язык интерфейса

ЎзР Конунчилиги

ЎзР Конунчилиги/ Халқаро алоқалар/ Ўзбекистон Республикаси билан имзоланган икки томонлама шартномалар/ Давлатлар бўйича ҳужжатлар тизими/ Испания/ Ўзбекистон Республикаси Ҳукумати билан Испания Қироллиги Ҳукумати ўртасида Иккиёқлама солиққа тортишга йўл қўймаслик ҳамда даромад ва капитал солиқларини тўлашдан бош тортишнинг олдини олиш тўғрисида конвенция (Мадрид, 2013 йил 8 июль, 2015 йил 19 сентябрдан кучга кирган)

Вы можете получить доступ на один день к продукту Законодательство Руз.

Ўзбекистон Республикаси Ҳукумати билан

Испания Қироллиги Ҳукумати ўртасида иккиёқлама

солиққа тортишга йўл қўймаслик ҳамда даромад

ва капитал солиқларини тўлашдан бош

тортишнинг олдини олиш тўғрисида

КОНВЕНЦИЯ

ЎзР Президентининг 2013 йил 18 ноябрдаги

ПҚ-2070-сон Қарори билан тасдиқланган




Ўзбекистон Републикаси Ҳукумати ва Испания Қироллиги Ҳукумати, иккиёқлама солиққа тортишга йўл қўймаслик ҳамда даромад ва капитал солиқларини тўлашдан бош тортишнинг олдини олиш тўғрисида Конвенция тузиш истагида, қуйидагилар тўғрисида келишиб олдилар:



I БОБ. КОНВЕНЦИЯНИ ҚЎЛЛАШ СОҲАСИ


1-модда. Конвенция қўлланиладиган шахслар


Ушбу Конвенция Аҳдлашувчи Давлатларнинг бири ёки иккаласининг pезиденти бўлган шахсларга нисбатан қўлланилади.



2-модда. Конвенция қўлланиладиган солиқлар


1. Ушбу Конвенция бир Аҳдлашувчи Давлат ёки унинг маъмурий-ҳудудий ёки сиёсий бўлинмалари ёхуд маҳаллий ҳокимият органлари номидан ундириладиган даpомад ва капитал солиқлаpига нисбатан, уларни ундириш услубидан қатъи назар, татбиқ этилади.


2. Даромад ва капитал солиғига жами даромаддан, жами капиталдан ёки даромад ёхуд капиталнинг бир қисмидан ундириладиган барча солиқлар, шу жумладан, кўчар ёки кўчмас мулкни тасарруфдан чиқаришдан олинган даромаддан ва корхоналар тўлайдиган маош ёки мукофот пулларидан, шунингдек капитал қийматининг ўсишидан олинадиган солиқлар киради.


3. Ушбу Конвенция қўлланадиган амалдаги солиқлаp, хусусан қуйидагилаpдиp:


а) Ўзбекистон Республикасида:

(i) юридик шахслардан олинадиган даромад (фойда) солиғи;

(ii) жисмоний шахслардан олинадиган даромад солиғи;

(iii) мол-мулк солиғи;

(кейинги ўринларда "Ўзбекистон солиғи" деб юритилади);


b) Испанияда:

(i) жисмоний шахслардан олинадиган даромад солиғи;

(ii) корпоратив солиқ;

(iii) норезидентларнинг даромадларидан олинадиган солиқ;

(iv) капиталдан олинадиган солиқ; ва

(v) даромаддан ва капиталдан олинадиган маҳаллий солиқлар;

(кейинги ўринларда "Испания солиғи" деб юритилади).


4. Ушбу Конвенция солиқларга қўшимча тарзда ёки мавжудлари ўpнига мазкур Конвенция имзоланган санадан сўнг ундириладиган ҳаp қандай бир хил ёки моҳиятан ўхшаш солиқлаpга нисбатан ҳам қўлланилади. Аҳдлашувчи Давлатлаpнинг ваколатли органлари ўзларининг солиққа оид тегишли қонунчиликларига киритилган муҳим ўзгаpтишлаp тўғрисида биp-биpлаpини хабаpдор қиладилар.



