Қонунчиликдаги янги

Функция недоступна

Янги ҳужжатларни тақдим этамиз

Тақдим этилаётган, шунингдек сўнгги пайтда қабул қилинган бошқа ҳужжатларнинг тўлиқ матни билан "Norma" АҚТ ва nrm.uz сайтида танишиб чиқишингиз мумкин.

CОЛИҚ СИЁСАТИНИ ТАКОМИЛЛАШТИРИШ

КОНЦЕПЦИЯСИ ТАСДИҚЛАНДИ

Президентнинг 29.06.2018 йилдаги "Ўзбекистон Республикасининг солиқ сиёсатини такомиллаштириш концепцияси тўғрисида"ги Фармони қабул қилиниши билан мамлакат солиқ тизими қандай бўлиши кераклиги ҳақидаги баҳс-мунозараларга барҳам бериладиган бўлди. Тасдиқланган Концепция бизнеснинг малол келмайдиган солиқларга бўлган талаби билан жамоат эҳтиёжларини молиялаштириш зарурати ўртасида мувозанат ўрнатишга йўналтирилган.

Концепция солиқ солишда қуйидаги умумжаҳон тамойилларини амалга ошириб, мамлакатимиздаги солиқ солиш тизимини ислоҳ қилмоқда:

q солиқ юки солиқ тўловчининг ташкилий-ҳуқуқий шакли, фаолият тури ва миқёсига боғлиқ эмас;

q микробизнес солиқ солишнинг соддалаштирилган тартибини танлаш ҳуқуқидан фойдаланади;

q ресурс солиқларининг қўлланилиши кўчмас мулк, сув ва ердан самарали фойдаланишни рағбатлантиради;

q тадбиркорлар дивидендлар тарзида оладиган даромадларга пасайтирилган ставкаларда солиқ солинади;

q солиқ базаси ўсиб боришига қараб солиқлар аста-секин пасаяди.

Айланмангиз миллиарддан ошмаса

Йиллик обороти 1 млрд сўмгача бўлган корхоналар қуйидаги солиқларни тўлайдилар:

q 4 фоизлик ставкада оборотдан (ялпи тушумдан) солиқ;

q ресурс солиқлари: юридик шахсларнинг мол-мулк солиғи (2%лик ставкада), ер солиғи ва сув ресурсларидан фойдаланганлик учун солиқ. Бу микробизнес учун малол келиш-келмаслигини Солиқ кодексининг янги таҳрири кўрсатади. Бироқ ушбу солиқларни ҳисоблаш вазифаси микробизнеснинг эмас, балки давлат тузилмалари зиммасига юклатилиши ҳақида қарор қабул қилиниб бўлди;

q ихтиёрий равишда ҚҚС. Микробизнес субъекти мижозлари ҚҚС тўловчилари бўлса, бу фойдали бўлиши мумкин.

Соддалаштирилган тартибни қўллаш учун тушумнинг чегаравий миқдори 3 йилда камида 1 марта қайта кўриб чиқилади.

Миллиард сўмдан ортиқми -

ҚҚС ёки фойда солиғи тўлайсиз

Йиллик обороти 1 млрд сўмдан ошадиган хўжалик юритувчи субъектлар ресурс солиқларидан ташқари ҚҚ