Ўзбекистон Республикасининг Давлат чегараси орқали ўтказиш пунктлари тўғрисида Низом (ЎзР ВМ 28.03.2016 й. 89-сон қарорига илова)

Функция недоступна

Вазирлар Маҳкамасининг

2016 йил 28 мартдаги

89-сон қарорига

ИЛОВА

Ўзбекистон Республикасининг Давлат чегараси

орқали ўтказиш пунктлари тўғрисида

НИЗОМ

I. УМУМИЙ ҚОИДАЛАР

1. Ушбу Низом Ўзбекистон Республикасининг Давлат чегараси орқали ўтказиш пунктларини (кейинги ўринларда ўтказиш пунктлари деб аталади) ташкил этиш, уларнинг фаолияти, уларни тугатиш, қуриш ва реконструкция қилишнинг халқаро-ҳуқуқий, ташкилий, молиявий-иқтисодий асосларини белгилайди.

2. Ушбу Низомда қуйидаги асосий тушунчалардан фойдаланилган:

Ўзбекистон Республикасининг Давлат чегараси (кейинги ўринларда - Давлат чегараси) - Ўзбекистон Республикасининг ҳудуди доирасини (қуруқликни, сувни, ер қаърини ва самовий ҳудудни) белгиловчи чизиқ ва бу чизиқ бўйлаб ўтувчи вертикал сатҳдан иборат;

ўтказиш пункти - Давлат чегарасини кесиб ўтаётган шахсларга ва транспорт воситаларига, шунингдек Давлат чегараси орқали олиб ўтилаётган товарларга нисбатан назорат тартиб-таомиллари ва уларни Давлат чегараси орқали ўтказиш амалга ошириладиган, халқаро қатновлар учун очиқ бўлган чегараолди темир йўл бекатлари ва автомобиль йўлларининг, дарё портларининг, аэропортларнинг (аэродромларнинг) махсус жиҳозланган ҳудуди (унинг бир қисми);

ўтказиш пунктини ташкил этиш ташаббускорлари - ўтказиш пункти фаолият кўрсатишидан манфаатдор бўлган "Ўзбекистон темир йўллари" ва "Uzbekistan Airports" акциядорлик жамиятлари, республика ва маҳаллий ижро этувчи ҳокимият органлари;

ўтказиш пункти маъмурияти - ўтказишнинг ушбу пункти бириктирилган аэропорт (аэродром), дарё порти, темир йўл станцияси, автомобиль ўтказиш пункти раҳбарияти;

ўтказиш пунктларидаги давлат назорати органлари (кейинги ўринларда - давлат назорати органлари) - Давлат чегарасини кесиб ўтаётган шахсларга ва транспорт воситаларига, шунингдек Давлат чегараси орқали олиб ўтилаётган товарларга нисбатан назоратни амалга оширувчи Ўзбекистон Республикаси Давлат хавфсизлик хизмати Чегара қўшинлари (кейинги ўринларда - Чегара қўшинлари), Иқтисодиёт ва молия вазирлиги ҳузуридаги Божхона қўмитаси (кейинги ўринларда - Божхона қўмитаси), Соғлиқни сақлаш вазирлиги ҳузуридаги Санитария-эпидемиологик осойишталик ва жамоат саломатлиги қўмитаси, Қишлоқ хўжалиги вазирлиги ҳузуридаги Ветеринария ва чорвачиликни ривожлантириш қўмитаси, Қишлоқ хўжалиги вазирлиги ҳузуридаги Ўсимликлар карантини ва ҳимояси агентлиги;

товар - божхона чегараси орқали олиб ўтиладиган ҳар қандай кўчар мол-мулк, шу жумладан, Ўзбекистон Республикаси миллий валютаси, валюта бойликлари ва бошқа қимматли қоғозлар, интеллектуал мулк объектлари, транспорт воситаси.

3. Ўтказиш пунктлари қуйидаги мақсадларда ташкил этилади:

Ўзбекистон Республикасининг халқаро шартномалари ва норматив-ҳуқуқий ҳужжатлари бажарилишини таъминлаш;

Ўзбекистон Республикаси билан хорижий давлатлар ўртасидаги алоқаларни ривожлантириш учун қулай шарт-шароитлар яратиш;

ноқонуний миграция, қурол-яроғ, гиёҳванд моддалар, уларнинг аналоглари, психотроп моддалар, прекурсорлар контрабандасини аниқлаш ва уларга барҳам бериш ҳамда эпидемия ва эпизоотияларнинг олдини олиш чора-тадбирларини кўриш;

Давлат чегарасини кесиб ўтаётган шахслар ва товар ҳисобланмайдиган транспорт воситаларини (кейинги ўринларда транспорт воситалари деб аталади) назорат қилиш ҳамда ҳисобга олишни, шунингдек Давлат чегараси орқали олиб ўтилаётган товарлар устидан назоратни амалга оширишни таъминлаш;

давлат назорати органларининг, шунингдек транспорт ташкилотларининг ва ваколатли банклар қабул қилиш пунктларининг ишлаши учун зарур шарт-шароитлар яратиш;

Ўзбекистон Республикасининг хавфсизлигини, иқтисодий ва сиёсий манфаатларини таъминлаш, шунингдек Ўзбекистон Республикасини иқтисодий ривожлантиришнинг жорий ва истиқболли эҳтиёжларига мувофиқ транзит салоҳиятини, ўтказиш пунктларининг ўтказиш қувватини ошириш учун шарт-шароитлар яратиш.

4. Ўтказиш пункти уларда давлат назорати органлари белгиланган тартибда фаолиятни амалга оширадиган бинолар, хоналар, иншоотлар мажмуини ва бошқа жойларни, шунингдек ўтказиш пунктининг зарур тарзда фаолият кўрсатишини таъминлайдиган транспорт ташкилотларини ва бошқа ташкилотларни ўз ичига олади.

