язык интерфейса

ЎзР Конунчилиги

ЎзР Конунчилиги/ Турли соҳалар бўйича ўзгартиш ва қўшимчалар тўғрисида ҳужжатлар/ Ўзбекистон Республикаси Вазирлар Маҳкамаси қарорлари/ 2009 й./ Ўзбекистон Республикаси Вазирлар Маҳкамасининг 20.02.2009 й. 59-сон "Ўзбекистон Республикаси Ҳукуматининг айрим қарорларига ўзгартириш ва қўшимчалар киритиш тўғрисида"ги Қарори

Вы можете получить доступ на один день к продукту Законодательство Руз.

ЎЗБЕКИСТОН РЕСПУБЛИКАСИ

ВАЗИРЛАР МАҲКАМАСИНИНГ

ҚАРОРИ

20.02.2009 й.

N 50



ЎЗБЕКИСТОН РЕСПУБЛИКАСИ

ҲУКУМАТИНИНГ АЙРИМ ҚАРОРЛАРИГА

ЎЗГАРТИРИШ ВА ҚЎШИМЧАЛАР

КИРИТИШ ТЎҒРИСИДА



Ўзбекистон Республикаси Президентининг "Иқтисодиётнинг реал сектори корхоналарини қўллаб-қувватлаш, уларнинг барқарор ишлашини таъминлаш ва экспорт салоҳиятини ошириш чора-тадбирлари дастури тўғрисида" 2008 йил 29 ноябрдаги ПФ-4058-сон Фармони ҳамда Ўзбекистон Республикаси Президентининг "Ўзбекистон Республикасининг 2009 йилги асосий макроиқтисодий кўрсаткичлари ва Давлат бюджети параметрлари тўғрисида" 2009 йил 29 декабрдаги ПҚ-1024-сон қарорига мувофиқ Вазирлар Маҳкамаси ҚАРОР ҚИЛАДИ:


1. Ўзбекистон Республикаси Ҳукуматининг иловага мувофиқ айрим қарорларига ўзгартириш ва қўшимчалар киритилсин.


2. Мазкур қарорнинг бажарилишини назорат қилиш Ўзбекистон Республикаси Бош вазирининг биринчи ўринбосари Р.С. Азимов зиммасига юклансин.



Ўзбекистон Республикасининг Бош вазири                   Ш. Мирзиёев






Вазирлар Маҳкамасининг

2009 йил 20 февралдаги

50-сон қарорига

ИЛОВА



Ўзбекистон Республикаси Ҳукуматининг

айрим қарорларига киритилаётган

ўзгартириш ва қўшимчалар


1. Вазирлар Маҳкамасининг 2000 йил 21 ноябрдаги 456-сон қарори (Ўзбекистон Республикаси ҚТ, 2000 й., 11-сон, 72-модда) билан тасдиқланган Хом ашё, материаллар, бутловчи буюмлар ва асбоб-ускуналарни харид қилиш бўйича тендер савдолари ўтказиш тўғрисидаги низомда:

а) 19-банднинг биринчи хатбошидаги "кичик ва ўрта корхоналарни" сўзлари "кичик бизнес ва хусусий тадбиркорлик субъектларини" сўзлари билан алмаштирилсин;

б) 20-банднинг ўн биринчи хатбоши қуйидаги таҳрирда баён қилинсин:

"мамлакатимиз товар ишлаб чиқарувчилари (ишларни бажарувчилар, хизматлар кўрсатувчилар) учун қонун ҳужжатларида назарда тутилган нарх имтиёзлари";

в) 43-банднинг биринчи хатбошига "белгиланган" сўзидан кейин "шунингдек ушбу Низом X-I бўлимининг талабларига мувофиқ" сўзлари қўшилсин;

г) 55-бандда:

қуйидаги мазмундаги тўртинчи хатбоши қўшилсин:

