язык интерфейса

ЎзР Конунчилиги

ЎзР Конунчилиги/ Турли соҳалар бўйича ўзгартиш ва қўшимчалар тўғрисида ҳужжатлар/ Ўзбекистон Республикаси Вазирлар Маҳкамаси қарорлари/ 2006 й./ Ўзбекистон Республикаси Вазирлар Маҳкамасининг 10.03.2006 й. 41-сон "Ўзбекистон Республикаси Ҳукуматининг айрим қарорларига ўзгартириш ва қўшимчалар киритиш, шунингдек баъзиларини ўз кучини йўқотган деб ҳисоблаш тўғрисида"ги Қарори

Вы можете получить доступ на один день к продукту Законодательство Руз.

ЎЗБЕКИСТОН РЕСПУБЛИКАСИ

ВАЗИРЛАР МАҲКАМАСИНИНГ

ҚАРОРИ

10.03.2006 й.

N 41



ЎЗБЕКИСТОН РЕСПУБЛИКАСИ

ҲУКУМАТИНИНГ АЙРИМ ҚАРОРЛАРИГА

ЎЗГАРТИРИШ ВА ҚЎШИМЧАЛАР КИРИТИШ,

ШУНИНГДЕК БАЪЗИЛАРИНИ ЎЗ КУЧИНИ

ЙЎҚОТГАН ДЕБ ҲИСОБЛАШ ТЎҒРИСИДА


Ўзбекистон Республикаси Президентининг "Мустақил телерадио каналларни ислоҳ қилиш ва ривожлантириш чора-тадбирлари тўғрисида" 2005 йил 8 ноябрдаги ПФ-3678-сон Фармонига мувофиқ Вазирлар Маҳкамаси ҚАРОР ҚИЛАДИ:


1. Ўзбекистон Республикаси Ҳукуматининг 1-иловага мувофиқ айрим қарорларига ўзгартириш ва қўшимчалар киритилсин.


2. Ўзбекистон Республикаси Ҳукуматининг 2-иловага мувофиқ баъзи қарорлари ўз кучини йўқотган деб ҳисоблансин.



Ўзбекистон Республикасининг Бош вазири                        Ш. Мирзиёев






Вазирлар Маҳкамасининг

2006 йил 10 мартдаги

41-сон қарорига

1-ИЛОВА



Ўзбекистон Республикаси Ҳукуматининг

айрим қарорларига киритилаётган

ўзгартириш ва қўшимчалар


1. Вазирлар Маҳкамасининг "Ўзбекистон Телерадиокомпанияси тизимини техника билан комплекс қайта жиҳозлаш тўғрисида" 1997 йил 25 августдаги 412-сон қарорининг 2, 4 ва 6-бандларидаги "Телерадиокомпаниянинг" ва "Ўзбекистон телерадиокомпаниясига" сўзлари тегишли равишда "Ўзбекистон миллий телерадиокомпаниясининг" ва "Ўзбекистон миллий телерадиокомпаниясига" сўзлари билан алмаштирилсин.


2. Вазирлар Маҳкамасининг "Частота спектридан фойдаланиш, телерадиодастурларни шакллантириш ва тарқатиш ҳамда маълумотлар узатиш самарадорлигини ошириш юзасидан қўшимча чора-тадбирлар тўғрисида" 1998 йил 10 июлдаги 293-сон қарорида (Ўзбекистон Республикаси ҚТ, 1998 й., 7-сон, 26-модда):

а) 5-банднинг биринчи хатбошидаги "Ўзтелерадио" компанияси" сўзлари "Ўзбекистон МТРК" сўзлари билан алмаштирилсин;

б) 6-банднинг тўртинчи хатбошидаги "Ўзтелерадио" компанияси" сўзлари "Ўзбекистон МТРК" сўзлари билан алмаштирилсин;

в) Ахборот фаолияти ва маълумотлар узатишни такомиллаштириш ва самарадорлигини ошириш бўйича идоралараро мувофиқлаштириш комиссияси тўғрисидаги низомда:

5-банднинг учинчи хатбошидаги "Ўзтелерадио" компанияси" сўзлари "Ўзбекистон МТРК" сўзлари билан алмаштирилсин;

10-банднинг иккинчи хатбошидаги "Ўзтелерадио" компанияси" сўзлари "Ўзбекистон МТРК" сўзлари билан алмаштирилсин;

г) Давлат рўйхатидан ўтказиш (қайта рўйхатдан ўтказиш), телерадиодастурларни шакллантириш ва тарқатиш ҳамда маълумотлар узатиш билан шуғулланиш фаолиятига лицензиялар бериш учун ҳужжатларни қабул қилиш ва расмийлаштириш тартибининг 5 ва 6-бандларидаги "Ўзтелерадио" компаниясига" ва "Ўзтелерадио" компанияси" сўзлари тегишли равишда "Ўзбекистон миллий телерадиокомпаниясига" ва "Ўзбекистон миллий телерадиокомпанияси" сўзлари билан алмаштирилсин.


