Давлат божхона қўмитасининг 03.11.2019 й. 01-02/15-62-сон "Божхона юк декларациясини тўлдириш тартиби тўғрисидаги йўриқномага ўзгартириш ва қўшимчалар киритиш ҳақида"ги Қарори (АВ томонидан 29.11.2019 й. 2773-4-сон билан рўйхатга олинган)

Функция недоступна

ЎЗБЕКИСТОН РЕСПУБЛИКАСИ

АДЛИЯ ВАЗИРЛИГИ ТОМОНИДАН

РЎЙХАТГА ОЛИНГАН

29.11.2019 й.

N 2773-4

ЎЗБЕКИСТОН РЕСПУБЛИКАСИ

ДАВЛАТ БОЖХОНА ҚЎМИТАСИНИНГ

03.11.2019 й.

N 01-02/15-62

ҚАРОРИ

Божхона юк декларациясини тўлдириш тартиби

тўғрисидаги йўриқномага ўзгартириш ва

қўшимчалар киритиш ҳақида

Ўзбекистон Республикасининг Божхона кодексига мувофиқ Ўзбекистон Республикаси Давлат божхона қўмитаси ҚАРОР ҚИЛАДИ:

1. Ўзбекистон Республикаси Давлат божхона қўмитасининг 2016 йил 29 февралдаги 01-02/15-07-сон қарори (рўйхат рақами 2773, 2016 йил 6 апрель) (Ўзбекистон Республикаси қонун ҳужжатлари тўплами, 2016 й., 14-сон, 133-модда) билан тасдиқланган Божхона юк декларациясини тўлдириш тартиби тўғрисидаги йўриқномага иловага мувофиқ ўзгартириш ва қўшимчалар киритилсин.

2. Мазкур қарор 2020 йил 1 январдан кучга киради.

Раис                                                                 М. Азимов

Қарорга

ИЛОВА

Божхона юк декларациясини тўлдириш тартиби

тўғрисидаги йўриқномага киритилаётган

ўзгартириш ва қўшимчалар

1. 22-бандда:

а) 2-кичик бандда:

иккинчи хатбоши "жўнатувчиси" деган сўздан кейин "ва экспортчиси" деган сўзлар билан тўлдирилсин;

қуйидаги мазмундаги ўн тўққизинчи - йигирма тўртинчи хатбошилар билан тўлдирилсин:

"Агар экспортчи ва юкни жўнатувчи турли шахслар бўлса, хусусан жўнатувчи товарни экспортчининг топшириғига асосан жўнатаётган ёки шунга ўхшаш бошқа ҳолатларда графада аввал жўнатувчининг қисқача номи, жойлашган ери (юридик манзили) ва телефон рақами, сўнгра экспортчининг (товарни етказиб бериш тўғрисида топшириқ берган шахснинг) қисқача номи ва жойлашган ери (юридик манзили) кўрсатилади.

Масалан:

"G`uncha" МЧЖ

Тошкент вилояти, Янгийўл тумани, Самарқанд кўч., 19-уй, телефон: +998ХХ-ХХХ-ХХ-ХХ.

"О`ztadbirkoreksport" АЖ топшириғига асосан, Тошкент шаҳ., Миробод тумани, Ўзбекистон кўч., 1-уй.

БЮДнинг 9-графасида экспортчи тўғрисида маълумот кўрсатиладиган бўлса, мазкур графада жўнатувчидан кейин экспортчи ҳақидаги маълумотлар кўрсатилиши талаб этилмайди.";

ўн тўққизинчи - йигирма олтинчи хатбошилар тегишли равишда йигирма бешинчи - ўттиз иккинчи хатбошилар деб ҳисоблансин;

ўттизинчи хатбошидаги "йигирманчи - йигирма учинчи" деган сўзлар "йигирма олтинчи - йигирма тўққизинчи" деган сўзлар билан алмаштирилсин;

ўттиз биринчи хатбоши қуйидаги таҳрирда баён этилсин:

"Графанинг пастки қисмида "N" белгисидан сўнг юкни жўнатувчининг СТИРи, жўнатувчи номидан унинг таркибий тузилмаси иштирок этаётган ҳолатларда таркибий тузилманинг СТИРи, сўнгра "/" белгисидан кейин юридик манзили (жисмоний шахснинг доимий яшаш манзили) бўйича туман (шаҳар) коди мазкур Йўриқноманинг 15-иловасида келтирилган Ўзбекистон Республикасининг туман ва шаҳарлари таснифлагичига мувофиқ кўрсатилади. СТИРга эга бўлмаган шахслар томонидан олиб ўтилаётган товарларни декларациялашда "999999999" коди кўрсатилади.";

