2011 йилнинг февраль ойи учун жисмоний шахслар даромадидан олинадиган солиқ ҳисоб-китоби

Функция недоступна

БУХГАЛТЕР ЁРДАМИГА

"СБХ" ва АҚТ "Норма"

мутахассислик гурухи

Рус тилидаги матнига қаранг

2011 ЙИЛНИНГ ФЕВРАЛЬ ОЙИ УЧУН

ЖИСМОНИЙ ШАХСЛАР ДАРОМАДИДАН

ОЛИНАДИГАН СОЛИҚ ҲИСОБ-КИТОБИ

Январь-февраль ойлари учун энг кам иш ҳақи (ЭКИҲ)* миқдори 99 470 сўмни (49 735 + 49 735) ташкил этади.

1-ВАЗИЯТ. Бир ойда олган даромадлари ЭКИҲнинг беш бараваридан кам бўлган жисмоний шахслардан олинадиган даромад солиғи ҳисоб-китоби.

Январь-февраль ойларида ходимнинг ҳар ойлик меҳнат ҳақи миқдори 200 000 сўм бўлганда, январь-февраль ойлари учун жами даромад 400 000 сўмга тенг (200 000 + 200 000). Унга солиқ қуйидаги тартибда ҳисоблаб ёзилади.

Юқорида келтирилган жадвалдан кўриниб турганидек, жисмоний шахснинг меҳнат ҳақи тарзидаги 497 350 сўмгача бўлган даромадига 10%лик ставка бўйича солиқ солинади. Тегишинча, январь-февраль ойлари учун солиқ суммаси:

400 000 х 10% = 40 000 сўмга тенг.

Январда 20 000 сўм солиқ ушлаб қолинганлиги боис, февралда у 20 000 сўмни ташкил этади (40 000 - 20 000).

Январь-февраль ойлари учун ҳисоблаб ёзилган иш ҳақининг 1 %и миқдоридаги шахсий жамғариб бориладиган пенсия ҳисобварағига (ШЖБПҲга) мажбурий бадаллар суммаси***:

400 000 х 1% = 4 000 сўмга тенг.

Фуқаролар ШЖБПҲга мажбурий бадаллар қонунчиликка мувофиқ ҳисоблаб ёзилган жисмоний шахслардан олинадиган даромад солиғидан чегирилади****. Январь ойида ШЖБПҲга 2 000 сўм мажбурий бадаллар ўтказилган, тегишинча, февраль ойи учун бадаллар 2 000 сўмни ташкил этади (4 000 - 2 000). Февраль ойи учун бюджетга:

20 000 - 2 000 = 18 000 сўм солиқ ўтказилади.

Мажбурий суғурта бадаллари ажратмаси ходимнинг февраль ойидаги иш ҳақининг бутун суммаси - 200 000 сўмдан ундирилади. У 200 000 х 4,5% = 9 000 сўмни ташкил этади*****.

Солиқлар ва мажбурий ажратмалар ушланганидан кейин жисмоний шахсга:

200 000 - 20 000 - 9 000 = 171 000 сўм тўланади.

2-ВАЗИЯТ. Бир ойда олган даромадлари ЭКИҲнинг ўн бараваридан кам бўлган жисмоний шахслардан олинадиган даромад солиғи ҳисоб-китоби.

Жисмоний шахснинг ойлик меҳнат ҳақи миқдори 300 000 сўмни ташкил этди, унинг январь-февралдаги жами даромади 600 000 сўмга тенг (300 000 + 300 000). Унга солиқ қуйидаги тартибда ҳисоблаб ёзилади.

16%лик ставка бўйича солиқ солинадиган жисмоний шахснинг меҳнат ҳақи тарзидаги даромади суммасини ҳисоблаб чиқариб, солиқни ҳисоблаб ёзиш керак:

(600 000 - 497 350) х 16% = 102 650 х 16% = 16 424 сўм.

Солиқ ставкалари