Талабдан бошқа шахс фойдасига воз кечиш тўғрисидаги келишувни тузиш бўйича айрим тавсиялар. ("Мажбуриятларнинг алоҳида турлари" бўлими)

Функция недоступна

ХЎЖАЛИК-ҲУҚУҚИЙ МУНОСАБАТЛАРИДА ТАЛАБДАН БОШҚА ШАХС ФОЙДАСИГА ВОЗ КЕЧИШ:

келишувларни тузиш бўйича айрим тавсиялар

Фуқаролик кодексининг 313-моддаси биринчи қисми мажбурият асосида кредиторга тегишли бўлган ҳуқуқ битим бўйича бошқа шахсга ўтишини (талабдан бошқа шахс фойдасига воз кечиш) назарда тутади.

Хўжалик шартномасидан келиб чиқадиган талабдан бошқа шахс фойдасига воз кечишни Фуқаролик кодексининг 320-моддаси биринчи қисмига мувофиқ оддий ёзма шаклда тузилган келишув кўринишида расмийлаштириш тавсия этилади.

Келишувнинг намунавий умумий шакли келтирилади.

УМУМИЙ ФИКР-МУЛОҲАЗАЛАР

Талабдан бошқа шахс фойдасига воз кечиш (цессия) бўйича операцияни амалга оширишда қуйидаги жиҳатларни инобатга олиш муҳимдир:

1) талабдан бошқа шахс фойдасига воз кечишга, агар бу қонун ҳужжатларига ёки шартномага зид бўлмаса, йўл қўйилади (Фуқаролик кодексининг 319-моддаси биринчи қисми). Агар талабдан бошқа шахс фойдасига воз кечиш амалга оширилаётган шартномада у бўйича бундай битимни тузиш тақиқланиши тўғридан-тўғри назарда тутилган бўлса, тегишлича, бу ҳолатда келишувни тузиш Фуқаролик кодекси талабларига жавоб бермайди. Шунингдек айрим қонун ҳужжатларида тегишли турдаги мажбурият бўйича талабдан бошқа шахс фойдасига воз кечишга эҳтимолий тақиқларнинг мавжудлигини аниқлаш муҳимдир;

2) Фуқаролик кодексининг 355-моддаси учинчи қисми мазмунидан келиб чиқиб, талабдан бошқа шахс фойдасига воз кечиш тўғрисидаги келишув ҳақ