язык интерфейса

ЎзР Конунчилиги

ЎзР Конунчилиги/ Иқтисодиётнинг айрим соҳалари/ Қўшимчалар ва ўзгартиришлар киритилган ҳужжатлар/ Транспорт/ Ўзбекистон Республикаси Вазирлар Маҳкамасининг 07.04.2018 й. 277-сон "Ўзбекистон Республикасида автомобиль транспортида юкларни ташиш қоидаларига қўшимчалар киритиш тўғрисидаги"ги Қарори

Вы можете получить доступ на один день к продукту Законодательство Руз.

ЎЗБЕКИСТОН РЕСПУБЛИКАСИ

ВАЗИРЛАР МАҲКАМАСИНИНГ

ҚАРОРИ

07.04.2018 й.

N 277



ЎЗБЕКИСТОН РЕСПУБЛИКАСИДА

АВТОМОБИЛЬ ТРАНСПОРТИДА ЮКЛАРНИ

ТАШИШ ҚОИДАЛАРИГА ҚЎШИМЧАЛАР

КИРИТИШ ТЎҒРИСИДА



Автомобиль транспортида юкларни ташиш қоидаларини янада такомиллаштириш, шунингдек, тез бузиладиган маҳсулотларни ташиш хавфсизлигини ошириш мақсадида Вазирлар Маҳкамаси ҚАРОР ҚИЛАДИ:


1. Ўзбекистон Республикасида тез бузиладиган маҳсулотларни автомобилда халқаро ташишлар Ўзбекистон Республикаси Вазирлар Маҳкамасининг 2014 йил 1 августдаги 213-сон қарори билан тасдиқланган Ўзбекистон Республикасида автомобиль транспортида юкларни ташиш қоидаларига ҳамда 1970 йил 1 сентябрда Женева шаҳрида (Швейцария Конфедерацияси) имзоланган Тез бузиладиган озиқ-овқат маҳсулотларини халқаро ташишлар тўғрисидаги ва ушбу ташишлар учун мўлжалланган махсус транспорт воситалари ҳақидаги битимлар (СПС) талабларига мувофиқ амалга оширилиши маълумот учун қабул қилинсин.


2. Ўзбекистон автомобиль транспорти агентлиги Тез бузиладиган озиқ-овқат маҳсулотларини халқаро ташишлар тўғрисидаги ва ушбу ташишлар учун мўлжалланган махсус транспорт воситалари ҳақидаги битимларнинг амалга оширилиши учун ваколатли орган этиб белгилансин.


3. Ўзбекистон Республикаси Вазирлар Маҳкамасининг 2014 йил 1 августдаги 213-сон қарори билан тасдиқланган (Ўзбекистон Республикаси ҚҲТ, 2014 й., 32-сон, 401-модда) Ўзбекистон Республикасида автомобиль транспортида юкларни ташиш қоидаларига иловага мувофиқ қўшимчалар киритилсин.


4. Ўзбекистон автомобиль транспорти агентлиги тез бузиладиган маҳсулотларни ташиш учун мўлжалланган автотранспорт воситаларини эксперт текширувидан ўтказиш бўйича ҳудудий лабораториялар уч ой муддатда ташкил этилишини таъминласин.


5. Ушбу қарор расмий эълон қилинганидан уч ой ўтгандан сўнг кучга киради.


6. Ушбу қарорнинг бажарилишини назорат қилиш Ўзбекистон Республикаси Бош вазирининг биринчи ўринбосари - "Ўзбекистон темир йўллари" АЖ бошқаруви раиси А.Ж. Раматов ва Ўзбекистон автомобиль транспорти агентлиги бошлиғи Д.Т. Деҳқонов зиммасига юклансин.



Ўзбекистон Республикасининг Бош вазири                              А. Арипов






Вазирлар Маҳкамасининг

2018 йил 7 апрелдаги

277-сон қарорига

ИЛОВА



Ўзбекистон Республикасида

автомобиль транспортида юкларни ташиш

қоидаларига киритилаётган қўшимчалар


1. Қуйидаги мазмундаги 61-1-61-3-бандлар қўшилсин:

"61-1. Автомобиль транспортида ташиш учун тақдим этиладиган тез бузиладиган юклар рўйхати мазкур Қоидаларга 1-иловада келтирилган. Тез бузиладиган юкларни сақлаш ва ташиш ҳарорат режими техник жиҳатдан тартибга солиш соҳасидаги норматив ҳужжатлар билан белгиланади.

