ВСЕ ЗАКОНОДАТЕЛЬСТВО УЗБЕКИСТАНА
ЎзР Конунчилиги / Иқтисодиётнинг айрим соҳалари / Ўз кучини йўқотган ҳужжатлар / Саноат /Ўзбекистон Республикаси Вазирлар Маҳкамасининг 05.02.1999 й. 51-сон "Вазирлар Маҳкамасининг "Фосфорли ўғитлар ишлаб чиқариш учун Жерой-Сардара кони хом ашёсидан фосфорит кукуни ишлаб чиқариш ҳажмларини кўпайтириш чора-тадбирлари тўғрисида" 1998 йил 3 июлдаги 278-сон қарорига ўзгартиришлар киритиш ҳақида"ги Қарори
Полный текст документа доступен в платной версии. По вопросам звоните на короткий номер 1172
ЎЗБЕКИСТОН РЕСПУБЛИКАСИ
ВАЗИРЛАР МАҲКАМАСИНИНГ
ҚАРОРИ
05.02.1999 й.
N 51
ВАЗИРЛАР МАҲКАМАСИНИНГ
"ФОСФОРЛИ ЎҒИТЛАР ИШЛАБ ЧИҚАРИШ
УЧУН ЖЕРОЙ-САРДАРА КОНИ ХОМ АШЁСИДАН
ФОСФОРИТ КУКУНИ ИШЛАБ ЧИҚАРИШ ҲАЖМЛАРИНИ
КЎПАЙТИРИШ ЧОРА-ТАДБИРЛАРИ ТЎҒРИСИДА"
1998 ЙИЛ 3 ИЮЛДАГИ 278-СОН ҚАРОРИГА
ЎЗГАРТИРИШЛАР КИРИТИШ ҲАҚИДА
Вазирлар Маҳкамаси ҚАРОР ҚИЛАДИ:
Вазирлар Маҳкамасининг 1998 йил 3 июлдаги 278-сон қарорига қуйидаги ўзгартиришлар киритилсин:
2-банднинг учинчи хат боши қуйидаги таҳрирда баён қилинсин:
"Қизилқумнодирметаллолтин" концерни томонидан танлов натижаларига кўра:
Германиянинг "Крупп-Полизиус" фирмаси билан 8,68 млн АҚШ долларилик пишириш қурилмаси асбоб-ускуналари етказиб беришга;
Американинг "Катерпиллар Оверсиз А.О." компанияси билан Қизилқум фосфорит комбинати учун 28 млн АҚШ долларилик кон асбоб-ускуналари етказиб беришга, шу жумладан 8,68 млн АҚШ долларилик оғир юк кўтарувчи техникаларни тузатиш (двигатель, узатмалар қутиси, гидравлика асбоб-ускуналари) линияси ва эҳтиёт қисмлар етказиб беришга;
Россиянинг "Горнозаводчик-плюс" фирмаси билан 2,6 млн АҚШ долларилик фосфор рудасини қуруқ бойитиш асбоб-ускуналари етказиб беришга контрактлар имзоланганлиги маълумот учун қабул қилинсин";
3-банднинг биринчи хат боши қуйидаги таҳрирда баён қилинсин:
"Белгилансинки, кон асбоб-ускуналари, оғир юк кўтарувчи техникаларни тузатиш линияси ва уларга эҳтиёт қисмларни импорт бўйича етказиб бериш:"
3-банд қуйидаги таҳрирдаги хат боши билан тўлдирилсин:
"Қуйидагилар:
Германиянинг "Круп-Полизиус" фирмаси томонидан 8,68 млн АҚШ доллари миқдоридаги пишириш қурилмаси асбоб-ускуналари етказиб берилишини маблағ билан таъминлаш Навоий кон-металлургия комбинатининг маҳсулотини экспорт қилишдан олинган ўз валюта маблағлари ҳисобига;
Россиянинг "Горнозаводчик-плюс" ёпиқ турдаги акциядорлик жамияти томонидан фосфор рудасини қуруқ бойитиш схемаси бўйича 2,6 млн АҚШ доллари миқдоридаги асбоб-ускуналар етказиб берилишини маблағ билан таъминлаш 1999 йилга импорт прогнози ҳажмида Навоий кон-металлургия комбинатининг ўз маблағлари ҳисобига амалга оширилиши маълумот учун қабул қилинсин".
18-банд қуйидаги таҳрирда баён қилинсин:
"Мазкур қарорнинг бажарилишини назорат қилиш Ўзбекистон Республикасининг Бош вазири Ў.Т. Султонов зиммасига юклансин".
Вазирлар Маҳкамасининг Раиси И. Каримов