Ўзбекистон Республикаси ҳудудида қўлланиладиган дори воситаларининг давлат сифат назоратини ўтказиш тартиби тўғрисида Йўриқнома (Соғлиқни сақлаш вазирининг 15.03.1999 й. 163-сон буйруғига 1-илова)

Функция недоступна

Ўзбекистон Республикаси

Соғлиқни сақлаш вазирининг

1999 йил 15 мартдаги

163-сон буйруғига

1-ИЛОВА

Ўзбекистон Республикаси ҳудудида қўлланиладиган

дори воситаларининг давлат сифат назоратини

ўтказиш тартиби тўғрисида

ЙЎРИҚНОМА

1. УМУМИЙ НИЗОМ

1.1. Дори воситалари, тиббий техника ва тиббий ашёларнинг Давлат сифат назоратини Ўзбекистон Республикаси Соғлиқни сақлаш вазирлиги Дори воситалар ва тиббий техника сифатини назорат қилиш Бош бошқармаси (Бошқарма) Дори воситалари экспертизаси ва стандартизацияси Давлат Маркази (Марказ) ёки Марказ томонидан аккредитацияланган бошқа ташкилотлар орқали амалга оширади.

1.2. Ўзбекистон Республикаси ҳудудида жойлашган корхоналар томонидан ишлаб чиқарилаётган ва хориждан келтирилаётган барча дори воситалари, тиббий техника ва тиббиёт ашёлари давлат сифат назоратидан ўтказилиши шарт.

1.3. Дори воситалар, тиббий техника ва тиббиёт ашёларини ишлаб чиқариш ва сотиш, фақат Ўзбекистон Республикаси Соғлиқни сақлаш вазирлиги томонидан берилган махсус рухсатномага (лицензияга) эга бўлган ташкилотларга (муассасаларга) рухсат этилади.

1.4. Ушбу йўриқнома дори воситалари, тиббий техника ва тиббиёт ашёларининг Давлат сифат назоратини олиб боришнинг ягона қоидаларини белгилайди.

Эслатма: Дигностика воситалари, тиббий техника ва тиббиёт ашёларининг Давлат сифат назоратини олиб бориш қоидалари алоҳида мустақил йўриқномалар асосида белгиланади.

1.5. Дори воситаларининг Давлат сифат назорати қуйидаги режимлар орқали олиб борилади:

- дастлабки назорат;

- давомий танланма назорат;