язык интерфейса

ЎзР Конунчилиги

ЎзР Конунчилиги/ Ҳуқуқ-тартиботни муҳофаза қилиш. Хавфсизлик. Маъмурий ва жиноий жавобгарлик/ Ҳуқуқ-тартибот ва хавфсизликни таъминловчи органлар/ Ўзбекистон Республикаси Миллий гвардиясининг тегишли бўлинмаларида шахсий таркибнинг овқатланишини ташкил этиш бўйича аутсорсинг хизматлари кўрсатиш тартиби тўғрисида Низом (ЎзР ВМ 17.04.2019 й. 323-сон қарорига илова)

Полный текст документа доступен в платной версии. По вопросам звоните на короткий номер 1172

Вазирлар Маҳкамасининг

2019 йил 17 апрелдаги

323-сон қарорига

ИЛОВА



Ўзбекистон Республикаси Миллий гвардиясининг

тегишли   бўлинмаларида   шахсий   таркибнинг

овқатланишини ташкил этиш бўйича аутсорсинг

хизматлари кўрсатиш тартиби тўғрисида

НИЗОМ


1-БОБ. УМУМИЙ ҚОИДАЛАР


1. Ушбу Низом Ўзбекистон Республикаси Миллий гвардияси (кейинги ўринларда Миллий гвардия деб аталади) бўлинмаларидаги офицерлар, шартнома асосидаги ҳарбий хизматчилар, ходимлар, муддатли ҳарбий хизматчилар, курсантлар ҳамда академик лицей ўқувчиларининг (кейинги ўринларда шахсий таркиб деб аталади) овқатланишини аутсорсинг шартларида ташкил этиш тартибини белгилайди.


2. Ушбу Низомда қуйидаги асосий тушунчалардан фойдаланилади:


аутсорсинг - буюртмачининг шахсий таркибни овқатлантириш вазифасини шартнома асосида аутсорсерга ўтказиш;


аутсорсер - шартнома асосида буюртмачига аутсорсинг хизмати кўрсатувчи юридик шахс;


буюртмачи - Миллий гвардия бўлинмалари.


3. Шахсий таркибни овқатлантириш қуйидагиларни ўз ичига олади:

стационар ва дала шароитида озиқ-овқат таъминоти;

қуруқ маҳсулотлар таъминоти.


4. Шахсий таркибни овқатлантириш буюртмачининг озиқ-овқат хизмати томонидан аутсорсер хизматини жалб қилиш орқали амалга оширилади.


5. Шахсий таркибни овқатлантириш учун пул маблағлари йиллик талабномалар бўйича белгиланади ва аутсорсинг хизматлари учун келишилган ҳисоб-китоблар, озиқ-овқат меъёри нархлари белгиланган меъёрлар асосида йил бўйича режалаштирилади.


6. Аутсорсинг хизмати буюртмачининг тасдиқланган харажатлар сметаси доирасида бюджет маблағлари ҳисобидан молиялаштирилади.


7. Аутсорсинг хизмати кўрсатиш жараёнида махфийлик тартибига риоя этиш буюртмачи томонидан таъминланади.



2-БОБ. АУТСОРСЕРНИ ТАНЛАШ, ШАРТНОМА

ТУЗИШ ВА ҲИСОБ-КИТОБЛАРНИ АМАЛГА

ОШИРИШ ТАРТИБИ


8. Аутсорсерлар Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари томонидан талабгорларни ўрганиш ҳамда энг яхши таклифларни танлаш орқали танлаб олинади. Бунда умумий овқатланиш соҳасида катта иш тажрибасига, тегишли молиявий, моддий-техника ва логистика базасига эга, ошхоналарнинг ҳолатини яхшилашга тайёр бўлган талабгорларга устунлик берилади.


9. Аутсорсер талабгорларига нисбатан қуйидаги талаблар қўйилади:

юридик шахс бўлиши;

аутсорсинг хизмати бўйича камида бир ойлик шартнома суммасига тенг айланма маблағларга эга бўлиши;

молиявий аҳволининг барқарорлиги, солиқ ва бошқа мажбурий тўловлардан қарздорлиги мавжуд эмаслиги;

стационар ва дала шароитида аутсорсинг хизмати кўрсатиш учун етарли моддий-техника ва логистика базасига эга бўлиши;

штатида етарли иш тажрибасига ва кўникмага эга ходимлар бўлиши.


10. Аутсорсерларни танлаб олиш Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари томонидан талабгорларни ўрганиш ҳамда белгиланган тартибда танловни ўтказиш йўли билан зарурат туғилганда амалга оширилади.


11. Аутсорсерларни танлаш натижалари махсус комиссиянинг баённомаси билан расмийлаштирилади ва тасдиқланган куннинг эртасидан кечиктирмай шахсий таркибнинг овқатланишини ташкил қилиш бўйича аутсорсинг хизматлари кўрсатиш юзасидан Миллий гвардия бўлинмалари билан ушбу Низомга 1-иловада келтирилган намунавий шакл бўйича белгиланган тартибда шартнома тузиш учун буюртмачига юборилади.


12. Озиқ-овқат маҳсулотлари нархларининг бозордаги ўртача кўрсаткичлари тегишли ҳудудда юзага келган нархлар даражасини ҳар ой ўрганиш орқали Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари томонидан белгиланади.


13. Агар озиқ-овқат маҳсулотларининг амалдаги бозор нархлари Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликларининг баённома қарорида белгиланган нархлардан баланд бўлса, буюртмачи аутсорсер билан биргаликда Қорақалпоғистон Республикаси Вазирлар Кенгашига, вилоятлар ва Тошкент шаҳар ҳокимликларига кўриб чиқиш ва қарор қабул қилиш учун тегишли ҳудуддаги амалдаги нархларни ўрганиб чиқиш далолатномаси илова қилинган таклифларни белгиланган тартибда юборади.


