўлланилганидан кейин давом эттириш, -

базавий ҳисоблаш миқдорининг юз бараваридан икки юз бараваригача миқдорда жарима ёки уч юз олтмиш соатдан тўрт юз саксон соатгача мажбурий жамоат ишлари ёхуд бир йилдан уч йилгача озодликни чеклаш ёки бир йилдан уч йилгача озодликдан маҳрум қилиш билан жазоланади.

Ўша қилмишлар мансабдор шахс томонидан содир этилган бўлса, -

муайян ҳуқуқдан маҳрум қилиб, базавий ҳисоблаш миқдорининг икки юз бараваридан уч юз бараваригача миқдорда жарима ёки уч йилдан беш йилгача озодликни чеклаш ёхуд уч йилдан беш йилгача озодликдан маҳрум қилиш билан жазоланади.

233-модда. Банд солинган мулкни қонунга

хилоф равишда тасарруф этиш

Банд солинган мулкни қонунга хилоф равишда тасарруф этиш, яъни банд солинган ёхуд гаровга қўйилган мулкни ишониб топшириб қўйилган шахс томонидан қонунга хилоф равишда ўзлаштириш, растрата қилиш, яшириш, нобуд қилиш ёки унга шикаст етказиш анча миқдорда зарар етказилишига сабаб бўлса, худди шунингдек банк ёки бошқа кредит ташкилоти ходими томонидан банд солинган пул маблағлари (омонатлари) билан банк операцияларини амалга ошириш, - (ЎзР 14.01.2009 й. ЎРҚ-199-сон Қонуни таҳриридаги диспозиция)

базавий ҳисоблаш миқдорининг эллик бараваридан юз бараваригача миқдорда жарима ёки уч йилгача ахлоқ тузатиш ишлари ёхуд икки йилдан беш йилгача озодликни чеклаш ёки беш йилгача озодликдан маҳрум қилиш билан жазоланади. (ЎзР 03.12.2019 й. ЎРҚ-586-сон Қонуни таҳриридаги санкция) (Олдинги таҳририга қаранг)

Қаранг: ЖПКнинг 249, 294-моддалари

234-модда. Қонунга хилоф равишда

ушлаб туриш ёки ҳибсга олиш

Била туриб, қонунга хилоф равишда ушлаб туриш, яъни терговга қадар текширувни амалга оширувчи органнинг мансабдор шахси, суриштирувчи, терговчи ёки прокурор томонидан қонуний асосга эга бўлмаган ҳолда шахс эркинлигининг қисқа муддатга чекланиши - (ЎзР 23.05.2019 й. ЎРҚ-542-сон Қонуни таҳриридаги диспозиция)

базавий ҳисоблаш миқдорининг эллик бараваригача миқдорда жарима ёки бир йилгача озодликни чеклаш ёхуд бир йилгача озодликдан маҳрум қилиш билан жазоланади. (ЎзР 03.12.2019 й. ЎРҚ-586-сон Қонуни таҳриридаги санкция) (Олдинги таҳририга қаранг)

Қаранг: ЖПКнинг 220-235-моддалари

Била туриб, қонунга хилоф равишда ҳибсга олиш ёки ҳибсда сақлаш -

базавий ҳисоблаш миқдорининг эллик бараваридан юз бараваригача миқдорда жарима ёки бир йилдан уч йилгача озодликни чеклаш ёхуд уч йилгача озодликдан маҳрум қилиш билан жазоланади. (ЎзР 03.12.2019 й. ЎРҚ-586-сон Қонуни таҳриридаги санкция) (Олдинги таҳририга қаранг)

Қаранг: ЖПКнинг 242-247-моддалари; "Судлар тўғрисида"ги Қонун (Янги таҳрири) 10-моддасининг учинчи қисми

235-модда. Қийноққа солиш ва бошқа шафқатсиз,

ғайриинсоний ёки қадр-қимматни камситувчи

муомала ҳамда жазо турларини қўллаш

(ЎзР 04.04.2018 й. ЎРҚ-470-сон Қонуни таҳриридаги модда)

(Олдинги таҳририга қаранг)

Қийноққа солиш ва бошқа шафқатсиз, ғайриинсоний ёки қадр-қимматни камситувчи муомала ҳамда жазо турларини қўллаш, яъни маъмурий қамоққа олинган шахсга, шунингдек гумон қилинувчига, айбланувчига, судланувчига, маҳкумга, гувоҳга, жабрланувчига, жиноят процессининг бошқа иштирокчисига ёхуд уларнинг яқин қариндошларига улардан ёки бошқа учинчи шахсдан бирор-бир ахборот олиш, жиноят содир этганлигига иқрорлик кўрсатуви олиш мақсадида, уларни содир этилган қилмиш учун ўзбошимчалик билан жазолаш ёхуд бирор-бир ҳаракатни содир этишга мажбурлаш мақсадида ҳуқуқни муҳофаза қилувчи органнинг ёки бошқа давлат органининг ходими томонидан ёхуд унинг далолатчилигида ёки хабардорлигида ёхуд индамай берган розилиги билан бошқа шахслар томонидан қўрқитиш, уриш, дўппослаш, қийнаш, азоб бериш йўли билан ёки қонунга хилоф бошқа ҳаракатлар воситасида содир этилган қонунга хилоф руҳий, психологик, жисмоний босим ўтказиш ёки бошқача тарзда босим ўтказиш, -

муайян ҳуқуқдан маҳрум этиб, уч йилдан беш йилгача озодликни чеклаш ёхуд уч йилдан беш йилгача озодликдан маҳрум қилиш билан жазоланади.

Қаранг: ЖПКнинг 17-моддаси; "Судлар тўғрисида"ги Қонун (Янги таҳрири) 10-моддасининг тўртинчи қисми

Ўша ҳаракатлар:

а) ҳаёт ва соғлиқ учун хавфли бўлган зўрликни қўллаган ҳолда ёхуд шундай зўрликни қўллаш таҳдиди билан;

б) миллий, ирқий, диний ёки ижтимоий камситиш замирига асосланган ҳар қандай сабаб бўйича;

в) бир гуруҳ шахслар томонидан;

г) такроран;

д) кекса шахсга ёки ночор аҳволдаги шахсга, вояга етмаган шахсга ёхуд ҳомиладорлиги айбдорга аён бўлган аёлга нисбатан;

е) икки ёки ундан ортиқ шахсга нисбатан;

ж) ҳаётга ва соғлиққа зарар етказиши мумкин бўлган ашёлар қўлланилиб;

з) далилларни сохталаштириш (қалбакилаштириш) мақсадида содир этилган бўлса, -

муайян ҳуқуқдан маҳрум этиб, беш йилдан етти йилгача озодликдан маҳрум қилиш билан жазоланади.

Ушбу модданинг биринчи ёки иккинчи қисмида назарда тутилган ҳаракатлар баданга оғир шикаст етказилишига ёхуд бошқа оғир оқибатларга сабаб бўлса, -

муайян ҳуқуқдан маҳрум этиб, етти йилдан ўн йилгача озодликдан маҳрум қилиш билан жазоланади.

236-модда. Тергов қилишга ёки суд ишларини

ҳал этишга аралашиш

Тергов қилишга ёки суд ишларини ҳал этишга аралашиш, яъни ишнинг ҳар томонлама, тўла ва холисона ўрганилишига тўсқинлик қилиш мақсадида суриштирувчи, терговчи ёки прокурорга ёхуд адолатсиз ҳукм, ҳал қилув қарори, ажрим ёки қарор чиқарилишига эришиш мақсадида судьяга турли шаклда қонунга хилоф равишда таъсир ўтказиш -

уч йилгача ахлоқ тузатиш ишлари ёки бир йилдан уч йилгача озодликни чеклаш ёки уч йилгача озодликдан маҳрум қилиш билан жазоланади. (ЎзР 10.08.2015 й. ЎРҚ-389-сон Қонуни таҳриридаги санкция)

Қаранг: ЖПКнинг 14-моддаси; ФПКнинг 9-моддаси; ИПКнинг 8-моддаси; "Судлар тўғрисида"ги Қонуннинг (Янги таҳрири) 4-моддаси

Ўша ҳаракат мансабдор шахс томонидан содир этилган бўлса, -

муайян ҳуқуқдан маҳрум этиб уч йилдан беш йилгача озодликни чеклаш ёки уч йилдан беш йилгача озодликдан маҳрум қилиш билан жазоланади. (ЎзР 29.03.2017 й. ЎРҚ-421-сон Қонуни таҳриридаги санкция) (Олдинги таҳририга қаранг)

237-модда. Ёлғон хабар бериш

(ЎзР 04.04.2018 й. ЎРҚ-470-сон Қонуни таҳриридаги модда)

(Олдинги таҳририга қаранг)

Ёлғон хабар бериш, яъни жиноят тўғрисида била туриб ёлғон хабар бериш, -

базавий ҳисоблаш миқдорининг эллик бараваридан етмиш беш бараваригача миқдорда жарима ёки икки йилдан беш йилгача озодликни чеклаш ёхуд беш йилгача озодликдан маҳрум қилиш билан жазоланади. (ЎзР 03.12.2019 й. ЎРҚ-586-сон Қонуни таҳриридаги санкция)

Шунингдек қаранг: ОС Пленумининг 1999 йил 24 сентябрдаги "Порахўрлик ишлари бўйича суд амалиёти тўғрисида"ги 19-сон Қарори 16-бандининг иккинчи хатбоши

Ўша ҳаракат:

а) айбловнинг сунъий далилларини вужудга келтирган ҳолда;

б) ғаразгўйлик ниятларида;

в) уюшган гуруҳ манфаатларини кўзлаб;

г) оғир ёки ўта оғир жиноят содир этишда айблаб содир этилган бўлса, -

беш йилдан саккиз йилгача озодликдан маҳрум қилиш билан жазоланади.

Ўша ҳаракат оғир оқибатларга сабаб бўлса, -

саккиз йилдан ўн йилгача озодликдан маҳрум қилиш билан жазоланади.

238-модда. Ёлғон гувоҳлик бериш

(ЎзР 04.04.2018 й. ЎРҚ-470-сон Қонуни таҳриридаги модда)

(Олдинги таҳририга қаранг)

Ёлғон гувоҳлик бериш, яъни суриштирув олиб бориш, дастлабки тергов чоғида ёки судда гувоҳнинг ёки жабрланувчининг била туриб ёлғон кўрсатув бериши ёхуд экспертнинг била туриб ёлғон хулоса бериши, худди шунингдек таржимоннинг бир тилдан иккинчи тилга била туриб нотўғри таржима қилиши - (ЎзР 23.05.2019 й. ЎРҚ-542-сон Қонуни таҳриридаги диспозиция)

уч юз соатгача мажбурий жамоат ишлари ёки бир йилдан уч йилгача озодликни чеклаш ёхуд уч йилгача озодликдан маҳрум қилиш билан жазоланади.

Шунингдек қаранг: ОС Пленумининг 2007 йил 2 октябрдаги "Фуқаролик ишларини кўришда судлар томонидан далилларга оид қонун нормаларини қўллашнинг айрим масалалари тўғрисида"ги 11-сон Қарори 21-бандининг тўртинчи хатбоши; ОС Пленумининг 2008 йил 12 декабрдаги "Фуқаролик ишлари бўйича экспертиза тайинлаш, ўтказиш ва эксперт хулосасига баҳо беришда суд амалиётида келиб чиқадиган айрим масалалар ҳақида"ги 24-сон Қарори 20-бандининг учинчи хатбоши

Суриштирув олиб бориш, дастлабки тергов ёхуд ишни судда кўриш чоғида ёлғон кўрсатувлар бериш учун гувоҳни ёки жабрланувчини ёки ёлғон хулоса бериш учун экспертни ёхуд нотўғри таржима қилиш учун таржимонни пора эвазига оғдириб олиш, худди шунингдек уларга ёки уларнинг яқин қариндошларига руҳий, психологик, жисмоний таъсир кўрсатиш ёки бошқача тарзда таъсир кўрсатиш орқали ёлғон кўрсатув беришга мажбур қилиш -

уч йилдан беш йилгача озодликни чеклаш ёхуд уч йилдан беш йилгача озодликдан маҳрум қилиш билан жазоланади.

Ушбу модданинг биринчи ёки иккинчи қисмида назарда тутилган ҳаракатлар:

а) уюшган гуруҳ манфаатларини кўзлаб;

б) оғир ёки ўта оғир жиноят содир этишда айблаб содир этилган бўлса, -

беш йилдан саккиз йилгача озодликдан маҳрум қилиш билан жазоланади.

Шунингдек қаранг: ОС Пленумининг 2014 йил 23 майдаги "Суд ҳукми тўғрисида"ги 7-сон Қарорининг 17-банди

239-модда. Суриштирув ёки дастлабки тергов

маълумотларини ошкор қилиш

Суриштирув ёки дастлабки тергов маълумотларини суриштирувчи, терговчи ёки прокурорнинг рухсатисиз ошкор қилиш -

базавий ҳисоблаш миқдорининг эллик бараваригача миқдорда жарима ёки уч йилгача ахлоқ тузатиш ишлари ёки бир йилдан уч йилгача озодликни чеклаш ёхуд уч йилгача озодликдан маҳрум қилиш билан жазоланади. (ЎзР 03.12.2019 й. ЎРҚ-586-сон Қонуни таҳриридаги санкция) (Олдинги таҳририга қаранг)

Қаранг: ЖПК 68-моддасининг иккинчи қисми, 70-моддасининг иккинчи қисми, 72-моддасининг иккинчи қисми, 74- моддасининг иккинчи қисми, 271-моддаси иккинчи қисмининг олтинчи хатбоши, 353-моддаси

240-модда. Жиноят процессини юритиш қатнашчиларининг

ўз зиммасидаги вазифани бажаришдан бўйин товлаши

Терговга қадар текширув, суриштирув олиб бориш, дастлабки тергов вақтида ёки судда гувоҳ ёки жабрланувчининг кўрсатув беришни ёхуд экспертнинг хулоса беришни рад этиши ёки бу ишдан бўйин товлаши - (ЎзР 23.05.2019 й. ЎРҚ-542-сон Қонуни таҳриридаги диспозиция)

базавий ҳисоблаш миқдорининг йигирма беш бараваригача миқдорда жарима ёки уч юз олтмиш соатгача мажбурий жамоат ишлари билан жазоланади. (ЎзР 03.12.2019 й. ЎРҚ-586-сон Қонуни таҳриридаги санкция) (Олдинги таҳририга қаранг)

Қаранг: ЖПК 55-моддасининг тўртинчи қисми, 66-моддасининг биринчи, учинчи қисмлари, 68-моддасининг тўртинчи қисми, 117, 118-моддалари, 133-моддасининг иккинчи қисми, 155-моддасининг иккинчи қисми

Гумон қилинувчи, айбланувчи ёки судланувчининг яқин қариндошлари гувоҳлик кўрсатуви беришни рад этганлиги ёки бундан бўйин товлаганлиги учун, шунингдек гувоҳ ўзига қарши кўрсатув беришни рад этганда жавобгарликка тортилмайдилар. (ЎзР 31.12.2008 й. ЎРҚ-198-сон Қонуни таҳриридаги қисм)

Қаранг: ЖПК 66-моддасининг биринчи қисми, 117-моддасининг иккинчи қисми

Шунингдек қаранг: ОС Пленумининг 2014 йил 23 майдаги "Суд ҳукми тўғрисида"ги 7-сон Қарорининг 17-банди

241-модда. Жиноят ҳақида хабар

бермаслик ёки уни яшириш

Тайёргарлик кўрилаётган ёки содир этилган оғир ёки ўта оғир жиноят ҳақида аниқ билгани ҳолда хабар бермаслик -

базавий ҳисоблаш миқдорининг эллик бараваригача миқдорда жарима ёки уч юз олтмиш соатгача мажбурий жамоат ишлари ёки икки йилгача ахлоқ тузатиш ишлари ёхуд бир йилдан уч йилгача озодликни чеклаш ёки уч йилгача озодликдан маҳрум қилиш билан жазоланади. (ЎзР 03.12.2019 й. ЎРҚ-586-сон Қонуни таҳриридаги санкция) (Олдинги таҳририга қаранг)

Оғир ёки ўта оғир жиноятларни олдиндан ваъда бермасдан яшириш -

базавий ҳисоблаш миқдорининг етмиш беш бараваригача миқдорда жарима ёки уч йилгача ахлоқ тузатиш ишлари ёки икки йилдан беш йилгача озодликни чеклаш ёхуд беш йилгача озодликдан маҳрум қилиш билан жазоланади. (ЎзР 03.12.2019 й. ЎРҚ-586-сон Қонуни таҳриридаги санкция) (Олдинги таҳририга қаранг)

Қаранг: ЖКнинг 31-моддаси

241-1-модда. Жиноятни ҳисобга олишдан қасддан яшириш

(ЎзР 20.07.2018 й. ЎРҚ-485-сон Қонуни таҳриридаги модда)

(Олдинги таҳририга қаранг)

Жиноятлар тўғрисидаги аризалар, хабарлар ва бошқа маълумотларни қабул қилиш, рўйхатдан ўтказиш ёки кўриб чиқиш хизмат вазифаларига кирадиган мансабдор шахснинг жиноятни ҳисобга олишдан қасддан яшириши, -

икки йилдан уч йилгача ахлоқ тузатиш ишлари ёки муайян ҳуқуқдан маҳрум қилиб, уч йилдан беш йилгача озодликни чеклаш ёхуд уч йилдан беш йилгача озодликдан маҳрум қилиш билан жазоланади.

Ўша қилмиш:

а) такроран содир этилган бўлса;

б) бир гуруҳ шахслар томонидан содир этилган бўлса;

в) оғир оқибатларга сабаб бўлса, -

муайян ҳуқуқдан маҳрум қилиб, беш йилдан етти йилгача озодликдан маҳрум қилиш билан жазоланади.

ОЛТИНЧИ БЎЛИМ. ЖАМОАТ ХАВФСИЗЛИГИ ВА

ЖАМОАТ ТАРТИБИГА ҚАРШИ ЖИНОЯТЛАР

XVII боб. Жамоат хавфсизлигига қарши жиноятлар (242-259-моддалар)

XVIII боб. Транспорт ҳаракати ва ундан фойдаланиш

хавфсизлигига қарши жиноятлар (260-269-моддалар)

XIX боб. Гиёҳвандлик воситалари ёки психотроп

моддалар билан қонунга хилоф равишда муомала

қилишдан иборат жиноятлар (270-276-моддалар)

XX боб. Жамоат тартибига қарши жиноятлар (277-278-моддалар)

XX-1 боб. Ахборот технологиялари соҳасидаги

жиноятлар (278-1-278-9-моддалар)

ХVII БОБ. ЖАМОАТ ХАВФСИЗЛИГИГА

ҚАРШИ ЖИНОЯТЛАР

242-модда. Жиноий уюшма ташкил этиш

243-модда. Жиноий фаолиятдан олинган

даромадларни легаллаштириш

244-модда. Оммавий тартибсизликлар

244-1-модда. Жамоат хавфсизлиги ва жамоат тартибига

таҳдид соладиган материалларни тайёрлаш, сақлаш,

тарқатиш ёки намойиш этиш

244-2-модда. Диний экстремистик, сепаратистик,

фундаменталистик ёки бошқа тақиқланган ташкилотлар

тузиш, уларга раҳбарлик қилиш, уларда иштирок этиш

244-3-модда. Диний мазмундаги материалларни қонунга

хилоф равишда тайёрлаш, сақлаш, олиб кириш ёки тарқатиш

244-4-модда. Учувчисиз учадиган аппаратларни

қонунга хилоф равишда олиб кириш, ўтказиш,

олиш, сақлаш ёки улардан фойдаланиш

244-5-модда. Карантинли ва инсон учун хавфли

бўлган бошқа юқумли касалликлар тарқалиши

ҳақида ҳақиқатга тўғри келмайдиган

маълумотларни тарқатиш

244-6-модда. Ёлғон ахборот тарқатиш

245-модда. Шахсни гаров сифатида тутқунликка олиш

246-модда. Контрабанда

247-модда. Ўқотар қуролни, ўқ-дориларни, ўқотар қуролнинг

асосий қисмларини, портловчи моддаларни, портлатиш

воситаларини ёки портлатиш қурилмаларини

қонунга хилоф равишда эгаллаш

248-модда. Ўқотар қуролнинг, ўқ-дориларнинг, ўқотар қурол

асосий қисмларининг, портловчи моддаларнинг, портлатиш

воситаларининг ёки портлатиш қурилмаларининг

қонунга хилоф муомаласи

248-1-модда. Учувчисиз учадиган аппаратларни

сақлаш ва улардан фойдаланиш тартибини бузиш

249-модда. Қуролни ва унинг ўқ-дориларини сақлаш,

олиб юриш, ташиш қоидаларини бузиш

250-модда. Портлаш хавфи бўлган моддалар ёки

пиротехника буюмларидан фойдаланиш қоидаларини бузиш

250-1-модда. Пиротехника буюмларининг

қонунга хилоф муомаласи

251-модда. Кучли таъсир қилувчи ёки заҳарли

моддаларни қонунга хилоф равишда эгаллаш

251-1-модда. Гиёҳвандлик воситалари, уларнинг аналоглари

ёки психотроп моддалар ҳисобланмайдиган кучли таъсир қилувчи

моддаларни тарғиб қилувчи маҳсулотни тайёрлаш, тарқатиш, реклама

қилиш, намойиш этиш ёки бундай моддаларни ёхуд заҳарли

моддаларни қонунга хилоф равишда муомалага киритиш

251-2-модда. Гиёҳвандлик воситалари, уларнинг аналоглари

ёки психотроп моддалар ҳисобланмайдиган алоҳида тоифадаги

кучли таъсир қилувчи моддаларни ўтказиш мақсадини

кўзламай қонунга хилоф равишда тайёрлаш,

олиш, сақлаш, ташиш ёки жўнатиш

252-модда. Радиоактив материалларни қонунга хилоф равишда эгаллаш

253-модда. Радиоактив материаллардан фойдаланиш қоидаларини бузиш

254-модда. Радиоактив материалларидан қонунга

хилоф равишда фойдаланиш

255-модда. Ядро қурилмаларидан фойдаланиш қоидаларини бузиш

255-1-модда. Бактериологик, кимёвий ва бошқа хил ялпи қирғин

қуроллари турларини ишлаб чиқиш, ишлаб чиқариш, тўплаш, олиш,

бировга ўтказиш, сақлаш, қонунга хилоф равишда эгаллаш

ва улар билан бошқа ҳаракатларни содир этиш

255-2-модда. Нефть қувурларини, газ қувурларини, нефть

ва газ маҳсулотлари қувурларини яроқсиз ҳолатга келтириш

256-модда. Тадқиқот фаолиятини амалга оширишда

хавфсизлик қоидаларини бузиш

257-модда. Меҳнатни муҳофаза қилиш қоидаларини бузиш

257-1-модда. Санитарияга оид қонунчиликни

ёки эпидемияга қарши кураш қоидаларини бузиш

258-модда. Тоғ-кон, қурилиш ёки портлатиш

ишлари хавфсизлиги қоидаларини бузиш

259-модда. Ёнғин хавфсизлиги қоидаларини бузиш

259-1-модда. Ўта муҳим ва тоифаланган

объектларнинг қўриқланишини таъминлашга

доир мажбуриятларни бажармаслик

242-модда. Жиноий уюшма ташкил этиш

Жиноий уюшма ташкил этиш, яъни жиноий уюшма ёхуд унинг бўлинмаларини тузиш ёки унга раҳбарлик қилиш, шунингдек, уларнинг мавжуд бўлиши ва ишлаб туришини таъминлашга қаратилган фаолият -

Уюшган қуролли гуруҳ тузиш, шунингдек унга раҳбарлик қилиш ёки унда иштирок этиш -

243-модда. Жиноий фаолиятдан олинган

даромадларни легаллаштириш

(ЎзР 22.09.2009 й. ЎРҚ-223-сон Қонуни таҳриридаги модда)

(Олдинги таҳририга қаранг)

Жиноий фаолиятдан олинган даромадларни легаллаштириш, яъни мулк (пул маблағлари ёки бошқа мол-мулк) жиноий фаолият натижасида топилган бўлса, уни ўтказиш, мулкка айлантириш ёхуд алмаштириш йўли билан унинг келиб чиқишига қонуний тус бериш, худди шунингдек бундай пул маблағлари ёки бошка мол-мулкнинг асл хусусиятини, манбаини, турган жойини, тасарруф этиш, кўчириш усулини, пул маблағларига ёки бошқа мол-мулкка бўлган ҳақиқий эгалик ҳуқуқларини ёки унинг кимга қарашлилигини яшириш ёхуд сир сақлаш, -

беш йилдан ўн йилгача озодликдан маҳрум қилиш билан жазоланади.