61-2. Битта автотранспорт воситасида бирга ташишга рухсат бериладиган тез бузиладиган юклар рўйхати мазкур Қоидаларга 2-иловада келтирилган.

61-3. Тез бузиладиган юкларни ташиш учун мўлжалланган автотранспорт воситаларини кўрикдан ўтказиш тартиби мазкур Қоидаларга 3-иловада келтирилган".


2. Қуйидаги мазмундаги 1-3-иловалар қўшилсин:


"Ўзбекистон Республикасида

автомобиль транспортида

юкларни ташиш қоидаларига

1-ИЛОВА



Автомобиль транспортида ташишга

тақдим этиладиган тез бузиладиган юклар

РЎЙХАТИ

     

Т/р

Юк номи

1.

Музлатилган юклар (гўшт, калла-поча, ичак-човоқ, гўшт, қуш, балиқ, шпиг, тухумли музлатилган маҳсулотлар)

2.

Сариёғ

3.

Эритилган мол ёғи, эритилган ёғ

4.

Янги ва пастеризацияланган сут, сут маҳсулотлари (йогурт, кефир, қаймоқ ва янги пишлоқ)

5.

Бирламчи қайта ишлаш заводидан ташиладиган сут

6

Музқаймоқ

7.

Ачитқи (Дрожжи)

8.

Майонез

9.

Маргарин

10.

Турли пишлоқлар

11

Яшиклардаги енгил тузланган сельд

12.

Совутилган, муз билан аралаштирилган балиқ

13.

Иссиқ дудланган музлатилган балиқ

14.

Колбасалар ва қайнатилган колбаса маҳсулотлари

15.

Тез музлатилган гўшт, балиқ, пазандалик маҳсулотлари, мева ва реза мевалар, қуюлтирилган мева шарбатлари

       

Изоҳ

Ўзбекистон Республикасида автомобиль транспортида юкларни ташиш қоидалари талаблари жорий этилган юкларни ташишларда уларга риоя этиш учун жавобгарлик:

юкларни ёллаш ёки ҳақ тўлаш бўйича ташишда - товар-транспорт юк хатига мувофиқ юк жўнатувчи ҳисобланган жисмоний ёки юридик шахсга ёки товар-транспорт юк хати мавжуд бўлмаган тақдирда - ташувчи билан ташишлар ҳақида шартнома тузган жисмоний шахсга;

бошқа ҳолатларда - ташувчига юкланади.






Ўзбекистон Республикасида

автомобиль транспортида

юкларни ташиш қоидаларига

2-ИЛОВА



Битта автотранспорт воситасида

бирга ташишга рухсат бериладиган тез

бузиладиган юклар гуруҳи

    

Т/р

Маҳсулотлар гуруҳи


А гуруҳи) ўсимликлардан тайёрланган маҳсулотлар


1) Совутилган маҳсулотлар

1.

Қишки олмалар

2.

Қишки ноклар

3.

Узум


2) Совутилган маҳсулотлар

1.

Ёзги ва кузги олмалар ва ноклар

2.

Ўрик ва шафтолилар

3.

Олхўри

4.

Узум

5.

Олча ва гилос

6.

Крижовник

7.

Қорағат


3) Совутилган маҳсулотлар

1.

Қўнғир ва пушти ранг помидорлар

2.

Оқ пўстли карам


Б гуруҳи) ҳайвонлардан олинган маҳсулотлар


1) Музлатилган ва совутилган маҳсулотлар


1.

Музлатилган гўшт

2.

1-тоифали музлатилган калла-поча, ичак-човоқ маҳсулотлари (жигар, буйрак, юрак, мия, тиллар, елин, думлар, нимталанган гўшт), идишга солинган миядан ташқари

3.

Блокларда музлатилган гўшт ва калла-поча, ичак-човоқ,

4.

Музлатилган қуш

5.

мой - шпиг

6.

Музлатилган тухум маҳсулотлар


2) Совутилган маҳсулотлар

1.

Тухум

2.

Герметик тунука ва шиша идишлардаги консервалар


В гуруҳи) қайта ишланган маҳсулотлар: сут маҳсулотлари, турли ёғлар, колбаса маҳсулотлари, пишлоқлар ва бошқалар


Г гуруҳи) тирик ўсимликлар: кўчатлар, гуллар ва бошқалар


Д гуруҳи) қуритилган маҳсулотлар

1.