14. Озиқ-овқат маҳсулотларининг Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари баённомаларида белгиланган нархлари улар тасдиқлангандан кейинги кундан эътиборан кучга киради.


15. Баённома қарорларнинг тўғри тузилиши учун жавобгарлик Қорақалпоғистон Республикаси Вазирлар Кенгашига, вилоятлар ва Тошкент шаҳар ҳокимликларига юкланади.


16. Аутсорсинг хизмати кўрсатиш бўйича шартнома буюртмачи ва аутсорсер ўртасида календарь йил учун ёзма шаклда икки нусхада тузилади.

Шартномада шахсий таркибнинг сони, бир нафар овқатланувчи учун тасдиқланган меъёрлардаги кунлик озиқ-овқат қиймати, календарь куни ва жами йиллик сумма акс эттирилади.


17. Озиқ-овқат маҳсулотларининг ўртача бозор нархлари Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликларидан ҳар ойнинг 1-санасига қадар Миллий гвардия бўлинмалари томонидан олинади.


Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликларидан олинган озиқ-овқат маҳсулотлари нархи ўзгарганда ёки бошқа асосли ҳолатларда шартномага тегишли ўзгартириш киритилиши мумкин.


18. Кўрсатилган хизматлар ҳисоб-китоби шартнома ойлик суммасининг 15 фоизи миқдорида олдиндан, 85 фоизи ҳақиқатда кўрсатилган хизматлар суммасидан келиб чиқиб ҳар 10 кунда, якуний ҳисоб-китоб эса - кейинги ойнинг 5-санасига қадар амалга оширилади.

Ўзбекистон Республикаси Миллий гвардияси бўлинмаларида овқатланишни ташкил этиш учун аутсорсерни танлаш, аутсорсер ва ҳарбий қисм (муассаса) ўртасида ҳисоб-китоблар мазкур Низомга 2 ва 3-иловаларга мувофиқ схемалар бўйича амалга оширилади.



3-БОБ. АУТСОРСИНГ ХИЗМАТИ КЎРСАТИШДА

ОЗИҚ-ОВҚАТЛАР СИФАТИГА ВА ХАВФСИЗЛИГИГА

ҚЎЙИЛАДИГАН ТАЛАБЛАР


19. Аутсорсинг хизматлари асосида овқат билан таъминлаш қонун ҳужжатларида белгиланган хавфсизлик техникаси ва ёнғин хавфсизлиги, меҳнат муҳофазаси ҳамда санитария қоидалари, нормалари ва гигиена нормативларига риоя қилинган ҳолда амалга оширилиши лозим.


20. Аутсорсер томонидан фойдаланиладиган озиқ-овқат маҳсулотлари тегишли мувофиқлик сертификатлари билан тасдиқланиши, шунингдек, халқаро ва миллий стандартлар талабларига жавоб бериши шарт.


21. Буюртмачига етказиб берилаётган озиқ-овқат маҳсулотлари сифати юзасидан назорат аутсорсер иштирокида буюртмачининг тиббий ҳамда озиқ-овқат хизматлари томонидан амалга оширилади, бунда қабул қилиш далолатномаси тузилиб, у маҳсулот сифатини текширган шахслар томонидан имзоланади ва буюртмачи томонидан тасдиқланади.


22. Аутсорсер ходимлари:

сифатли озиқ-овқат маҳсулотларини қабул қилиши, уларни тўғри сақлаши ва белгиланган меъёрлар асосида сарфлаши;

белгиланган меъёрлар асосида таом тайёрлаш технологиясига қатъий амал қилиши, ортиқча исрофгарчиликка йўл қўймаслиги;

таомларни тайёрлашда, озиқ-овқат маҳсулотларини қабул қилиш ҳамда сақлашда санитария қоидалари, нормалари ва гигиена нормативларига қатъий риоя этиши;

ошпазлик соҳасида зарур билим ва кўникмаларга эга бўлиши ва ўз малакасини доимий равишда ошириб бориши зарур.

Аутсорсер ходимлари қонун ҳужжатларида белгиланган тартибда тиббий кўрикдан ўтиши ва тиббий дафтарчага эга бўлиши шарт.

Мазкур бандда белгиланган талабларга риоя қилмаган шахсларнинг аутсорсер томонидан хизмат кўрсатишга жалб этилиши тақиқланади.


23. Озиқ-овқат маҳсулотларини белгиланган тартибда сақлаш қоидаларига риоя этилиши бўйича жавобгарлик аутсорсерга юкланади.



4-БОБ. ШАХСИЙ ТАРКИБНИНГ

ОВҚАТЛАНИШ ТАРТИБИНИ РЕЖАЛАШТИРИШ,

НАЗОРАТ ҚИЛИШ ВА МОНИТОРИНГНИ

АМАЛГА ОШИРИШ


24. Шахсий таркибнинг овқатланиш тартиби буюртмачи томонидан ишлаб чиқилади.


25. Таомнома санитария қоидалари, нормалари ва гигиена нормативлари асосида тузилади, аутсорсер ва буюртмачи раҳбари томонидан имзо билан тасдиқланади.


26. Таомнома уч нусхада тузилади - биринчи нусхаси аутсорсерга, иккинчи нусхаси буюртмачига ҳамда учинчи нусхаси ошхонага фойдаланиш учун берилади.


27. Таомлар овқатланиш технологияси қоидаларига амал қилган ҳолда тайёрланади, сақланади ва тарқатилади.