Қаранг: "Жиноий фаолиятдан олинган даромадларни легаллаштиришга, терроризмни молиялаштиришга ва оммавий қирғин қуролини тарқатишни молиялаштиришга қарши курашиш тўғрисида"ги Қонун 3-моддасининг иккинчи, учинчи хатбошилари

244-модда. Оммавий тартибсизликлар

Оммавий тартибсизликларга ва фуқароларга нисбатан зўравонлик қилишга омма олдида даъват қилиш -

базавий ҳисоблаш миқдорининг юз бараваридан уч юз бараваригача жарима ёки икки йилгача ахлоқ тузатиш ишлари ёхуд уч йилдан беш йилгача озодликни чеклаш ёки уч йилдан беш йилгача озодликдан маҳрум қилиш билан жазоланади.

(ЎзР 30.03.2021 й. ЎРҚ-679-сон Қонунига мувофиқ киритилган қисм)

Ўша ҳаракатлар:

а) бир гуруҳ шахслар томонидан олдиндан тил бириктириб;

б) оммавий ахборот воситаларидан, телекоммуникациялар тармоқларидан, Интернет жаҳон ахборот тармоғидан, шунингдек матнни кўпайтиришнинг босма ёки бошқа усулларидан фойдаланган ҳолда содир этилган бўлса, -

базавий ҳисоблаш миқдорининг уч юз бараваридан тўрт юз бараваригача жарима ёки икки йилдан уч йилгача ахлоқ тузатиш ишлари ёхуд беш йилдан ўн йилгача озодликдан маҳрум қилиш билан жазоланади.

(ЎзР 30.03.2021 й. ЎРҚ-679-сон Қонунига мувофиқ киритилган қисм)

ЎзР 30.03.2021 й. ЎРҚ-679-сон Қонунига мувофиқ биринчи қисми учинчи қисм деб ҳисоблансин

Қурол ёки қурол сифатида фойдаланиладиган бошқа нарсаларни ишлатиб ёхуд ишлатиш билан қўрқитиб шахсга нисбатан зўрлик ишлатиш, қирғин солиш, ўт қўйиш, мулкка шикаст етказиш ёки уни нобуд қилиш, ҳокимият вакилига қаршилик кўрсатиш орқали содир этилган оммавий тартибсизликлар ташкил қилиш, шунингдек, оммавий тартибсизликларда фаол қатнашиш -

244-1-модда. Жамоат хавфсизлиги ва жамоат тартибига

таҳдид соладиган материалларни тайёрлаш, сақлаш,

тарқатиш ёки намойиш этиш

(ЎзР 25.04.2016 й. ЎРҚ-405-сон Қонуни таҳриридаги модда номи)

Диний экстремизм, сепаратизм ва ақидапарастлик ғоялари билан йўғрилган, қирғин солишга ёки фуқароларни зўрлик билан кўчириб юборишга даъват этадиган ёхуд аҳоли орасида ваҳима чиқаришга қаратилган материалларни тайёрлаш ёки уларни тарқатиш мақсадида сақлаш, шунингдек диний-экстремистик, террорчилик ташкилотларининг атрибутларини ёки рамзий белгиларини тарқатиш ёхуд намойиш этиш мақсадида тайёрлаш, сақлаш, - (ЎзР 25.04.2016 й. ЎРҚ-405-сон Қонуни таҳриридаги диспозиция)

базавий ҳисоблаш миқдорининг икки юз бараваридан тўрт юз бараваригача миқдорда жарима ёки уч йилгача ахлоқ тузатиш ишлари ёхуд бир йилдан уч йилгача озодликни чеклаш ёки уч йилгача озодликдан маҳрум қилиш билан жазоланади. (ЎзР 03.12.2019 й. ЎРҚ-586-сон Қонуни таҳриридаги санкция) (Олдинги таҳририга қаранг)

Диний экстремизм, сепаратизм ва ақидапарастлик ғоялари билан йўғрилган, қирғин солишга ёки фуқароларни зўрлик билан кўчириб юборишга даъват этадиган ёхуд аҳоли орасида ваҳима чиқаришга қаратилган маълумотлар ва материалларни ҳар қандай шаклда тарқатиш, худди шунингдек фуқаролар тотувлигини бузиш, туҳматона, вазиятни беқарорлаштирувчи уйдирмалар тарқатиш ҳамда жамиятда қарор топган хулқ-атвор қоидаларига ва жамоат хавфсизлигига қарши қаратилган бошқа қилмишларни содир этиш мақсадида диндан фойдаланиш, шунингдек диний-экстремистик, террорчилик ташкилотларининг атрибутларини ёки рамзий белгиларини тарқатиш ёхуд намойиш этиш, - (ЎзР 25.04.2016 й. ЎРҚ-405-сон Қонуни таҳриридаги диспозиция)

базавий ҳисоблаш миқдорининг уч юз бараваридан тўрт юз бараваригача миқдорда жарима ёки уч йилдан беш йилгача озодликни чеклаш ёхуд уч йилдан беш йилгача озодликдан маҳрум қилиш билан жазоланади. (ЎзР 03.12.2019 й. ЎРҚ-586-сон Қонуни таҳриридаги санкция) (Олдинги таҳририга қаранг)

Қаранг: "Оммавий ахборот воситалари тўғрисида"ги Қонун (Янги таҳрири) 6-моддаси биринчи қисмининг бешинчи хатбоши; "Виждон эркинлиги ва диний ташкилотлар тўғрисида"ги Қонун (Янги таҳрири) 5-моддасининг олтинчи қисми, 19-моддасининг тўртинчи қисми

Ушбу модданинг биринчи ёки иккинчи қисмида кўрсатилган ҳаракатлар:

а) олдиндан тил бириктириб ёки бир гуруҳ шахслар томонидан;

б) хизмат мавқеидан фойдаланиб;

ЎзР 25.04.2016 й. ЎРҚ-405-сон Қонунига мувофиқ "в" банди "в" ва "г" бандлар билан алмаштирилган (Олдинги таҳририга қаранг)

в) диний ташкилотлардан, шунингдек чет эл давлатлари, ташкилотлари ва фуқароларидан олинган молиявий ёки бошқа моддий ёрдамдан фойдаланиб;

г) оммавий ахборот воситаларидан ёхуд телекоммуникация тармоқларидан, шунингдек Интернет жаҳон ахборот тармоғидан фойдаланиб содир этилган бўлса -

(ЎзР 01.05.1998 й. 621-I-сон Қонунига мувофиқ киритилган модда)

244-2-модда. Диний экстремистик, сепаратистик,

фундаменталистик ёки бошқа тақиқланган ташкилотлар

тузиш, уларга раҳбарлик қилиш, уларда иштирок этиш

(ЎзР 15.04.1999 й. 772-I-сон Қонунига мувофиқ киритилган модда)

Диний экстремистик, сепаратистик, фундаменталистик ёки бошқа тақиқланган ташкилотлар тузиш, уларга раҳбарлик қилиш, уларда иштирок этиш -

беш йилдан ўн беш йилгача озодликдан маҳрум қилиш билан жазоланади. (ЎзР 29.08.2001 й. 254-II-сон Қонуни таҳриридаги санкция)

Қаранг: "Виждон эркинлиги ва диний ташкилотлар тўғрисида"ги Қонун (Янги таҳрири) 5-моддасининг бешинчи қисми; Ўзбекистон Республикасида жамоат бирлашмалари тўғрисида"ги Қонун 3-моддасининг иккинчи, учинчи қисмлари

Ўша ҳаракатлар:

а) оғир оқибатлар келиб чиқишига сабаб бўлса;

б) вояга етмаган шахсни жалб этган ҳолда содир этилган бўлса, -

(ЎзР 25.04.2016 й. ЎРҚ-405-сон Қонуни таҳриридаги диспозиция) (Олдинги таҳририга қаранг)

Башарти шахс тақиқланган ташкилотлар мавжудлиги тўғрисида ўз ихтиёри билан хабар қилган ва жиноятни очишга ёрдам берган бўлса, у ушбу модданинг биринчи қисмида назарда тутилган жиноят учун жавобгарликдан озод қилинади.

244-3-модда. Диний мазмундаги материалларни қонунга

хилоф равишда тайёрлаш, сақлаш, олиб кириш ёки тарқатиш

(ЎзР 22.06.2006 й. ЎРҚ-37-сон Қонунига мувофиқ киритилган модда)

Диний мазмундаги материалларни тарқатиш мақсадида қонунга хилоф равишда тайёрлаш, сақлаш, Ўзбекистон Республикаси ҳудудига олиб кириш ёки тарқатиш, шундай қилмишлар учун маъмурий жазо қўлланилганидан кейин содир этилган бўлса, -

базавий ҳисоблаш миқдорининг юз бараваридан икки юз бараваригача миқдорда жарима ёки уч йилгача ахлоқ тузатиш ишлари билан жазоланади. (ЎзР 03.12.2019 й. ЎРҚ-586-сон Қонуни таҳриридаги санкция)

Қаранг: МЖТКнинг 184-2-моддаси; "Виждон эркинлиги ва диний ташкилотлар тўғрисида"ги Қонун (Янги таҳрири) 19-моддасининг тўртинчи қисми

244-4-модда. Учувчисиз учадиган аппаратларни

қонунга хилоф равишда олиб кириш, ўтказиш,

олиш, сақлаш ёки улардан фойдаланиш

(ЎзР 02.05.2019 й. ЎРҚ-534-сон Қонунига мувофиқ киритилган модда)

Учувчисиз учадиган аппаратларни, уларнинг бутловчи ва эҳтиёт қисмларини қонунга хилоф равишда олиб кириш, ўтказиш, олиш, сақлаш ёки улардан фойдаланиш, шундай ҳаракатлар учун маъмурий жазо қўлланилганидан кейин содир этилган бўлса, -

базавий ҳисоблаш миқдорининг йигирма беш бараваридан эллик бараваригача миқдорда жарима ёки уч йилгача ахлоқ тузатиш ишлари ёки уч йилгача озодликни чеклаш ёхуд уч йилгача озодликдан маҳрум қилиш билан жазоланади.

(ЎзР 15.03.2024 й. ЎРҚ-921-сон Қонуни таҳриридаги қисм) (Олдинги таҳририга қаранг)

Ўша ҳаракатлар:

а) такроран ёки хавфли рецидивист томонидан;

б) шахснинг ўз хизмат мавқеидан фойдаланиб;

в) бир гуруҳ шахслар томонидан олдиндан тил бириктириб содир этилган бўлса;

г) баданга ўртача оғир ёки оғир шикаст етказилишига сабаб бўлса, -

уч йилдан беш йилгача озодликни чеклаш ёки уч йилдан беш йилгача озодликдан маҳрум қилиш билан жазоланади. (ЎзР 15.03.2024 й. ЎРҚ-921-сон Қонуни таҳриридаги санкция) (Олдинги таҳририга қаранг)

Ўша ҳаракатлар одам ўлишига сабаб бўлса, -

беш йилдан саккиз йилгача озодликдан маҳрум қилиш билан жазоланади.

Ўша ҳаракатлар:

а) одамлар ўлимига;

б) ҳалокатга;

в) бошқа оғир оқибатларга сабаб бўлса, -

саккиз йилдан ўн йилгача озодликдан маҳрум қилиш билан жазоланади.

Ушбу модданинг биринчи қисмида назарда тутилган ҳаракатларни содир этган шахс, агар у учувчисиз учадиган аппаратларни, уларнинг бутловчи ва эҳтиёт қисмларини ўз ихтиёри билан топширса, жавобгарликдан озод қилинади.

244-5-модда. Карантинли ва инсон учун хавфли

бўлган бошқа юқумли касалликлар тарқалиши

ҳақида ҳақиқатга тўғри келмайдиган

маълумотларни тарқатиш

(ЎзР 26.03.2020 й. ЎРҚ-613-сон Қонунига мувофиқ киритилган модда)

Карантинли ва инсон учун хавфли бўлган бошқа юқумли касалликларнинг пайдо бўлиши ҳамда тарқалиши шароитида карантинли ва инсон учун хавфли бўлган бошқа юқумли касалликлар тарқалиши ҳақида ҳақиқатга тўғри келмайдиган маълумотларни тарқатиш, -

базавий ҳисоблаш миқдорининг икки юз бараваригача миқдорда жарима ёки уч юз соатгача мажбурий жамоат ишлари ёхуд икки йилгача ахлоқ тузатиш ишлари билан жазоланади.

Ушбу модданинг биринчи қисмида кўрсатилган маълумотларни нашр қилиш ёки бошқача усулда кўпайтирилган матнда ёки оммавий ахборот воситалари, шунингдек Интернет бутунжаҳон ахборот тармоғи орқали тарқатиш -

базавий ҳисоблаш миқдорининг икки юз бараваридан тўрт юз бараваригача миқдорда жарима ёки уч юз соатдан уч юз олтмиш соатгача мажбурий жамоат ишлари ёхуд икки йилдан уч йилгача ахлоқ тузатиш ишлари ёки уч йилгача озодликни чеклаш ёки уч йилгача озодликдан маҳрум қилиш билан жазоланади.

244-6-модда. Ёлғон ахборот тарқатиш

(ЎзР 25.12.2020 й. ЎРҚ-658-сон Қонунига мувофиқ киритилган модда)

Шахснинг қадр-қиммати камситилишига ёки унинг обрўсизлантирилишига олиб келадиган ёлғон ахборотни тарқатиш, шу жумладан оммавий ахборот воситаларида, телекоммуникация тармоқларида ёки Интернет жаҳон ахборот тармоғида тарқатиш, шундай ҳаракатлар учун маъмурий жазо қўлланилгандан кейин содир этилган бўлса, -

базавий ҳисоблаш миқдорининг бир юз эллик бараваригача миқдорда жарима ёки икки юз қирқ соатгача мажбурий жамоат ишлари ёхуд икки йилгача ахлоқ тузатиш ишлари ёки икки йилгача озодликни чеклаш билан жазоланади.

Жамоат тартибига ёки хавфсизлигига таҳдид солувчи ёлғон ахборотни тарқатиш, шу жумладан оммавий ахборот воситаларида, телекоммуникация тармоқларида ёки Интернет жаҳон ахборот тармоғида тарқатиш, ушбу Кодекснинг 244-1-моддасида назарда тутилган жиноят аломатлари мавжуд бўлмаган тақдирда, шундай ҳаракатлар учун маъмурий жазо қўлланилганидан кейин содир этилган бўлса, -

базавий ҳисоблаш миқдорининг икки юз бараваригача миқдорда жарима ёки уч юз соатгача мажбурий жамоат ишлари ёхуд икки йилгача ахлоқ тузатиш ишлари ёки икки йилгача озодликни чеклаш билан жазоланади.

Ушбу модданинг биринчи ёки иккинчи қисмида назарда тутилган ҳаракатлар:

а) такроран ёки хавфли рецидивист томонидан;

б) кўп миқдорда зарар етказган ҳолда содир этилган бўлса, -

базавий ҳисоблаш миқдорининг икки юз бараваридан уч юз бараваригача миқдорда жарима ёки бир йилдан уч йилгача озодликни чеклаш билан жазоланади.

Ушбу модданинг биринчи ёки иккинчи қисмида назарда тутилган ҳаракатлар:

а) оммавий тадбирлар жараёнида ёки фавқулодда вазият ҳолатида;

б) жуда кўп миқдорда зарар етказилган ёки бошқа оғир оқибатларга сабаб бўлган ҳолда;

в) уюшган гуруҳ томонидан ёки унинг манфаатларини кўзлаб содир этилган бўлса, -

базавий ҳисоблаш миқдорининг икки юз бараваридан тўрт юз бараваригача миқдорда жарима ёки икки йилдан уч йилгача озодликни чеклаш билан жазоланади.

245-модда. Шахсни гаров сифатида тутқунликка олиш

Гаров сифатида тутқунликка олинган шахсни озод қилиш шарти билан давлат, халқаро ташкилот, жисмоний ёки юридик шахсдан бирон-бир ҳаракат содир этиш ёки бирон-бир ҳаракат содир этишдан ўзини тийиб туришни талаб қилиш мақсадида шахсни гаров тариқасида тутқунликка олиш ёки тутқунликда ушлаб туриш, ушбу Кодекснинг 155, 165-моддаларида назарда тутилган аломатлар бўлмаса, -

Ўша ҳаракатлар:

а) вояга етмаган шахсга нисбатан;

б) икки ёки ундан ортиқ шахсга нисбатан содир этилган бўлса;

в) оғир оқибатлар келиб чиқишига сабаб бўлса, -

246-модда. Контрабанда

Контрабанда, яъни божхона назоратини четлаб ёки божхона назоратидан яшириб ёхуд божхона ҳужжатлари ёки воситаларига ўхшатиб ясалган ҳужжатлардан алдаш йўли билан фойдаланиб, декларациясиз ёки бошқа номга ёзилган декларациядан фойдаланиб, кучли таъсир қилувчи, заҳарли, заҳарловчи, портловчи моддалар, радиоактив материаллар, портлатиш қурилмалари, қурол-яроғ, ўқотар қуролни, ўқ-дориларни ёки ўқотар қуролнинг асосий қисмларини шунингдек гиёҳвандлик воситалари, уларнинг аналоглари ёки психотроп моддаларни ёки диний экстремизм, сепаратизм ва ақидапарастликни тарғиб қилувчи материалларни Ўзбекистон Республикасининг божхона чегарасидан ўтказиш - (ЎзР 31.05.2022 й. ЎРҚ-772-сон Қонуни таҳриридаги диспозиция) (Олдинги таҳририга қаранг)

Ядровий, кимёвий, биологик ва оммавий қирғин қуролининг бошқа турларини, шундай қуролларни яратишда фойдаланилиши мумкинлиги аён бўлган материал ва мосламаларни, радиоактив материалларни, шунингдек гиёҳвандлик воситалари, уларнинг аналоглари ёки психотроп моддаларни кўп миқдорда контрабанда қилиш - (ЎзР 22.10.2018 й. ЎРҚ-503-сон Қонуни таҳриридаги диспозиция) (Олдинги таҳририга қаранг)

Шунингдек қаранг: ОС Пленумининг 1996 йил 27 февралдаги "Қонунга хилоф равишда қуролга эгалик қилиш тўғрисидаги ишлар бўйича суд амалиёти ҳақида"ги 3-сон Қарори 7-бандининг учинчи хатбоши; ОС Пленумининг 2011 йил 25 ноябрдаги "Ўзбекистон Республикасининг Давлат чегарасини кесиб ўтиш тартибини бузишга оид ишлар бўйича суд амалиёти тўғрисида"ги 9-сон Қарори 11-бандининг биринчи хатбоши; ОС Пленумининг 2013 йил 6 сентябрдаги "Божхона тўғрисидаги қонунчиликни бузиш ва контрабандага оид ишлар бўйича суд амалиёти ҳақида"ги 18-сон Қарорининг 17-банди

247-модда. Ўқотар қуролни, ўқ-дориларни, ўқотар қуролнинг

асосий қисмларини, портловчи моддаларни, портлатиш

воситаларини ёки портлатиш қурилмаларини

қонунга хилоф равишда эгаллаш

(ЎзР 31.05.2022 й. ЎРҚ-772-сон Қонуни таҳриридаги модда номи)

(Олдинги таҳририга қаранг)

Ўқотар қуролни, ўқ-дориларни, ўқотар қуролнинг асосий қисмларини, портловчи моддаларни, портлатиш воситаларини ёки портлатиш қурилмаларини ўғрилик ёки фирибгарлик йўли билан эгаллаш - (ЎзР 31.05.2022 й. ЎРҚ-772-сон Қонуни таҳриридаги диспозиция) (Олдинги таҳририга қаранг)

уч йилгача ахлоқ тузатиш ишлари ёки икки йилдан беш йилгача озодликни чеклаш ёхуд беш йилгача озодликдан маҳрум қилиш билан жазоланади. (ЎзР 10.08.2015 й. ЎРҚ-389-сон Қонуни таҳриридаги санкция) (Олдинги таҳририга қаранг)

Ўша ҳаракат:

а) такроран;

б) бир гуруҳ шахслар томонидан олдиндан тил бириктириб;

в) ўзлаштириш, растрата қилиш ёхуд мансаб мавқеини суиистеъмол қилиш йўли билан;

Қаранг: ЖКнинг 167, 205-моддалари

г) талончилик;

Қаранг: ЖКнинг 166-моддаси

д) тамагирлик йўли билан содир этилган бўлса, -

Қаранг: ЖКнинг 165-моддаси

Ўша ҳаракат:

а) босқинчилик йўли билан;

б) ўта хавфли рецидивист томонидан;

в) уюшган гуруҳ томонидан ёки унинг манфаатларини кўзлаб содир этилган бўлса, -

Шунингдек қаранг: ОС Пленумининг 1996 йил 27 февралдаги "Қонунга хилоф равишда қуролга эгалик қилиш тўғрисидаги ишлар бўйича суд амалиёти ҳақида"ги 3-сон Қарори; ОС Пленумининг 2013 йил 6 сентябрдаги "Божхона тўғрисидаги қонунчиликни бузиш ва контрабандага оид ишлар бўйича суд амалиёти ҳақида"ги 18-сон қарори 17-бандининг тўртинчи хатбоши

248-модда. Ўқотар қуролнинг, ўқ-дориларнинг, ўқотар қурол

асосий қисмларининг, портловчи моддаларнинг, портлатиш

воситаларининг ёки портлатиш қурилмаларининг

қонунга хилоф муомаласи

(ЎзР 31.05.2022 й. ЎРҚ-772-сон Қонуни таҳриридаги модда номи)

(Олдинги таҳририга қаранг)

(ЎзР 27.12.1996 й. 357-I-сон Қонуни таҳриридаги модда)

Тегишли лицензияларсиз ёки рухсатномаларсиз ўқотар қуролни, ўқ-дориларни, ўқотар қуролнинг асосий қисмларини ишлаб чиқариш, таъмирлаш, олиш, сақлаш, олиб юриш, ташиш, жўнатиш, улардан фойдаланиш, шунингдек портловчи моддаларни, портлатиш воситаларини ёки портлатиш қурилмаларини ишлаб чиқиш, ишлаб чиқариш, олиш, сақлаш, ташиш, улардан фойдаланиш - (ЎзР 31.05.2022 й. ЎРҚ-772-сон Қонуни таҳриридаги диспозиция) (Олдинги таҳририга қаранг)

базавий ҳисоблаш миқдорининг эллик бараваригача миқдорда жарима ёки икки йилдан беш йилгача озодликни чеклаш ёхуд беш йилгача озодликдан маҳрум қилиш билан жазоланади. (ЎзР 03.12.2019 й. ЎРҚ-586-сон Қонуни таҳриридаги санкция) (Олдинги таҳририга қаранг)

Ўша ҳаракатлар такроран ёки хавфли рецидивист томонидан содир этилган бўлса, -

беш йилдан ўн йилгача озодликдан маҳрум қилиш билан жазоланади.

