Вазирлар Маҳкамасининг

2018 йил 7 ноябрдаги

914-сон қарорига

1-ИЛОВА

Ҳайвонот дунёси объектларининг давлат ҳисобини,

улардан фойдаланиш ҳажмлари ҳисобини ва давлат

кадастрини юритиш тартиби тўғрисида

низом

1-БОБ. УМУМИЙ ҚОИДАЛАР

1. Ушбу Низом ҳайвонот дунёси объектларининг давлат ҳисобини, улардан фойдаланиш ҳажмлари ҳисобини ва давлат кадастрини юритиш тартибини белгилайди.

2. Ушбу Низомда қуйидаги тушунчалардан фойдаланилади:

биологик хилма-хиллик - жами ҳайвонот дунёси (ҳайвонлар, ўсимликлар, микроорганизмлар) турларининг хилма-хиллиги бўлиб, тур доирасидаги, экотизимлар турлари ва ранг-баранглиги ўртасидаги хилма-хилликни ўз ичига олади;

геомаълумотлар базалари - жойдаги объектларнинг жойлашуви тўғрисида электрон график ва/ёки матнли шаклда тақдим этилган ва координаталар тизимлари ҳақидаги маълумотларни ўз ичига олган ахборот;

ҳайвонот дунёси объектларининг давлат ҳисоби - табиий эркин шароитда яшайдиган ва фойдаланиш мумкин бўлган ёки ҳудуднинг экологик муҳитига таъсир кўрсатадиган ёхуд муайян ҳудуд доирасида жорий сон ҳамда сифат хусусиятлари бўйича камёб ва йўқолиб бораётган турлар сирасига киритилган ёввойи ҳайвонлар тўғрисида ахборот тўплаш ва ушбу маълумотларни ҳисобга олиш ҳамда кадастр ҳужжатларида акс эттириш;

ҳайвонот дунёси объектларининг давлат кадастри - ҳайвонот дунёси объектлари ва улардан фойдаланиш ҳажмларини давлат томонидан ҳисобга олиш маълумотларига асосланган, уларнинг географик тарқалиши, турлари таркиби, сони, бошқа сон ва сифат тавсифлари, яшаш муҳити, улардан хўжаликда фойдаланиш ва иқтисодий баҳолаш тўғрисидаги маълумотларни ўз ичига олган мунтазам янгиланадиган ахборот тизими;

ёввойи ҳайвонлар - қуруқлик, сув, атмосфера ва ерда яшайдиган хонакилаштириб бўлмайдиган умуртқасиз ҳайвонлар, балиқлар, сувда ҳам, қуруқликда ҳам яшовчи, судралиб юрувчи ҳайвонлар, қушлар;

ҳудудларни кадастр бўйича текшириш - ҳайвонот дунёси объектларининг уларнинг сон ва сифат тавсифлари, географик тарқалиши, улардан фойдаланиш, яшаш муҳитининг ҳолати, уларни иқтисодий баҳолаш тўғрисида бирламчи маълумотларни тўплаш мақсадида илмий асосда ҳисобга олиш;

ҳайвонот дунёси объектларини ҳисобга олиш ва бошқа маълумотларни рўйхатдан ўтказиш китоби - ҳайвонот дунёси объектлари, уларнинг турлари таркиби ва сони, яшаш муҳитининг ҳолати, географик тарқалиши, сон ва сифат тавсифи, уларни иқтисодий баҳолаш ҳақида ҳамда бошқа йиғма маълумотларни ўз ичига олган китоб;

ҳайвонот дунёсининг давлат кадастри объекти - Ўзбекистон Республикаси ҳудудида табиий эркин шароитда яшайдиган ва давлат томонидан ҳисобга олинадиган ёввойи ҳайвон;

кадастр маълумотларини бирламчи тўплаш - ҳайвонлар яшаш муҳитини бирламчи текшириш, ҳайвонларни ва уларнинг ҳолатига салбий таъсир кўрсатувчи омилларни ҳисобга олиш орқали амалга оширилади ҳамда бу борада тўпланган маълумотлардан ҳайвонот дунёси ва улар яшайдиган муҳитда рўй берадиган ўзгаришларни таққослаш учун фойдаланилади;

ҳайвонот дунёси объектларини давлат томонидан ҳисобга олиш субъекти - муайян ҳудуд доирасида ёввойи ҳайвонлар тўғрисидаги маълумотларни белгиланган тартибда тўплайдиган, шакллантирадиган ва тақдим этадиган ваколатли давлат органи ҳамда юридик шахс;

кадастр маълумотларини жорий тўплаш - дастлабки текшириш ўтказиладиган ҳудуддаги ҳайвонларни рўй берган сон ва сифат ўзгаришларини аниқлаш, маълумотларни ҳайвонот дунёси объектларининг давлат кадастрига киритиш учун ҳар йили ҳисобга олиш;

асосий кадастр маълумотларини шакллантириш - ҳудудни кадастр бўйича текшириш асосида тўпланган ҳайвонот дунёси объектлари ҳақидаги ҳисобга олиш ва бошқа маълумотларни дастлабки рўйхатдан ўтказиш жараёни;

жорий кадастр маълумотларини шакллантириш - ҳайвонот дунёси объектлари ва улардан фойдаланиш ҳажмларини давлат томонидан ҳисобга олиш натижасида тўпланган ҳайвонот дунёси объектлари тўғрисидаги ҳисобга олиш ва бошқа маълумотлар асосида кадастр маълумотларига ўзгартиришлар киритиш жараёни;

ҳайвонот дунёси объектларини иқтисодий баҳолаш - ёввойи ҳайвоннинг ушбу туридан фойдаланиш бўйича максимал иқтисодий самарани пул бирликларида аниқлаш.

3. Ҳайвонот дунёси объектларини давлат томонидан ҳисобга олиш, улардан фойдаланиш ҳажмларини ҳисобга олиш ва давлат кадастри маълумотлари ҳайвонот дунёси объектларини ҳамда улар яшайдиган муҳитни сақлаш, улардан фойдаланиш, қайта кўпайтириш ва тиклаш тадбирларини режалаштириш учун асос ҳисобланади.

4. Ҳайвонот дунёси объектларининг давлат кадастри қуйидаги мақсадларда юритилади:

ҳайвонот дунёси объектларининг сон ва сифат ҳолатини аниқлаш;

ҳайвонот дунёси объектларини иқтисодий баҳолаш;

ҳайвонот дунёси объектларидан хўжаликда фойдаланиш ҳажмларини аниқлаш;

давлат органлари, манфаатдор юридик ва жисмоний шахсларга ҳайвонот дунёси объектларининг ҳолати тўғрисида ишончли ахборот тақдим этиш;

ҳайвонот дунёси объектларини сақлаш, улардан оқилона, барқарор фойдаланиш, ҳимоя қилиш, қайта кўпайтириш ва тиклаш ҳамда уларнинг биологик хилма-хиллигини сақлашни ташкил этиш;

ҳайвонот дунёси объектларини сақлаш, улардан оқилона, барқарор фойдаланиш, ҳимоя қилиш, қайта кўпайтириш ва тиклаш талабларига риоя этилишини таъминлаш.

5. Ҳайвонот дунёси объектларининг давлат кадастри:

ҳайвонот дунёси объектларининг тарқалиши, популяция ҳолати, сон ва сифат тавсифлари тўғрисидаги маълумотларни;

ҳайвонот дунёси объектларидан хўжаликда фойдаланиш хусусияти ва ҳажмлари ҳақидаги маълумотларни;

ҳайвонот дунёси объектларининг тарқалиш харитасини;

ҳайвонот дунёси объектларини иқтисодий баҳолашни;

ҳайвонот дунёси объектларининг яшаш муҳити ҳолати тўғрисидаги маълумотларни;

кадастр маълумотларини тизимлаштириш, сақлаш, янгилаш ва манфаатдор фойдаланувчиларга тегишли шакл ҳамда ҳажмларда белгиланган тартибда тезкор бериш бўйича тартибга солувчи талабларни;

ҳайвонот дунёси объектлари ҳақидаги бошқа маълумотни ўз ичига олади.

6. Қуйидагилар ҳайвонот дунёси объектларининг давлат кадастрини юритишнинг асосий принциплари ҳисобланади:

Ўзбекистон Республикасининг барча ҳудудида яшайдиган ва давлат кадастрига киритилиши шарт бўлган ёввойи ҳайвонларнинг ҳамма турларини (кичик турларини) қамраб олиш;

макон координаталарининг ягона тизимини қўллаш;

маълумотларни тўплаш, қайта ишлаш технологияси ва тақдим этиш усулининг ягоналиги;

давлат кадастрини юритишни марказлаштирилган тартибда бошқариш;

Давлат кадастрлари ягона тизими талабларини таъминлаш;

кадастр маълумотларининг ишончлилиги.

7. Ўзбекистон Республикаси Экология ва атроф муҳитни муҳофаза қилиш давлат қўмитаси (кейинги ўринларда Давлат экология қўмитаси деб аталади) ҳайвонот дунёси объектларининг давлат кадастрини Ўзбекистон Республикаси Фанлар академияси (кейинги ўринларда Фанлар академияси деб аталади) билан биргаликда юритади.

Фанлар академияси ҳайвонот дунёси объектларининг давлат кадастри юритилишини илмий жиҳатдан таъминлайди.

8. Ҳайвонот дунёси объектларининг давлат кадастрини юритишда ҳудудни кадастр бўйича текшириш, ҳайвонот дунёси объектларини давлат томонидан ҳисобга олиш, улардан фойдаланиш ҳажмларини, уларнинг яшаш муҳити ҳолатини ҳисобга олиш, шунингдек, ҳайвонот дунёси объектларининг давлат кадастрини юритиш учун зарур илмий-тадқиқот ва бошқа ишларни амалга ошириш натижасида тўпланган маълумотлардан фойдаланилади.