28. Шахсий таркибнинг овқатланиши кун мобайнида суткалик овқатланиш меъёрлари бўйича озиқ-овқат маҳсулотларининг тўғри тақсимланиши, шунингдек, кун тартиби бўйича қатъий белгиланган вақтда овқатланиш ташкиллаштирилиши лозим.


29. Озиқ-овқат маҳсулотларини қозонга солиш аутсорсер ва буюртмачи вакиллари иштирокида амалга оширилади.


30. Овқатларни тарқатиш бошлангунга қадар буюртмачи вакиллари томонидан овқатлар сифати, шунингдек, ошхона биносининг санитария ҳолати, ошхона идишлари ва инвентарлари текширилади. Буюртмачи вакиллари текширув натижаларини овқатларни тайёрлаш сифатининг назорат китобида акс эттиради. Бунда унинг сифати тўғрисидаги хулоса ҳар бир овқат пишириш (нонушта, тушлик, кечки овқат) учун алоҳида ёзилади.


31. Аутсорсинг хизмати кўрсатилиши юзасидан мониторинг буюртмачи ташкил этадиган комиссия (кейинги ўринларда комиссия деб аталади) томонидан амалга оширилади.


32. Комиссия таркиби Миллий гвардия Моддий-техника таъминоти бошқармаси моддий таъминот бўлими, буюртмачининг таъминот ва бошқа бўлинмалари ходимларидан шакллантирилади.


33. Комиссия:

аутсорсинг хизмати кўрсатилиши юзасидан доимий мониторинг олиб боради, жумладан шахсий таркиб ўртасида сўровномалар ўтказади;

мониторинг натижаларидан келиб чиқиб, буюртмачи ва аутсорсерга тегишли таклиф ва тавсиялар киритади;

ошхона ва омборларда санитария қоидалари, нормалари ва гигиена нормативларига риоя қилиниши ҳамда эпидемияга қарши тадбирлар талабларининг бузилиши ҳолатларини бартараф этиш чораларини кўради;

тайёр таом ва озиқ-овқат маҳсулотларининг белгиланган кунлик меъёрларга мос бўлишини ҳамда сифатини ўрганади, зарур ҳолатларда четдан мутахассислар жалб этади.

Комиссия буюртмачи томонидан юкланган бошқа ваколатларни ҳам амалга ошириши мумкин.


34. Комиссия томонидан ўтказилган ўрганиш натижалари алоҳида юритиладиган журналда кайд этиб борилади.



5-БОБ. ШАХСИЙ ТАРКИБНИ ИССИҚ

ОВҚАТ БИЛАН ТАЪМИНЛАШ


35. Аутсорсинг шароитида шахсий таркибни иссиқ овқат билан таъминлаш шахсий таркиб етиб келиши ва кетишини хисобга олган ҳолда белгиланган тартибда амалга оширилади.


36. Шахсий таркибни овқатлантириш бўйича ҳисобга киритишда ёки ҳисобдан чиқаришда ҳисоб-китоблар белгиланган кунлик меъёр суммасига нисбатан қуйидагича амалга оширилади:

нонушта учун - 25 %;

тушлик учун - 50 %;

кечки таом учун - 25 %.


37. Миллий гвардия академик лицей ўқувчиларини овқатлантириш бўйича ҳисобга киритишда ёки ҳисобдан чиқаришда ҳисоб-китоблар белгиланган кунлик меъёр суммасига нисбатан қуйидагича амалга оширилади:

нонушта учун - 20 %;

иккинчи нонушта (ёки тушлик) учун - 20 %;

тушлик учун - 40 %;

кечки овқатланиш учун - 20 %.


38. Агар шахсий таркибнинг озиқ-овқат таъминотини ташкил қилиш бўйича жами харажатлар овқатланиш паёги ўрнига пул компенсациясининг белгиланган миқдоридан ошиб кетса, мавжуд тафовут шахсий таркибдан ундирилмайди, харажатлар эса - Ўзбекистон Республикаси Давлат бюджети ва Миллий гвардиянинг бюджетдан ташқари маблағлари ҳисобидан амалга оширилади.


39. Шахсий таркибни овқатлантириш жисмоний ва юридик шахсларнинг ҳомийлик хайриялари ҳисобига ташкил этилганда шахсий таркиб учун белгиланган бир кунлик овқатланиш рациони санитария қоидалари, нормалари ва гигиена нормативларига мувофиқ белгиланган меъёрлардан ошмаслиги лозим.



6-БОБ. АУТСОРСЕР ВА БУЮРТМАЧИНИНГ

ҲУҚУҚЛАРИ ВА МАЖБУРИЯТЛАРИ


40. Аутсорсер қуйидаги ҳуқуқларга эга:

ижарага олинган мол-мулкдан фойдаланиш;

ижарага олинган бино ва иншоотларнинг ички қисмида техник жиҳатдан жиҳозлаш ва таъмирлаш ишларини амалга ошириш;

шахсий таркибнинг сони ва овқатланиш жадвалини белгиланган тартибда олиш;

олинган озиқ-овқат маҳсулотлари нархларининг ўзгариши муносабати билан шартномага ўзгартириш киритиш таклифи билан чиқиш;

кўрсатилган хизматлар учун ўз вақтида тўловлар амалга оширилишини талаб қилиш;

буюртмачидан шартнома шартларининг бажарилишини талаб қилиш.

Аутсорсер қонун ҳужжатларига мувофиқ бошқа ҳуқуқларга ҳам эга бўлиши мумкин.


