язык интерфейса

ЎзР Конунчилиги

ЎзР Конунчилиги/ Иқтисодиётнинг айрим соҳалари/ Саноат/ Саноат зоналари/ Ўзбекистон Республикаси Президентининг 29.03.2018 й. ПҚ-3636-сон "Сурхондарё вилоятида кичик саноат зоналарини ташкил этиш чора-тадбирлари тўғрисида"ги Қарори

Вы можете получить доступ на один день к продукту Законодательство Руз.

ЎЗБЕКИСТОН РЕСПУБЛИКАСИ

ПРЕЗИДЕНТИНИНГ

ҚАРОРИ

29.03.2018 й.

N ПҚ-3636



СУРХОНДАРЁ ВИЛОЯТИДА КИЧИК

САНОАТ ЗОНАЛАРИНИ ТАШКИЛ ЭТИШ

ЧОРА-ТАДБИРЛАРИ ТЎҒРИСИДА


Давлат мулки бўлган ва давлат улуши мавжуд хўжалик юритувчи жамиятларнинг ишлаб чиқариш майдонлари ва объектларидан самарали фойдаланиш, инвестицияларни фаол жалб қилиш учун қулай шароитлар яратиш, рақобатбардош замонавий ишлаб чиқаришлар ва кичик корхоналарни ривожлантиришни янада қўллаб-қувватлаш, уларни муҳандислик-коммуникация ва ишлаб чиқариш инфратузилмаси ташкил этилган алоҳида ҳудудларда жойлаштиришни таъминлаш ва шу аснода ишлаб чиқариш соҳасида янги иш ўринлари яратиш ҳамда аҳолининг бандлик ва фаровонлик даражасини ошириш мақсадида:


1. Сурхондарё вилояти ҳокимлиги, Ўзбекистон Республикаси Иқтисодиёт вазирлиги, Хусусийлаштирилган корхоналарга кўмаклашиш ва рақобатни ривожлантириш давлат қўмитасининг Сурхондарё вилоятида давлат мулки бўлган ва давлат улуши мавжуд хўжалик юритувчи жамиятларнинг фойдаланилмаётган ишлаб чиқариш майдонлари ва объектлари негизида 1-иловага мувофиқ рўйхат бўйича кичик саноат зоналарини (кейинги ўринларда КСЗ деб аталади) ташкил этиш тўғрисидаги таклифига розилик берилсин.


2. Ўзбекистон Республикаси Хусусийлаштирилган корхоналарга кўмаклашиш ва рақобатни ривожлантириш давлат қўмитаси манфаатдор давлат ва хўжалик бошқаруви органлари билан биргаликда фойдаланилмаётган тегишли ишлаб чиқариш майдонлари ва давлат мулки объектларининг бир ой муддатда Сурхондарё вилояти ҳокимлигига белгиланган тартибда ўтказилишини, шунингдек, хўжалик жамиятлари бошқарув органларининг мажлисларида давлат улуши бўлган фойдаланилмаётган ишлаб чиқариш майдонлари ва объектларни бюджет ҳамда бюджетдан ташқари жамғармалар олдидаги солиқ бўйича қарздорликни бериладиган активларнинг қолдиқ (баланс) қиймати суммасига, қарздорлик мавжуд бўлмаган ҳолларда  уларнинг устав жамғармаларидаги давлат улуши ва хўжалик бошқаруви органларининг улушини камайтириш ҳисобидан, ушбу қарорнинг 1-иловасига мувофиқ Сурхондарё вилояти ҳокимлигига топшириш масаласи кўриб чиқилишини таъминласин.


