Кичик ҳажмли кемаларни рўйхатдан ўтказиш Қоидалари (АВ томонидан 06.02.2018 й. 2967-сон билан рўйхатга олинган Фавқулодда вазиятлар вазирининг 27.12.2017 й. 529-сон буйруғи билан тасдиқланган)

Функция недоступна

Ўзбекистон Республикаси

Адлия вазирлигида

2018 йил 6 февралда 2967-сон

билан рўйхатга олинган

Ўзбекистон Республикаси

фавқулодда вазиятлар вазирининг

2017 йил 27 декабрдаги

529-сон буйруғига

ИЛОВА

Кичик ҳажмли кемаларни рўйхатдан ўтказиш

ҚОИДАЛАРИ

1-БОБ. УМУМИЙ ҚОИДАЛАР

1. Мазкур Қоидалар Ўзбекистон Республикаси Фавқулодда вазиятлар вазирлигининг Кичик ҳажмли кемалар инспекцияси (бундан буён матнда Инспекция деб юритилади) томонидан кичик ҳажмли кемаларни рўйхатдан (қайта рўйхатдан) ўтказиш тартибини белгилайди.

2. Мазкур Қоидаларда қуйидаги тушунчалар ва атамалар қўлланилади:

кВт - кичик ҳажмли кема двигателининг от кучи;

регистр тонна - кеманинг ҳажмий тонналар билан кўрсатиладиган сиғими;

кичик ҳажмли кемалар - асосий двигателлар қуввати 55 кВтдан (75 от кучи) ва йўловчи сиғими 12 кишидан ортиқ бўлмаган ўзиюрар кемалар, моторларнинг қуввати ва сонидан қатъи назар, осма моторли кемалар, сув мотоцикллари (гидроцикллар), юк кўтариш қобилияти 80 регистр тоннадан ортиқ бўлмаган ўзиюрмас кемалар, шишириладиган моторсиз эшкакли қайиқлар.

3. Инспекция томонидан жисмоний ва юридик шахсларга тегишли бўлган кичик ҳажмли кемалар рўйхатдан ўтказилади.

4. Кичик ҳажмли кемаларни рўйхатдан ўтказиш (қайта рўйхатдан ўтказиш) учун мазкур Қоидаларнинг 1-иловасига мувофиқ тўлов ундирилади.

Кичик ҳажмли кемаларни рўйхатдан ўтказиш (қайта рўйхатдан ўтказиш) учун ундириладиган пул маблағлари Ўзбекистон Республикаси Фавқулодда вазиятлар вазирлигининг бюджетдан ташқари фондига ўтказилади.

2-БОБ. КИЧИК ҲАЖМЛИ КЕМАЛАРНИ

РЎЙХАТДАН ЎТКАЗИШ

5. Кичик ҳажмли кемаларнинг барча турлари рўйхатдан ўтказиш китобига (бундан буён матнда кема китоби деб юритилади) тегишли қайдларни киритиш йўли билан амалга оширилади.

Моторли кемалар мазкур Қоидаларнинг 2-иловасига мувофиқ шаклдаги Моторли кемаларни рўйхатдан ўтказиш китобига;

Эшкакли кемалар мазкур Қоидаларнинг 3-иловасига мувофиқ шаклдаги Эшкакли кемаларни рўйхатдан ўтказиш китобига қайд қилиш йўли билан рўйхатга олинади.

Рўйхатдан ўтказилган кичик ҳажмли кемаларга мазкур Қоидаларнинг 4-иловасига мувофиқ шаклда кема билети берилади.

Моторли ва эшкакли кемаларни рўйхатдан ўтказишда кема китобига ҳамда кема билетига "Рўйхатга олинди" деган штамп босилади.

Юридик шахсларга тегишли бўлган кичик ҳажмли кемалар юридик шахснинг юридик манзили бўйича, жисмоний шахсларга тегишли бўлган кичик ҳажмли кемалар жисмоний шахсларнинг доимий яшаш жойи бўйича рўйхатдан ўтказилади.

6. Рўйхатдан ўтмаган кичик ҳажмли кемалардан фойдаланиш тақиқланади.

Рўйхатдан ўтган моторли кичик ҳажмли кемаларни бошқаришга бундай кемаларни бошқариш ҳуқуқини берувчи гувоҳномага эга бўлган шахсларга рухсат этилади.

7. Жисмоний ва юридик шахслар томонидан кичик ҳажмли кемалар харид қилинганда техник ҳолатидан қатъи назар, бир ой ичида рўйхатдан ўтказилиши (қайта рўйхатдан ўтказилиши) шарт.