б) 7-кичик банднинг тўққизинчи хатбошиси қуйидаги таҳрирда баён этилсин:

"Графанинг пастки қисмида "N" белгисидан сўнг молиявий тартибга солиш учун жавобгар шахснинг СТИРи, сўнгра "/" белгисидан кейин юридик манзил (жисмоний шахснинг доимий яшаш манзили) бўйича туман (шаҳар) коди мазкур Йўриқноманинг 15-иловасида келтирилган Ўзбекистон Республикасининг туман ва шаҳарлари таснифлагичига мувофиқ кўрсатилади. СТИРга эга бўлмаган шахслар томонидан олиб ўтилаётган товарларни декларациялашда "999999999" коди кўрсатилади.";

в) 25-кичик банднинг биринчи хатбошисидаги "Товарларни кўрикдан ўтказиш жойи" деган сўзлар "Товарлар турган жой" деган сўзлар билан алмаштирилсин;

г) 26-кичик банди қуйидаги мазмундаги ўн бешинчи ва ўн олтинчи хатбошилар билан тўлдирилсин:

"Графанинг пастки чап бурчагида алоҳида ажратилган майдончада декларацияланаётган товарни ишлаб чиқарган (тайёрлаган, етиштирган) шахснинг СТИРи, сўнгра "/" белгисидан кейин юридик манзили (жисмоний шахснинг доимий яшаш манзили) бўйича туман (шаҳар) коди мазкур Йўриқноманинг 15-иловасида келтирилган Ўзбекистон Республикасининг туман ва шаҳарлари таснифлагичига мувофиқ кўрсатилади.

Агар мазкур товарнинг ишлаб чиқарувчиси номаълум ёки товар бир нечта шахс томонидан ишлаб чиқарилган (тайёрланган, етиштирилган) бўлса, жўнатувчининг СТИРи ва ҳудуд коди кўрсатилади.";

ўн бешинчи - ўн саккизинчи хатбошилар тегишли равишда ўн еттинчи - йигирманчи хатбошилар деб ҳисоблансин.

2. 25-бандда:

а) 6-кичик бандда:

иккинчи хатбоши "қабул қилувчиси" деган сўзлардан кейин "ва импортчиси" деган сўзлар билан тўлдирилсин;

қуйидаги мазмундаги ўн саккизинчи - йигирма учинчи хатбошилар билан тўлдирилсин:

"Агар импортчи ва юкни қабул қилувчи турли шахслар бўлса, хусусан қабул қилувчи товарни импортчининг топшириғига асосан қабул қилиб олаётган ёхуд шунга ўхшаш бошқа ҳолатларда графада аввал қабул қилувчининг қисқача номи, жойлашган ери (юридик манзили) ва телефон рақами, сўнгра импортчининг (товарни қабул қилиб олиш тўғрисида топшириқ берган шахснинг) қисқача номи ва жойлашган ери (юридик манзили) кўрсатилади.

Масалан:

"Холис" МЧЖ

Тошкент вилояти, Чиноз тумани, Ўқитувчилар кўч., 17-уй, телефон: +998ХХ-ХХХ-ХХ-ХХ.

"Таъминот" АЖ топшириғига асосан, Тошкент шаҳ., Шайхонтоҳур тумани, А. Ходжаев кўч., 310-уй.

БЮДнинг 9-графасида импортчи тўғрисида маълумот кўрсатиладиган бўлса, мазкур графада қабул қилувчидан кейин импортчи хақидаги маълумотлар кўрсатилиши талаб этилмайди.";

ўн саккизинчи - йигирма бешинчи хатбошилар тегишли равишда йигирма тўртинчи - ўттиз биринчи хатбошилар деб ҳисоблансин;

йигирма тўққизинчи хатбошидаги "ўн саккизинчи - йигирма биринчи" деган сўзлар "йигирма тўртинчи - йигирма еттинчи" деган сўзлар билан алмаштирилсин;

ўттизинчи хатбоши қуйидаги таҳрирда баён этилсин:

"Графанинг пастки қисмида "N" белгисидан сўнг юкни қабул қилувчининг СТИРи, юкни қабул қилувчи номидан унинг таркибий тузилмаси иштирок этаётган ҳолатларда таркибий тузилманинг СТИРи, сўнгра "/" белгисидан кейин юридик манзили (жисмоний шахснинг доимий яшаш манзили) бўйича туман (шаҳар) коди мазкур Йўриқноманинг 15-иловасида келтирилган Ўзбекистон Республикасининг туман ва шаҳарлари таснифлагичига мувофиқ кўрсатилади. СТИРга эга бўлмаган шахслар томонидан олиб ўтилаётган товарларни декларациялашда "999999999" коди кўрсатилади.";

