2011 йилнинг август ойи учун жисмоний шахслар даромадидан олинадиган солиқ ҳисоб-китоби

Функция недоступна

БУХГАЛТЕР ЁРДАМИГА

"СБХ" ва АҚТ "Норма"

мутахассислик гурухи

Рус тилидаги матнига қаранг

2011 ЙИЛНИНГ АВГУСТ ОЙИ УЧУН

ЖИСМОНИЙ ШАХСЛАР ДАРОМАДИДАН

ОЛИНАДИГАН СОЛИҚ ҲИСОБ-КИТОБИ

Январь-август ойлари учун энг кам иш ҳақи (ЭКИҲ)* миқдори 405 345 сўмни (49 735 + 49 735 + 49 735 + 49 735 + 49 735 + 49 735 + 49 735 + 57 200) ташкил этади.

1-ВАЗИЯТ. Бир ойда олган даромадлари ЭКИҲнинг 5 бараваридан кам бўлган жисмоний шахслардан олинадиган даромад солиғи ҳисоб-китоби.

Жисмоний шахснинг январь-июль ойларидаги ойлик меҳнат ҳақи миқдори 200 000 сўмни, август ойида эса 230 000 сўмни ташкил қилди. Унинг январь-август ойларидаги 1 630 000 сўмлик (200 000 + 200 000 + 200 000 + 200 000 + 200 000 + 200 000 + 200 000 + 230 000) даромади 2 026 725 сўмдан ошмайди ва унга 10%лик ставка бўйича солиқ солинади. Тегишинча, январь-август ойлари учун солиқ суммаси:

1 630 000 х 10% = 163 000 сўмга тенг.

Январь-июль ойларида 140 000 сўм солиқ ушлаб қолинганлиги боис, август ойида унинг суммаси 23 000 сўмни (163 000 - 140 000) ташкил этади.

Январь-август ойлари учун ҳисоблаб ёзилган иш ҳақининг 1 фоизи миқдоридаги шахсий жамғариб бориладиган пенсия ҳисобварағига (ШЖБПҲга) мажбурий бадаллар суммаси***:

1 630 000 х 1% = 16 300 сўмга тенг.

Фуқароларнинг ШЖБПҲга мажбурий бадаллари ҳисоблаб ёзилган жисмоний шахслардан олинадиган даромад солиғидан чегирилади****. Январь-июль ойларида ШЖБПҲга 14 000 сўм мажбурий бадаллар ўтказилган, бинобарин, август ойи учун бадаллар 2 300 сўмни (16 300 - 14 000) ташкил этади. Август ойи учун бюджетга:

23 000 - 2 300 = 20 700 сўм солиқ ўтказилади.

Мажбурий суғурта бадаллари ходимнинг август ойидаги иш ҳақининг бутун суммаси - 230 000 сўмдан ундирилади:

230 000 х 4,5% = 10 350 сўм*****.

Солиқлар ва мажбурий ажратмалар ушланганидан кейин жисмоний шахсга тўланадиган даромад:

230 000 - 23 000 - 10 350 = 196 650 сўмни ташкил этади.

2-ВАЗИЯТ. Бир ойда олган даромадлари ЭКИҲнинг 10 бараваридан кам бўлган жисмоний шахслардан олинадиган даромад солиғи ҳисоб-китоби.

Жисмоний шахснинг январь-июль ойларидаги ойлик меҳнат ҳақи миқдори 300 000 сўмни, август ойида - 345 000 сўмни ташкил қилди. Йил бошидан жами даромад 2 445 000 сўмга (300 000 + 300 000 + 300 000 + 300 000 + 300 000 + 300 000 + 300 000 + 345 000) тенг.

16%лик ставка бўйича солиқ солинадиган жисмоний шахснинг меҳнатга ҳақ тўлаш тарзидаги даромади суммасини ҳисоблаб чиқариб, солиқни ҳисоблаб ёзиш керак:

(2 445 000 - 2 026 725) х 16% = 418 275 х 16% = 66 924 сўм.