5. Давлат чегарасини шахслар ва транспорт воситалари кесиб ўтишида, шунингдек Давлат чегараси орқали товарларни олиб ўтишда белгиланган қоидаларга риоя этилишини назорат қилишни таъминлаш мақсадида тегишли вазирлик ва идоралар томонидан ўтказиш пунктларида чегара, божхона, санитария-карантин, ветеринария, фитосанитария назорати ва назоратнинг бошқа турлари бўлинмалари фаолияти ташкил этилади.

6. Жисмоний ва юридик шахслар томонидан ўтказиш пунктларида ўтказиш пунктининг нормал фаолият кўрсатишини таъминлаш билан боғлиқ бўлмаган хўжалик фаолияти ва бошқа фаолият амалга оширилиши ҳамда шахслар, транспорт воситалари ва товарлар ўтказилишига йўл қўйилмайди, Ўзбекистон Республикасининг қонун ҳужжатларида назарда тутилган ҳолатлар ҳамда мазкур Низомга 1-иловада белгиланган автомобиль ўтказиш пунктларида кўрсатиладиган пулли хизматлар (кейинги ўринларда - пулли хизматлар) бундан мустасно.

6-1. Пулли хизматлар автомобиль ўтказиш пунктининг нормал фаолиятига таъсир этмаган ҳолда, қонун ҳужжатларига мувофиқ давлат мулкини ижарага бериш орқали белгиланган тартибда тадбиркорлик субъектлари ва давлат муассасалари томонидан кўрсатилишига йўл қўйилади.

Пулли хизматлар кўрсатилиши учун автомобиль ўтказиш пунктининг географик жойлашуви, кўрсатилиши мумкин бўлган пулли хизматлар тури ҳамда уларни кўрсатиш учун ажратилиши мумкин бўлган майдон, ўтказиш пунктининг ўтказувчанлик қобилияти инобатга олинади.

II. ЎТКАЗИШ ПУНКТЛАРИНИ ТАСНИФЛАШ

7. Ўтказиш пунктлари тоифалари, мақоми ва иш режими бўйича таснифланади:

а) тоифалари бўйича - автомобиль йўли (пиёдалар йўли), темир йўл, дарё ва авиация ўтказиш пунктлари;

б) мақоми бўйича:

халқаро ўтказиш пункти - барча шахслар, транспорт воситалари ва товарларни ўтказишни амалга оширади;

икки томонлама ўтказиш пункти - Ўзбекистон Республикаси ҳамда чегарадош давлат фуқаролари, транспорт воситалари ва товарларини ўтказишни амалга оширади;

соддалаштирилган ўтказиш пункти - Ўзбекистон Республикаси ва чегарадош давлатнинг фуқароларини пиёда тарзда ўтказишни амалга оширади. Соддалаштирилган ўтказиш пунктларининг иш режими Ўзбекистон Республикаси ҳамда чегарадош давлатнинг чегара ва божхона идоралари ўртасидаги келишув бўйича белгиланади;

в) иш режими бўйича - кеча-кундуз ва куннинг ёруғ вақтида ўтказади.

"Куннинг ёруғ вақтида" иш режимли ўтказиш пунктларида ишнинг бошланиши ва тамом бўлиши вақти Ўзбекистон Республикаси ва чегарадош давлатнинг чегара идоралари ёки чегара бўйича вакиллари томонидан белгиланади.

8. Ўзбекистон Республикасининг халқаро алоқалар учун мўлжалланган автомобиль йўли, темир йўл ва дарё ўтказиш пунктларининг мақоми, иш режими, шунингдек улардан шахслар, транспорт воситалари ва товарларни ўтказиш тартиби Ўзбекистон Республикаси билан тегишли давлатлар ўртасидаги икки томонлама халқаро шартномалар билан белгиланади.

II-1. ЎТКАЗИШ ПУНКТЛАРИНИНГ ПАСПОРТЛАРИ

8-1. Барча ўтказиш пунктлари ўз паспортларига эга бўлишлари шарт. Ўтказиш пунктлари паспортининг намунавий шакли мазкур низомнинг 2-иловасига мувофиқ белгиланади.

8-2. Ўтказиш пунктлари паспортларини тўлдириш ўтказиш пункти маъмурияти раҳбари томонидан ўтказиш пунктларидаги давлат назорати органлари раҳбарлари билан биргаликда (ўз ваколати доирасида) амалга оширилади.

8-3. Ўтказиш пунктлари паспортларига темир йўл бекатлари ва автомобиль йўлларининг, дарё портларининг, аэропортларнинг (аэродромларнинг) ҳудудлари (уларнинг бир қисми) чизмалари ҳамда технологик схемалари илова қилинади.

8-4. Тегишли маълумотлар мавжуд бўлмаган тақдирда, ўтказиш пунктларининг паспортларидаги айрим қаторлар тўлдирилмаслиги мумкин.

8-5. Ўтказиш пунктларининг паспортлари ўтказиш пункти маъмуриятида сақланади.

8-6. Ўтказиш пунктида ўтказувчанлик имкониятига таъсир этувчи ўзгариш бўлганда, ўтказиш пунктининг янги паспорти ишлаб чиқилади.

8-7. Ўтказиш пунктларининг паспортларида белгиланган ўтказувчанлик имконияти кўрсаткичлари ошиб кетганда, ўтказиш пункти маъмурияти томонидан ушбу ўтказиш пунктини кенгайтириш ва давлат назорати органларига қўшимча штат бирликларини ажратиш бўйича зарур таклифлар ишлаб чиқилади ва кўриб чиқиш учун Ўзбекистон Республикаси Вазирлар Маҳкамасига киритилади.

III. ЎТКАЗИШ ПУНКТЛАРИНИ ТАШКИЛ ЭТИШ ТАРТИБИ

9. Ўтказиш пунктлари Ўзбекистон Республикасининг халқаро шартномаларга мувофиқ, шунингдек Ўзбекистон Республикаси Вазирлар Маҳкамасининг қарори билан ташкил этилади.