б) 7-кичик банднинг тўққизинчи хатбошиси қуйидаги таҳрирда баён этилсин:

"Графанинг пастки қисмида "N" белгисидан сўнг молиявий тартибга солиш учун жавобгар шахснинг СТИРи, сўнгра "/" белгисидан кейин унинг юридик манзили (жисмоний шахснинг доимий яшаш манзили) бўйича туман (шаҳар) коди мазкур Йўриқноманинг 15-иловасида келтирилган Ўзбекистон Республикасининг туман ва шаҳарлари таснифлагичига мувофиқ кўрсатилади. СТИРга эга бўлмаган шахслар томонидан олиб ўтилаётган товарларни декларациялашда "999999999" коди кўрсатилади.";

в) 25-кичик банднинг биринчи хатбошисидаги "Товарларни кўрикдан ўтказиш жойи" деган сўзлар "Товарлар турган жой" деган сўзлар билан алмаштирилсин;

г) 26-кичик банди қуйидаги мазмундаги ўн тўққизинчи - ўттиз биринчи хатбошилар билан тўлдирилсин:

"8 рақам остида қуйидаги кодлар кўрсатилади:

"101" - агар товарлар Ўзбекистон Республикаси Президентининг қарори билан тасдиқланган Инвестиция дастурига киритилган тўғридан-тўғри хорижий инвестициялар иштирокида амалга оширилаётган инвестиция лойиҳалари доирасида олиб кирилаётган бўлса;

"102" - агар товарлар Ўзбекистон Республикаси Президентининг қарори билан тасдиқланган Инвестиция дастурига киритилган Ўзбекистон Республикаси давлат кафолати остида жалб қилинган халқаро молия ташкилотлари кредит маблағлари ҳисобидан амалга оширилаётган инвестиция лойиҳалари доирасида олиб кирилаётган бўлса;

"103" - агар товарлар Ўзбекистон Республикаси Президенти қарори билан тасдиқланган Инвестиция дастурига киритилган мазкур кичик банднинг йигирманчи ва йигирма биринчи хатбошиларида назарда тутилмаган инвестиция лойиҳалари доирасида олиб кирилаётган бўлса;

"201" - агар Ҳукумат ва вилоят ҳокимлари қарорлари билан тасдиқланган ҳудудларни ривожлантириш бўйича тўғридан-тўғри хорижий инвестициялар иштирокида амалга оширилаётган инвестиция лойиҳалари доирасида олиб кирилаётган бўлса;

"202" - агар Ҳукумат ва вилоят ҳокимлари қарорлари билан тасдиқланган ҳудудларни ривожлантириш бўйича маҳаллий банкларнинг кредит маблағлари ҳисобидан амалга оширилаётган инвестиция лойиҳалари доирасида олиб кирилаётган бўлса;

"203" - агар Ҳукумат ва вилоят ҳокимлари қарорлари билан тасдиқланган ҳудудларни ривожлантириш бўйича амалга оширилаётган мазкур кичик банднинг йигирма учинчи ва йигирма тўртинчи хатбошиларида назарда тутилмаган инвестиция лойиҳалари доирасида олиб кирилаётган бўлса;

"301" - агар товарлар мазкур кичик банднинг йигирманчи - йигирма бешинчи хатбошиларида назарда тутилмаган инвестиция дастури лойиҳаси доирасида олиб кирилаётган бўлса;

"000" - агар товарлар инвестиция дастури лойиҳасига алоқадор бўлмаса.