Ўқотар қуролни, ўқ-дориларни, портловчи моддаларни ёки портлаш қурилмаларини ўтказиш, -

Ушбу моддада назарда тутилган буюмларни ўз ихтиёри билан топширган шахс жавобгарликдан озод қилинади.

Қаранг: "Қурол тўғрисида"ги Қонун

Шунингдек қаранг: ОС Пленумининг 1996 йил 27 февралдаги "Қонунга хилоф равишда қуролга эгалик қилиш тўғрисидаги ишлар бўйича суд амалиёти ҳақида"ги 3-сон Қарори; ОС Пленумининг 2002 йил 14 июндаги "Безориликка оид ишлар бўйича суд амалиёти ҳақида"ги 9-сон Қарор 8-бандининг тўртинчи хатбоши; ОС Пленумининг 2013 йил 6 сентябрдаги "Божхона тўғрисидаги қонунчиликни бузиш ва контрабандага оид ишлар бўйича суд амалиёти ҳақида"ги 18-сон Қарори 17-бандининг тўртинчи хатбоши

248-1-модда. Учувчисиз учадиган аппаратларни

сақлаш ва улардан фойдаланиш тартибини бузиш

(ЎзР 02.05.2019 й. ЎРҚ-534-сон Қонунига мувофиқ киритилган модда)

Учувчисиз учадиган аппаратларни сақлаш, улардан фойдаланиш ёки уларни бошқа шахсларга бериш тартибини бузиш, шунингдек улардан бошқа мақсадларда фойдаланиш, -

уч йилгача озодликдан маҳрум қилиш билан жазоланади.

Ўша ҳаракатлар:

а) такроран ёки хавфли рецидивист томонидан;

б) мансаб мавқеини суиистеъмол қилиш йўли билан;

в) бир гуруҳ шахслар томонидан олдиндан тил бириктириб содир этилган бўлса;

г) баданга ўртача оғир ёки оғир шикаст етказилишига сабаб бўлса, -

уч йилдан беш йилгача озодликдан маҳрум қилиш билан жазоланади.

Ўша ҳаракатлар одам ўлишига сабаб бўлса, -

беш йилдан саккиз йилгача озодликдан маҳрум қилиш билан жазоланади.

Ўша ҳаракатлар:

а) одамлар ўлимига;

б) ҳалокатга;

в) бошқа оғир оқибатларга сабаб бўлса, -

саккиз йилдан ўн йилгача озодликдан маҳрум қилиш билан жазоланади.

249-модда. Қуролни ва унинг ўқ-дориларини сақлаш,

олиб юриш, ташиш қоидаларини бузиш

(ЎзР 31.05.2022 й. ЎРҚ-772-сон Қонуни таҳриридаги модда)

(Олдинги таҳририга қаранг)

Ўқотар қуролни ва унинг ўқ-дориларини, шунингдек пневматик қуролни, тиғли совуқ қуролни (ов пичоқларини, ов ханжарчалари ва ханжарларни, рапиралар, шпагалар ва қиличларни), улоқтириш қуролини (камонлар, арбалетлар ва найзаларни), сигнал берувчи қуролни сақлаш, олиб юриш, ташиш қоидаларини бузиш одамнинг ўлимига ёхуд бошқа оғир оқибатлар келиб чиқишига сабаб бўлса, -

базавий ҳисоблаш миқдорининг бир юз эллик бараваригача миқдорда жарима ёки уч йилгача ахлоқ тузатиш ишлари ёки икки йилдан беш йилгача озодликни чеклаш ёхуд беш йилгача озодликдан маҳрум қилиш билан жазоланади.

250-модда. Портлаш хавфи бўлган моддалар ёки

пиротехника буюмларидан фойдаланиш

қоидаларини бузиш

Портловчи, тез алангаланувчи, ўювчи моддаларни ёхуд пиротехника буюмларини сақлаш, ҳисобга олиш, улардан фойдаланиш, уларни ташиш, жўнатиш қоидаларини бузиш баданга ўртача оғир ёки оғир шикаст етказилишига сабаб бўлса, -

Қаранг: "Яратиш, ишлаб чиқариш, ташиш, сақлаш ва реализация қилиш бўйича фаолият лицензияланиши керак бўлган портловчи ва заҳарли моддалар, уларни қўллаган ҳолда материаллар ва маҳсулотлар, шунингдек портлатиш воситалар Рўйхати" (ВМ 2018 йил 2 октябрдаги 782-сон Қарори билан тасдиқланган "Портловчи ва заҳарли моддаларни, уларни қўллаган ҳолда материаллар ва маҳсулотларни, шунингдек, портлатиш воситаларини яратиш, ишлаб чиқариш, ташиш, сақлаш ва реализация қилиш фаолиятини лицензиялаш тартиби тўғрисида"ги Низомга 1-илова); АВ томонидан 2005 йилнинг 8 июлида 1491-сон билан рўйхатга олинган, ИИВ ва "Саноатконтехназорат" инспекцияси Қарори билан тасдиқланган "Портловчи моддаларни ишлаб чиқариш, сотиб олиш, сақлаш, транспортда ташиш, улардан фойдаланиш ва уларни ҳисобга олиш тўғрисида"ги Йўриқнома (ҳужжат рус тилида келтирилган)

Ўша қилмиш:

а) одам ўлишига;

б) бошқа оғир оқибатларга сабаб бўлса, -

250-1-модда. Пиротехника буюмларининг

қонунга хилоф муомаласи

(ЎзР 22.09.2010 й. ЎРҚ-261-сон Қонунига мувофиқ киритилган модда)

Пиротехника буюмларини қонунга хилоф равишда ишлаб чиқариш, тайёрлаш, сақлаш, ташиш, жўнатиш, улардан фойдаланиш, худди шунингдек уларни қонунга хилоф равишда Ўзбекистон Республикасига олиб кириш (Ўзбекистон Республикасидан олиб чиқиш) ёки ўтказиш анча миқдорда ёхуд шундай ҳаракатлар учун маъмурий жазо қўлланилганидан кейин содир этилган бўлса, -

базавий ҳисоблаш миқдорининг эллик бараваридан юз бараваригача миқдорда жарима ёки уч юз олтмиш соатгача мажбурий жамоат ишлари ёки икки йилгача ахлоқ тузатиш ишлари ёки бир йилдан уч йилгача озодликни чеклаш ёхуд уч йилгача озодликдан маҳрум қилиш билан жазоланади. (ЎзР 03.12.2019 й. ЎРҚ-586-сон Қонуни таҳриридаги санкция) (Олдинги таҳририга қаранг)

Қаранг: МЖтКнинг 185-1-моддаси; ВМ 2010 йил 25 октябрдаги 234-сон Қарори билан тасдиқланган "Пиротехника буюмларини яратиш, ишлаб чиқариш, ташиш, сақлаш, реализация қилиш, улардан фойдаланиш, уларни йўқ қилиш ва утилизация қилиш бўйича фаолиятни лицензиялаш тўғрисида"ги Низом

а) кўп миқдорда;

б) бир гуруҳ шахслар томонидан олдиндан тил бириктириб;

в) такроран ёки хавфли рецидивист томонидан;

г) мансаб мавқеини суиистеъмол қилиш йўли билан содир этилган бўлса;

д) баданга ўртача оғир ёки оғир шикаст етказилишига сабаб бўлса, -

базавий ҳисоблаш миқдорининг юз бараваридан икки юз бараваригача миқдорда жарима ёки икки йилдан уч йилгача ахлоқ тузатиш ишлари ёки уч йилдан беш йилгача озодликни чеклаш ёхуд уч йилдан беш йилгача озодликдан маҳрум қилиш билан жазоланади. (ЎзР 03.12.2019 й. ЎРҚ-586-сон Қонуни таҳриридаги санкция) (Олдинги таҳририга қаранг)

а) жуда кўп миқдорда;

б) уюшган гуруҳ томонидан ёки унинг манфаатларини кўзлаб содир этилган бўлса;

в) одам ўлишига сабаб бўлса, -

беш йилдан саккиз йилгача озодликдан маҳрум қилиш билан жазоланади.

а) одамлар ўлимига;

б) бошқача оғир оқибатларнинг келиб чиқишига сабаб бўлса, -

саккиз йилдан ўн йилгача озодликдан маҳрум қилиш билан жазоланади.

251-модда. Кучли таъсир қилувчи ёки заҳарли

моддаларни қонунга хилоф равишда эгаллаш

Кучли таъсир қилувчи ёки заҳарли моддаларни ўғрилик ёки фирибгарлик йўли билан қонунга хилоф равишда эгаллаш -

Ўша ҳаракат:

а) такроран ёки хавфли рецидивист томонидан;

б) бир гуруҳ шахслар томонидан олдиндан тил бириктириб;

в) ўзлаштириш, растрата қилиш ёки мансаб мавқеини суиистеъмол қилиш йўли билан;

Қаранг: ЖКнинг 167, 205-моддалари

г) талончилик йўли билан;

Қаранг: ЖКнинг 166-моддаси

д) тамагирлик йўли билан содир этилган бўлса, -

Қаранг: ЖКнинг 165-моддаси

Ўша ҳаракат:

а) босқинчилик йўли билан;

б) кўп миқдорда;

в) уюшган гуруҳ ёки унинг манфаатларини кўзлаб содир этилган бўлса, -

251-1-модда. Гиёҳвандлик воситалари, уларнинг аналоглари

ёки психотроп моддалар ҳисобланмайдиган кучли таъсир қилувчи

моддаларни тарғиб қилувчи маҳсулотни тайёрлаш, тарқатиш, реклама

қилиш, намойиш этиш ёки бундай моддаларни ёхуд заҳарли

моддаларни қонунга хилоф равишда муомалага киритиш

(ЎзР 05.10.2024 й. ЎРҚ-971-сон Қонуни таҳриридаги модда)

(Олдинги таҳририга қаранг)

Гиёҳвандлик воситалари, уларнинг аналоглари ёки психотроп моддалар ҳисобланмайдиган кучли таъсир қилувчи моддаларни тарғиб қилувчи маҳсулотни тарқатиш, реклама қилиш, намойиш этиш мақсадида тайёрлаш, худди шунингдек уларни тарқатиш, реклама қилиш, намойиш этиш, шу жумладан оммавий ахборот воситаларида, телекоммуникация тармоқларида ёки Интернет жаҳон ахборот тармоғида тарқатиш, реклама қилиш, намойиш этиш, шундай ҳаракатлар учун маъмурий жазо қўлланилганидан кейин содир этилган бўлса, -

базавий ҳисоблаш миқдорининг бир юз эллик бараваридан уч юз бараваригача миқдорда жарима ёки уч юз соатдан уч юз олтмиш соатгача мажбурий жамоат ишлари ёхуд бир йилдан икки йилгача озодликни чеклаш ёки бир йилдан икки йилгача озодликдан маҳрум қилиш билан жазоланади.

Ушбу модданинг биринчи қисмида назарда тутилган ҳаракатлар мактабгача таълим ташкилотлари, ўқув юртлари ҳудудида ва талабаларнинг (ўқувчиларнинг) ётоқхоналарида, болалар соғломлаштириш оромгоҳларида ёки талабалар (ўқувчилар) томонидан ўқув, спорт ёки жамоат тадбирларини ўтказиш учун фойдаланиладиган бошқа жойларда, шунингдек уларга туташ ҳудудларда содир этилган бўлса, -

базавий ҳисоблаш миқдорининг уч юз бараваридан беш юз бараваригача миқдорда жарима ёки бир йилдан икки йилгача ахлоқ тузатиш ишлари ёки икки йилдан уч йилгача озодликни чеклаш ёхуд икки йилдан уч йилгача озодликдан маҳрум қилиш билан жазоланади.

Гиёҳвандлик воситалари, уларнинг аналоглари ёки психотроп моддалар ҳисобланмайдиган кучли таъсир қилувчи ёхуд заҳарли моддаларни ўтказиш мақсадида қонунга хилоф равишда тайёрлаш, қайта ишлаш, олиш, сақлаш, ташиш ёки жўнатиш, худди шунингдек уларни қонунга хилоф равишда ўтказиш ёхуд уларни ўтказиш мақсадида тайёрлаш ёхуд қайта ишлаш учун асбоб-ускуналарни тайёрлаш, олиш, сақлаш, ташиш, жўнатиш ёки ўтказиш, -

икки йилдан уч йилгача ахлоқ тузатиш ишлари ёки уч йилдан беш йилгача озодликни чеклаш ёхуд уч йилдан беш йилгача озодликдан маҳрум қилиш билан жазоланади.

Ўша ҳаракатлар такроран ёки бир гуруҳ шахслар томонидан олдиндан тил бириктириб содир этилган бўлса, -

беш йилдан етти йилгача озодликдан маҳрум қилиш билан жазоланади.

Ушбу модданинг учинчи қисмида назарда тутилган ҳаракатлар уюшган гуруҳ томонидан ёки кўп миқдорда содир этилган бўлса, -

етти йилдан ўн йилгача озодликдан маҳрум қилиш билан жазоланади.

Гиёҳвандлик воситалари, уларнинг аналоглари ёки психотроп моддалар ҳисобланмайдиган кучли таъсир қилувчи ёки заҳарли моддаларни ишлаб чиқариш, олиш, сақлаш, ҳисобга олиш, бериш, ташиш ёхуд жўнатиш қоидаларини бузиш, агар бу эҳтиётсизлик орқасида уларнинг ўғирланишига ёки бошқа тарзда жиддий зарар етказилишига олиб келган бўлса, -

базавий ҳисоблаш миқдорининг эллик бараваридан юз бараваригача миқдорда жарима ёки уч йилгача ахлоқ тузатиш ишлари ёки икки йилдан беш йилгача озодликни чеклаш ёхуд беш йилгача озодликдан маҳрум қилиш билан жазоланади.

251-2-модда. Гиёҳвандлик воситалари, уларнинг аналоглари

ёки психотроп моддалар ҳисобланмайдиган алоҳида тоифадаги

кучли таъсир қилувчи моддаларни ўтказиш мақсадини

кўзламай қонунга хилоф равишда тайёрлаш,

олиш, сақлаш, ташиш ёки жўнатиш

(ЎзР 05.10.2024 й. ЎРҚ-971-сон Қонунига мувофиқ киритилган модда)

Гиёҳвандлик воситалари, уларнинг аналоглари ёки психотроп моддалар ҳисобланмайдиган алоҳида тоифадаги кучли таъсир қилувчи моддаларни ўтказиш мақсадини кўзламай қонунга хилоф равишда тайёрлаш, олиш, сақлаш, ташиш ёки жўнатиш, ўша ҳаракатлар учун маъмурий жазо қўлланилганидан кейин содир этилган бўлса, -

базавий ҳисоблаш миқдорининг эллик бараваригача миқдорда жарима ёки уч юз олтмиш соатгача мажбурий жамоат ишлари ёки уч йилгача ахлоқ тузатиш ишлари ёхуд бир йилдан уч йилгача озодликни чеклаш ёки уч йилгача озодликдан маҳрум қилиш билан жазоланади.

Агар ушбу моддада назарда тутилган ҳаракатларни содир этган шахс ўз ихтиёри билан айбини бўйнига олиш тўғрисида ҳокимият органларига арз қилса ва гиёҳвандлик воситалари, уларнинг аналоглари ёки психотроп моддалар ҳисобланмайдиган алоҳида тоифадаги кучли таъсир қилувчи моддаларни топширса, жазодан озод қилинади.

252-модда. Радиоактив материалларни

қонунга хилоф равишда эгаллаш

(ЎзР 25.04.2016 й. ЎРҚ-405-сон Қонуни таҳриридаги модда матни)

(Олдинги таҳририга қаранг)

Радиоактив материалларни қонунга хилоф равишда эгаллаш, шу жумладан талончилик, ўғрилик, ўзлаштириш ёки растрата қилиш йўли билан ёхуд алдаш ёки ишончни суиистеъмол қилиш йўли билан эгаллаш, худди шунингдек радиоактив материалларни қонунга хилоф равишда эгаллаш учун молиялаштириш, бевосита ёки билвосита ҳар қандай маблағ-воситаларни, ресурсларни бериш ёхуд йиғиш, бошқа хизматлар кўрсатиш -

Ўша ҳаракатлар:

а) такроран ёки хавфли рецидивист томонидан;

б) бир гуруҳ шахслар томонидан олдиндан тил бириктириб;

в) мансаб мавқеидан фойдаланган ҳолда содир этилган бўлса, -

беш йилдан ўн йилгача озодликдан маҳрум қилиш билан жазоланади.

Ўша ҳаракатлар:

а) уюшган гуруҳ томонидан ёки унинг манфаатларини кўзлаб;

б) ўта хавфли рецидивист томонидан;

в) тамагирлик йўли билан;

г) босқинчилик йўли билан;

д) ушбу Кодекснинг 155 ва 161-моддаларида назарда тутилган жиноятларни амалга ошириш мақсадида содир этилган бўлса, -

ўн йилдан йигирма йилгача озодликдан маҳрум қилиш билан жазоланади.

253-модда. Радиоактив материаллардан

фойдаланиш қоидаларини бузиш

Радиоактив материалларни сақлаш, ҳисобга олиш, улардан фойдаланиш, уларни ташиш, жўнатиш ва улар билан муомалада бўлишнинг бошқа қоидаларини бузиш баданга ўртача оғир ёки оғир шикаст етказилишига сабаб бўлса, -

Қаранг: "Табиатни муҳофаза қилиш тўғрисида"ги Қонуннинг 42-моддаси; "Радиациявий хавфсизлик тўғрисида"ги Қонун; "Аҳолининг санитария-эпидемиологик осойишталиги тўғрисида"ги Қонуннинг 22-моддаси; ВМ 2018 йил 2 октябрдаги 782-сон Қарори билан тасдиқланган "Ионлаштирувчи нурланиш манбалари муомалада бўладиган соҳалардаги фаолиятни лицензиялаш тартиби тўғрисида"ги Низом

Ўша қилмиш:

а) одам ўлишига;

б) бошқа оғир оқибатларга сабаб бўлса, -

муайян ҳуқуқдан маҳрум қилиб, уч йилдан беш йилгача озодликни чеклаш ёхуд уч йилдан беш йилгача озодликдан маҳрум қилиш билан жазоланади. (ЎзР 10.08.2015 й. ЎРҚ-389-сон Қонуни таҳриридаги санкция) (Олдинги таҳририга қаранг)

254-модда. Радиоактив материаллардан

қонунга хилоф равишда фойдаланиш

Радиоактив материалларга қонунга хилоф равишда эга бўлиш, уларни сақлаш, улардан фойдаланиш, уларни бировга ўтказиш, кўринишини ўзгартириш, сочиб юбориш ёки бузиш баданга ўртача оғир ёки оғир шикаст етказилишига сабаб бўлса, - (ЎзР 25.04.2016 й. ЎРҚ-405-сон Қонуни таҳриридаги диспозиция) (Олдинги таҳририга қаранг)

базавий ҳисоблаш миқдорининг йигирма беш бараваридан эллик бараваригача миқдорда жарима ёки уч йилгача ахлоқ тузатиш ишлари ёки икки йилдан беш йилгача озодликни чеклаш ёхуд беш йилгача озодликдан маҳрум қилиш билан жазоланади. (ЎзР 03.12.2019 й. ЎРҚ-586-сон Қонуни таҳриридаги санкция) (Олдинги таҳририга қаранг)

Қаранг: "Радиациявий хавфсизлик тўғрисида"ги Қонун

Ўша қилмиш:

а) одам ўлишига;

б) бошқа оғир оқибатларга сабаб бўлса, -

беш йилдан саккиз йилгача озодликдан маҳрум қилиш билан жазоланади.

255-модда. Ядро қурилмаларидан

фойдаланиш қоидаларини бузиш

Ядро энергияси билан боғлиқ объектлардан фойдаланиш қоидаларини бузиш баданга ўртача оғир ёки оғир шикаст етказилишига сабаб бўлса, -

Қаранг: "Радиациявий хавфсизлик тўғрисида"ги Қонун

Ўша қилмиш:

а) одам ўлишига;

б) бошқа оғир оқибатларга сабаб бўлса, -

муайян ҳуқуқдан маҳрум қилиб, беш йилдан ўн йилгача озодликдан маҳрум қилиш билан жазоланади.

255-1-модда. Бактериологик, кимёвий ва бошқа хил

ялпи қирғин қуроллари турларини ишлаб чиқиш, ишлаб

чиқариш, тўплаш, олиш, бировга ўтказиш, сақлаш, қонунга хилоф

равишда эгаллаш ва улар билан бошқа ҳаракатларни содир этиш

(ЎзР 26.05.2000 й. 82-II-сон Қонунига мувофиқ киритилган модда)

Ўзбекистон Республикасининг халқаро шартномалари билан тақиқланган бактериологик (биологик), кимёвий ва бошқа хил ялпи қирғин қуроллари турларини ишлаб чиқиш, ишлаб чиқариш, тўплаш, олиш, бировга ўтказиш, сақлаш, қонунга хилоф равишда эгаллаш ва улар билан бошқа ҳаракатларни содир этиш -

Қаранг: Бактериологик (биологик) ва токсик қурол-яроғларни ишлаб чиқиш, тайёрлаш ва тўплашни ман этиш ҳамда уларни тугатиш тўғрисидаги Конвенция (Лондон, Вашингтон, Москва, 10.04.1972 й.) (ҳужжат рус тилида келтирилган)

Ўша қилмиш:

а) одам ўлишига;

б) бошқа оғир оқибатларга сабаб бўлса, -

255-2-модда. Нефть қувурларини, газ қувурларини, нефть

ва газ маҳсулотлари қувурларини яроқсиз ҳолатга келтириш

(ЎзР 07.10.2013 й. ЎРҚ-355-сон Қонунига мувофиқ киритилган модда)

Нефть қувурларини, газ қувурларини, нефть ва газ маҳсулотлари қувурларини, шунингдек технологик жиҳатдан улар билан боғлиқ бўлган объектларни, иншоотларни, алоқа, автоматика, сигнализация воситаларини қасддан бузиш, уларга шикаст етказиш ёки бошқа усул билан уларни фойдаланиш учун яроқсиз ҳолатга келтириш, агар ушбу ҳаракатлар уларнинг нормал ишлаши бузилишига олиб келса ёки олиб келиши мумкин бўлса, -

базавий ҳисоблаш миқдорининг юз бараваригача миқдорда жарима ёки икки йилгача ахлоқ тузатиш ишлари ёки бир йилдан уч йилгача озодликни чеклаш ёхуд уч йилгача озодликдан маҳрум қилиш билан жазоланади. (ЎзР 03.12.2019 й. ЎРҚ-586-сон Қонуни таҳриридаги санкция) (Олдинги таҳририга қаранг)

Ўша ҳаракатлар:

а) такроран;

б) бир гуруҳ шахслар томонидан олдиндан тил бириктириб;

в) магистраль қувурларга нисбатан содир этилган бўлса;

г) кўп миқдорда зарар етказилишига;

д) баданга ўртача оғир ёки оғир шикаст етказилишига сабаб бўлса, -

Ўша ҳаракатлар:

а) одам ўлишига;

б) жуда кўп миқдорда зарар етказилишига сабаб бўлса, -

беш йилдан саккиз йилгача озодликдан маҳрум қилиш билан жазоланади.

Ўша ҳаракатлар:

а) одамлар ўлимига;

б) бошқа оғир оқибатларга сабаб бўлса, -

саккиз йилдан ўн йилгача озодликдан маҳрум қилиш билан жазоланади.