10. Ўтказиш пунктини ташкил этиш ташаббускори Ўзбекистон Республикаси Вазирлар Маҳкамасига ўз таклифларини қуйидаги материаллар билан биргаликда тақдим этади:

ўтказиш пунктини ташкил этишнинг мақсадга мувофиқлиги ва амалий аҳамиятини асослаш;

бўлиши мумкин бўлган молиявий-иқтисодий ва бошқа оқибатларни баҳолаш.

Ўзбекистон Республикаси Вазирлар Маҳкамаси кўриб чиқиш якунлари бўйича Ўзбекистон Республикаси Ташқи ишлар вазирлигига экспертлар даражасида ишлаб чиқиш учун таклиф юборади.

11. Ташқи ишлар вазирлиги Чегара қўшинлари ва Божхона қўмитаси билан биргаликда ўтказиш пунктини ташкил этишнинг мақсадга мувофиқлиги масаласини манфаатдор вазирликлар ва идоралар билан пухта ишлаб чиқади.

Ўрганиш материалларига қуйидагилар илова қилинади:

ўтказиш пунктини ташкил этишнинг мақсадга мувофиқлиги, режалаштирилаётган ўтказиш қуввати ва ташкил этиш муддати;

ўтказиш пунктини лойиҳалаштиришга, қуришга (шу жумладан реконструкция қилишга, кенгайтиришга), асбоб-ускунага, махсус техника ва бошқа моддий-техника воситалари билан жиҳозлашга, бинолар, хоналар, иншоотларни сақлашга, транспорт, муҳандислик ва ижтимоий-маиший инфратузилмани ташкил этиш ва ривожлантиришга тахминий молиявий харажатлар, шунингдек молиялаштириш манбалари;

маҳаллий давлат ҳокимияти органларининг унинг ҳудудида ўтказиш пунктини белгилашга розилиги кўрсатилган тушунтириш хати.

Ўрганиш якунлари бўйича Ташқи ишлар вазирлиги манфаатдор вазирликлар ва идоралар билан биргаликда экспертлар даражасида мажлис ўтказади, мажлис баённомасини барча зарур ҳужжатлар билан биргаликда Ўзбекистон Республикаси Вазирлар Маҳкамасига киритади.

Ўтказиш пунктини ташкил этишнинг мақсадга мувофиқлиги аниқланган тақдирда Ўзбекистон Республикаси Вазирлар Маҳкамасига тегишли баённома киритилади.

12. Ўзбекистон Республикаси Вазирлар Маҳкамасининг ўтказиш пунктини ташкил этиш тўғрисидаги масала бўйича ижобий қарори қабул қилинган тақдирда ташқи ишлар вазирлиги Чегара қўшинлари ва Божхона қўмитаси билан биргаликда тегишли халқаро шартнома лойиҳасини хорижий томон билан кейинчалик пухта ишлаш учун унинг лойиҳасини ишлаб чиқади ҳамда манфаатдор вазирликлар ва идоралар, Ўзбекистон Республикаси Вазирлар Маҳкамаси ва Ўзбекистон Республикаси Президенти ҳузуридаги Хавфсизлик кенгаши котибияти билан келишади.

13. Ўтказиш пунктлари бўйича экспертлар даражасидаги музокаралар Ташқи ишлар вазирлигининг ваколатли вакили раҳбарлигида ўтказилади. Истисно ҳолатларда, шунингдек томонларнинг устуворлиги принципидан келиб чиқиб, музокараларда Чегара қўшинлари ва Божхона қўмитасининг тегишли ваколатли вакиллари иштирок этадилар.

Музокаралар якунлари бўйича эришилган аҳдлашувлар баённома билан расмийлаштирилади, у белгиланган тартибда кейинчалик халқаро шартнома лойиҳаси матнининг мақбуллиги, шунингдек имзолаш жойи ва муддатлари тўғрисида дипломатик йўллар билан хорижий томонни хабардор қилиш учун давлат ички келишиши тартиб-таомилидан ўтади.

14. Ўтказиш пунктини ташкил этиш тўғрисида халқаро шартнома ёки ўзгартириш ва қўшимчалар киритиш тўғрисидаги баённома тузилгандан кейин ташаббус кўрсатувчи ўтказиш пунктини ташкил этиш (иш режими ёки мақомини ўзгартириш) тўғрисида Ўзбекистон Республикаси Вазирлар Маҳкамаси қарорининг вазирликлар ва идоралар билан келишилган лойиҳасини белгиланган тартибда Ўзбекистон Республикаси Вазирлар Маҳкамасига киритади.

15. Ўзбекистон Республикаси Вазирлар Маҳкамасининг ўтказиш пунктини ташкил этиш (иш режими ёки мақомини ўзгартириш) тўғрисидаги кучга кирган қарори ўтказиш пунктини лойиҳалаштириш, қуриш (шу жумладан реконструкция қилиш, кенгайтириш), объектларини ишга тушириш ҳамда махсус техника ва бошқа моддий-техника воситалари билан жиҳозлашни, транспорт, муҳандислик ва ижтимоий-маиший инфратузилмани ташкил этиш ва ривожлантиришни молиялаштириш, вазирликлар ва идораларнинг норматив-ҳуқуқий ҳужжатларини Ўзбекистон Республикаси Вазирлар Маҳкамасининг кўрсатиб ўтилган қарорига мувофиқлаштириш, шунингдек ушбу ўтказиш пунктида ишларни ташкил этиш учун зарур штат бирликларини ажратиш учун асос ҳисобланади.

16. Ўзбекистон Республикаси Вазирлар Маҳкамасининг ўтказиш пунктини ташкил этиш тўғрисидаги қарори унинг таснифи кўрсатилган ҳолда оммавий ахборот воситаларида эълон қилинади.