41. Аутсорсер:

шахсий таркибнинг озиқ-овқат таъминотини узлуксиз, шу жумладан, зарур ҳолатларда, дам олиш ва байрам кунлари ҳамда дала шароитида амалга ошириши;

озиқ-овқат маҳсулотларининг янги ва сифатли бўлишини таъминлаши;

соғлиқ учун зарарли ва яроқсиз озиқ-овқат маҳсулотларидан фойдаланмаслиги ва таомларни тарқатмаслиги;

дала шароитида кўчма ошхона фаолиятини тўлиқ ташкил этган ҳолда, шахсий таркибнинг озиқ-овқат таъминотини амалга ошириши;

ижарага олинган бино ва иншоотлар, жиҳозлардан мақсадли ҳамда оқилона фойдаланиши, сақлаши, носоз ҳолга келганда уларни ўз ҳисобидан таъмирлаши, шунингдек, мулкни сақлаш харажатларини қоплаши;

аутсорсинг хизмати кўрсатишда хавфсизлик техникаси, ёнғин хавфсизлиги, меҳнат муҳофазаси ҳамда санитария қоидалари, нормалари ва гигиена нормативларига қатъий риоя этиши;

озиқ-овқат маҳсулотларининг сифатли сақланишини таъминлаши;

махфийлик тартибига қатъий риоя қилиши лозим.

Аутсорсерга қонун ҳужжатларига мувофиқ бошқа мажбуриятлар ҳам юкланиши мумкин.


42. Буюртмачи қуйидаги ҳуқуқларга эга:

аутсорсердан шартнома шартларини бажариш билан боғлиқ жараёнда қатнашувчи шахслар (ошхона ходимлари) рўйхатини олиш;

озиқ-овқат маҳсулотларининг сифатини тасдиқловчи ҳужжатларни талаб қилиш;

овқатланиш жадвалига ўзгартиришлар киритиш;

аутсорсернинг ишлаб чиқариш фаолиятига аралашмаган ҳолда шартнома шартларининг бажарилишини назорат қилиш.

Буюртмачи қонун ҳужжатларига мувофиқ бошқа ҳуқуқларга ҳам эга бўлиши мумкин.


43. Буюртмачи:

аутсорсерга шахсий таркибнинг сонини ва уларнинг овқатланиш жадвалини ўз вақтида тақдим этиши;

шартномага мувофиқ белгиланган муддат ва шартлар асосида аутсорсерга кўрсатилган хизматлар учун тўловларни амалга ошириши лозим.

Буюртмачи зиммасига қонун ҳужжатларига мувофиқ бошқа мажбуриятлар ҳам юкланиши мумкин.



7-БОБ. ОБЪЕКТЛАР ВА МОДДИЙ-ТЕХНИКА

ВОСИТАЛАРИДАН ФОЙДАЛАНИШ


44. Ошхонада жойлашган моддий-техника воситалари буюртмачи томонидан тегишли далолатнома расмийлаштирилган ҳолда аутсорсерга вақтинчалик фойдаланишга берилади. Далолатнома икки нусхада буюртмачи комиссияси ва аутсорсер томонидан имзоланади. Далолатнома буюртмачи томонидан тасдиқланади.


45. Аутсорсерга вақтинчалик фойдаланишга бериладиган ошхона биносига қўйиладиган асосий талаблар қуйидагилар ҳисобланади:

етарли ўринга эга бўлган, технологик жиҳозлар билан таъминланган, техник ҳолати белгиланган меъёрларга мос бўлган овқатланиш биносининг мавжудлиги;

маҳсулотларни сақлаш учун омборларнинг мавжудлиги;

таом тайёрлаш ускуналари, ошхона мебеллари ва овқатланиш учун зарур бўлган бошқа жиҳозларнинг мавжудлиги.


46. Белгиланган фойдаланиш муддатини ўтаб бўлган ва яроқсиз ҳолатга келган моддий-техника воситалари белгиланган тартибда буюртмачи томонидан ҳисобдан чиқарилади.



8-БОБ. ЯКУНЛОВЧИ ҚОИДАЛАР


47. Ушбу Низомда назарда тутилган талабларнинг бузилиши буюртмачи ва аутсорсернинг тузилган шартномани белгиланган тартибда бекор қилишига асос бўлади.


48. Мазкур Низом талабларининг бузилишида айбдор бўлган шахслар қонун ҳужжатларида белгиланган тартибда жавобгар бўлади.






Низомга

1-ИЛОВА



______________ - ҳарбий қисм (муассаса)

шахсий таркибининг аутсорсинг шартлари

асосида овқатланишини ташкил этиш учун

НАМУНАВИЙ ШАРТНОМА

__________ шаҳри


20___ йил "____" ________

Кейинги ўринларда Буюртмачи деб аталувчи Ўзбекистон Республикаси Миллий гвардияси номидан Низом асосида фаолият

юритувчи ______ - ҳарбий қисм (муассаса) командири


бир томондан


(Ф.И.О.)


    

ва кейинги ўринларда Аутсорсер деб аталувчи _____________________________ номидан Устав (ишончнома) асосида фаолият

          

юритувчи директор


иккинчи томондан, кейинчалик Томонлар деб аталади,


(Ф.И.О)


ушбу Шартномани қуйидагилар тўғрисида туздилар.



I. Шартнома предмети


1.1. Пулли хизмат кўрсатиш Шартномасига кўра, Аутсорсер Буюртмачининг топшириғи бўйича мазкур Шартноманинг 1.2-бандида қайд этилган хизматларни кўрсатиш, Буюртмачи эса - ушбу хизматлар учун пул тўлаш мажбуриятини олади.


1.2. Аутсорсер мазкур Шартноманинг 1.3-бандида кўрсатилган муддатдан бошлаб, у тугагунига қадар ҳар куни _______ - ҳарбий қисм (муассаса) шахсий таркибини озиқ-овқат паёкларининг белгиланган меъёрлари ҳамда Ўзбекистон Республикасининг норматив-ҳуқуқий ҳужжатлари билан белгиланган санитария қоидалари, нормалари ва гигиена нормативларига риоя этган ҳолда, Буюртмачи билан келишилган таомномага мувофиқ уч (тўрт) маҳал иссиқ овқат билан таъминлаш мажбуриятини (кейинги ўринларда Хизматлар деб аталади) ўз зиммасига олади.