9. Ҳайвонот дунёси объектларининг давлат кадастрида фойдаланиш предмети бўлган ёки ҳудуднинг экологик муҳитига таъсир кўрсатадиган ёхуд камёб ва йўқолиб кетиш хавфи бўлган тур мақомига эга бўлган барча турдаги ёввойи ҳайвонлар ҳисобга олинади.

10. Давлат томонидан ҳисобга олинадиган, фойдаланиш ҳажмлари ҳисобга олинадиган ва ҳайвонот дунёси объектларининг давлат кадастрига киритиладиган ёввойи ҳайвонлар турларининг рўйхатини Давлат экология қўмитаси Фанлар академияси билан келишган ҳолда тасдиқлайди.

11. Давлат қўриқхоналари, комплекс (ландшафт) буюртма қўриқхоналар, табиат боғлари ва биологик буюртма қўриқхоналар, давлат биосфера резерватлари, табиий питомникларда ҳайвонот дунёси объектларининг давлат ҳисоби ва давлат кадастри уларнинг барча турлари бўйича юритилади.

12. Ҳисобга ва рўйхатга олиш ҳамда баҳолаш ахбороти ҳайвонот дунёси тўғрисидаги жами кадастр маълумотларини ташкил қилади ва бу ахборот қоғоз ҳамда электрон (геомаълумотлар базаси) вариантларда алифбо-рақамли (матнлар, жадваллар) ва график (хариталар, схемалар) шаклида тақдим этилади.

13. Давлат органлари кадастр маълумотларини бепул асосда, манфаатдор юридик ва жисмоний шахслар Ўзбекистон Республикаси Вазирлар Маҳкамаси томонидан белгиланган миқдорларда тўлов асосида олади.

14. Ҳайвонот дунёси объектларининг давлат ҳисоби, улардан фойдаланиш ҳажмлари ҳисоби ва давлат кадастри ҳар йилги мақсадли молиялаштириш асосида Ўзбекистон Республикаси Давлат бюджетининг маблағлари ҳамда қонун ҳужжатларида тақиқланмаган бошқа манбалар ҳисобидан юритилади.

15. Ҳайвонот дунёси объектларининг давлат ҳисоби, улардан фойдаланиш ҳажмлари ҳисоби ва давлат кадастрини юритишни молиялаштириш ҳажмлари ҳамда муддатлари қонун ҳужжатларида назарда тутилган тартибда белгиланади.

16. Давлат экология қўмитаси:

ҳайвонот дунёси объектларининг давлат кадастри юритилишини мувофиқлаштиради;

норматив-услубий ҳужжатларни ишлаб чиқади;

Давлат экология қўмитасининг ваколатли бўлинмаларини моддий-техник таъминлайди;

юридик ва жисмоний шахсларнинг ҳайвонот дунёси объектлари давлат кадастрининг маълумотларидан фойдаланиш тартиби ва шартларини белгилайди.

2-БОБ.ҲУДУДЛАРНИ КАДАСТР БЎЙИЧА ТЕКШИРИШ,

ҲАЙВОНОТ ДУНЁСИ ОБЪЕКТЛАРИНИ ДАВЛАТ

ТОМОНИДАН ҲИСОБГА ОЛИШ ВА УЛАРДАН

ФОЙДАЛАНИШ ҲАЖМЛАРИНИ ҲИСОБГА

ОЛИШ ТАРТИБИ

17. Ҳайвонот дунёси объектлари давлат кадастрининг бирламчи кадастр маълумотлари ҳудудни кадастр бўйича текшириш орқали тўпланади.

18. Ҳудудни кадастр бўйича текширишда ҳайвонот дунёси объектлари, шунингдек, улар яшайдиган муҳит ҳақидаги маълумотлар аниқланади.

Ҳудудни кадастр бўйича текширишда ҳайвонот дунёси объектлари рўйхатга олинади, уларнинг турлари таркиби, ёши ва жинси, сон ва сифат тавсифлари, яшаш муҳити, хўжаликда фойдаланиш ҳақида маълумотлар тўпланади, улар иқтисодий баҳоланиб, ҳудудий тарқалишининг харита-схемаси тузилади.

Қайд этилган маълумотлар ҳайвонот дунёси объектларини ҳисобга олиш ва бошқа маълумотларни рўйхатдан ўтказиш китобига киритилади ҳамда ҳайвонот дунёси объектларининг давлат кадастрини шакллантириш ва янгилаш учун Давлат экология қўмитасига тақдим этилади.

19.Ҳайвонот дунёси объектлари яшайдиган муҳит ҳудуди кадастр бўйича беш йилда бир марта текширилади.

Табиий офатлар, техноген авариялар, ёнғинлар ва бошқа ҳодисалар оқибатлари ҳайвонларнинг оммавий ўлишига ёки уларнинг яшаш муҳити ўзгаришига сабаб бўлса, ушбу воқеаларнинг салбий таъсирига дучор бўлган ҳудудлар кадастр бўйича навбатдан ташқари текширилади.

20. Ҳудудларни кадастр бўйича текшириш, шу жумладан ҳайвонот дунёси объектларини давлат томонидан ҳисобга олиш ишлари:

Фанлар академияси томонидан Ўзбекистон Республикасининг барча ҳудудларида - камёб ва йўқолиб бораётган ёввойи ҳайвонлар турлари бўйича;

Ўзбекистон Республикаси Ўрмон хўжалиги давлат қўмитасининг (кейинги ўринларда Ўрмон хўжалиги давлат қўмитаси деб аталади) таркибий бўлинмалари томонидан - ўрмон фонди ерларида, шу жумладан ўрмон хўжалиги зараркунандалари бўлган ҳайвонларни ҳисобга олиш;

давлат қўриқхоналари, комплекс (ландшафт) буюртма қўриқхоналар, табиат боғлари ва биологик буюртма қўриқхоналар, давлат биосфера резерватлари, табиий питомниклар томонидан - қайд этилган муҳофаза этиладиган табиий ҳудудларда;

овчилик-балиқ овлаш хўжаликлари томонидан - ушбу хўжаликлар ҳудудида;

балиқ овлаш ташкилотлари томонидан - тақдим этилган сув объектларида ёки уларнинг қисмларида;

"Ўзбекбалиқсаноат" уюшмаси, Айдар-Арнасой кўллар тизими дирекцияси томонидан - овланадиган балиқлар турлари бўйича;

Ўзбекистон Республикаси Соғлиқни сақлаш вазирлигининг Ўлат, карантин ва ўта хавфли инфекцияларни профилактика қилиш маркази томонидан - ўта хавфли юқумли касалликларни тарқатувчи ҳайвонлар бўйича;

Ўзбекистон Республикаси Қишлоқ хўжалиги вазирлиги томонидан(кейинги ўринларда Қишлоқ хўжалиги вазирлиги деб аталади) - қишлоқ хўжалиги зараркунандалари бўлган ҳайвонлар бўйича;

илмий, таълим ташкилотлари ва биолог мутахассислар томонидан Давлат экология қўмитаси билан шартнома асосида - бошқа ҳудудларда амалга оширилади.

21. Ҳайвонот дунёси объектларини давлат томонидан ҳисобга олиш ҳайвонот дунёси объектларининг ҳолати ва уларнинг яшаш муҳитидаги ўзгаришларни кузатиш мақсадида ҳайвонот дунёси объектлари турларининг хилма-хиллиги, сони ва тарқалиши ҳақида маълумотлар тўплаш учун мунтазам ўтказиладиган зарур тадбирлар комплексидан иборат.

22. Манфаатдор вазирликлар, идоралар ва бошқа ташкилотлар келгуси йилда давлат томонидан ҳисобга олишни амалга оширадиган ҳайвонот дунёсидан фойдаланувчи юридик шахслар рўйхатини, уларнинг номи, идоравий мансублиги, жойлашган жойи кўрсатилган ҳолда ҳар йили шакллантиради ва 1 ноябрдан кечиктирмасдан Давлат экология қўмитасига тақдим этади.

23. Давлат органлари, ҳайвонот дунёси объектларидан фойдаланувчи юридик шахслар ҳайвонот дунёси объектларини ҳар йили давлат томонидан ҳисобга олиш учун шартнома асосида бошқа ташкилотлар ёки мутахассисларни ҳам жалб қилиши мумкин.

24. Жойлардаги ҳайвонот дунёси объектларини давлат томонидан ҳисобга олиш ва улардан фойдаланиш ҳажмларини ҳисобга олиш давомида ҳайвонот дунёси объектларини давлат томонидан ҳисобга олиш субъектлари жорий маълумотларни тўплашда ҳудудда кадастр бўйича текшириш ўтказилгандан сўнг рўй берадиган кейинги барча ўзгаришлар қайд этилиб, ҳар йили кадастрга киритилади.

25. Ҳайвонот дунёси объектлари давлат томонидан ҳар йили ҳисобга олинади.

26. Ҳайвонот дунёси объектларини давлат томонидан ҳисобга олишда (кадастр маълумотларини бирламчи тўплашда) ҳайвонот дунёси объектларини давлат томонидан ҳисобга олиш субъектларининг ваколатли шахслари ҳайвонот дунёси объектлари, уларнинг яшаш муҳити тўғрисидаги маълумотларни, шунингдек, ҳудудда кадастр бўйича текшириш ўтказилгандан сўнг рўй берган барча ўзгаришларни ҳисобга олиш ҳамда бошқа маълумотларни рўйхатдан ўтказиш китобига киритади.

27. Ҳайвонот дунёси объектларидан фойдаланишни ҳисобга олиш табиий муҳитдан ҳайвонлар ёки уларнинг қисмларини ажратиб олиш билан боғлиқ фойдаланишга нисбатан амалга оширилади.

