Ўзбекистон Республикаси Президентининг 19.03.2019 й. ПФ-5693-сон "Ўзбекистон Республикаси Президентининг 2019 йил 5 январдаги "Ўзбекистон Республикасида туризмни жадал ривожлантиришга оид қўшимча чора-тадбирлар тўғрисида"ги пф-5611-сон Фармонига ўзгартириш ва қўшимчалар киритиш тўғрисида"ги Фармони

Функция недоступна

ЎЗБЕКИСТОН РЕСПУБЛИКАСИ

ПРЕЗИДЕНТИНИНГ

ФАРМОНИ

19.03.2019 й.

N ПФ-5693

ЎЗБЕКИСТОН РЕСПУБЛИКАСИ

ПРЕЗИДЕНТИНИНГ 2019 ЙИЛ 5 ЯНВАРДАГИ

"ЎЗБЕКИСТОН РЕСПУБЛИКАСИДА ТУРИЗМНИ

ЖАДАЛ РИВОЖЛАНТИРИШГА ОИД ҚЎШИМЧА

ЧОРА-ТАДБИРЛАР ТЎҒРИСИДА"ГИ ПФ-5611-СОН

ФАРМОНИГА ЎЗГАРТИРИШ ВА ҚЎШИМЧАЛАР

КИРИТИШ ТЎҒРИСИДА

Ўзбекистон Республикаси билан Эрон Ислом Республикаси, Жанубий Африка Республикаси ва Хитой Халқ Республикасининг Гонконг махсус маъмурий ҳудуди ўртасидаги инвестициявий иқлимни яхшилаш ва мамлакатимизнинг туристик салоҳиятини ривожлантиришга ижобий таъсир кўрсатадиган халқаро муносабатларни ривожлантириш учун янада қулай шарт-шароитларни яратиш мақсадида:

1. Ўзбекистон Республикаси Президентининг 2019 йил 5 январдаги "Ўзбекистон Республикасида туризмни жадал ривожлантиришга оид қўшимча чора-тадбирлар тўғрисида"ги ПФ-5611-сон Фармонига иловага мувофиқ ўзгартириш ва қўшимчалар киритилсин.

2. Мазкур Фармоннинг ижросини назорат қилиш Ўзбекистон Республикасининг Бош вазири А.Н. Арипов зиммасига юклансин.

Ўзбекистон Республикаси Президенти                         Ш. Мирзиёев

Ўзбекистон Республикаси

Президентининг

2019 йил 19 мартдаги

ПФ-5693-сон Фармонига

ИЛОВА

Ўзбекистон Республикаси Президентининг

2019 йил 5 январдаги "Ўзбекистон Республикасида

туризмни жадал ривожлантиришга оид қўшимча

чора-тадбирлар тўғрисида"ги ПФ-5611-сон

Фармонига киритилаётган ўзгартириш

ва қўшимчалар

1. 4-илова:

а) қуйидаги мазмундаги 15 ва 77-бандлар билан тўлдирилсин:

"15. Эрон Ислом Республикаси;

77. Жанубий Африка Республикаси";

б) 15 - 75-бандлар тегишли равишда 16 - 76-бандлар ва 76-банд тегишли равишда 78-банд деб ҳисоблансин;

в) 15-банд "шу жумладан, Хитой Халқ Республикасининг Гонконг махсус маъмурий ҳудуди" сўзлар билан тўлдирилсин.

2. 6-илова:

а) қуйидаги мазмундаги 23 ва 109-бандлар билан тўлдирилсин:

"23. Эрон Ислом Республикаси;

109. Жанубий Африка Республикаси";

б) 23 - 107-бандлар тегишли равишда 24 - 108-бандлар ва 108 - 109-бандлар тегишли равишда 110 - 111-бандлар деб ҳисоблансин;

в) 27-банд "шу жумладан, Хитой Халқ Республикасининг Гонконг махсус маъмурий ҳудуди" сўзлар билан тўлдирилсин.

Қонун ҳужжатлари маълумотлари миллий базаси (www.lex.uz),

2019 йил 19 март