256-модда. Тадқиқот фаолиятини амалга

оширишда хавфсизлик қоидаларини бузиш

Илмий тадқиқот ёки синов тажриба фаолиятини амалга ошириш вақтида хавфсизлик қоидаларини бузиш баданга ўртача оғир ёки оғир шикаст етказилишига сабаб бўлса, -

базавий ҳисоблаш миқдорининг эллик бараваригача миқдорда жарима ёки икки йилгача ахлоқ тузатиш ишлари билан жазоланади. (ЎзР 03.12.2019 й. ЎРҚ-586-сон Қонуни таҳриридаги санкция)

Ўша қилмиш:

а) хавфсизлик қоидаларига риоя қилиниши учун масъул шахс томонидан содир этилган бўлса;

б) кўп миқдорда зарар етказилишига сабаб бўлса, -

икки йилдан уч йилгача ахлоқ тузатиш ишлари ёки бир йилдан уч йилгача озодликни чеклаш ёки уч йилгача озодликдан маҳрум қилиш билан жазоланади. (ЎзР 10.08.2015 й. ЎРҚ-389-сон Қонуни таҳриридаги санкция)

Ўша қилмиш:

а) одам ўлишига;

б) бошқа оғир оқибатларга сабаб бўлса, -

257-модда. Меҳнатни муҳофаза қилиш қоидаларини бузиш

Техника хавфсизлиги, саноат санитарияси ёки меҳнатни муҳофаза қилишнинг бошқа қоидаларини шу қоидаларга риоя этилиши учун масъул бўлган шахс томонидан бузилиши ўртача оғир ёки оғир тан жароҳати етказилишига сабаб бўлса, -

базавий ҳисоблаш миқдорининг йигирма беш бараваридан эллик бараваригача миқдорда жарима ёки беш йилгача муайян ҳуқуқдан маҳрум қилиш ёки уч йилгача ахлоқ тузатиш ишлари ёки бир йилдан уч йилгача озодликни чеклаш ёхуд уч йилгача озодликдан маҳрум қилиш билан жазоланади. (ЎзР 03.12.2019 й. ЎРҚ-586-сон Қонуни таҳриридаги санкция) (Олдинги таҳририга қаранг)

Қаранг: МКнинг XIII боби; "Меҳнатни муҳофаза қилиш тўғрисида"ги Қонун (Янги таҳрири); "Аҳолининг санитария-эпидемиологик осойишталиги тўғрисида"ги Қонуннинг 28-моддаси

Ўша қилмиш:

а) одам ўлишига;

б) бошқа оғир оқибатлар келиб чиқишига сабаб бўлса, -

257-1-модда. Санитарияга оид қонунчиликни ёки

эпидемияга қарши кураш қоидаларини бузиш

(ЎзР 21.04.2021 й. ЎРҚ-683-сон Қонуни таҳриридаги модда номи)

(ЎзР 26.03.2020 й. ЎРҚ-613-сон Қонуни таҳриридаги модда матни)

(Олдинги таҳририга қаранг)

Санитарияга оид қонунчиликни ёки эпидемияга қарши кураш қоидаларини бузиш, шу жумладан карантинли ва инсон учун хавфли бўлган бошқа юқумли касалликлар пайдо бўлиши ҳамда тарқалиши шароитида давлат санитария назорати органларининг тиббий текширувдан ўтиш ва даволаниш, карантинни ўташ учун белгиланган жойларга етиб бориш ва ушбу жойларни белгиланган муддат давомида тарк этмаслик, касаллик юқиш хавфи мавжуд бўлган даврда мулоқотда бўлинган шахслар ва борилган жойлар ҳақидаги маълумотларни ошкор қилиш тўғрисидаги ёки бошқа қонуний талабларини узрли сабабларсиз бажармаслик одамларнинг оммавий касалланиши ёки заҳарланиши реал хавфини келтириб чиқарса ёхуд одамларнинг оммавий касалланишига ёки заҳарланишига олиб келса, - (ЎзР 21.04.2021 й. ЎРҚ-683-сон Қонуни таҳриридаги диспозиция)

базавий ҳисоблаш миқдорининг эллик бараваридан юз бараваригача миқдорда жарима солиш ёки беш йилгача муайян ҳуқуқдан маҳрум қилиш ёки икки йилгача ахлоқ тузатиш ишлари ёки бир йилдан уч йилгача озодликни чеклаш ёхуд беш йилгача озодликдан маҳрум қилиш билан жазоланади.

Ўша қилмиш одамнинг ўлимига сабаб бўлса, -

икки йилдан уч йилгача ахлоқ тузатиш ишлари ёки уч йилдан беш йилгача озодликни чеклаш ёхуд беш йилдан етти йилгача озодликдан маҳрум қилиш билан жазоланади.

Ўша қилмиш одамларнинг ўлимига сабаб бўлса, -

етти йилдан ўн йилгача озодликдан маҳрум қилиш билан жазоланади.

258-модда. Тоғ-кон, қурилиш ёки портлатиш

ишлари хавфсизлиги қоидаларини бузиш

Тоғ-кон, қурилиш ёки портлатиш ишлари хавфсизлиги қоидаларини бузиш баданга ўртача оғир ёки оғир шикаст етказилишига сабаб бўлса, -

базавий ҳисоблаш миқдорининг йигирма беш бараваридан эллик бараваригача миқдорда жарима ёки беш йилгача муайян ҳуқуқдан маҳрум қилиш ёхуд уч йилгача ахлоқ тузатиш ишлари ёки бир йилдан уч йилгача озодликни чеклаш ёхуд уч йилгача озодликдан маҳрум қилиш билан жазоланади. (ЎзР 03.12.2019 й. ЎРҚ-586-сон Қонуни таҳриридаги санкция) (Олдинги таҳририга қаранг)

Қаранг: АВ томонидан 2006 йил 7 июнда 1580-сон билан рўйхатга олинган, "Саноатконтехназорат" инспекцияси Буйруғи билан тасдиқланган "Оддий қумоқланган ва эмульсияланган портловчи моддалар ишлаб чиқариш ходимлари учун ишларнинг хавфсизлиги Қоидалари" (ҳужжат рус тилида келтирилган); АВ томонидан 2006 йил 7 июнда 1579-сон билан рўйхатга олинган, "Саноатконтехназорат" инспекцияси Буйруғи билан тасдиқланган "Кон қазиб олиш корхоналарининг йўл транспортидан фойдаланишда ишларнинг хавфсизлиги Қоидалари" (ҳужжат рус тилида келтирилган); АВ томонидан 2006 йил 31 майда 1578-сон билан рўйхатга олинган, "Саноатконтехназорат" инспекцияси Буйруғи билан тасдиқланган "Мис эритиш ишлаб чиқариши ходимлари учун ишларнинг хавфсизлиги Қоидалари" (ҳужжат рус тилида келтирилган); АВ томонидан 2006 йил 31 майда 1577-сон билан рўйхатга олинган, "Саноатконтехназорат" инспекцияси Буйруғи билан тасдиқланган "Кон қолдиқларидан фойдаланишда ишларнинг хавфсизлиги Қоидалари" (ҳужжат рус тилида келтирилган); АВ томонидан 2006 йил 23 майда 1575-сон билан рўйхатга олинган, "Саноатконтехназорат" инспекцияси Буйруғи билан тасдиқланган "Фойдали қазилмаларни майдалаш, саралаш, бойитиш ҳамда руда ва концентратларни бўлаклашда ишларнинг хавфсизлиги Қоидалари" (ҳужжат рус тилида келтирилган); АВ томонидан 2006 йил 23 майда 1574-сон билан рўйхатга олинган, "Саноатконтехназорат" инспекцияси Буйруғи билан тасдиқланган "Электр пайвандлаш ишларида ишларнинг хавфсизлиги Қоидалари" (ҳужжат рус тилида келтирилган); АВ томонидан 2005 йилнинг 8 июлида 1491-сон билан рўйхатга олинган, ИИВ ва "Саноатконтехназорат" инспекцияси Қарори билан тасдиқланган "Портловчи моддаларни ишлаб чиқариш, сотиб олиш, сақлаш, транспортда ташиш, улардан фойдаланиш ва уларни ҳисобга олиш тўғрисида"ги Йўриқнома (ҳужжат рус тилида келтирилган); АВ томонидан 1997 йил 29 январда 304-сон билан рўйхатга олинган "Геология ишларида хавфсизлик қоидалари" (ҳужжат рус тилида келтирилган)

Ўша қилмиш:

а) одам ўлишига;

б) бошқа оғир оқибатлар келиб чиқишига сабаб бўлса, -

259-модда. Ёнғин хавфсизлиги қоидаларини бузиш

Ёнғин хавфсизлиги қоидаларининг шу қоидалар бажарилиши учун масъул бўлган шахс томонидан бузилиши баданга ўртача оғир ёки оғир шикаст етказилишига сабаб бўлса, -

базавий ҳисоблаш миқдорининг йигирма беш бараваридан эллик бараваригача миқдорда жарима солиш ёки беш йилгача муайян ҳуқуқдан маҳрум қилиш ёки уч йилгача ахлоқ тузатиш ишлари ёки бир йилдан уч йилгача озодликни чеклаш ёхуд уч йилгача озодликдан маҳрум қилиш билан жазоланади. (ЎзР 03.12.2019 й. ЎРҚ-586-сон Қонуни таҳриридаги санкция) (Олдинги таҳририга қаранг)

Қаранг: "Ёнғин хавфсизлиги тўғрисида"ги Қонун

Шунингдек қаранг: "NORMA" АҚТ қонунчилик Классификаторининг "Ҳуқуқни муҳофаза қилувчи ва ҳуқуқни қўлловчи органлар" папкаси "Ички ишлар органлари" кичик папкаси "Ёнғин хавфсизлиги" кичик папкаси

Ўша қилмиш:

а) одам ўлишига;

б) бошқа оғир оқибатлар келиб чиқишига сабаб бўлса, -

259-1-модда. Ўта муҳим ва тоифаланган

объектларнинг қўриқланишини таъминлашга

доир мажбуриятларни бажармаслик

(ЎзР 23.09.2016 й. ЎРҚ-411-сон Қонунига мувофиқ киритилган модда)

Ўта муҳим ва тоифаланган объектларнинг қўриқланишини таъминлашга доир мажбуриятларни корхоналар, муассасалар ва ташкилотларнинг уларни бажаришга масъул бўлган мансабдор шахслари томонидан бажарилмаслиги, шундай ҳаракат учун маъмурий жазо қўлланилганидан кейин содир этилган бўлса, -

базавий ҳисоблаш миқдорининг эллик бараваридан юз бараваригача миқдорда жарима ёки уч йилгача муайян ҳуқуқдан маҳрум қилиш ёхуд уч йилгача ахлоқ тузатиш ишлари ёки бир йилдан уч йилгача озодликни чеклаш ёхуд уч йилгача озодликдан маҳрум қилиш билан жазоланади. (ЎзР 03.12.2019 й. ЎРҚ-586-сон Қонуни таҳриридаги санкция)

XVIII БОБ. ТРАНСПОРТ ҲАРАКАТИ ВА УНДАН

ФОЙДАЛАНИШ ХАВФСИЗЛИГИГА ҚАРШИ ЖИНОЯТЛАР

260-модда. Темир йўл, денгиз, дарё ёки ҳаво транспортининг ҳаракати

ёки улардан фойдаланиш хавфсизлиги қоидаларини бузиш

260-1-модда. Ўзбекистон Республикасининг самовий

ҳудудидан қонунга хилоф равишда (рухсатсиз) фойдаланиш

261-модда. Маст ҳолдаги шахснинг транспорт

воситасини бошқаришига йўл қўйиш

262-модда. Транспортни таъмирлаш ёки уни

фойдаланишга чиқариш қоидаларини бузиш

263-модда. Темир йўл, денгиз, дарё, ҳаво транспорти

воситаси ёки алоқа йўлларини яроқсиз ҳолга келтириш

263-1-модда. Ҳаво кемасидан фойдаланиш вақтида

лазер нурини йўналтириш орқали халақит бериш

264-модда. Темир йўлнинг ҳаракатланадиган таркибини, ҳаво,

денгиз ёки дарё кемасини олиб қочиш ёки эгаллаб олиш

265-модда. Халқаро учиш қоидаларини бузиш

266-модда. Транспорт воситалари ҳаракати ёки улардан

фойдаланиш хавфсизлиги қоидаларини бузиш

267-модда. Транспорт воситаларини олиб қочиш

268-модда. Транспортнинг хавфсиз ишлашини

таъминлашга доир қоидаларини бузиш

269-модда. Автомобиль йўлларидан фойдаланиш

ва уларни қўриқлаш қоидаларини бузиш

260-модда. Темир йўл, денгиз, дарё ёки ҳаво транспортининг

ҳаракати ёки улардан фойдаланиш хавфсизлиги

қоидаларини бузиш

Транспорт воситасининг ҳаракат ёки ундан фойдаланиш хавфсизлиги қоидаларининг темир йўл, денгиз, дарё ёки ҳаво транспортини бошқарувчи шахс томонидан бузилиши баданга ўртача оғир ёки оғир шикаст етказилишига сабаб бўлса, -

Шунингдек қаранг: ОС Пленумининг 2015 йил 26 июнлаги "Транспорт ҳаракати ва ундан фойдаланиш хавфсизлигига қарши жиноятлар билан боғлиқ ишлар юзасидан суд амалиётининг айрим масалалари тўғрисида"ги 10-сон Қарор 6-бандининг биринчи хатбоши, 8-бандининг биринчи, иккинчи хатбошлари, 10, 22-бандлари, 26-бандининг биринчи хатбоши

Ўша қилмиш одам ўлишига сабаб бўлса, -

саккиз йилгача озодликдан маҳрум қилиш билан жазоланади. (ЎзР 20.08.1999 й. 832-I-сон Қонуни таҳриридаги санкция)

Ўша қилмиш:

а) одамлар ўлимига;

б) ҳалокатга;

в) бошқа оғир оқибатларга сабаб бўлса, -

ўн йилгача озодликдан маҳрум қилиш билан жазоланади. (ЎзР 20.08.1999 й. 832-I-сон Қонуни таҳриридаги санкция)

260-1-модда. Ўзбекистон Республикасининг самовий

ҳудудидан қонунга хилоф равишда (рухсатсиз) фойдаланиш

(ЎзР 13.06.2017 й. ЎРҚ-436-сон Қонунига мувофиқ киритилган модда)

Ўзбекистон Республикасининг самовий ҳудудидан қонунга хилоф равишда (рухсатсиз) фойдаланиш (бундан самовий ҳудудда учувчисиз учадиган аппаратлардан фойдаланиш ҳоллари мустасно), шундай ҳаракат учун маъмурий жазо қўлланилганидан кейин содир этилган бўлса, худди шунингдек баданга ўртача оғир ёки оғир шикаст етказилишига сабаб бўлса, - (ЎзР 02.05.2019 й. ЎРҚ-534-сон Қонуни таҳриридаги диспозиция)

базавий ҳисоблаш миқдорининг юз бараваридан икки юз эллик бараваригача миқдорда жарима ёки икки йилгача ахлоқ тузатиш ишлари билан жазоланади. (ЎзР 03.12.2019 й. ЎРҚ-586-сон Қонуни таҳриридаги санкция)

Қаранг: МЖтКнинг 116-2-моддаси, ҲКнинг 11-моддаси; ВМнинг 2018 йил 6 июндаги 425-сон Қарори (ҳужжат рус тилида келтирилган) билан тасдиқланган "Ўзбекистон Республикасининг фуқаро ва давлат авиациясида учувчисиз учиш қурилмаларидан фойдаланиш тартиби тўғрисида"ги Низомнинг 5-боби (ҳужжат рус тилида келтирилган)

Ўша ҳаракат одам ўлишига сабаб бўлса, -

уч йилгача ахлоқ тузатиш ишлари ёки икки йилдан беш йилгача озодликни чеклаш ёхуд беш йилгача озодликдан маҳрум қилиш билан жазоланади.

Ўша ҳаракат:

а) одамлар ўлимига;

б) ҳалокатга;

в) бошқа оғир оқибатларга сабаб бўлса, -

беш йилдан ўн йилгача озодликдан маҳрум қилиш билан жазоланади.

261-модда. Маст ҳолдаги шахснинг транспорт

воситасини бошқаришига йўл қўйиш

Транспорт воситасидан фойдаланиш учун масъул шахснинг маст ҳолатдаги ёки гиёҳвандлик воситалари, уларнинг аналоглари, психотроп моддалар ёки шахснинг ақл-идрокига таъсир кўрсатувчи бошқа моддалар таъсири остида бўлган шахсни темир йўл, денгиз, дарё, ҳаво, автомобиль транспорти ёки бошқа транспорт воситасини бошқаришига йўл қўйиши баданга оғир шикаст етказилишига ёхуд одам ўлишига сабаб бўлса, - (ЎзР 22.10.2018 й. ЎРҚ-503-сон Қонуни таҳриридаги диспозиция)

базавий ҳисоблаш миқдорининг эллик бараваригача миқдорда жарима ёки уч йилгача ахлоқ тузатиш ишлари ёхуд муайян ҳуқуқдан маҳрум қилиб бир йилдан уч йилгача озодликни чеклаш ёки уч йилгача озодликдан маҳрум қилиш билан жазоланади. (ЎзР 03.12.2019 й. ЎРҚ-586-сон Қонуни таҳриридаги санкция) (Олдинги таҳририга қаранг)

Қаранг: ВМнинг 2015 йил 24 декабрдаги 370-сон Қарори билан тасдиқланган "Йўл ҳаракати Қоидалари" 180-бандининг биринчи, учинчи хатбошлари

Шунингдек қаранг: ОС Пленумининг 2015 йил 26 июнлаги "Транспорт ҳаракати ва ундан фойдаланиш хавфсизлигига қарши жиноятлар билан боғлиқ ишлар юзасидан суд амалиётининг айрим масалалари тўғрисида"ги 10-сон Қарор 6-бандининг биринчи хатбоши, 8-бандининг биринчи, иккинчи хатбошлари, 10, 21-бандлари, 26-бандининг иккинчи хатбоши

262-модда. Транспортни таъмирлаш ёки уни

фойдаланишга чиқариш қоидаларини бузиш

Таъмирлаш ишларини бажараётган ёки транспорт воситасининг техник ҳолати ва ундан фойдаланилиши учун масъул бўлган шахснинг темир йўл, денгиз, дарё, ҳаво, автомобиль ёки бошқа транспорт воситасини, алоқа йўллари, сигнализация, алоқа воситалари ёки бошқа транспорт ускуналарини сифатсиз таъмирлаши, шунингдек транспорт воситасининг техника ҳолати жиҳатидан бузуқлигини била туриб, уни фойдаланишга чиқаришга рухсат бериши баданга ўртача оғир ёки оғир шикаст етказилишига сабаб бўлса, -

базавий ҳисоблаш миқдорининг эллик бараваригача миқдорда жарима ёки беш йилгача муайян ҳуқуқдан маҳрум қилиш ёхуд уч юз олтмиш соатгача мажбурий жамоат ишлари ёки уч йилгача ахлоқ тузатиш ишлари билан жазоланади. (ЎзР 03.12.2019 й. ЎРҚ-586-сон Қонуни таҳриридаги санкция) (Олдинги таҳририга қаранг)

Қаранг: ВМнинг 2015 йил 24 декабрдаги 370-сон Қарори билан тасдиқланган "Йўл ҳаракати Қоидалари" 180-бандининг биринчи, иккинчи хатбошлари

Шунингдек қаранг: ОС Пленумининг 2015 йил 26 июнлаги "Транспорт ҳаракати ва ундан фойдаланиш хавфсизлигига қарши жиноятлар билан боғлиқ ишлар юзасидан суд амалиётининг айрим масалалари тўғрисида"ги 10-сон Қарор 6-бандининг биринчи хатбоши, 8-бандининг биринчи, иккинчи хатбошлари, 10, 23-бандлари, 26-бандининг биринчи хатбоши

Ўша қилмиш одам ўлишига сабаб бўлса, -

Ўша қилмиш:

а) одамлар ўлимига;

б) ҳалокатга;

в) бошқа оғир оқибатларга сабаб бўлса, -

саккиз йилгача озодликдан маҳрум қилиш билан жазоланади. (ЎзР 20.08.1999 й. 832-I-сон Қонуни таҳриридаги санкция)

263-модда. Темир йўл, денгиз, дарё, ҳаво транспорти воситаси

ёки алоқа йўлларини яроқсиз ҳолатга келтириш

Темир йўл, денгиз, дарё ёки ҳаво транспорти воситалари, алоқа йўллари, улардаги иншоотлар, сигнализация қурилмалари, алоқа ёки бошқа транспорт ускуналарини қасддан бузиш, уларга шикаст етказиш ёхуд уларни бошқа усулда фойдаланиш учун яроқсиз ҳолатга келтириш баданга ўртача оғир ёки оғир шикаст етказилишига сабаб бўлса, -

базавий ҳисоблаш миқдорининг юз бараваригача миқдорда жарима ёки уч йилгача ахлоқ тузатиш ишлари ёки икки йилдан беш йилгача озодликни чеклаш ёхуд беш йилгача озодликдан маҳрум қилиш билан жазоланади. (ЎзР 03.12.2019 й. ЎРҚ-586-сон Қонуни таҳриридаги санкция) (Олдинги таҳририга қаранг)

Ўша ҳаракат одам ўлишига сабаб бўлса, беш йилдан ўн йилгача озодликдан маҳрум қилиш билан жазоланади.

Ўша ҳаракат:

а) одамлар ўлимига;

б) ҳалокатга;

в) бошқа оғир оқибатларга сабаб бўлса, -

ўн йилдан ўн беш йилгача озодликдан маҳрум қилиш билан жазоланади.

263-1-модда. Ҳаво кемасидан фойдаланиш вақтида

лазер нурини йўналтириш орқали халақит бериш

(ЎзР 25.04.2016 й. ЎРҚ-405-сон Қонунига мувофиқ киритилган модда)

Ҳаво кемасидан фойдаланиш вақтида ҳаво кемасига лазер нурини йўналтириш орқали халақит бериш, шундай ҳаракат учун маъмурий жазо қўлланилганидан кейин содир этилган бўлса, шунингдек баданга ўртача оғир ёки оғир шикаст етказилишига сабаб бўлса, -

уч юз соатгача мажбурий жамоат ишлари ёки икки йилгача ахлоқ тузатиш ишлари ёхуд бир йилгача озодликни чеклаш ёки бир йилгача озодликдан маҳрум қилиш билан жазоланади. (ЎзР 29.03.2017 й. ЎРҚ-421-сон Қонуни таҳриридаги санкция) (Олдинги таҳририга қаранг)

Қаранг: МЖтКнинг 116-1-моддаси

Ўша ҳаракат одам ўлишига сабаб бўлса, -

Ўша ҳаракат:

а) одамлар ўлимига;

б) ҳалокатга;

в) бошқа оғир оқибатларга сабаб бўлса, -

беш йилдан ўн йилгача озодликдан маҳрум қилиш билан жазоланади.

264-модда. Темир йўлнинг ҳаракатланадиган таркибини,

ҳаво, денгиз ёки дарё кемасини олиб қочиш ёки эгаллаб олиш

Темир йўлнинг ҳаракатланадиган таркибини, ҳаво, денгиз ёки дарё кемасини олиб қочиш ёки эгаллаб олиш -

беш йилдан ўн йилгача озодликдан маҳрум қилиш билан жазоланади.

Ўша ҳаракатлар:

а) бир гуруҳ шахслар томонидан олдиндан тил бириктириб;

б) зўрлик ишлатиб ёки зўрлик ишлатиш билан қўрқитиб содир этилган бўлса, -

ўн йилдан ўн беш йилгача озодликдан маҳрум қилиш билан жазоланади.

