2017 ЙИЛ УЧУН ҚОНУНЧИЛИКДАГИ ЯНГИЛИКЛАР

2017 йил 1 декабрдан бошлаб:

- муддати ўтказиб юборилган дебитор қарздорлик ҳосил бўлишининг ягона муддати 120 календарь куни этиб БЕЛГИЛАНДИ. Бу муддат Ўзбекистон Республикаси резидентлари томонидан улар таъсис этган чет элдаги савдо уйлари, савдо ваколатхоналари, шўъба корхоналари, фирма дўконлари, дилерлик тармоқлари ва консигнация омборларига, шунингдек Ўзбекистон Республикаси Савдо-саноат палатасининг аъзолари томонидан унинг савдо-инвестиция уйларига олиб чиқиб кетиладиган товарлардан ташқари экспорт операцияларининг барча тоифаларига нисбатан қўлланилади. Бунда:

- енгиб бўлмайдиган куч (форс-мажор) таъсири юзага келган ҳолатда хорижий валютадаги тушумнинг тушиши муддати ушбу таъсир юз берган давлатнинг ваколатли органи томонидан тасдиқланган, енгиб бўлмайдиган кучнинг амал қилиши даврига узайтирилади;

- товарлар, ишлар ва хизматлар экспорт қилувчининг ҳисоб рақамига экспорт контрактини суғурталаш полиси бўйича суғурта қопламаси суммаси (миллий ва/ёки хорижий валюталарда) тушганда, ушбу экспорт контракти бўйича дебитор қарздорлик суммаси молиявий санкцияларни қўллаш мақсадлари учун суғурта қопламаси суммасига камайтирилади.

- муддати ўтказиб юборилган қарздорлиги бўлмаган тадбиркорлик субъектларига товарлар, ишлар ва хизматлар экспортини (янги узилган мева-сабзавот маҳсулотлари ва алоҳида хом ашё товарларидан (рус тилида берилган) таш