Марказий банк Бошқарувининг 21.02.2004 й. 439-1-сон "Ваколатли банклар томонидан эркин айирбошланадиган валютада тақдим этувчига бериладиган депозитларга доир операцияларни амалга ошириш низоми"га ўзгартириш ва қўшимчалар киритиш тўғрисида"ги Қарори (АВ томонидан 29.03.2004 й. 673-1-сон билан рўйхатга олинган)

Функция недоступна

ЎЗБЕКИСТОН РЕСПУБЛИКАСИ

АДЛИЯ ВАЗИРЛИГИ ТОМОНИДАН

РЎЙХАТГА ОЛИНГАН

29.03.2004 й.

N 673-1

ЎЗБЕКИСТОН РЕСПУБЛИКАСИ

МАРКАЗИЙ БАНКИ БОШҚАРУВИНИНГ

21.02.2004 й.

N 439-1

ҚАРОРИ

"Ваколатли банклар томонидан эркин айирбошланадиган

валютада тақдим этувчига бериладиган депозитларга

доир операцияларни амалга ошириш низоми"га

ўзгартириш ва қўшимчалар киритиш тўғрисида

(2004 йил 8 апрелдан кучга киради)

Ўзбекистон Республикасининг "Валютани тартибга солиш тўғрисида" янги таҳрирдаги Қонунига асосан Ўзбекистон Республикаси Марказий банки Бошқаруви ҚАРОР ҚИЛАДИ:

1. "Ваколатли банклар томонидан эркин айирбошланадиган валютада тақдим этувчига бериладиган депозитларга доир операцияларни амалга ошириш Низоми"га (1999 йил 15 мартда 673-сон билан давлат рўйхатига олинган) иловага мувофиқ ўзгартириш ва қўшимчалар киритилсин.

2. Мазкур қарор Ўзбекистон Республикаси Адлия вазирлигида давлат рўйхатига олинган санадан 10 кун ўтгач кучга киритилсин.

Марказий банк Раиси                                             Ф.М. Муллажанов

Қарорга

ИЛОВА

"Ваколатли банклар томонидан эркин айирбошланадиган

валютада тақдим этувчига бериладиган депозитларга

доир операцияларни амалга ошириш тартиби

тўғрисида"ги низомга киритиладиган

ЎЗГАРТИРИШЛАР

1. 1-банддаги "Қонунининг 7-моддаси" сўзлари "Қонунига" сўзига алмаштирилсин.

2. 2-банд чиқариб ташлансин.

3. 8.12-банд бўйича:

биринчи жумладаги "маълумотнома" сўзи "мижознинг илтимоси бўйича қонун ҳужжатларида белгиланган тартибда рухсатномалар" сўзларига алмаштирилсин;

иккинчи жумладаги "маълумотномани" сўзи "рухсатномани" сўзига алмаштирилсин.

"Ўзбекистон Республикаси қонун ҳужжатлари тўплами", 2004 йил, 13-сон, 159-модда.