Ўзбекистон Республикаси Ташқи ишлар вазирлиги барча манфаатдор давлатларни, дипломатик ваколатхоналарни ва хорижий давлатларнинг Ўзбекистон Республикасида аккредитация қилинган консуллик муассасаларини, манфаатдор халқаро ташкилотларни, Ўзбекистон Республикасининг дипломатик ваколатхоналари ва консуллик муассасаларини ўтказиш пунктлари ташкил этилганлиги, уларнинг таснифи, шахслар, ва транспорт воситаларининг Давлат чегарасини кесиб ўтиши, шунингдек товарларнинг Давлат чегараси орқали олиб ўтилиши тартиби ва қоидаларидан хабардор қилади.

IV. ЎТКАЗИШ ПУНКТЛАРИНИ ТАШКИЛ

ЭТИШ ТЎҒРИСИДАГИ ҚАРОРНИ АМАЛГА

ОШИРИШ ТАРТИБИ

17. Ўзбекистон Республикаси Вазирлар Маҳкамасининг қарори кучга киргандан кейин ўтказиш пунктини ташкил этиш ташаббускори ўз ваколатлари доирасида ўтказиш пунктини лойиҳалаштириш, қуриш (шу жумладан реконструкция қилиш, кенгайтириш), махсус техника ва бошқа моддий-техника воситалари билан жиҳозлаш бўйича буюртмачи функцияларини бажаради.

Буюртмачи белгиланган тартибда пудратчини белгилайди ва ўтказиш пунктини лойиҳалаштириш ва қуриш (шу жумладан реконструкция қилиш, кенгайтириш) бўйича ишларни амалга ошириш доирасида давлат органлари ва бошқа манфаатдор юридик шахслар ўртасидаги ўзаро ҳамкорликни умумий мувофиқлаштиради.

18. Буюртмачи манфаатдор вазирликлар ва идораларнинг таклифлари асосида, Ўзбекистон Республикасида амал қилувчи нормалар ва қоидаларга мувофиқ ўтказиш пунктини қуриш (шу жумладан реконструкция қилиш, кенгайтириш), махсус техника ва бошқа моддий-техника воситалари билан жиҳозлаш юзасидан лойиҳалаштиришга топшириқни ва лойиҳа-смета ҳужжатларини ишлаб чиқади.

19. Ўтказиш пунктини қуришга (шу жумладан реконструкция қилиш, кенгайтиришга), махсус техника ва бошқа моддий-техника воситалари билан жиҳозлашга лойиҳа-смета ҳужжатлари манфаатдор вазирликлар, идоралар ва маҳаллий давлат ҳокимияти органлари билан келишилади.

20. Ўтказиш пункти уни қуриш (шу жумладан реконструкция қилиш, кенгайтириш), махсус техника ва бошқа моддий-техника воситалари билан жиҳозлаш комплекс тугаллангандан, транспорт, муҳандислик ва ижтимоий-маиший инфратузилма ташкил этилгандан кейин фаолият кўрсатишни бошлайди.

Ўтказиш пункти қурилиши тугаллангандан кейин уни бириктириш масаласи (балансга олиш) Ўзбекистон Республикаси Вазирлар Маҳкамасининг қарори билан тартибга солинади.

21. Ўтказиш пунктини қуриш (шу жумладан реконструкция қилиш, кенгайтириш), махсус техника ва бошқа моддий-техника воситалари билан жиҳозлаш тамом бўлгандан кейин буюртмачи қурилиши тугалланган объектни қабул қилиш учун идоралараро комиссияни тайинлайди.

Идоралараро комиссия таркибига ўтказиш пунктини ташкил этиш ташаббускорининг, Ўзбекистон Республикасининг амалдаги қонун ҳужжатларига мувофиқ ишга тушириладиган ўтказиш пунктида фойдаланишни амалга оширадиган транспорт алоқаси ва назорат турларига боғлиқ равишда манфаатдор вазирликлар ва идораларнинг, шунингдек ҳудудида ўтказиш пункти очиладиган маҳаллий давлат ҳокимияти органининг вакиллари киради.

V. ЎТКАЗИШ ПУНКТЛАРИ ИШЛАРИНИ ТАШКИЛ ЭТИШ

22. Ўтказиш пункти фаолиятининг умумий тартиби (ишнинг бошланиши тамом бўлиши вақти, технологик танаффуслар, Давлат чегарасини кесиб ўтаётган шахслар ва траспорт воситалари, шунингдек Давлат чегараси орқали олиб ўтилаётган товарларни расмийлаштириш графиклари (жадваллари), чегарадош давлатлар билан халқаро шартномалар ҳисобга олинган ҳолда, Ўзбекистон Республикаси қонун ҳужжатларига мувофиқ давлат назорати органлари ва ўтказиш пункти маъмурияти раҳбарларининг қўшма қарори билан тасдиқланади.

23. Ўтказиш пунктларида назоратнинг барча турларини амалга оширишнинг изчиллиги халқаро алоқалар тури ҳисобга олинган ҳолда, Давлат чегараси орқали шахслар, транспорт воситалари ва товарларни ўтказишни ташкил этишнинг намунавий схемалари билан белгиланади. Намунавий схемалар назоратнинг ҳар хил турларини амалга оширувчи вазирликлар ва идоралар билан келишилади ҳамда халқаро алоқанинг тегишли турларини амалга оширувчи вазирликлар ва идораларнинг идоравий ҳужжатлари билан тасдиқланади.

24. Давлат чегараси орқали шахслар, транспорт воситалари ва товарларни ўтказишни ташкил этишнинг намунавий схемаларига мувофиқ, маҳаллий шарт-шароитлар ҳисобга олинган ҳолда, давлат назорати органлари ва ўтказиш пункти маъмурияти раҳбарларининг қўшма қарори билан ҳар бир аниқ ўтказиш пунктида Давлат чегараси орқали шахслар, транспорт воситалари ва товарларни ўтказишнинг технологик схемаси амалга киритилади, у Чегара қўшинларининг ҳудудий бирлашмалари, Давлат хавфсизлик хизмати ва Божхона қўмитасининг ҳудудий бўлинмалари раҳбарлари томонидан тасдиқланади.