Қуритилган тухум маҳсулотлари

2.

Қуруқ қуймоқ

3.

Қуруқ сут

4.

Ёғсизлантирилган қуруқ сут

5.

Қуруқ мевалар

6.

Ёнғоқлар

7.

Қуюқлаштирилган сут

8.

Герметик тунука идишдаги қуюқлаштирилган сут

9.

Герметик тунука ва шиша идишлардаги консервалар

   





Ўзбекистон Республикасида

автомобиль транспортида

юкларни ташиш қоидаларига

3-ИЛОВА



Тез бузиладиган юкларни

ташишга мўлжалланган автотранспорт

воситаларини кўрикдан ўтказиш тартиби



1-БОБ. УМУМИЙ ҚОИДАЛАР


1. Атамалар ва таърифлар


СПС - 1970 йил 1 сентябрда Женева шаҳрида (Швейцария Конфедерацияси) имзоланган Тез бузиладиган озиқ-овқат маҳсулотларини халқаро ташишлар тўғрисидаги ва ушбу ташишлар учун мўлжалланган махсус транспорт воситалари ҳақидаги битимлар;


изотермик автотранспорт воситаси - кузови, шу жумладан эшиги, поли ва томи кузовнинг ташқи ва ички юзаси ўртасида иссиқлик алмашишини чеклаш имконини берадиган термоизоляция деворларидан иборат бўлган автотранспорт воситаси;


музхона-автотранспорт воситаси - механик ёки абсорбцион ускуна бўлмаган совуқлик манбаи ёрдамида (туз қўшилган ёки қўшилмаган табиий муз; эвтектик плиталар; сублимациясини бошқариш имконини берадиган мосламали ёки мосламасиз қуруқ муз; буғланишни бошқара оладиган ускунали ёки ускунасиз суюлтирилган газлар ва бошқалар) юксиз кузовнинг ичида ҳароратни пасайтириш ва шундан сўнг ушбу ҳароратни белгиланган ташқи ҳароратда, белгиланган вақтгача ўрнатилган диапазонда сақлаб туриш имконини берувчи изотермик автотранспорт воситаси;


рефрижератор-автотранспорт воситаси - бир неча автотранспорт воситалари учун алоҳида ёки умумий бўлган музлатгич ускунаси (механик компрессор ёки абсорбцион ускуна ва бошқалар билан жиҳозланган) ёрдамида юксиз кузовнинг ичида ҳароратни пасайтириш ва шундан сўнг ушбу ҳароратни белгиланган ташқи ҳароратда, белгиланган вақтгача ўрнатилган диапазонда сақлаб туриш имконини берувчи изотермик автотранспорт воситаси;


иситиладиган автотранспорт воситаси - иситиш ускунаси ёрдамида юксиз кузовнинг ичида ҳароратни кўтарадиган ва шундан сўнг ушбу ҳароратни қўшимча иссиқлик келмаганда, муайян вақт давомида доимий маромда сақлаб туриш имконини берувчи изотермик автотранспорт воситаси;


СПС гувоҳномаси - мамлакатнинг СПС Битимини амалга ошириш учун масъул бўлган ваколатли органи томонидан бериладиган ва автотранспорт воситаси СПС Битими талабларига мослигини тасдиқловчи ҳужжат;


техник кўрик (келгусида - автотранспорт воситалари кўриги - автотранспорт воситасининг ўрнатилган талабларга мувофиқлигини тасдиқлаш мақсадида уларни эксперт текширувларини ўз ичига олган чора-тадбирлар. Ушбу текширувлар натижалари бўйича СПС гувоҳномаси расмийлаштирилади ва СПСда белгиланган тартибда маркировка амалга оширилади;


техник тартибга солиш - маҳсулотлар, ишлар ва хизматлар хавфсизлигига қўйиладиган мажбурий талабларнинг ўрнатилиши, қўлланиши ва бажарилиши;


автотранспорт воситаларининг эксперт текшируви - тез бузиладиган юкларни ташишларга мўлжалланган, Ўзбекистон Республикаси ҳудудида рўйхатдан ўтган ва фойдаланишдаги автотранспорт воситаларининг "Ўзстандарт" агентлигида белгиланган тартибда рўйхатга олинган лабораториялар томонидан ўтказиладиган текшируви;


совутиш ва иситиш учун мўлжалланган термик ускунанинг самарадорлиги - термик ускунанинг маълум ташқи ҳароратда изотермик автотранспорт воситаси кузови ичидаги белгиланган ҳароратни сақлаш қобилияти.