28. Ҳайвонот дунёси объектларидан фойдаланиш ҳажмлари қуйидаги маълумотлар асосида ҳисобга олинади:

ҳайвонот дунёси объектларини тутиш учун рухсатномалар - яшаш муҳитида тутиб олинган ҳайвонлар ёки уларнинг қисмлари бўйича;

ҳаваскор балиқчилар томонидан тутилган балиқлар сони бўйича;

ҳайвонларни ноқонуний тутиш тўғрисидаги материаллар бўйича.

29. Ҳайвонот дунёси объектларидан фойдаланиш ҳажмлари:

Ўрмон хўжалиги давлат қўмитасининг таркибий бўлинмалари томонидан - ўрмон фонди ҳудудида фойдаланиш бўйича;

овчилик-балиқ овлаш хўжаликлари томонидан - ушбу хўжаликлар ҳудудида;

балиқ овлаш ташкилотлари томонидан - тақдим этилган сув объектларида ёки уларнинг қисмларида;

Давлат экология қўмитасининг ваколатли бўлинмалари томонидан - Ўзбекистон Республикасининг бошқа барча ҳудудларида ҳисобга олинади.

Ҳайвонот дунёси объектларидан фойдаланиш ҳажмларини ҳисобга олиш маълумотлари Давлат экология қўмитасига тақдим этилади.

30. Ҳудудни кадастр бўйича текшириш, ҳайвонот дунёси объектларини давлат томонидан ҳисобга олиш ва улардан фойдаланиш ҳажмларини ҳисобга олиш Давлат экология қўмитаси Фанлар академияси билан келишган ҳолда тасдиқлайдиган услублар асосида амалга оширилади. Аввал олинган маълумотларни кейинги маълумотлар билан таққослаш учун битта услуб қўлланади.

31. Ҳудудни кадастр бўйича текшириш, ҳайвонот дунёси объектларини давлат томонидан ҳисобга олиш ва улардан фойдаланиш ҳажмларини ҳисобга олишни амалга оширадиган вазирликлар, идоралар ҳамда ташкилотлар ҳайвонот дунёси объектларининг давлат кадастрини юритиш учун зарур маълумотларни Давлат экология қўмитасига бепул асосда тақдим этади.

Ҳайвонот дунёси объектларининг давлат кадастри бўйича зарур маълумотларни тақдим этиш турлари, ҳажмлари ва муддатлари Давлат экология қўмитаси томонидан белгиланади.

Ваколатли органлар ҳайвонот дунёси объектларини ҳисобга олиш ва бошқа маълумотларни рўйхатдан ўтказиш китобини ушбу Низомга 1-иловага мувофиқ юритади.

Ҳайвонот дунёси объектларини давлат томонидан ҳисобга олиш субъектлари Давлат экология қўмитасининг ваколатли бўлинмаларига кадастр маълумотларини ушбу Низомга 2-иловага мувофиқ шаклда тақдим этади.

32. Ҳайвонот дунёси объектларини ҳисобга олиш ва бошқа маълумотларни рўйхатдан ўтказиш китоби ва кадастр маълумотларини тақдим этиш шакллари ушбу Низом 20-бандининг иккинчи-тўққизинчи хатбошиларида кўрсатилган ташкилотлар томонидан тўлдирилади.

Ҳайвонот дунёси объектларининг давлат ҳисоби илмий, таълим ташкилотлари ва биолог мутахассислар томонидан шартнома асосида юритилган ҳолларда, ҳайвонот дунёси объектларини ҳисобга олиш ва бошқа маълумотларни рўйхатдан ўтказиш китобига маълумотлар ушбу мутахассислар томонидан киритилади.

Кадастр маълумотларини тақдим этиш шакллари ҳудудида ҳисобга олиш ишлари амалга ошириладиган ташкилотнинг масъул ходимлари томонидан тўлдирилади.

Ҳудудни кадастр бўйича текшириш, ҳайвонот дунёси объектларини давлат томонидан ҳисобга олиш ва улардан фойдаланиш ҳажмларини ҳисобга олиш натижасида олинган маълумотлар Давлат экология қўмитасининг ваколатли бўлинмасига, шунингдек, республиканинг тегишли органлари ва ташкилотларига тақдим этилади.

Ўта хавфли юқумли касалликларни тарқатувчи ҳайвонларнинг сони ва турлари таркиби тўғрисидаги маълумотлар Ўзбекистон Республикаси Соғлиқни сақлаш вазирлигининг Ўлат, карантин ва ўта хавфли инфекцияларни профилактика қилиш марказига унинг ушбу ҳисобни юритадиган ҳудудий бўлинмалари томонидан тақдим этилади.

Ўзбекистон Республикаси Қишлоқ хўжалиги вазирлиги, Ўрмон хўжалиги давлат қўмитаси, Соғлиқни сақлаш вазирлигининг Ўлат, карантин ва ўта хавфли инфекцияларни профилактика қилиш маркази, Ўзбекистон Овчилар ва балиқ овлаш спорти бирлашмаси олинган маълумотларни умумлаштиради ҳамда Давлат экология қўмитасига тақдим этади.

3-БОБ.ҲАЙВОНОТ ДУНЁСИ ОБЪЕКТЛАРИ

ДАВЛАТ КАДАСТРИНИНГ ТАРКИБИ

33. Ҳайвонот дунёси объектларининг давлат кадастри ёввойи ҳайвонларнинг қуйидаги турлар гуруҳида бирлаштирилган ҳар бир тури (кичик тури) бўйича маълумотларни ўз ичига олади:

камёб ва йўқолиб кетиш хавфи бўлган ёввойи ҳайвонлар турлари;

муҳофаза этиладиган табиий ҳудудларда яшайдиган ҳайвонлар турлари;

ҳайвонларнинг овланадиган ва саноат турлари (шу жумладан балиқлар);

қишлоқ хўжалиги зараркунандалари бўлган ҳайвонлар;

ўрмон хўжалиги зараркунандалари бўлган ҳайвонлар;

одам ва ҳайвонларнинг ўта хавфли юқумли касалликларини тарқатувчи ҳайвонлар;

ҳайвонларнинг бошқа турлари.

34. Ҳудудни кадастр бўйича текшириш, ҳайвонот дунёси объектларини давлат томонидан ҳар йили ҳисобга олиш, улардан фойдаланиш ҳажмларини ҳисобга олиш ҳайвонот дунёси объектларининг давлат кадастрини тузиш учун асосий ахборот манбаи ҳисобланади.

35. Камёб ва йўқолиб кетиш хавфи бўлган ёввойи ҳайвонлар турлари бўйича ҳайвонот дунёси объектларининг давлат кадастрига киритиладиган маълумотлар қуйидагилардан иборат:

идентификация рақами;

ҳайвон турининг номи;

турнинг табиатни муҳофаза қилиш бўйича мақоми;

тақсимланиши (ҳудудий тарқалиши);

сонини ҳисобга олган ҳолда (эксперт) баҳолаш;

турнинг популяция ҳолати;

лимитловчи омиллар;

фойдаланиш;

яшаш муҳитининг ҳолати;

муҳофаза этиш чоралари;

иқтисодий баҳолаш.

36. Муҳофаза этиладиган табиий ҳудудларда яшайдиган ҳайвонлар турлари бўйича ҳайвонот дунёси объектларининг давлат кадастрига киритиладиган маълумотлар қуйидагилардан иборат:

идентификация рақами;

ҳайвон турининг номи;

турнинг табиатни муҳофаза қилиш бўйича мақоми;

ҳисобга олиш амалга оширилган муҳофаза этиладиган табиий ҳудуднинг номи;

ҳисобга олиш амалга оширилган майдон;

ҳисобга олинган ҳайвонлар сони;

турнинг популяция ҳолати;

фойдаланиш;

иқтисодий баҳолаш.

37. Овланадиган ҳайвонлар турлари бўйича ҳайвонот дунёси объектларининг давлат кадастрига киритиладиган маълумотлар қуйидагилардан иборат:

идентификация рақами;

ҳайвон турининг номи;

турнинг мақоми;

овчилик-балиқ овлаш хўжалигининг номи;

ҳисобга олиш амалга оширилган майдон;

тур яшайдиган ҳудуддаги (муҳитдаги) ҳайвонлар сони;

турнинг популяция ҳолати;

яшаш муҳитининг ҳолати;

фойдаланиш;

қўриқлаш чоралари;

иқтисодий баҳолаш.

38. Овланадиган балиқлар турлари бўйича ҳайвонот дунёси объектларининг давлат кадастрига киритиладиган маълумотлар қуйидагилардан иборат:

идентификация рақами;

турнинг номи;

турнинг мақоми;

сув ҳавзасининг номи;

сув ҳавзасининг майдони;

сонни эксперт баҳолаш;

турнинг популяция ҳолати;

яшаш муҳитининг ҳолати;

фойдаланиш;

иқтисодий баҳолаш.

39. Қишлоқ хўжалиги зараркунандалари бўлган ва ўрмон хўжалиги зараркунандалари бўлган ҳайвонлар бўйича ҳайвонот дунёси объектларининг давлат кадастрига киритиладиган маълумотлар қуйидагилардан иборат:

идентификация рақами;

ҳайвон турининг номи;

турнинг мақоми;

хўжаликнинг (ҳудуднинг) номи;

тарқалиш майдони, зарарланган майдон;

турнинг сони;

турнинг популяция ҳолати;

ўртача зарарли ва зарарни иқтисодий баҳолаш.

40. Ўта хавфли юқумли касалликларни тарқатувчи ҳайвонлар бўйича ҳайвонот дунёси объектларининг давлат кадастрига киритиладиган маълумотлар қуйидагилардан иборат:

идентификация рақами;

ҳайвон турининг номи;

турнинг мақоми;

ҳисобга олиш жойлари участкаларининг номлари ва географик координаталари кўрсатилган ҳолда тақсимланиши (ҳудудий тарқалиши);

турнинг сони;

турнинг популяция ҳолати;

фойдаланиш;

иқтисодий баҳолаш.

