язык интерфейса

ЎзР Конунчилиги

ЎзР Конунчилиги/ Базада янги/ Август, 2019 й./ Айрим тармоқларнинг фаолияти/ Саноат/ Ўзбекистон Республикаси Вазирлар Маҳкамасининг 30.07.2019 й. 633-сон "Ёқилғи-энергетика ресурсларининг нархлари ва тарифларини ўзгартириш тўғрисида"ги Қарори

Вы можете получить доступ на один день к продукту Законодательство Руз.

ЎЗБЕКИСТОН РЕСПУБЛИКАСИ

ВАЗИРЛАР МАҲКАМАСИНИНГ

ҚАРОРИ

30.07.2019 й.

N 633



ЁҚИЛҒИ-ЭНЕРГЕТИКА РЕСУРСЛАРИНИНГ

НАРХЛАРИ ВА ТАРИФЛАРИНИ

ЎЗГАРТИРИШ ТЎҒРИСИДА


Молиявий интизомни мустаҳкамлаш ва ёқилғи-энергетика комплекси корхоналарининг мувозанатли ривожланишини таъминлаш, шунингдек, энергия ресурслари ва нефть маҳсулотлари учун ўзаро ҳисоб-китоблар тизимини янада такомиллаштириш мақсадида Вазирлар Маҳкамаси ҚАРОР ҚИЛАДИ:


1. 2019 йил 15 августдан бошлаб ёқилғи-энергетика ресурсларининг нархлари ва тарифлари 1-иловага мувофиқ тасдиқлансин.


2. 2019 йил 15 августдан бошлаб:

а) автомобиль бензини ва дизель ёқилғисини пировард истеъмолчига сотишда тўланадиган акциз солиғи ҳисобга олинган ҳолда:

Аи-80 маркали автомобиль бензинининг чакана нархи - бир литри учун 4 500 сўм;

дизель ёқилғисининг чакана нархи - бир литри учун 5 400 сўм;

ЭКО дизель ёқилғисининг чакана нархи - бир литри учун 5 700 сўм этиб;

б) Аи-91 маркали автомобиль бензини биржа савдолари орқали сотиладиган тартиб;

в) қонунчиликда белгиланган айрим тоифадаги шахсларга автомобиль бензини харид қилиш харажатларининг бир қисмини қоплаш учун ҳар ойлик пул компенсацияси 75 000 (етмиш беш минг) сўм миқдорида белгилансин.

"Ўзбекнефтгаз" АЖ, "Ҳудудий электр тармоқлари" АЖ, "Ўзтрансгаз" АЖ ва "Ўзбекистон темир йўллари" АЖ Ўзбекистон Республикаси Молия вазирлиги билан биргаликда ушбу қарорга мувофиқ ёқилғи-энергетика ресурсларининг жорий этилаётган янги нархлари ва тарифлари прейскурантларини барча манфаатдор вазирликлар, идоралар ва бошқа шахсларга етказсинлар.


3. "Ўзбекнефтгаз" АЖ, "Ўзтрансгаз" АЖ ва уларнинг ҳудудий корхоналари, филиаллари, шунингдек, автомобилларга ёқилғи қуйиш шохобчаларида автомобиль бензини, автомобилларга газ тўлдириш компрессор станцияларида табиий (сиқилган) газни сотувчи хўжалик юритувчи субъектлар Энергетика вазирлиги ҳузуридаги Нефть маҳсулотлари ва газдан фойдаланишни назорат қилиш инспекцияси ва Ўзбекистон Республикаси Давлат солиқ қўмитаси билан биргаликда автомобилларга ёқилғи қуйиш шохобчаларидаги автомобиль бензини, автомобилларга газ тўлдириш компрессор станцияларидаги табиий газ ва газ тўлдириш пунктлари ва шохобчаларидаги суюлтирилган газ қолдиқларини 2019 йил 15 августдаги ҳолатига кўра қайта баҳоласинлар.


4. Тошкент шаҳрининг Юнусобод туманида бир нафар абонентга аҳолининг электр энергияси истеъмоли базавий нормалари жорий этилишининг ижобий натижалари маълумот учун қабул қилинсин.