1.3. Хизмат кўрсатиш муддати:

20 ___ йил "____" _____________дан 20 ___ йил "____" _____________гача.


1.3.1. Томонлар бажарилган ишларнинг йиғма далолатномаси ва Аутсорсер томонидан амалда кўрсатилган Хизматлар учун белгиланган тартибда расмийлаштирилган ҳисоб-фактурани имзолаганидан ҳамда Буюртмачи томонидан Аутсорсернинг мазкур Шартномада кўрсатилган банк ҳисобрақамига пул маблағлари ўтказилгандан сўнг Хизматлар кўрсатилган деб ҳисобланади.



II. Томонларнинг ҳуқуқлари ва мажбуриятлари


2.1. Аутсорсер қуйидагиларга мажбур:


2.1.1. Таомни ва тайёр маҳсулотни сифатли тайёрлаш бўйича санитария қоидалари, нормалари ва гигиена нормативларига, шахсий таркибнинг тегишли тоифалари учун таъминот меъёрлари, шунингдек, Ўзбекистон Республикаси норматив-ҳуқуқий ҳужжатларининг таом тайёрлаш ва овқатланишни ташкил этишга тааллуқли қисмларидаги талабларга тўлиқ мос келадиган Хизматлар кўрсатиш.


2.1.2. Шахсий таркибнинг овқатланишини ташкил этишда тегишли сифат сертификатлари билан тасдиқланган озиқ-овқат маҳсулотларидан фойдаланиш.


2.1.3. Давлат стратегик захираси ва Миллий гвардия Моддий-техника таъминоти Марказий базаси захираларини янгилаш тартибида Буюртмачининг бўлинмаларидан айрим ўзига хос озиқ-овқат маҳсулотларини харид қилиш.


2.1.4. Аутсорсер томонидан Буюртмачи бўлинмаларидан алоҳида ўзига хос озиқ-овқат маҳсулотларини (масалан, қорамол ва қўй-эчкилар, от гўшти, мол ёғи ва ҳарбий қисм (муассаса) ёрдамчи хўжалигида етиштирилган озиқ-овқат маҳсулотларини ) харид қилиш.


2.1.5. Хизматларни мазкур Шартноманинг 1.3-бандида кўрсатилган муддатда ва тўлиқ ҳажмда кўрсатиши.


2.1.6. Хизматлар кўрсатиш жараёнида Аутсорсер мазкур Шартнома шартларига амал қилмасдан, овқат сифатининг ёмонлашувига олиб келган барча камчиликларни Буюртмачининг талаби бўйича бир кун давомида бепул тўғрилаш.


2.1.7. Таомни тайёрлаш жараёнига фақат белгиланган тартибда тиббий текширувдан (кўрикдан) ўтган ходимларга рухсат этиш.


2.1.8. Ходимлар зиммасига Буюртмачининг ҳудудида одоб-ахлоқ қоидалари, шунингдек, ички кун тартибига риоя қилиш мажбуриятини юклаш.


2.1.9. Хизматларни бевосита кўрсатиш.


2.1.10. Хизматлар нархини оширмаган ҳолда шахсий маблағлари ҳисобидан:

солиқлар тўлаш;

белгиланган тартибда у билан меҳнат шартномаси тузган ходимлар меҳнатига ҳақ тўлаш;

озиқ-овқат маҳсулотларини харид қилиш;

озиқ-овқат маҳсулотларини савдо нуқталаридан хизмат кўрсатиш жойигача етказиш;

совитувчи компрессорлар ва бошқа жиҳозларни соз ҳолатда сақлаш, таъмирлаши, қайта тўлдириш;

ижарага олинган бино, хона, мебель, инвентарь ва бошқаларни зарур ҳолатда сақлаш ва жорий таъмирлаш.


2.1.11. Томонлар имзолайдиган тегишли қабул қилиш-топшириш далолатномаси ва алоҳида ижара шартномасини расмийлаштирган ҳолда Буюртмачидан ишлаб чиқариш хоналари, жиҳозлар ва ошхона мебелини қабул қилиб олиш.


2.1.12. Мазкур Шартномани бекор қилиш ҳақида Буюртмачини бир ой олдин ёзма равишда огоҳлантириш, ушбу муддат тугагунига қадар эса Буюртмачи шахсий таркибининг овқатланишини узлуксиз ташкил этишни таъминлаш.


2.2. Буюртмачи қуйидагиларга мажбур:


2.2.1. Бажарилган ишларнинг йиғма далолатномаси ва расмийлаштирилган ҳисоб-фактура асосида кўрсатилган хизматлар учун амалдаги нархлар бўйича бир ойда камида бир марта Хизматлар ҳақини тўлаш.


2.2.2. Аутсорсерга шахсий таркибнинг овқатланишини ташкил этиш учун ижара шартномаси доирасида "ноль" ставкаси бўйича ошхоналарнинг ишлаб чиқариш хоналари, жиҳозлари ва мебель анжомларини вақтинча фойдаланишга бериш.


2.2.3. Томонлар имзолайдиган тегишли қабул қилиш-топшириш далолатномаси ва алоҳида ижара шартномасини расмийлаштирган ҳолда, Аутсорсерга ошхоналарнинг ишлаб чиқариш хоналари, жиҳозлари ва мебелини топшириш.


2.2.4. Мазкур Шартномани бекор қилиш ҳақида Аутсорсерни бир ой олдин ёзма равишда огоҳлантириш.