4-БОБ. ҲАЙВОНОТ ДУНЁСИ ОБЪЕКТЛАРИНИНГ

ДАВЛАТ КАДАСТРИНИ ЮРИТИШ ТАРТИБИ

41. Ҳайвонот дунёси объектларининг давлат кадастрини юритиш кадастр маълумотларини тўплашнинг олдинги (дастлабки йилларда тўплаш), асосий (бирламчи) ва жорий (ҳар йилги) турларини ўз ичига олади ва бу турлар ушбу маълумотларнинг узлуксиз янгиланишини таъминлайди.

Бирламчи маълумот асосида ҳайвонот дунёси объектлари тўғрисидаги бирламчи кадастр маълумотлари ҳудудий даражада умумлаштирилади ва киритилади.

Кадастр маълумотларини жорий (ҳар йили) тўплашда бирламчи маълумотлар киритилгандан сўнг рўй берган кейинги барча ўзгаришлар қайд этилади ва кадастрга киритилади.

42. Давлат экология қўмитаси тегишли ваколатли бўлинмасининг Қорақалпоғистон Республикаси, вилоятлар ва Тошкент шаҳри бўйича ҳайвонот дунёси объектларини давлат томонидан ҳисобга олиш ҳамда улардан фойдаланиш ҳажмларини ҳисобга олиш тўғрисида умумлаштирилган маълумотлари ҳайвонот дунёси объектларининг давлат кадастрига тегишли ҳудудлар бўйича киритилади ва Давлат экология қўмитасига Ўзбекистон Республикаси бўйича ҳайвонот дунёси объектларининг давлат кадастрига киритиш учун тақдим этилади.

43. Ҳайвонот дунёси объектларининг давлат кадастри бўйича маълумотлар:

ҳудудий даражада - Давлат экология қўмитасининг ваколатли бўлинмалари томонидан;

республика даражасида - Давлат экология қўмитасининг кадастр хизмати томонидан шакллантирилади.

Ҳудудий ва республика даражасидаги кадастр маълумотларини тақдим этиш шаклларини Давлат экология қўмитаси белгилайди.

Ҳайвонот дунёси объектлари тўғрисидаги давлат кадастри маълумотлари ушбу Низомга 3-иловага мувофиқ схема бўйича тақдим этилади.

44. Давлат экология қўмитасининг ваколатли бўлинмалари тушадиган маълумотларни ҳудудий даражада таҳлил қилади, тақдим этилган маълумотларнинг ишончлилигини баҳолайди ва Қорақалпоғистон Республикаси, вилоятлар ва Тошкент шаҳридаги ёввойи ҳайвонлар бўйича геомаълумотлар базасини шакллантиради, ҳисоботлар тузади ва уларни ҳар йили 1 мартгача Давлат экология қўмитасига белгиланган шаклда тақдим этади.

45. Давлат экология қўмитасининг кадастр хизмати республика даражасида:

Давлат экология қўмитаси ваколатли бўлинмаларининг ҳисоботлари асосида ҳайвонот дунёси объектларининг сони ва сифати ҳақидаги маълумотларни умумлаштиради;

ҳайвонот дунёси объектларининг давлат кадастри бўйича геомаълумотлар базасини юритади;

иқтисодий баҳолайди;

ҳайвонлар яшайдиган муҳит ҳолатини таҳлил қилади;

зарур кадастр маълумотларини Давлат кадастрлари ягона тизимига тақдим этади.

46. Давлат экология қўмитаси ҳисобот йилидан кейинги йилнинг 1 майигача ҳайвонот дунёси объектларининг давлат кадастри бўйича зарур маълумотларни Давлат кадастрлари ягона тизимига тақдим этади. Кадастр маълумотларини Давлат кадастрлари ягона тизимига тақдим этиш шакли Давлат экология қўмитаси томонидан Ўзбекистон Республикаси Ер ресурслари, геодезия, картография ва давлат кадастри давлат қўмитаси билан келишилган ҳолда тасдиқланади.

47. Ҳайвонот дунёси объектларининг тақдим этиладиган кадастр маълумотларининг ишончлилиги учун ҳайвонот дунёси объектларининг давлат ҳисобини ва улардан фойдаланиш ҳажмларининг ҳисобини юритадиган ваколатли органлар ҳамда юридик шахслар, Давлат экология қўмитасининг ҳайвонот дунёси объектларининг давлат кадастрини юритадиган ваколатли бўлинмалари қонун ҳужжатларига мувофиқ жавоб беради.

5-БОБ. ЯКУНЛОВЧИ ҚОИДАЛАР

48. Юридик ва жисмоний шахслар ҳайвонот дунёси объектлари давлат кадастрининг давлат ахборот ресурсларини шакллантиришда ва улардан фойдаланишда:

маълумотларни ҳужжатлаштириш, давлат ахборот ресурсларини шакллантириш, улардан фойдаланиш ҳамда фойдаланишни ташкил қилиш тартиби ва талабларига риоя этиши;

давлат ахборот ресурсларининг ахборот хавфсизлигини таъминлаши;

давлат ахборот ресурсларини шакллантиришда ва уларнинг фаолият юритишини таъминлашда лицензияланган дастурий ҳамда сертификатланган техника воситаларидан фойдаланиши шарт.

Низомга

1-ИЛОВА

Ҳайвонот дунёси объектларини ҳисобга олиш ва

бошқа маълумотларни рўйхатдан ўтказиш

китобини юритиш тартиби тўғрисида

ЙЎРИҚНОМА

1-БОБ. УМУМИЙ ҚОИДАЛАР

1. Ушбу Йўриқнома ҳайвонот дунёси объектларини ҳисобга олиш ва бошқа маълумотларни рўйхатдан ўтказиш китобини (кейинги ўринларда рўйхатдан ўтказиш китоби деб аталади) юритиш тартибини белгилайди.

2. Ҳайвонот дунёси объектларининг давлат ҳисобини юритадиган давлат органлари, юридик шахслар рўйхатдан ўтказиш китобларини ушбу Йўриқномага мувофиқ тузади ва юритади.

3. Рўйхатдан ўтказиш китоби ушбу Йўриқномага 1-иловага мувофиқ шакл бўйича тузилади ва юритилади.

Рўйхатдан ўтказиш китоби Ўзбекистон Республикаси Экология ва атроф муҳитни муҳофаза қилиш давлат қўмитасининг ваколатли бўлинмаси томонидан юритилади.

4. Рўйхатдан ўтказиш китобини юритувчи рўйхатдан ўтказиш китобини ҳисобга олиш реестрини ушбу Йўриқномага 2-иловага мувофиқ шакл бўйича тўлдиради.

5. Рўйхатдан ўтказиш китоби ҳайвонот дунёси объектларининг давлат кадастри субъектлари бўлган давлат органида, юридик шахсда сақланади.

6. Рўйхатдан ўтказиш китоби асосий ҳужжат бўлиб, унда кадастр объектлари рўйхатга ва ҳисобга олинади, ҳайвонлар турларининг географик тарқалиши, сони, яшаш муҳити хусусияти, улардан фойдаланиш тавсифи, уларни иқтисодий баҳолаш ҳақидаги маълумотларни ўз ичига олади.

7. Рўйхатдан ўтказиш китоби давлат органи, юридик шахснинг раҳбари белгиланган тартибда тайинлайдиган ваколатли шахс томонидан юритилади.

2-БОБ. РЎЙХАТДАН ЎТКАЗИШ

КИТОБИНИ ЮРИТИШ

8. Рўйхатдан ўтказиш китоби қуйидаги бўлимлардан иборат:

ҳайвонот дунёси объектлари давлат кадастрининг субъекти тўғрисидаги умумий маълумот;

ҳайвонот дунёси кадастри объектларининг рўйхати;

ёввойи ҳайвонларни бирламчи ҳисобга олиш маълумотлари;

ҳайвонот дунёси объектларини ҳар йили давлат томонидан ҳисобга олиш маълумотлари.

9. Ҳайвонот дунёси объектлари давлат кадастрининг объекти тўғрисидаги умумий ахборот бўлимига қуйидаги маълумотлар киритилади:

юридик шахснинг номи;

жойлашган жойи;

ташкил этилган ёки асос солинган санаси;

идоравий мансублиги;

ҳудуднинг умумий майдони, ерларнинг тоифалар бўйича майдони (гектарларда);

харита (схема) алоҳида варақда илова қилинган географик боғлиқлиги;

давлат ҳисобини ва рўйхатдан ўтказиш китобини юритиш учун масъул ваколатли шахс тўғрисидаги маълумотлар (Ф.И.О., лавозими, тайинлангани ҳақидаги буйруқ рақами ва санаси).

10. Ҳайвонот дунёси давлат кадастрининг объектлари рўйхати бўлимига табиий эркин шароитда яшайдиган ва яшаш ҳудуди доирасида давлат томонидан ҳисобга олинадиган ҳайвонлар тоифалари ҳақида ҳайвонлар турларининг номи кўрсатилган маълумотлар (илмий, шунингдек, рус ва давлат тилидаги) киритилади:

сут эмизувчилар;

қушлар;

судралиб ва ўрмалаб юрувчи;

сувда ҳам, қуруқликда ҳам яшовчи;

балиқлар;

умуртқасиз.

