Ўзбекистон Республикаси Вазирлар Маҳкамасининг 21.11.2019 й. 927-сон "Вазирлар Маҳкамасининг 2003 йил 14 ноябрдаги 510-сон қарори билан тасдиқланган Геодезия ва картография фаолиятини лицензиялаш тўғрисидаги низомга ўзгартиришлар киритиш тўғрисида"ги Қарори

Функция недоступна

ЎЗБЕКИСТОН РЕСПУБЛИКАСИ

ВАЗИРЛАР МАҲКАМАСИНИНГ

ҚАРОРИ

21.11.2019 й.

N 927

ВАЗИРЛАР МАҲКАМАСИНИНГ

2003 ЙИЛ 14 НОЯБРДАГИ 510-СОН ҚАРОРИ

БИЛАН   ТАСДИҚЛАНГАН   ГЕОДЕЗИЯ   ВА

КАРТОГРАФИЯ ФАОЛИЯТИНИ ЛИЦЕНЗИЯЛАШ

ТЎҒРИСИДАГИ НИЗОМГА ЎЗГАРТИРИШЛАР

КИРИТИШ ТЎҒРИСИДА

Геодезия ва картография фаолиятини соддалаштириш, шунингдек, бизнес юритиш шароитларини яхшилаш мақсадида Вазирлар Маҳкамаси ҚАРОР ҚИЛАДИ:

1. Вазирлар Маҳкамасининг 2003 йил 14 ноябрдаги 510-сон қарори (Ўзбекистон Республикаси ҚТ, 2003 й., 11-сон, 119-модда) билан тасдиқланган Геодезия ва картография фаолиятини лицензиялаш тўғрисидаги низомга иловага мувофиқ ўзгартиришлар киритилсин.

2. Ўзбекистон Республикаси Ер ресурслари, геодезия, картография ва давлат кадастри давлат қўмитаси манфаатдор вазирликлар ва идоралар билан биргаликда ўзлари қабул қилган норматив-ҳуқуқий ҳужжатларни бир ой муддатда ушбу қарорга мувофиқлаштирсин.

3. Мазкур қарорнинг бажарилишини назорат қилиш Ўзбекистон Республикаси Бош вазирининг Аграр ва озиқ-овқат соҳаларини ривожлантириш масалалари бўйича маслаҳатчиси А.Д. Вахабов ҳамда Ўзбекистон Республикаси Ер ресурслари, геодезия, картография ва давлат кадастри давлат қўмитаси раиси А.Х. Абдуллаев зиммасига юклансин.

Ўзбекистон Республикасининг Бош вазири                                              А. Арипов

Вазирлар Маҳкамасининг

2019 йил 21 ноябрдаги

927-сон қарорига

ИЛОВА

Вазирлар Маҳкамасининг 2003 йил 14 ноябрдаги

510-сон  қарори  билан  тасдиқланган  Геодезия  ва

картография фаолиятини лицензиялаш тўғрисидаги

низомга киритилаётган ўзгартиришлар

1. 8-банднинг учинчи хатбошидаги "уч йил" сўзлари "икки йил" сўзлари билан алмаштирилсин.

2. 23-банддаги "уч кун" сўзлари "бир кун" сўзлари билан алмаштирилсин.

3. 33-бандда:

учинчи хатбоши чиқариб ташлансин;

тўртинчи - еттинчи хатбошилар тегишли равишда учинчи - олтинчи хатбошилар деб ҳисоблансин.

4. 2-илованинг "Бажариш муддатлари" устуни "5-босқич" позициясидаги "3 кун давомида" сўзлари "1 кун давомида" сўзлари билан алмаштирилсин.

Қонун ҳужжатлари маълумотлари миллий базаси (www.lex.uz),

2019 йил 22 ноябрь