3. Белгилансинки:

КСЗ ҳудудидаги давлат кўчмас мулки тадбиркорлик субъектларига бизнес режаларни бажариш, иш ўринларини яратиш ва сақлаш, барча турдаги солиқлар ва бошқа мажбурий тўловларни ўз вақтида тўлаш шарти билан кейинчалик мулк ҳуқуқи берилган ҳолда 10 йиллик узоқ муддатга ижарага берилади;

КСЗ ҳудудидаги кўчмас давлат мулкидан ижара даврида фойдаланиш учун ижарага олинган майдонда амалга оширилаётган фаолият туридан келиб чиққан ҳолда ортиб борадиган коэффициентни қўлламасдан ижара тўловининг энг кам ставкаси белгиланади;

КСЗ иштирокчиларига инвестиция лойиҳаларини амалга ошириш учун ер участкалари ажратиб бериш тўғрисидаги қарорлар Ўзбекистон Республикаси Президентининг "Эркин иқтисодий зоналар ва кичик саноат зоналари фаолияти самарадорлигини ошириш борасидаги қўшимча чора-тадбирлар тўғрисида" 2017 йил 25 октябрдаги ПҚ-3356-сонли қарори билан ташкил этилган Сурхондарё вилояти Эркин иқтисодий ва кичик саноат зоналари маъмурий кенгаши томонидан қабул қилинади.


4. Сурхондарё вилояти Эркин иқтисодий ва кичик саноат зоналари маъмурий кенгаши бир ой муддатда КСЗ дирекциясини ташкил этиш чораларини кўрсин.


5. Белгилансинки, КСЗ дирекцияси ва иштирокчиларига 2020 йилнинг 1 февралига қадар улар эгаллаб турган майдондан келиб чиққан ҳолда ҳисобланадиган ер солиғининг белгиланган энг кам миқдоридан  уч баравар кам бўлмаган ягона солиқ тўлови бўйича қонунчиликда назарда тутилган талаблар татбиқ этилмайди.


6. Ўзбекистон Республикаси Тикланиш ва тараққиёт жамғармаси КСЗда амалга ошириладиган инвестиция лойиҳаларини биргаликда молиялаштириш учун 50 млн. АҚШ доллари миқдоридаги кредит линияларини тижорат банклари орқали икки ой муддатда белгиланган тартибда очилишини таъминласин.


7. Белгилаб қўйилсинки:

Ўзбекистон Республикаси Тикланиш ва тараққиёт жамғармасининг кредит линиялари маблағлари импорт ускуналар ва уларга бутловчи қисмларни харид қилиш учун ажратилади;

кредитлар сўндириш жадвалига мувофиқ Ўзбекистон Республикаси Марказий банкининг кредитини узиш кунидаги курси бўйича миллий валютада амалга оширилиши мумкин.


8. Сурхондарё вилояти кичик саноат зоналарида муҳандислик-коммуникация ва ишлаб чиқариш инфратузилмасини қайта тиклаш ишларининг манзилли рўйхати 2-иловага мувофиқ тасдиқлансин.

Ўзбекистон Республикаси Молия вазирлиги Сурхондарё вилояти Эркин иқтисодий ва кичик саноат зоналари маъмурий кенгашининг асосланган ҳисоб-китоблари бўйича ушбу қарорнинг 2-иловасига мувофиқ бўлиниш чегарасигача Сурхондарё вилояти КСЗларининг муҳандислик-коммуникация ва ишлаб чиқариш инфратузилмасини қайта тиклаш ишларини бажариш учун Ўзбекистон Республикаси Давлат бюджетидан маблағлар ажратсин.

Ўзбекистон Республикаси Уй-жой коммунал хўжалиги вазирлиги, Автомобиль йўллари давлат қўмитаси, "Ўзбекэнерго"АЖ, Сурхондарё вилояти ҳокимлиги бир ой муддатда ушбу қарорнинг 2-иловасига мувофиқ Сурхондарё вилояти КСЗларида муҳандислик-коммуникация ва ишлаб чиқариш инфратузилмасини қайта тиклаш ишларини амалга ошириш учун тармоқ жадвалларини тасдиқласин ва уларнинг сўзсиз бажарилишини таъминласин.