11. Ёввойи ҳайвонларни бирламчи ҳисобга олиш маълумотлари бўлимига ҳудудни кадастр бўйича текшириш ҳақидаги ҳисоботдан қуйидаги маълумотлар киритилади:

а) ёввойи ҳайвонларнинг камёб ва йўқолиб кетиш хавфи бўлган турлари ҳақида:

ҳайвон турининг номи (илмий, шунингдек, рус ва давлат тилида);

табиатни муҳофаза қилиш мақоми;

ҳайвоннинг 10х15 см ўлчамдаги рангли тасвири;

ҳайвон турининг қисқача тавсифи;

ҳайвон ҳисобга олинган жойлар майдони, географик координаталари кўрсатилган ва харитада (схемада) тасвирланган ҳолда текширилган ҳудуд доирасида тақсимланиши (ҳудудий тарқалиши);

яшаш муҳитининг тавсифи;

яшаш муҳитининг ҳолати;

бирламчи ҳисобга олиш маълумотлари бўйича тур сони;

турнинг популяция ҳолати (сонининг ўзгариши);

иқтисодий баҳолаш;

муҳофаза этиш чоралари;

ахборот тўплаш услуби;

б) муҳофаза этиладиган табиий ҳудудларда яшайдиган ҳайвонлар турлари ҳақида;

ҳайвон турининг номи (илмий, шунингдек, рус ва давлат тилида);

табиатни муҳофаза қилиш мақоми;

ҳайвоннинг 10х15 см ўлчамдаги рангли тасвири;

ҳайвон турининг қисқача тавсифи;

ҳайвон ҳисобга олинган жойлар майдони, географик координатаси кўрсатилган ва харитада (схемада) тасвирланган ҳолда текширилган ҳудуд доирасида тақсимланиши (ҳудудий тарқалиши);

яшаш муҳитининг тавсифи;

яшаш муҳитининг ҳолати;

бирламчи ҳисобга олиш маълумотлари бўйича тур сони;

турнинг популяция ҳолати (сонининг ўзгариши);

муҳофаза этиш чоралари;

иқтисодий баҳолаш;

ахборот тўплаш услуби;

в) овланадиган ҳайвонлар турлари ҳақида;

ҳайвон турининг номи (илмий, шунингдек, рус ва давлат тилида);

фойдаланиш хусусияти;

ҳайвоннинг 10х15 см ўлчамдаги рангли тасвири;

ҳайвон турининг қисқача тавсифи;

яшаш жойларининг тавсифи;

ҳайвон ҳисобга олинган жойлар майдони, географик координатаси кўрсатилган ва харитада (схемада) тасвирланган ҳолда текширилган ҳудуд доирасида тақсимланиши (ҳудудий тарқалиши);

турнинг популяция ҳолати (сонининг ўзгариши);

бирламчи ҳисобга олиш маълумотлари бўйича тур сони;

иқтисодий баҳолаш;

ахборот тўплаш услуби;

г) овланадиган балиқлар ҳақида;

ҳайвон турининг номи (илмий, шунингдек, рус ва давлат тилида);

фойдаланиш хусусияти;

ҳайвоннинг 10х15 см ўлчамдаги рангли тасвири;

ҳайвон турининг қисқача тавсифи;

яшаш жойларининг тавсифи

сув ҳавзасининг номи ва майдони, ҳайвон назорат остида ов қилинадиган ва ҳисобга олинган жойларнинг географик координаталари кўрсатилган ва харитада (схемада) тасвирланган ҳолда текширилган ҳудуд доирасида тақсимланиши (ҳудудий тарқалиши);

турнинг популяция ҳолати (сонининг ўзгариши);

бирламчи ҳисобга олиш маълумотлари бўйича тур сони;

иқтисодий баҳолаш;

ахборот тўплаш услуби;

д) қишлоқ хўжалиги зараркунандалари бўлган ҳайвонлар ҳақида;

ҳайвон турининг номи (илмий, шунингдек, рус ва давлат тилида);

турнинг мақоми;

ҳайвоннинг 10х15 см ўлчамдаги рангли тасвири;

ҳайвон турининг қисқача тавсифи;

яшаш жойларининг тавсифи;

ҳайвон ҳисобга олинган жойларнинг географик координаталари кўрсатилган ва харитада (схемада) тасвирланган ҳолда текширилган ҳудуд доирасида тарқалиш жойлари, зараркунанда билан зарарланган майдон;

турнинг бирламчи ҳисобга олиш маълумотлари бўйича ўртача сони;

турнинг популяция ҳолати (сонининг ўзгариши);

ўртача зарарли ва зарарни иқтисодий баҳолаш;

зараркунандалар билан курашишнинг тавсия этиладиган чоралари;

ахборот тўплаш услуби;

е) ўрмон хўжалиги зараркунандалари бўлган ҳайвонлар ҳақида;

ҳайвон турининг номи (илмий, шунингдек, рус ва давлат тилида);

турнинг мақоми;

ҳайвоннинг 10х15 см ўлчамдаги рангли тасвири;

ҳайвон турининг қисқача тавсифи;

яшаш жойларининг тавсифи;

ҳайвон ҳисобга олинган жойларнинг географик координаталари кўрсатилган ва харитада (схемада) тасвирланган ҳолда текширилган ҳудуд доирасида тарқалиш жойлари, зараркунанда билан зарарланган майдон;

турнинг бирламчи ҳисобга олиш маълумотлари бўйича ўртача сони;

турнинг популяция ҳолати (сонининг ўзгариши);

ўртача зарар келтириш ва зарарни иқтисодий баҳолаш;

зараркунандалар билан курашишнинг тавсия этиладиган чоралари;

ахборот тўплаш услуби;

ж) одам ва ҳайвонларнинг ўта хавфли юқумли касалликларини тарқатувчи ҳайвонлар ҳақида;

ҳайвон турининг номи (илмий, шунингдек, рус ва давлат тилида);

турнинг мақоми;

ҳайвоннинг 10х15 см ўлчамдаги рангли тасвири;

ҳайвон турининг қисқача тавсифи;

яшаш жойларининг тавсифи;

ҳисобга олиш жойларининг участкалари номи ва географик координаталари кўрсатилган ҳолда тақсимланиши (ҳудудий тарқалиши);

турнинг сони (гектардаги колониялар);

турнинг популяция ҳолати (сонининг ўзгариши);

фойдаланиш;

иқтисодий баҳолаш;

ахборот тўплаш услуби.

12. Ҳайвонот дунёси объектларини ҳар йили давлат томонидан ҳисобга олиш маълумотлари бўлимига Ҳайвонот дунёси объектларининг давлат ҳисобини, улардан фойдаланиш ҳажмлари ҳисобини ва давлат кадастрини юритиш тартиби тўғрисидаги низомда кўрсатилган қуйидаги маълумотлар киритилади:

а) камёб ва йўқолиб кетиш хавфи бўлган ёввойи ҳайвонлар турлари бўйича - ушбу Низомнинг 35-бандида назарда тутилган маълумотлар;

б) муҳофаза этиладиган табиий ҳудудларда яшайдиган ҳайвонлар турлари бўйича - ушбу Низомнинг 36-бандида назарда тутилган маълумотлар;

в) овланадиган ҳайвонлар турлари бўйича - ушбу Низомнинг 37-бандида назарда тутилган маълумотлар;

г) овланадиган балиқлар турлари бўйича - ушбу Низомнинг 38-бандида назарда тутилган маълумотлар;

д) қишлоқ хўжалиги зараркунандалари бўлган ҳайвонлар бўйича - ушбу Низомнинг 39-бандида назарда тутилган маълумотлар;

с) ўрмон хўжалиги зараркунандалари бўлган ҳайвонлар бўйича - ушбу Низомнинг 40-бандида назарда тутилган маълумотлар;

ж) одам ва ҳайвонларнинг ўта хавфли юқумли касалликлари бўйича - ушбу Низомнинг 41-бандида назарда тутилган маълумотлар

Ҳайвон турлари бўлимида унинг илмий, шунингдек, давлат ва рус тилидаги номи кўрсатилади.

13. Ҳисобот йили ниҳоясига етгач, рўйхатдан ўтказиш китобининг 4-бўлимини юритиш кейинги саҳифада давом эттирилади.

3-БОБ. РЎЙХАТДАН ЎТКАЗИШ

КИТОБИНИ САҚЛАШ

14. Ҳайвонот дунёси объектларини рўйхатдан ўтказиш китоби электрон ва қоғоз шаклларда сақланади.

15. Рўйхатдан ўтказиш китобининг сақланиши учун масъулият ушбу китобни юритадиган ташкилотнинг ваколатли шахси зиммасига юкланади.

4-БОБ. ЯКУНЛОВЧИ ҚОИДАЛАР

16. Рўйхатдан ўтказиш китобига киритилган маълумотларнинг ишончлилиги, шунингдек, уни юритиш ва янгилаш, ҳудудий даражадаги кадастр маълумотларини тақдим этиш бўйича белгиланган муддатларга риоя этилиши учун масъулият ҳайвонот дунёси объектларининг давлат ҳисобини ҳамда рўйхатдан ўтказиш китобини юритадиган давлат органларига ва юридик шахслар зиммасига юкланади.

17. Рўйхатдан ўтказиш китобини юритишга ваколатли шахс рўйхатдан ўтказиш китобига киритилган маълумотларнинг ишончлилиги, шунингдек, уни юритиш бўйича белгиланган муддатларга риоя этилиши учун шахсан масъулдир.

Йўриқномага

1-ИЛОВА

Ҳайвонот дунёси объектларини ҳисобга олиш

ва бошқа маълумотларни рўйхатдан ўтказиш

КИТОБИ

(титул варағи)

         

1-бўлим. Ҳайвонот дунёси объектлари давлат кадастрининг

субъекти тўғрисида умумий ахборот

           

2-бўлим. Ҳайвонот дунёсининг давлат кадастри

объектларининг рўйхати

     

   

  

   

Изоҳ. Маълумотлар кадастр текшируви натижалари асосида киритилади ва тегишли ҳудудда ҳар йили давлат ҳисоби юритиладиган ёввойи ҳайвонларнинг асосий рўйхати ҳисобланади.