9 рақами остида ТИФ ТНнинг 8401 - 8414 (8414 20 200 0, 8414 20 800 0, 8414 51 000 0 дан ташқари), 8415 (8415 10 100 0, 8415 10 900 0 дан ташқари), 8416 - 8418 (8418 10 - 8418 50 дан ташқари), 8419 - 8422 (8422 11 000 0 дан ташқари), 8423 (8423 10 100 0 дан ташқари), 8424 - 8450 (8450 11 - 8450 19 дан ташқари), 8451, 8452 (8452 10 дан ташқари), 8453 - 8466, 8474 - 8480, 8486, 8501 - 8504, 8514, 8515, 8526, 8530, 8531, 8537, 8538, 8543, 9006 - 9008, 9010 - 9016, 9018 (9018 31 100 1, 9018 31 100 9, 9018 31 900 1, 9018 31 900 9, 9018 32 100 0, 9018 32 900 0, 9018 39 000 0, 9018 49 100 0, 9018 49 900 0, 9018 90 500 1 дан ташқари), 9019, 9020, 9022 - 9024, 9027, 9030 - 9033 товар позициялари билан таснифланувчи технологик асбоб-ускуналарнинг қайси соҳа учун олиб кирилаётганлиги мазкур Йўриқноманинг 16-иловасида келтирилган Асосий соҳалар таснифлагичига мувофиқ учта рақамдан иборат коди кўрсатилади. Агар товар олиб кирилаётган соҳа Асосий соҳалар таснифлагичида белгиланмаган бўлса "000" кўрсатилади.

10 рақами остида мазкур кичик банднинг йигирма еттинчи хатбошисида назарда тутилган технологик асбоб-ускуналарнинг ишлаб чиқарилган йили, сўнгра "/" белгисидан кейин техник таснифи кўрсатилади.

Графанинг пастки чап бурчагида алоҳида ажратилган майдончада декларацияланаётган товарни истеъмол қилувчи шахснинг СТИРи, сўнгра "/" белгисидан кейин юридик манзили (жисмоний шахснинг доимий яшаш манзили) бўйича туман (шаҳар) коди мазкур Йўриқноманинг 15-иловасида келтирилган Ўзбекистон Республикасининг туман ва шаҳарлари таснифлагичига мувофиқ кўрсатилади.

Агар мазкур товарнинг истеъмолчиси номаълум ёки истеъмолчилар бир нечта бўлса, ушбу товарни қабул қилаётган шахснинг СТИРи ва туман (шаҳар) коди кўрсатилади.";

ўн тўққизинчи - йигирма иккинчи хатбошилар тегишли равишда ўттиз иккинчи - ўттиз бешинчи хатбошилар деб ҳисоблансин.

3. 1 ва 2-иловалар мазкур ўзгартириш ва қўшимчаларнинг 1 ва 2-иловаларига мувофиқ таҳрирда баён этилсин.

4. 11-иловадан 48-позиция чиқариб ташлансин.

5. 12-илова:

а) қуйидаги мазмундаги 69-8 ва 69-9 позициялар билан тўлдирилсин:

  

б) Изоҳ қуйидаги таҳрирда баён этилсин:

"*) Изоҳ: норматив-ҳуқуқий ҳужжатларда белгиланган рухсат этиш хусусиятига эга ҳужжатларнинг олиниши талаб этилмаслиги белгиланган ҳолатларда тўлдирилади.

**) Товарлар мазкур Йўриқноманинг 25-бандининг 26-кичик банди йигирманчи - йигирма иккинчи хатбошиларида кўрсатиб ўтилган инвестиция лойиҳалар доирасида олиб келинаётганда тўлдирилади.

***) Товарлар мазкур Йўриқноманинг 25-бандининг 26-кичик банди йигирма учинчи - йигирма бешинчи хатбошиларида кўрсатиб ўтилган инвестиция лойиҳалар доирасида олиб келинаётганда тўлдирилади.".

6 . Мазкур ўзгартириш ва қўшимчаларнинг 3 ва 4-иловаларига мувофиқ таҳрирдаги 15 ва 16-иловалар билан тўлдирилсин.

Ўзгартириш ва қўшимчаларга

1-ИЛОВА

"Божхона юк декларациясини тўлдириш

тартиби тўғрисидаги йўриқномага

1-ИЛОВА

           

".

Ўзгартириш ва қўшимчаларга

2-ИЛОВА

"Божхона юк декларациясини тўлдириш

тартиби тўғрисидаги йўриқномага

2-ИЛОВА

               

".

Ўзгартириш ва қўшимчаларга

3-ИЛОВА

"Божхона юк декларациясини тўлдириш

тартиби тўғрисидаги йўриқномага

15-ИЛОВА

Ўзбекистон Республикаси ҳудудлари рўйхати

ТАСНИФЛАГИЧИ

   

".

Ўзгартириш ва қўшимчаларга

4-ИЛОВА

"Божхона юк декларациясини тўлдириш

тартиби тўғрисидаги йўриқномага

16-ИЛОВА

Асосий соҳалар

ТАСНИФЛАГИЧИ

    

".

Қонун ҳужжатлари маълумотлари миллий базаси (www.lex.uz),

2019 йил 29 ноябрь