2. Тез бузиладиган юкларни ташиш учун мўлжалланган автотранспорт воситалари қуйидаги белгилар бўйича тоифаланади:

автотранспорт воситаси тури;

кузов тури;

ҳарорат режимини таъминлаш технологияси.


3. Тез бузиладиган юкларни ташиш учун мўлжалланган автотранспорт воситалари турлар бўйича қуйидагиларга бўлинади:

юк автомобили;

тиркама;

яримтиркама;

контейнер.


4. Тез бузиладиган юкларни ташиш учун мўлжалланган автотранспорт воситалари кузов турлари бўйича қуйидагиларга бўлинади:

фургон;

цистерна.


5. Тез бузиладиган юкларни ташиш учун мўлжалланган автотранспорт воситалари ҳарорат режимини таъминлаш технологияси бўйича қуйидагиларга бўлинади:

I - изотермик автотранспорт воситаси;

R - музлатгич-автотранспорт воситаси;

F - рефрижератор-автотранспорт воситаси;

C - иситиладиган автотранспорт воситаси.

6. Изотермик автотранспорт воситалари кузовнинг ички ва ташқи юзалари ўртасида иссиқлик алмашишни чеклаш хусусиятига кўра икки тоифага бўлинади:

нормал изоляцияли IN изотермик автотранспорт воситаси;

кучайтирилган изоляцияли IR изотермик автотранспорт воситаси.


7. Совутиш ва иситиш учун мўлжалланган термик ускуналар самарадорлиги бўйича автотранспорт воситалари қуйидаги тоифаларга бўлинади: A, B, C, D, Е ва F.


8. Иссиқлик бериш умумий коэффициентининг миқдори, яъни К коэффициенти тез бузиладиган юкларни ташиш учун мўлжалланган автотранспорт воситалари кузовининг изотермик хусусиятларини ифодаловчи асосий кўрсаткич ҳисобланади.


9. Тез бузиладиган юкларни ташиш учун мўлжалланган автотранспорт воситалари К коэффициентига нисбатан қуйидаги талабларга жавоб бериши шарт:

нормал изоляцияли IN изотермик автотранспорт воситалари - 0,70 Вт/м-2 Кдан кўп бўлмаган К коэффициентига эга бўлиши;

кучайтирилган изоляцияли IR изотермик автотранспорт воситалари - 0,40 Вт/м-2 Кдан кўп бўлмаган К коэффициентига эга бўлиши;


10. А тоифадаги нормал ёки кучайтирилган изоляцияли музхоналар ташқи ҳарорат ўртача 30 °C бўлганда, кузов ичидаги ҳароратнинг плюс 7 °C дан ошмайдиган даражада сақланишини таъминлаши лозим.


11. В тоифадаги кучайтирилган изоляцияли музхоналар ташқи ҳарорат ўртача 30 °C бўлганда, кузов ичидаги ҳароратнинг минус 10 °C дан ошмайдиган даражада сақланишини таъминлаши лозим.


12. С тоифадаги кучайтирилган изоляцияли музхоналар ўртача 30 даража ташқи иссиқ ҳароратда, кузов ичида минус 20 °C даражадаги ҳароратни сақланишини таъминлаши лозим.


13. D тоифадаги нормал ёки кучайтирилган изоляцияли музхоналар ташқи ҳарорат ўртача 30 °C бўлганда, кузов ичидаги ҳароратнинг 0 °C даражада сақланишини таъминлаши лозим.


14. А тоифадаги нормал ёки кучайтирилган изоляцияли рефрижераторлар ташқи ҳарорат ўртача 30 °C бўлганда, кузов ичидаги ҳароратнинг плюс 12 дан 0 °C гача даражада сақланишини таъминлаши лозим.


15. В тоифадаги кучайтирилган изоляцияли рефрижераторлар ташқи ҳарорат ўртача 30 °C бўлганда, кузов ичидаги ҳароратнинг плюс 12 °C дан минус 10 °C гача даражада сақланишини таъминлаши лозим.