3-бўлим. Ёввойи ҳайвонларни бирламчи ҳисобга

олиш маълумотлари

а) камёб ва йўқолиб кетиш хавфи бўлган ёввойи ҳайвонлар турлари:

      

       

Ҳайвон турининг қисқача тавсифи:

Тақсимланиши (ҳудудий тарқалиши):

Яшаш муҳитининг тавсифи:

Яшаш муҳитининг ҳолати:

Бирламчи ҳисобга олиш маълумотлари бўйича турнинг сони:

Турнинг популяция ҳолати (сонининг ўзгариши):

Иқтисодий баҳолаш:

Муҳофаза қилиш чоралари:

Ахборот тўплаш услуби:

  

Изоҳ: тур тарқалишининг чегаралар акс эттирилган схемаси.

б) муҳофаза этиладиган табиий ҳудудларда яшайдиган ҳайвонлар турлари:

 

      

       

Ҳайвон турининг қисқача тавсифи:

  

Тақсимланиши (ҳудудий тарқалиши)

     

Яшаш муҳитининг тавсифи:

Яшаш муҳитининг ҳолати:

Бирламчи ҳисобга олиш маълумотлари бўйича турнинг сони:

Турнинг популяция ҳолати (сонининг ўзгариши):

Муҳофаза қилиш чоралари:

Иқтисодий баҳолаш:

Ахборот тўплаш услуби:

Изоҳ: тур тарқалишининг чегаралар акс эттирилган схемаси.

в) овланадиган ҳайвонлар турлари:

   

   

Ҳайвон турининг қисқача тавсифи:

Яшаш жойларининг тавсифи:

Тақсимланиши (ҳудудий тарқалиши)

Турнинг популяция ҳолати (сонининг ўзгариши):

Бирламчи ҳисобга олиш маълумотлари бўйича турнинг сони:

Иқтисодий баҳолаш:

Ахборот тўплаш услуби:

 

Изоҳ: тур тарқалишининг чегаралар акс эттирилган схемаси.

г) овланадиган балиқлар:

Ҳайвон турининг қисқача тавсифи:

    

Яшаш жойларининг тавсифи:

Тақсимланиши (ҳудудий тарқалиши)

Турнинг популяция ҳолати (сонининг ўзгариши):

Бирламчи ҳисобга олиш маълумотлари бўйича турнинг сони:

Иқтисодий баҳолаш:

Ахборот тўплаш услуби:

Изоҳ: тур тарқалишининг чегаралар акс эттирилган схемаси.

д) қишлоқ хўжалиги зараркунандалари бўлган ҳайвонлар:

Ҳайвон турининг қисқача тавсифи:

Яшаш жойларининг тавсифи:

 

Тарқалиш жойлари:

Бирламчи ҳисобга олиш маълумотлари бўйича турнинг ўртача сони:

Турнинг популяция ҳолати (сонининг ўзгариши):

Ўртача зарарли ва зарарни иқтисодий баҳолаш:

Зараркунандаларга қарши тавсия этиладиган курашиш чоралари:

Ахборот тўплаш услуби:

Изоҳ: тур тарқалишининг чегаралар акс эттирилган схемаси.

е) ўрмон хўжалиги зараркунандалари бўлган ҳайвонлар:

Ҳайвон турининг қисқача тавсифи:

Яшаш жойларининг тавсифи:

  

Тарқалиш жойлари:

Бирламчи ҳисобга олиш маълумотлари бўйича турнинг ўртача сони:

Турнинг популяция ҳолати (сонининг ўзгариши):

Ўртача зарарли ва зарарни иқтисодий баҳолаш:

Зараркунандаларга қарши тавсия этиладиган курашиш чоралари:

Ахборот тўплаш услуби:

Изоҳ: тур тарқалишининг чегаралар акс эттирилган схемаси.

ж) одамлар ва ҳайвонларнинг ўта хавфли юқумли касалликларини тарқатувчи ҳайвонлар:

Ҳайвон турининг қисқача тавсифи:

Яшаш жойларининг тавсифи:

Тақсимланиши (ҳудудий тарқалиши)

Турнинг сони (гектардаги колониялар):

Турнинг популяция ҳолати (сонининг ўзгариши):

Фойдаланиш:

Иқтисодий баҳолаш:

Ахборот тўплаш услуби:

Изоҳ: тур тарқалишининг чегаралар акс эттирилган схемаси.

4-бўлим. Ҳайвонот дунёси объектларини ҳар йили

давлат томонидан ҳисобга олиш маълумотлари

а) 20_____ йил 01.01. ҳолатига кўра, камёб ва йўқолиб кетиш

хавфи бўлган ёввойи ҳайвонлар турлари

жадвал

  

  

жадвалнинг давоми

     

б) 20 _____ йил 01.01. ҳолатига кўра, муҳофаза этиладиган

табиий ҳудудларда яшайдиган ҳайвонлар турлари

жадвал

жадвалнинг давоми

Изоҳ. Ушбу жадвал давлат қўриқхоналари, миллий табиат боғлари, табиий питомниклар, биосфера резерватларида ваколатли шахслар томонидан тўлдирилади.

в) 20_____ йил 01.01. ҳолатига кўра, овланадиган

ҳайвонлар турлари

жадвал

жадвалнинг давоми

Изоҳ. Ушбу жадвал овланадиган ҳайвонлар турлари давлат томонидан ҳисобга олинадиган ҳудуддаги ташкилотларда тўлдирилади.

г) 20 _____ йил 01.01. ҳолатига кўра, овланадиган

балиқлар турлари

жадвал

жадвалнинг давоми

Изоҳ. Ушбу жадвал саноат учун балиқ овлайдиган ташкилотнинг ваколатли шахси томонидан тўлдирилади.

д) 20_____ йил 01.01. ҳолатига кўра, қишлоқ хўжалиги

зараркунандалари бўлган ҳайвонлар

жадвал

жадвалнинг давоми

Изоҳ. Ушбу жадвал қишлоқ хўжалиги зараркунандалари бўлган ҳайвонлар давлат томонидан ҳисобга олинадиган ҳудуддаги ташкилотларда тўлдирилади.

е) 20_____ йил 01.01. ҳолатига кўра, ўрмон хўжалиги

зараркунандалари бўлган ҳайвонлар

жадвал

жадвалнинг давоми

Изоҳ. Ушбу жадвал ўрмон хўжалиги зараркунандалари бўлган ҳайвонлар давлат томонидан ҳисобга олинадиган ҳудуддаги ташкилотларда тўлдирилади.

ж) 20 _____ йил 01.01. ҳолатига кўра, ўта хавфли юқумли

касалликларни тарқатувчи ҳайвонлар

жадвал

жадвалнинг давоми

Изоҳ. Ушбу жадвал Ўзбекистон Республикаси Соғлиқни сақлаш вазирлигининг ваколатли бўлинмалари томонидан тўлдирилади.

Йўриқномага

2-ИЛОВА

Ҳайвонот дунёси объектларини ҳисобга олиш ва бошқа

маълумотларни рўйхатдан ўтказиш китобини ҳисобга олиш

РЕЕСТРИ

_______________________________________________________

        

       

Низомга

2-ИЛОВА

Ҳайвонот дунёси объектларини давлат томонидан

ҳисобга олиш субъектларининг Ўзбекистон Республикаси

Экология ва атроф муҳитни муҳофаза қилиш давлат

қўмитасининг ваколатли бўлинмаларига кадастр

маълумотларини тақдим этиш шакли тўғрисида

НИЗОМ

1-БОБ. УМУМИЙ ҚОИДАЛАР

1. Биринчи даражадаги субъектларнинг ҳудудий даражадаги субъектларга ҳайвонот дунёси объектларининг давлат кадастри бўйича кадастр маълумотлари алифбо-рақамли ва график шаклда тақдим этилади.

2. Кадастр маълумотларининг алифбо-рақамли шакли жадвалли шакллардан иборат бўлиб, уларга ҳисобот даврида хўжалик ҳудудида табиий эркин шароитда яшайдиган ёввойи ҳайвонларни давлат томонидан ҳисобга олиш бўйича якуний маълумотлар киритилади.

3. Кадастр маълумотларининг график шакли алифбо-рақамли шаклнинг мажбурий иловаси бўлиб, давлат томонидан ҳисобга олинадиган объектлар - ёввойи ҳайвонларнинг тарқалиш жойлари батафсил қайд этиладиган хўжалик харитасини (схемасидан) ифода этади.

2-БОБ. ҲАЙВОНОТ ДУНЁСИ ОБЪЕКТЛАРИ

ТЎҒРИСИДА ГРАФИК ШАКЛИДАГИ КАДАСТР

МАЪЛУМОТЛАРИНИ ШАКЛЛАНТИРИШ

4. Ҳайвонот дунёси объектлари тўғрисида график шаклидаги кадастр маълумотларини (кейинги ўринларда ҳайвонларнинг турлар бўйича тарқалиш режаси деб аталади) шакллантириш учун ҳудудларни режалаштиришнинг схематик хариталари, қишлоқ хўжалигига мўлжалланган ерларнинг ички хўжалик тузилиши, давлат ўрмон фондида эса ўрмон тузилишининг топографик материалларидан асос сифатида фойдаланилади.

5. Ҳайвонларнинг идоравий мансуб ҳудудда турлар бўйича тарқалишининг кадастр режаси ўрнатилган шартли белгиларнинг катта-кичиклигига риоя этган ва уларни қўллаган ҳолда, қуйидагиларни харитага асосий майдонлар (аҳамиятли бўлган) бўйича контурлар (полигонлар) кўринишида батафсил киритиш ҳамда уларни маълум бир ранг билан штрихлаш орқали тузилади:

қушлар учун - уялаш жойлари, учиб ўтиш ҳудудлари, қишлайдиган жойлар;

сут эмизувчи, сувда ҳам, қуруқликда ҳам яшовчи, судралиб ва ўрмалаб юрувчи ҳайвонлар учун - тарқалиш жойлари;

умуртқасиз ҳайвонлар учун - тарқалиш жойлари, юқорида даражада зич бўлган маконлар;

овланадиган балиқлар турлари учун - тарқалиш жойлари.