2.3. Буюртмачи қуйидаги ҳуқуқларга эга:


2.3.1. Аутсорсернинг фаолиятига аралашмаган ҳолда, бажарилаётган ишларнинг юритилиши ва сифатини исталган вақтда текшириш.


2.3.2. Буюртмачи Шартномани бажаришни рад этиши тўғрисидаги хабарномани олгунга қадар, Аутсорсерга кўрсатилган хизматларнинг қийматини белгиланган тартибда тўлаб, исталган вақтда Шартномани бажаришдан бош тортиш.



III. Шартноманинг нархи ва ўзаро

ҳисоб-китоблар тартиби


3.1. Мазкур Шартноманинг нархи Шартноманинг прогноз суммаси 1-иловага мувофиқ





сон билан

сўз билан

сўмни ташкил этади.


3.2. Аутсорсер Шартнома ойлик қийматининг 15 фоизи миқдорида олдиндан тўлов 3 банк кунида ўтказилади.


3.3. Аутсорсер томонидан кўрсатилган хизматлар учун ўзаро ҳисоб-китоблар бажарилган ишларнинг йиғма далолатномаси ва расмийлаштирилган ҳисоб-фактура асосида кўрсатилган хизматларнинг амалдаги қиймати бўйича 85 фоиз миқдорда ҳақиқатда кўрсатилган хизматлар суммасидан келиб чиқиб ўн кунда камида бир марта амалга оширилади.


3.3.1. Овқатланадиган бир киши учун кўрсатиладиган хизматларнинг амалдаги нархи Аутсорсер етказиб берувчидан харид қилган ва тегишли меъёрлар бўйича тасдиқланган озиқ-овқат маҳсулотларининг амалдаги нархини (Қорақалпоғистон Республикаси Вазирлар Кенгаши, вилоятлар ва Тошкент шаҳри ҳокимликлари баённомаси билан расмийлаштирилиб, баённомаларида кўрсатилган озиқ-овқат маҳсулотлари нархидан баланд бўлмаслиги керак) шахсий таркиб сонига кўпайтириш йўли билан Буюртмачи томонидан белгиланади. Ҳосил бўлган якуний сумма 20 фоиз устама ҳақи миқдорига кўпайтирилади (яъни, умумий сумма аутсорсернинг 20 фоизлик устама ҳақига кўпайтирилади).


3.3.2. Овқатланувчиларнинг амалдаги сони ҳақидаги маълумотлар ва овқатланадиган бир кишига кўрсатиладиган хизматларнинг амалдаги нархи асосида Буюртмачи кундалик таомномага (озиқ-овқат маҳсулотларининг тақсимотига) мувофиқ Аутсорсер билан биргаликда ҳар ўн кунда тўланиши лозим бўлган суммани кўрсатган ҳолда, бажарилган ишларнинг йиғма далолатномасини тузади ва ҳисоб-фактурани расмийлаштиради ҳамда улар Аутсорсер раҳбари ва ҳарбий қисм (муассаса) командири томонидан имзоланади.


3.3.3. Буюртмачи томонидан амалда кўрсатилган хизматлар нархи белгиланган тартибда расмийлаштирилган бажарилган ишлар далолатномаси ва ҳисоб-фактура олинган вақтдан бошлаб, 10 банк куни давомида Шартномада белгиланган суммадан ортиқ бўлмаган миқдорда тўланади.


3.3.4. Мазкур Шартномага 2-иловада кўрсатилган Шартнома прогноз суммасини ҳисоблаш учун озиқ-овқат маҳсулотларининг нархлари Томонлардан бирининг ташаббуси билан одатда бир ойда камида бир марта қайта кўриб чиқилади.



IV. Томонларнинг мажбуриятлари


4.1. Аутсорсер Буюртмачи шахсий таркибининг овқатланишини ташкил этиши бўйича Шартнома мажбуриятларини ўз вақтида бажармаган ҳолатларда Буюртмачига муддати ўтказиб юборилган ҳар бир кун учун мажбурият бажарилмаган қисмининг 0,5 фоизи миқдорида пеня тўлайди, бунда пенянинг умумий суммаси кўрсатилмаган хизматлар ойлик нархининг 50 фоизидан ошмаслиги керак.


4.2. Пеня (жарима) тўлаш Томонларнинг зиммасидаги мажбуриятларини бажаришдан ёки бузилишларни бартараф этишдан озод қилмайди.


4.3. Мазкур Шартнома шартларининг бажарилмагани ёки тегишли даражада бажарилмагани учун Томонлар Ўзбекистон Республикасининг Фуқаролик кодекси талабларида, "Хўжалик юритувчи субъектлар фаолиятининг шартномавий-ҳуқуқий базаси тўғрисида"ги Ўзбекистон Республикаси Қонуни ҳамда Ўзбекистон Республикасининг бошқа норматив-ҳуқуқий ҳужжатларида назарда тутилган жавобгарликка тортиладилар.


4.4. Томонларнинг Мазкур Шартномада назарда тутилмаган жавобгарлик чоралари Ўзбекистон Республикаси ҳудудида амалда бўлган фуқаролик қонунчилиги нормаларига мувофиқ қўлланилади.



V. Мунозарали вазиятларни ҳал этиш тартиби


5.1. Мазкур Шартномани бажаришда юзага келиши мумкин бўлган низолар ва келишмовчиликлар имкон қадар Томонлар ўртасида музокара ўтказиш йўли билан ҳал этилади.


5.2. Низолар ва келишмовчиликларни Томонлар ўртасида музокара ўтказиш йўли билан ҳал этиб бўлмайдиган ҳолатларда, Ўзбекистон Республикаси қонунчилигида назарда тутилган келишмовчиликларни суддан олдин бартараф этиш тартиб-таомили амалга оширилгандан сўнг улар Ўзбекистон Республикаси қонунчилигида белгиланган тартибда судга кўриб чиқиш учун берилади.