16. С тоифадаги кучайтирилган изоляцияли рефрижераторлар ташқи ҳарорат ўртача 30 °C бўлганда, кузов ичидаги ҳароратнинг плюс 12 °C дан минус 20 °C гача даражада сақланишини таъминлаши лозим.


17. D тоифадаги нормал ёки кучайтирилган изоляцияли рефрижераторлар ташқи ҳарорат ўртача 30 °C бўлганда, кузов ичидаги ҳароратнинг 0 °C дан ошмайдиган даражада сақланишини таъминлаши лозим.


18. Е тоифадаги кучайтирилган изоляцияли рефрижераторлар ташқи ҳарорат ўртача 30 °C бўлганда, кузов ичидаги ҳароратнинг минус 10 °C дан ошмайдиган даражада сақланишини таъминлаши лозим.


19. F тоифадаги кучайтирилган изоляцияли рефрижераторлар ташқи ҳарорат ўртача 30 °C бўлганда, кузов ичидаги ҳароратнинг минус 20 °C дан ошмайдиган даражада сақланишини таъминлаши лозим.


20. А тоифадаги нормал ва кучайтирилган изоляцияли иситиладиган изотермик автотранспорт воситалари ташқи ҳарорат ўртача минус 10 °C бўлганда, кузов ичидаги ҳароратнинг плюс 12 °C дан ошмайдиган даражада камида 12 соатдан давомида сақланишини таъминлаши лозим.


21. В тоифадаги кучайтирилган изоляцияли иситиладиган изотермик автотранспорт воситалари ташқи ҳарорат ўртача минус 20 °C бўлганда, кузов ичидаги ҳароратнинг плюс 12 °C дан ошмайдиган даражада камида 12 соатдан давомида сақланишини таъминлаши лозим.


22. Тез бузиладиган юкларни ташиш учун мўлжалланган автотранспорт воситалари юк бўлинмаларида ҳаво ҳароратини минус 20 °C дан плюс 30 °C гача даражада назорат қилиш, шунингдек, ташишлар ҳарорат режимининг ўзгаришлари ҳақида ҳайдовчини хабардор қилиш имконини берадиган ўлчаш ва ёзиб борувчи ускуналар билан жиҳозланиши лозим.


23. Тез бузиладиган юкларни ташиш учун мўлжалланган автотранспорт воситаларининг юк бўлинмалари озиқ-овқат маҳсулотлари билан контактда бўлганда хавфсиз материаллардан тайёрланиши лозим.


24. Изотермик автотранспорт воситаларининг термик ускуналарида озонни емириш қобилияти нолга тенг ва глобал иситиш қобилияти паст рухсат этилган хладагентлар қўлланиши лозим.



2-БОБ. АВТОТРАНСПОРТ ВОСИТАЛАРИНИ

КЎРИКДАН ЎТКАЗИШ


25. Кўрик тез бузиладиган юкларни ташиш учун мўлжалланган ҳар бир автотранспорт воситаларига СПС га мувофиқ СПС гувоҳномасини беришни назарда тутади.


26. СПС гувоҳномасида қуйидагилар қайд этилади:

тез бузиладиган юкларни ташиш учун мўлжалланган автотранспорт воситаси эгасининг (вакилининг) номи ва жойлашган жойи;

тез бузиладиган юкларни ташиш учун мўлжалланган автотранспорт воситасини ишлаб чиқарувчининг номи ва жойлашган жойи;

гувоҳномани берган ташкилотнинг номи ва жойлашган жойи;

тез бузиладиган юкларни ташиш учун мўлжалланган автотранспорт воситаси ҳақида, ушбу Тартибга мувофиқ ушбу автотранспорт воситасини, унинг тури, тоифасини идентификациялаш имконини берадиган маълумотлар;

тез бузиладиган юкларни ташиш учун мўлжалланган автотранспорт воситасининг белгиланган талабларга мувофиқлиги ҳақида эксперт ташкилотининг хулосаси;

автотранспорт воситаларининг ўтказилган эксперт текширувлари натижалари ҳақидаги маълумот;

СПС гувоҳномасининг амал қилиш муддати.

Гувоҳнома берганлик учун йиғим ундирилмайди.


27. Тез бузиладиган юкларни ташиш учун мўлжалланган ва Ўзбекистон Республикаси ҳудудида белгиланган тартибда рўйхатдан ўтган ва фойдаланилаётган автотранспорт воситалари автотранспорт воситаларини эксперт текширувларини ўтказиш асосида кўрикдан ўтказилади.


