Божхона

Funksiyani amalga oshirishning imkoni yo`q

Тадқиқот

ТАШҚИ САВДОНИ РИВОЖЛАНТИРИШДА

ЖСТнинг ЎРНИ

Мамлакатимизда ташқи савдони янада ривожлантириш мақсадида ҳозир Жаҳон савдо ташкилотига (ЖСТ) аъзо бўлиш масаласи долзарб бўлиб турибди. Хўш, бу ташкилотга аъзо бўлиш Ўзбекистонга нима беради? Бу аъзоликнинг қандай паст-баланд томонлари бор? Бугунги мавзу шу ҳақда.

Аввало айтиш керакки, ЖСТни тузиш ғояси 1944 йилда БМТнинг молия ва пул айланмаси масаласига бағишлаб Бреттон-Вудсда (АҚШ) ўтказилган анжуман чоғида пайдо бўлган. Мақсад БМТнинг халқаро иқтисодий ҳамкорликка ихтисослашган махсус агентлигини ташкил этиш эди. 1947 йилда Гавана шаҳрида (Куба) БМТнинг навбатдаги анжуманида Гавана хартияси қабул қилинган, аммо у кучга кирмаган. Шу йили Савдо ва тарифлар бўйича бош битим тузилган ва у 1994 йилгача амалда бўлган. 1995 йил 1 январидан эса ушбу битим негизида ЖСТ фаолият бошлаган. 10 дан зиёд турли йўналишдаги битимлар унинг норматив-ҳуқуқий базасини ташкил этади. Бу ҳужжатлар талабини бажариш ташкилотнинг барча аъзолари учун мажбурий бўлиб, аъзо бўлишни истаган давлатлар ўз миллий қонунчилигини уларга мувофиқлаштириши керак.

Бинобарин, ЖСТга аъзо бўлиш мамлакатимиз иқтисодиётини янада ривожлантиришда ало