Божхона

Функция недоступна

КОНТРАФАКТ ТОВАРЛАР

ЙЎЛИГА ҒОВ БЎЛИБ

Бугунги кунда мамлакатимиз маҳсулотларини Шарқу Ғарбда бирдек учратиш мумкин. Экспорт салоҳиятимиз муттасил ўсиб бораётган бир пайтда юртимиз кўплаб маҳсулотларни ўзи ҳам хориждан импорт қилади. Ана шу жараёнларда сифатсиз ва контрафакт маҳсулотлар оқимини ўз вақтида аниқлаб, улар йўлига ғов бўлиш божхона хизмати органларининг асосий вазифаларидандир.

Дарҳақиқат, хорижий давлатларда ишлаб чиқарилган контрафакт товарларнинг республикага кириб келиши ёки ички ҳудудларда сифатсиз маҳсулотларнинг хуфиёна тайёрланиши иқтисодиётимизга бўлаётган энг асосий таҳдидлардан ҳисобланади.

Экспертларнинг фикрига кўра, бугунги кунда ишлаб чиқарилаётган ЭҲМ учун яратилган дастурлар, интернетдаги ахборот ва лицензион маҳсулотлар, шу жумладан CД ва ДВД дискларнинг 70-80 фоизи, алкоголь, кийим-кечак, пойабзал маҳсулотларининг 30-40, чой, кофе, тайёр озиқ-овқат маҳсулотларининг 30, тўқимачилик маҳсулотларининг 25, дори-дармонлар ва атторлик маҳсулотларининг 10-15, тамаки маҳсулотларининг 1-2 фоизи қалбакилаштирилади*.

Кўриниб турибдики, Ўзбекистон ички бозоридаги барча товарларнинг ҳам сифатини тўлиқ кафолатланган деб бўлмайди. Статистик маълумотларга кўра, импорт қилинаётган товарларнинг 8-10 фоизи давлат синов лабораторияларининг натижаларига кўра давлат стандарти ва санитария талабларига мос келмаслиги аниқланган. Ички бозорларимизда қалбаки спиртли ичимликлар, сариёғ, колбаса ва қандолат маҳсулотлари, чой, кофе, пойабзал, косметика ва парфюмерия, маиший техника анжомлари каби кўплаб товарларни учратиш мумкин.

Қалбакини таниб олса