VI. ДАВЛАТ НАЗОРАТИ ОРГАНЛАРИ ВА ЎТКАЗИШ

ПУНКТЛАРИ МАЪМУРИЯТИ ФАОЛИЯТИНИ

МУВОФИҚЛАШТИРИШ

25. Давлат назорати органлари ва ўтказиш пунктлари маъмурияти ўз фаолиятини қуйидаги асосий йўналишлар бўйича мувофиқлаштирадилар:

ўтказиш пунктида юзага келаётган вазиятни биргаликда таҳлил қилиш;

Давлат чегараси орқали ўтказиш ҳажмини ўзгартириш бўйича тенденцияларни прогнозлаштириш;

Давлат чегарасини шахслар ва транспорт воситалари кесиб ўтиши, шунингдек Давлат чегараси орқали товарларни олиб ўтиш қоидалари бузилишига олиб келадиган шарт-шароитларни ўз вақтида аниқлаш;

Давлат чегараси режимини ва ўтказиш пунктларидаги режимни сақлаш;

ўтказиш пунктининг ишларини такомиллаштириш бўйича таклифларни ишлаб чиқиш ва амалга ошириш;

Давлат чегараси орқали ўтказишнинг технологик схемаларини ва ўзаро ҳамкорлик режаларини ишлаб чиқиш ва тасдиқлаш.

26. Ушбу Низомнинг 25-бандида кўрсатилган масалалар бўйича давлат назорати органлари ва ўтказиш пункти маъмурияти фаолиятини мувофиқлаштириш - Божхона қўмитасининг таркибий бўлинмалари билан биргаликда Чегара қўшинларининг таркибий бўлинмалари, хўжалик фаолияти масалалари бўйича эса - ўтказиш пункти маъмуриятининг раҳбари томонидан амалга оширилади.

27. Ушбу Низомнинг 25-бандида кўрсатилган масалалар бўйича органлар ва ташкилотлар фаолияти мувофиқлаштирилишини таъминлаш мақсадида мувофиқлаштирувчи кенгашлар чақирилади, уларнинг иштирокчилари таркибига давлат назорати органлари бўлинмаларининг ва ўтказиш пункти маъмуриятининг раҳбарлари киради.

Мувофиқлаштирувчи кенгашга, зарурият бўлганда, бошқа шахслар таклиф этилиши мумкин. Уларнинг қатнашиши тўғрисидаги қарор мувофиқлаштирувчи кенгаш аъзолари томонидан қабул қилинади.

28. Мувофиқлаштирувчи кенгашлар заруриятга кўра, шунингдек мувофиқлаштирувчи кенгаш аъзоларидан бирининг ташаббуси билан ўтказилади.

29. Мувофиқлаштирувчи кенгашнинг қарорлари қўшма фармойиш берувчи ҳужжатлар чиқариш йўли билан амалга оширилади.

VII. ЎТКАЗИШ ПУНКТЛАРИНИ МОЛИЯВИЙ

ВА МОДДИЙ-ТЕХНИК ТАЪМИНЛАШ

30. Давлат органларининг ташаббуси билан ташкил этиладиган ўтказиш пунктларини қуриш (шу жумладан реконструкция қилиш, кенгайтириш), уларни махсус техника ва бошқа моддий-техника воситалари билан жиҳозлаш Ўзбекистон Республикаси Давлат бюджети маблағлари, ушбу объектларнинг буюртмачилари томонидан ажратиладиган маблағлар, шунингдек молиялаштиришнинг қонун ҳужжатларида тақиқланмаган бошқа манбалари ҳисобига амалга оширилади.

31. Ўтказиш пункти фойдаланишга қабул қилиб олингандан кейин давлат назорати органларининг таркибий бўлинмаларига ўз фаолиятини олиб бориши учун зарур бўлган жиҳозланган хизмат хоналари ва маиший хизмат хоналари, махсус жойлар, махсус техника ва бошқа моддий-техника воситалари ўтказиш пункти маъмурияти томонидан беғараз берилади.

32. Ўтказиш пунктини назоратнинг махсус аппаратлари ва махсус техника воситалари билан жиҳозлаш, улардан фойдаланиш, шунингдек давлат назорати органларининг таркибий бўлинмалари шахсий таркибини таъминлаш билан боғлиқ харажатлар Ўзбекистон Республикаси Давлат бюджетининг тегишли вазирликлар ва идоралар учун назарда тутиладиган маблағлари ва молиялаштиришнинг қонун ҳужжатларида тақиқланмаган бошқа манбалари ҳисобига амалга оширилади.

33. Давлат назорати органларининг таркибий бўлинмалари ўзларига берилган хизмат хоналари ва маиший хизмат хоналаридан, махсус жойлар ҳамда махсус техника ва бошқа моддий-техника воситаларидан белгиланган нормалар ва қоидаларга мувофиқ фойдаланадилар.

34. Ўтказиш пунктларида давлат назорати органларининг сифатли ишлашини таъминлаш учун ўтказиш пункти маъмурияти ва маҳаллий давлат ҳокимияти органлари электр энергияси, алоқа тармоқлари ва сувнинг узлуксиз етказиб берилишини, ўтказиш пунктлари ҳаёт фаолиятини таъминлашнинг бошқа турлари ва ўтказиш пунктларига туташ ҳудудларни инфратузилма билан жиҳозлашни таъминлайдилар.

35. Ўтказиш пунктини сақлаш ва ундан фойдаланиш харажатлари ўтказиш пунктларининг балансда сақловчиси маблағлари ҳисобига амалга оширилади. Давлат назорати органлари бинолардан, назоратнинг техник воситаларидан бепул фойдаланадилар.