"Иштирокчиларнинг тижорат таклифларини тенг шартларга келтириш мақсадида қонун ҳужжатларига мувофиқ қўшимча қиймат солиғидан озод қилинадиган импорт қилувчилар, импорт товарлар етказиб бериш (ишларни бажариш, хизматлар кўрсатиш)даги тендер таклифлари иштирокчиларининг тендер таклифларини баҳолашда кўрсатилган солиқ суммасини қўшган ҳолда ҳисобланади";

тўртинчи-бешинчи хатбоши тегишли равишда бешинчи-олтинчи хатбоши деб ҳисоблансин;

д) X бўлимдан кейин қуйидаги мазмундаги X-I бўлим қўшилсин:


"X-I. Мамлакатимиз товар ишлаб чиқарувчилари

(ишларни бажарувчилар, хизматлар кўрсатувчилар)

учун нарх имтиёзлари берган ҳолда тендер савдолари

ўтказишда тендер таклифларини баҳолаш хусусиятлари


60-1. Ушбу Низомнинг 55-банди олтинчи хатбошида назарда тутилган нарх имтиёзлари тендер савдоларига қўйилган ва улар бевосита товар ишлаб чиқарувчилар (ишлар бажарувчилар, хизматлар кўрсатувчилар) (кейинги ўринларда мамлакатимиз корхоналари-ишлаб чиқарувчилари деб аталади) эканлигини тасдиқлайдиган зарур ҳужжатларни тендер комиссиясига тақдим қилган мамлакатимиз корхоналари-ишлаб чиқарувчилари (ишларни бажарувчилар, хизматлар кўрсатувчилар)га берилади.

60-2. Тендер иштирокчиси томонидан импорт товарлари етказиб бериш (ишларни бажариш, хизматлар кўрсатиш) билан энг яхши нарх таклиф этилган тақдирда тендер комиссияси мамлакатимиз корхоналари-ишлаб чиқарувчилари таклифлари орасидан кўрсатилган энг яхши нархга камида 20 фоизга оширадиган ва тендер савдолари ва қонун ҳужжатлари шартларига мос келадиган учтагача энг яхши таклифларни танлаб олади. Бунда, қонун ҳужжатларига мувофиқ қўшимча қиймат солиғидан озод қилинадиган тендер иштирокчиси томонидан импорт товарлари етказиб бериш (ишларни бажариш, хизматлар кўрсатиш) билан энг яхши нарх таклиф этилган бўлса мамлакатимиз корхоналари-ишлаб чиқарувчилари таклифларини танлаб олиш учун қўшимча қиймат солиғи суммасига қўшиб ҳисоблаган ҳолда кўрсатиб ўтилган энг яхши нарх қўлланилади.

Тендер комиссияси бир кун мобайнида танлаб олинган мамлакатимиз корхоналари-ишлаб чиқарувчилари билан навбатма-навбат уларнинг тендер таклифлари нархларини камайтириш юзасидан тўғридан-тўғри музокаралар олиб боради ва музокаралар натижаларини тасдиқлайди. Бунда ҳар бир мамлакатимиз корхоналари-ишлаб чиқарувчилари билан музокаралар натижалари протокол билан расмийлаштирилади ва ғолиб аниқлангунга қадар конфиденциал ҳисобланади.

60-3. Мамлакатимиз корхоналари-ишлаб чиқарувчилари билан тўғридан-тўғри музокаралар натижалари бўйича қуйидагилар:

мамлакатимизнинг бошқа корхоналари-ишлаб чиқарувчиларига нисбатан олиб киришда қўшимча қиймат солиғи тўлаш бўйича имтиёз бериш қонун ҳужжатларида назарда тутилмаган товарлар (ишлар, хизматлар) турлари бўйича энг яхши нархни таклиф этган;

мамлакатимизнинг бошқа корхоналари-ишлаб чиқарувчиларига нисбатан, лекин қўшимча қиймат солиғи суммасига қўшиб ҳисоблаган ҳолда импорт товарлар етказиб бериш (ишларни бажариш, хизматлар кўрсатиш) бўйича энг яхши нархдан ошмайдиган олиб киришда қўшимча қиймат солиғи тўлашдан озод қилиш бўйича имтиёз қонун ҳужжатларида назарда тутилган товарлар (ишлар, хизматлар) бўйича энг яхши нархни таклиф этган мамлакатимиз корхонаси-ишлаб чиқарувчиси тендер ғолиби деб аниқланади.

