Нодавлат нотижорат ташкилотлари ўз мулкида ёки бирон-бир асосда мол-мулкка эга бўлган ва ўз мажбуриятлари юзасидан жавоб берадиган бошқа ташкилотлар каби қонун ҳужжатларида белгиланган тартибда ҳисоб-китоб юритади. Бошқача айтганда, юридик шахс сифатида ННТ ўз ташкилий-ҳуқуқий мақомининг хусусиятларини инобатга олган ҳолда, бошқа юридик шахслар сингари умумий тарзда ҳисоб-китоб ҳужжатларини юритиши керак.
Нодавлат нотижорат ташкилотларига ҳисобот нима учун керак?
Бир тарафдан, тўғри ҳисоб-китоб ҳужжатларининг юритилиши ташкилотчилик маданиятининг муҳим элементи ҳисобланади. Ҳисобот ННТ фаолиятини тавсифлаш ва ўз-ўзини таҳлил қилиш воситасидир. Ҳисоботда турли тарқоқ маълумотлар умумлаштирилади, бу эса тўпланган далиллар асосида амалга оширилган ишларни таҳлил этиш, ишнинг кучли ва кучсиз томонларини кўриш, ривож топишнинг янги йўналишларини белгилаб олиш имконини беради.
Бошқа тарафдан, ҳисобот (йил чорагига оид, йиллик) ташкилотни мижозлар, шериклар ва фуқаролик жамиятининг турли институтлари учун очиқ ва тушунарли қилади. Кўпинча, ҳисобот ННТ фаолияти ҳақида тақдимот материали вазифасини ўтайди, бироқ буклетдан фарқли ўлароқ, у ташкилотнинг жорий ишлари аҳволини тўлиқроқ очиб беради, бу эса айниқса, эҳтимолдаги шериклар ва донорлар учун ўта муҳимдир. Агар нодавлат нотижорат ташкилоти ўз ҳисоботларини жамоатчилик эътиборига мунтазам равишда тақдим этса, бу унинг барқарор ва ишончли эканлиги кўрсаткичларидан бири ҳисобланади ҳамда замонавий ва жамият учун очиқ-ошкор ташкилот мавқеини яратади, бу эса унинг лойиҳа ва хизматларининг янада ривожланишига хизмат қилади.
ННТ тўғрисидаги Қонуннинг 8-моддасига кўра, нодавлат нотижорат ташкилоти рўйхатдан ўтказувчи, солиқ ва статистика органларига ўз фаолияти ҳақида ҳисобот тақдим этиши шарт. “Бухгалтерия ҳисоби тўғ
78-150-11-72 
info@norma.uz
Мобильная версия сайта