28. Тез бузиладиган юкларни ташиш учун мўлжалланган ва Ўзбекистон Республикаси ҳудудида белгиланган тартибда рўйхатдан ўтган ва фойдаланилаётган автотранспорт воситаларининг эксперт текширувлари "Ўзстандарт" агентлигида белгиланган тартибда рўйхатга олинган лабораториялар (кейинги ўринларда рўйхатга олинган лаборатория деб аталади) томонидан ўтказилади.


29. Автотранспорт воситаларини эксперт текширувдан ўтказиш усуллари фойдаланилаётган автотранспорт воситаларини текширувдан ўтказишига нисбатан СПСга ҳамда эксперт ташкилотлари томонидан ишлаб чиқилган бошқа усулларга мувофиқ бўлиши лозим.


30. Тез бузиладиган юкларни ташиш учун мўлжалланган янги тайёрланган автотранспорт воситаларининг эксперт текшируви улар тайёрланганидан 6 йилдан сўнг, келгуси йилларда эса - ҳар 3 йилда ўтказилади.


31. Тез бузиладиган юкларни ташиш учун мўлжалланган автотранспорт воситаларининг эгалари ёки эгаларининг номидан Ўзбекистон Республикаси қонунчилигида белгиланган тартибда уларга эгалик қилувчи, фойдаланувчи ва (ёки) тасарруф этувчи шахслар (кейинги ўринларда эгалари/эгаларининг вакиллари деб аталади) автотранспорт воситаларини эксперт текширувидан ўтказиш учун мазкур Тартибнинг 30-бандига мувофиқ муддатларда тақдим этишлари лозим.


32. Автотранспорт воситаларининг эксперт текшируви рўйхатга олинган лаборатория томонидан ариза берувчининг талабномаси ва у билан икки нусхада тузиладиган шартнома асосида ўтказилади.


33. Рўйхатдан ўтган лаборатория аризани бир иш кунида рўйхатга олади ва икки иш куни давомида ариза берувчига транспорт воситасининг изотермик хусусиятлари текширилгани тўғрисида баённома нусхасини беради. Баённоманинг асл нусхасини СПСни амалга ошириш учун масъул бўлган ваколатли органга СПС гувоҳномасини бериш учун топширади. Баённома электрон шаклда ёки тўғридан-тўғри берилиши мумкин.


34. Битимни амалга ошириш учун масъул бўлган ваколатли орган (Ўзбекистон автомобиль транспорти агентлиги ва унинг ҳудудий бошқармалари) бир иш куни давомида ариза берувчига СПС гувоҳномасини СПСда ўрнатилган шаклда беради ва уни СПС гувоҳномалари реестрида рўйхатдан ўтказади.


35. Тез бузиладиган юкларни ташиш учун мўлжалланган автотранспорт воситалари изотермик хусусиятларининг ёки уларга ўрнатилган термик ускуналар самарадорлигининг айрим ташқи таъсирлар натижасида конструкция бузилиши туфайли ўзгариши тез бузиладиган юкларни ташиш учун мўлжалланган автотранспорт воситалари эгаси (унинг вакили) томонидан автотранспорт воситасини эксперт текшируви шаклида режадан ташқари кўрикдан ўтказиш учун тақдим этишга асос бўлади.


36. Тез бузиладиган юкларни ташиш учун мўлжалланган автотранспорт воситасининг эгаси (унинг вакили) СПС гувоҳномаси берилган тез бузиладиган юкларни ташиш учун мўлжалланган автотранспорт воситасига мазкур Тартиб талабларига мувофиқ унинг тоифаси ва турини ўз ичига олган ҳарфли таниш белгиларини қўйиши лозим.



3-БОБ. ФОЙДАЛАНИЛАЁТГАН ТРАНСПОРТ

ВОСИТАЛАРИНИНГ ИЗОТЕРМИК

ХУСУСИЯТЛАРИНИ НАЗОРАТ ҚИЛИШ

37. Транспорт воситасини умумий текшириш:

Бажарилаётган ишлар номи

Техник хусусият, қисқа таъриф

Транспорт воситасини умумий текшириш:

Изоляцияловчи қатлам тузилишининг умумий хусусияти;

Изоляциялаш усули, деворлар тури ва ҳолати;

Изотермик тўсиқнинг сақланиш ҳолати;

Деворлар қалинлиги.