3. Вазирлар Маҳкамасининг "Реклама тўғрисида"ги Ўзбекистон Республикаси Қонунини амалга ошириш чора-тадбирлари тўғрисида" 2000 йил 26 июндаги 243-сон қарорига 2-иловада (Ўзбекистон Республикаси ҚТ, 2000 й., 6-сон, 32-модда):

а) 1-3-бандлардаги "Ўзтелерадио" компанияси", "Ўзбекистон почта ва телекоммуникациялар агентлиги" сўзлари тегишли равишда "Ўзбекистон МТРК", "Ўзбекистон алоқа ва ахборотлаштириш агентлиги" сўзлари билан алмаштирилсин;

б) 4-банддаги "Ўзтелерадио" компанияси" сўзлари "Ўзбекистон МТРК" сўзлари билан алмаштирилсин;

в) 8-банддаги "Ўзбекистон почта ва телекоммуникациялар агентлиги" сўзлари "Ўзбекистон алоқа ва ахборотлаштириш агентлиги" сўзлари билан алмаштирилсин;

г) 10-банддаги "Ўздавстандарт" маркази" сўзлари "Ўзстандарт" агентлиги" сўзлари билан алмаштирилсин.

5. Вазирлар Маҳкамасининг "Оммавий спорт тарғиботини янада кучайтириш чора-тадбирлари тўғрисида" 2003 йил 4 ноябрдаги 484-сон қарорининг 3, 5 ва 6-бандлари чиқариб ташлансин.

7. Вазирлар Маҳкамасининг "Республика комиссиялари ва кенгашлари таркибларини тасдиқлаш тўғрисида" 2004 йил 26 июлдаги 358-сон қарорида:

а) 27-иловадаги "Ўзтелерадио" компанияси" сўзлари "Ўзбекистон миллий телерадиокомпанияси" сўзлари билан алмаштирилсин;

б) 45-иловадаги "Ўзтелерадио" компанияси" сўзлари "Ўзбекистон миллий телерадиокомпанияси" сўзлари билан алмаштирилсин.

9. Вазирлар Маҳкамасининг "Ўзбекистон Телерадио компанияси тизими учун жалб этилган хорижий кредитларнинг тўланишини таъминлаш чора-тадбирлари тўғрисида" 2004 йил 28 декабрдаги 611-сон қарорининг 1-бандидаги "Ўзбекистон Телерадио компаниясининг таркибий бўлинмалари" сўзлари "Ўзбекистон миллий телерадиокомпанияси таркибий бўлинмалари" сўзлари билан алмаштирилсин.


10. Вазирлар Маҳкамасининг "Ўзбекистон Республикаси Маданият ва спорт ишлари вазирлиги тўғрисидаги низомни тасдиқлаш ҳақида" 2005 йил 5 апрелдаги 96-сон қарорида (Ўзбекистон Республикаси ҚТ, 2005 й., 3-4-сон, 20-модда):

а) 2-илова қуйидаги мазмундаги 23-банд билан тўлдирилсин:

"23. Бадиий жамоалар ижодий бирлашмаси";

йигирма учинчи-йигирма саккизинчи бандлар тегишли равишда йигирма тўртинчи-йигирма тўққизинчи бандлар деб ҳисоблансин;

б) 3-иловадаги Мутасаддилик қилинадиган ташкилотлар биринчи блокига "Академик, халқ ва бадиий жамоалар дирекцияси" хатбошидан кейин қуйидаги мазмундаги хатбоши қўшилсин:

"Бадиий жамоалар ижодий бирлашмаси".






Вазирлар Маҳкамасининг

2006 йил 10 мартдаги

41-сон қарорига

2-ИЛОВА



Ўзбекистон Республикаси Ҳукуматининг

ўз кучини йўқотган қарорлари

РЎЙХАТИ


1. Вазирлар Маҳкамасининг "Ўзбекистон Давлат телевидение ва радиоэшиттириш компаниясининг кўрсатув ва эшиттиришлари ҳажмини кўпайтириш, унинг моддий-техника негизини мустаҳкамлаш чора-тадбирлари тўғрисида" 1994 йил 28 мартдаги 167-сон қарори.


2. Вазирлар Маҳкамасининг "Ўзбекистон Телерадиокомпаниясини ташкил этиш ва унинг фаолияти масалалари" тўғрисида 1996 йил 24 майдаги 190-сон қарори (Ўзбекистон Республикаси ҚТ, 1996 й., 6-сон, 18-модда).



"Ўзбекистон Республикаси қонун ҳужжатлари тўплами", 2006 йил, 11-сон, 83-модда


"Ўзбекистон Республикаси Ҳукумати қарорлари тўплами", 2006 йил, 3-сон, 18-модда