Ўзбекистон Республикаси Олий Кенгашининг 03.07.1992 й. 661а-XII-сон "Гувоҳлар, жабрланувчилар, экспертлар, мутаҳассислар, таржимонлар ва холисларнинг қилган харажатларини тўлаш тартиби ва миқдорлари тўғрисида"ги Ўзбекистон Республикасининг Қонунини амалга киритиш ҳақида"ги Қарори

Функция недоступна

ЎЗБЕКИСТОН РЕСПУБЛИКАСИ

ОЛИЙ КЕНГАШИНИНГ

ҚАРОРИ

03.07.1992 й.

N 661а-XII

"ГУВОҲЛАР, ЖАБРЛАНУВЧИЛАР,

ЭКСПЕРТЛАР, МУТАҲАССИСЛАР, ТАРЖИМОНЛАР

ВА  ХОЛИСЛАРНИНГ  ҚИЛГАН  ХАРАЖАТЛАРИНИ

ТЎЛАШ ТАРТИБИ ВА МИҚДОРЛАРИ ТЎҒРИСИДА"ГИ

ЎЗБЕКИСТОН РЕСПУБЛИКАСИНИНГ ҚОНУНИНИ

АМАЛГА КИРИТИШ ҲАҚИДА

Ўзбекистон Республикаси Олий Кенгаши ҚАРОР ҚИЛАДИ:

1. "Гувоҳлар, жабрланувчилар, экспертлар, мутахассислар, таржимонлар ва холисларнинг қилган харажатларини тўлаш тартиби ва миқдорлари тўғрисида"ги Ўзбекистон Республикасининг Қонуни 1992 йил 1 августдан кучга киритилсин.

2. Қуйидагилар ўз кучини йўқотган деб ҳисоблансин:

Ўзбекистон Республикаси Олий Кенгаши Раёсатининг "Гувоҳлар, жабрланувчилар, экспертлар, мутаҳассислар, таржимонлар ва холисларнинг қилган харажатларини тўлаш тартиби ва миқдорлари тўғрисида"ги 1963 йил 4 февралдаги Фармони (Ўзбекистон Республикаси Олий Кенгашининг Ахборотномаси, 1963 йил, N 4, 9-модда);

Ўзбекистон Республикаси Олий Кенгаши Раёсати 1967 йил 25 январда қабул қилган "Гувоҳлар, абрланувчилар, экспертлар, мутаҳассислар, таржимонлар ва холисларнинг қилган харажатларини тўлаш тартиби ва миқдорлари тўғрисида"ги Ўзбекистон Республикаси Олий Кенгашининг Раёсати Фармонига қўшимчалар киритиш тўғрисида"ги Фармон (Ўзбекистон Республикаси Олий Кенгашининг Ахборотномаси, 1967, N 1, 9-модда).

Ўзбекистон Республикаси

Олий Кенгашининг Раиси                                                    Ш. Йўлдошев