VIII. ЎТКАЗИШ ПУНКТЛАРИНИ ТУГАТИШ ТАРТИБИ

36. Ўтказиш пункти Ўзбекистон Республикасининг Давлат чегараси орқали транспорт алоқасини тўхтатиш тўғрисидаги халқаро шартномалари кучга кирганда тугатилади.

Авиация ўтказиш пункти фаолияти Ўзбекистон Республикасининг бир томонлама қарори асосида, хорижий давлатни олдиндан хабардор қилган ҳолда, белгиланган тартибда тугатилиши мумкин.

37. Давлат чегараси орқали шахслар, транспорт воситалари ва товарларни ўтказишнинг вақтинча чекланиши ёки тўхтатиб турилиши Ўзбекистон Республикаси Вазирлар Маҳкамасининг қарори билан, хорижий давлат олдиндан хабардор қилинган ҳолда, белгиланган тартибда:

Ўзбекистон Республикасининг миллий хавфсизлигини таъминлаш мақсадида;

ваколатли давлат органининг Ўзбекистон Республикаси ёки чет давлатлар ҳудудида одамлар, ҳайвонлар ва ўсимликларнинг карантинли ҳамда бошқа хавфли юқумли касалликлари юзага келиши ва тарқалиши тўғрисидаги ахборотига асосан;

табиий ва техноген хусусиятли фавқулодда вазиятлар рўй берганда;

ўтказиш пункти ҳудудида қурилиш-техник ишлар олиб борилаётганда;

чегарадош давлат ваколатли органларининг мурожаатларига асосан амалга оширилади.

38. Давлат чегарасидаги олдиндан билиб бўлмайдиган вазият туфайли келиб чиққан, кечиктириб бўлмайдиган ҳолатларда, Ўзбекистон Республикаси Президенти Администрацияси билан келишган ҳолда, Давлат чегараси орқали шахслар, транспорт воситалари ва товарларни ўтказишни вақтинча тўхтатиб туриш Ўзбекистон Республикаси Давлат хавфсизлик хизмати Раисининг қарорига биноан амалга оширилиши мумкин. Қабул қилинган қарор тўғрисида Ташқи ишлар вазирлиги, Божхона қўмитаси, шунингдек Ўзбекистон Республикасининг бошқа вазирлик ва идоралари мажбурий тартибда хабардор қилинади.

39. Давлат чегараси орқали шахслар, транспорт воситалари ва товарларни ўтказишни вақтинча тўхтатиб туриш тўғрисида чегарадош давлатни олдиндан хабардор қилиш, ҳаракатни чеклаш, ўтказиш пунктини ёпиш, очиш тартиби ва муддатлари Ўзбекистон Республикасининг икки томонлама халқаро шартномалари билан тартибга солинади.

Низомга

1-ИЛОВА

Ўзбекистон Республикасининг Давлат чегараси

орқали автомобиль ўтказиш пунктларида

кўрсатиладиган пулли хизматлар

РЎЙХАТИ

1. Ўзбекистон Республикаси ҳудудида фаолият олиб бораётган мобил алоқа операторлари хизматлари.

2. Овқатланиш ҳамда санитар-гигиеник хизматларни ташкил этиш бўйича фаолият.

3. Бож олинмайдиган савдо дўконларида товарларнинг чакана савдоси.

4. Йўловчилар учун қўл аравачаларини ижарага бериш.

5. Йўловчилар ва уларнинг юкларини ўтказиш пункти ичида ташиш хизмати.

6. Ўтказиш пункти орқали ҳаракатланаётган транспорт воситаларини майда таъмирлаш ишлари ҳамда уларни эвакуация қилиш.

7. Ҳажми катта бўлмаган қўл юкларини сақлаб бериш.

8. Транспорт воситаларида ташилаётган юклар билан операциялар амалга ошириш (юк ортиш, тушириш, қайта юклаш).

9. Таржимонлик хизмати.

10. Хизмат кўрсатиш (йўловчи божхона декларацияси ва миграция бланкаларини тўлдириб бериш, турли компьютер хизматлари, факс, Интернет) хоналари.

11. Такси чақириш хизмати.

Низомга

2-ИЛОВА

Ўтказиш пунктлари паспортининг шакли

             

        

         

II. ЎТКАЗИШ ПУНКТИНИНГ ЎТКАЗУВЧАНЛИК ИМКОНИЯТИ

       

          

           

III. ДАВЛАТ НАЗОРАТИ ОРГАНЛАРИ, ЎТКАЗИШ

ПУНКТИ МАЪМУРИЯТИ, БОШҚА ТАШКИЛОТ, МУАССАСА

ВА ХИЗМАТЛАР ТЎҒРИСИДАГИ МАЪЛУМОТЛАР

        

1. Ўтказиш пунктида назоратни амалга оширувчи органлар

         

          

        

2. Ўтказиш пункти иш фаолиятини ва режимини таъминловчи ташкилотлар

           

            

          

3. Ўтказиш пунктида йўловчиларга хизмат кўрсатувчи ташкилотлар* (7)

       

         

           

IV. ЎТКАЗИШ ПУНКТИНИНГ ТРАНСПОРТ,

МУҲАНДИСЛИК ВА ТЕХНИК ИНФРАТУЗИЛМАСИ

ТЎҒРИСИДАГИ МАЪЛУМОТЛАР

1. Бино, иншоотлар, хоналар

          

         

          

2. Технологик жиҳозлар, назорат воситалари, кўрикдан ўтказиш

ва бошқа махсус-техник воситалар

            

         

       

3. Автотранспорт воситалари

        

         

      

4. Ахборот-телекоммуникацион тармоқлар

           

          

            

5. Алоқа воситалари

             

           

          

6. Муҳандислик тармоқлари

             

         

          

7. Йўл ҳаракати ва хавфсизлигини ташкил этиш

         

            

*(1) Ўтказиш пункти жойлашган Ўзбекистон Республикасининг вилоят, шаҳар ва туман, шунингдек автомобиль йўлининг номланиши кўрсатилади.

