язык интерфейса

ЎзР Конунчилиги

ЎзР Конунчилиги/ Иқтисодиётнинг айрим соҳалари/ Савдо. Умумий овқатланиш. Маиший хизмат кўрсатиш/ Бозорларда савдо қилиш/ Ўзбекистон Республикаси Вазирлар Маҳкамасининг 04.09.1998 й. 378-сон "Бозорларда сифатсиз озиқ-овқат товарлари сотилишини бартараф этиш чора-тадбирлари тўғрисида"ги Қарори

Полный текст документа доступен в платной версии. По вопросам звоните на короткий номер 1172

ЎЗБЕКИСТОН РЕСПУБЛИКАСИ

ВАЗИРЛАР МАҲКАМАСИНИНГ

ҚАРОРИ

04.09.1998 й.

N 378



БОЗОРЛАРДА СИФАТСИЗ ОЗИҚ-ОВҚАТ

ТОВАРЛАРИ СОТИЛИШИНИ БАРТАРАФ

ЭТИШ ЧОРА-ТАДБИРЛАРИ ТЎFРИСИДА


Истеъмолчилар ҳукуқлари ҳимоя қилинишини таъминлаш, сертификатланмаган, сақлаш муддати ўтиб кетган, истеъмол қилиш учун яроқсиз бўлган озиқ-овкат маҳсулотлари сотилишининг олдини олиш, аҳоли саломатлигига зарар етказилишига йўл қўймаслик, шунингдек озиқ-овқат товарлари савдосини ташкил этишда тартиб ўрнатиш юзасидан қўшимча чора-тадбирлар кўриш мақсадида Вазирлар Маҳкамаси ҚАРОР ҚИЛАДИ:


1. Белгилаб қўйилсинки, 1998 йил 10 сентябрдан бошлаб, мулкчилик шаклларидан қатъи назар, юридик ва жисмоний шахслар томонидан ун, қанд-шакар, мол ёғи, маргарин, қуруқ сут, болалар озиқ-овқати, чой, макарон ва қандолатчилик маҳсулотлари, гўшт, балиқ ва мева-сабзавот консервалари, пишлоқ, колбаса маҳсулотлари, алкоголсиз ичимликлар билан чакана савдо қилиш зарур асбоб-ускуналар билан жиҳозланган, мувофиқлик ва сифат сертификатлари, тайёрланган санаси ва яроклилик муддатлари, нархномалар, товарларни сақлаш ва сотиш учун санитария шарт-шароитлари, амалдаги қонун ҳужжатларида белгиланган бошқа талаблар мавжуд бўлишини назарда тутувчи савдо қойдаларйга албатта риоя қилинган ҳолда фақат турғун савдо корхоналари орқали амалга оширилади.

Бунда аҳолига ўсимлик ёғи, алкоголь ва тамаки маҳсулотларини сотиш фақат юридик шахс шаклидаги чакана савдо ташкилотлари томонидан назорат-касса аппаратлари ва тўловларни банк пластик карточкаларидан қабул қилиш терминаллари билан жиҳозланган турғун савдо шохобчалари орқали амалга оширилади.

2. Мазкур қарорнинг 1-банди бажарилишини таъминлаш учун жавобгарлик Ўзбекистон Республикаси Давлат солиқ қўмитасига ва Ички ишлар вазирлигига, Қорақалпоғистон Республикаси Вазирлар Кенгашига, вилоятлар, шаҳарлар ва туманлар ҳокимликларига юклансин. Ушбу қарорнинг 1-банди бажарилиши тўғрисида 1998 йил 1 ноябрда маълумот берилсин.

Мазкур қарорнинг 1-бандида кўрсатиб ўтилган шартларга риоя қилинмаганда, шунингдек, товарлар савдо қоидалари бузилган ҳолда сотилганда, ушбу товарлар савдоси тўхтатилади, унинг сотувчиларига нисбатан амалдаги қонунларга мувофиқ қаттиқ маъмурий жавобгарлик, қонунчиликда белгиланган тартибда товарни олиб қўйиб кейинчалик уни мусодара қилишгача бўлган жазо чоралари қўлланилади.


3. Ўзбекистон Республикаси Вазирлар Маҳкамасининг "Озиқ-овқат маҳсулотларининг айрим турларини сотишни тартибга солиш юзасидан қўшимча чора-тадбирлар тўғрисида" 1997 йил 29 июлдаги 373-сон қарорининг 1-банди ўз кучини йўқотган деб ҳисоблансин.


4. Мазкур қарорнинг бажарилишини назорат қилиш Бош вазирнинг ўринбосари М.3. Усмонов, Қорақалпоғистон Республикаси Вазирлар Кенгаши раиси, вилоятлар ва Тошкент шаҳар ҳокимлари зиммасига юклансин.



Вазирлар Маҳкамасининг Раиси                                                   И. Каримов



"Ўзбекистон Республикаси Ҳукумати қарорлари тўплами", 1998 й., N 9, 32-модда.