9. Сурхондарё вилояти Эркин иқтисодий зоналар ва кичик саноат зоналари маъмурий кенгаши Ўзбекистон Республикаси Иқтисодиёт вазирлиги, Инвестициялар бўйича давлат қўмитаси, Хусусийлаштирилган корхоналарга кўмаклашиш ва рақобатни ривожлантириш давлат қўмитаси, Ўзбекистон Савдо-саноат палатаси ва тижорат банклари билан биргаликда белгиланган тартибда:

Сурхондарё вилояти иқтисодиётининг эҳтиёжлари, шунингдек, мавжуд минерал-хомашё, қишлоқ хўжалиги ресурсларини ва инфратузилмани инобатга олган ҳолда, Сурхондарё вилояти КСЗлари ҳудудида импорт ўрнини босувчи ва экспортга йўналтирилган тайёр маҳсулотлар, материаллар ва бутловчи буюмлар турларини ишлаб чиқариш корхоналарини жойлаштириш бўйича аниқ таклифлар  "йўл хариталари" икки ой муддатда ишлаб чиқилишини;

Сурхондарё вилояти КСЗлари ҳудудида ўзлаштириш учун таклиф қилинаётган импорт ўрнини босувчи ва экспортга йўналтирилган тайёр маҳсулотлар, материаллар ва бутловчи буюмлар турлари тўғрисидаги маълумотларнинг тадбиркорлик субъектларига етказилишини;

КСЗлар ҳудудида лойиҳаларни амалга ошириш учун тадбиркорлик субъектларини жалб этиш, улар билан тизимли ишлар олиб бориш, шунингдек, Сурхондарё вилояти КСЗлари ҳудудида ишлаб чиқаришларни жойлаштириш бўйича инвестиция буюртманомалари сифатли ва ўз вақтида кўриб чиқилишини;

Сурхондарё вилояти КСЗлари ҳудудида ишлаб чиқаришларни ташкил этиш бўйича инвестиция лойиҳаларининг бизнес-режаларини ишлаб чиқишда тадбиркорлик субъектларига кўмаклашишни таъминласинлар.

Амалга оширилган чора-тадбирларнинг самарадорлиги ва натижадорлиги тўғрисида ахборот Ўзбекистон Республикаси Вазирлар Маҳкамасига 2018 йил 15 июль ва 2019 йил 15 январга қадар берилсин.


10. Мазкур қарорнинг ижросини назорат қилиш Ўзбекистон Республикаси Бош вазирининг биринчи ўринбосари  "Ўзбекистон темир йўллари" АЖ бошқаруви раиси А.Ж. Раматов, Бош вазир ўринбосари  Инвестициялар бўйича давлат қўмитаси раиси С.Р. Холмурадов, Иқтисодиёт вазири Б.А. Ходжаев, Хусусийлаштирилган корхоналарга кўмаклашиш ва рақобатни ривожлантириш давлат қўмитаси Р.А. Гулямов ва Сурхондарё вилояти ҳокими Э.О. Турдимов зиммасига юклансин.



Ўзбекистон Республикаси Президенти                             Ш. Мирзиёев






Ўзбекистон Республикаси

Президентининг

2018 йил 29 мартдаги

ПҚ-3636-сон қарорига

1-ИЛОВА



Сурхондарё вилоятида давлат мулки бўлган ва давлат

улуши мавжуд хўжалик юритувчи жамиятларнинг

фойдаланилмаётган ишлаб чиқариш майдонлари

ва объектлари негизида ташкил этилаётган

кичик саноат зоналарининг

РЎЙХАТИ

  

Т/р

Ташкил этилаётган

КСЗнинг номи

Объектнинг номи

Ҳудуди (га)**

Бино-иншоотлар

майдони (кв.м)**

1.

Олтинсой тумани КСЗ

"Шўрчи пахта тозалаш" АЖнинг бино ва иншоотлари*


12,1

23 758,41

2.

Ангор тумани КСЗ

"Ангор пахта тозалаш" АЖнинг бино ва иншоотлари*

18,5

18418,0

3.

Музработ тумани КСЗ

"Музработ тумани йўллардан фойдаланиш корхонаси"

УКга карашли бино ва иншоотларнинг бир қисми

1,5

756,5

4.

Денов тумани КСЗ

Денов тумани ҳокимлиги балансидаги "Сурхонозиқовқатсаноати" АЖнинг тозалаш иншооти бинолари

1,1

2 015,0

5.

Академик М. Мирзаев номли боғдорчилик, узумчилик

ва виночилик илмий-тадқиқот институти Сурхондарё

илмий тажриба станцияси бино ва

иншоотларининг бир қисми

0,5

1 500,0

6.

