Ўзбекистон Республикаси Вазирлар Маҳкамасининг 26.02.1998 й. 82-сон "Вазирлар Маҳкамасининг "Вилоятлар ва Тошкент шаҳар ҳокимликлари аппарати тузилмасини такомиллаштириш тўғрисида" 1997 йил 17 июндаги 301-сон қарорига ўзгартиришлар киритиш тўғрисида"ги Қарори

Функция недоступна

ЎЗБЕКИСТОН РЕСПУБЛИКАСИ

ВАЗИРЛАР МАҲКАМАСИНИНГ

ҚАРОРИ

26.02.1998 й.

N 82

ВАЗИРЛАР МАҲКАМАСИНИНГ

"ВИЛОЯТЛАР ВА ТОШКЕНТ ШАҲАР

ҲОКИМЛИКЛАРИ АППАРАТИ ТУЗИЛМАСИНИ

ТАКОМИЛЛАШТИРИШ ТЎҒРИСИДА" 1997 ЙИЛ 17

ИЮНДАГИ 301-СОН ҚАРОРИГА ЎЗГАРТИРИШЛАР

КИРИТИШ ТЎҒРИСИДА

Вазирлар Маҳкамасининг "Академик лицейлар ва касб-ҳунар коллежларини ташкил этиш ва уларнинг фаолиятини бошқариш тўғрисида" 1998 йил 24 февралдаги 77-сон қарорига мувофиқ Вазирлар Маҳкамаси ҚАРОР ҚИЛАДИ:

1. Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари аппарати тузилмасида Қорақалпоғистон Республикаси Халқ таълими вазирлиги, вилоятлар ва Тошкент шаҳар халқ таълими бошқармаларининг тугатиладиган ҳунар-техника таълими бўлимлари ва методик кабинетлари штатлари ҳисобига ўрта махсус, касб-ҳунар таълими бошқармалари 1-4-иловаларга* мувофиқ ташкил этилсин.

2. Белгилаб қўйилсинки:

Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари аппаратидаги ўрта махсус, касб-ҳунар таълими бошқармаларига Қорақалпоғистон Республикаси Вазирлар Кенгашининг раиси, вилоятлар ва Тошкент шаҳар ҳокимлари шахсан раҳбарлик қиладилар;

Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари ўрта махсус, касб-ҳунар таълими бошқармаларининг бошлиқлари Ўзбекистон Республикаси Олий ва ўрта махсус таълим вазирлигининг Ўрта махсус, касб-ҳунар таълим маркази билан келишилган ҳолда Қорақалпоғистон Республикаси Вазирлар Кенгаши ва тегишли ҳокимлар томонидан тайинланадилар.

Вазирлар Маҳкамасининг Раиси                                     И. Каримов

*) Иловалар рус тилидаги матнда берилган.