60-4. Тендер иштирокчиси томонидан қонун ҳужжатларига мувофиқ қўшимча қиймат солиғи тўлашдан озод қилинадиган импорт товарлар етказиб бериш (ишларни бажариш, хизматлар кўрсатиш) бўйича энг яхши нарх таклиф этилган бўлса ва мамлакатимиз корхоналари-ишлаб чиқарувчилари билан тўғридан-тўғри музокаралар натижаларига кўра, қўшимча қиймат солиғи суммасига қўшиб ҳисоблаган ҳолда кўрсатилган энг яхши нархдан ошмайдиган нархни таклиф этиш мумкин бўлмаган тақдирда, импорт товарлар етказиб бериш (ишларни бажариш, хизматлар кўрсатиш) бўйича энг яхши нарх таклиф этган тендер иштирокчиси тендер ғолиби деб эълон қилинади".


2. Вазирлар Маҳкамасининг 2003 йил 3 июлдаги 302-сон қарори (Ўзбекистон Республикаси ҚТ, 2003 й., 7-сон, 57-модда) билан тасдиқланган Ўзбекистон Республикаси ҳудудида капитал қурилишда танлов савдолари тўғрисидаги низомда:

а) 47-банднинг ўнинчи хатбошидаги учинчи жумлага "Бунда" сўзидан кейин "мамлакатимизнинг товар ишлаб чиқарувчилари (ишларни бажарувчилари, хизматлар кўрсатувчилари) учун қонун ҳужжатларида назарда тутилган нарх преференциялари тўғрисидаги маълумотлар мавжуд бўлган" сўзлари қўшилсин;

б) 53-бандга "тижорат қисми" сўзларидан кейин "товар (ишлар, хизматлар) нархидан" сўзлари қўшилсин;

в) 74-банддан кейин қуйидаги мазмундаги 74-1-банд қўшилсин:

"74-1. Қатнашчиларнинг тижорат таклифларини тенг шартларга келтириш мақсадида улар бўйича қонун ҳужжатларига мувофиқ импорт қилувчилар қўшилган қиймат солиғидан озод қилинадиган товарлар (ишлар, хизматлар)ни импортга етказиб бериладиган тендер таклифлари қатнашчиларнинг тендер таклифларини баҳолашда кўрсатиб ўтилган солиқ суммаси қўшимча равишда ҳисобга олинади";

г) 76-банд қуйидаги таҳрирда баён қилинсин:

"76. Савдоларнинг туридан қатъи назар, танлов савдолари ғолиби танлов комиссиясининг ёпиқ мажлисида аниқланади. Тендер комиссияси ғолибларни энг кўп рақобатли нархлар, етказиб бериш ва ишларни бажариш (хизматлар кўрсатиш) шартлари, тўлов ҳамда тендер шартларида белгиланган бошқа мезонлар бўйича, шунингдек тендер савдоларида мамлакатимиз ишлаб чиқарувчиларига нарх преференциялари бериш тартибини тартибга соладиган бошқа норматив-ҳуқуқий ҳужжатлар талабларига мувофиқ аниқлайди. Танлов савдолари ғолиби танлов қатнашчилари иштирокида эълон қилинади, иштирок этмаган қатнашчилар белгиланган тартибда хабардор қилинади".



"Ўзбекистон Республикаси қонун ҳужжатлари тўплами", 2009 йил, 9-сон, 89-модда