8. Рўйхатдан ўтказилгандан сўнг, кичик ҳажми кемалар ҳар йили фойдаланишга яроқлилигини тасдиқловчи штамп қўйиш йўли билан техник кўрикдан ўтказилади.

9. Манфаатдор шахслар кичик ҳажмли кемаларни рўйхатдан ўтказиш учун Ўзбекистон Республикаси Фавқулодда вазиятлар вазирлигининг тегишли ҳудудий бошқармаларига мазкур Қоидаларнинг 5-иловасига мувофиқ шаклда ариза билан мурожаат қилади.

Аризага қуйидагилар илова қилинади:

кема мулкдорининг ёки ваколатли вакилнинг шахсини тасдиқловчи ҳужжат;

кема ёки кема двигателларининг (осма моторларининг) харид қилинганлигини тасдиқловчи ҳужжатлар (товар чеки, олди-сотди, ҳадя шартномаси, васият бўйича мулкка эгалик қилиш ҳуқуқини тасдиқловчи гувоҳнома ва бошқалар);

рўйхатдан ўтказилиши учун тўлов амалга оширилганлиги тўғрисида квитанция.

10. Кичик ҳажмли кемаларга мазкур Қоидаларнинг 6-иловасига мувофиқ борт рақамлари берилади.

Моторли кемаларнинг борт рақамлари 7 та литер рақам ва белгидан иборат бўлиб, уларнинг биринчи 2 та литер белгиси - кема бириктирилган ҳудуд кодини, 3-чи литер белгиси - лотин алифбоси ҳарфини, кейинги 4 та литер белгиси - кема китобида рўйхатга олинган рақамларни билдиради.

Эшкакли кемаларнинг борт рақами 6 та литер рақам ва белгидан иборат бўлиб, уларнинг биринчи 2 та литер белгиси - кема бириктирилган ҳудуд кодини, 3-литер белгиси - лотин алифбоси ҳарфини, кейинги 3 та литер белгиси - кема китобида рўйхатга олинган рақамларни билдиради.

11. Борт рақамлари ўчмайдиган контраст бўёқда форштевендан (кема таг ёғочининг кема тумшуғига ўтган томони) кичик ҳажмли кема корпуси узунлигидан 1/4 ўлчов узоқликда бир қатор ёзув билан ҳар икки томонда кўрсатилади. Ҳарф ва рақамларнинг баландлиги камида 150 мм, эни 80 мм, ҳарф ва рақамлар чизиғининг кенглиги 15 - 20 мм бўлиши лозим.

12. Вояга етмаган шахслар номига рўйхатдан ўткизилган кичик ҳажмли кемаларни рўйхатдан чиқаришда уларнинг ота-оналари ёки қонуний вакилларининг ёзма розилиги талаб этилади.

3-БОБ. КИЧИК ҲАЖМЛИ КЕМАЛАРНИ

ҚАЙТА РЎЙХАТДАН ЎТКАЗИШ

13. Кичик ҳажмли кемаларни қайта рўйхатдан ўтказиш қуйидаги ҳолларда амалга оширилади:

кичик ҳажмли кема мулкдори ўзгарганда;

кичик ҳажмли кема мулкдорининг доимий яшаш жойи Қорақалпоғистон Республикаси, Тошкент шаҳри ёки бир вилоятдан бошқа вилоятга ўзгарганда;

кичик ҳажмли кемани қайта жиҳозланиши натижасида кема билетидаги маълумотлар ўзгарганда.

14. Кичик ҳажмли кемаларни қайта рўйхатдан ўтказиш кема билети ҳамда мазкур Қоидаларнинг 9-бандида кўрсатилган тегишли ҳужжатлар тақдим қилинганда амалга оширилади.

15. Кичик ҳажмли кемалар қайта рўйхатдан ўтказилганда кема эгасига янги борт рақамлари ва кема билети топширилади, кема китобига тегишли ёзувлар киритилади.

16. Кема билети йўқолганда, яроқсиз ҳолга келганда мазкур Қоидаларнинг 1-иловасига мувофиқ тўлов амалга оширилгач, кема эгасининг аризасига кўра кема билетининг дубликати берилади.

17. Кичик ҳажмли кемаларни рўйхатдан ва қайта рўйхатдан ўтказишда кема тўғрисидаги барча маълумотлар кема китобига ёзиб қўйилади.

18. Кема китоби ва маълумотларнинг электрон базалари моторли кемалар ҳамда эшкакли, елканли ва бошқа моторсиз кемалар учун алоҳида юритилади.