Эксперт томонидан кўрикдан ўтказиш йўли билан амалга оширилади. Аниқланган камчиликлар, эътирозлар кўрик баённомасида қайд этилади

Ҳаво ўтказмаслигини текшириш

Тешиклардан қарама-қарши томондан ёруғлик тушишини текшириш. Бу жараён эксперт томонидан бажарилади.

     

Изоҳ. Ҳаво ўтказмаслигини текшириш (цистерна-транспорт воситаларига нисбатан қўлланилмайди).

38. Текширув ёрқин ёритиладиган зонага қўйиладиган транспорт воситасининг ичида турган эксперт томонидан амалга оширилади. Аниқроқ натижаларни бериши мумкин бўлган бошқа усуллар қўлланилиши мумкин.


39. Ўлчовлар воситалари улардан фойдаланиш ҳужжатларига мувофиқ жорий этилади, ўлчовлар шартлари ва давомийлиги ўлчовлар усулига тўлиқ мос келиши лозим.


40. Геометрик ҳажмлар ўлчовлар воситалари ёки бир неча ўлчов воситалари ёрдамида ўлчанганда, ушбу ҳажм уч марта ўлчаниши лозим ва якуний натижа эса уч ўлчовнинг ўртача арифмет қиймати сифатида қабул қилиниши керак.

Ўлчовларни амалга оширишда ўлчов приборларининг техник ҳужжатлари йўриқномасига риоя этилиши шарт.


41. Геометрик ҳажмларни штангенциркуль ва рулеткалардан фойдаланган ҳолда ўлчанади.

Қуйидаги кўрсаткичлар ўлчанади:

кузовнинг ташқи ўлчамлари: узунлиги, эни, баландлиги;

кузовнинг ички ўлчамлари: узунлиги, эни, баландлиги;

Ҳисоб-китоб йўли билан қуйидагилар аниқланади:

кузовнинг умумий майдони;

кузовнинг ички фойдали ҳажми;

кузовнинг умумий ички юзаси;

кузовнинг умумий ташқи юзаси;

кузовнинг ўртача юзаси;

иссиқлик алмашиш юзасининг ўртача катталиги;

деворларнинг умумий қалинлиги;


42. Эксперт транспорт воситасининг умумий ҳолати бўйича хулоса қилади. Кузовнинг умумий ҳолатига тегишли хулоса ижобий бўлган тақдирда, транспорт воситасини уни ишлаб чиқарган завод томонидан дастлаб белгиланган тоифа бўйича уч йил муддатга баҳолаш тавсия этилади ва автотранспорт воситаси унинг изотермик хусусиятларини аниқлаш ўтказиш учун юборилади.


43. Хулоса салбий бўлган тақдирда, автотранспорт воситаси аниқланган камчиликларни бартараф этиш учун юборилади. Камчиликлар бартараф этилгандан сўнг автотранспорт воситаси қайта текширувга тақдим этилиши мумкин.



4-БОБ. ФОЙДАЛАНИЛАЁТГАН ТРАНСПОРТ

ВОСИТАЛАРИ ТЕРМИК УСКУНАЛАРИНИНГ

САМАРАДОРЛИГИНИ ТЕКШИРИШ


44. Фойдаланилаётган ҳар бир рефрижератор-транспорт воситаси термик ускуналарининг самарадорлигини текшириш учун унинг изотермик хусусиятлари текширилади.


45. 2012 йил 2 январдан кейин ишлаб чиқарилган транспорт воситалари учун:

ташқи ҳарорат плюс 15 С° дан кам бўлмаганда, юксиз транспорт воситасининг ички ҳарорати максимал даврда (дақиқаларда) ушбу тоифадаги транспорт воситаси учун қуйидаги жадвалда назарда тутилган ҳароратгача етказилиши мумкинлигини аниқлаш мақсадида текшириш амалга оширилади:

   

Ташқи ҳарорат

30

29

28

27

26

25

24

23

22

21

20

19

18

17

16

15

°C

C,F тоифалар

360

350

340

330

320

310

300

290

280

270

260

250

240

230

220

210

дақиқа

B,E тоифалар

270

262

253

245

236

228

219

211

202

194

185

177

168

160

151

143

дақиқа

A,D тоифалар

180

173

166

159

152

145

138

131

124

117

110

103

96

89

82

75

дақиқа

         

Юксиз транспорт воситасининг ички ҳарорати дастлаб ташқи ҳароратгача етказилиши шарт.


