Сигурдур А. Сигурйонсон (Sigurdur A. Sigurjonsson) Исландияга қарши

Функция недоступна

СИГУРДУР А. СИГУРЙОНСОН

(SIGURDUR A. SIGURJONSSON)

ИСЛАНДИЯГА ҚАРШИ

1989 йил 22 декабрдаги 16130/90-сонли ариза

1993 йил 30 июндаги қарор

ИШ ҲОЛАТЛАРИНИНГ ҚИСҚАЧА БАЁНИ

А. Асосий фактлар

Жаноб Сигурдур А. Сигурйонсон 1984 йил 24 октябрда ўз автомобилидан такси сифатида фойдаланиш учун лицензия олган. Шу вақтга келиб арз қилувчи Транспорт вазирлиги (бундан буён "Вазирлик" деб юритилади) йўриқномасида акс этган, шу жумладан "Фрами" автомобиль уюшмаси (бундан буён "Фрами" деб юритилади) аъзо бўлиш мажбуриятини юкловчи шартларни бажарган. Унинг лицензияси 1986 йил июлида "Фрами" талаби билан, гарчи арз қилувчи "Фрами"ни бундан буён уюшма аъзоси бўлмаслиги ҳақида хабардор қилган бўлса ҳам, чақириб олинган, аъзолик бадаллари тўланмаганлиги бунинг асосий сабаби эди. Лицензиянинг чақириб олиниши устидан шикоят қилиш уринишлари муваффақиятли бўлмаган. Шу муносабат билан арз қилувчи Инсон ҳуқуқлари бўйича Европа судига уюшиш эркинлиги бузилиши устидан шикоят билан мурожаат қилган.

B. Суднинг қарори

Европа суди эътироф этадики, ташкилотга мажбурий аъзолик Инсон ҳуқуқлари ва эркинликларини ҳимоя қилиш тўғрисидаги Европа конвенцияси (ИҲЕК) 11-моддаси кафолатлаган уюшиш эркинлиги ҳуқуқини бузади. Хусусан, Суд хусусан билдирдики, ИҲЕК жамиятнинг янги эҳтиёжларига мувофиқ бўлиши зарур бўлган "ҳаётий" халқаро-ҳуқуқий восита ҳисобланади, бинобарин, ИҲЕКнинг 11-моддаси қоидаларига "салбий" маънода ҳам, яъни ташкилотга кирмаслик ва ундан эркин чиқиш ҳуқуқини кафолатловчи қоидалар сифатида қараш мумкин. Шу сабабли ҳамда уюшмага мажбурий аъзолик тарзидаги чеклаш кўзланган қонуний мақсадларга номутаносиблиги асосида Суд қарор қилдики, ИҲЕКнинг 11-моддаси маъносида уюшиш эркинлиги ҳуқуқи бузилган.

СУД ҚАРОРИДАН КЎЧИРМА (25)

С. Аъзолик бўйича мажбуриятлар

24. 1989 йилдаги Қонуннинг 5-моддаси белгилайдики, жамоат фойдаланишидаги транспорт воситалари сонини чеклаш қўлланадиган касаба уюшмаси ҳудуди доирасида бир тоифадаги транспорт воситалари ҳайдовчилари айнан бир касаба уюшмаси аъзолари бўлиши керак. Агар такси операторлари касаба уюшмаси