VI. Форс-мажор ҳолатлар


6.1. Томонлар мажбуриятларнинг қисман ёки тўлиқ бажарилмаганлиги учун, агар бундай ҳолат енгиб бўлмас куч, яъни табиий офаатлар, табиий ва техноген тусдаги фавқулодда ҳолатлар ва алоҳида давр оқибати ҳисобланса, жавобгарликдан озод қилинади. Бунда мазкур Шартнома бўйича мажбуриятларни бажариш муддати мутаносиб равишда ушбу ҳодисалар рўй берган муддатга сурилади.



VII. Якунловчи қоидалар


7.1. Ушбу Шартномага ҳар қандай ўзгартириш ва қўшимчалар фақат улар ёзма шаклда расмийлаштирилиб, Томонларнинг ваколатли вакиллари томонидан имзолангандан сўнг ҳақиқий ҳисобланади. Мазкур Шартномага барча иловалар унинг ажралмас қисмини ташкил этади.


7.2. Томонларнинг ҳеч бири мазкур Шартнома бўйича ўз ҳуқуқ ва мажбуриятларини бошқа Томоннинг ёзма шаклдаги розилигисиз бирор бир учинчи томонга бериб юбориши мумкин эмас.


7.3. Ушбу Шартнома икки нусхада тузилган. Иккала нусха айнан бир хил бўлиб, бир хил юридик кучга эга. Томонларнинг ҳар бирида мазкур Шартноманинг бир нусхаси бўлади.



VIII. Мазкур Шартноманинг

амал қилиш муддати


8.1. Ушбу Шартнома икки томонлама имзоланган пайтдан бошлаб кучга киради ва 20 __ йил 31 декабргача амал қилади.



IX. Томонларнинг манзили ва

банк реквизитлари


"Аутсорсер"

"Буюртмачи"

-------------------------------------------

----------------------------------------





20__ йил "__" ______даги __-сон

Шартномага

1-ИЛОВА



ШАРТНОМАНИНГ ПРОГНОЗ СУММАСИ


(сўм)

т/р

Ойлар

Ойдаги

кунлар

сони

1-меъёр*

"Асосий маҳсулотлар

тўплами"

"а" бандига асосан

1-меъёр паёгига қўшимча

бериладиган паёк

Байрам кунларида

"г" бандига асосан 1-меъёрга

қўшимча бериладиган паёк

Жами

сумма

Суткалик озиқ-овқат миқдори

Паёк

қиймати

Умумий сумма

Суткалик озиқ-овқат миқдори

Паёк

қиймати

Умумий сумма

Суткалик озиқ-овқат миқдори

Паёк

қиймати

Умумий сумма

1

январь

31











2

февраль

28/29











3

март

31











4

апрель

30











5

май

31











6

июнь

30











7

июль

31











8

август

31











9

сентябрь

30











10

октябрь

31











11

ноябрь

30











12

декабрь

31











Шартноманинг жами суммаси

365/366











    

Изоҳ:


*) Шартноманинг прогноз суммасини ҳисоблашда Миллий гвардия бўлинмаларида шахсий таркибга озиқ-овқат маҳсулотлари бериладиган бошқа меъёрлар ва хизмат итлари бор бўлган бўлинмалар ҳам меъёр бўйича киритилиши зарур.






20__ йил "__" ______даги __-сон

Шартномага

2-ИЛОВА



Бозордаги ўртача нархлар бўйича

1-меъёр. "Асосий маҳсулотлар тўплами"

қийматининг ҳисоб-китоби

(ҳокимлик баённомасига мувофиқ)

(сўм)

т/р

Озиқ-овқат маҳсулотларининг номи

Ўлчов бирлиги

Меъёр бўйича бир

суткада 1 кишига

1 (кг, дона)

нархи

Умумий сумма

1.

1-нав буғдой унидан тайёрланган нон

гр




2.

1-нав буғдой уни

гр




3.

Ҳар хил ёрмалар

гр




4.

Дуккаклилар

гр




5.

Гуруч

гр




6.

Олий навли макарон маҳсулотлари

гр




7.

Гўшт

гр




8.

Парранда (товуқ, индюк) қуён гўшти

гр




9.

Тозаланган бошсиз балиқ

гр




10.

Ўсимлик ёғи (кунгабоқар ёғи)

гр




11.

Сариёғ

гр




12.

Ошхона маргарини

гр




13.

Сигир сути

гр




14.

Товуқ тухуми

дона




15.

Шакар

гр




16.

Йодланган ош тузи

гр




17.

Чой

гр




18.

Дафна барги, кашнич (уруғи), зира

гр




19.

Қалампир

гр




20.

Хантал кукуни

гр




21.

Сирка (уксус)

гр




22.

Томат пастаси

гр




23.

Сабзавотлар, шу жумладан:

гр





- картошка

гр





- карам

гр





- қизил лавлаги

гр





- сабзи

гр





- пиёз

гр





- бодринг, помидор, бақлажон, саримсоқ пиёз ва кўкатлар

гр





- ошқовоқ, турп, шолғом

гр




24.

Янги узулган мева ва резавор мевалар


гр




25.

Мева-сабзавотлар ва резавор мевалардан тайёрланган шарбат

гр




26.