265-модда. Халқаро учиш қоидаларини бузиш

Рухсатномада кўрсатилган учиш йўналишига, қўниш жойларига, ҳаво дарвозаларига, учиш баландлигига риоя қилмаслик ёки халқаро учиш қоидаларини бошқача тарзда бузиш -

базавий ҳисоблаш миқдорининг эллик бараваригача миқдорда жарима ёки беш йилгача муайян ҳуқуқдан маҳрум қилиш ёки уч юз олтмиш соатгача мажбурий жамоат ишлари ёхуд уч йилгача ахлоқ тузатиш ишлари билан жазоланади. (ЎзР 03.12.2019 й. ЎРҚ-586-сон Қонуни таҳриридаги санкция) (Олдинги таҳририга қаранг)

Қаранг: ҲКнинг 76-моддаси

Шунингдек қаранг: ОС Пленумининг 2015 йил 26 июнлаги "Транспорт ҳаракати ва ундан фойдаланиш хавфсизлигига қарши жиноятлар билан боғлиқ ишлар юзасидан суд амалиётининг айрим масалалари тўғрисида"ги 10-сон Қарор 6-бандининг биринчи хатбоши, 26-бандининг биринчи хатбоши

266-модда. Транспорт воситалари ҳаракати ёки улардан

фойдаланиш хавфсизлиги қоидаларини бузиш

Транспорт воситасини бошқарувчи шахс томонидан транспорт воситалари ҳаракати ёки улардан фойдаланиш хавфсизлиги қоидаларини бузиш баданга ўртача оғир ёки оғир шикаст етказилишига сабаб бўлса, -

базавий ҳисоблаш миқдорининг эллик бараваригача миқдорда жарима ёки уч юз олтмиш соатгача мажбурий жамоат ишлари ёхуд уч йилгача ахлоқ тузатиш ишлари билан жазоланади. (ЎзР 03.12.2019 й. ЎРҚ-586-сон Қонуни таҳриридаги санкция) (Олдинги таҳририга қаранг)

Қаранг: ВМнинг 2015 йил 24 декабрдаги 370-сон Қарори билан тасдиқланган "Йўл ҳаракати Қоидалари"

Шунингдек қаранг: ОС Пленумининг 2015 йил 26 июнлаги "Транспорт ҳаракати ва ундан фойдаланиш хавфсизлигига қарши жиноятлар билан боғлиқ ишлар юзасидан суд амалиётининг айрим масалалари тўғрисида"ги 10-сон Қарорнинг 6-10, 12, 13, 17, 19, 20-бандлари, 22-бандининг биринчи хатбоши, 24, 28-бандлари

Ўша қилмиш одам ўлишига сабаб бўлса, -

муайян ҳуқуқдан маҳрум қилиб, етти йилгача озодликдан маҳрум қилиш билан жазоланади. (ЎзР 20.08.1999 й. 832-I-сон Қонуни таҳриридаги санкция)

Ўша қилмиш:

а) одамлар ўлимига;

б) ҳалокатга;

в) бошқа оғир оқибатларга сабаб бўлса, -

муайян ҳуқуқдан маҳрум қилиб, ўн йилгача озодликдан маҳрум қилиш билан жазоланади. (ЎзР 20.08.1999 й. 832-I-сон Қонуни таҳриридаги санкция)

267-модда. Транспорт воситасини олиб қочиш

(ЎзР 26.12.2016 й. ЎРҚ-416-сон Қонуни таҳриридаги модда матни)

(Олдинги таҳририга қаранг)

Транспорт воситасини олиб қочиш -

беш йилдан ўн йилгача озодликдан маҳрум қилиш билан жазоланади.

Ўша ҳаракат:

а) такроран ёки хавфли рецидивист томонидан;

б) бир гуруҳ шахслар томонидан олдиндан тил бириктириб;

в) зўрлик ишлатиб ёки зўрлик ишлатиш билан қўрқитиб;

г) транспорт воситасини талон-торож қилиш мақсадида ўғрилик ёки талончилик йўли билан содир этилган бўлса, -

ўн йилдан ўн беш йилгача озодликдан маҳрум қилиш билан жазоланади.

Ўша ҳаракат:

а) ўта хавфли рецидивист томонидан;

б) уюшган гуруҳ томонидан;

в) транспорт воситасини талон-торож қилиш мақсадида босқинчилик йўли билан содир этилган бўлса, -

ўн беш йилдан йигирма йилгача озодликдан маҳрум қилиш билан жазоланади.

Шунингдек қаранг: ОС Пленумининг 2015 йил 26 июнлаги "Транспорт ҳаракати ва ундан фойдаланиш хавфсизлигига қарши жиноятлар билан боғлиқ ишлар юзасидан суд амалиётининг айрим масалалари тўғрисида"ги 10-сон Қарор 6-бандининг биринчи хатбоши; ОС Пленумининг 1996 йил 20 декабрдаги "Транспорт воситаларини олиб қочиш ишлари бўйича суд амалиёти ҳақида"ги 37-сон Қарори

268-модда. Транспортнинг хавфсиз ишлашини

таъминлашга доир қоидаларни бузиш

Йўловчи, пиёда, велосипед, от-улов транспортининг ҳайдовчиси ёки йўл ҳаракатининг бошқа қатнашчилари томонидан, ушбу Кодекснинг 261 - 263, 265 ёки 266-моддаларида назарда тутилган шахслардан ташқари, ҳаракат хавфсизлиги қоидаларини ёки барча турдаги транспорт воситаларидан фойдаланиш қоидаларини бузиш баданга ўртача оғир ёки оғир шикаст етказилишига сабаб бўлса, -

Қаранг: ВМнинг 2015 йил 24 декабрдаги 370-сон Қарори билан тасдиқланган "Йўл ҳаракати Қоидалари"нинг IV, V, XXVIII бўлимлари

Ўша ҳаракат одам ўлишига сабаб бўлса, -

Ўша ҳаракат:

а) одамлар ўлимига;

б) бошқа оғир оқибатларга сабаб бўлса, -

беш йилдан саккиз йилгача озодликдан маҳрум қилиш билан жазоланади.

269-модда. Автомобиль йўлларидан фойдаланиш

ва уларни қўриқлаш қоидаларини бузиш

Автомобиль йўлларидан фойдаланиш ва уларни қўриқлаш қоидаларини бузиш, яъни автомобиль йўлларида ва шу йўллар учун ажратилган минтақада тегишли рухсатсиз ер ости ва ер усти коммуникациялари ўтказиш, уларни таъмирлаш, бу ишларни бажаришнинг белгиланган шартлари ва муддатларига риоя қилмаслик, ўзбошимчалик билан арклар, тўсиқлар, шлагбаумлар ёки бошқа иншоотлар ўрнатиш, йўлларга материал ва бошқа нарсаларни уюб қўйиш, йўл устини бузиш баданга ўртача оғир ёки оғир шикаст етказилишига сабаб бўлса, -

Қаранг: "Автомобиль йўллари тўғрисида"ги Қонуннинг 5-боби

Шунингдек қаранг: ОС Пленумининг 2015 йил 26 июнлаги "Транспорт ҳаракати ва ундан фойдаланиш хавфсизлигига қарши жиноятлар билан боғлиқ ишлар юзасидан суд амалиётининг айрим масалалари тўғрисида"ги 10-сон Қарор 6-бандининг биринчи хатбоши, 8-бандининг биринчи хатбоши, 10-бандининг биринчи хатбоши, 28-банди

Ўша қилмиш одам ўлишига сабаб бўлса, -

Ўша қилмиш:

а) одамларнинг ўлимига;

б) бошқа оғир оқибатларга сабаб бўлса, -

беш йилдан саккиз йилгача озодликдан маҳрум қилиш билан жазоланади.

XIX БОБ. ГИЁҲВАНДЛИК ВОСИТАЛАРИ ЁКИ ПСИХОТРОП

МОДДАЛАР БИЛАН ҚОНУНГА ХИЛОФ РАВИШДА

МУОМАЛА ҚИЛИШДАН ИБОРАТ ЖИНОЯТЛАР

270-модда. Тақиқланган экинларни етиштириш

271-модда. Гиёҳвандлик воситалари, уларнинг аналоглари ёки психотроп

моддаларни қонунга хилоф равишда эгаллаш

272-модда. Гиёҳвандлик воситалари ёки психотроп

моддаларни қонунга хилоф равишда ўтказиш

273-модда. Гиёҳвандлик воситалари, уларнинг

аналоглари ёки психотроп моддаларни

ўтказиш мақсадини кўзлаб қонунга хилоф равишда тайёрлаш,

олиш, сақлаш ва бошқа ҳаракатлар қилиш, шунингдек

уларни қонунга хилоф равишда ўтказиш

274-модда. Гиёҳвандлик воситаларини, уларнинг аналогларини

ёки психотроп моддаларни тарғиб қилувчи маҳсулотни тайёрлаш,

тарқатиш, реклама қилиш, намойиш этиш ёки бундай

моддаларни истеъмол қилишга жалб этиш

275-модда. Гиёҳвандлик воситалари, уларнинг

аналоглари ёки психотроп моддаларни ишлаб

чиқариш ёки улардан фойдаланиш қоидаларини бузиш

276-модда. Гиёҳвандлик воситалари, уларнинг

аналоглари ёки психотроп моддаларини

ўтказиш мақсадини кўзламай қонунга хилоф равишда

тайёрлаш, эгаллаш, сақлаш ва бошқа ҳаракатлар

270-модда. Тақиқланган экинларни етиштириш

Тақиқланган экинларни, яъни кўкнор ёки мойли кўкнор, каннабис ўсимлиги ёхуд таркибида гиёҳвандлик воситалари ёки психотроп моддалар бўлган экинларни қонунга хилоф равишда экиш ёки етиштириш -

Ўша ҳаракат:

а) илгари гиёҳвандлик воситалари ёки психотроп моддалар билан қонунга хилоф равишда муомала қилишдан иборат жиноятни содир этган шахс томонидан;

б) бир гуруҳ шахслар томонидан олдиндан тил бириктириб;

в) ўртача катталикдаги экин майдонида содир этилган бўлса, -

Ўша ҳаракат:

а) ўта хавфли рецидивист томонидан;

б) уюшган гуруҳ ёки унинг манфаатларини кўзлаб;

в) катта экин майдонида содир этилган бўлса, -

271-модда. Гиёҳвандлик воситалари, уларнинг аналоглари ёки

психотроп моддаларни қонунга хилоф равишда эгаллаш

(ЎзР 22.10.2018 й. ЎРҚ-503-сон Қонуни таҳриридаги модда номи)

Гиёҳванд лик воситалари, уларнинг аналоглари ёки психотроп моддаларни қонунга хилоф равишда, ўғрилик ёки фирибгарлик йўли билан эгаллаш - (ЎзР 22.10.2018 й. ЎРҚ-503-сон Қонуни таҳриридаги диспозиция)

Ўша ҳаракат:

б) бир гуруҳ шахслар томонидан олдиндан тил бириктириб;

в) ўзлаштириш ёки растрата қилиш йўли билан;

Қаранг: ЖКнинг 167-моддаси

г) талончилик йўли билан;

Қаранг: ЖКнинг 166-моддаси

д) мансаб мавқеини суиистеъмол қилиб;

Қаранг: ЖКнинг 205-моддаси

е) тамагирлик йўли билан;

Қаранг: ЖКнинг 165-моддаси

ж) кўп миқдорда содир этилган бўлса, -

Ўша ҳаракат:

а) ўта хавфли рецидивист томонидан;

б) уюшган гуруҳ ёки унинг манфаатларини кўзлаб;

в) босқинчилик йўли билан содир этилган бўлса, -

Қаранг: ЖКнинг 164-моддаси

ЎзР 20.08.1999 й. 832-I-сон Қонунига мувофиқ 272-модда ўз кучини йўқотган

272-модда. Гиёҳвандлик воситалари ёки психотроп моддаларни

қонунга хилоф равишда ўтказиш

Гиёҳвандлик воситалари ёки психотроп моддаларни қонунга хилоф равишда ўтказиш -

мол-мулк мусодара қилиниб, беш йилдан ўн йилгача озодликдан маҳрум қилиш билан жазоланади.

гиёҳванд лик воситалари ёки психотроп моддаларни озгинадан кўпроқ миқдорда қонунга хилоф равишда ўтказиш -

мол-мулк мусодара қилиниб, ўн йилдан йигирма йилгача озодликдан маҳрум қилиш ёки ўлим жазоси билан жазоланади.

273-модда. Гиёҳвандлик воситалари, уларнинг аналоглари

ёки психотроп моддаларни ўтказиш мақсадини кўзлаб қонунга

хилоф равишда тайёрлаш, олиш, сақлаш ва бошқа ҳаракатлар

қилиш, шунингдек уларни қонунга хилоф равишда ўтказиш

(ЎзР 22.10.2018 й. ЎРҚ-503-сон Қонуни таҳриридаги модда номи)

(ЎзР 20.08.1999 й. 832-I-сон Қонуни таҳриридаги модда)

Гиёҳванд лик воситалари, уларнинг аналоглари ёки психотроп моддаларни ўтказиш мақсадини кўзлаб қонунга хилоф равишда кўп бўлмаган миқдорда тайёрлаш, олиш, сақлаш, ташиш ёки жўнатиш, шунингдек уларни кўп бўлмаган миқдорда қонунга хилоф равишда ўтказиш - (ЎзР 22.10.2018 й. ЎРҚ-503-сон Қонуни таҳриридаги диспозиция)

Шунингдек қаранг: ОС Пленумининг 2017 йил 28 апрелдаги "Гиёхвандлик воситалари ва психотроп моддалар билан конунга хилоф равишда муомала килишга оид жиноят ишлари бўйича суд амалиёти тўгрисида"ги 12-сон Карори 4-бандининг бешинчи хатбоши, 21-бандининг биринчи хатбоши, 25-банди

Ушбу модданинг биринчи қисмида назарда тутилган қилмишлар озгинадан кўпроқ миқдорда содир этилган бўлса, -

беш йилдан етти йилгача озодликдан маҳрум қилиш билан жазоланади. (ЎзР 29.08.2001 й. 254-II-сон Қонуни таҳриридаги санкция)

Ушбу модданинг биринчи ёки иккинчи қисмида назарда тутилган қилмишлар:

б) бир гуруҳ шахслар томонидан олдиндан тил бириктириб;

в) озодликдан маҳрум қилиш тариқасидаги жазони ўташ жойларида;

г) ўқув юртларида ёки ўқувчилар, талабалар томонидан ўқув, спорт ва жамоат тадбирларини ўтказиш учун фойдаланиладиган бошқа жойларда; (ЎзР 05.10.2024 й. ЎРҚ-971-сон Қонуни таҳриридаги банд) (Олдинги таҳририга қаранг)

д) телекоммуникация тармоқларидан, шунингдек Интернет жаҳон ахборот тармоғидан фойдаланиб содир этилган бўлса. (ЎзР 05.10.2024 й. ЎРҚ-971-сон Қонунига мувофиқ киритилган банд)

Шунингдек қаранг: ОС Пленумининг 2017 йил 28 апрелдаги "Гиёхвандлик воситалари ва психотроп моддалар билан конунга хилоф равишда муомала килишга оид жиноят ишлари бўйича суд амалиёти тўгрисида"ги 12-сон Карорининг 25-банди; ОС Пленумининг 2008 йил 15 майдаги "Бир неча жиноят содир этилганда қилмишни квалификация қилишга доир масалалар тўғрисида"ги 13-сон Қарори 20-бандининг бешинчи хатбоши

Гиёҳванд лик воситалари, уларнинг аналоглари ёки психотроп моддаларни лабораторияларда ёхуд ўзганинг мулки ҳисобланган воситалар ва асбоб-ускуналардан ёки прекурсорлардан фойдаланган ҳолда қонунга хилоф равишда тайёрлаш ёки қайта ишлаш, шунингдек бундай воситаларни истеъмол қилиш ёки тарқатиш учун бангихоналар ташкил қилиш ёки сақлаш, шунингдек ушбу модданинг иккинчи ёки учинчи қисмида назарда тутилган қилмишлар: (ЎзР 22.10.2018 й. ЎРҚ-503-сон Қонуни таҳриридаги диспозиция)

а) ўта хавфли рецидивист томонидан;

б) уюшган гуруҳ томонидан ёки унинг манфаатларини кўзлаб содир этилган бўлса, -

Гиёҳванд лик воситалари, уларнинг аналоглари ёки психотроп моддаларни кўп миқдорда қонунга хилоф равишда сотиш - (ЎзР 22.10.2018 й. ЎРҚ-503-сон Қонуни таҳриридаги диспозиция)

Ушбу модданинг биринчи қисмида назарда тутилган қилмишларни содир этган шахс ўз ихтиёри билан айбини бўйнига олиш тўғрисида ҳокимият органларига арз қилса ва гиёҳвандлик воситалари, уларнинг аналоглари ёки психотроп моддаларни топширса, жазодан озод қилинади. (ЎзР 22.10.2018 й. ЎРҚ-503-сон Қонуни таҳриридаги қисм)

Шунингдек қаранг: ОС Пленумининг 2011 йил 25 ноябрдаги "Ўзбекистон Республикасининг Давлат чегарасини кесиб ўтиш тартибини бузишга оид ишлар бўйича суд амалиёти тўғрисида"ги 9-сон Қарори 11-бандининг биринчи хатбоши; ОС Пленумининг 2013 йил 6 сентябрдаги "Божхона тўғрисидаги қонунчиликни бузиш ва контрабандага оид ишлар бўйича суд амалиёти ҳақида"ги 18-сон Қарори 17-бандининг тўртинчи хатбоши; ОС Пленумининг 2017 йил 28 апрелдаги "Гиёхвандлик воситалари ва психотроп моддалар билан конунга хилоф равишда муомала килишга оид жиноят ишлари бўйича суд амалиёти тўгрисида"ги 12-сон Карорининг 2-банди, 20-бандининг учинчи хатбоши, 21-бандининг учинчи хатбоши, 26-бандининг учинчи хатбоши, 28-банди

274-модда. Гиёҳвандлик воситаларини, уларнинг аналогларини

ёки психотроп моддаларни тарғиб қилувчи маҳсулотни тайёрлаш,

тарқатиш, реклама қилиш, намойиш этиш ёки бундай

моддаларни истеъмол қилишга жалб этиш

(ЎзР 05.10.2024 й. ЎРҚ-971-сон Қонуни таҳриридаги модда)

(Олдинги таҳририга қаранг)

Гиёҳванд лик воситаларини, уларнинг аналогларини ёки психотроп моддаларни тарғиб қилувчи маҳсулотни тарқатиш, реклама қилиш, намойиш этиш мақсадида тайёрлаш, худди шунингдек уларни тарқатиш, реклама қилиш, намойиш этиш, шу жумладан оммавий ахборот воситаларида, телекоммуникация тармоқларида ёки Интернет жаҳон ахборот тармоғида тарқатиш, реклама қилиш, намойиш этиш, шундай ҳаракатлар учун маъмурий жазо қўлланилганидан кейин содир этилган бўлса, -

Г иёҳвандлик воситаларини, уларнинг аналогларини, психотроп ёки шахснинг ақл-идрокига таъсир этувчи бошқа моддаларни ҳар қандай шаклда истеъмол қилишга жалб этиш, -

икки йилдан уч йилгача ахлоқ тузатиш ишлари ёки икки йилдан уч йилгача озодликни чеклаш ёки икки йилдан уч йилгача озодликдан маҳрум қилиш билан жазоланади.

Ушбу модданинг учинчи қисмида назарда тутилган ҳаракатлар:

б) озодликдан маҳрум қилиш жазосини ўташ жойларида;

в) икки ёки ундан ортиқ шахсга нисбатан содир этилган бўлса, -

уч йилдан беш йилгача озодликни чеклаш ёки уч йилдан беш йилгача озодликдан маҳрум қилиш билан жазоланади.

275-модда. Гиёҳвандлик воситалари, уларнинг аналоглари

ёки психотроп моддалар ишлаб чиқариш ёки улардан

фойдаланиш қоидаларини бузиш

(ЎзР 22.10.2018 й. ЎРҚ-503-сон Қонуни таҳриридаги модда номи)

Гиёҳванд лик воситалари, уларнинг аналоглари ёки психотроп моддаларни ишлаб чиқариш, сақлаш, ҳисобга олиш, бериш, ташиш ёки жўнатишнинг белгиланган қоидаларини бузиш - (ЎзР 22.10.2018 й. ЎРҚ-503-сон Қонуни таҳриридаги диспозиция)

базавий ҳисоблаш миқдорининг йигирма беш бараваридан эллик бараваригача миқдорда жарима ёки беш йилгача муайян ҳуқуқдан маҳрум қилиш ёки уч йилгача ахлоқ тузатиш ишлари ёки икки йилдан беш йилгача озодликни чеклаш ёхуд беш йилгача озодликдан маҳрум қилиш билан жазоланади. (ЎзР 03.12.2019 й. ЎРҚ-586-сон Қонуни таҳриридаги санкция) (Олдинги таҳририга қаранг)

Қаранг: "Гиёҳвандлик воситалари ва психотроп моддалар тўғрисида"ги Қонуннинг II-IV бўлимлари

276-модда. Гиёҳвандлик воситалари, уларнинг аналоглари

ёки психотроп моддаларни ўтказиш мақсадини кўзламай

қонунга хилоф равишда тайёрлаш, эгаллаш,

сақлаш ва бошқа ҳаракатлар

(ЎзР 22.10.2018 й. ЎРҚ-503-сон Қонуни таҳриридаги модда номи)

Гиёҳванд лик воситалари, уларнинг аналоглари ёки психотроп моддаларни ўтказиш мақсадини кўзламай, қонунга хилоф равишда тайёрлаш, сақлаш, эгаллаш, ташиш ёки жўнатиш - (ЎзР 22.10.2018 й. ЎРҚ-503-сон Қонуни таҳриридаги диспозиция)

Ўша қилмишлар:

а) кўп миқдорда;

б) илгари гиёҳвандлик воситалари ёки психотроп моддалар билан қонунга хилоф равишда муомала қилишдан иборат жиноятни содир этган шахс томонидан содир этилган бўлса -

Шунингдек қаранг: ОС Пленумининг 2008 йил 15 майдаги "Бир неча жиноят содир этилганда қилмишни квалификация қилишга доир масалалар тўғрисида"ги 13-сон Қарори 2-бандининг олтинчи хатбоши, 20-бандининг бешинчи хатбоши

XX БОБ. ЖАМОАТ ТАРТИБИГА

ҚАРШИ ЖИНОЯТЛАР

277-модда. Безорилик

278-модда. Қимор ва таваккалчиликка асосланган

бошқа ўйинларни ташкил этиш ҳамда ўтказиш

277-модда. Безорилик

Безорилик, яъни жамиятда юриш-туриш қоидаларини қасддан менсимаслик, уриш-дўппослаш, баданга енгил шикаст етказиш ёки ўзганинг мулкига шикаст етказиш ёхуд нобуд қилиш анча миқдорда зарар етказиш билан боғлиқ ҳолда содир этилса, -

базавий ҳисоблаш миқдорининг эллик бараваридан юз бараваригача миқдорда жарима ёки уч юз соатгача мажбурий жамоат ишлари ёхуд уч йилгача ахлоқ тузатиш ишлари билан жазоланади. (ЎзР 03.12.2019 й. ЎРҚ-586-сон Қонуни таҳриридаги санкция) (Олдинги таҳририга қаранг)

Шунингдек қаранг: ОС Пленумининг 2002 йил 14 июндаги "Безориликка оид ишлар бўйича суд амалиёти ҳақида"ги 9-сон Қарорининг 1-3-бандлари

Безорилик:

а) баданга ўртача оғир шикаст етказиб;

б) бир гуруҳ шахслар томонидан;

Шунингдек қаранг: ОС Пленумининг 2002 йил 14 июндаги "Безориликка оид ишлар бўйича суд амалиёти ҳақида"ги 9-сон қарори 2-бандининг биринчи хатбоши