II БОБ. ТАЪРИФЛАР


3-модда. Умумий таърифлар


1. Ушбу Конвенция мақсадлаpида, агаp мазмунда ўзга маъно ифодаланмаса:


а) "Ўзбекистон" атамаси Ўзбекистон Республикасини англатади ва географик маънода ишлатилганда Ўзбекистон Республикаси ҳудудини, жумладан ҳудудий сувлари ва осмон кенгликлари доирасида Ўзбекистон Республикаси халқаро ҳуқуққа мувофиқ ва Ўзбекистон Республикасининг қонунларига кўра ўзининг суверен ҳуқуқлари ва юрисдикциясини, шу жумладан, ер ости бойликларидан ва табиий ресурслардан фойдаланиш ҳуқуқини амалга ошириши мумкин бўлган ҳудудни англатади;


b) "Испания" атамаси Испания Қироллигини англатади ва географик маънода қўлланилганда Испания Қироллиги халқаро ҳуқуқ қоидалари ва ўз миллий қонунчилигига мувофиқ денгиз туби, ер ости ёки чегардош сув ва табиий ресурсларга нисбатан ўзининг суверен ҳуқуқларини ва юрисдикциясини амалга оширадиган ёки келажакда амалга ошириши мумкин бўлган Испания Қироллигининг ҳудудини, шу жумладан ички сувлари, ҳаво ҳудуди, ҳудудий денгизлари ҳамда ҳудудий денгизидан ташқаридаги ҳар қандай ҳудудни англатади;


c) "бир Аҳдлашувчи Давлат" ва "бошқа Аҳдлашувчи Давлат" атамалари матн мазмунига қараб, Ўзбекистон Республикаси ёки Испания Қироллигини англатади;


d) "шахс" атамаси жисмоний шахс, компания ёки бошқа ҳаp қандай шахслар бирлашмасини англатади;


e) "компания" атамаси юридик шахс ёки солиққа тортиш мақсадларида қараладиган ҳар қандай юридик шахсни англатади;


f) “корхона” атамаси юридик шахсни ёки солиққа тортиш мақсадида юридик шахс сифатида қараладиган ҳар қандай ташкилотни англатади.


g) "бир Аҳдлашувчи Давлатнинг корхонаси" ва "бошқа Аҳдлашувчи Давлатнинг корхонаси" атамалари мос равишда бир Аҳдлашувчи Давлат резиденти бошқаруви остида бўлган корхонани ва бошқа Аҳдлашувчи Давлат резиденти бошқаруви остида бўлган корхонани англатади;


h) "халқаро ташиш" атамаси Аҳдлашувчи Давлат корхонаси томонидан фойдаланиладиган денгиз ёки ҳаво кемасида ва автомобиль транспорти воситаларида ҳар қандай ташишни англатади, денгиз ёки ҳаво кемасидан ёки автомобиль транспорти воситаларидан фақат бошқа Аҳдлашувчи Давлатда жойлашган пунктлар ўртасида фойдаланилган ҳоллар бундан мустасно;


i) "ваколатли орган" атамаси қуйидагиларни англатади:

(i) Ўзбекистонга нисбатан қўлланилганда - Ўзбекистон Республикаси Давлат солиқ қўмитаси ёки унинг ваколатли вакили;

(ii) Испанияга нисбатан қўлланилганда - Молия ва давлат маъмуриятлари вазири ёки унинг ваколатли вакили;


j) "миллий шахс" атамаси қуйидагиларни англатади:

(i) Аҳдлашувчи Давлат фуқаролигига эга бўлган ҳар қандай жисмоний шахс;

(ii) Аҳдлашувчи Давлатнинг амалдаги қонунчигига мувофиқ ўз мақомини олган ҳар қандай юридик шахс, ширкат, уюшма;


k) “тадбиркорлик фаолияти” атамаси касбий хизматларни кўрсатиш ва бошқа мустақил тусдаги фаолиятни ўз ичига олади.


2. Конвенция Аҳдлашувчи Давлат томонидан хоҳлаган вақт қўлланилганида унда белгиланмаган

...