Таркибида витамин бўлган дорилар, драже

дона




Паёкнинг якуний суммаси:


Паёкнинг умумий суммасидан 20 фоиз устама ҳақ:


20 фоиз қўшилганда паёкнинг якуний суммаси:




Бозордаги ўртача нархлар бўйича 1-меъёр

"Асосий маҳсулотлар тўплами" "а" бандига

асосан қўшимча паёк қийматининг ҳисоб-китоби

(ҳокимлик баённомасига мувофиқ)


(сўм)

т/р

Озиқ-овқат маҳсулотларининг номи

Ўлчов

бирлиги

Меъёр

бўйича бир

суткада

1 кишига

1 кг

нархи

Умумий сумма

1.

1-нав буғдой унидан тайёрланган нон

гр




2.

Яримдудланган колбаса маҳсулотлари

гр




3.

Сариёғ

гр




4.

Шакар

гр




5.

Печенье

гр




6.

Қуруқ мевалар (майиз, ўрик қокиси ва олхўри)





7.

Чой

гр




Паёкнинг якуний суммаси :


20 фоиз устама ҳақ:


20 фоиз қўшилганда паёкнинг якуний суммаси:




Бозордаги ўртача нархлар бўйича байрам кунларида

1-меъёр "Асосий маҳсулотлар тўплами" "г" бандига

асосан қўшимча паёк қийматининг ҳисоб-китоби

(ҳокимлик баённомасига мувофиқ)


(сўм)

т/р

Озиқ-овқат маҳсулотларининг номи

Ўлчов

бирлиги

Меъёр

бўйича бир суткада

1 кишига

1 кг

нархи

Умумий сумма

1.

Гўшт

гр




2.

Печенье

гр




3.

Асал

гр




Паёкнинг якуний суммаси :


20 фоиз устама ҳақ :


20 фоиз қўшилганда паёкнинг якуний суммаси:






Низомга

2-ИЛОВА



Ўзбекистон Республикаси Миллий гвардияси

бўлинмаларида овқатланишни ташкил этиш

учун аутсорсерларни танлаш

СХЕМАСИ

   

Босқичлар

Субъект

Тадбирлар

Муддатлар


  

1-босқич

Ўзбекистон Республикаси

Миллий гвардияси бўлинмалари

Аутсорсерларни танлаш учун (ҳарбий қисмлар, ҳарбий хизматчилар сони ва хизмат турлари рўйхати ва бошқалар кўрсатилган ҳолда) Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликларига талабномалар тақдим этиш.

Зарурат бўлганда.





2-босқич





Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари


1. Аутсорсер талабгорларини ўрганиш ва энг яхши таклифларни танлаб олиш.


2. Ғолиб аутсорсерни аниқлаш ва баённомани расмийлаштириш.


3. Баённомадан кўчирмани (аутсорсерлар танлови натижаларини) ҳарбий қисм (муассаса) командирларига юбориш.

1, 2. Талабнома қабул қилингандан сўнг 10 кун муддатда.

3. Баённома тасдиқланган

кундан кейинги кундан

кечиктирмай.






3-босқич

Ўзбекистон Республикаси

Миллий гвардияси бўлинмалари

1. Аутсорсерлар билан амал қилиш муддати жорий йилнинг

31 декабрь кунигача бўлган шартномани тузиш.


2. Аутсорсерларга товар-моддий бойликлар ва тегишли биноларни далолатномага асосан топшириш.

3 кун муддатда.











Низомга

3-ИЛОВА



Миллий гвардия бўлинмалари ва аутсорсер

ўртасида ўзаро ҳисоб-китобларни

амалга ошириш

СХЕМАСИ

   

Босқичлар


Субъект


Тадбирлар


Муддатлар








1-босқич


Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари


1. Озиқ-овқат маҳсулотлари нархларининг бозордаги ўртача кўрсаткичларини белгилаш.


2. Озиқ-овқат маҳсулотлари нархларининг бозордаги ўртача кўрсаткичлари ҳақида баённомани расмийлаштириш.


3. Миллий гвардия бўлинмаларига озиқ-овқат маҳсулотлари нархларининг бозордаги ўртача кўрсаткичлари ҳақида баённомани етказиш.


1,2) Ҳар ойда - жорий

ойнинг 1-санасигача.

3) Бир кун мобайнида.













2-босқич


Аутсорсерлар


1. Кўрсатилган хизматларнинг асосланган ҳужжатларини расмийлаштириш.


2. Миллий гвардия бўлинмалари билан ўзаро ҳисоб-китоб қилиш учун амалда кўрсатилган хизматлар ҳисоб-фактурасини (бажарилган ишлар далолатномаларини) тақдим этиш.


Ҳар ойда - жорий ойнинг

3-санасигача











3-босқич


Ўзбекистон Республикаси

Миллий гвардияси бўлинмалари


Аутсорсерлар билан кўрсатилган хизматлар учун ўзаро ҳисоб-китобларни қуйидаги тартибда амалга ошириш:


асословчи ҳужжатларни текшириш (ҳисоб-фактуралар, бажарилган ишлар далолатномалари), озиқ-овқат маҳсулотларининг амалдаги нархлари тўғрисидаги баённома билан белгиланган озиқ-овқат маҳсулотларининг нархи оширилгани тўғрисидаги маълумотларни таққослаш;


аутсорсинг хизматлари кўрсатишнинг тегишли жадвалида кўрсатиб ўтилган ойлик сумманинг 15 фоизи миқдоридаги дастлабки тўловни аутсорсернинг банк ҳисобрақамига ўтказиш;


тузилган шартнома шартларига мувофиқ қолган 85 фоиз миқдорида ҳақиқатда кўрсатилган хизматлар суммасидан келиб чиқиб.




Бир кун мобайнида.





Ҳар ойда - жорий ойнинг

10-санасигача.



10 банк иш куни

мобайнида.









Қонун ҳужжатлари маълумотлари миллий базаси (www.lex.uz),

2019 йил 17 апрель