Назорат

Функция недоступна

КАМЕРАЛ ТЕКШИРУВ ЎТКАЗИШНИНГ

ЎЗИГА ХОС ЖИҲАТЛАРИ

Президентнинг 22.01.2018 йилдаги ПФ-5308-сон Фармони билан режали текширувларга 2 йил муддатга мораторий эълон қилинди. Бунда 2018 йилда камерал назорат фаоллашди.

Қандай ва нима учун ўтказилади

Камерал назорат молиявий ва солиқ ҳисоботи, солиқ тўловчининг фаолияти тўғрисида солиқ инспекцияси ахборот базасида мавжуд бошқа ҳужжатлар асосида ўтказилади.

Солиқ тўловчилар тўғрисидаги ахборот базаси ички ва ташқи манбалар ҳисобига шаклланади.

Ички манбалардан база қуйидагилар асосида шаклланади:

• солиқ тўловчиларнинг молиявий ва солиқ ҳисоботи;

• тўланган солиқлар ва мажбурий тўловлар;

• солиқлар ва мажбурий тўловлар бўйича шахсий счётлар карточкаларидаги маълумотлар;

• солиқ органларида мавжуд бошқа маълумотлар.

Ташқи манбалардан база Солиқ кодексининг 84-моддаси, "Давлат солиқ хизмати тўғрисида"ги Қонун, Президентнинг "Ўзбекистон Республикаси давлат солиқ хизмати идоралари ахборот-коммуникация тизими фаолияти самарадорлигини янада ошириш чора-тадбирлари тўғрисида"ги қарорига (30.10.2012 йилдаги ПҚ-1843-сон) мувофиқ шаклланади. Унга қуйидаги органлар томонидан тақдим этиладиган маълумотлар киради:

• лицензия берувчи;

• ички ишлар;

• кўчмас мулкка бўлган ҳуқуқларни давлат рўйхатидан ўтказувчи;

• сув ресурсларини ҳисобга олувчи;

• ер ресурсларини ҳисобга олувчи ва (ёки) баҳоловчи;

• фойдаланиладиган ер қаъри участкаларини давлат ҳисобига олувчи ва (ёки) ер қаъри