2012 йилнинг июль ойи учун жисмоний шахслар даромадидан олинадиган солиқ ҳисоб-китоби

Функция недоступна

БУХГАЛТЕР ЁРДАМИГА

"СБХ" ва АҚТ "Норма"

мутахассислик гурухи

Рус тилидаги матнига қаранг

2012 ЙИЛНИНГ ИЮЛЬ ОЙИ УЧУН

ЖИСМОНИЙ ШАХСЛАР ДАРОМАДИДАН

ОЛИНАДИГАН СОЛИҚ ҲИСОБ-КИТОБИ

Январь-июль ойлари учун энг кам иш ҳақи (ЭКИҲ) )* миқдори 440 440 сўмни (62 920 + 62 920 + 62 920 + 62 920 + 62 920 + 62 920 + 62 920) ташкил этади.

1-ВАЗИЯТ. Бир ойда олган даромадлари ЭКИҲнинг 5 бараваридан ошмайдиган жисмоний шахслардан олинадиган даромад солиғи ҳисоб-китоби

Ходимнинг ҳар ойлик иш ҳақи миқдори 260 000 сўм бўлганда, январь-июль ойлари учун унинг жами даромади 1 820 000 сўмга (260 000 + 260 000 + 260 000 + 260 000 + 260 000 + 260 000 + 260 000) тенг. Унга солиқ қуйидаги тартибда ҳисоблаб ёзилади.

Солиқ ставкалари шкаласидан кўриниб турганидек, жисмоний шахснинг иш ҳақи тарзидаги 2 202 200 сўмгача бўлган даромадига 9%лик ставка бўйича солиқ солинади. Тегишинча, январь-июль ойлари учун солиқ суммаси:

1 820 000 х 9% = 163 800 сўмга тенг.

Январь-июнь ойларида 140 400 сўм солиқ ушлаб қолинганлиги боис, июль ойида солиқ 23 400 сўмни (163 800 - 140 400) ташкил этади.

Январь-июль ойлари учун ҳисоблаб ёзилган иш ҳақининг 1 фоизи миқдоридаги шахсий жамғариб бориладиган пенсия ҳисобварағига (ШЖБПҲга) мажбурий бадаллар суммаси***:

1 820 000 х 1% = 18 200 сўмга тенг.

Январь-июнь ойларида ШЖБПҲга 15 600 сўм бадал ўтказилган, тегишинча, июль ойи учун ажратмалар 2 600 сўмни (18 200 - 15 600) ташкил этади. ШЖБПҲга мажбурий бадаллар қонунчиликка мувофиқ ҳисоблаб ёзилган жисмоний шахслардан олинадиган даромад солиғи (ЖШДС)дан чегирилади****. Июль ойи учун бюджетга:

23 400 - 2 600 = 20 800 сўм солиқ ўтказилади.

Мажбурий суғурта бадаллари ходимнинг июль ойидаги иш ҳақининг бутун суммаси - 260 000 сўмдан ажратилади. Уларнинг суммаси:

260 000 х 5,5% = 14 300 сўмни ташкил этади*****.

Солиқлар ва мажбурий ажратмалар ушланганидан кейин ходимга:

260 000 - 23 400 - 14 300 = 222 300 сўм тўланади.

2-ВАЗИЯТ. Бир ойдаги даромадлар 10 ЭКИҲдан кам бўлганда солиқ ҳисоб-китоби

Жисмоний шахснинг ҳар ойлик иш ҳақи миқдори 380 000 сўм бўлганда, унинг январь-июль ойларидаги жами даромади 2 660 000 сўмга (380 000 + 380 000 + 380