ВСЕ ЗАКОНОДАТЕЛЬСТВО УЗБЕКИСТАНА
ЎзР Конунчилиги / Хўжалик ва тадбиркорлик фаолиятининг умумий масалалари / Ўз кучини йўқотган ҳужжатлар / Лицензиялаш. Рухсат бериш тартиб-таомиллари /Ўзбекистон Республикаси Олий Кенгаши Раёсатининг 11.01.1993 й. 777-XII-сон "Ўзбекистон Республикаси Олий Кенгаши 1992 йил 14 январда қабул қилган "Корхоналар (ташкилотлар) фақат махсус рухсатномалар (лицензиялар) асосидагина шуғулланишга ҳақли бўлган фаолият турларининг рўйхати ҳақида"ги 516-XII-сонли қарорга қўшимчалар киритиш тўғрисида"ги Қарори
Полный текст документа доступен в платной версии. По вопросам звоните на короткий номер 1172
ЎЗБЕКИСТОН РЕСПУБЛИКАСИ
ОЛИЙ КЕНГАШИ РАЁСАТИНИНГ
ҚАРОРИ
11.01.1993 й.
N 777-XII
ЎЗБЕКИСТОН РЕСПУБЛИКАСИ ОЛИЙ КЕНГАШИ
1992 ЙИЛ 14 ЯНВАРДА ҚАБУЛ ҚИЛГАН "КОРХОНАЛАР
(ТАШКИЛОТЛАР) ФАҚАТ МАХСУС РУХСАТНОМАЛАР
(ЛИЦЕНЗИЯЛАР) АСОСИДАГИНА ШУҒУЛЛАНИШГА
ҲАҚЛИ БЎЛГАН ФАОЛИЯТ ТУРЛАРИНИНГ РЎЙХАТИ
ҲАҚИДА"ГИ 516-XII-СОНЛИ ҚАРОРГА ҚЎШИМЧАЛАР
КИРИТИШ ТЎҒРИСИДА
Ўзбекистон Республикаси Олий Кенгашининг Раёсати ҚАРОР ҚИЛАДИ:
1. "Корхоналар (ташкилотлар) фақат махсус рухсатномалар (лицензиялар) асосидагина шуғулланишга ҳақли бўлган фаолият турларининг рўйхати ҳақида"ги Ўзбекистон Республикаси Олий Кенгашининг Қарорига Ўзбекистон Республикаси Вазирлар Маҳкамасининг қўшимчалар киритиш тўғрисидаги таклифи қабул қилинсин.
2. Мулкчиликнинг барча шаклидаги корхоналар (ташкилотлар), шу жумладан, чет эл корхоналари ва қўшимча корхоналар фақат махсус рухсатнома (лицензия) асосидагина шуғулланишга ҳақли бўлган фаолият турларининг рўйхатида:
фуқаролар ва юридик шахсларга ҳуқуқий ёрдам кўрсатиш билан боғлиқ ишларни амалга ошириш;
бадиий ва хроникал-ҳужжатли, илмий-оммабоп, тасвирий, мультипликацион кино ва видео фильмлар ҳамда дастурлар яратиш;
кино ва видео дастурларни кўпайтириш, таржима қилиш, сотиш;
кино ва видео маҳсулотларни ижарага бериш, намойиш этиш ва кўрсатиш;
кино ва видеога олиш ҳамда шу фаолиятнинг бошқа турларини ташкил этиш юзасидан хизматлар кўрсатиш, шу жумладан, воситачилик хизматлари кўрсатиш ҳам назарда тутилсин.
3. Ушбу Қарор Ўзбекистон Республикаси Олий Кенгашининг навбатдаги сессияси тасдиғига киритилсин.
Ўзбекистон Республикаси
Олий Кенгашининг Раиси Ш. Йўлдошев
"Ўзбекистон Республикаси Олий Кенгаши Ахборотномаси" 1993 й., N 2, 124-модда