ЎзР Қонун ҳужжатлари тўплами. 23-24-сон

Функция недоступна

ЎЗБЕКИСТОН РЕСПУБЛИКАСИ

ҚОНУН ҲУЖЖАТЛАРИ ТЎПЛАМИ

23-24-СОН

Вазирлар Маҳкамасининг 6.06.2012 йилдаги 164-сон қарори билан Япония ҳукуматининг Ўзбекистон Республикаси вакилларининг Япония етакчи университетлари магистратурасида ўқишини ташкил этиш тўғрисидаги таклифи қабул қилинди. Ўзбекистон вакилларининг Японияда ўқишини ташкил этиш учун Кунчиқар мамлакат ҳукумати 202 млн Япония иенаси миқдорида грант тақдим этади. Ўқиш учун номзодларни танлаб олиш Япония Халқаро ҳамкорлик агентлиги, Япония Халқаро ҳамкорлик маркази, Ўзбекистон Республикаси Олий ва ўрта махсус таълим вазирлиги ҳамда Ташқи иқтисодий алоқалар, инвестициялар ва савдо вазирлиги томонидан амалга оширилади.

* * *

Вазирлар Маҳкамасининг 7.06.2012 йилдаги 165-сон қарори билан эҳтиёжманд оилаларга нафақалар ва моддий ёрдам тайинлаш учун ўртача ойлик жами даромад миқдорини ҳисоблаб чиқиш тартиби тўғрисидаги низом тасдиқланди. Низомга мувофиқ вояга етмаган болалари бўлган оилаларга нафақалар, бола 2 ёшга тўлгунгача парвариш қилиш учун нафақаларни, шунингдек кам таъминланган оилаларга моддий ёрдам ҳар бир оила аъзосига ўртача ойлик жами даромад миқдори энг кам ойлик иш ҳақининг 1,5 бараваридан ортиқ бўлмаган оилаларга тайинланади ва тўланади. Ўртача ойлик жами даромад миқдори нафақа ёки моддий ёрдам учун мурожаат қилинган ойдан олдинги охирги 3 ойда қонун ҳужжатларига мувофиқ белгиланган ЭКИҲ