в) совуқ қурол ёки кишининг соғлиги учун амалда шикаст етказиши мумкин бўлган нарсаларни (қурол сифатида) намойиш қилиб, уларни қўллаш билан қўрқитиб ёхуд қўллаб;

Шунингдек қаранг: ОС Пленумининг 2002 йил 14 июндаги "Безориликка оид ишлар бўйича суд амалиёти ҳақида"ги 9-сон Қарорининг 4-банди

г) ўз мазмунига кўра умум эътироф этган ахлоқ қоидаларини намойишкорона менсимасликда ифодаланувчи ўтакетган беҳаёлик билан;

Шунингдек қаранг: ОС Пленумининг 2002 йил 14 июндаги "Безориликка оид ишлар бўйича суд амалиёти ҳақида"ги 9-сон Қарорининг 5-банди

д) ёш бола, қария, ногиронлиги бўлган шахс ёки ожиз аҳволдаги шахсларни хўрлаб; (ЎзР 17.05.2022 й. ЎРҚ-770-сон Қонуни таҳриридаги банд)

Шунингдек қаранг: ОС Пленумининг 2002 йил 14 июндаги "Безориликка оид ишлар бўйича суд амалиёти ҳақида"ги 9-сон Қарорининг 6-банди

е) кўп миқдорда зарар етказиб, бировнинг мулкини нобуд қилиб ёки унга шикаст етказиб содир этилган бўлса,

Шунингдек қаранг: ОС Пленумининг 2002 йил 14 июндаги "Безориликка оид ишлар бўйича суд амалиёти ҳақида"ги 9-сон Қарорининг 7-банди

уч юз соатдан уч юз олтмиш соатгача мажбурий жамоат ишлари ёки бир йилдан уч йилгача озодликни чеклаш ёхуд уч йилгача озодликдан маҳрум қилиш билан жазоланади. (ЎзР 29.03.2017 й. ЎРҚ-421-сон Қонуни таҳриридаги санкция) (Олдинги таҳририга қаранг)

Безорилик:

а) такроран ёки хавфли рецидивист томонидан;

Шунингдек қаранг: ОС Пленумининг 2002 йил 14 июндаги "Безориликка оид ишлар бўйича суд амалиёти ҳақида"ги 9-сон Қарори 2-бандининг биринчи хатбоши

б) ўқотар қуролни намойиш қилиб, уни қўллаш билан қўрқитиб ёки қўллаб;

Шунингдек қаранг: ОС Пленумининг 2002 йил 14 июндаги "Безориликка оид ишлар бўйича суд амалиёти ҳақида"ги 9-сон Қарорининг 8-банди

в) оммавий тадбирлар ўтказилаётган вақтда;

Шунингдек қаранг: ОС Пленумининг 2002 йил 14 июндаги "Безориликка оид ишлар бўйича суд амалиёти ҳақида"ги 9-сон Қарорининг 9-банди

г) жамоат тартибини сақлаш вазифасини бажариб турган ҳокимият вакили ёки жамоатчилик вакилига ёхуд безорилик ҳаракатларининг олдини олиш чорасини кўрган бошқа фуқароларга қаршилик кўрсатиб содир этилган бўлса, -

Шунингдек қаранг: ОС Пленумининг 2002 йил 14 июндаги "Безориликка оид ишлар бўйича суд амалиёти ҳақида"ги 9-сон Қарорининг 10-банди

Шунингдек қаранг: ОС Пленумининг 2007 йил 27 июндаги "Баданга қасддан шикаст етказишга оид ишлар бўйича суд амалиёти тўғрисида"ги 6-сон қарорининг 12-банди; ОС Пленумининг 2004 йил 24 сентябрдаги "Қасддан одам ўлдиришга оид ишлар бўйича суд амалиёти тўғрисида"ги 13-сон Қарорининг 16-банди; ОС Пленумининг 2002 йил 14 июндаги "Безориликка оид ишлар бўйича суд амалиёти ҳақида"ги 9-сон Қарорининг 11-15-бандлари; ОС Пленумининг 1996 йил 20 декабрдаги "Республика судлари томонидан оммавий тартибсизликлар учун жавобгарлик тўғрисидаги қонунларни қўллаш амалиёти билан боғлиқ айрим масалалар тўғрисида"ги 38-сон Қарори 1-бандининг "а" банди

278-модда. Қимор ва таваккалчиликка асосланган

бошқа ўйинларни ташкил этиш ҳамда ўтказиш

(ЎзР 14.09.2007 й. ЎРҚ-109-сон Қонуни таҳриридаги модда),

(Олдинги таҳририга қаранг)

Қимор ва таваккалчиликка асосланган бошқа ўйинларни қонунга хилоф равишда ташкил этиш ёки ўтказиш, шу жумладан, ана шундай ўйинлар учун қиморхоналар ташкил этиш ёки уларни сақлаш -

етти йилгача озодликдан маҳрум қилиш билан жазоланади.

Қаранг: ВМ 2007 йил 16 августдаги "Қимор ўйинларини ташкил этиш ва ўтказишни янада тартибга солиш чора-тадбирлари тўғрисида"ги 176-сон Қарорининг 1-банди

Ўша ҳаракатлар:

а) такроран ёки хавфли рецидивист томонидан содир этилган бўлса;

б) уюшган гуруҳ томонидан ёки унинг манфаатларини кўзлаб, -

етти йилдан ўн йилгача озодликдан маҳрум қилиш билан жазоланади.

Вояга етмаган шахсни қимор ва таваккалчиликка асосланган бошқа ўйинларга жалб қилиш, шундай ҳаракатлар учун маъмурий жазо қўлланилганидан кейин содир этилган бўлса -

Қаранг: МЖтК 191-моддасининг иккинчи қисми

Қимор ва таваккалчиликка асосланган бошқа ўйинларни ташкил этиш ёки ўтказиш учун телекоммуникация тармоқларида, шу жумладан, Интернет жаҳон ахборот тармоғи провайдерлари томонидан хизматлар кўрсатиш, тегишли дастурий таъминотдан нусха кўпайтириш, уни кўпайтириш, тарқатиш, шундай ҳаракатлар учун маъмурий жазо қўлланилганидан кейин содир этилган бўлса -

базавий ҳисоблаш миқдорининг эллик бараваридан етмиш беш бараваригача миқдорда жарима ёки уч юз соатдан уч юз олтмиш соатгача мажбурий жамоат ишлари ёхуд уч йилгача ахлоқ тузатиш ишлари билан жазоланади. (ЎзР 03.12.2019 й. ЎРҚ-586-сон Қонуни таҳриридаги санкция) (Олдинги таҳририга қаранг)

Қаранг: МЖтК 191-моддасининг учинчи қисми

XX-1 БОБ. АХБОРОТ ТЕХНОЛОГИЯЛАРИ

СОҲАСИДАГИ ЖИНОЯТЛАР

(ЎзР 25.12.2007 й. ЎРҚ-137-сон Қонунига мувофиқ киритилган боб)

278-1-модда. Ахборотлаштириш қоидаларини бузиш

278-2-модда. Компьютер ахборотидан қонунга

хилоф равишда (рухсатсиз) фойдаланиш

278-3-модда. Компьютер тизимидан, шунингдек телекоммуникация

тармоқларидан қонунга хилоф равишда

(рухсатсиз) фойдаланиш учун махсус воситаларни ўтказиш

мақсадини кўзлаб тайёрлаш ёхуд ўтказиш ва тарқатиш

278-4-модда. Компьютер ахборотини модификациялаштириш

278-5-модда. Компьютер саботажи

278-6-модда. Зарар келтирувчи дастурларни яратиш,

ишлатиш ёки тарқатиш

278-7-модда. Телекоммуникация тармоғидан

қонунга хилоф равишда (рухсатсиз) фойдаланиш

278-8-модда. Крипто-активлар айланмаси

соҳасидаги қонунчиликни бузиш

278-9-модда. Майнинг фаолиятини қонунга

хилоф равишда амалга ошириш

278-1-модда. Ахборотлаштириш қоидаларини бузиш

Ахборотлаштириш қоидаларини бузиш, яъни белгиланган ҳимоя чораларини кўрмаган ҳолда ахборот тизимлари, маълумотлар базалари ва банкларини, ахборотга ишлов бериш ҳамда уни узатиш тизимларини яратиш, жорий этиш ва улардан фойдаланиш ҳамда ахборот тизимларидан рухсат билан фойдаланиш фуқароларнинг ҳуқуқларига ёки қонун билан қўриқланадиган манфаатларига ёхуд давлат ёки жамоат манфаатларига кўп миқдорда зарар ёхуд жиддий зиён етказилишига сабаб бўлса, -

базавий ҳисоблаш миқдорининг эллик бараваригача миқдорда жарима ёки бир йилгача ахлоқ тузатиш ишлари билан жазоланади. (ЎзР 03.12.2019 й. ЎРҚ-586-сон Қонуни таҳриридаги санкция)

Қаранг: "Ахборотлаштириш тўғрисида"ги Қонуннинг 19-21-моддалари

Ўша ҳаракатлар жуда кўп миқдорда зарар етказган ҳолда содир этилган бўлса, -

базавий ҳисоблаш миқдорининг эллик бараваридан юз бараваригача миқдорда жарима ёки бир йилдан икки йилгача ахлоқ тузатиш ишлари билан жазоланади. (ЎзР 03.12.2019 й. ЎРҚ-586-сон Қонуни таҳриридаги санкция) (Олдинги таҳририга қаранг)

278-2-модда. Компьютер ахборотидан қонунга

хилоф равишда (рухсатсиз) фойдаланиш

Компьютер ахборотидан, яъни ахборот-ҳисоблаш тизимлари, тармоқлари ва уларнинг таркибий қисмларидаги ахборотлардан қонунга хилоф равишда (рухсатсиз) фойдаланиш, агар ушбу харакат ахборотнинг йўқ қилиб юборилиши, тўсиб қўйилиши, модификациялаштирилиши, ундан нусха кўчирилиши ёхуд унинг қўлга киритилишига, электрон ҳисоблаш машиналари, электрон ҳисоблаш машиналари тизими ёки уларнинг тармоқлари ишининг бузилишига сабаб бўлса, -

базавий ҳисоблаш миқдорининг юз бараваригача миқдорда жарима ёки уч йилгача муайян ҳуқуқдан маҳрум қилиш ёхуд бир йилгача ахлоқ тузатиш ишлари билан жазоланади. (ЎзР 03.12.2019 й. ЎРҚ-586-сон Қонуни таҳриридаги санкция)

Ўша харакат:

а) бир гуруҳ шахслар томонидан олдиндан тил бириктириб;

б) такроран ёки хавфли рецидивист томонидан;

в) хизмат мавқеидан фойдаланган ҳолда;

г) уюшган гуруҳ томонидан ёки унинг манфаатларини кўзлаб содир этилган бўлса, -

базавий ҳисоблаш миқдорининг юз бараваридан уч юз бараваригача миқдорда жарима ёки бир йилдан икки йилгача ахлоқ тузатиш ишлари ёки бир йилдан уч йилгача озодликни чеклаш ёхуд уч йилгача озодликдан маҳрум қилиш билан жазоланади. (ЎзР 03.12.2019 й. ЎРҚ-586-сон Қонуни таҳриридаги санкция) (Олдинги таҳририга қаранг)

278-3-модда. Компьютер тизимидан қонунга

хилоф равишда (рухсатсиз) фойдаланиш учун

махсус воситаларни ўтказиш мақсадини кўзлаб

тайёрлаш ёхуд ўтказиш ва тарқатиш

(ЎзР 22.10.2018 й. ЎРҚ-503-сон Қонуни таҳриридаги модда номи)

Ҳимояланган компьютер тизимидан, шунингдек телекоммуникация тармоқларидан қонунга хилоф равишда (рухсатсиз) фойдаланиш учун махсус дастурий ёки аппарат воситаларини ўтказиш мақсадини кўзлаб тайёрлаш ёхуд ўтказиш ва тарқатиш - (ЎзР 22.10.2018 й. ЎРҚ-503-сон Қонуни таҳриридаги диспозиция)

базавий ҳисоблаш миқдорининг икки юз бараваригача миқдорда жарима ёки бир йилгача ахлоқ тузатиш ишлари билан жазоланади. (ЎзР 03.12.2019 й. ЎРҚ-586-сон Қонуни таҳриридаги санкция)

Ўша ҳаракатлар:

а) бир гуруҳ шахслар томонидан олдиндан тил бириктириб;

б) такроран ёки хавфли рецидивист томонидан;

в) хизмат мавқеидан фойдаланган ҳолда;

г) уюшган гуруҳ томонидан ёки унинг манфаатларини кўзлаб содир этилган бўлса, -

базавий ҳисоблаш миқдорининг икки юз бараваридан уч юз бараваригача миқдорда жарима ёки бир йилдан уч йилгача ахлоқ тузатиш ишлари билан жазоланади. (ЎзР 03.12.2019 й. ЎРҚ-586-сон Қонуни таҳриридаги санкция)

278-4-модда. Компьютер ахборотини

модификациялаштириш

Компьютер ахборотини модификациялаштириш, яъни компьютер тизимида сақланаётган ахборотни қонунга хилоф равишда ўзгартириш, унга шикаст етказиш, уни ўчириш, худди шунингдек била туриб унга ёлғон ахборотни киритиш фуқароларнинг ҳуқуқларига ёки қонун билан қўриқланадиган манфаатларига ёхуд давлат ёки жамоат манфаатларига кўп миқдорда зарар ёхуд жиддий зиён етказилишига сабаб бўлса, -

базавий ҳисоблаш миқдорининг юз бараваригача миқдорда жарима ёки бир йилгача ахлоқ тузатиш ишлари ёки икки йилгача озодликни чеклаш ёхуд икки йилгача озодликдан маҳрум қилиш билан жазоланади. (ЎзР 03.12.2019 й. ЎРҚ-586-сон Қонуни таҳриридаги санкция) (Олдинги таҳририга қаранг)

Ўша харакатлар:

а) жуда кўп миқдорда зарар етказган ҳолда;

б) бир гуруҳ шахслар томонидан олдиндан тил бириктириб;

в) такроран ёки хавфли рецидивист томонидан содир этилган бўлса, -

бир йилдан икки йилгача ахлоқ тузатиш ишлари ёки икки йилдан уч йилгача озодликни чеклаш ёки икки йилдан уч йилгача озодликдан маҳрум қилиш билан жазоланади. (ЎзР 10.08.2015 й. ЎРҚ-389-сон Қонуни таҳриридаги санкция)

278-5-модда. Компьютер саботажи

Ўзганинг компьютер ускунасини ёки хизматда фойдаланиладиган компьютер ускунасини қасддан ишдан чиқариш, худди шунингдек компьютер тизимини бузиш (компьютер саботажи) -

уч йилгача муайян ҳуқуқдан маҳрум қилиб, базавий ҳисоблаш миқдорининг уч юз бараваридан тўрт юз бараваригача миқдорда жарима ёки икки йилгача озодликни чеклаш ёхуд икки йилгача озодликдан маҳрум қилиш билан жазоланади. (ЎзР 03.12.2019 й. ЎРҚ-586-сон Қонуни таҳриридаги санкция) (Олдинги таҳририга қаранг)

Ўша ҳаракатлар:

а) бир гуруҳ шахслар томонидан олдиндан тил бириктириб;

б) такроран ёки хавфли рецидивист томонидан содир этилган бўлса, -

икки йилдан уч йилгача ахлоқ тузатиш ишлари ёки икки йилдан уч йилгача озодликни чеклаш ёхуд икки йилдан уч йилгача озодликдан маҳрум қилиш билан жазоланади. (ЎзР 10.08.2015 й. ЎРҚ-389-сон Қонуни таҳриридаги санкция)

278-6-модда. Зарар келтирувчи дастурларни

яратиш, ишлатиш ёки тарқатиш

Компьютер тизимида сақланаётган ёки узатилаётган ахборотни рухсатсиз йўқ қилиб юбориш, тўсиб қўйиш, модификациялаштириш, ундан нусха кўчириш ёки уни қўлга киритиш мақсадини кўзлаб компьютер дастурларини яратиш ёки мавжуд дастурларга ўзгартиришлар киритиш, худди шунингдек махсус вирус дастурларини ишлаб чиқиш, улардан қасддан фойдаланиш ёки уларни қасддан тарқатиш -

базавий ҳисоблаш миқдорининг юз бараваридан уч юз бараваригача миқдорда жарима ёки икки йилгача озодликни чеклаш ёхуд икки йилгача озодликдан маҳрум қилиш билан жазоланади. (ЎзР 03.12.2019 й. ЎРҚ-586-сон Қонуни таҳриридаги санкция) (Олдинги таҳририга қаранг)

Ўша ҳаракатлар:

а) жуда кўп миқдорда зарар етказган ҳолда;

б) бир гуруҳ шахслар томонидан олдиндан тил бириктириб;

в) такроран ёки хавфли рецидивист томонидан;

г) уюшган гуруҳ томонидан ёки унинг манфаатларини кўзлаб содир этилган бўлса, -

икки йилдан уч йилгача озодликни чеклаш ёхуд икки йилдан уч йилгача озодликдан маҳрум қилиш билан жазоланади. (ЎзР 10.08.2015 й. ЎРҚ-389-сон Қонуни таҳриридаги санкция)

278-7-модда. Телекоммуникация тармоғидан

қонунга хилоф равишда (рухсатсиз) фойдаланиш

(ЎзР 22.10.2018 й. ЎРҚ-503-сон Қонунига мувофиқ киритилган модда)

Ўрнатилган ҳимоя тизимларини четлаб ўтган ҳолда телекоммуникация тармоғидан фойдаланиш ва халқаро трафикни ўтказиш мақсадида телекоммуникация тармоғидан қонунга хилоф равишда (рухсатсиз) фойдаланиш, шунингдек мазкур мақсадлар учун мўлжалланган махсус дастурий ёки аппарат воситаларини қонунга хилоф равишда (рухсатсиз) сақлаш ва уларнинг фаолият кўрсатиши учун шароитлар яратиш -

базавий ҳисоблаш миқдорининг юз бараваридан уч юз бараваригача миқдорда жарима ёки бир йилдан уч йилгача озодликни чеклаш ёхуд уч йилгача озодликдан маҳрум қилиш билан жазоланади. (ЎзР 03.12.2019 й. ЎРҚ-586-сон Қонуни таҳриридаги санкция)

Ўша ҳаракатлар:

а) бир гуруҳ шахслар томонидан олдиндан тил бириктириб;

б) такроран ёки хавфли рецидивист томонидан;

в) хизмат мавқеидан фойдаланиб;

г) уюшган гуруҳ томонидан ёки унинг манфаатларини кўзлаб содир этилган бўлса, -

278-8-модда. Крипто-активлар айланмаси

соҳасидаги қонунчиликни бузиш

(ЎзР 19.01.2024 й. ЎРҚ-899-сон Қонунига мувофиқ киритилган модда)

Крипто-активларни қонунга хилоф равишда олиш, ўтказиш ёки айирбошлаш, белгиланган тартибда лицензия олмасдан крипто-активлар айланмаси соҳасидаги хизматлар провайдерлари фаолиятини амалга ошириш ёхуд крипто-активлар айланмаси соҳасидаги хизматлар провайдерлари томонидан аноним крипто-активлар билан операцияларни амалга ошириш шундай ҳаракатлар учун маъмурий жазо қўлланилганидан кейин содир этилган бўлса, -

базавий ҳисоблаш миқдорининг юз бараваригача миқдорда жарима ёки икки йилдан уч йилгача ахлоқ тузатиш ишлари ёхуд бир йилгача озодликни чеклаш ёки бир йилгача озодликдан маҳрум қилиш билан жазоланади.

Ўша ҳаракатлар:

а) такроран ёки хавфли рецидивист томонидан;

б) кўп миқдорда;

в) бир гуруҳ шахслар томонидан олдиндан тил бириктириб содир этилган бўлса, -

базавий ҳисоблаш миқдорининг уч юз бараваридан тўрт юз бараваригача миқдорда жарима ёки уч йилгача озодликни чеклаш ёхуд уч йилгача озодликдан маҳрум қилиш билан жазоланади.

Ўша ҳаракатлар:

а) жуда кўп миқдорда;

б) хизмат мавқеидан фойдаланган ҳолда;

в) уюшган гуруҳ томонидан ёки унинг манфаатларини кўзлаб содир этилган бўлса, -

уч йилдан беш йилгача озодликдан маҳрум қилиш билан жазоланади.

278-9-модда. Майнинг фаолиятини қонунга

хилоф равишда амалга ошириш

(ЎзР 19.01.2024 й. ЎРҚ-899-сон Қонунига мувофиқ киритилган модда)

Аноним крипто-активлар майнинги билан шуғулланиш ёки белгиланган тартибни бузган ҳолда майнинг фаолиятини амалга ошириш шундай ҳаракатлар учун маъмурий жазо қўлланилганидан кейин содир этилган бўлса, -

Яширин майнингни амалга ошириш -

Ушбу модданинг биринчи ёки иккинчи қисмларида назарда тутилган ҳаракатлар:

а) такроран ёки хавфли рецидивист томонидан;

б) жуда кўп миқдорда;

в) бир гуруҳ шахслар томонидан олдиндан тил бириктириб содир этилган бўлса, -

Ушбу модданинг биринчи ёки иккинчи қисмларида назарда тутилган ҳаракатлар:

а) хизмат мавқеидан фойдаланган ҳолда;

б) уюшган гуруҳ томонидан ёки унинг манфаатларини кўзлаб содир этилган бўлса, -

уч йилдан беш йилгача озодликдан маҳрум қилиш билан жазоланади.

ЕТТИНЧИ БЎЛИМ. ҲАРБИЙ ХИЗМАТНИ ЎТАШ

ТАРТИБИГА ҚАРШИ ЖИНОЯТЛАР

Шунингдек қаранг: ОС Пленумининг 2000 йил 15 сентябрдаги "Ҳарбий хизматни ўташ тартибига қарши жиноятларга оид ишларни кўриш бўйича суд амалиёти тўғрисида"ги 23-сон Қарори

XXI боб. Бўйсуниш ва ҳарбий шаънга риоя этиш

тартибига қарши жиноятлар (279-286-моддалар)

XXII боб. Ҳарбий хизматни ўташ тартибига

қарши жиноятлар (287-294-моддалар)

XXIII боб. Ҳарбий мулкни сақлаш ёки ундан

фойдаланиш тартибига қарши жиноятлар (295-300-моддалар)

XXIV боб. Ҳарбий мансабдорлик жиноятлари (301-302-моддалар)

XXI БОБ. БЎЙСУНИШ ВА ҲАРБИЙ ШАЪНГА РИОЯ

ЭТИШ ТАРТИБИГА ҚАРШИ ЖИНОЯТЛАР

279-модда. Бўйсунмаслик

280-модда. Буйруқни бажармаслик

281-модда. Бошлиққа қаршилик кўрсатиш ёки уни

хизмат вазифаларини бузишга мажбур қилиш

282-модда. Бошлиқни қўрқитиш

283-модда. Баданга шикаст етказиш

284-модда. Бўйсунувчининг ўз бошлиғини ёки

бошлиқнинг ўзига бўйсунувчини ҳақорат қилиши

285-модда. Бир бирига тобе бўлмаган ҳарбий

хизматчилар ўртасидаги ўзаро муносабатларга

оид устав қоидаларини бузиш

286-модда. Мародёрлик

279-модда. Бўйсунмаслик

Бўйсунмаслик, яъни буйруқни бажаришдан очиқдан-очиқ бош тортиш, шунингдек, буйруқни бошқа тарзда қасддан бажармаслик -

икки йилгача хизмат бўйича чеклаш ёки бир йилгача интизомий қисмга юбориш билан жазоланади.