4-БОБ. КИЧИК ҲАЖМЛИ КЕМАНИ

РЎЙХАТДАН ЧИҚАРИШ

19. Кичик ҳажмли кема тиклашга ва фойдаланишга яроқсиз ҳолга келганда рўйхатдан чиқарилади.

20. Кичик ҳажмли кемани рўйхатдан чиқариш учун кема мулкдори мазкур Қоидаларнинг 7-иловасига мувофиқ шаклда ариза билан мурожаат қилади.

21. Кичик ҳажмли кемани рўйхатдан чиқаришда техник кўрик ўтказилиб, далолатнома расмийлаштирилади ва бу ҳақида кема китобига ва рўйхатга олиш карточкасига тегишли ёзувлар киритилади.

22. Кичик ҳажмли кема рўйхатдан чиқарилганда, кема билети ўз кучини йўқотиб, 5 йил мобайнида Инспекцияда сақланади. Рўйхатдан чиқарилган кемаларнинг борт рақамлари бошқа сузиш воситасига 5 йил муддат ичида берилмайди.

5-БОБ. ЯКУНЛОВЧИ ҚОИДАЛАР

23. Мазкур Қоидалар талабларининг бузилишида айбдор бўлган шахслар қонун ҳужжатларида белгиланган тартибда жавобгарликка тортиладилар.

24. Ушбу Қоидалар Ўзбекистон Республикаси Молия вазирлиги, Қишлоқ ва сув хўжалиги вазирлиги, Ўзбекистон автомобиль ва дарё транспорти агентлиги ва Савдо-саноат палатаси билан келишилган.

Қоидаларга

1-ИЛОВА

Кичик ҳажмли кемаларни рўйхатдан ўтказиш

(қайта рўйхатдан ўтказиш) учун белгиланган

ТЎЛОВЛАР ПРЕЙСКУРАНТИ

    

Қоидаларга

2-ИЛОВА

Моторли кемаларни рўйхатдан ўтказиш

КИТОБИ

Китобнинг ташқи тарафи, титул варағи:

Ички тарафи, чап томони:

Ички тарафи, ўнг томони:

         

Қоидаларга

3-ИЛОВА

Эшкакли кемаларни рўйхатдан ўтказиш

КИТОБИ

Китобнинг ташқи тарафи, титул варағи:

Ички тарафи, чап томони:

Ички тарафи, ўнг томони:

     

Қоидаларга

4-ИЛОВА

Кичик ҳажмли кемаларнинг кема билети

(моторли кемалар учун)

1. Кема билетининг олди қисми:

ЎЗБЕКИСТОН РЕСПУБЛИКАСИ

Фавқулодда вазиятлар вазирлиги

Кичик ҳажмли кемалар инспекцияси

Кичик ҳажмли кеманинг билети

Йўловчи / кириш _______ Юк кўтариш қобилияти __________ кг.

Қутқарув воситалари _______ рухсат берилган тўлқин __________ м.

                                         (дона)

Қирғоқдан узоқлашиши ____________________ м.

Сузиш жойи __________________________________.

2. Кема билетининг ички қисми, чап тарафдаги бети:

Кичик ҳажмли кемани яроқлилиги бўйича техник кўрикдан ўтганлиги тўғрисида белги

3. Кема билетининг ички қисми, ўнг тарафдаги бети:

Кичик ҳажмли кемани яроқлилиги бўйича техник кўрикдан ўтганлиги тўғрисида белги

4. Кема билетининг орқа тарафи:

ДВИГАТЕЛЬ

Кичик ҳажмли кемаларнинг кема билети шакли

(эшкакли кемалар учун)

1. Кема билетининг олди қисми:

ЎЗБЕКИСТОН РЕСПУБЛИКАСИ

Фавқулодда вазиятлар вазирлиги

Кичик ҳажмли кемалар инспекцияси

Кичик ҳажмли кеманинг билети

Йўловчи / кириш __________ юк кўтариш қобилияти ___________ кг.

Қутқарув воситалари ________ рухсат берилган тўлқин __________ м.

                                           (дона)

Қирғоқдан узоқлашиши ____________________ м.

Сузиш жойи ___________________________________

2. Кема билетининг ички қисми, чап тарафдаги бети:

Кичик ҳажмли кемани сузишга яроқлилиги тўғрисида техник кўрикдан ўтганлиги тўғрисида белги

        

Қоидаларга

5-ИЛОВА

Рўйхатга олиш ариза-карточкаси

(юридик шахслар учун)

Кема эгасининг аризаси - рўйхатга олиш карточкаси

Кичик ҳажмли кеманинг рўйхатга олинишини сўрайман:

Тури ва модели ____________________ номи _______________________

Ишлаб чиқарилган йили ва жойи _________________________________

________________________________________________________________

Зав. N ____________ Корпус материали ____________________________

Узунлиги ______________ м, кенглиги ______________ м, борт баландлиги ______________ м.