*(2) Ўтказиш пунктининг очилиши тўғрисидаги қарорнинг реквизитлари (тури, санаси, рақами) кўрсатилади.

*(3) Ўтказиш пунктини реконструкция қилиш тўғрисидаги қарор реквизитлари (тури, санаси, рақами), реконструкция ишларининг бошланиши ва якунланиши санаси кўрсатилади.

*(4) Ўтказиш пунктининг халқаро алоқаларни амалга ошириш тури бўйича (йўловчи, юк ташувчи, йўловчи ва юк ташувчи), ишлаш режими бўйича (кечаю-кундуз ва куннинг ёруғ вақтида) таснифланиши кўрсатилади.

*(5) Ўтказиш пункти иш вақтининг бошланиши ва якунланиши, технологик танаффуслар, шахслар, транспорт воситалари ва товарларни расмийлаштириш тўғрисида қисқача маълумотлар кўрсатилади.

*(6) Ўтказиш пункти орқали айнан қандай махсус юкли (катта габаритли, оғир вазнли, хавфли) транспорт воситаларини ўтказишга рухсат берилганлиги кўрсатилади.

*(7) Йўловчиларга хизмат кўрсатувчи бошқа хизматлар тўғрисида маълумотлар кўрсатилади.

*(8) Ўтказиш пунктидаги давлат назорати органларига фойдаланиш учун топширилган мулклар тўғрисидаги ўтказиш пункти маъмуриятининг қарорлари кўрсатилади (тури, санаси, рақами).

*(9) Ўтказиш пункти яқинидаги автотранспорт воситалари учун автотураргоҳ майдонининг ўлчамлари, транспорт воситаларининг турлари бўйича (енгил, юк) сиғими кўрсатилади.

*(10) Ўтказиш пункти яқинидаги йўлларнинг тоифалари ва қўшимча ҳаракатланиш йўлаклар сони кўрсатилади.

*(11) Йўл ҳаракатини ташкил этувчи техник воситаларининг сони (светофорлар, йўл ҳаракати белгилари, ажратувчи йўлаклар, тўсиқлар ва ҳ.к.).

          

          

          

         

II. ЎТКАЗИШ ПУНКТИНИНГ

ЎТКАЗУВЧАНЛИК ИМКОНИЯТИ

            

           

                

III. ДАВЛАТ НАЗОРАТИ ОРГАНЛАРИ, ЎТКАЗИШ ПУНКТИ

МАЪМУРИЯТИ, БОШҚА ТАШКИЛОТ, МУАССАСА ВА

ХИЗМАТЛАР ТЎҒРИСИДАГИ МАЪЛУМОТЛАР

1. Ўтказиш пунктида назоратни амалга оширувчи органлар

            

           

            

2. Ўтказиш пункти иш фаолиятини ва режимини

таъминловчи ташкилотлар

          

        

           

3. Ўтказиш пунктида йўловчиларга хизмат кўрсатувчи ташкилотлар* (6)

         

         

          

IV. ЎТКАЗИШ ПУНКТИНИНГ ТРАНСПОРТ,

МУҲАНДИСЛИК ВА ТЕХНИК ИНФРАТУЗИЛМАСИ

ТЎҒРИСИДАГИ МАЪЛУМОТЛАР

          

1. Бино, иншоотлар, хоналар

             

          

            

2. Технологик жиҳозлар, назорат воситалари, кўрикдан

ўтказиш ва бошқа махсус-техник воситалар

             

           

             

3. Автотранспорт воситалари

                

          

        

4. Ахборот-телекоммуникацион тармоқлар

           

          

        

5. Алоқа воситалари

            

         

        

6. Муҳандислик тармоқлари

             

           

*(1) Темир йўл бекати жойлашган Ўзбекистон Республикасининг вилоят, шаҳар ва туман номланиши кўрсатилади.

*(2) Ўтказиш пунктининг очилиши тўғрисидаги қарорнинг реквизитлари (тури, санаси, рақами) кўрсатилади.

*(3) Ўтказиш пунктини реконструкция қилиш тўғрисидаги қарор реквизитлари (тури, санаси, рақами), реконструкция ишларининг бошланиши ва якунланиши санаси кўрсатилади.

*(4) Ўтказиш пунктининг халқаро алоқаларни амалга ошириш тури бўйича (йўловчи, юк ташувчи, йўловчи ва юк ташувчи), ишлаш режими бўйича (кечаю-кундуз ва куннинг ёруғ вақтида) таснифланиши кўрсатилади.

*(5) Ўтказиш пункти иш вақтининг бошланиши ва якунланиши, технологик танаффуслар, шахслар, транспорт воситалари ва товарларни расмийлаштириш тўғрисида қисқача маълумотлар кўрсатилади.

*(6) Йўловчиларга хизмат кўрсатувчи бошқа хизматлар тўғрисида маълумотлар кўрсатилади.

*(7) Ўтказиш пунктидаги давлат назорати органларига фойдаланиш учун топширилган мулклар тўғрисидаги ўтказиш пункти маъмуриятининг қарорлари кўрсатилади (тури, санаси, рақами).

