2010 йилнинг май ойи учун жисмоний шахслар даромадидан олинадиган солиқ ҳисоб-китоби

Функция недоступна

БУХГАЛТЕР ЁРДАМИГА

"СБХ" ва АҲТ "Норма"

мутахассислик гурухи

Рус тилидаги матнига қаранг

2010 ЙИЛНИНГ МАЙ ОЙИ УЧУН

ЖИСМОНИЙ ШАХСЛАР ДАРОМАДИДАН

ОЛИНАДИГАН СОЛИҚ ҲИСОБ-КИТОБИ

Январь-май ойлари учун энг кам иш ҳақи (ЭКИҲ)* миқдори 188 400 (37 680 + 37 680 + 37 680 + 37 680 + 37 680) сўмга тенг.

1-ВАЗИЯТ. Бир ойда олган даромадлари ЭКИҲнинг олти бараваридан кам бўлган жисмоний шахслардан олинадиган даромад солиғи ҳисоб-китоби.

Жисмоний шахснинг май ойидаги иш ҳақи миқдори 200 000 сўм, январь-май ойлари учун жами даромади эса 1 000 000 сўм (200 000 + 200 000 + 200 000 + 200 000 + 200 000) бўлганда, солиқ қуйидаги тартибда ҳисоблаб ёзилади.

Юқорида келтирилган жадвалдан кўриниб турганидек, жисмоний шахснинг меҳнатга ҳақ тўлаш тарзидаги 1 130 400 сўмгача даромадига 11%лик ставка бўйича солиқ солинади. Тегишинча, январь-май ойлари учун солиқ суммаси:

1 000 000 х 11% = 110 000 сўмни ташкил этади.

Январь-апрель ойларида 88 000 сўм солиқ ушланганлиги сабабли, май ойи учун солиқ суммаси 22 000 сўмни (110 000 - 88 000) ташкил этади.

Январь-май ойлари учун иш ҳақининг 1 фоизи*** миқдоридаги шахсий жамғариб бориладиган пенсия ҳисобварағига (ШЖБПҲга) мажбурий ушланмалар суммаси:

1 000 000 х 1% = 10 000 сўмни ташкил этади.

Фуқароларнинг ШЖБПҲга мажбурий бадаллари, қонун ҳужжатларига мувофиқ, ходимга ҳисобланган жисмоний шахслардан олинадиган даромад солиғидан чегирилади****. Январь-апрель ойларида ШЖБПҲга 8 000 сўм миқдорида мажбурий бадаллар ушланганлиги боис, май ойи учун ажратма миқдори 2 000 сўмни (10 000 - 8 000) ташкил этади. Май ойи учун бюджетга ўтказиладиган солиқ суммаси қуйидагини ташкил этади:

22 000 - 2 000 = 20 000 сўм.

Мажбурий суғурта бадаллари ходимнинг май ойидаги иш ҳақининг бутун суммаси - 200 000 сўмдан ундирилади. Унинг суммаси:

200 000 х 4% = 8 000 сўмни ташкил этади*****.

Солиқлар ва мажбурий ажратмалар ушланганидан кейин жисмоний шахсга тўланадиган даромад:

200 000 - 22 000 - 8 000 = 170 000 сўмни ташкил этади.

2-ВАЗИЯТ. Бир ойда олган даромадлари ЭКИҲнинг ўн бараваридан кам бўлган жисмоний шахслардан олинадиган даромад солиғи ҳисоб-китоби.

Жисмоний шахснинг май ойидаги иш ҳақи миқ