ВСЕ ЗАКОНОДАТЕЛЬСТВО УЗБЕКИСТАНА
ЎзР Конунчилиги / Солиқлар. Мажбурий тўловлар / 1997 йилдан 2007 йилгача солиқ қонунчилигига оид ўз кучини йўқотган ҳужжатлар / Бошқа масалалар / Имтиёзлар /Ибн Сино халқаро жамғармаси ва унинг Ўзбекистон Республикасидаги бўлинмаларини солиққа тортиш тўғрисида Тушунтириш (АВ томонидан 17.05.1999 й. 730-сон билан рўйхатга олинган)
Полный текст документа доступен в платной версии. По вопросам звоните на короткий номер 1172
ЎЗБЕКИСТОН РЕСПУБЛИКАСИ
АДЛИЯ ВАЗИРЛИГИ ТОМОНИДАН
РЎЙХАТГА ОЛИНГАН
17.05.1999 й.
N 730
ЎЗБЕКИСТОН РЕСПУБЛИКАСИ МОЛИЯ ВАЗИРЛИГИ ТОМОНИДАН ТАСДИҚЛАНГАН 11.05.1999 й. N ЭГ/04-01-02/974
|
ЎЗБЕКИСТОН РЕСПУБЛИКАСИ ДАВЛАТ СОЛИҚ ҚЎМИТАСИ ТОМОНИДАН ТАСДИҚЛАНГАН 11.05.1999 й. N 99-62
|
Ибн Сино халқаро жамғармаси
ва унинг Ўзбекистон Республикасидаги
бўлинмаларини солиққа тортиш тўғрисида
ТУШУНТИРИШ
Ўзбекистон Республикаси Президентининг 1999 йил 6 январдаги ПФ-2171-сон “Ибн Сино халқаро жамғармасини қўллаб-қувватлаш тўғрисида”ги фармонининг 3-бандига, шунингдек “Давлат солиқ хизмати тўғрисида”ги Ўзбекистон Республикаси қонунининг 7-моддасига мувофиқ Ўзбекистон Республикаси Молия вазирлиги ва Давлат солиқ қўмитаси қуйидагиларни ТУШУНТИРАДИ:
1. Ибн Сино халқаро жамғармаси ва унинг Ўзбекистон Республикаси ҳудудидаги бўлинмалари беш йил муддатга божлар ва қуйидаги солиқларни давлат бюджетига тўлашдан озод қилинади:
а) умумдавлат солиқларидан:
- даромад (фойда) солиғи;
- қўшилган қиймат солиғи;
- акциз солиғи;
- экология солиғи;
- ер остидан фойдаланганлик учун солиқ;
- сув русурсларидан фойдаланганлик учун солиқ;
б) маҳаллий солиқлардан:
- мол-мулк солиғи;
- ер солиғи;
- реклама солиғи;
- ижтимоий инфратузилмани ривожлантирганлик учун солиқ;
- автотранспорт воситаларини олиб сотганлик учун солиқ.
Шунингдек имтиёзли даврда янги жорий этилган солиқлар ва божлар.
2. Солиқ солишдан бўшатиб олинган маблағлар устав фаолиятини бажаришга йўналтирилиши керак. Давлат бюджетига барча солиқлар ва божларни тўлашдан бўшатиб олинган маблағлардан мақсадга мувофиқ фойдаланилмаган тақдирда ушбу маблағлар умумий белгиланган тартибда солиққа тортилиши керак.
Бюджетга тўлашдан бўшатиб олинган маблағлардан мақсадга мувофиқ фойдаланиш устидан назоратни давлат солиқ органлари амалга оширади.
“Ўзбекистон Республикаси вазирликлари, давлат қўмиталари ва идораларининг меъёрий ҳужжатлари Ахборотномаси”, 1999 йил, 9-сон