Ўзбекистон Республикаси Вазирлар Маҳкамасининг 15.12.2017 й. 988-сон "Маданият, санъат ва ёшлар сиёсати масалалари ахборот-таҳлил департаменти тўғрисидаги низомни тасдиқлаш ҳақида"ги Қарори

Функция недоступна

ЎЗБЕКИСТОН РЕСПУБЛИКАСИ

ВАЗИРЛАР МАҲКАМАСИНИНГ

ҚАРОРИ

15.12.2017 й.

N 988

МАДАНИЯТ, САНЪАТ ВА ЁШЛАР

СИЁСАТИ МАСАЛАЛАРИ АХБОРОТ-ТАҲЛИЛ

ДЕПАРТАМЕНТИ ТЎҒРИСИДАГИ НИЗОМНИ

ТАСДИҚЛАШ ҲАҚИДА

Ўзбекистон Республикаси Президентининг "Ўзбекистон Республикаси Вазирлар Маҳкамаси фаолиятини такомиллаштиришга доир қўшимча чора-тадбирлар тўғрисида" 2017 йил 27 ноябрдаги ПҚ-3403-сон қарорини бажариш юзасидан Вазирлар Маҳкамаси ҚАРОР ҚИЛАДИ:

1. Маданият, санъат ва ёшлар сиёсати масалалари ахборот-таҳлил департаменти тўғрисидаги низом иловага мувофиқ тасдиқлансин.

2. Маданият, санъат ва ёшлар сиёсати масалалари ахборот-таҳлил департаменти бир ҳафта муддатда департамент раҳбарлари ва мутахассисларининг функционал вазифалари тақсимоти тасдиқланишини таъминласин.

3. Вазирлар Маҳкамасининг "Таълим, илм-фан ва ёшлар сиёсати масалалари, Ахборот тизимлари ва телекоммуникациялар масалалари, Маданият, санъат ва туризмни ривожлантириш масалалари, Соғлиқни сақлаш, экология, атроф муҳитни муҳофаза қилиш, жисмоний тарбия ва спорт масалалари ахборот-таҳлил департаментлари тўғрисидаги низомларни тасдиқлаш ҳақида" 2017 йил 24 сентябрдаги 756-сон қарори 1-бандининг иккинчи, тўртинчи ва бешинчи хатбошилари, шунингдек, қарорга 1, 3 ва 4-иловалар ўз кучини йўқотган деб ҳисоблансин.

4. Мазкур қарорнинг бажарилишини назорат қилиш Вазирлар Маҳкамасининг Маданият, санъат ва ёшлар сиёсати масалалари ахборот-таҳлил департаментига юклансин.

Ўзбекистон Республикасининг Бош вазири                            А. Арипов

Қонун ҳужжатлари маълумотлари миллий базаси (www.lex.uz)