Ўзбекистон Республикаси Олий Мажлисининг 25.05.2000 й. 68-II-сон "Ўзбекистон Республикаси Давлат бюджетининг 2000 йил биринчи чорагидаги ижроси тўғрисида"ги Қарори

Функция недоступна

ЎЗБЕКИСТОН РЕСПУБЛИКАСИ

ОЛИЙ МАЖЛИСИНИНГ

ҚАРОРИ

25.05.2000 й.

N 68-II

ЎЗБЕКИСТОН РЕСПУБЛИКАСИ ДАВЛАТ

БЮДЖЕТИНИНГ 2000 ЙИЛ БИРИНЧИ

ЧОРАГИДАГИ ИЖРОСИ ТЎҒРИСИДА

Ўзбекистон Республикаси Давлат бюджетининг 2000 йил биринчи чорагидаги ижроси тўғрисидаги ҳисоботни кўриб чиқиб, Ўзбекистон Республикаси Олий Мажлиси ҚАРОР ҚИЛАДИ:

1. Ўзбекистон Республикаси Давлат бюджетининг 2000 йил биринчи чорагидаги ижроси тўғрисидаги ҳисобот тасдиқлансин.

Ўзбекистон Республикаси Давлат бюджетининг 2000 йил биринчи чорагида кўрсаткичлари Олий Мажлис томонидан маъқулланган доираларда эканлиги ва тақчилликсиз ижро этилганлиги маълумот учун қабул қилинсин.

2. Ўзбекистон Республикаси Вазирлар Маҳкамаси:

иқтисодий ислоҳотларни янада эркинлаштириш ва чуқурлаштириш, кичик ва ўрта бизнесни ривожлантириш бўйича асосий устиворликларниамалга ошириш билан боғлиқ харажатларининг, шунингдек “Соғлом Авлод” Давлат дастурини таъминлаш билан боғлиқ харажатларининг ўз вақтида молияланишини таъминлансин:

Ўзбекистон Республикаси Давлат бюджетининг 2000 йил биринчи ярми йиллигидаги ижроси якунлари юзасидан Ўзбекистон Республикаси Олий Мажлисига ҳисобот тақдим этсин.

3. Маҳаллий давлат ҳокимияти оргонлари солиқ ва молия оргонлари билан биргаликда бюджет даромадлари тушумини сўзсиз таъминлаш, бюджет интизомини мустаҳкамлаш ва давлат маблағларини сарфлашда қатъий тежамкорликка риоя этиш чораларини кўрсин.

Ўзбекистон Республикаси

Олий Мажлисининг Раиси                                                        Э. Халилов