Конунчиликдаги янги

Функция недоступна

Янги ҳужжатларни тақдим этамиз

Тақдим этилаётган, шунингдек сўнгги пайтда қабул қилинган бошқа ҳужжатларнинг тўлиқ матни билан "Norma" АҚТ ва nrm.uz сайтида танишиб чиқишингиз мумкин.

ХОРИЖИЙ ИНЖИНИРИНГ КОМПАНИЯЛАРИ

ТОМОНИДАН ЎЗБЕКИСТОНДА ЛОЙИҲА

ГУРУҲЛАРИ ТАШКИЛ ҚИЛИНАДИ

Президентнинг 22.02.2018 йилдаги ПҚ-3557-сон "Иқтисодиёт базавий тармоқларидаги лойиҳа ишларини ҳамда муҳандис-лойиҳаловчиларни тайёрлаш тизимини янада такомиллаштириш чора-тадбирлари тўғрисида"ги қарори имзоланди.

Ҳужжатда иқтисодиёт базавий тармоқларидаги лойиҳа ишларини янада ривожлантиришнинг асосий йўналишлари белгиланди.

Биринчидан, лойиҳалаш ва лойиҳани бошқариш соҳасида муҳандис кадрлар тайёрлаш тизими такомиллаштирилади. Чет эл таълим муассасаларидан ва инжиниринг компанияларидан етакчи мутахассислар ва муҳандис-лойиҳаловчилар ўқув жараёнига кенг жалб этилади.

Иккинчидан, ихтисослаштирилган олий таълим муассасалари талабалари иқтисодиёт базавий тармоқларининг корхоналари ва лойиҳа институтларида мажбурий стажировкадан ўтадилар. Бу қуйидаги олий ўқув юртларида таълим олувчиларга тегишли:

q Ислом Каримов номидаги Тошкент давлат техника университети;

q Тошкент шаҳридаги Инха университети;

q Тошкент кимё-технология институти;

q Тошкент архитектура-қурилиш институти,

q Навоий давлат кончилик институти.

Мазкур олий таълим муассасалари ўқув режалари ва дастурларига лойиҳани бошқариш ва лойиҳалаш асослари бўйича дарслар киритилади, улар лойиҳани бошқариш ва лойиҳалаш асослари бўйича янги авлод ўқув адабиётлари билан таъминланади. У ерга талабалар учун муаллифлик машғулотлари ва мастер-класслар ўтказиш учун етук мутахассислар ва муҳандис-лойиҳаловчилар жалб қилинади.

Учинчидан, лойиҳа ишларининг маҳаллийлаштириш даражасини ошириш лозим. Ривожлантириш давлат дастурлари доирасидаги лойиҳ