Ўзбекистон Республикаси Олий хўжалик суди Пленумининг 30.10.2008 й. 189-сон "Ўзбекистон Республикаси Олий хўжалик суди Пленумининг айрим қарорларига ўзгартишлар киритиш ва ўз кучини йўқотган деб топиш тўғрисида"ги қарори

Функция недоступна

ЎЗБЕКИСТОН РЕСПУБЛИКАСИ

ОЛИЙ ХЎЖАЛИК СУДИ ПЛЕНУМИНИНГ

ҚАРОРИ

30.10.2008 й.

N 189

ЎЗБЕКИСТОН РЕСПУБЛИКАСИ

ОЛИЙ ХЎЖАЛИК СУДИ ПЛЕНУМИНИНГ

АЙРИМ ҚАРОРЛАРИГА ЎЗГАРТИШЛАР

КИРИТИШ ВА ЎЗ КУЧИНИ ЙЎҚОТГАН

ДЕБ ТОПИШ ТЎҒРИСИДА

“Судлар тўғрисида”ги Ўзбекистон Республикаси Қонунининг 47-моддасига асосланиб, Ўзбекистон Республикаси Олий хўжалик судининг Пленуми ҚАРОР ҚИЛАДИ:

I. Ўзбекистон Республикаси Олий хўжалик суди Пленумининг 2003 йил 28 февралдаги “Ўзбекистон Республикаси Фуқаролик кодексининг талабдан бошқа шахс фойдасига воз кечиш ҳуқуқи билан боғлиқ нормаларини қўллашнинг айрим масалалари тўғрисида”ги 110-сонли қарорига қуйидаги ўзгартиш киритилсин:

4-бандининг тўртинчи хатбошисидаги “ҳуқуқни келтириб чиқарувчи битим сўзлари “ҳуқуқни келтириб чиқарувчи мажбурият” сўзлари билан алмаштирилсин.

II. Ўзбекистон Республикаси Олий хўжалик суди Пленумининг 2005 йил 23 декабрдаги “Кассация инстанциясида ишларни кўришда Ўзбекистон Республикаси Хўжалик процессуал кодексининг қўлланилиши тўғрисида”ги 136-сонли қарорига қуйидаги ўзгартиш киритилсин:

1) рус тилидаги матнининг кириш қисмидаги “(новая редакция)” сўзлари чиқариб ташлансин:

2) кириш қисмининг учинчи хатбошисидаги “кассация шикояти” сўзлари “кассация шикоятлари” сўзлари билан алмаштирилсин.

III. Ўзбекистон Республикаси Олий хўжалик суди Пленумининг 2006 йил 27 январдаги ““Банкротлик тўғрисида"ги Ўзбекистон Республикаси Қонининг хўжалик судлари томонидан қўллашнинг айрим масалалари ғақида”ги 142-сонли қарорига қуйидаги ўзгартиш киритилсин:

1) рус тилидаги матни 8-бандининг иккинчи хатбошисидаги “затребует” сўзи “истребует” сўзи билан алмаштирилсин;

2) 32-бандининг бешинчи хатбошисидаги “Агар қарздор томонидан келишув битимининг шартлари бажарилмаган бўлса,” сўзлари “Қарздор томонидан келишув битимининг шартлари бажарилмаган ҳолда,” сўзлари билан алмаштирилсин.

IV. Ўзбекистон Республикаси Олий хўжалик суди Пленумининг 2007 йил 28 декабрдаги “Ўзбекистон Республикаси Олий хўжалик суди Пленумининг айрим қарорларига ўзгартиш ва қўшимчалар киритиш ҳамда баъзиларини ўз кучини йўқотган деб ҳисоблаш тўғрисида”ги 176-сонли қарорига қуйидаги ўзгартиш киритилсин:

рус тилидаги матни IV-бандининг иккинчи хатбошисидаги “от 15 июня 2007 года N 163 “О некоторых вопросах применения хозяйственными судами гражданского законодательства, регулирующих ответственность за неисполнение или ненадлежащиее исполнение обязательств” сўзлари “от 15 июня 2007 года N 163 “О некоторых вопросах применения актов гражданского законодательства об имущественной ответственности за неисполнение или ненадлежащиее исполнение обязательств” сўзлари билан алмаштирилсин.

V. Ўзбекистон Республикаси Олий хўжалик суди Пленумининг 1996 йил 1 мартдаги “Давлат тасарруфидан чиқариш ва хусусийлаштириш билан боғлиқ бўлган низоларни кўришда республика хўжалик судлари томонидан қонунчиликни татбиқ этиш амалиётининг айрим масалалари тўғрисида”ги 53-сонли қарори ўз кучини йўқотган деб топилсин.

Олий хўжалик суди раиси                                       Д. Мирзакаримов

Олий хўжалик суди

Пленумининг котиби, судья                                   С. Нуманова