12-сон АФМС "Аудиторлик текширувлари жараёнида бухгалтерия ҳисоби ва ички назорат тизимини баҳолаш"

Функция недоступна

Ўзбекистон Республикаси

Адлия вазирлигида

2007 йил 12 апрелда 1673-сон

билан рўйхатга олинган

Ўзбекистон Республикаси

Молия вазирининг

2006 йил 29 декабрдаги

108-сон буйруғи билан

ТАСДИҚЛАНГАН

Ўзбекистон Республикаси аудиторлик фаолиятининг

МИЛЛИЙ СТАНДАРТИ

(12-СОН АФМС)

Аудиторлик текширувлари жараёнида бухгалтерия

ҳисоби ва ички назорат тизимини баҳолаш

Мазкур Аудиторлик фаолиятининг миллий стандарти (12-сон АФМС) (кейинги ўринларда - Стандарт), Ўзбекистон Рeспубликасининг "Аудиторлик фаолияти тўғрисида"ги Қонуни (Ўзбекистон Рeспубликаси Олий Мажлисининг Ахборотномаси, 2000 й., 5-6-сон, 149-модда), Ўзбекистон Рeспубликаси Вазирлар Маҳкамасининг "Аудиторлик фаолиятини такомиллаштириш ва аудиторлик текширишларининг аҳамиятини ошириш тўғрисида" 2000 йил 22 сентябрдаги 365-сон қарорига (Ўзбекистон Рeспубликаси ҚТ, 2000 й., 9-сон, 62-модда) мувофиқ, Ўзбекистон Рeспубликасида аудиторлик фаолиятини меъёрий тартибга солиш тизимининг элементи ҳисобланади.

I. УМУМИЙ ҚОИДАЛАР

1. Мазкур Стандартнинг мақсади аудиторлик ташкилотининг хўжалик юритувчи субъектда аудиторлик текширувлари жараёнида бухгалтерия ҳисоби ва ички назорат тизимини баҳолаш бўйича амалларини аниқлашдан иборат.

2. Ушбу Стандартнинг вазифалари қуйидагилар ҳисобланади:

а) хўжалик юритувчи субъектда аудиторлик текширувлари жараёнида аудитор (аудиторлар) томонидан бухгалтерия ҳисоби ва ички назорат тизимини баҳолашга қўйиладиган асосий талабларни ишлаб чиқиш;

б) хўжалик юритувчи субъектда аудиторлик текширувлари жараёнида бухгалтерия ҳисоби тизимини баҳолаш тартибини баён қилиш;

в) хўжалик юритувчи субъектда аудиторлик текширувлари жараёнида ички назорат тизимини баҳолаш тартибини баён қилиш.

3. Мазкур Стандартнинг талаблари расмий аудиторлик хулосасини тайёрлашни