ВСЕ ЗАКОНОДАТЕЛЬСТВО УЗБЕКИСТАНА
ЎзР Конунчилиги / Давлат ҳуқуқий тизими асослари / Ўз кучини йўқотган ҳужжатлар / Ўзбекистон Республикаси Вазирлар Маҳкамаси (Ҳукумат) /Республика фавқулодда эпидемияга қарши курашиш комиссиясининг Ўзбекистон Республикасида ОИТС/ОИВ эпидемияси тарқалишига қарши курашиш стратегик дастурини мувофиқлаштириш бўйича кичик комиссияси тўғрисида Низом (ЎзР ВМ 14.05.2003 й. 214-сон қарорига 2-илова)
Полный текст документа доступен в платной версии. По вопросам звоните на короткий номер 1172
Вазирлар Маҳкамасининг
2003 йил 14 майдаги
2-ИЛОВА
Республика фавқулодда эпидемияга қарши курашиш
комиссиясининг Ўзбекистон Республикасида ОИТС/ОИВ
эпидемияси тарқалишига қарши курашиш стратегик дастурини
мувофиқлаштириш бўйича кичик комиссияси тўғрисида
НИЗОМ
1. Ўзбекистон Республикасида ОИТС/ОИВ эпидемияси тарқалишига қарши курашиш стратегик дастурини мувофиқлаштириш бўйича кичик комиссия (кейинги ўринларда матнда "кичик комиссия" деб юритилади) Республика фавқулодда эпидемияга қарши курашиш комиссияси ҳузурида ташкил этилган.
2. Кичик комиссия ўз фаолиятида "Фуқароларнинг соғлигини муҳофаза қилиш тўғрисида" ва "Одамнинг иммунитет танқислиги вируси билан касалланишининг (ОИВ касаллигининг) олдини олиш тўғрисида"ги Ўзбекистон Республикаси қонунларига, Ўзбекистон Республикаси Вазирлар Маҳкамасининг қарорлари ва фармойишларига, Республика фавқулодда эпидемияга қарши курашиш комиссияси тўғрисидаги Низомга, бошқа норматив-ҳуқуқий ҳужжатларга, шунингдек мазкур Низомга амал қилади.
3. Кичик комиссия:
- вазирликлар ва идоралар, жойлардаги ижро этувчи ҳокимият органлари, ҳукуматга қарашли бўлмаган жамоат ташкилотлари орқали Ўзбекистон Республикасида ОИТС/ОИВ эпидемияси тарқалишига қарши кураш олиб бориш дастури ҳамда режаларини ишлаб чиқади ва амалга оширади;
- ОИТС/ОИВ касаллиги бўйича олдини олиш ва эпидемияга қарши курашиш чора-тадбирларини амалга оширишда вазирликлар ва идоралар, жойлардаги ижро этувчи ҳокимият органлари, ҳукуматга қарашли бўлмаган жамоат ташкилотларининг ўзаро ҳамкорлигини таъминлайди;
- минтақавий ва идоравий кичик комиссиялар фаолиятини мувофиқлаштиради ва уларга методик раҳбарлик қилади, олдини олиш ва эпидемияга қарши курашиш чора-тадбирларини бажаришда маслаҳат ёрдами кўрсатади ва амалий ёрдам беради;
- Ҳукуматнинг, Республика фавқулодда эпидемияга қарши курашиш комиссиясининг ва ОИТС/ОИВнинг олдини олиш бўйича кичик комиссия қарорларининг бажарилиши назорат қилинишини таъминлайди;
- кичик комиссия мажлисларида вазирликлар, идоралар, маҳаллий ҳокимликлар раҳбарларининг Ўзбекистон Республикасида ОИТС/ОИВ эпидемияси тарқалишига қарши курашиш стратегик дастурида назарда тутилган чора-тадбирлар амалга оширилиши тўғрисидаги ҳисоботларини эшитади.
4. Кичик комиссия жамоатчилик асосида иш олиб боради, у раис, раис ўринбосари - кичик комиссиянинг мувофиқлаштирувчиси, котиби ва аъзоларидан иборат таркибда ташкил этилади.
Кичик комиссия ишига соғлиқни сақлаш, таълим, фан, маданият ташкилотлари, диний конфессиялар ва жамоатчилик вакиллари белгиланган тартибда жалб этилиши мумкин. Зарурат бўлганда кичик комиссия ОИТС/ОИВ ва ОИТС билан бирга юқадиган бошқа касалликларнинг олдини олишнинг асосий йўналишлари бўйича ишчи гуруҳлар ташкил этади.
5. Кичик комиссия мазкур Низомга мувофиқ функциялар ва вазифаларни бажаради, ОИТС/ОИВ касаллиги ва ОИТС билан бирга юқадиган касалликларнинг олдини олиш муаммолари бўйича Республика фавқулодда эпидемияга қарши курашиш комиссияси Низомида назарда тутилган ҳуқуқ ва ваколатлардан фойдаланади.
6. Кичик комиссия ўз фаолиятини иш режасига мувофиқ ташкил этади, мажлисларни режали тартибда бир йилда камида 2 марта, эпидемия кўрсаткичлари бўйича эса - заруриятга кўра чақиради.
7. Кичик комиссия мажлисида баённома юритилади, вазирликлар ва идоралар, жойлардаги ижро этувчи ҳокимият органларининг мансабдор шахслари томонидан бажарилиши мажбурий бўлган қарорлар қабул қилинади.