ЎЗБЕКИСТОН РЕСПУБЛИКАСИ

ПРЕЗИДЕНТИНИНГ

ҚАРОРИ

07.06.2017 й.

N ПҚ-3044

ЎЗБЕКИСТОН РЕСПУБЛИКАСИ

ПРЕЗИДЕНТИНИНГ 2006 ЙИЛ 15 НОЯБРДАГИ

"РЕСПУБЛИКАДА ПИЛЛАЧИЛИК ТАРМОҒИНИ

ЯНАДА ИСЛОҲ ҚИЛИШ ЧОРА-ТАДБИРЛАРИ

ТЎҒРИСИДА" ПҚ-512-СОНЛИ ҚАРОРИГА

ЎЗГАРТИШЛАР КИРИТИШ ТЎҒРИСИДА

Ўзбекистон Республикаси Президентининг 2017 йил 29 мартдаги ""Ўзбекипаксаноат" уюшмаси фаолиятини ташкил этиш чора-тадбирлари тўғрисида" ПҚ-2856-сонли қарорига мувофиқ:

1. Ўзбекистон Республикаси Президентининг 2006 йил 15 ноябрдаги "Республикада пиллачилик тармоғини янада ислоҳ қилиш чора-тадбирлари тўғрисида" ПҚ-512-сонли қарорига иловага мувофиқ ўзгартишлар киритилсин.

2. Мазкур қарорнинг ижросини назорат қилиш Ўзбекистон Республикасининг Бош вазири А.Н. Арипов зиммасига юклансин.

Ўзбекистон Республикаси Президенти                           Ш. Мирзиёев

Ўзбекистон Республикаси

Президентининг

2017 йил 7 июндаги

ПҚ-3044-сонли қарорига

ИЛОВА

Ўзбекистон Республикаси Президентининг

2006 йил 15 ноябрдаги "Республикада пиллачилик

тармоғини янада ислоҳ қилиш чора-тадбирлари

тўғрисида" ПҚ-512-сонли қарорига

киритиладиган ўзгартишлар

1. 1-банднинг учинчи ва тўртинчи хатбошилари чиқариб ташлансин.

2. 4-банддаги "Ўзбекистон Республикаси Қишлоқ ва сув хўжалиги вазирлиги Республика ўсимликларни муҳофаза қилиш ва агрокимё маркази" сўзлари ""Ўзагрокимёҳимоя" АЖ" сўзлари билан алмаштирилсин.

3. 1- ва 2-иловалар ўз кучини йўқотган деб ҳисоблансин.

"Ўзбекистон Республикаси қонун ҳужжатлари тўплами",

2017 йил 12 июнь, 23-сон, 460-модда

"Ўзбекистон Республикаси Олий Мажлиси палаталарининг Ахборотномаси",

2017 йил, 6-сон, 315-модда