Ўзбекистон Республикаси Президентининг 12.01.2018 й. ПФ-5300-сон "Ўзбекистон Республикаси Президентининг айрим қарорларига ўзгартишлар киритиш, шунингдек баъзиларини ўз кучини йўқотган деб ҳисоблаш тўғрисида"ги Фармони

Функция недоступна

ЎЗБЕКИСТОН РЕСПУБЛИКАСИ

ПРЕЗИДЕНТИНИНГ

ФАРМОНИ

12.01.2018 й.

N ПФ-5300

ЎЗБЕКИСТОН РЕСПУБЛИКАСИ

ПРЕЗИДЕНТИНИНГ АЙРИМ ҚАРОРЛАРИГА

ЎЗГАРТИШЛАР КИРИТИШ, ШУНИНГДЕК

БАЪЗИЛАРИНИ ЎЗ КУЧИНИ ЙЎҚОТГАН

ДЕБ ҲИСОБЛАШ ТЎҒРИСИДА

Лом ва рангли металлар парчалари ва чиқиндиларини тайёрлаш тизимини тубдан такомиллаштириш, республиканинг иқтисодий манфаатларини самарали ҳимоя қилиш, шунингдек, қимматбаҳо хомашё ресурсларидан оқилона фойдаланишни таъминлаш мақсадида:

1. Ўзбекистон Республикаси Президентининг айрим қарорларига 1-иловага мувофиқ ўзгартишлар киритилсин.

2. Ўзбекистон Республикаси Президентининг баъзи қарорлари 2-иловага мувофиқ ўз кучини йўқотган деб ҳисоблансин.

3. Мазкур Фармоннинг ижросини назорат қилиш Ўзбекистон Республикаси Бош вазирининг ўринбосари - "Ўзбекнефтгаз" АЖ бошқаруви раиси А.С. Султонов ва "Ўзиккиламчиранглиметал" АЖ бош директори Ф.Р. Абдуллаев зиммасига юклансин.

Ўзбекистон Республикаси Президенти                               Ш. Мирзиёев

Ўзбекистон Республикаси

Президентининг

2018 йил 12 январдаги

ПФ-5300-сонли Фармонига

1-ИЛОВА

Ўзбекистон Республикаси Президентининг

айрим ҳужжатларига киритиладиган

ўзгартишлар

1. Ўзбекистон Республикаси Президентининг "Лом ва рангли металлар парчалари ва чиқиндилари экспортини тартибга солиш тўғрисида" 1999 йил 5 февралдаги ПФ-2212-сонли Фармонининг 2-бандидаги "Тошкент лом, рангли металлар парчалари ва чиқиндиларини қайта ишлаш заводи" ОАЖ" сўзлари "Ўзбекистон лом, рангли металлар парчалари ва чиқиндиларини тайёрлаш ва қайта ишлаш заводи" АЖ" сўзлари билан алмаштирилсин:

2. Ўзбекистон Республикаси Президентининг "Рангли металлар парчалари ва чиқиндилари ўғирланиши ҳамда ноқонуний четга олиб чиқиб кетилишининг олдини олиш чора-тадбирлари тўғрисида" 2000 йил 4 мартдаги ПФ-2559-сонли Фармони:

а) 3-бандидаги "Тошкент лом, рангли металлар парчалари ва чиқиндиларини қайта ишлаш заводи" ОАЖ" сўзлари "Ўзбекистон лом, рангли металлар парчалари ва чиқиндиларини тайёрлаш ва қайта ишлаш заводи" АЖ" сўзлари билан алмаштирилсин:

б) 4-банд қуйидаги таҳрирда баён этилсин:

"4. Жисмоний шахсларга лом ва рангли металлар парчалари ва чиқиндиларини тайёрлаш тақиқлансин.

Белгилансинки, "Ўзиккиламчиранглиметал" АЖ ва унинг таркибий тузилмалари жисмоний шахслардан рангли металларнинг маиший ломини, шу жумладан, фойдаланиш учун мўлжалланган асбоблар ва ускуналар, шунингдек, Ҳукумат қарори билан тасдиқланган рўйхат бўйича лом ва рангли металлар парчалари ва чиқиндиларини махсус қабул пунктлари орқали қабул қилинишини амалга оширадилар";

в) 5-банднинг биринчи ва иккинчи хатбошиларидаги "Тошкент лом, рангли металлар парчалари ва чиқиндиларини қайта ишлаш заводи" ОАЖ" сўзлари "Ўзбекистон лом, рангли металлар парчалари ва чиқиндиларини тайёрлаш ва қайта ишлаш заводи" АЖ" сўзлари билан алмаштирилсин."

