ЎЗБЕКИСТОН РЕСПУБЛИКАСИ

ҚОНУН ҲУЖЖАТЛАРИ ТЎПЛАМИ

12-СОН

Президентнинг 20.03.2012 йилдаги ПҚ-1729-сон қарори билан Алишер Навоий номидаги Ўзбекистон Миллий кутубхонаси - ахборот ресурс маркази фаолиятини ташкил этиш бўйича биринчи навбатдаги чора-тадбирлар дастури тасдиқланди. Хусусан, Вазирлар Маҳкамасига бир ойлик муддатда Ўзбекистон Миллий кутубхонаси ва республика ҳудудий ахборот-ресурс марказлари ходимлари касб ва лавозимларининг янги классификаторини тасдиқлаш топширилди. Ушбу классификаторда халқаро тажрибадан келиб чиқиб, ахборот-кутубхона технологиялари бўйича мутахассис, етакчи мутахассис ва бош мутахассис лавозимлари назарда тутилган бўлиши керак. Кутубхоначи ва библиограф лавозимлари тугатилади. Шунга мувофиқ Хизматчиларнинг асосий лавозимлари ва ишчилар касблари классификаторига (Вазирлар Маҳкамасининг 20.08.2010 йилдаги 181-сон қарори билан тасдиқланган) тегишли ўзгартиришлар киритилади. Президент қарори билан белгиланишича, Ўзбекистон Миллий кутубхонаси раҳбар ва мутахассисларининг иш ҳақи миқдори Миллий кутубхона ходимларининг иш ҳақи 15 фоизгача миқдорда илгари белгиланган устама ҳақларни сақлаб қолган ҳолда, республика ва вилоят ахборот-кутубхона муассасалари учун назарда тутилганидан 1 разряд юқори бўлиши керак.

* * *

Вазирлар Маҳкамасининг 15.03.2012 йилдаги "Ўзбекистон Республикасининг "Интеллектуал мулк тўғрисидаги қонун ҳужжатлари такомиллаштирилиши муносабати билан Ўзбекистон Республикасининг айрим қонунларига ўзгартиш ва қўшимчалар киритиш ҳақида" 2011 йил 26 декабрдаги ЎРҚ-312-сон