Қаранг: Президентнинг 1996 йил 9 октябрдаги ПФ-1571-сон Фармони (ҳужжат рус тилида келтирилган) билан тасдиқланган "Ўзбекистон Республикаси Қуролли кучлари Интизом Устави"нинг 9-банди (ҳужжат рус тилида келтирилган), "Ўзбекистон Республикаси Қуролли кучлари Ички хизмат Устави" 30-бандининг учинчи хатбоши (ҳужжат рус тилида келтирилган)

Шунингдек қаранг: ОС Пленумининг 2000 йил 15 сентябрдаги "Ҳарбий хизматни ўташ тартибига қарши жиноятларга оид ишларни кўриш бўйича суд амалиёти тўғрисида"ги 23-сон Қарори 2.8-бандининг иккинчи хатбоши, 6-бандининг учинчи хатбоши

Ўша қилмиш:

а) бир гуруҳ шахслар томонидан содир этилган бўлса;

б) оғир оқибатларга сабаб бўлса, -

уч йилдан беш йилгача озодликдан маҳрум қилиш билан жазоланади.

Ўша қилмиш жанговар вазиятда содир этилган бўлса, -

беш йилдан ўн беш йилгача озодликдан маҳрум қилиш билан жазоланади.

280-модда. Буйруқни бажармаслик

Буйруқни эҳтиётсизлик орқасида бажармаслик кўп миқдорда зарар етказилиши ёки оғир оқибатларга сабаб бўлса, -

икки йилгача хизмат юзасидан чеклаш ёки бир йилгача интизомий қисмга юбориш билан жазоланади.

Қаранг: Президентнинг 1996 йил 9 октябрдаги ПФ-1571-сон Фармони (ҳужжат рус тилида келтирилган) билан тасдиқланган "Ўзбекистон Республикаси Қуролли кучлари Ички хизмат Устави" 30-бандининг учинчи хатбоши (ҳужжат рус тилида келтирилган)

Ўша қилмиш жанговар вазиятда содир этилган бўлса, -

беш йилдан ўн йилгача озодликдан маҳрум қилиш билан жазоланади.

281-модда. Бошлиққа қаршилик кўрсатиш ёки

уни хизмат вазифаларини бузишга мажбур қилиш

Бошлиққа, шунингдек ҳарбий хизмат юзасидан ўзига юклатилган вазифаларни бажараётган бошқа шахсга қаршилик кўрсатиш ёки уни мазкур вазифаларни бузишга мажбур этиш -

икки йилгача хизмат бўйича чеклаш ёхуд бир йилгача интизомий қисмга юбориш ёхуд беш йилгача озодликдан маҳрум қилиш билан жазоланади.

Ўша ҳаракатлар:

а) бир гуруҳ шахслар томонидан;

б) қурол ишлатиб содир этилган бўлса;

в) оғир оқибатларга сабаб бўлса, -

беш йилдан ўн йилгача озодликдан маҳрум қилиш билан жазоланади.

Ўша ҳаракатлар жанговар вазиятда содир этилган бўлса, -

беш йилдан ўн беш йилгача озодликдан маҳрум қилиш билан жазоланади.

282-модда. Бошлиқни қўрқитиш

Жанговар вазиятда бошлиқни ўлдириш ёки зўрлик ишлатиш билан қўрқитиш, бундай ҳаракат амалга оширилиши учун етарли асослар мавжуд бўлса, -

уч йилдан беш йилгача озодликдан маҳрум қилиш билан жазоланади.

283-модда. Баданга шикаст етказиш

Бошлиқни дўппослаш, унинг баданига енгил ёки ўртача оғир шикаст етказиш у ҳарбий хизмат юзасидан ўз вазифаларини бажарганлиги муносабати билан ёки бажараётган вақтда содир этилган бўлса, -

уч йилгача хизмат бўйича чеклаш ёки бир йилгача интизомий қисмга юбориш ёхуд уч йилгача озодликдан маҳрум қилиш билан жазоланади. (ЎзР 29.08.2001 й. 254-II-сон Қонуни таҳриридаги санкция)

Баданга оғир шикаст етказиш, шунингдек ушбу модданинг биринчи қисмида назарда тутилган ҳаракатлар:

а) бир гуруҳ шахслар томонидан;

б) қурол ишлатиб содир этилган бўлса, -

уч йилдан етти йилгача озодликдан маҳрум қилиш билан жазоланади. (ЎзР 29.08.2001 й. 254-II-сон Қонуни таҳриридаги санкция)

Ушбу модданинг биринчи ёки иккинчи қисмида назарда тутилган ҳаракатлар жанговар вазиятда содир этилган бўлса, -

етти йилдан ўн йилгача озодликдан маҳрум қилиш билан жазоланади. (ЎзР 29.08.2001 й. 254-II-сон Қонуни таҳриридаги санкция)

284-модда. Бўйсунувчининг ўз бошлиғини ёки

бошлиқнинг ўзига бўйсунувчини ҳақорат қилиши

Бўйсунувчининг ўз бошлиғини, шунингдек бошлиқнинг ўзига бўйсунувчини ҳақорат қилиши шундай ҳаракатлар учун интизомий жазо қўлланилганидан кейин содир этилган бўлса, -

икки йилгача хизмат бўйича чеклаш ёки бир йилгача озодликдан маҳрум қилиш билан жазоланади. (ЎзР 29.03.2017 й. ЎРҚ-421-сон Қонуни таҳриридаги санкция) (Олдинги таҳририга қаранг)

285-модда. Бир-бирига тобе бўлмаган ҳарбий

хизматчилар ўртасидаги ўзаро муносабатларга

оид устав қоидаларини бузиш

Бир-бирига тобе бўлмаган ҳарбий хизматчилар ўртасидаги ўзаро муносабатларга оид устав қоидаларини бузиш, яъни мунтазам хўрлаш, азоб бериш, соғлиқнинг бузилишига сабаб бўлган баданга енгил шикаст етказиш ёки ўртача оғир шикаст етказиш, қонунга хилоф равишда озодликдан маҳрум қилиш -

икки йилгача хизмат бўйича чеклаш ёхуд бир йилгача интизомий қисмга юбориш ёки беш йилгача озодликдан маҳрум қилиш билан жазоланади. (ЎзР 29.03.2017 й. ЎРҚ-421-сон Қонуни таҳриридаги санкция)

ЎзР 29.08.1998 й. 681-1-сон Қонунига мувофиқ иккинчи қисм иккинчи, учинчи, тўртинчи қисмлар билан алмаштирилган

Ўша қилмиш:

а) бир гуруҳ шахслар томонидан;

б) қурол ишлатиб содир этилган бўлса;

в) баданга оғир шикаст етказилишга сабаб бўлса, -

беш йилдан ўн йилгача озодликдан маҳрум қилиш билан жазоланади.

Ўша қилмиш одам ўлишига сабаб бўлса, -

ўн йилдан ўн беш йилгача озодликдан маҳрум қилиш билан жазоланади.

Шунингдек қаранг: ОС Пленумининг 2000 йил 15 сентябрдаги "Ҳарбий хизматни ўташ тартибига қарши жиноятларга оид ишларни кўриш бўйича суд амалиёти тўғрисида"ги 23-сон Қарори 3.4-бандининг иккинчи, учинчи хатбошилари

Ўша қилмиш:

а) одамларнинг ўлимига;

б) бошқа оғир оқибатларга сабаб бўлса, -

ўн беш йилдан йигирма йилгача озодликдан маҳрум қилиш билан жазоланади.

286-модда. Мародёрлик

Мародёрлик, яъни ҳалок бўлганларнинг ёки ярадорларнинг буюмларини жанговар вазиятда эгаллаш -

беш йилдан ўн йилгача озодликдан маҳрум қилиш билан жазоланади.

ХХII БОБ. ҲАРБИЙ ХИЗМАТНИ ЎТАШ

ТАРТИБИГА ҚАРШИ ЖИНОЯТЛАР

287-модда. Ҳарбий қисм ёки хизмат жойини

ўзбошимчалик билан ташлаб кетиш

288-модда. Дезертирлик

289-модда. Ҳалок бўлаётган ҳарбий кемани ташлаб кетиш

290-модда. Ўзининг бирон аъзосини майиб қилиш йўли

билан ёки бошқа усулда ҳарбий хизматдан бўйин товлаш

291-модда. Қоровул хизматини ўташ қоидаларини бузиш

292-модда. Ички хизматни ўташ ёки гарнизонда

патруллик қилиш қоидаларини бузиш

293-модда. Жанговар навбатчиликни ўташ қоидаларини бузиш

294-модда. Чегара хизматини ўташ қоидаларини бузиш

287-модда. Ҳарбий қисм ёки хизмат жойини

ўзбошимчалик билан ташлаб кетиш

Муддатли ҳарбий хизмат ҳарбий хизматчисининг ҳарбий қисм ёки хизмат жойини ўзбошимчалик билан ташлаб кетиши, шунингдек, ҳарбий қисмдан қисқа муддатга рухсат берилганда, бошқа хизматга тайинланганда ёки бошқа хизмат жойига ўтказилганда, хизмат сафаридан, отпускадан ёки даволаш муассасасидан узрли сабабларсиз бир кеча-кундуздан ортиқ, лекин ўн кеча-кундуздан кўп бўлмаган муддат давомида хизмат жойида ҳозир бўлмаслиги, шундай қилмишлар учун интизомий жазо чораси қўлланилганидан кейин содир этилган бўлса, - (ЎзР 22.12.2009 й. ЎРҚ-238-сон Қонуни таҳриридаги диспозиция)

бир йилгача интизомий қисмга юбориш ёки бир йилгача озодликдан маҳрум қилиш билан жазоланади. (ЎзР 29.03.2017 й. ЎРҚ-421-сон Қонуни таҳриридаги санкция) (Олдинги таҳририга қаранг)

Муддатли ҳарбий хизмат ҳарбий хизматчиси, офицерлар таркибидан бўлган шахс ёки ҳарбий хизматни контракт (шартнома) бўйича ўтаётган ҳарбий хизматчининг қисм ёки хизмат жойини ўзбошимчалик билан ташлаб кетиши, шунингдек узрли сабабларсиз белгиланган муддатдан ўн кеча-кундуздан ортиқ, лекин бир ойдан кўп бўлмаган муддат давомида хизмат жойига етиб келмаслиги - (ЎзР 22.12.2009 й. ЎРҚ-238-сон Қонуни таҳриридаги диспозиция) (Олдинги таҳририга қаранг)

икки йилгача хизмат бўйича чеклаш ёки уч йилгача озодликдан маҳрум қилиш билан жазоланади.

Ҳарбий қисм ёки хизмат жойини ўзбошимчалик билан ташлаб кетиш, шунингдек, хизматга белгиланган муддатдан узрли сабабларсиз бир ойдан ортиқ вақт ичида етиб келмаслик ушбу модданинг иккинчи қисмида кўрсатилган шахслар томонидан содир этилган бўлса, -

беш йилгача озодликдан маҳрум қилиш билан жазоланади.

Ушбу моддада назарда тутилган қилмишлар жанговар вазиятда содир этилган бўлса, муддатидан қатъи назар, -

беш йилдан ўн йилгача озодликдан маҳрум қилиш билан жазоланади.

288-модда. Дезертирлик

Дезертирлик, яъни ҳарбий хизматдан бутунлай бўйин товлаш мақсадида ҳарбий қисм ёки хизмат жойини ўзбошимчалик билан ташлаб кетиш, шунингдек, шу мақсадда хизмат жойига етиб келмаслик -

беш йилгача озодликдан маҳрум қилиш билан жазоланади.

Ўша қилмиш офицерлар таркибидан бўлган шахс ёки ҳарбий хизматни контракт (шартнома) бўйича ўтаётган ҳарбий хизматчи томонидан содир этилган бўлса, - (ЎзР 22.12.2009 й. ЎРҚ-238-сон Қонуни таҳриридаги диспозиция) (Олдинги таҳририга қаранг)

беш йилдан ўн йилгача озодликдан маҳрум қилиш билан жазоланади.

289-модда. Ҳалок бўлаётган ҳарбий кемани ташлаб кетиш

Ҳалок бўлаётган ҳарбий кемани ўз хизмат вазифаларини охиригача бажармаган командир томонидан, шунингдек, командирнинг тегишли фармойиши бўлмасдан кема командаси таркибидаги шахс томонидан ташлаб кетилиши -

беш йилдан ўн йилгача озодликдан маҳрум қилиш билан жазоланади.

Ўша қилмиш жанговар вазиятда содир этилган бўлса, -

ўн йилдан ўн беш йилгача озодликдан маҳрум қилиш билан жазоланади.

290-модда. Ўзининг бирон аъзосини майиб қилиш йўли

билан ёки бошқа усулда ҳарбий хизматдан бўйин товлаш

Ўзининг бирон аъзосини майиб қилиш, яъни ҳарбий хизматчининг ўз баданига бирон шикаст етказиш йўли билан, шунингдек, ўзини ёлғондан касалликка солиб, ҳужжатларни қалбакилаштириш ёки бошқача алдаш йўли билан ҳарбий хизмат вазифаларини бажаришдан бўйин товлаши ёки бу вазифаларни бажаришдан бош тортиши -

бир йилгача интизомий қисмга юбориш ёки беш йилгача озодликдан маҳрум қилиш билан жазоланади. (ЎзР 29.03.2017 й. ЎРҚ-421-сон Қонуни таҳриридаги санкция) (Олдинги таҳририга қаранг)

Ўша ҳаракат жанговар вазиятда содир этилган бўлса, -

беш йилдан ўн йилгача озодликдан маҳрум қилиш билан жазоланади.

291-модда. Қоровул хизматини ўташ қоидаларини бузиш

Қоровул (соқчилик) хизмати устав қоидаларини қоровул таркибига кирган шахс томонидан зарарли оқибатлар келтириб чиқарадиган тарзда бузиш, башарти, мазкур қоровул бундай оқибатларнинг олдини олиш учун тайинланган бўлса, -

икки йилгача хизмат бўйича чеклаш ёки бир йилгача интизомий қисмга юбориш ёхуд бир йилгача озодликдан маҳрум қилиш билан жазоланади. (ЎзР 29.03.2017 й. ЎРҚ-421-сон Қонуни таҳриридаги санкция) (Олдинги таҳририга қаранг)

Ўша қилмиш:

а) баданга оғир шикаст етказилишига;

б) одам ўлишига;

в) бошқа оғир оқибатларга сабаб бўлса, -

беш йилдан ўн йилгача озодликдан маҳрум қилиш билан жазоланади.

Ўша қилмиш жанговар вазиятда содир этилган бўлса, -

ўн йилдан ўн беш йилгача озодликдан маҳрум қилиш билан жазоланади.

292-модда. Ички хизматни ўташ ёки гарнизонда

патруллик қилиш қоидаларини бузиш

Ички хизмат устави қоидаларини, шунингдек, гарнизонда патруллик қилиш қоидаларини зарарли оқибатлар келтириб чиқарадиган тарзда бузиш, тегишли хизмат бундай оқибатларнинг олдини олиш учун тайинланган бўлса, -

икки йилгача хизмат бўйича чеклаш ёки бир йилгача интизомий қисмга юбориш ёки уч йилгача озодликдан маҳрум қилиш билан жазоланади. (ЎзР 29.03.2017 й. ЎРҚ-421-сон Қонуни таҳриридаги санкция) (Олдинги таҳририга қаранг)

Қаранг: Президентнинг 1996 йил 9 октябрдаги ПФ-1571-сон Фармони (ҳужжат рус тилида келтирилган) билан тасдиқланган "Ўзбекистон Республикаси Қуролли кучлари Ички хизмат Устави"; "Ўзбекистон Республикаси Қуролли кучлари Гарнизон ва қоровуллик хизмати Устави" (ҳужжат рус тилида келтирилган)

293-модда. Жанговар навбатчиликни

ўташ қоидаларини бузиш

Жанговар навбатчиликни ўташ (жанговар хизмат) қоидаларини бузиш қўриқланаётган объектларга зарар етказилишига ёки жанговар топшириқ бажарилмай қолишига сабаб бўлса, -

икки йилгача хизмат бўйича чеклаш ёки бир йилгача интизомий қисмга юбориш ёки беш йилгача озодликдан маҳрум қилиш билан жазоланади. (ЎзР 29.03.2017 й. ЎРҚ-421-сон Қонуни таҳриридаги санкция) (Олдинги таҳририга қаранг)

Қаранг: Президентнинг 1996 йил 9 октябрдаги ПФ-1571-сон Фармони (ҳужжат рус тилида келтирилган) билан тасдиқланган "Ўзбекистон Республикаси Қуролли кучлари Гарнизон ва қоровуллик хизмати Устави"нинг II қисми (ҳужжат рус тилида келтирилган); "Ўзбекистон Республикаси Қуролли кучлари Ички хизмат Устави"нинг 9-боби (ҳужжат рус тилида келтирилган)

Ўша қилмиш Ўзбекистон Республикасига тўсатдан қилинган ҳужумни ўз вақтида пайқамаганлик ёки даф этмаганликда ифодаланса, шунингдек, оғир оқибатларга сабаб бўлса, -

беш йилдан ўн йилгача озодликдан маҳрум қилиш билан жазоланади.

294-модда. Чегара хизматини ўташ қоидаларини бузиш

Чегарачилар наряди таркибида бўлган шахснинг чегара хизматини ўташ қоидаларини бузиши чегаранинг дахлсизлигига зарар етказиши мумкин бўлса, -

Ўша қилмиш:

а) қонунга хилоф равишда чегарадан ўтишга;

б) бошқа оғир оқибатларга сабаб бўлса, -

беш йилдан ўн йилгача озодликдан маҳрум қилиш билан жазоланади.

ХХIII БОБ. ҲАРБИЙ МУЛКНИ САҚЛАШ ЁКИ УНДАН

ФОЙДАЛАНИШ ТАРТИБИГА ҚАРШИ ЖИНОЯТЛАР

295-модда. Ҳарбий мулкни беҳуда сарфлаш,

йўқотиш ёки ишдан чиқариш

296-модда. Ҳарбий мулкни нобуд қилиш

ёки унга шикаст етказиш

297-модда. Атрофдагилар учун катта хавф манбаи

бўлган қурол-яроқ шунингдек модда ва буюмлар

билан муомалада бўлиш қоидаларини бўлиш

298-модда. Машиналарни бошқариш ёки

улардан фойдаланиш қоидаларини бузиш

299-модда. Учиш ёки учишга тайёргарлик

кўриш қоидаларини бузиш

300-модда. Кемани бошқариш қоидаларини бузиш

295-модда. Ҳарбий мулкни беҳуда сарфлаш,

йўқотиш ёки ишдан чиқариш

Ҳарбий мулкни беҳуда сарфлаш, яъни муддатли ҳарбий хизмат ҳарбий хизматчисининг шахсан ўзи фойдаланиши учун берилган ҳарбий аслаҳа-анжомларни сотиши, фойдаланиш учун бировга бериши ёки гаровга қўйиши - (ЎзР 22.12.2009 й. ЎРҚ-238-сон Қонуни таҳриридаги диспозиция)

Хизматда фойдаланиш учун ишониб топширилган қурол, ўқ-дори, ҳаракат қилиш воситалари, техника таъминоти буюмларини сақлаш қоидаларини бузиш натижасида уларни йўқотиш ёки ишдан чиқариш, -

икки йилгача хизмат бўйича чеклаш ёки бир йилгача интизомий қисмга юбориш ёхуд уч йилгача озодликдан маҳрум қилиш билан жазоланади.

Ушбу модданинг биринчи ёки иккинчи қисмида назарда тутилган қилмишлар жанговар вазиятда содир этилган бўлса, -

уч йилдан беш йилгача озодликдан маҳрум қилиш билан жазоланади.

296-модда. Ҳарбий мулкни нобуд

қилиш ёки унга шикаст етказиш

Қурол, ўқ-дори, ҳаракат қилиш воситалари, ҳарбий техника ёки бошқа ҳарбий мулкни қасддан нобуд қилиш ёки унга шикаст етказиш -

икки йилгача хизмат бўйича чеклаш ёки бир йилгача интизомий қисмга юбориш ёхуд беш йилгача озодликдан маҳрум қилиш билан жазоланади. (ЎзР 29.03.2017 й. ЎРҚ-421-сон Қонуни таҳриридаги санкция)

Ўша қилмиш оғир оқибатларга сабаб бўлса, -

беш йилдан ўн йилгача озодликдан маҳрум қилиш билан жазоланади.

Ўша қилмиш жанговар вазиятда содир этилган бўлса, -

ўн йилдан ўн беш йилгача озодликдан маҳрум этиш билан жазоланади.

297-модда. Атрофдагилар учун катта хавф манбаи

бўлган қурол-яроғ, шунингдек модда ва буюмлар билан

муомалада бўлиш қоидаларини бузиш

Атрофдагилар учун катта хавф манбаи бўлган қурол-яроғ, шунингдек ўқ-дори, портловчи, радиоактив ёки бошқа модда ва буюмлар билан муомалада бўлиш қоидаларини бузиш баданга ўртача оғир шикаст етказилишига сабаб бўлса, -

икки йилгача хизмат бўйича чеклаш ёки беш йилгача озодликдан маҳрум қилиш билан жазоланади.

Ўша қилмиш:

а) икки ёки ундан ортиқ шахснинг баданига ўртача оғир шикаст етказилишига;

б) оғир шикаст етказилишига;

в) одам ўлишига сабаб бўлса, -

Ўша қилмиш:

а) одамлар ўлимига;

б) бошқа оғир оқибатларга сабаб бўлса, -

298-модда. Машиналарни бошқариш ёки

улардан фойдаланиш қоидаларини бузиш

Жанговар, махсус ёки транспорт машиналарини бошқариш ёхуд улардан фойдаланиш қоидаларини бузиш баданга ўртача оғир ёки оғир шикаст етказилишига сабаб бўлса, -

икки йилгача хизмат бўйича чеклаш ёки уч йилгача озодликдан маҳрум қилиш билан жазоланади. (ЎзР 29.08.2001 й. 254-II-сон Қонуни таҳриридаги санкция)

Ўша қилмиш одам ўлишига сабаб бўлса, -

уч йилдан етти йилгача озодликдан маҳрум қилиш билан жазоланади. (ЎзР 13.06.2017 й. ЎРҚ-436-сон Қонуни таҳриридаги қисм) (Олдинги таҳрирга қаранг)

Ўша қилмиш:

а) одамлар ўлимига;

б) ҳалокатга;

в) бошқа оғир оқибатларга сабаб бўлса, -

етти йилдан ўн йилгача озодликдан маҳрум қилиш билан жазоланади. (ЎзР 13.06.2017 й. ЎРҚ-436-сон Қонуни таҳриридаги қисм) (Олдинги таҳрирга қаранг)

299-модда. Учиш ёки учишга тайёргарлик

кўриш қоидаларини бузиш

Учиш ёки учишга тайёргарлик кўриш қоидаларини, шунингдек учиш аппаратларидан фойдаланиш қоидаларини бузиш ҳалокат юз беришига ёки бошқа оғир оқибатларга сабаб бўлса, -

беш йилдан ўн йилгача озодликдан маҳрум қилиш билан жазоланади.

300-модда. Кемани бошқариш қоидаларини бузиш

Кемани бошқариш қоидаларини бузиш кеманинг ҳалокатга учрашига ёки унга жиддий шикаст етказилишига, одамлар ҳалок бўлишига ёки бошқа оғир оқибатларга сабаб бўлса, -

беш йилдан ўн йилгача озодликдан маҳрум қилиш билан жазоланади.

