Почта қутиси

ЯНГИ ҚОИДАЛАР БЎЙИЧА НАҚД ХОРИЖИЙ

ВАЛЮТАНИ ОЛИБ ЧИҚИШ

Вазирлар Маҳкамасининг 30.01.2018 йилдаги 66-сон қарори билан Жисмоний шахслар томонидан нақд хорижий валютани Ўзбекистон Республикасининг божхона чегараси орқали олиб кириш ва олиб чиқиб кетишнинг янги қоидалари (1-илова) тасдиқланди.

Унга мувофиқ, жисмоний шахслар томонидан олиб кирилаётган ва олиб чиқиб кетилаётган 2 000 АҚШ доллари эквивалентидан ортиқча миқдордаги нақд хорижий валюта божхона назоратидан ўтказилади - яъни уни декларациялаш зарур. Божхона органи ходимига олиб кирилаётган ёки олиб чиқиб кетилаётган нақд хорижий валютанинг жами суммаси кўрсатилган йўловчи божхона декларацияси тақдим этилади.

Эквиваленти 2 000 АҚШ долларига тенг ёки ундан ошмайдиган миқдордаги нақд хорижий валюта жисмоний шахснинг хоҳишига кўра декларацияланади.

Янги норматив-ҳуқуқий ҳужжат чиққанидан кейин таҳририятимизга келиб тушган бир нечта саволларга жавобларни тайёрладик.

Туристик сафарга чиқаётганлар ўзи билан қанча валютани четга олиб чиқиб кетиши мумкин?

Эльгиза Б.

* * *

Хорижга сафар қилмоқчиман. Эшитишимча, энди банк рухсатномасисиз доллар олиб чиқиб кетиш мумкин эмиш. Шу ростми?

А.Нурисломова.

- Унча тўғри эмас. Жисмоний шахсларнинг эквиваленти 5 000 АҚШ долларига тенг ёки ундан ошмайдиган миқдорда божхона назорати қоидаларига риоя қилган ҳолда