6. Ҳайвонларнинг турлар бўйича тарқалиш режасининг қуйи қисмида ҳайвонлар турларини акс эттириш учун фойдаланиладиган шартли белгилар график шаклида тегишли тушунтиришлар билан бирга (ҳайвон турининг номи, ушбу турдаги ҳайвон яшайдиган жойлар майдони гектарларда ва идентификация рақами кўрсатилган ҳолда) қайд этилади.

7. Ҳайвонларнинг турлар бўйича тарқалиш режасини ва тўлдирилган алифбо-рақамли маълумотлар шаклларини (жадвалларни) ўқиш қулай бўлиши учун идентифкация рақами қўлланилади. Ҳайвонларнинг турлар бўйича тарқалиш режасига киритиладиган контурлар (полигонлар) 1-рақамдан бошлаб рақамланади ва режада ҳамда жадвалларда уларнинг индентификация рақами ҳисобланади.

8. Ҳайвонларнинг бир турини акс эттиришда режанинг бир қанча контурларига (полигонларига) ҳайвон турининг шакли бўйича номига мос келадиган бир хил идентификация рақами қўйилади.

3-БОБ. ҲАЙВОНОТ ДУНЁСИ ОБЪЕКТЛАРИНИНГ

ДАВЛАТ КАДАСТРИ БЎЙИЧА

ҲИСОБОТ ШАКЛЛАРИ

9. Ҳайвонот дунёси объектларининг давлат ҳисобини, улардан фойдаланиш ҳажмлари ҳисобини ва давлат кадастрини юритиш тўғрисидаги низом билан белгиланган ва тегишли жадвалларда акс эттирилган қуйидаги шакллар ҳайвонот дунёси бўйича кадастр маълумотларини тақдим этишнинг алифбо-рақамли шакллари ҳисобланади:

"Камёб ва йўқолиб кетиш хавфи бўлган ҳайвонлар турлари" деб номланган 1-шаклга идоравий мансуб ҳудудда яшайдиган ҳайвонларнинг давлат томонидан ҳисобга олинадиган турлари тўғрисида ҳисобот давридаги маълумотлар киритилади

"Муҳофаза этиладиган табиий ҳудудларда яшайдиган ҳайвонлар турлари" деб номланган 2-шаклга давлат буюртма қўриқхоналари, миллий табиат боғлари, табиий питомниклар, давлат биосфера резерватлари ҳудудида яшайдиган ҳайвонлар турларини давлат томонидан ҳисобга олиш бўйича ҳисобот давридаги маълумотлар киритилади.

"Овланадиган ҳайвонлар турлари" деб номланган 3-шаклга идоравий мансуб ҳудудда ов қилинадиган объектлар сирасига киритилган ҳайвонларни давлат томонидан ҳисобга олиш бўйича ҳисобот давридаги маълумотлар киритилади.

"Овланадиган балиқлар турлари" деб номланган 4-шаклга овланадиган балиқлар турларини давлат томонидан ҳисобга олиш бўйича ҳисобот давридаги маълумотлар киритилади.

"Қишлоқ хўжалиги зараркунандалари бўлган ҳайвонлар" ва "Ўрмон хўжалиги зараркунандалари бўлган ҳайвонлар" деб номланган 5-шаклга қишлоқ ёки ўрмон хўжалиги зараркунандалари бўлган ҳайвонларни давлат томонидан ҳисобга олиш бўйича ҳисобот давридаги маълумотлар киритилади.

"Ўта хавфли юқумли касалликларни тарқатувчи ҳайвонлар" деб номланган 6-шаклга ўта хавфли юқумли касалликларни тарқатувчи ҳайвонларни давлат томонидан ҳисобга олиш бўйича ҳисобот давридаги маълумотлар киритилади. Ушбу шакл Ўзбекистон Республикаси Соғлиқни сақлаш вазирлигининг ваколатли ташкилоти томонидан юритилади.

10. Ҳайвон дунёси объектлари тўғрисидаги кадастр маълумотларини тақдим этиш шакллари ушбу Низомга 1-6 иловаларда келтирилган.

4-БОБ. КАДАСТР МАЪЛУМОТЛАРИНИ

ҲИСОБОТ ШАКЛЛАРИГА КИРИТИШ

11. Ҳисобот даврида ҳайвонот дунёси объектларини рўйхатдан ўтказиш китобида акс эттирилган давлат ҳисоби маълумотлари ҳисобот шаклларига киритиш учун кадастр маълумотларининг асосий манбаи ҳисобланади.

12. Ташкилот, хўжалик, муҳофаза этиладиган табиий ҳудуднинг ваколатли шахси давлат томонидан ҳисобга олиш тўғрисидаги маълумотларни ҳайвонот дунёси объектлари давлат кадастрининг ҳисобот шаклларига рўйхатдан ўтказиш китобига киритилган ёввойи ҳайвонларни давлат томонидан ҳисобга олиш бўйича ҳисобот давридаги (йилидаги) маълумотлар асосида киритади.

13. Ваколатли шахс томонидан ҳайвонлар турларининг гуруҳлари бўйича ҳисобот шаклларининг тегишли устунлари тўлдирилади, ҳайвонларнинг турлар бўйича тарқалиш режасида қайд этилган контурлар (полигонлар) рақами "Идентификация рақами" устунига, ҳайвон турининг номи эса "Ҳайвон турининг номи" устунига киритилади.

14. "Камёб ва йўқолиб кетиш хавфи бўлган ҳайвонлар турлари" деб номланган 1-шаклни тўлдиришда тегишли устунларда:

"Идентификация рақами" устунида - ҳар бир турдаги ҳайвоннинг ўзига хос рақами;

"Ҳайвон турининг номи" устунида - ҳайвоннинг номи (илмий, шунингдек, рус ва давлат тилида);

"Табиатни муҳофаза қилиш мақоми" устунида - Ўзбекистон Республикаси Қизил китобида ушбу турдаги ҳайвон учун белгиланган қирилиб кетиш хавфи бўлган мақом;

"Тақсимланиш (ҳудудий тақсимланиш)" устунида - йўналишлар номлари кўрсатилган ҳолда, ҳайвоннинг ушбу тури яшайдиган ҳудуд;

"Соннинг ҳисоб-китоб қилинган (эксперт) баҳоси" устунида - ҳисобот даврида ҳисобга олинган ушбу турдаги ҳайвонлар сони;

"Турнинг популяция ҳолати" устунида - соннинг ўзгариши (қисқариб борувчи, барқарор, кўпайиб борувчи, ҳолат аниқ эмас);

"Лимитловчи омиллар" устунида - ҳайвоннинг ривожланиш ёки мавжуд бўлишини чекловчи омиллар;

"Фойдаланиш" устунида - олиб қўйилган ҳайвонлар сони, олиб қўйиш учун рақам ва сана;

"Яшаш муҳитининг ҳолати" устунида - олиб қўйилган ҳайвонлар сони, олиб қўйиш учун рақам ва сана;

"Муҳофаза этиш чоралари" устунида - идоравий мансуб ҳудудда ушбу турни сақлаб қолиш учун кўрилаётган чоралар;

"Иқтисодий баҳолаш" устунида - ҳисобга олинган ҳайвонларнинг пул билан ифодаланган қиймати кўрсатилади. Мазкур устун табиий питомниклар, давлат буюртма қўриқхоналари, миллий табиат боғлари, биосфера резерватларида тўлдирилади.

15. "Муҳофаза этиладиган табиий ҳудудларда яшайдиган ҳайвонлар турлари" деб номланган 2-шаклни тўлдиришда тегишли устунларда:

"Идентификация рақами" устунида - ҳар бир турдаги ҳайвоннинг ўзига хос рақами;

"Ҳайвон турининг номи" устунида - ҳайвоннинг номи (илмий, шунингдек, рус ва давлат тилида);

"Турнинг табиатни муҳофаза қилиш мақоми" устунида - камёб ва йўқолиб бораётган ҳайвонлар учун - Ўзбекистон Республикаси Қизил китобида ушбу турдаги ҳайвон учун белгиланган қирилиб кетиш хавфи бўлган мақом, бошқа турдаги ҳайвонлар учун - ҳайвоннинг ушбу турига мос келадиган мақом;

"Ҳисобга олиш амалга оширилган муҳофаза этиладиган ҳудуд номи" устунида - жойнинг географик номланиши;

"Ҳисобга олиш амалга оширилган майдон" устунида - ҳайвоннинг ушбу тури ҳисобга олинган аниқ майдон, гектарларда;

"Ҳисобга олинган ҳайвонлар сони" устунида - ҳисобот даврида ушбу турдаги ҳисобга олинган ҳайвонлар сони;

"Турнинг популяция ҳолати" устунида - кўпайиш бўйича қисқача тавсиф, кузатув натижалари бўйича популяция тузилмаси тўғрисида маълумот;

"Фойдаланиш" устунида - олиб қўйилган ҳайвонлар сони, ҳайвонни олиб қўйиш учун асос бўлган ҳужжат рақами. Мазкур устун табиий питомниклар, давлат буюртма қўриқхоналари, миллий табиат боғлари, биосфера резерватларида тўлдирилади;

"Иқтисодий баҳолаш" устунида - ҳайвонларнинг пул билан ифодаланган ҳисобга олиш қиймати кўрсатилади. Бу устун ҳам табиий питомниклар, давлат буюртма қўриқхоналари, миллий табиат боғлари, биосфера резерватларида тўлдирилади.