46. Фойдаланилаётган транспорт воситаларига нисбатан қўлланиладиган қўшимча қоидалар.

Мазкур Тартибнинг 45-бандида кўрсатилган муддатгача ишлаб чиқарилган транспорт воситаларига нисбатан қуйидаги қоидалар қўлланилади:

ташқи ҳарорат плюс 15 °С дан кам бўлмаганда, юксиз транспорт воситасининг дастлаб ташқи ҳароратгача етказилган ички ҳарорати давомийлиги олти соатдан ортиқ бўлмаган муддат мобайнида:

А, В ва С тоифадаги транспорт воситалари учун - ушбу тоифадаги транспорт воситаларига мўлжалланган минимал ҳароратгача;

D, E ва F тоифадаги транспорт воситалари учун - ушбу тоифадаги транспорт воситаларига мўлжалланган ҳароратгача етказилиши мумкинлигини аниқлаш учун текширув ўтказилади.


47. Натижалар қониқарли бўлган тақдирда, ушбу транспорт воситалари дастлаб белгиланган тоифадаги изотермик транспорт воситалари сифатида уч йил муддатгача бўлган янги даврда фойдаланишда қолиши мумкин.



5-БОБ. ИЗОТЕРМИК АВТОТРАНСПОРТ

ВОСИТАЛАРИНИНГ ҲАРФЛИ ТАНИШ

БЕЛГИЛАРИГА ҚЎЙИЛАДИГАН ТАЛАБЛАР


48. Изотермик автотранспорт воситалари қуйидаги ҳарфли таниш белгилари билан белгиланиши лозим:

IN - нормал изоляцияли изотермик автотранспорт воситалари;

IR - кучайтирилган изоляцияли изотермик автотранспорт воситалари;

RNA - А тоифадаги нормал изоляцияли музхона;

RRA - A тоифадаги кучайтирилган изоляцияли музхона;

RRB - B тоифадаги кучайтирилган изоляцияли музхона;

RRC - C тоифадаги кучайтирилган изоляцияли музхона;

RND - D тоифадаги нормал изоляцияли музхона;

RRD - D тоифадаги кучайтирилган изоляцияли музхона;

FNA - А тоифадаги нормал изоляцияли рефрижератор;

FRA - A тоифадаги кучайтирилган изоляцияли рефрижератор;

FRB - B тоифадаги кучайтирилган изоляцияли рефрижератор;

FRC - C тоифадаги кучайтирилган изоляцияли рефрижератор;

FND - D тоифадаги нормал изоляцияли рефрижератор;

FRD - D тоифадаги кучайтирилган изоляцияли рефрижератор;

FRE - E тоифадаги кучайтирилган изоляцияли рефрижератор;

FRF - F тоифадаги кучайтирилган изоляцияли рефрижератор;

CNA - А тоифадаги нормал изоляцияли иситиладиган изотермик автотранспорт воситаси;

CRA - А тоифадаги кучайтирилган изоляцияли иситиладиган изотермик автотранспорт воситаси;

CRB - В тоифадаги кучайтирилган изоляцияли иситиладиган изотермик автотранспорт воситаси;


49. Изотермик автотранспорт воситаларининг ҳарфли таниш белгилари кузов ҳар икки ташқи тарафининг олд томонига яқин юқори бурчакда оқ фонга кўк рангда лотин алифбосининг бош ҳарфлари билан ёзилиши ва ҳарфлар баландлиги 100 мм дан кам бўлмаслиги лозим.


50. Максимал вазни 3,5 тоннадан ортиқ бўлмаган изотермик автотранспорт воситалари учун ҳарфлар баландлиги 50 мм ни ташкил этиши мумкин.


51. Изотермик автотранспорт воситаларининг ҳарфли таниш белгилари тагида СПС гувоҳномаси амал қилишининг тугаш муддати (йил, ой) оқ фонга кўк рангда араб рақамлари билан ёзилиши лозим. Рақамлар баландлиги изотермик автотранспорт воситаларининг ҳарфли таниш белгилари баландлигининг ярмига тенг бўлиши шарт.".



Қонун ҳужжатлари маълумотлари миллий базаси (www.lex.uz),

2018 йил 9 апрель