Жарқўрғон тумани

КСЗ

"Термиз нефть базаси" МЧЖ Жарқўрғон филиали

ҳудудининг бир қисми*

2,9

405,0

7.

Сариосиё тумани КСЗ

"Термиз нефть базаси" МЧЖ Денов филиали бино ва

иншоотларининг бир қисми*

3,2

1 541,7

8.

Термиз тумани КСЗ

Термиз тумани ҳокимлиги балансидаги хўжалик ва ишлаб чиқариш бино ва иншоотлари (собиқ "Учқизил моддий

техника таъминоти базаси" МЧЖ)

2,0

5 100,0

9.

Термиз шаҳар КСЗ

Термиз шаҳар ҳокимлиги балансидаги бино ва

иншоотлар (собиқ "Ўзмахсустранс" ДУК)

1,4

610,6

10.

Узун тумани КСЗ

"Узун пахта тозалаш" АЖнинг бино ва иншоотлари*

11,9

14 769,4

Жами:

55,1

68 874,61

           

*) Бино-иншоотлар, шунингдек, уларга туташ ҳудудлар хўжалик юритувчи жамиятларнинг тегишли бошқарув органлари йиғилишларида кўриб чиқиш натижаларига кўра аниқланади.


**) Ўзбекистон Республикаси Ер ресурслари, геодезия, картография ва давлат кадастри давлат қўмитаси, Хусусийлаштирилган корхоналарга кўмаклашиш ва рақобатни ривожлантириш давлат қўмитаси томонидан туманлар (шаҳарлар) ҳокимликлари билан биргаликда аниқланади.






Ўзбекистон Республикаси

Президентининг

2018 йил 29 мартдаги

ПҚ-3636-сон қарорига

2-ИЛОВА



2018 йилда Сурхондарё вилоятида кичик саноат

зоналарининг муҳандислик-коммуникация ва ишлаб

чиқариш инфратузилмасини қайта тиклаш ишларининг

Манзилли рўйхати

    

Чора-тадбирлар номи

Ўлчов бирлиги

Миқдор/

Қувват

Харажатлар миқдори*

(млн. сўм)

Молиялаштириш манбалари

Масъул ижрочилар

Олтинсой тумани КСЗ

Электр тармоғининг 10 кВ кучланишли ҳаво линиясини қуриш, 400 кВА қувватли трансформатор ўрнатиш ва мавжуд К-42 трансформаторини капитал таъмирлаш

км

дона

дона

1,0

1

1

290,0

Марказлашган инвестициялар доирасида Давлат бюджети маблағлари

"Ўзбекэнерго" АЖ,

Сурхондарё вилояти

ҳокимлиги

d=75 мм бўлган сув ўтказиш тармоғини қуриш

км

0,06

11,1

Уй-жой коммунал хизмат кўрсатиш вазирлиги,

Сурхондарё вилояти

ҳокимлиги

ЖАМИ:

301,1



Ангор тумани КСЗ

Электр тармоғининг 10 кВ кучланишли ҳаво линиясини қуриш ва 250 кВА қувватли трансформаторни ўрнатиш

км

дона

4,0

1

440,0

Марказлашган инвестициялар доирасида Давлат бюджети маблағлари

"Ўзбекэнерго" АЖ,

Сурхондарё вилояти

ҳокимлиги

ЖАМИ:

440,0



Музработ тумани КСЗ

Электр тармоғининг 10 кВ кучланишли ҳаво линиясини қуриш ва 250 кВА қувватли трансформаторни ўрнатиш

км

дона

8,0

1

910,0

Марказлашган инвестициялар доирасида Давлат бюджети маблағлари

"Ўзбекэнерго" АЖ,

Сурхондарё вилояти

ҳокимлиги

d=75 мм бўлган сув ўтказиш тармоғини қуриш

км

1,5

120,0

Марказлашган инвестициялар доирасида Давлат бюджети маблағлари

Уй-жой коммунал хизмат кўрсатиш вазирлиги,

Сурхондарё вилояти

ҳокимлиги

ЖАМИ:

