Ўзбекистон Республикаси Олий Кенгашининг 03.07.1992 й. 647-XII-сон "Муқобил хизмат тўғрисида"ги Ўзбекистон Республикаси Қонунини амалга киритиш тартиби ҳақида"ги Қарори

Функция недоступна

ЎЗБЕКИСТОН РЕСПУБЛИКАСИ

ОЛИЙ КЕНГАШИНИНГ

ҚАРОРИ

03.07.1992 й.

N 647-XII

"МУҚОБИЛ ХИЗМАТ ТЎҒРИСИДА"ГИ ЎЗБЕКИСТОН

РЕСПУБЛИКАСИ ҚОНУНИНИ АМАЛГА КИРИТИШ

ТАРТИБИ ҲАҚИДА

Ўзбекистон Республикаси Олий Кенгаши ҚАРОР ҚИЛАДИ:

1. "Муқобил хизмат тўғрисида"ги Ўзбекистон Республикаси Қонуни эълон қилинган пайтдан бошлаб амалга киритилсин.

2. Ўзбекистон Республикаси Президенти ҳузуридаги Вазирлар Маҳкамаси:

- икки ойлик муддат ичида "Муқобил хизматни ташкил этиш ва уни ўташ тартиби тўғрисида"ги Низомни ишлаб чиқсин ва тасдиқласин;

- муқобил хизмат қўлланадиган вазирликлар, идоралар, соҳаларнинг рўйхати ҳамда улар бажарадиган ишларнинг турларини белгиласин;

- ҳукуматнинг қарорларини "Муқобил хизмат тўғрисида"ги Ўзбекистон Республикасининг Қонунига мувофиқ ҳолда келтирсин.

3. Қоракалпоғистон Республикаси Вазирлар Кенгаши, вилоятлар, Тошкент шаҳар ҳокимлари фуқаролар муқобил хизматни ўташ учун йўлланадиган корхоналар, муассасалар ва ташкилотларнинг рўйхатини тасдиқласинлар.

Ўзбекистон Республикаси

Олий Кенгашининг Раиси                                      Ш. Йўлдошев

(Ўзбекистон Республикаси Олий Кенгашининг Ахборотномаси, 1992 йил, № 11, 435-модда)