Min. борт баландлиги __________ м, сиғими ____________________ кг юк кўтариш қобилияти ____________ кг, йўловчи сиғими ___________ одам.

Сузиш ҳудуди ва шароити ________________________________________

Осма мотор ёки двигателнинг асосий типи ва маркаси _______________

____________________________________ миқдори ________________________

Двигателнинг завод рақами ______________________________________

Двигатель қуввати (йиғиндиси) _____________________ от кучи, (______________________ кВт.)

Елканлар сони __________, елканлар майдони (йиғиндиси) _______ кв.м.

Кеманинг номи ва олдинги рўйхат рақами __________________________

Кема билети: серия _____________ рақами _______________

Берилган сана: 20___ йил "___" _____________

Рўйхатга олиш ариза-карточкаси

(жисмоний шахслар учун)

Кема мулкдорининг аризаси-рўйхатга олиш карточкаси

Биометрик паспорт ёки идентификация ID-картаси: серияси ____ рақами _______ берилган санаси _____________

Берилган _____________________________________________________

Кичик ҳажмли кеманинг рўйхатга олинишини сўрайман:

Тури ва модели ____________________ номи _______________________

Ишлаб чиқарилган йили ва жойи __________________________________

______________________________________________________________________

Зав. N ____________ Корпус материали __________________________

Узунлиги ______________ м, кенглиги ______________ м, борт баландлиги ______________ м.

Min. борт баландлиги __________ м, сиғими ____________________ кг юк кўтариш қобилияти ____________ кг, йўловчи сиғими ___________ одам.

Сузиш ҳудуди ва шароити ________________________________________

Осма мотор ёки двигателнинг асосий типи ва маркаси ________________

____________________________________ миқдори ______________________

Двигателнинг завод рақами _______________________________________

Двигатель қуввати (йиғиндиси) _____________________ от кучи, (______________________ кВт.)

Елканлар сони __________, елканлар майдони (йиғиндиси) _______ кв.м.

Кеманинг номи ва олдинги рўйхат рақами __________________________

Кема билети: серия _____________ рақами _______________

Берилган сана: 20___ йил "___" _____________

       

Қоидаларга

6-ИЛОВА

Эшкакли ва моторли кичик ҳажмли

кемаларнинг борт рақамлари шакли

Борт рақами форштевндан корпуснинг 1/4 узунлиги қисмида бир қаторда кеманинг икки томонида ювилмайдиган контраст бўёқ ёрдамида ёзилади.

Ҳарф ва рақамларнинг баландлиги 150 мм дан, кенглиги 80 мм дан кам бўлмаслиги ва ҳарф ва рақамлар чизиғининг кенглиги 15 - 20 мм бўлиши шарт.

1-расм. Моторли кемаларнинг борт рақамлари 7 та литер рақам ва белгидан иборат бўлиб, уларнинг биринчи 2 та литер белгиси - кема бириктирилган ҳудуд кодини, 3-чи литер белгиси - лотин алифбоси ҳарфини, кейинги 4 та литер белгиси - кема китобида рўйхатга олинган рақамларни билдиради.

2-расм. Эшкакли кемаларнинг борт рақами 6 та литер рақам ва белгидан иборат бўлиб, уларнинг биринчи 2 та литер белгиси - кема бириктирилган ҳудуд кодини, 3-литер белгиси - лотин алифбоси ҳарфини, кейинги 3 та литер белгиси - кема китобида рўйхатга олинган рақамларни билдиради.

Қоидаларга

7-ИЛОВА

Кичик ҳажмли кемаларни рўйхатдан

чиқариш бўйича ёзма ариза

Фавқулодда вазиятлар вазирлиги

____________________ бошлиғига

АРИЗА

Аризачининг маълумотлари.

3. Шахсни тасдиқловчи ҳужжат (серияси, рақами, ким томонидан ва қачон берилган):

Менга тегишли бўлган кичик ҳажмли кемани рўйхатдан чиқаришингизни сўрайман, кичик ҳажмли кема билетининг серияси ва рақами _______________________.

Қонун ҳужжатлари маълумотлари миллий базаси (www.lex.uz),

2018 йил 7 февраль

"Ўзбекистон Республикаси қонун ҳужжатлари тўплами",

2018 йил 12 февраль, 6-сон, 101-модда