3. Ўзбекистон Республикаси Президентининг "2016-2020 йилларда рангли ва нодир металларни чуқур қайта ишлаш негизида экспортга йўналтирилган тайёр маҳсулотлар ишлаб чиқаришни кўпайтириш чора-тадбирлари тўғрисида" 2016 йил 20 майдаги ПҚ-2533-сонли қарорининг 2-бандидаги "Тошкент лом, рангли металлар парчалари ва чиқиндиларини қайта ишлаш заводи" ОАЖ" сўзлари "Ўзбекистон лом, рангли металлар парчалари ва чиқиндиларини тайёрлаш ва қайта ишлаш заводи" АЖ" сўзлари билан алмаштирилсин:

4. Ўзбекистон Республикаси Президентининг "Саноат тармоқлари корхоналарининг жисмоний ишдан чиққан ва маънавий эскирган машина-ускуналарини жадал янгилаш, шунингдек, ишлаб чиқариш харажатларини камайтиришга оид қўшимча чора-тадбирлар тўғрисида" 2016 йил 22 декабрдаги ПҚ-2692-сонли қарори:

а) 6-банди иккинчи хатбошидаги "Тошкент лом, рангли металлар парчалари ва чиқиндиларини қайта ишлаш заводи" ОАЖ" сўзлари "Ўзбекистон лом, рангли металлар парчалари ва чиқиндиларини тайёрлаш ва қайта ишлаш заводи" АЖ" сўзлари билан алмаштирилсин;

б) 1-иловаси 9-бандидаги "Тошкент ЛОРМ заводи"АЖ" сўзлари "Ўзиккиламчиранглиметал" АЖ" сўзлари билан алмаштирилсин;

в) 3-иловаси 10-бандидаги "Тошкент ЛОРМ заводи"АЖ" сўзлари "Ўзиккиламчиранглиметал" АЖ" сўзлари билан алмаштирилсин;

г) 5-иловаси 8-бандидаги "Тошкент ЛОРМ заводи"АЖ" сўзлари "Ўзиккиламчиранглиметал" АЖ" сўзлари билан алмаштирилсин.

5. Ўзбекистон Республикаси Президентининг "2017-2019 йилларда тайёр маҳсулот турлари, бутловчи буюмлар ва материаллар ишлаб чиқаришни маҳаллийлаштиришнинг истиқболли лойиҳаларини амалга оширишни давом эттириш чора-тадбирлари тўғрисида" 2016 йил 26 декабрдаги ПҚ-2698-сонли қарори 1-иловасининг бўлими номланишидаги, шунингдек, 176, 177, 178, 179 позицияларидаги "Тошкент лом, рангли металлар парчалари ва чиқиндиларини қайта ишлаш заводи" ОАЖ" сўзлари "Ўзбекистон лом, рангли металлар парчалари ва чиқиндиларини тайёрлаш ва қайта ишлаш заводи" АЖ" сўзлари билан алмаштирилсин.

Ўзбекистон Республикаси

Президентининг

2018 йил 12 январдаги

ПФ-5300-сонли Фармонига

2-ИЛОВА

Ўзбекистон Республикаси Президентининг

ўз кучини йўқотган баъзи ҳужжатлари

РЎЙХАТИ

1. Ўзбекистон Республикаси Президентининг "Ўзбекистон Республикаси Президентининг айрим ҳужжатларига ўзгартиш киритиш тўғрисида" 2012 йил 3 октябрдаги ПФ-4473-сонли Фармонининг 1-иловаси 5-банди.

2. Ўзбекистон Республикаси Президентининг "Ўзбекистон Республикаси Президентининг айрим ҳужжатларига қўшимча ва ўзгартишлар киритиш тўғрисида" 2013 йил 30 октябрдаги ПФ-4578-сонли Фармони иловасининг 13-банди.

3. Ўзбекистон Республикаси Президентининг "Ўзбекистон Республикаси Президентининг айрим ҳужжатларига ўзгартиш ва қўшимчалар киритиш тўғрисида" 2016 йил 31 декабрдаги ПФ-4910-сонли Фармонининг 1-иловаси 14-банди.

4. Ўзбекистон Республикаси Президентининг "Рангли металл парчалари, чиқиндиларини йиғиш, тайёрлаш ва қайта ишлаш тизимини такомиллаштириш тўғрисида" 2006 йил 18 июлдаги ПҚ-419-сонли қарори.

Қонун ҳужжатлари маълумотлари миллий базаси (www.lex.uz),

2018 йил 12 январь

"Ўзбекистон Республикаси Олий Мажлиси палаталарининг Ахборотномаси",

2018 йил, 1-сон, 23-модда