ЎзР Қонун ҳужжатлари тўплами. 28-сон

Функция недоступна

ЎЗБЕКИСТОН РЕСПУБЛИКАСИ

ҚОНУН ҲУЖЖАТЛАРИ ТЎПЛАМИ

28-СОН

Президент томонидан 11.07.2017 йилда имзоланган ПҚ-3126-сон қарор Ички ишлар органларининг миграция жараёнлари ва фуқароликни расмийлаштириш соҳасидаги фаолиятини тубдан такомиллаштиришга йўналтирилган.

Миграция ва фуқароликни расмийлаштириш бўлинмалари фаолиятига давлат хизматларини кўрсатишнинг ҳамда паспорт тизими масалалари бўйича фуқаролар қабулини тартибга солишнинг бевосита алоқа қилинмайдиган мулоқот шаклини таъминловчи электрон тизимни жорий қилишга қарор қилинди. Бунинг учун ИИВ Миграция ва фуқароликни расмийлаштириш бош бошқармаси таркибида Электрон ахборот тизимлари бошқармаси ташкил этилади.

2018 йил 1 майдан эътиборан амалга киритиладиган электрон тизим қуйидаги таомилларни соддалаштиради:

q биометрик ҳужжатларни бериш;

q хорижга чиқиш учун ҳужжатларни кўриб чиқиш ва расмийлаштириш;

q доимий ва вақтинчалик прописка олиш, турган жойи бўйича ҳисобга олиш;

q манзил-маълумот ахборотларини тақдим этиш.

Келгуси йил 1 февралга қадар хорижий, аввало мамлакатимиз фуқаролари сон жиҳатдан энг кўп бўладиган давлатлар ҳудудида Ўзбекистоннинг миграция соҳасидаги ваколатли органлари ваколатхоналарини очиш бўйича таклифлар ишлаб чиқилиши лозим. Шунингдек хорижий давлатларда рўйхатдан ўтиш ва ишга жойлашишга рухсат олиш тартибини соддалаштириш масаласи бўйича ҳам иш олиб борилади.

Бир ой муддатда чет эл паспортларини жорий этишнинг аниқ босқ