2011 йилнинг март ойи учун жисмоний шахслар даромадидан олинадиган солиқ ҳисоб-китоби

Функция недоступна

БУХГАЛТЕР ЁРДАМИГА

"СБХ" ва АҚТ "Норма"

мутахассислик гурухи

Рус тилидаги матнига қаранг

2011 ЙИЛНИНГ МАРТ ОЙИ УЧУН

ЖИСМОНИЙ ШАХСЛАР ДАРОМАДИДАН

ОЛИНАДИГАН СОЛИҚ ҲИСОБ-КИТОБИ

Январь-март ойлари учун энг кам иш ҳақи (ЭКИҲ)* миқдори 149 205 сўмни (49 735 + 49 735 + 49 735) ташкил этади.

1-ВАЗИЯТ. Бир ойда олган даромадлари ЭКИҲнинг беш бараваридан кам бўлган жисмоний шахслардан олинадиган даромад солиғи ҳисоб-китоби.

Январь-март ойларида ходимнинг ҳар ойлик меҳнат ҳақи миқдори 200 000 сўм бўлганда, мазкур давр учун унинг жами даромади 600 000 сўмга тенг (200 000 + 200 000 + 200 000). Унга солиқ қуйидаги тартибда ҳисоблаб ёзилади.

Юқорида келтирилган жадвалдан кўриниб турганидек, жисмоний шахснинг меҳнат ҳақи тарзидаги 746 025 сўмгача бўлган даромадига 10%лик ставка бўйича солиқ солинади. Тегишинча, январь-март ойлари учун солиқ суммаси:

600 000 х 10% = 60 000 сўмга тенг.

Январь-февраль ойларидаги даромадлардан 40 000 сўм солиқ ушлаб қолинганлиги боис, мартда у 20 000 сўмни ташкил этади (60 000 - 40 000).

Январь-март ойлари учун ҳисоблаб ёзилган иш ҳақининг 1 фоизи миқдоридаги шахсий жамғариб бориладиган пенсия ҳисобварағига (ШЖБПҲга) мажбурий бадаллар суммаси***:

600 000 х 1% = 6 000 сўмга тенг.

ШЖБПҲга мажбурий бадаллар жисмоний шахслардан олинадиган даромад солиғидан чегирилади****. Январь-февраль ойларида ШЖБПҲга 4 000 сўм мажбурий бадаллар ўтказилган. Бинобарин, март ойи учун бадаллар 2 000 сўмни ташкил этади (6 000 - 4 000). Март ойи учун бюджетга:

20 000 - 2 000 = 18 000 сўм солиқ ўтказилади.

Мажбурий суғурта бадаллари ходимнинг март ойидаги иш ҳақининг бутун суммаси - 200 000 сўмдан ундирилади:

200 000 х 4,5% = 9 000 сўм*****.

Солиқлар ва мажбурий ажратмалар ушланганидан кейин жисмоний шахсга тўланадиган даромад:

200 000 - 20 000 - 9 000 = 171 000 сўмни ташкил этади.

2-ВАЗИЯТ. Бир ойда олган даромадлари ЭКИҲнинг ўн бараваридан кам бўлган жисмоний шахслардан олинадиган даромад солиғи ҳисоб-китоби.

Ходимнинг ойлик меҳнат ҳақи миқдори 300 000 сўмни ташкил этган бўлса, унинг январь-март ойларидаги даромади 900 000 сўмга тенг бўлади (300 000 + 300 000 + 300 000). Унга солиқ қуйидаги тартибда ҳисоблаб ёзилади.

16%лик ставка бўйича солиқ солинадиган жисмоний шахснинг меҳнат ҳақи тарзидаги даромади суммасини ҳисоблаб чиқариб, солиқни ҳисоблаб ёзиш керак:

(900 000 - 746 025) х 16% = 153 975 х 16% = 24 636 сўм.

Солиқ ставкалари жадвалидан кўриниб турганидек, бир ойда ЭКИҲнинг 5 баравари миқдоригача даромаддан солиқ миқдори 74 602,5 сўмни ташкил этади.