16. "Овланадиган ҳайвонлар турлари" деб номланган 3-шаклни тўлдиришда тегишли устунларда:

"Идентификация рақами" устунида - ҳар бир турдаги ҳайвоннинг ўзига хос рақами;

"Ҳайвон турининг номи" устунида - ҳайвоннинг номи (илмий, шунингдек, рус ва давлат тилида);

"Турнинг мақоми" устунида - ҳайвоннинг ушбу турига мос мақом (масалан, овланадиган объектлар сирасига кирадиган уяловчи, учиб ўтувчи ва қишловчи);

"Овчилик-балиқ овлаш хўжаликларининг номи" устунида - ҳудудида ҳисобга олиш амалга оширилган хўжаликнинг тўлиқ номи;

"Ҳисобга олиш амалга оширилган майдон" устунида - майдон гектарларда;

"Ҳисобга олинган ҳайвонлар сони" устунида - ўлчов бирликларида ҳисобга олинган ҳайвонлар сони - тури;

"Тур яшайдиган майдондаги (ҳудуддаги) ҳайвонлар сони" устунида -ўлчов бирликларида муайян участкадаги ҳайвонлар сони - тури;

"Турнинг популяция ҳолати" устунида - сонинг ўзгариши (қисқариб борувчи, барқарор, кўпайиб борувчи, ҳолат аниқ эмас);

"Яшаш муҳитининг ҳолати" устунида - ҳайвонлар ҳаёти ва фаолиятига таъсир кўрсатувчи омиллар;

"Фойдаланиш" устунида - ҳисобот даврида овланадиган ҳайвон турини олиб қўйиш бўйича маълумотлар;

"Муҳофаза этиш чоралари" устунида - ҳайвонни муҳофаза этиш учун кўрилаётган чоралар;

"Иқтисодий баҳолаш" устунида - экинзорларда яшайдиган ҳайвон турининг баҳолаш қиймати кўрсатилади.

17. "Овланадиган балиқлар турлари" деб номланган 4-шаклни тўлдиришда тегишли устунларда:

"Идентификация рақами" устунида - ҳар бир турдаги ҳайвоннинг ўзига хос рақами;

"Ҳайвон турининг номи" устунида - ҳайвоннинг номи (илмий, шунингдек, рус ва давлат тилида);

"Турнинг мақоми" устунида - ҳайвоннинг ушбу тури учун мақом;

"Сув ҳавзасининг номи" устунида - ҳисобга олиш амалга оширилган сув ҳавзасининг номи;

"Сув ҳавзасининг майдони" устунида - сув ҳавзасининг майдони гектарларда;

"Сонни эксперт баҳолаш" устунида - сув ҳавзасидаги ушбу турнинг сони тонналарда;

"Турнинг популяция ҳолати" устунида - кўпайишнинг қисқача тавсифи, кузатув натижалари асосида популяция тузилмаси тўғрисида маълумотлар;

"Яшаш муҳитининг ҳолати" устунида - ҳайвонлар ҳаёти ва фаолиятига таъсир кўрсатувчи омиллар;

"Фойдаланиш" устунида -ҳисобот даврида ушбу турдаги тутилган балиқлар сони тонналарда;

"Иқтисодий баҳолаш" устунида - мазкур турдаги тутилган балиқлар ҳисобга олинмаган ҳолда, ушбу турнинг сув ҳавзасидаги захираси қиймати кўрсатилади.

18. "Қишлоқ хўжалиги зараркунандалари бўлган ҳайвонлар" ва "Ўрмон хўжалиги зараркунандалари бўлган ҳайвонлар" деб номланган 5-шаклни тўлдиришда тегишли устунларда:

"Идентификация рақами" устунида - ҳар бир турдаги ҳайвоннинг ўзига хос рақами;

"Ҳайвон турининг номи" устунида - ҳайвоннинг номи (илмий, шунингдек, рус ва давлат тилида);

"Турнинг мақоми" устунида - ҳайвоннинг ушбу турига мос мақом (масалан, хавфли, ўта хавфли, ҳар нарсани ейдиган);

"Хўжаликнинг (ҳудуднинг) номи" устунида -хўжаликнинг тўлиқ номи;

"Тарқалиш жойлари, зарарланган майдон" устунида - ушбу турдаги зараркунанда ҳайвон эгалланган майдон гектарларда;

"Турнинг сони" устунида - ушбу тур сонини аниқлаш учун қўлланиладиган майдон бирлигидаги турлар сони;

"Турнинг популяция ҳолати" устунида - қисқача тавсиф (сонинг ҳаддан зиёд кўпайиши, оммавий кўпайиши, турли жойларга жойлашиши ва бошқалар);

"Ўртача зарарли ва зарарни иқтисодий баҳолаш" устунида - тегишли ишлов берилмаган ҳолатда ҳосилдорликнинг фоизларда ифодаланган камайиши кўрсатилади.

19. "Ўта хавфли юқумли касалликларни тарқатувчи ҳайвонлар" деб номланган 6-шаклни тўлдиришда тегишли устунларда:

"Идентификация рақами" устунида - ҳар бир турдаги ҳайвоннинг ўзига хос рақами;

"Ҳайвон турининг номи" устунида - ҳайвоннинг номи (илмий, шунингдек, рус ва давлат тилида);

"Турнинг мақоми" устунида - ҳайвоннинг ушбу турига мос мақом (масалан, оддий, ўтроқ, кўчиб юрувчи);

"Ҳисобга олиш жойларининг участкалари ва географик координаталари кўрсатилган ҳолда, тақсимланиш (ҳудудий тарқалиш)" устунида - участканинг номи;

"Турнинг сони" устунида - ушбу тур сонини аниқлаш учун қўлланиладиган майдон бирлигидаги турлар сони;

"Турнинг популяция ҳолати" устунида - кўпайишнинг қисқача тавсифи, популяция тузилмаси тўғрисида маълумотлар;

"Фойдаланиш" устунида -ҳисобот даврида ушбу турдаги олиб қўйилган ҳайвонлар сони бўйича маълумотлар;

"Иқтисодий баҳолаш" устунида - ушбу турнинг қиймати ҳақидаги маълумотлар кўрсатилади.

Ҳисобот шаклида назарда тутилмаган, аммо қўшимча муҳим маълумотлар ҳисоботга илова сифатида киритилади.

5-БОБ. КАДАСТР МАЪЛУМОТЛАРИНИ ҲУДУДИЙ

ДАРАЖАГА ТАҚДИМ ЭТИШ

20. Ҳайвонот дунёси объектлари бўйича кадастр маълумотларининг тўлдирилган шакллари ташкилот, хўжаликнинг ваколатли шахси ва раҳбари томонидан имзоланиб, муҳр билан тасдиқланади.

21. Ташкилот, хўжаликнинг ваколатли шахси томонидан ҳайвонот дунёси объектлари бўйича биринчи даражадаги кадастр маълумотлари ҳудудий даражада Ўзбекистон Республикаси Экология ва атроф муҳитни муҳофаза қилиш давлат қўмитасининг (кейинги ўринларда Давлат экология қўмитаси деб аталади) ваколатли бўлинмаларига ҳисобот давридан кейинги йилнинг 15 февралигача рўйхат асосида тақдим этилади.

22. Ташкилот, хўжаликнинг ваколатли шахси томонидан Давлат экология қўмитасининг ваколатли бўлинмаларига тақдим этиладиган кадастр маълумотлари ҳайвонларнинг турлар бўйича тарқалиш режаси, тўлдирилган шакллар ва илова хатидан иборат бўлади.

23. Кадастр маълумотлари ҳудудий даражага тақдим этилгандан сўнг рўйхатдан ўтказиш китобининг "Ҳайвонот дунёсини ҳар йили давлат томонидан ҳисобга олиш маълумотлари" деб номланган 4-бўлимида "Ҳисобот йили учун кадастр маълумотлари Давлат экология қўмитасининг ваколатли бўлинмасига берилди" ёзуви қайд этилади ва кадастр маълумотларини юбориш тўғрисидаги илова хатининг рақами ҳамда санаси кўрсатилади. Илова хати ваколатли шахс имзоси билан тасдиқланиб, унинг нусхаси қабул қилингани ҳақида белги қўйилган ҳолда рўйхатдан ўтказиш китобига ёпиштирилади.

6-БОБ. ЯКУНЛОВЧИ ҚОИДА

24. Ҳайвонот дунёси объектларининг давлат ҳисобини юритадиган ва кадастр маълумотларини Давлат экология қўмитасининг ваколатли бўлинмаларига тақдим этадиган ташкилотларнинг ваколатли шахслари, раҳбарлари кадастр маълумотларининг ишончлилиги, тўлиқли ва қонун ҳужжатларига мувофиқ ўз вақтида тақдим этилиши учун масъулдир.

Низомга

1-ИЛОВА

1-ШАКЛ.

Камёб ва йўқолиб кетиш хавфи

бўлган ҳайвонлар турлари

жадвал

жадвалнинг давоми

     

        

      

       

Низомга

2-ИЛОВА

2-ШАКЛ.

Муҳофаза этиладиган табиий

ҳудудларда яшайдиган ҳайвонлар турлари

жадвал

жадвалнинг давоми

     

        

Низомга

3-ИЛОВА

3-ШАКЛ.

Овланадиган ҳайвонлар турлари

жадвал

жадвалнинг давоми

     

        

Низомга

4-ИЛОВА

4-ШАКЛ.

Овланадиган балиқлар турлари

жадвал

жадвалнинг давоми

     

        

Низомга

5-ИЛОВА

5-ШАКЛ.

Қишлоқ хўжалиги зараркунандалари бўлган

ҳайвонлар ва ўрмон хўжалиги зараркунандалари

бўлган ҳайвонлар

жадвал

жадвалнинг давоми

     

        

Низомга

6-ИЛОВА

6-ШАКЛ.

Ўта хавфли юқумли касалликларни

тарқатувчи ҳайвонлар

жадвал

жадвалнинг давоми