          

         

          

             

II. ЎТКАЗИШ ПУНКТИНИНГ

ЎТКАЗУВЧАНЛИК ИМКОНИЯТИ

             

         

         

III. ДАВЛАТ НАЗОРАТИ ОРГАНЛАРИ,

ЎТКАЗИШ ПУНКТИ МАЪМУРИЯТИ, БОШҚА

ТАШКИЛОТ, МУАССАСА ВА ХИЗМАТЛАР

ТЎҒРИСИДАГИ МАЪЛУМОТЛАР

        

1. Ўтказиш пунктида назоратни амалга оширувчи органлар

       

        

          

2. Ўтказиш пункти иш фаолиятини ва режимини

таъминловчи ташкилотлар

           

     

         

3. Ўтказиш пунктида йўловчиларга хизмат кўрсатувчи ташкилотлар* (6)

             

         

         

IV. ЎТКАЗИШ ПУНКТИНИНГ ТРАНСПОРТ,

МУҲАНДИСЛИК ВА ТЕХНИК ИНФРАТУЗИЛМАСИ

ТЎҒРИСИДАГИ МАЪЛУМОТЛАР

1. Бино, иншоотлар, хоналар

           

           

           

2. Технологик жиҳозлар, назорат воситалари, кўрикдан ўтказиш

ва бошқа махсус-техник воситалар

         

         

         

3. Автотранспорт воситалари

          

       

             

4. Ахборот-телекоммуникацион тармоқлар

            

        

         

5. Алоқа воситалари

            

        

            

6. Муҳандислик тармоқлари

           

         

*(1) Дарё порти жойлашган Ўзбекистон Республикасининг вилоят, шаҳар ва туман номланиши кўрсатилади.

*(2) Ўтказиш пунктининг очилиши тўғрисидаги қарорнинг реквизитлари (тури, санаси, рақами) кўрсатилади.

*(3) Ўтказиш пунктини реконструкция қилиш тўғрисидаги қарор реквизитлари (тури, санаси, рақами), реконструкция ишларининг бошланиши ва якунланиши санаси кўрсатилади.

*(4) Ўтказиш пунктининг халқаро алоқаларни амалга ошириш тури бўйича (йўловчи, юк ташувчи, йўловчи ва юк ташувчи), ишлаш режими бўйича (кечаю-кундуз ва куннинг ёруғ вақтида) таснифланиши кўрсатилади.

*(5) Ўтказиш пункти иш вақтининг бошланиши ва якунланиши, технологик танаффуслар, шахслар, транспорт воситалари ва товарларни расмийлаштириш тўғрисида қисқача маълумотлар кўрсатилади.

*(6) Йўловчиларга хизмат кўрсатувчи бошқа хизматлар тўғрисида маълумотлар кўрсатилади.

*(7) Ўтказиш пунктидаги давлат назорати органларига фойдаланиш учун топширилган мулклар тўғрисидаги ўтказиш пункти маъмуриятининг қарорлари кўрсатилади (тури, санаси, рақами).

*(8) Дарё портининг акваторияси ва ҳудудининг чизмасига асосан юк ортиш мажмуаси номланиши, ушбу мажмуанининг юклар турига қараб ихтисослаштирилганлиги кўрсатилади.

        

       

          

           

II. ЎТКАЗИШ ПУНКТИНИНГ

ЎТКАЗУВЧАНЛИК ИМКОНИЯТИ

          

        

           

III. ДАВЛАТ НАЗОРАТИ ОРГАНЛАРИ,

ЎТКАЗИШ ПУНКТИ МАЪМУРИЯТИ, БОШҚА

ТАШКИЛОТ, МУАССАСА ВА ХИЗМАТЛАР

ТЎҒРИСИДАГИ МАЪЛУМОТЛАР

      

1. Ўтказиш пунктида назоратни амалга оширувчи органлар

          

          

             

2. Ўтказиш пункти иш фаолиятини ва режимини

таъминловчи ташкилотлар

         

         

       

3. Ўтказиш пунктида йўловчиларга хизмат кўрсатувчи ташкилотлар* (7)

          

         

       

IV. ЎТКАЗИШ ПУНКТИНИНГ ТРАНСПОРТ,

МУҲАНДИСЛИК ВА ТЕХНИК ИНФРАТУЗИЛМАСИ

ТЎҒРИСИДАГИ МАЪЛУМОТЛАР

      

1. Бино, иншоотлар, хоналар

           

        

         

2. Технологик жиҳозлар, назорат воситалари, кўрикдан ўтказиш

ва бошқа махсус-техник воситалар

          

      

        

3. Автотранспорт воситалари

          

        

         

4. Ахборот-телекоммуникацион тармоқлар

           

           

        

5. Алоқа воситалари

          

       

       

6. Муҳандислик тармоқлари

            

           

*(1) Аэропорт (аэродром) жойлашган Ўзбекистон Республикасининг вилоят, шаҳар ва туман номланиши кўрсатилади.

*(2) Ўтказиш пунктининг очилиши тўғрисидаги қарорнинг реквизитлари (тури, санаси, рақами) кўрсатилади.

*(3) Ўтказиш пунктини реконструкция қилиш тўғрисидаги қарор реквизитлари (тури, санаси, рақами), реконструкция ишларининг бошланиши ва якунланиши санаси кўрсатилади.

*(4) Аэродромнинг халқаро қатновлар учун яроқлилиги ва амал қилиш муддатини белгиловчи сертификат (гувоҳнома) реквизитлари кўрсатилади.

*(5) Ўтказиш пунктининг халқаро алоқаларни амалга ошириш тури бўйича (йўловчи, юк ташувчи, йўловчи ва юк ташувчи), ишлаш режими бўйича (кечаю-кундуз ва куннинг ёруғ вақтида) таснифланиши кўрсатилади.

*(6) Ўтказиш пункти иш вақтининг бошланиши ва якунланиши, технологик танаффуслар, авиарейслар тўғрисида қисқача маълумотлар кўрсатилади.

*(7) Халқаро ташувларни амалга оширирувчи, йўловчиларга хизмат кўрсатувчи бошқа хизматлар тўғрисида маълумотлар кўрсатилади.

*(8) Ўтказиш пунктидаги давлат назорати органларига фойдаланиш учун топширилган мулклар тўғрисидаги ўтказиш пункти маъмуриятининг қарорлари кўрсатилади (тури, санаси, рақами).

"Ўзбекистон Республикаси қонун ҳужжатлари тўплами",

2016 йил 4 апрель, 13-сон, 118-модда

"Ўзбекистон Республикаси Ҳукуматининг қарорлари тўплами",

2016 йил, 3-сон, 21-модда