Олди-сотди шартномасини тузиш бўйича айрим тавсиялар. ("Мажбуриятларнинг алоҳида турлари" бўлими)

Функция недоступна

ХЎЖАЛИК-ҲУҚУҚИЙ МУНОСАБАТЛАРИДА ОЛДИ-СОТДИ:

шартномаларни тузиш бўйича айрим тавсилар

Олди-сотди – бу шундай ҳуқуқий муносабатки, унга кўра бир тараф (сотувчи) товарни бошқа тараф (сотиб олувчи)га мулк қилиб топшириш мажбуриятини, сотиб олувчи эса бу товарни қабул қилиш ва унинг учун белгиланган пул суммаси (баҳоси)ни тўлаш мажбуриятини олади (Фуқаролик кодексининг 386-моддаси биринчи қисми).

Тадбиркорлик фаолияти субъектлари - юридик шахслар ўртасида олди-сотди шартномаларини тузиш ва бажариш Фуқаролик кодекси 353-385, 386-424-моддаларининг умумий норматив-ҳуқуқий қоидалари, шунингдек "Хўжалик юритувчи субъектлар фаолиятининг шартномавий-ҳуқуқий базаси тўғрисида"ги Қонун билан тартибга солинади.

Айрим турдаги олди-сотди шартномалари мазмунининг ўзига хос хусусиятлари, хусусан, 437-456-моддаларда (етказиб бериш), 468-478-моддаларда (энергия таъминоти), 479-488-моддаларда (кўчмас мулкни сотиш), 489-496-моддаларда (корхонани сотиш) назарда тутилган. Кўрсатилган холларда олди-сотди шартномасига оид умумий қоидалар қўлланилади, агар махсус қоидаларда бошқа тартиб назарда тутилмаган бўлса