Ўзбекистон Республикасининг 26.12.2011 й. ЎРҚ-312-сон "Интеллектуал мулк тўғрисидаги қонун ҳужжатлари такомиллаштирилиши муносабати билан Ўзбекистон Республикасининг айрим қонунларига ўзгартиш ва қўшимчалар киритиш ҳақида"ги Қонуни (Қонунчилик палатаси томонидан 10.11.2011 й. қабул қилинган, Сенат томонидан 05.12.2011 й. маъқулланган)

Функция недоступна

ЎЗБЕКИСТОН РЕСПУБЛИКАСИНИНГ

ҚОНУНИ

26.12.2011 й.

N ЎРҚ-312

ИНТЕЛЛЕКТУАЛ МУЛК

ТЎҒРИСИДАГИ ҚОНУН ҲУЖЖАТЛАРИ

ТАКОМИЛЛАШТИРИЛИШИ МУНОСАБАТИ

БИЛАН ЎЗБЕКИСТОН РЕСПУБЛИКАСИНИНГ

АЙРИМ       ҚОНУНЛАРИГА       ЎЗГАРТИШ

ВА ҚЎШИМЧАЛАР КИРИТИШ ҲАҚИДА

Қонунчилик палатаси томонидан 2011 йил 10 ноябрда қабул қилинган

Сенат томонидан 2011 йил 5 декабрда маъқулланган

1-модда. Ўзбекистон Республикасининг 1994 йил 6 майда қабул қилинган "Электрон ҳисоблаш машиналари учун яратилган дастурлар ва маълумотлар базаларининг ҳуқуқий ҳимояси тўғрисида"ги 1060-ХII-сонли Қонунига (Ўзбекистон Республикаси Олий Кенгашининг Ахборотномаси, 1994 йил, N 5, 136-модда; Ўзбекистон Республикаси Олий Мажлисининг Ахборотномаси, 2002 йил, N 4-5, 74-модда, N 9, 165-модда) қуйидаги ўзгартишлар киритилсин:

1) 9-модданинг:

биринчи қисми иккинчи жумласи қуйидаги таҳрирда баён этилсин:

"Ҳуқуқ эгаси ЭҲМ учун яратилган дастурни ёки маълумотлар базасини бевосита ёхуд ўз вакили орқали Дастурий маҳсулотлар давлат реестрида ёки Маълумотлар базалари давлат реестрида Ўзбекистон Республикасининг Интеллектуал мулк агентлигига (бундан буён матнда Агентлик деб юритилади) талабнома бериш орқали рўйхатдан ўтказиши мумкин";

иккинчи - олтинчи қисмларидаги "Патент идораси", "Патент идораси томонидан", "Патент идорасида" деган сўзлар тегишинча "Агентлик", "Агентлик томонидан", "Агентликда" деган сўзлар билан алмаштирилсин;

олтинчи қисми биринчи жумласи чиқариб ташлансин;