ХХIV БОБ. ҲАРБИЙ МАНСАБДОРЛИК ЖИНОЯТЛАРИ

301-модда. Ҳокимиятни суиистеъмол қилиш, ҳокимият

ваколатидан ташқарига чиқиш ёки ҳокимият ҳаракатсизлиги

302-модда. Хизматга совуққонлик билан қараш

301-модда. Ҳокимиятни суиистеъмол қилиш,

ҳокимият ваколатидан ташқарига чиқиш

ёки ҳокимият ҳаракатсизлиги

Бошлиқ ёки бошқа мансабдор шахснинг ўз ҳокимият ёки хизмат мавқеини суиистеъмол қилиши, ҳокимият ёки хизмат ваколати доирасидан четга чиқиши, шунингдек ҳокимият ҳаракатсизлиги Қуролли Кучларнинг манфаатларига, ҳарбий хизматчи ёки бошқа фуқароларнинг ҳуқуқлари ёки қонун билан қўриқланадиган манфаатларига кўп миқдорда зарар ёки жиддий зиён етказилишига сабаб бўлса, -

уч йилгача хизмат бўйича чеклаш ёки беш йилгача озодликдан маҳрум қилиш билан жазоланади. (ЎзР 29.03.2017 й. ЎРҚ-421-сон Қонуни таҳриридаги санкция) (Олдинги таҳририга қаранг)

Шунингдек қаранг: ОС Пленумининг 2000 йил 15 сентябрдаги "Ҳарбий хизматни ўташ тартибига қарши жиноятларга оид ишларни кўриш бўйича суд амалиёти тўғрисида"ги 23-сон Қарори 3.1-бандининг тўртинчи хатбоши, 4.1-4.5-бандлари

Ўша қилмишлар баданга ўртача оғир ёки оғир шикаст етказиб, содир этилган бўлса, -

беш йилдан ўн йилгача озодликдан маҳрум қилиш билан жазоланади билан жазоланади. (ЎзР 29.08.1998 й. 681-I-сон Қонуни таҳриридаги санкция)

Ўша қилмишлар:

а) одам ўлишига;

б) бошқа оғир оқибатларга сабаб бўлса, -

ўн йилдан ўн беш йилгача озодликдан маҳрум қилиш билан жазоланади. (ЎзР 29.08.1998 й. 681-I-сон Қонуни таҳриридаги санкция)

Ушбу моддада назарда тутилган қилмишлар жанговар вазиятда содир этилган бўлса, -

ўн беш йилдан йигирма йилгача озодликдан маҳрум қилиш билан жазоланади. (ЎзР 29.08.1998 й. 681-I-сон Қонуни таҳриридаги санкция)

302-модда. Хизматга совуққонлик билан қараш

Бошлиқ ёки бошқа мансабдор шахснинг ўз хизмат вазифаларига нисбатан пала-партиш ёки виждонсизларча муносабатда бўлиши туфайли бу вазифаларни бажармаганлиги ёки лозим даражада бажармаганлиги кўп миқдорда зарар етказилишига ёки бошқа оғир оқибатларга сабаб бўлса, -

уч йилгача хизмат бўйича чеклаш ёки уч йилгача озодликдан маҳрум қилиш билан жазоланади. (ЎзР 29.03.2017 й. ЎРҚ-421-сон Қонуни таҳриридаги санкция) (Олдинги таҳририга қаранг)

Ўша қилмиш жанговор вазиятда содир этилган бўлса, -

уч йилдан беш йилгача озодликдан маҳрум қилиш билан жазоланади. (ЎзР 20.08.1999 й. 832-I-сон Қонунига мувофиқ киритилган қисм)

САККИЗИНЧИ БЎЛИМ.

АТАМАЛАРНИНГ ҲУҚУҚИЙ МАЪНОСИ

Анча миқдор	- базавий ҳисоблаш миқдорининг юз бараваридан уч юз бараваригача бўлган миқдор.
(ЎзР 03.12.2019 й. ЎРҚ-586-сон Қ онуни таҳриридаги атама) (Олдинги таҳририга қаранг)
Анча миқдордаги зарар	- базавий ҳисоблаш миқдорининг юз бараваридан уч юз бараваригача бўлган миқдордаги зарар.
(ЎзР 03.12.2019 й. ЎРҚ-586-сон Қ онуни таҳриридаги атама) (Олдинги таҳририга қаранг)
Бошқа ҳуқуқий таъсир чораси	- жазо ҳисобланмайдиган, лекин ушбу Кодексда назарда тутилган чора (вояга етмаган шахсларга нисбатан қўлланиладиган мажбурлов чоралари, тиббий йўсиндаги мажбурлов чоралари).
Валюта операциялари	- валюта қ имматликларига мулк ҳуқуқининг бировга ўтиши билан боғлиқ операциялар, шу жумладан, ташқи иқтисодий фаолиятни амалга оширишда чет эл валютасидан, шунингдек Ўзбекистон Республикаси пул бирлигидан тўлов воситаси сифатида фойдаланиш билан боғлиқ операциялар; валюта қ имматликларини чет элдан Ўзбекистон Республикасига келтириш ва жўнатиш, шунингдек уларни Ўзбекистон Республикасидан четга олиб чиқиш ва жўнатиш; халқаро миқёсда пул ўтказиш операциялари.
Валюта қимматликлари	- чет эл валютаси; чет эл валютасидаги қимматли қоғозлар - фонд бойликлари (акция, облигация ва бошқалар); чет эл валютаси билан тўланадиган тўлов ҳужжатлари (чеклар, векселлар, аккредитив ва бошқалар); ҳар қандай кўриниш ва ҳолатдаги қимматбаҳо металлар - олтин, кумуш, платина ва платина гуруҳига кирувчи металлар (палладий, иридий, радий, рутений ва осмий), шундай металлардан ясалган заргарлик ва бошқа рўзғор буюмлари ҳамда уларнинг резгилари бундан мустасно; хом ашё ёки ишлов берилган ҳолатдаги табиий қимматбаҳо тошлар - олмос, ёқут, зумрад, сапфир, александритлар, шунингдек марваридлар, шундай тошлар ҳамда уларнинг резгиларидан ясалган заргарлик ва бошқа рўзғор буюмлари бундан мустаснодир.
Гиёҳванд лик воситалари	- гиёҳвандлик воситалари - гиёҳвандлик воситалари рўйхатларига киритилган ва Ўзбекистон Республикасида назоратга олинадиган, келиб чиқиши синтетик ёки табиий моддалар, таркибида гиёҳвандлик моддаси мавжуд бўлган препаратлар ва ўсимликлар. (ЎзР 22.10.2018 й. ЎРҚ-503-сон Қ онуни таҳриридаги ҳуқуқий маъно) (Олдинги таҳририга қаранг)
Гиёҳвандлик воситаларининг аналоглари	- кимёвий тузилиши ва хоссаларига кўра гиёҳвандлик воситаларига ўхшаш бўлган, улар сингари руҳиятга фаол таъсир этадиган, келиб чиқиши синтетик ёки табиий моддалар.
(ЎзР 22.10.2018 й. ЎРҚ-503-сон Қ онунига мувофиқ киритилган атама)
Гиёҳвандлик воситалари, уларнинг аналоглари ёки психотроп моддалар билан қонунга хилоф равишда муомалада бўлишдаги кўп миқдор	- тегишли давлат органи томонидан белгиланади.
(ЎзР 25.08.2021 й. ЎРҚ-711-сон Қ онуни таҳриридаги атама) (Олдинги таҳририга қаранг)
Гиёҳванд лик воситаларидан, уларнинг аналогларидан ёки психотроп моддалардан қонунга хилоф равишда фойдаланишдаги озгинадан кўпроқ миқдор	- тегишли давлат органининг хулосасига мувофиқ белгиланади.
(ЎзР 22.10.2018 й. ЎРҚ-503-сон Қ онуни таҳриридаги атама) (Олдинги таҳририга қаранг)
Давлат сири	- ошкор этилиши республика ҳарбий-иқтисодий салоҳиятининг сифат ҳолатига салбий таъсир этиши ёки Ўзбекистон Республикасининг мудофаа қобилияти, давлат хавфсизлиги, иқтисодий ва сиёсий манфаатлари учун бошқа оғир оқибатлар келтириб чиқариши мумкин бўлган маълумотлар.
Давлат сирлари	- давлат томонидан қўриқланадиган ва махсус рўйхатлар билан чеклаб қўйилган ўта муҳим, мутлақ маҳфий ва маҳфий ҳарбий, сиёсий, иқтисодий, илмий-техникавий ва бошқа маълумотлардир. Ўзбекистон Республикасининг давлат сирлари: давлат, ҳ арбий ва хизмат сирига бўлинади.
Давлат иштирокидаги ташкилот	- 1) устав фондидаги (устав капиталидаги) давлат улуши миқдори эллик фоиздан ортиқ бўлган ёхуд устав фондидаги (устав капиталидаги) давлат улуши миқдори хўжалик жамиятининг бошқа ҳар бир акциядори (иштирокчиси) улушига нисбатан кўп бўлган тижорат ташкилоти; (ЎзР 22.10.2024 й. ЎРҚ-980-сон Қ онуни таҳриридаги банд) 2) тўлиқ ёки қисман давлат органи ёки давлат ташкилоти томонидан ташкил этилган ёки таъсис этилган нотижорат ташкилоти.
(ЎзР 20.08.2015 й. ЎРҚ-391-сон Қ онунига мувофиқ киритилган атама)
Жуда кўп зарар	- базавий ҳисоблаш миқдорининг беш юз баравари ва ундан ортиқ бўлган миқдордаги зарар.
(ЎзР 03.12.2019 й. ЎРҚ-586-сон Қ онуни таҳриридаги атама) (Олдинги таҳририга қаранг)
Жуда кўп миқдор	- базавий ҳисоблаш миқдорининг беш юз баравари ва ундан ортиқ бўлган миқдор.
(ЎзР 03.12.2019 й. ЎРҚ-586-сон Қ онуни таҳриридаги атама) (Олдинги таҳририга қаранг)
Зўравонликни ёки шафқатсизликни тарғиб қилувчи маҳсулот	- тарихий, илмий, бадиий қимматга ёки ўзга маданий қимматга эга бўлмаган, зўравонлик ёки шафқатсизлик содир этишга ундайдиган материаллар ва нарсалар.
(ЎзР 18.04.2018 й. ЎРҚ-476-сон Қ онуни таҳриридаги атама) (Олдинги таҳририга қаранг)
Катта экин майдони	- 1000 квадрат метр ва ундан ортиқ бўлган экин майдони.
Крипто-актив	-маълумотларнинг тақсимланган реестридаги рақамли ёзувлар йиғиндисини ифодалайдиган, қиймати ва эгасига эга бўлган мулкий ҳуқуқ.
(ЎзР 19.01.2024 й. ЎРҚ-899-сон Қ онунига мувофиқ киритилган атама)
Кўп бўлмаган зарар	- базавий ҳисоблаш миқдорининг ўттиз бараваридан юз бараваригача бўлган миқдордаги зарар.
(ЎзР 03.12.2019 й. ЎРҚ-586-сон Қ онуни таҳриридаги атама) (Олдинги таҳририга қаранг)
Кўп миқдор	- базавий ҳисоблаш миқдорининг уч юз бараваридан беш юз бараваригача бўлган миқдор.
(ЎзР 03.12.2019 й. ЎРҚ-586-сон Қ онуни таҳриридаги атама) (Олдинги таҳририга қаранг)
Кўп миқдордаги зарар	- базавий ҳисоблаш миқдорининг уч юз бараваридан беш юз бараваригача бўлган миқдордаги зарар.
(ЎзР 03.12.2019 й. ЎРҚ-586-сон Қ онуни таҳриридаги атама) (Олдинги таҳририга қаранг)
Кўпчилик учун хавфли усул	- ўт қўйиш, портлатиш, сув бостириш ва одамлар ҳалок бўлиши ёки кўп ми қ дорда зарар етказиш хавфини туғдирадиган бошқа усуллар.
Кучли таъсир қилувчи моддалар билан қонунга хилоф равишда муомалада бўлишдаги ёки таркибида кучли таъсир қилувчи моддалар мавжуд бўлган дори воситаларини рецепт бўйича чакана реализация қилиш тартибини бузишдаги кўп миқдор	- тегишли давлат органи томонидан белгиланади.
(ЎзР 25.08.2021 й. ЎРҚ-711-сон Қ онунига мувофиқ киритилган атама)
Мансабдор шахс	- доимий, вақтинча ёки махсус ваколат бўйича тайинланадиган ёки сайланадиган, ҳ окимият вакили вазифаларини бажарадиган ёхуд давлат органларида, фуқароларнинг ўзини ўзи бошқариш органларида, мулк шаклидан қатъи назар, корхоналарда, муассасаларда, ташкилотларда ташкилий-бошқарув, маъмурий-хўжалик вазифаларини амалга оширадиган ва юридик аҳамиятга эга ҳаракатларни содир этишга ваколат берилган шахс, худди шунингдек халқаро ташкилотда ёхуд чет давлатнинг қонун чиқарувчи, ижро этувчи, маъмурий ёки суд органида мазкур вазифаларни амалга оширувчи шахс.
(ЎзР 20.08.2015 й. ЎРҚ-391-сон Қ онуни таҳриридаги атама) (Олдинги таҳририга қаранг)
ЎзР 20.08.2015 й. ЎРҚ-391-сон Қ онунига мувофиқ "Масъул мансабдор шахс" деган атама чиқариб ташланган
Масъул мансабдор шахс:	1) ҳокимият вакиллари; 2) давлат корхонаси, муассасаси ёки ташкилотларида сайлаш ёки тайинлаш бўйича доимий ёхуд вақтинча ташкилий бошқарув ёхуд маъмурий-хўжалик вазифаларини бажариш билан боғлиқ лавозимларни эгаллаб турган ва юридик аҳамиятга эга ҳаракатларни содир этишга ваколат берилган шахслар; 3) мулкчиликнинг бошқа шаклларидаги корхоналар, муассасалар ва ташкилотларнинг раҳбарлари, давлат бошқаруви юзасидан белгиланган тартибда ҳокимият ваколати берилган жамоатчилик вакиллари; 4) иккинчи бандда назарда тутилган вазифаларни фуқароларнинг ўзини-ўзи бошқариш органларида бажариш билан боғлиқ мансабларни эгалловчи шахслар.
Майнинг	- ҳисоблаш операцияларини амалга ошириш орқали маълумотларнинг тақсимланган реестрини сақлаш, блокларни яратиш ва уларнинг яхлитлигини тасдиқлаш фаолияти
(ЎзР 19.01.2024 й. ЎРҚ-899-сон Қ онунига мувофиқ киритилган атама)
Одамлардан фойдаланиш	- бошқа шахсларнинг фоҳишалигидан фойдаланиш ёки улардан шаҳвоний фойдаланишнинг бошқа шакллари, мажбурий меҳнат ёки хизматлар, қуллик ёки қулликка ўхшаш одатлар, эрксиз ҳолат ёхуд инсон аъзолари ёки тўқималарини ажратиб олиш.
(ЎзР 16.09.2008 й. ЎРҚ-179-сон Қ онунига мувофиқ киритилган атама)
Олдиндан аён бўлиш	- қонунда баён этилган хулқ-атвор ва шарт-шароитларга муносабат ва бу муносабатнинг шахс улардан хабардорлигидан далолат бериши.
Олдиндан тил бириктириш	- жиноят иштирокчилари ўртасида жиноят содир этиш ёки жиноий фаолият билан шуғулланиш тўғрисида бундай ҳаракатларни амалга оширишдан аввал келишиб олиш.
Прекурсорлар	- прекурсорлар рўйхатига киритилган ва Ўзбекистон Республикасида назоратга олинадиган, гиёҳвандлик воситаларини, уларнинг аналогларини ва психотроп моддаларни тайёрлаш учун фойдаланиладиган моддалар. (ЎзР 22.10.2018 й. ЎРҚ-503-сон Қ онуни таҳриридаги ҳуқуқий маъно) (Олдинги таҳририга қаранг)
Порахўрлик	- пора олиш, пора бериш ёки бу жиноятларда воситачилик қилиш.
Порнографик маҳсулот	- порнографик асар, шунингдек бадиий қимматга эга бўлмаган ва илмий, тиббий ёки ўқув мақсадлари учун мўлжалланмаган, одам жинсий аъзоларининг ёки одам томонидан ҳақиқатда содир этилаётган ёки шунга ўхшатилган ёхуд компьютер технологиялари ёрдамида яратилган жинсий алоқанинг тавсифини ёки фото-, видео тасвирини ёки бошқа тасвирини ўз ичига олган материаллар ва нарсалар.
(ЎзР 25.12.2020 й. ЎРҚ-658-сон Қ онуни таҳриридаги атама) (Олдинги таҳририга қаранг)
Психотроп модда	- психотроп моддалар рўйхатига киритилган ва Ўзбекистон Республикасида назоратга олинадиган, келиб чиқиши синтетик ёки табиий моддалар. (ЎзР 22.10.2018 й. ЎРҚ-503-сон Қ онуни таҳриридаги ҳуқуқий маъно) (Олдинги таҳририга қаранг)
Радиоактив материаллар	- қурилмада ёки буюм таркибида ҳар қандай физик ҳолатда ёинки бошқа кўринишда турган ион нурлари тарқатувчи манбалар, радиоактив моддалар ёки ядро материаллари
(ЎзР 25.04.2016 й. ЎРҚ-405-сон Қ онунига мувофиқ киритилган атама)
Тамом бўлган жиноят	- муайян жиноят таркибининг барча зарур аломатларини ўз ичига оладиган ижтимоий хавфли қилмиш.
Тамом бўлмаган жиноят	- шахсга боғлиқ бўлмаган сабабларга кўра ёки жиноят қилишдан ихтиёрий равишда қайтиш туфайли охирига етказилмай қолган жиноят.
Фуқаролиги бўлмаган шахс	- бирон-бир давлатнинг фуқароси юридик мақомига эга бўлмаган жисмоний шахс.
ЎзР 30.08.2002 й. 405-II-сон Қ онунига мувофиқ қуйидаги атамалар чиқариб ташланган:
Харидор ёки буюртмачиларни алдашдаги анча миқдор	- энг кам ойлик иш ҳақининг бир бараваридан беш бараваригача бўлган миқдор.
Харидор ёки буюртмачиларни алдашдаги кўп миқдор	- энг кам иш ҳақининг беш баравари ва ундан ортиқ миқдор.
Харидор ва буюртмачиларни алдашдаги катта бўлмаган миқдор	- энг кам ойлик иш ҳақининг ўндан бир бараваридан бир бараваригача бўлган миқдор.
Хизмат сири	- ошкор қилиниши Ўзбекистон Республикаси манфаатларига зарар етказиши мумкин бўлган фан, техника, ишлаб чиқариш ва бошқарув соҳаларига доир маълумотлар.
Хўжалик юритувчи субъект	- мулк шаклидан қатъи назар, корхоналар ва тадбиркорлик фаолияти билан шуғулланувчи фуқаролар.
Чет эл валютаси:	1) тегишли чет эл давлатининг муомаласида бўлган ва қонуний тўлов воситаси ҳисобланган, шунингдек, муомаладан чиқарилган ёки чиқарилаётган, лекин Ўзбекистон Республикасининг пул белгиси билан алмаштирилиши лозим бўлган банкнот тарзидаги чет эл пул белгиси; 2) чет эл давлатларининг пул бирликларида ва халқаро ҳисоб-китоб бирликларидаги счётлар ва омонатлардаги маблағлар.
Чет эл фуқароси	- бирон бир чет эл давлат фуқаросининг юридик мақомига эга бўлган шахс.
Яқин қариндошлар	- қариндош ёки қуда томондан қариндош бўлган шахслар, яъни ота-она, туғишган ва ўгай ака-ука ва опа-сингиллар, эр-хотин, фарзанд, шу жумладан фарзандликка олинганлар, бобо, буви, неваралар, шунингдек эр-хотиннинг ота-онаси, туғишган ва ўгай ака-ука ва опа-сингиллари
(ЎзР 25.04.2016 й. ЎРҚ-405-сон Қ онуни таҳриридаги атама) (Олдинги таҳририга қаранг)
Ўзбекистон Республикаси фуқароси	- қонунга мувофиқ Ўзбекистон Республикаси фуқароси юридик мақомига эга бўлган шахс.
Ўртача катталикдаги экин майдони	- 250 квадрат метрдан 1000 квадрат метргача бўлган экин майдони.
Қилмиш	- ҳаракат ёки ҳаракатсизлик.
Қимор ва таваккалчиликка асосланган бошқа ўйин	- ўйин ташкилотчиси (ўйин муассасаси) томонидан бир ёки ундан ортиқ иштирокчилар билан тасодифга (воқеага) ва (ёки) ўйин иштирокчисининг қобилияти, эпчиллиги ва бошқа сифатларига боғлиқ ютуқ тўғрисида тузилган, таваккалчиликка асосланган битимга мувофиқ ўйин ташкилотчилари ва иштарокчиларининг хатти-ҳаракатлари мажмуини назарда тутувчи ўйин, шу жумладан тотализаторлар, казино, шунингдек ўйин автоматларидан фойдаланиладиган ўйин.
(ЎзР 14.09.2007 й. ЎРҚ-109-сон Қ онунига мувофиқ киритилган атама)
Ғаразгўйлик ниятлари	- содир қилинган жиноятдан моддий ёки бошқача мулкий йўсиндаги фойда олиш ёхуд моддий харажатлардан қутилишга интилишда ифодаланган ният.
Ҳаракат	- шахснинг ижтимоий хавфли, онгли ва фаол хулқ-атвори.
Ҳаракатсизлик	- шахснинг норматив ҳужжатларда бажариши шарт қилиб белгиланган муайян ҳаракатларни бажармасликда ифодаланган ижтимоий хавфли, онгли ва суст хулқ-атвори.
Ҳарбий жиноятлар	- ҳарбий хизматчилар, шунингдек ҳарбий машқни ўташ даврида ҳарбий хизматга мажбур шахслар томонидан ҳарбий хизматни ўташнинг белгиланган тартибига қарши қилинган жиноятлар.
Ҳарбий сир	- ошкор қилиниши Ўзбекистон Республикаси мудофаа қобилияти, давлат хавфсизлиги ва Қуролли Кучлари учун оғир оқибатлар келтириб чиқариши мумкин бўлган ҳарбий йўсиндаги маълумотлар.
Ҳокимият вакили	- давлатнинг бирон-бир ҳокимият органининг номидан иш кўриб, муайян вазифаларни доимий ёки вақтинча амалга оширувчи ва ўз ваколатлари доирасида кўпчилик ёхуд барча фуқаро ёки мансабдор шахслар учун мажбурий бўлган ҳаракатларни содир этиш ёки фармойишлар бериш ҳуқуқига эга бўлган шахс.
Ҳужжат	- ҳуқуқий аҳамиятга эга бўлган факт ва воқеаларни тасдиқловчи, лозим даражада тузилган ва зарурий реквизитлари (штамп, имзо, муҳр, сана, тартиб рақами) мавжуд бўлган ёзма ҳужжат.
Хизматчи	- давлат органида, тижорат, нотижорат ташкилотида меҳнат шартномаси ёки фуқаролик-ҳуқуқий шартнома асосида меҳнат фаолиятини амалга оширувчи, мансабдор шахс аломатларига эга бўлмаган шахс.
(ЎзР 20.08.2015 й. ЎРҚ-391-сон Қ онунига мувофиқ киритилган атама)
Тижорат мақсади	- жисмоний ёки юридик шахслар томонидан муайян фаолиятда фойда ёки даромад олишга қаратилган мақсад.
(ЎзР 13.03.2023 й. ЎРҚ-822-сон Қ онунига мувофиқ киритилган атама)

"Ўзбекистон Республикаси Олий Кенгашининг Ахборотномаси", 1995 йил, 1-сон, 3-модда

Время: 0.0199

ВСЕ ЗАКОНОДАТЕЛЬСТВО УЗБЕКИСТАНА

Ўзбекистон Республикасининг Жиноят кодекси (ЎзР 22.09.1994 й. 2012-XII-сон Қонуни билан тасдиқланган)

Наши контакты