1 030,0



Денов тумани КС3

Электр тармоғининг 10 кВ кучланишли ҳаво линиясини қуриш, 250 кВА қувватли трансформаторни реконструкция қилиш ва 250 кВА қувватли трансформаторни ўрнатиш

км

дона

0,3

2

264,0

Марказлашган инвестициялар доирасида Давлат бюджети маблағлари

"Ўзбекэнерго" АЖ,

Сурхондарё вилояти

ҳокимлиги

Электр тармоғининг 6 кВ кучланишли кабел линиясини қуриш ва 250 кВА қувватли ШК трансформаторни ўрнатиш

км

дона

0,15

1

137,0

"Ўзбекэнерго" АЖ,

Сурхондарё вилояти

ҳокимлиги

ЖАМИ:

401,0



Жарқўрғон тумани КСЗ

Электр тармоғининг 10 кВ кучланишли ҳаво линиясини қуриш ва 250 кВА қувватли трансформаторни ўрнатиш

км

дона

3,0

1

360,0

Марказлашган инвестициялар доирасида Давлат бюджети маблағлари

"Ўзбекэнерго" АЖ,

Сурхондарё вилояти

ҳокимлиги

ЖАМИ:

360,0



Сариосиё тумани КСЗ

Электр тармоғининг 10 кВ кучланишли ҳаво линиясини қуриш ва 400 кВА қувватли трансформаторни ўрнатиш

км

дона

0,8

1

410,0

Марказлашган инвестициялар доирасида Давлат бюджети маблағлари

"Ўзбекэнерго" АЖ,

Сурхондарё вилояти

ҳокимлиги

d=75 мм бўлган сув ўтказиш тармоғини қуриш

км

1,2

100,0

Уй-жой коммунал хизмат кўрсатиш вазирлиги,

Сурхондарё вилояти

ҳокимлиги

ЖАМИ:

510,0



Термиз тумани КСЗ

Электр тармоғининг 10 кВ кучланишли ҳаво линиясини қуриш ва 250 кВА қувватли трансформаторни ўрнатиш

км

дона

1,5

1

240,0

Марказлашган инвестициялар доирасида Давлат бюджети маблағлари

"Ўзбекэнсрго" АЖ,

Сурхондарё вилояти

ҳокимлиги

ЖАМИ:

240,0



Термиз шаҳар КСЗ

Электр тармоғининг 6 кВ кучланишли кабел линиясини қуриш, 250 кВА, 400 кВА қувватли трансформатор ўрнатиш ва мавжуд К-42 трансформаторини капитал таъмирлаш

км

дона

дона

дона

0,2

1

1

1

370,0

Марказлашган инвестициялар доирасида Давлат бюджети маблағлари

"Ўзбекэнерго" АЖ,

Сурхондарё вилояти

ҳокимлиги

d=200 мм бўлган сув ўтказиш тармоғини қуриш

км

0,1

30,2

Уй-жой коммунал хизмат кўрсатиш вазирлиги,

Сурхондарё вилояти

ҳокимлиги

ЖАМИ:

400,2



Узун тумани КСЗ

Электр тармоғининг 10 кВ кучланишли ҳаво линиясини қуриш ва 250 кВА қувватли трансформаторни ўрнатиш

км

дона

2,5

1

300,0

Марказлашган инвестициялар доирасида Давлат бюджети маблағлари

"Ўзбекэиерго" АЖ,

Сурхондарё вилояти

ҳокимлиги

"Узун тумани-Бобур қишлоғи" автомобиль йўлининг 4H-1584 қисмидан КСЗга кириш йўлини таъмирлаш

км

0,2

15,0

Вазирлар Маҳкамаси ҳузуридаги Республика йўл жамғармаси маблағлари

Автомобиль йўллари давлат қўмитаси, Сурхондарё

вилояти ҳокимлиги

ЖАМИ:

315,0



ҲАММАСИ:

3 997,3




*) Харажатларнинг якуний миқдори лойиҳа-смета ҳужжатлари белгиланган тартибда экспертизадан ўтказилиши ва тасдиқланиши натижасида аниқланади.



Қонун ҳужжатлари маълумотлари миллий базаси (www.lex.uz),

2018 йил 30 март