Ўзбекистон Республикаси Энергетика вазирлиги, Молия вазирлиги, Иқтисодиёт ва саноат вазирлиги "Ҳудудий электр тармоқлари" АЖ билан биргаликда бир ой муддатда Ўзбекистон Республикаси Вазирлар Маҳкамасига табиий газ ва электр энергияси истеъмолининг базавий нормаларини қўллаш механизмлари ва миқдорлари тўғрисида таклифлар киритсинлар, шу жумладан, бир ойда 250 кВт/соатдан ортиқ электр энергиясини истеъмол қиладиган маиший абонентлар учун белгиланган тарифга 1,5 баравардан ортиқ бўлмаган оширилувчи коэффициент қўлланилишини назарда тутсинлар.


5. Белгилансинки, ушбу қарор кучга киргунга қадар электр энергияси (шу жумладан, актив, реактив энергия учун) ва табиий газ ҳажмлари учун тўлов аванс билан тўланган тақдирда, маиший истеъмолчилар (аҳоли) тўлов тўланган кундан бошлаб кейинги 6 ойдан ортиқ бўлмаган муддатда тариф ўзгарганда қўшимча тўловлар тўлашдан озод қилинади.


6. Ўзбекистон Республикаси Энергетика вазирлиги "Ҳудудий электр тармоқлари" АЖ, "Ўзтрансгаз" АЖ, Қорақалпоғистон Республикаси Вазирлар Кенгаши ва вилоятлар ҳокимликлари билан биргаликда бир ой муддатда Ўзбекистон Республикаси Вазирлар Маҳкамасига ҳар бир туманда электр энергияси ва табиий газни ҳисобга олиш приборларини, энергияни тежайдиган технологияларни сотадиган ва уларга техник хизмат кўрсатадиган ихтисослаштирилган дўконлар ташкил этиш тўғрисида таклифлар киритсин.


7. "Ўзбекистон темир йўллари" АЖ:

2019 йилда кўмир ишлаб чиқариш ва тақсимлаш баланси сўзсиз бажарилишини, шунингдек, кўмир маҳсулотлари истеъмолчиларга ўз вақтида ва барқарор етказиб берилишини таъминласин;

Ўзбекистон Республикаси Молия вазирлиги, Иқтисодиёт ва саноат вазирлиги, Монополияга қарши курашиш қўмитаси билан биргаликда 2020 йил 1 апрелгача бўлган муддатда Ўзбекистон Республикаси Вазирлар Маҳкамасига 2020/2021 йиллар куз-қиш давридан бошлаб кўмир маҳсулотларини сотишнинг бозор механизмларини жорий этиш тўғрисида таклифлар киритсин.


8. Қорақалпоғистон Республикаси Вазирлар Кенгаши ва вилоятлар ҳокимликлари аҳолини, айниқса, бориш қийин бўлган аҳоли пунктларида яшайдиган аҳолини, шунингдек, бюджет ташкилотларини кўмир маҳсулотлари билан, шу жумладан, уни импорт қилиш ҳисобига таъминлаш юзасидан зарур чора-тадбирлар кўрсинлар.


9. Ўзбекистон Республикаси Вазирлар Маҳкамаси ҳузуридаги Идоралараро тариф комиссияси 2019 йил 15 августдан бошлаб:

а) Ўзбекистон Республикаси Энергетика вазирлиги, "Ўзбекнефтгаз" АЖ, "Иссиқлик электр станциялари" АЖ, "Ўзбекистон миллий электр тармоқлари" АЖ ва "Ҳудудий электр тармоқлари" АЖ билан биргаликда:

нефть-газ тармоғининг қазиб олувчи ва қайта ишловчи корхоналари томонидан маҳсулотларга тўғридан-тўғри шартномалар бўйича (табиий газ, нефть, газ конденсати, суюлтирилган газ) янги ички тармоқ нархлари, воситачилик шартномасига мувофиқ республика истеъмолчиларига табиий газ ва нефть маҳсулотлари етказиб бериш ваколатига эга бўлган ташкилотларнинг воситачилик тақдирлаш пули, шунингдек, ишлаб чиқаришнинг рентабеллигига эришиш учун электр энергияси ишлаб чиқариш, узатиш, тақсимлаш ва сотишга тарифлар ҳамда иссиқлик энергияси ишлаб чиқариш тарифлари;

электр ва иссиқлик энергияси, шунингдек, табиий газ истеъмолчиларидан ва улгуржи қайта сотувчилардан тушадиган пул маблағларини тақсимлаш тартиби;

б) "Ўзбекистон темир йўллари" АЖ билан биргаликда - "Ўзбеккўмир" АЖ ва "Шарғункўмир" АЖ томонидан ишлаб чиқариладиган ва истеъмолчиларга сотиладиган кўмирнинг аҳоли ва бюджет ташкилотлари учун амалдаги чакана нархлар 10 фоизга кўпайтирилган ҳолда янги нархлари;

в) Ўзбекистон Республикаси Уй-жой коммунал хизмат кўрсатиш вазирлиги, Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари билан биргаликда - кўрсатилаётган хизматлар рентабеллиги таъминланиши ҳисобга олинган ҳолда иссиқлик таъминоти, сув таъминоти ва канализация хизматларига тарифлар;

г) Ўзбекистон Республикаси Транспорт вазирлиги, Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари билан биргаликда - шаҳар йўловчилар ташиш транспортида (йўналишли ва йўналишсиз таксилар бундан мустасно) йўловчилар ташиш хизматларига янги тарифлар белгиланишини таъминласин.


10. Ўзбекистон Республикаси Ҳукуматининг 2-иловага мувофиқ айрим қарорларига ўзгартиришлар киритилсин.


11. Вазирликлар ва идоралар бир ой муддатда ўзлари қабул қилган норматив-ҳуқуқий ҳужжатларни ушбу қарорга мувофиқлаштирсинлар.


12. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосари - молия вазири Ж.А. Қўчқоров ва Ўзбекистон Республикаси энергетика вазири А.С. Султонов зиммасига юклансин.



Ўзбекистон Республикасининг Бош вазири                           А. Арипов






Вазирлар Маҳкамасининг

2019 йил 30 июлдаги

633-сон қарорига

1-ИЛОВА



Ёқилғи-энергетика ресурсларининг

НАРХЛАРИ ВА ТАРИФЛАРИ

Т/р

Номи


Ўлчов

бирлиги


1 ўлчов бирлиги

учун нархлар ва

тарифлар (ҚҚС

ҳисобга олинган

ҳолда сўм)


1.

Истеъмолчиларнинг I-IV гуруҳлари учун электр энергияси




1.1.

Истеъмолчиларнинг I ва II гуруҳлари учун


кВт/соат

450

1.2.

Истеъмолчиларнинг III гуруҳи, шу жумладан, аҳоли учун


кВт/соат

295

1.3.

Истеъмолчиларнинг IV гуруҳи учун


кВт/соат

450

1.4.

Ўзбекистон Республикаси Президентининг 2017 йил 8 ноябрдаги ПҚ-3379-сон қарори билан тасдиқланган рўйхат бўйича маҳсулотлар ишлаб чиқарувчи ва айрим хизматлар кўрсатувчи истеъмолчилар учун


кВт/соат

450

2.

Қуйидагиларга бериладиган табиий газ:




2.1.

коммунал-маиший эҳтиёжлар учун аҳолига, идоравий ва муниципал турар жой фондига, юридик шахсларнинг ётоқхоналарига ва аҳолининг газ таъминоти учун табиий газдан фойдаланиладиган хусусий уй-жой мулкдорлари ширкатларига ва иссиқ сув таъминоти ва турар жой биноларини иситиш учун - маҳаллий қозонхоналарга, газни ҳисобга олиш приборлари мавжуд бўлганда


куб.м

380

2.2.

табиий газни ҳисобга олиш приборлари мавжуд бўлмаганда коммунал-маиший эҳтиёжлар учун аҳолига:



овқат тайёрлаш ва иссиқ сув таъминоти учун


куб.м

660


иситиш учун


куб.м

380

2.3.

автомобилларга газ тўлдириш компрессор станцияларига (шу жумладан, балансида автомобиль газ тўлдириш компрессор станциялари бўлган юридик шахсларга)


куб.м

1 000

2.4.

Ўзбекистон Республикаси Президентининг 2017 йил 8 ноябрдаги ПҚ-3379-сон қарори билан тасдиқланган рўйхат бўйича маҳсулотлар ишлаб чиқарувчи ва айрим хизматлар кўрсатувчи истеъмолчиларга


куб.м

1 000

2.5.

бошқа улгуржи истеъмолчиларга


куб.м

660

3.

Маиший эҳтиёжлар учун аҳолига сотиладиган табиий газ


кг

1 120

       





Вазирлар Маҳкамасининг

2019 йил 30 июлдаги

633-сон қарорига

2-ИЛОВА



Ўзбекистон Республикаси Ҳукуматининг

айрим қарорларига киритилаётган

ўзгартиришлар


1. Вазирлар Маҳкамасининг "Нефть маҳсулотлари билан таъминлаш тизимини ва уларни сотишда ҳисоб-китоб қилиш механизмини янада такомиллаштириш тўғрисида" 2003 йил 19 майдаги 225-сон қарори 1-бандининг тўртинчи хатбоши қуйидаги таҳрирда баён қилинсин:

"хўжалик шартномалари, шу жумладан, нефть маҳсулотлари сотишга воситачилик шартномалари тузадилар".


2. Вазирлар Маҳкамасининг "Ўзбекнефтгаз" миллий холдинг компаниясининг бошқарув тузилмасини такомиллаштириш тўғрисида" 2003 йил 21 октябрдаги 460-сон қарорининг 6-банди ўз кучини йўқотган деб ҳисоблансин.


3. Вазирлар Маҳкамасининг "Электр энергияси ва табиий газдан фойдаланиш тартибини такомиллаштиришга доир қўшимча чора-тадбирлар тўғрисида" 2018 йил 12 январдаги 22-сон қарорида:


а) 1-илова 83-бандининг учинчи хатбошидаги ва 116-банддаги "6 ойдан" сўзлари "2 ойдан" сўзлари билан алмаштирилсин;


б) 2-илованинг 102-бандидаги "олти ойдан" сўзлари "икки ойдан" сўзлари билан алмаштирилсин.


4. Вазирлар Маҳкамасининг "Ёқилғи-энергетика ресурсларининг нарх ва тарифларини босқичма-босқич ўзгартириш тўғрисида" 2018 йил 1 ноябрдаги 897-сон қарорининг 1, 2 ва 5-бандлари, шунингдек, қарорга 1 ва 2-иловалар ўз кучини йўқотган деб ҳисоблансин.


5. Вазирлар Маҳкамасининг "Ўзбекистон Республикаси Ҳукуматининг айрим қарорларига ўзгартириш ва қўшимчалар киритиш тўғрисида" 2019 йил 24 мартдаги 243-сон қарорига илованинг 2-банди ўз кучини йўқотган деб ҳисоблансин.


Изоҳ. Вазирлар Маҳкамасининг "Ёқилғи-энергетика ресурсларининг нарх ва тарифларини босқичма-босқич ўзгартириш тўғрисида" 2018 йил 1 ноябрдаги 897-сон қарорининг 1 ва 2-бандлари ва қарорга 1 ва 2-иловалар, шунингдек, Вазирлар Маҳкамасининг "Ўзбекистон Республикаси Ҳукуматининг айрим қарорларига ўзгартириш ва қўшимчалар киритиш тўғрисида" 2019 йил 24 мартдаги 243-сон қарорига илованинг 2-банди 2019 йил 15 августдан бошлаб ўз кучини йўқотади.



Қонун ҳужжатлари маълумотлари миллий базаси (www.lex.uz),

2019 йил 31 июль